မီးၶၢဝ်ႇလိုဝ်းဝႃႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ဢဵၼ်ႁႅင်းၼပ်ႉႁဵင် ၶိုၼ်ႈမႃးတၢင်းဝဵင်းတူၼ်ႈတီးၼႆသေ ႁဵတ်းႁႂ်ႈၵူၼ်းမိူင်းပိုၼ်ႉတီႈ တူၵ်းၸႂ် ၵူဝ်ပဵၼ်ပၢင်တိုၵ်း တီႈဝဵင်းလူင်တူၼ်ႈတီး။ ဝၼ်းတီႈ 29/08/2024 မိူဝ်ႈၼႆႉ ၼႂ်းဝဵင်းတူၼ်ႈတီး ငဝ်းလၢႆးၼိမ်ယဵၼ်ဝႆႉ ဢမ်ႇလႅပ်ႈတေမီး ပၢင်တိုၵ်းသိုၵ်းသိူဝ်၊ ၵူၼ်းမိူင်း ၵႂႃႇမႃးမိူၼ်ၵဝ်ႇယူႇ။ ၵူၺ်းၵႃႈ ၼႂ်းဝူင်ႈဝၢင်ႈၼႆႉ တၢင်းၸႄႈဝဵင်းလွၵ်ႉၸွၵ်ႇ - ၵျွၵ်ႉၵူႇသမ်ႉ မီးသဵင်ၵွင်ႈတႅၵ်ႇ၊ ၼႂ်းဝၼ်းသွင်ဝၼ်းၼႆႉသမ်ႉ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း (သိုၵ်းတႆး)...

တႄႇဢဝ် ဝၼ်းတီႈ 27/08/2024 ၼႆႉမႃး တပ်ႉသိုၵ်းပူတ်းပွႆႇ ၵူၼ်းမိူင်းၶႄႇ (PLA)  တႄႇၾိုၵ်းၽွၼ်ႉၵၢၼ်သိုၵ်း ၸွမ်းလႅၼ်လိၼ်တႆး - ၶႄႇသေ တေၾိုၵ်းၽွၼ်ႉႁိုင် ၶၢဝ်းတၢင်း (3) ဝၼ်း - ဝႃႈၼႆ။ ငဝ်ႈငုၼ်းၵုမ်းၵမ် တိူင်းသိုၵ်းပွတ်းၸၢၼ်း PLA (PLA တောင်ပိုင်းစစ်နယ်ဝန်းကွပ်ကဲမှုဌာနချုပ်) ပိုၼ်ၽၢဝ်ႇဝႆႉဝႃႈ - တႃႇလွင်ႈႁူမ်ႇလူမ်ႈလႄႈ...

ဝၼ်းတီႈ 25/08/2024 ၼႆႉ ၸုမ်းၵႅတ်ႇၶႄၵူၼ်းမိူင်း PDF တႂ်ႈလူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG လေႃႇတိုၵ်းတပ်ႉသိုၵ်းမၢၼ်ႈသေ ယိုတ်းၵုမ်းလႆႈ ဝဵင်းၽိတ်ႉၶျၢင်း (သပိတ်ကျင်းမြို့) ဢၼ်ၸိုဝ်ႈလိုဝ်းလင် ယွၼ်ႉၵၢၼ်ၶုတ်းၶမ်းသေ ယၢၼ်ၵႆဝဵင်းလိူဝ်ႇ 80 လၵ်းပၢႆၼၼ်ႉ ဝႃႈၼႆ။ မိူဝ်ႈဝၼ်းတီႈ 17 ပူၼ်ႉမႃးၼႆႉ ဝၢႆးယိုတ်းလႆႈဝဵင်း ၸၢင်ႉၵိုဝ် (စဉ်ႉကူး) ယဝ်ႉ ၸုမ်း...

သိုၵ်းမၢၼ်ႈ ထႅမ်ႁႅင်းသိုၵ်း ၶိုၼ်ႈမႃးတၢင်းဝဵင်းၼွင်ၶဵဝ် ပိုတ်းယိုဝ်းတိုၵ်းတေႃးၵၼ်တင်း သိုၵ်းၽွမ်ႉႁူမ်ႈ TNLA လႄႈ PDF ၼႂ်းၸႄႈဝဵင်းၼွင်ၶဵဝ် မၢၵ်ႇလူင်တူၵ်းသႂ်ႇႁိူၼ်းယေးၵူၼ်းမိူင်း။ ဝၼ်းတီႈ 21/08/2024 ယၢမ်းၵၢင်ၼႂ် သိုၵ်းမၢၼ်ႈ ထႅမ်ႁႅင်းသိုၵ်း ၶိုၼ်ႈမႃးတၢင်း ဝၢၼ်ႈတွင်းၶမ်း ႁိုၵ်ႉၸုၼ်ၽႃႇၺႃး ၵၼ်တင်း သိုၵ်းတဢၢင်း TNLA ႁူမ်ႈ PDF လႄႈ လႆႈလေႃႇတိုၵ်း...

သိုၵ်းၵဝ်ႈၵၢင်ႉ MNDAA ႁႅၼ်းသိုၵ်းလေႃႇတိုၵ်း တပ်ႉသိုၵ်းမၢၼ်ႈၶလယ 147 မႃးႁၢဝ်ႈႁႅင်း တီႈဝဵင်းသီႇပေႃႉ ၶၢဝ်းတၢင်း ၸမ်လိူၼ်ယဝ်ႉ ၸင်ႇယိုတ်းၵုမ်းလႆႈ ၽူႈၵွၼ်းတပ်ႉတႄႉ ပၢႆႈလွတ်ႈဝႆႉ ဝႃႈၼႆ။ ဝၼ်းတီႈ 21/08/2024 ယၢမ်းၵၢင်ၼႂ်ၸဝ်ႉ သိုၵ်းၵဝ်ႈၵၢင်ႉ ယိုတ်းၵုမ်းလႆႈ တပ်ႉသိုၵ်းမၢၼ်ႈ ၶလယ 147 ဢၼ်ပၵ်းဝႆႉ တီႈၼႂ်းဢိူင်ႇၼွင်ၵေႃႈလူင် ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ...

ၼႂ်းဝၼ်းတီႈ 20/08/2024 သိုၵ်းမၢၼ်ႈ ႁွတ်ႈထိုင်မႃး တီႈဝတ်ႉၵျွင်းပၢင်ႇၽႅတ်ႈ ၸႄႈဝဵင်းလွၵ်ႉၸွၵ်ႇသေ လဝ်ႈလၢတ်ႈတီႈ ၸဝ်ႈတူၼ်ၶူးၼင်ႈၵျွင်း တႃႇမႃးယွၼ်းၶႂၢင်ႉၾိုၵ်းၵၢၼ်သိုၵ်း ၼႂ်းဝၢင်းၵျွင်းမုၼ်ၸဝ်ႈ ဝႃႈၼႆ။ ၵူၼ်းဝၢၼ်ႈ လၢတ်ႈဝႃႈ - “သိုၵ်းမၢၼ်ႈ ၶဝ်ႈမႃးၼႂ်းၵျွင်းပၢင်ႇၽႅတ်ႈသေ မႃးယွၼ်ႉၶႂၢင်ႉတီႈၸဝ်ႈသြႃႇ ႁဝ်းၶႂ်ႈပိုတ်ႇပၢင်သွၼ် ၵၢၼ်သိုၵ်းၼႆၶႃႈဝႃႇ။ ၸဝ်ႈသြႃႇလႄႈတၵ်ႉၵႃႇ ဢမ်ႇပၼ်ၶႂၢင်ႉလႄႈ ၶဝ်ၶိုၼ်းၵႂႃႇ တၢင်းဝၢၼ်ႈသပ်ႉပေႇပုၼ်ႉထႅင်ႈၶႃႈဢေႃႈ” - ဝႃႈၼႆ။ ယၢမ်းလဵဝ်...

တႄႇၵၢင်လိူၼ်ၼႆႉမႃး သိုၵ်းမၢၼ်ႈ ဢဝ်လုၵ်ႈၸုမ်း တပ်ႉမ 66 ၸုမ်းၾၢႆႇယိုဝ်းတိုၵ်းၵမ်းသိုဝ်ႈ ထႅမ်ႁႅင်းတင်းၼမ် ၶဝ်ႈ ၸူးၼႂ်းၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်းၼႆ -  ၽူႈလဵပ်ႈႁဵၼ်းၵၢၼ်သိုၵ်း ၼႂ်းပိုၼ်ႉတီႈလၢတ်ႈ။ သိုၵ်းမၢၼ်ႈ ႁူမ်ႈဢဵၼ်ႁႅင်းၵူၼ်းသိုၵ်း တီႈငဝ်ႈငုၼ်းတိူင်းသိုၵ်း ပွတ်းဢွၵ်ႇ ယပၶ ဢၼ်ပၵ်းငဝ်ႈဝႆႉ တီႈဝဵင်းတူၼ်ႈတီးသေ ထႅမ်ႁႅင်းသိုၵ်းၵႂႃႇ တၢင်းၸႄႈဝဵင်းသီႇသႅင်ႇ လႅၼ်လိၼ်တႆး - ယၢင်းလႅင်၊...

ၸုမ်းသိုၵ်းတဢၢင်း TNLA ၶဝ်ႈလေႃႇတိုၵ်းတပ်ႉသိုၵ်းမၢၼ်ႈ တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁိုင်မႃးၶၢဝ်းတၢင်း 10 ဝၼ်း ၵူၼ်းမိူင်းၸိူဝ်းတၢႆယွၼ်ႉပၢင်တိုၵ်းၼၼ်ႉၽႂ်ဢမ်ႇၸၢင်ႈၸွႆႈၽဵဝ်ႈၶၢပ်ႈတူဝ် ဢၢႆတူႇၼဝ်ႈဢွၵ်ႇမႃးၸင်ႇႁၼ်တူဝ်တၢႆ။ ၽွင်းပၢင်တိုၵ်းၼႆႉ ၵူၼ်းမိူင်းပိုၼ်ႉတီႈ ဢွၼ်ၵၼ်လႆႈငိူင်ႉပၢႆႈၽေးသိုၵ်း ၵူႈယွမ်ႇၵူႈတၢင်း၊ ၸိူဝ်းၺႃးၸၢၵ်ႇမၢၵ်ႇမၢတ်ႇ ၸဵပ်းလူႉတၢႆ ၵေႃႈမီး။ ၼႂ်းဝၼ်းတီႈ 18 လိူၼ်ထူၼ်ႈပႅတ်ႇ ထူပ်းႁၼ်ၶၢပ်ႈတူဝ်ၵူၼ်းမိူင်းသွင်ၵေႃႉ၊ လူႉတၢႆဝႆႉ မွၵ်ႈ 3-4 ဝၼ်းယဝ်ႉ၊ ၼႂ်းၼၼ်ႉ...

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် တူၵ်းသႂ်ႇႁိူၼ်းယေးၵူၼ်းမိူင်းဝဵင်းၼမ်ႉလၼ်ႈ လူႉၵွႆ 2 လင် ၵူၼ်းဝၢၼ်ႈမၢတ်ႇၸဵပ်းၸၢၵ်ႇမၢၵ်ႇၵေႃႉၼိုင်ႈ လႆႈယူတ်းယႃတူဝ်ဝႆႉ။ ဝၼ်းတီႈ 16/08/2024 ယၢမ်းၵၢင်ဝၼ်းမွၵ်ႈ 3 မူင်း သိုၵ်းမၢၼ်ႈယူႇတၢင်းၵွင်းသူၼ်ၼဵင်ႈလွႆလဵၵ်း ဢၼ်မီးၵွင်းမူးၼၼ်ႉသေ ယိုဝ်းၵွင်ႈလူင်ၵႂႃႇ တူၵ်းသႂ်ႇႁိူၼ်းယေးၵူၼ်းဝၢၼ်ႈတၢင်းပွၵ်ႉၵွင်းလၢင်း လူႉၵွႆ 2 လင်။ ၵူၼ်းမိူင်းဝဵင်းၼမ်ႉလၼ်ႈလၢတ်ႈတီႈၽူႈတွႆႇႁွၵ်ႈဝႃႈ- “မၢတ်ႇၸဵပ်းၵေႃႉၼိုင်ႈပဵၼ်ၼၢင်းယိင်းဢွၼ်ႇ။ ယၢမ်းလဵဝ်ၵႂႃႇယူတ်းယႃတူဝ်ဝႆႉတီႈတူၼ်ႈတီး။ သိုၵ်းမၢၼ်ႈယိုဝ်းၵွင်ႈလူင်ႁိမ်းဝၢၼ်ႈၵူႈဝၼ်းလႄႈ ၵူၼ်းမိူင်းဝဵင်းၼမ်ႉလၼ်ႈ ဢွၼ်ၵၼ်ပၢႆႈၵႂႃႇယူႇတၢင်ႇတီႈတၢင်ႇဝဵင်းယူႇယွတ်းယွတ်းယႅတ်းယႅတ်းၸဵမ်လႂ်ယဝ်ႉ။ ဝၢႆးလင်မၢၵ်ႇမႃးတူၵ်းသႂ်ႇၼႆႉတႄႉ...

ဝၼ်းတီႈ 18/08/2024 ယၢမ်းၵၢင်ဝၼ်း ၵူၼ်းဝၢၼ်ႈတၢင်းဢိူင်ႇၵၢတ်ႇထၢႆႇ ငိၼ်းသဵင်တႅၵ်ႇမိူၼ်သဵင်ယိုဝ်းၵၼ်လႄႈဢွၼ်ၵၼ်တူၵ်းၸႂ်ထၢင်ႇဝႃႈပဵၼ်ပၢင်တိုၵ်းသိုၵ်းသိူဝ် ၸဝ်ႈၼႃႈတီႈ RCSS ၼႂ်းပိုၼ်ႉတီႈလၢတ်ႈဝႃႈ ပဵၼ်ဝူၵ်ႇတႅၵ်ႇတီႈပၢင်ၸႃႉၶႄႇတၢႆ ဝႃႈၼႆ။ ၸဝ်ႈၼႃႈတီႈ RCSS ၼႂ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ-“မၼ်းပဵၼ်သဵင်ၶႄႇၶဝ်ၸုတ်ႇဝူၵ်ႇတႅၵ်ႇတီႈပၢင်မႃႇသႃႇၶဝ်။ သဵင်မၼ်းသမ်ႉလင်ႁႅင်းလႄႈႁဵတ်းႁႂ်ႈၵူၼ်းၼႂ်းပိုၼ်ႉတီႈထၢင်ႇဝႃႈပဵၼ်ပၢင်တိုၵ်းၼႆသေဢွၼ်ၵၼ်တူၵ်းၸႂ်။ ႁဝ်းၶႃႈၵူတ်ႇထတ်းတူၺ်းယဝ်ႉ ဢမ်ႇမီးပၢင်တိုၵ်းၶႃႈ ”ဝႃႈၼႆ။ လွင်ႈၼႆႉ ၵူၼ်းပိုၼ်ႉတီႈလၢတ်ႈဝႃႈပဵၼ်ဢၼ်တူၵ်းၸႂ်မႆႈၸႂ်။ ၵွပ်ႈဝႃႈ မိူဝ်ႈဝႃးမိူဝ်ႈသိုၼ်းၵေႃႈႁၼ်သိုၵ်းမၢၼ်ႈတူင်ႉၼိုင်လႄႈ ၵူဝ်ပဵၼ်ပၢင်တိုၵ်း ဝႃႈၼႆ။ လုင်းၸၢႆး ၵူၼ်းၵဵင်းတုင်လၢတ်ႈဝႃႈ-“ၼႂ်းငဝ်းလၢႆးၵၢၼ်မိူင်းၵၢၼ်သိုၵ်းယၢမ်းလဵဝ်ၼႆႉ ၵူၼ်းမိူင်းၵူႈၵေႃႉၵူႈပိုၼ်ႉတီႈ လႆႈဢွၼ်ၵၼ်ၾၢင်ႉယူႇၾၢင်ႉၵိၼ်...

ဝၼ်းတီႈ 18/08/2024 ယၢမ်းၵၢင်ဝၼ်း 1 မူင်း သဵင်ၵွင်ႈတႅၵ်ႇတီႈဝၢၼ်ႈၵၢတ်ႇဝုင်ႈ ဢိူင်ႇၵၢတ်ႇထၢႆႈ ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း။ ၵူၼ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ- “လႆႈငိၼ်းသဵင်ၵွင်ႈတႅၵ်ႇယူႇတႄႉ ။ ႁိုင်မွၵ်ႈ 30 မိၼိတ်ႉၼႆႉ။ႁဵတ်းႁႂ်ႈၵူၼ်းမိူင်းတူၵ်းၸႂ်ယူႇ၊ ၵူၺ်းၵႃႈ လွင်ႈတုမ်ႉတိူဝ်ႉဝၢၼ်ႈသူၼ်ႁိူၼ်းယေးၵူၼ်းမိူင်းလူႉၵွႆတႄႉဢမ်ႇမီး။ ပဵၼ်ၽႂ်တင်းၽႂ်ယိုဝ်းၵၼ်တႄႉပႆႇႁူႉတႅတ်ႈတေႃး။ ထုင်ႉၼၼ်ႉပဵၼ်ပိုၼ်ႉတီႈၶွင်ႇသီႇဢဝ်ၶိုၼ်းၸိုင်ႈတႆး RCSS တူင်ႉၼိုင်”- ဝႃႈၼႆ။ ၵူၼ်းပိုၼ်ႉတီႈလၢတ်ႈဝႃႈ - 2-3 ဝၼ်းပူၼ်ႉမႃးၼႆႉ...

ဝၼ်းတီႈ 15/08/2024 ယၢမ်းၵၢင်ၼႂ် မွၵ်ႈ 9 မူင်းၼႆႉ သိုၵ်းၶၢင် KIA ႁူမ်ႈလူၺ်ႈ ၸုမ်း KPDF သေ လေႃႇတိုၵ်းယိုတ်းလႆႈ တပ်ႉပၢင်သဝ်းသိုၵ်းမၢၼ်ႈ လမွင်ႇၵွင်ႉ (လမောင်ကောင့်) တီႈၸႄႈဝဵင်းၽႃၵၢၼ်ႉ ၸႄႈမိူင်းၶၢင်ၼႆ ၸဝ်ႈသိုၵ်းလူင် ၼေႃႇပူႇ ၽူႈမီးပုၼ်ႈၽွၼ်း ၾၢႆႇပွင်ႇၶၢဝ်ႇ KIA လၢတ်ႈ။  တပ်ႉပၢင်သဝ်း...

ဝၼ်းတီႈ 16/08/2024 ယူႇတီႈ ၸုမ်းသိုဝ်ႇၶၢဝ်ႇ BNI လႆႈပိုတ်ႇပပ်ႉၶေႃႈမုလ်း ၽိုၼ်ဢၢင်ႈဢိင် လွင်ႈငမ်းယဵၼ် ၼႂ်းပီ 2023 - 2024 တီႈဝဵင်းၵဵင်းမႂ်ႇ ၸိုင်ႈထႆး။ ၼႂ်းပပ်ႉ ၽိုၼ်ဢၢင်ႈဢိင် လွင်ႈငမ်းယဵၼ် ၼႂ်းပီ 2023 - 2024 ၼႆႉ ပႃးဝႆႉ လွင်ႈငဝ်းလၢႆးသိုၵ်းသိူဝ် ဢၼ်ပဵၼ်ယူႇ...

ယၢမ်းလဵဝ် ၼႂ်းၸႄႈဝဵင်းသီႇပေႃႉ သိုၵ်းမၢၼ်ႈတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ် ႁၢဝ်ႈႁႅင်း သိုၵ်းတင်းသွင်ၾၢႆႇ ၸႂ်ႉၶိူင်ႈၵွင်ႈလူင် ပိုတ်းယိုဝ်းတေႃႇၵၼ် ၾၢႆႇသိုၵ်းမၢၼ်ႈ ဢဝ်ၶိူင်ႈမိၼ်တိုၵ်းမႃး ပွႆႇမၢၵ်ႇတင်းၶိုၼ်းတင်းဝၼ်း ဝႃႈ ၼႆ။ ၵဵဝ်ႇလူၺ်ႈ လွင်ႈၼႆႉ ၵူၼ်းမိူင်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ -“တီႈသီႇပေႃႉၼႆႉ ယိုဝ်းၵၼ်တင်းၶိုၼ်းတင်းဝၼ်း။ မိူဝ်ႈဝႃး ၵၢင်ၶမ်ႈၵေႃႈ သိုၵ်းမၢၼ်ႈ ဢဝ်ၶိူင်ႈမိၼ်...

မိူဝ်ႈဝႃႈ ဝၼ်းတီႈ 13/08/2024 ယၢမ်းႁူဝ်ၶမ်ႈ 4 မူင်းၼၼ်ႉ သိုၵ်းၵဝ်ႈၵၢင်ႉ ႁႅၼ်းသိုၵ်း လေႃႇတိုၵ်းတပ်ႉ သိုၵ်းမၢၼ်ႈ တပ်ႉၵွင် 147 ဢၼ်ပၵ်းဝႆႉတီႈ ဢိူင်ႇၼွင်ၵေႃႈလူင် ၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ သိုၵ်းၵဝ်ႈၵၢင်ႉ ယိုတ်းလႆႈ တပ်ႉသိုၵ်းမၢၼ်ႈ။ ၽူႈၸမ်ၸႂ် တင်းၸုမ်းယိပ်းၵွင်ႈၵၢင်ႇ လၢတ်ႈၽူႈတွႆႇႁွၵ်ႈဝႃႈ-“သိုၵ်းၵဝ်ႈၵၢင်ႉ ယိုတ်းလႆႈတပ်ႉ မၢၼ်ႈထႅင်ႈယဝ်ႉ။ တပ်ႉသိုၵ်း...