SSPP ဢွၵ်ႇၶေႃႈပိုၼ်ၽၢဝ်ႇ ၼႂ်းဝၼ်းသၢၼ်ၶတ်း ၽဵဝ်ႈမူၺ်ႉယႃႈမဝ်းၵမ်လုမ်ႈၾႃႉ၊ ၼင်ႇႁိုဝ် ယႃႈမဝ်းၵမ် တေဢမ်ႇလိူင်ႇၽႄႈၼၼ်ႉ တေႁူမ်ႈတင်းၵူၼ်းမိူင်း ၽဵဝ်ႈမူၺ်ႉၵႂႃႇ။ ဝၼ်းတီႈ 26/6/2020 ယူႇတီႈ ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး (SSPP/SSA) ဢွၵ်ႇၶေႃႈပိုၼ်ၽၢဝ်ႇ ဝၼ်းသၢၼ်ၶတ်း ၽဵဝ်ႈမူၺ်ႉယႃႈမဝ်းၵမ် လုမ်ႈၾႃႉ ဝႃႈ ယႃႈမဝ်းၵမ်ၼႆႉ ဢမ်ႇလိူၵ်ႈၽႃႇသႃႇ ၸိူဝ်ႉၶိူဝ်း၊ မၼ်းပဵၼ်ၶဵၼ်လူင်ၵူႈၸိူဝ်ႉၸၢတ်ႈၸၢဝ်းၶိူဝ်းသေဢမ်ႇၵႃး မၼ်းၸၢင်ႈတုမ်ႉတိူဝ်ႉပႃး...

သိုၵ်းမၢၼ်ႈသွၵ်ႈတဝ်ထိူၼ်ႇ ပဵၼ်ပၢင်တိုၵ်းၵၼ်တင်း သိုၵ်းတႆး RCSS ၼႂ်းၸႄႈဝဵင်းၵျွၵ်ႉမႄး ဢွၼ်ၼႃႈ ဝၼ်းသၢၼ်ၶတ်းၽဵဝ်ႈမူၺ်ႉ ယႃႈမဝ်းၵမ်လုမ်ႈၾႃႉ။ ဝၼ်းတီႈ 25/6/2020 သိုၵ်းလူင်ပွင်ၸိုင်ႈမၢၼ်ႈ တပ်ႉၶလယ 256 ဢဵၼ်ႁႅင်း မွၵ်ႈ 20 ၵေႃႉ သွၵ်ႈတဝ်ထိူၼ်ႇသေ ၽႃႇၺႃးတပ်ႉသိုၵ်း ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး (RCSS/SSA) ။ သွင်ၾၢႆႇပဵၼ်ပၢင်တိုၵ်းၵၼ် တီႈႁိမ်းဝၢၼ်ႈႁၢႆးၵုၺ်...

ပၢင်ၵုမ်သၽႃးမိူင်းတႆး ဢမ်ႇႁပ်ႉ ၶေႃႈထၢမ် ဢၼ်ၽွင်းတႅၼ်းမိူင်းၵိုင် ဢၢၼ်းထၢမ်ၵဵဝ်ႇၵပ်းလွင်ႈ လွင်ႈတႅမ်ႈလိၵ်ႈတႆး သႂ်ႇတီႈပၢႆႉလုမ်းသၽႃးၸႄႈမိူင်းတႆး တီႈဝဵင်းလူင်တူၼ်ႈတီး။ ပၢင်ၵုမ်သၽႃးၸႄႈမိူင်းတႆး ပွၵ်ႈၵမ်း 2 ၵမ်းထူၼ်ႈ 19 ဢၼ်ၸတ်းႁဵတ်းတီႈ လုမ်းသၽႃးၸႄႈမိူင်းတႆး ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ ယူႇတီႈလုင်းၸၢႆးလူင် ၽူႈတႅၼ်းသၽႃး ၸႄႈမိူင်း ၶဵတ်ႇလိူၵ်ႈတင်ႈမၢႆ 2 ၸႄႈဝဵင်းမိူင်းၵိုင် ယိုၼ်ႈယွၼ်းတႃႇတွင်ႈထၢမ် ၼႂ်းပၢင်ၵုမ်သၽႃးဝႃႈ...

လူင်ပွင်ၸိုင်ႈ ၸတ်းပၢင်ၽဝ်ယႃႈမဝ်းၵမ် ဢၼ်တီႉလႆႈၼႂ်းမိူင်းတႆးလႄႈမိူင်းယၢင်းလႅင် တႃႇၵႃႈၶၼ်ငိုၼ်းမၢၼ်ႈ 9 လၢၼ်ႉလၢၼ်ႉပျႃးပၢႆ၊ ၼႂ်းဝၼ်းသၢၼ်ၶတ်း ၽဵဝ်ႈမူၺ်ႉယႃႈမဝ်းၵမ်လုမ်ႈၾႃႉ။ ဝၼ်းတီႈ 26/06/2020 ပဵၼ်ဝၼ်းသၢၼ်ၶတ်းၽဵဝ်ႈမူၺ်ႉယႃႈမဝ်းၵမ် လုမ်ႈၾႃႉလႄႈ လူင်ပွင်ၸိုင်ႈ ၸတ်းပၢင်ၽဝ် ယႃႈမဝ်းၵမ် တီႈပၢင်ႇပွႆႇႁူင်းၾႆးမိၼ် (ဢဝူၺ်ႇယႃႇ) ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း။ လိူဝ်ၼၼ်ႉ တီႈဝဵင်းလႃႈသဵဝ်ႈၵေႃႈ ၸိုင်ႈတႆးပွတ်းႁွင်ႇၵေႃႈၸတ်း ၼႆယဝ်ႉ။ တီႈဝဵင်းတူၼ်ႈတီး ယႃႈမဝ်းၵမ်ဢၼ်လႆႈၽဝ်ယႃႈၵႂႃႇ မိူဝ်ႈၼႆႉ...

ၸဝ်ႈသီႇႁ ၽူႈယႂ်ႇၵူၼ်းလူင်တႆး  ဢၼ်ယၢမ်ႈႁၢပ်ႇၵၢၼ်ႁူမ်ႈၽၢၵ်ႈၸွမ်း ႁူဝ်ပဝ်ႈလူင်ၸဝ်ႈၵွၼ်းၸိူင်း ၼႂ်းတပ်ႉၼုမ်ႇသိုၵ်းႁၢၼ် ၼၼ်ႉ လူႉသဵင်ႈမုၼ်ၵႂႃႇ ၼႂ်းၵဵင်းမႆႇ။ ဝၼ်းတီႈ 25/06/2020 ၸဝ်ႈသီႇႁၽူႈယႂ်ႇၵူၼ်းလူင်တႆးၸဝ်ႈၼိုင်ႈ၊ ဢၼ်ယၢမ်ႈႁၢပ်ႇၵိုတ်ႉ ၵၢၼ်သိုၵ်းမႃး ၼႂ်းတပ်ႉသိုၵ်း ၼုမ်ႇသိုၵ်းႁၢၼ် ႁဵတ်းၵၢၼ်ၵွၼ်းၶေႃ ဢၼ်ၸဝ်ႈၼွႆႉ (သေႃးၼၼ်ႇတ) ဢွၼ်ႁူဝ်ၼၼ်ႉ လူႉသဵင်ႈသုတ်းမုၼ်ၵႂႃႇ တီႈႁူင်းယႃလူင်သူၼ်ၻွၵ်ႇ ဝဵင်းၵဵင်းမႆႇ မိူင်းထႆး၊ လူၺ်ႈတၢင်းပဵၼ်ႁူဝ်ၸႂ်ဝၢႆး/ ႁူဝ်ၸႂ်လူမ်ႉလႅဝ်...

RCSS ဢွၵ်ႇၶေႃႈပိုၼ်ၽၢဝ်ႇ ဝၼ်းသၢၼ်ၶတ်းယႃႈမဝ်းၵမ်လႄႈ ၵၢၼ်ၵႃႉၶၢႆၼွၵ်ႈမၢႆမီႈၵူႈမိူင်းမိူင်း ဢၼ်လႆႈႁဵတ်း သၢင်ႈၵၢၼ်ငၢၼ်း တူင်ႉၼိုင်မႃး ၼႂ်းပီ 2019-2020 ။ မိူဝ်ႈၼႆႉ ဝၼ်းတီႈ 26/06/2020 ပဵၼ်ဝၼ်းသၢၼ်ၶတ်း ၽဵဝ်ႈမူၺ်ႉယႃႈမဝ်းၵမ် လုမ်ႈၾႃႉ။ ယူႇတီႈ ၶွင်ႇသီႇဢဝ်ၶိုၼ်း ၸိုင်းတႆး/တပ်ႉသိုၵ်းၸိုင်ႈတႆး (RCSS/SSA) ဢွၵ်ႇၶေႃႈပိုၼ်ၽၢဝ်ႇ ၸွမ်းၼင်ႇၶွင်ႇသီႇဢဝ်ၶိုၼ်းၸိုင်ႈတႆး တမ်းဝၢင်းပေႃႇလသီႇ ၽဵဝ်ႈမူၺ်ႉယႃႈမဝ်းၵမ်မႃး တင်ႈတႄႇမိူဝ်ႈၵေႃႇတင်ႈ...

ဝၼ်းသၢၼ်ၶတ်း ၽဵဝ်ႈမူၺ်ႉယႃႈမဝ်းၵမ် လုမ်ႈၾႃႉ ပီၼႆႉ ယူႇတီႈ SSPP ဢမ်ႇၸတ်းႁဵတ်းပၢင်ၽဝ်ယႃႈမဝ်းၵမ် ယွၼ်ႉတၢင်းပဵၼ်ၶူဝ်ႊဝိတ်ႉ 19 ဝႃႈၼႆ။ မိူဝ်ႈၼႆႉ ဝၼ်းတီႈ 26/6/2020 ပဵၼ်ဝၼ်းသၢၼ်ၶတ်း ၽဵဝ်ႈမူၺ်ႉယႃႈမဝ်းၵမ် လုမ်ႈၾႃႉ၊ ယူႇတီႈ ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး (SSPP/SSA) ဢမ်ႇလႆႈၸတ်းႁဵတ်းပၢင်ၵႅဝ်ႈလႄႈ ပၢင်ၽဝ်ယႃႈမဝ်းၵမ် ယွၼ်ႉတၢင်းပဵၼ်ၶူဝ်ႊဝိတ်ႉ - 19...

ၼႂ်းၸိုင်ႈတႆးပွတ်းၸၢၼ်း ၵူၼ်းမိူင်းဢၼ်မီးၾၢင်ႁၢင်ႈမိူၼ်တၢင်းပဵၼ်ၶူဝ်ႊဝိတ်ႉ 19 သေ ၵူတ်ႇထတ်းတၢင်းပဵၼ် ပႂ်ႉတူၺ်းဝႆႉယၢမ်းလဵဝ် မီး 7 ၵေႃႉ။ ပဵၼ်ၵူၼ်းႁူဝ်ပူင်း၊ ႁၢႆးဝူဝ်း၊ လွႆလႅမ်၊ ၵၢတ်ႇလေႃႉလႄႈ ၵုၼ်ႁဵင် ၸိူဝ်းၼႆႉ။ ယၢမ်းလဵဝ် ၸိူဝ်းၶဝ်ထုၵ်ႇ သူင်ႇတူဝ်ဝႆႉ တီႈႁူင်းယႃလူင် ၸဝ်ႈၸၢမ်ႇထုၼ်း ၸႄႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၼႆယဝ်ႉ။ ၻွၵ်ႊတိူဝ်ႊၼိၼ်းဢိၽိဝ်ႇ ၵႅမ်ၽူႈၸီႉသင်ႇ ႁွင်ႈၵၢၼ်ၾၢႆႇၽဵဝ်ႈမူၺ်ႉတၢင်းပဵၼ်ၸပ်းငၢႆႈ...

ၼႂ်းမိူင်းတႆး ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ - 19 ၵိုတ်းထႅင်ႈ သွင်ၵေႃႉ ပႆႇလႆႈၶႂၢင်ႉလူင်းႁူင်းယႃသေတႃႉ ငဝ်းလၢႆးလီမႃးယဝ်ႉ။ ၵူၼ်းပဵၼ်သွင်ၵေႃႉ ဢၼ်ပႆႇလႆႈၶႂၢင်ႉလူင်းႁူင်းယႃၼၼ်ႉ ၵေႃႉထူၼ်ႈ 245 လႄႈ ၵေႃႉထူၼ်ႈ 231 ။ ယၢမ်းလဵဝ် ၵူၼ်းပဵၼ် တၢင်းသွင်ၵေႃႉၼႆႉ လႆႈယူတ်းယႃတူဝ်ဝႆႉတီႈႁူင်းယႃလူင် ၸဝ်ႈၸၢမ်ႇထုၼ်း ဝဵင်းလူင်တူၼ်ႈတီး ၸိုင်ႈတႆးပွတ်းၸၢၼ်း ၵေႃႉၼိုင်ႈလႄႈ ႁူင်းယႃလူင်...

ၸုမ်းပၢႆးယူႇလီလုမ်ႈၾႃႉဝႃႈ ဝူင်ႈၼႃႈၼႆႉ ၵူၼ်းၸပ်းတၢင်းပဵၼ်ၸိူဝ်ႉမႅင်းၶူဝ်ႊဝိတ်ႉ 19 တူဝ်ႈလူၵ်ႈ တေမီးထိုင် 10 လၢၼ်ႉ။ ၽူႈပွင်ၵၢၼ်လူင်ၵူႈလွင်ႈလွင်ႈ ၸုမ်းပၢႆးယူႇလီလုမ်ႈၾႃႉ (WHO) Dr. ​ထႄးရွသ်ႉ ဢတ်ႉႁႃႊၼွမ်ႊ လၢတ်ႈမိူဝ်ႈ 24/06/2020 ဝႃႈ- ဝူင်ႈၼႃႈၼႆႉ ၵူၼ်းၸပ်းၸိူဝ်ႉမႅင်းတၢင်းပဵၼ်ၶူဝ်ႊဝိတ်ႉ 19 တူဝ်ႈလူၵ်ႈ/လုမ်ႈၾႃႉ တေၶိုၼ်ႈထိုင် 10 လၢၼ်ႉၵေႃႉဢမ်ႇႁၢင်ႉ။ မိူဝ်ႈလဵဝ်ၼႆႉ...

ၵူၼ်းတိတ်းၸပ်းၸိူဝ်ႉမႅင်း ၶူဝ်ႊဝိတ်ႉ - 19 ဢၼ်ယူတ်းယႃတူဝ်ဝႆႉ တီႈႁူင်းယႃလူင် ဝဵင်းတူၼ်ႈတီးၼၼ်ႉ ၵူတ်ႇထတ်းလၢႆၵမ်းၵေႃႈ ဢမ်ႇႁၼ်ၸိူဝ်ႉမႅင်းယဝ်ႉလႄႈ လႆႈဝႃႈၶႅၼ်းသေ ပၼ်လူင်းႁူင်းယႃ ထႅင်ႈၵေႃႉ ႞ ယဝ်ႉ ဝႃႈၼႆ။ ဝၼ်းတီႈ 24/6/2020 ၵူၼ်းတိတ်းၸပ်းၸိူဝ်ႉမႅင်းၶူဝ်ႊဝိတ်ႉ - 19 ၵေႃႉထူၼ်ႈ 230 ဢၼ်ယူတ်းယႃတူဝ်ဝႆႉတီႈ ႁူင်းယႃႈလူင် ၸဝ်ႈၸၢမ်ႇထုၼ်း...

ပီ 2020 ၼႂ်းလုၵ်ႈလိူၼ်ၵျုၼ်ႊၼႆႉ သိုၵ်းလူင်ပွင်ၸိုင်ႈမၢၼ်ႈ တင်း တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ပဵၼ်ပၢင်တိုၵ်းၵၼ် ၼႂ်းၸိုင်ႈတႆးပွတ်းႁွင်ႇ ႁၢဝ်ႉႁႅင်းလိူဝ်ပိူၼ်ႈ။ ဝၼ်းတီႈ 21/6/2020 ယၢမ်းၵၢင်ဝၼ်း 11:45 မူင်းၼၼ်ႉ ယူႇတီႈ သိုၵ်းလူင်ပွင်ၸိုင်ႈမၢၼ်ႈ တင်း သိုၵ်းတဢၢင်း TNLA ပဵၼ်ပၢင်တိုၵ်းၼႂ်း ၸႄႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ 16 ပွၵ်ႈ။...

မိူင်းတႆးပွတ်းႁွင်ႇ ၼႂ်းၸႄႈဝဵင်းသီႇပေႃႉ ပၢႆႉတၢင်းၶဝ်ႈဢွၵ်ႇဝဵင်းၼမ်ႉလၼ်ႈ ၵႂႃႇၸူး တၢင်းမိူင်းၵိုင် ၼၼ်ႉ ထုၵ်ႇၵူၼ်းယႃႉ တွႆႇတူဝ်လိၵ်ႈလူႉၵွႆၵႂႃႇၽွင်ႈ။ ဝၼ်းတီႈ 23/6/2020 ယၢမ်းႁူဝ်ၶမ်ႈ ပၢႆႉၶဝ်ႈဢွၵ်ႇဝဵင်းၼမ်ႉလၼ်ႈ ဢၼ်ပၵ်းဝႆႉတီႈတၢင်းၶဝ်ႈဢွၵ်ႇၵႂႃႇမႃး ဝဵင်းၼမ်ႉလၼ်ႈ - မိူင်းၵိုင်ၼၼ်ႉ ထုၵ်ႇၵူၼ်းယႃႉၶႅၵ်းတူဝ်လိၵ်ႈ ဢၼ်တႅမ်ႈသႂ်ႇဝႆႉတီႈပၢႆႉၼၼ်ႉဢွၵ်ႇပႅတ်ႈ။ ပဵၼ်ၼမ်ႉမိုဝ်းၽႂ် ၵေႃႉလႂ်ႁဵတ်း ဢၼ်ဝႃႈၼၼ်ႉ ဢမ်ႇလႆႈႁူႉ။ ၸၢႆးသၢမ်လႅင်း ၸုမ်းၶဝ်ႈပႃးၵၢၼ်ၵေႃႇသၢင်ႈပၢႆႉ ၼမ်ႉလၼ်ႈ လၢတ်ႈတီႈၽူႈတွႆႇႁွၵ်ႈဝႃႈ...

သိုၵ်း RCSS တင်း သိုၵ်း TNLA ဢၼ်ၶဵင်ႈၶႅင်ၵၢၼ်သိုၵ်းတေႃႇၵၼ်ၼႆႉ တင်းသွင်ၾၢႆႇငိူင်ႉငၢၵ်ႈႁၢင်ႇယၢၼ်ၵၼ်ယဝ်ႉ လႄႈ ၵူၼ်းဝၢၼ်ႈၼွၵ်ႈၼႃးပၢင်ႇ ၼႂ်းၸႄႈဝဵင်းၼမ်ႉတူႈ 200 ပၢႆ ပၢႆႈမႃးတီႈ ဝၢၼ်ႈၸၢမ် ၼၼ်ႉ ဢွၼ်ၵၼ်ပွၵ်ႈၶိုၼ်းဝၢၼ်ႈ။ ဝၼ်းတီႈ 23/6/2020 ၼၼ်ႉ ယွၼ်ႉသိုၵ်း RCSS တင်း သိုၵ်း TNLA ၶဵင်ႈၶႅင်ၵၢၼ်သိုၵ်းတေႃႇၵၼ်သေ...

ၶူးသွၼ်/ မေႃသွၼ် လူင်ပွင်ၸိုင်ႈ ၸိူဝ်းတူၵ်းပုၼ်ႈၽွၼ်းၵႂႃႇသွၼ် ၸွမ်းဝၢၼ်ႈၼွၵ်ႈၼႃးပၢင်ႇ ၸိူဝ်းၵႆဝဵင်းသီႇပေႃႉ ၸိူဝ်းၼၼ်ႉ ဢမ်ႇလႆႈႁပ်ႉငိုၼ်းၵမ်ႉၸွႆႈ တီႈလူင်ပွင်ၸိုင်ႈ ဝႃႈၼႆ။ ယူႇတီႈၶူးသွၼ် ၸိူဝ်းႁၢပ်ႇၵၢၼ်လူင်ပွင်ၸိုင်ႈ ၾၢႆႇပၢႆးပၺ်ၺႃၼၼ်ႉ မၢင်ၸႄႈဝဵင်း ၼႂ်းၸိုင်ႈတႆးပွတ်းႁွင်ႇတႄႉ လႆႈႁပ်ႉငိုၼ်းၵမ်ႉၸွႆႈၵႃႈၸရိပ်ႈၵၼ်ယူႇ၊ ၵူၺ်းၵႃႈ တီႈၸႄႈဝဵင်းသီႇပေႃႉသမ်ႉ တေႃႇထိုင်ယၢမ်းလဵဝ် ပႆႇလႆႈႁပ်ႉငိုၼ်းၵမ်ႉၸွႆႈ ၵႃႈၸရိပ်ႈတၢင်းသင် ၼႆယဝ်ႉ။ ၵဵဝ်ႇၵပ်းလွင်ႈၼႆႉ မိူဝ်ႈဝၼ်းတီႈ 23/6/2020 ယူႇတီႈၼၢင်းသၢၼ်းသၢၼ်းဢေး...