ဝၼ်းတီႈ 09/09/2025 လုမ်းတြႃးၸိုင်ႈမိူင်းတတ်းသိၼ်တြႃး ပၼ်တူတ်ႈတၢမ်ႇ ထၵ်းသိၼ် သျိၼ်ႊၼဝတ်ႊ ၸွမ်ၽွင်းလူင်ၸိုင်ႈထႆးၵေႃႉၵဝ်ႇ တူတ်ႈၶွၵ်ႈ 1 ပီ။ ထၵ်းသိၼ် သျိၼ်ႊၼဝတ်ႊ ဢႃယု 76 ပီၼႆႉ ပဵၼ်ၸွမ်ၽွင်းလူင်မိူင်းထႆး ၵေႃႉထူၼ်ႈ 23 ။ ပဵၼ်ၸွမ်ၽွင်းလူင်ထႆး ပီ 2001 ထိုင် 2006 ၶၢဝ်းတၢင်း...

ဝၼ်းတီႈ 08/09/2025 ၼႆႉ ၵူၼ်းမိူင်းၼီႇပေႃး ဢွၼ်ၵၼ်ဢွၵ်ႇၼႄၵၢင်ၸႂ်တေႃႇ လွင်ႈလူင်ပွင်ၸိုင်ႈ ပိၵ်ႉဢိုတ်းပႅတ်ႈသိုဝ်ႇတူင်ႇဝူင်းၵူၼ်း (Social Media)၊ လွင်ႈၵိၼ်သူးၵိၼ်လၢပ်ႈလႄႈ လွင်ႈပိုၼ်ၽႄႈမူႇဝႃႇတၾၢႆႇလဵဝ် ၸိူဝ်းၼႆႉ။ သိုဝ်ႇၶၢဝ်ႇ The Guardian ႁၢႆးငၢၼ်းဝႃႈ - ၸုမ်းပလိၵ်ႈၶဝ် ၸႂ်ႉတိုဝ်းဢဵၼ်ႁႅင်းတင်းၼမ်သေ ႁႄႉႁၢမ်ႈ ၵူၼ်းမိူင်းၸိူဝ်းၼႄၵၢင်ၸႂ်ၼၼ်ႉ မီးလွင်ႈလူႉတၢႆ ဢမ်ႇယွမ်း 19 ၵေႃႉ၊...

ၽွင်းသိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း TNLA ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းထုင်ႉၼွင်ပိင် ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼႆႉ ၾၢႆႇသိုၵ်းမၢၼ်ႈ ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇပႃးလႄႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်တူၵ်းၸႂ်ၵူဝ်ႁႄ မႆႈၸႂ်လွင်ႈႁူမ်ႇလူမ်ႈ ၼႆယဝ်ႉ။ ၵူၼ်းပၢႆႈၽေးသိုၵ်း တီႈဝဵင်းၵျွၵ်ႉမႄး လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈတႄႇမၼ်းတႄႉ ပဵၼ်တၢင်းၼွင်ၶဵဝ်ၵူၺ်း။ တိုၵ်ႉယူႇငၢႆႈယူႇ တီႈၵျွၵ်ႉမႄးၼႆႉ ၽိူဝ်ႇၼွင်ၶဵဝ်ၵေႃႈတူၵ်းၼႂ်းမိုဝ်းမၢၼ်ႈ ၶိုၼ်းယဝ်ႉ ဢမ်ႇႁိုင်ဢမ်ႇၼၢၼ်း...

တႃႇႁႂ်ႈၸိုင်ႈမိူင်းၼိုင်ႈလုၵ်ႈ ပေႃးတေၵတ်းယဵၼ်ၼိမ်တဵင်ႈၼၼ်ႉ လူဝ်ႇၵွၼ်းၵိူင်ႈလၵ်းသၢင်ႉ သဝ်လူင် 4 ဢၼ်။ မိူၼ်ၼင်ႇ ၾၢႆႇႁႅၼ်းၾိင်ႈဢၼ်ဝႃႈ (ဉပဒေပြုရေး)၊ ၾၢႆႇၽွင်းငမ်း ဢၼ်ႁွင်ႉဝႃႈ (အုပ်ချူပ်ရေး) ၊ ၾၢႆႇတတ်းသိၼ် ဢၼ်ႁွင်ႉဝႃႈ (တရားစီရင်ရေး) လႄႈ ထႅင်ႈဢၼ်ၼိုင်ႈတႄႉပဵၼ် ၾၢႆႇသိုဝ်ႇၶၢဝ်ႇ။ မိူင်းႁူမ်ႈတုမ်မၢၼ်ႈၼႆႉသမ်ႉ ဢၼ်လႂ်ၵေႃႈ ဢမ်ႇၵွၼ်းၵိူင်ႈလႆႈသေဢၼ်လႂ်လႄႈ ထိုင်တီႈဢမ်ႇၵုမ်းလႆႈ ဢမ်ႇၵမ်လႆႈ။ ၵူၼ်းမိူင်းလႆႈတုၵ်ႉယၢၵ်ႈၸွမ်းလၢႆသမ်ႇလၢႆပိူင်။...

ဝၢႆးလင် မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈယိုတ်းမိူင်း ဢွၵ်ႇၶၢဝ်းတၢင်းၵႂႃႇၶဝ်ႈႁူမ်ႈပၢင်ပွႆးမၢႆတွင်း ၵျပၼ်ႊထွၼ်သိုၵ်းဢွၵ်ႇမိူင်းၶႄႇ တဵမ် 80 ပီ တီႈမိူင်းၶႄႇႁိုင်ၶၢဝ်းတၢင်းမွၵ်ႈ 2 ဝူင်ႈသေ ပွၵ်ႈမႃးၶိုၼ်းၼႆႉ သိုၵ်းမၢၼ်ႈ သိုပ်ႇၸတ်းႁိူဝ်းမိၼ်တိုၵ်း ပွႆႇမၢၵ်ႇသႂ်ႇ ၼႂ်းပိုၼ်ႉတီႈသိုၵ်းတဢၢင်းၵုမ်းၵမ်ၸူဝ်ႈၶၢဝ်း။ မိူဝ်ႈၼႆႉ ဝၼ်းတီႈ 09/09/2025 ယၢမ်းၵၢင်ၼႂ်ၸဝ်ႉ 12 မူင်းၶိုင်ႈ တေႃႇ 1 မူင်းၼၼ်ႉ...

တႄႇႁူဝ်လိူၼ် သႅပ်ႊထႅမ်ႊပိူဝ်ႊ ၼႆႉမႃးသိုၵ်းမၢၼ်ႈ တင်းသိုၵ်းတဢၢင်း TNLA  သိုပ်ႇပဵၼ်ပၢင်တိုၵ်းႁၢဝ်ႈႁႅင်း ၼႂ်းဝၢၼ်ႈၼွင်ပႅတ်း ထုင်ႉၼွင်ပိင်ႇ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ ႁဵတ်းႁႂ်ႈၵူၼ်းဝၢၼ်ႈႁိမ်းႁွမ်းပၢင်တိုၵ်းၼၼ်ႉၵိုတ်းၶမ်ဝႆႉ ၼႂ်းဝၢၼ်ႈဢမ်ႇၸၢင်ႈၵႂႃႇၸူးၵၼ်တႃႇၸွႆႈထႅမ်ၶဝ်ႈၼမ်ႉတၢင်းၵိၼ် ။ ၼၢင်းယိင်း ၵူၼ်းထုင်ႉၼွင်ပိင် ဢၼ်ပၢႆႈၽေးသိုၵ်းဝႆႉလၢတ်ႈၽူႈတွႆႇႁွၵ်ႈဝႃႈ-“သိုၵ်းတဢၢင်း ယူႇၾၢႆႇၼိုင်ႈ သိုၵ်းမၢၼ်ႈယူႇၾၢႆႇၼိုင်ႈသေ ယိုတ်းၵၼ်ၼႂ်းဝၢၼ်ႈၼွင်ပဵတ်း ပၢင်တိုၵ်းပဵၼ်ႁၢဝ်ႈႁႅင်းဝႆႉ ၊ ၵူၼ်းဢၼ်ဢမ်ႇပၢႆႈဢွၵ်ႇလႆႈၶမ်ဝႆႉၼႂ်းဝၢၼ်ႈ ၊ ႁိမ်းဝၢၼ်ႈၸိူဝ်းၼၼ်ႉၵေႃႈ ထိုင်တလဵဝ် ဢမ်ႇၸၢင်ႈဢွၵ်ႇ...

ၸုမ်းၸွႆႈထႅမ်ၶဝ်ႈၼမ်ႉတၢင်းၵိၼ် ၸၢတ်ႈၸိုင်ႈလုမ်ႈၾႃႉ (WFP) လၢတ်ႈဝႃႈ - ၼႂ်းၵူၼ်းမိူင်းႁူမ်ႈတုမ်မၢၼ်ႈ 3 ၵေႃႉၼၼ်ႉ တႃႇ 1 ၵေႃႉ ၺႃးၽေးဢိုပ်းယၢၵ်ႈ၊ ဢမ်ႇလႆႈၵိၼ်တၢင်းၵုမ်ႇထူၼ်ႈ၊ မိူင်းမၢၼ်ႈၼႆႉ ပဵၼ်မိူင်းဢၼ်လႆႈႁူပ်ႉၺႃးၽေးဢိုပ်းယၢၵ်ႈ ၼမ်လိူဝ်ပိူၼ်ႈသုတ်းထီႉ 5 ၼႂ်းလုမ်ႈၾႃႉ ဝႃႈၼႆ။ ၵူၼ်းမိူင်းႁူမ်ႈတုမ်မၢၼ်ႈ တႃႇႁူဝ်ၼပ်ႉၵူၼ်း 16.7 လၢၼ်ႉၼႆႉ လႆႈႁူပ်ႉဝႆႉ ပၼ်ႁႃၶဝ်ႈၼမ်ႉတၢင်းၵိၼ်...

ၸွမ်ၽွင်းလူင် မိူင်းၵျပၼ်ႊ သျီႊၵီႊရူႊ ဢီႊသျီႊပႃႊ (Shigeru Ishiba) ပိုၼ်ၽၢဝ်ႇ တေထွၼ်တူဝ်ဢွၵ်ႇတၼ်းႁဵင်း ဝၢႆးလင်ႁၢပ်ႇၼႃႈၵၢၼ်ပုၼ်ႈၽွၼ်းပႆႇတဵမ် ၼိုင်ႈပီလႄႈ ဝၢႆးလင် ၵၢၼ်ႉသုမ်း ပၢင်လိူၵ်ႈတင်ႈသွင်ဢၼ် ဝႃႈၼႆ။ ၸွမ်ၽွင်းလူင်ၼႆႉ တႅပ်းတတ်းထွၼ်တူဝ်ဢွၵ်ႇတၼ်းႁဵင်း ၵွၼ်ႇၼႃႈပႃႇတီႇ Liberal Democratic Party (LDP) တေလိူၵ်ႈၽူႈဢွၼ်ႁူဝ်ၵေႃႉမႂ်ႇ။ ပႃႇတီႇ LDP ၼႆႉ လႆႈဢႃႇၼႃႇၼႂ်းၵၢၼ်မိူင်း...

ၽွင်းသဵၼ်ႈတၢင်းၵၢၼ်ၵႃႉၶၢႆ တီႈလႅၼ်လိၼ်ယၢင်းၽိူၵ်ႇ - ထႆး ၺႃးဢိုတ်းႁၢမ်ႈၵၢၼ်တေႃႉၶူဝ်းၵုၼ်ႇတီႈ ၶူဝ်လႅၼ်လိၼ်မၢႆ (2) ဝဵင်းမျႃႉဝတီႇယဝ်ႉၼၼ်ႉ သိုၵ်းမၢၼ်ႈ တႄႇၵူတ်ႇထတ်းၶူဝ်းၵုၼ်ႇ ဢၼ်လုၵ်ႉတၢင်းမိူင်းထႆး ၶဝ်ႈၵႂႃႇၼႂ်းမိူင်းမၢၼ်ႈၼၼ်ႉႁၢဝ်ႈႁႅင်းသေ ဢိုတ်းႁၢမ်ႈသဵၼ်ႈတၢင်းတေႃႉၶူဝ်းၵုၼ်ႇၵႂႃႇ တၢင်းမိူင်းမၢၼ်ႈထုင်ႉပဵင်းလႄႈ မိူင်းတႆးပတ်းပိုၼ်ႉ ၼႆယဝ်ႉ။ မိူဝ်ႈပူၼ်ႉမႃး ဝၼ်းတီႈ 18/08/2025 ၼၼ်ႉ သိုၵ်းမၢၼ်ႈ ဢိုတ်းပႅတ်ႈၶူဝ်မၢႆ (2) တီႈလႅၼ်လိၼ်မႄႈသွတ်ႈ -...

တင်ႈတႄႇပဵၼ်ပၢင်တိုၵ်း ၽႅၼ်ၵၢၼ်ယၼ်ႇသိုၵ်း 1027 မႃး ယေးငိုၼ်း (ပၢၼ်ႇ) တီႈဝဵင်းလႃႈသဵဝ်ႈ လႆႈဢိုတ်းဝႆႉ ႁိုင်ၶၢဝ်းတၢင်းၸမ် 2 ပီလႄႈ ၸဝ်ႈၵၢၼ်ပၢႆးမၢၵ်ႈမီးဢွၼ်ႇ ၸိူဝ်းပဵၼ်ၵူၼ်းၵႃႉၵူၼ်းၶၢႆ၊ ၵူၼ်းလႅၵ်ႈငိုၼ်း ၼႂ်းမိူင်းတႆးပွတ်းႁွင်ႇ ႁူပ်ႉတၢင်းယၢပ်ႇ တႃႇလႆႈတူဝ်ငိုၼ်းလႄႈ ထွၼ်ထႅမ်သႂ်ႇငိုၼ်းၼႂ်းပၢၼ်ႇ ဝႃႈၼႆ။ တႃႇလႆႈတူဝ်ငိုၼ်း ဢမ်ႇၼၼ် ထႅမ်ထွၼ် လႅၵ်ႈငိုၼ်းသႂ်ႇၼႂ်းယေးငိုၼ်း ၸဝ်ႈၵဝ်ႇလႆႈၼၼ်ႉ ယၢပ်ႇၵိၼ်းႁႅင်းၼႃႇၼႆ...

ၵူၼ်းၵမ်ႈၼမ်ၼႆႉ ၶႂ်ႈမီးတၢင်းသိူဝ်းၼႂ်းၸူဝ်ႈပၢၼ်လႄႈ ၸင်ႇမၢင်ႉႁဵတ်းၵၢၼ် ၼင်ႇႁိုဝ် တေၵိၼ်ၵုမ်ႇၸႂ်ႉၵုမ်ႇမိူၼ် ပိူၼ်ႈလႆႈ။ ၵူၺ်းၵႃႈ ႁဵတ်းၵၢၼ်သေ ထိုင်တီႈဢမ်ႇႁူႉဝႃႈ တၢင်းသိူဝ်းပဵၼ်ဢီႈသင်ၼႆ ၼၼ်ႉၵေႃႈ မီးတင်းၼမ်တင်းလၢႆ။ သင်သမ်ႉႁဵတ်းၵၢၼ်ယူႇၵူႈဝၼ်း သမ်ႉဢမ်ႇမေႃဝၵ်ႉဢဝ် ႁႂ်ႈၸၢတ်ႈပၢၼ်ၸဝ်ႈၵဝ်ႇ မီးတၢင်းသိူဝ်းလႄႈ ၵတ်းယဵၼ်ၸႂ် လႆႈၼႆတႄႉ ႁိုင်မႃးၸၢင်ႈတုမ်ႉတိူဝ်ႉပၢႆးတူဝ် လႄႈပၢႆးၸႂ်ၸဝ်ႈၵဝ်ႇသေဢမ်ႇၵႃး ပၼ်ႁႃဢၼ်ဢမ်ႇၶႂ်ႈပဵၼ်ၼၼ်ႉၵေႃႈ ၸၢင်ႈလႆႈပဵၼ်။ ၼင်ႇႁိုဝ် တေဢမ်ႇပဵၼ်ၼၼ်ႉ...

ၼႂ်းၶၢဝ်းတၢင်းသွင်လိူၼ်ပူၼ်ႉမႃးၼႆႉ သၢႆၵၢၼ်မိၼ် ဢၼ်လုၵ်ႉတၢင်းတႃႈၵုင်ႈ ဢွၵ်ႇၶၢဝ်းတၢင်းမႃး ဝဵင်းတႃႈၶီႈလဵၵ်း လႅၼ်လိၼ်တႆး - ထႆးၼႆႉ မီးၵူၼ်းၼုမ်ႇ ၶီႇမႃးၸွမ်းၵူႈလမ်းလႄႈ ႁဵတ်းႁႂ်ႈဝႂ်ႁိူဝ်းမိၼ် ၶၢႆလီႁႅင်းသေ ၵူၼ်းၶၢႆဝႂ်ႁိူဝ်းမိၼ် ၸင်ႇဢဝ်တိုဝ်ႉတၢင်းၼႆႉ ၶိုၼ်ႈၵႃႈၶၼ်ဝႂ်ႁိူဝ်းမိၼ် တူပ်ႉၼႅပ်ႇ ၼႆယဝ်ႉ။ ၵႃႈၶၼ်ဝႂ်ႁိူဝ်းမိၼ် ဢၼ်ၶွမ်ႊပၼီႊသၢႆၵၢၼ်မိၼ်ၶဝ် မၵ်းမၼ်ႈဝႆႉၼၼ်ႉတႄႉ တႃႈၵုင်ႈ (ယၼ်ႇၵုင်ႇ) - တႃႈၶီႈလဵၵ်းၼႆႉ မီးယူႇမွၵ်ႈ...

ယၢမ်းလဵဝ် ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈ ဢွၼ်ၵၼ်ပွၵ်ႈၶိုၼ်းႁိူၼ်းယေးၽႂ်မၼ်း မီးၶၢဝ်းတၢင်းလိူၼ်ပၢႆယဝ်ႉသေတႃႉ ယွၼ်ႉႁိူၼ်းယေးၵူၼ်းမိူင်းလူႉၵွႆ မိူဝ်ႈၽွင်းပၢင်တိုၵ်း ၼၼ်ႉၼမ်လႄႈ တေႃႇထိုင်ယၢမ်းလဵဝ် တႃႇမႄးၶိုၼ်းႁိူၼ်းယေး တီႈယူႇတၼ်းသဝ်း ၸိူဝ်းၼၼ်ႉ တိုၵ်ႉမီးလွင်ႈယၢပ်ႇၽိုတ်ႇဝႆႉ။ ၵူၼ်းပိုၼ်ႉတီႈ ၼႂ်းၸႄႈဝဵင်းယွင်ႁူၺ်ႈ လၢတ်ႈတီႈၽူႈတွႆႇႁွၵ်ႈဝႃႈ -“ၵူၼ်းပၢႆႈၽေးသိုၵ်း တီႈဝဵင်းယွင်ႁူၺ်ႈတႄႉ ႁွတ်ႈမိူဝ်းႁိူၼ်းၵၼ်ၵူႈၵေႃႉယဝ်ႉ။ ၵူၺ်းၵႃႈ ႁွတ်ႈၽႅဝ်ႁိူၼ်းၶိုၼ်း ၵေႃႈ တေႃႉတႄႉလႆႈမႃး မႄးလုမ်းလႃးႁိူၼ်းယေးမွၵ်ႈၼၼ်ႉၵူၺ်း။ ႁိူၼ်းယေးၸိူဝ်းၺႃးမၢၵ်ႇတႅၵ်ႇသႂ်ႇၸိူဝ်းၼၼ်ႉၵေႃႈ...

သိုၵ်းဝႃႉ (UWSA) လၢတ်ႈဝႃႈ သင်မီးၵၢၼ်သူၼ်းတုမ်တႃႇပၢင်လိူၵ်ႈတင်ႈ တွတ်ႈၶႅပ်းၵၢင်ၸႂ် ၼႂ်းၸႄႈဝဵင်းႁူဝ်ပၢင်ႇၼႆႉ တိုၼ်းတေလႆႈတိူင်ႇလၢတ်ႈတီႈႁွင်ႈၵၢၼ် ၾၢႆႇတႅပ်းတတ်းတြႃး (တရားစီရင်ရေးဌာန) ၶဝ် ဝႃႈၼႆ။ ပူၼ်ႉမႃး မိူဝ်ႈဝၼ်းတီႈ 04/0/2025 ၼၼ်ႉ သိုၵ်းဝႃႉ UWSA ၸတ်းႁဵတ်းႁူပ်ႉထူပ်းၵူၼ်းမိူင်း တီႈဝဵင်းႁူဝ်ပၢင်ႇ ၸိုင်ႈတႆးပွတ်းႁွင်ႇ ၼႂ်းၼႃႈတီႈၶဝ်ၵုမ်းၵမ် ပၼ်ပိုၼ်းႁူႉ ၵဵဝ်ႇလူၺ်ႈလွင်ႈတမ်းဝၢင်းပၵ်းပိူင်မၢႆမီႈ ၸိူဝ်းၼၼ်ႉသေ မွၵ်ႇလၢတ်ႈပႃးၵူၼ်းမိူင်းဝႃႈ...

ၵူၼ်းမိူင်းၸိူဝ်းလုၵ်ႉတၢင်း ဝဵင်းၼွင်ၶဵဝ်၊ ၼွင်ပိင်၊ ၵျွၵ်ႉမႄးသေ ပၢႆႈၽေးပၢင်တိုၵ်းၵႂႃႇသွၼ်ႈယူႇဝႆႉ ၼႂ်းၸႄႈဝဵင်းသီႇပေႃႉ ၸိုင်ႈတႆးပွတ်းႁွင်ႇ လူဝ်ႇတၢင်းၵမ်ႉၸွႆႈႁၢဝ်ႈႁႅင်း ၼႆယဝ်ႉ။ ယၢမ်းလဵဝ် ၵူၼ်းမိူင်း လဵၵ်ႉၼုမ်ႇထဝ်ႈယိင်းၸၢႆး တႃႇ 2000 ၵေႃႉပၢႆ ယၢပ်ႇၽိုတ်ႇတႃႇ ၶဝ်ႈၼမ်ႉတၢင်းၵိၼ်ႁၢဝ်ႈႁႅင်းယူႇ ၼႂ်းၸႄႈဝဵင်း သီႇပေႃႉၼႆ ၸုမ်းၾၢႆႇၸွႆႈထႅမ်ၵူၼ်းပၢႆႈၽေးပၢင်တိုၵ်း လၢတ်ႈၼႄတီႈၽူႈတွႆႇႁွၵ်ႈၼင်ႇၼႆ။ “လမ်ႇလွင်ႈသုတ်းတႄႉ ပဵၼ်ၶဝ်ႈၼမ်ႉတၢင်းၵိၼ်ဢေႃႈ။ ၵူၼ်းၸိူဝ်းၵမ်ႉၸွႆႈမႃး တိုၵ်ႉဢေႇႁႅင်းၼႃႇလႄႈ ၵိၼ်းၸႂ်ဝႆႉဢေႃႈ။...