ၼႂ်းၶၢဝ်းတၢင်း 5 ဝၼ်းမႃးၼႆႉ သိုၵ်းမၢၼ်ႈတင်း TNLA, PDF ပဵၼ်ပၢင်တိုၵ်းၵၼ် ၼႂ်းၸႄႈဝဵင်းၼွင်ၶဵဝ် ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ် ယိုဝ်းၸွႆႈႁၢဝ်ႈႁႅင်း ႁဵတ်းႁႂ်ႈၵူၼ်းဝၢၼ်ႈ ၼပ်ႉႁူဝ်ႁဵင်း လႆႈပၢႆႈ။ မိူဝ်ႈဝႃး ဝၼ်းတီႈ 10/4/2023 တႄႇဢဝ်ယၢမ်းၵၢင်ဝၼ်း 11 မူင်း ထိုင်မွၵ်ႈ 9 မူင်းၵၢင်ၶမ်ႈ ၶွင်ႇသီႇသိုၵ်းမၢၼ်ႈ ယိုတ်းမိူင်း...

မိူဝ်ႈၼႆႉ ဝၼ်းတီႈ 11/4/2023 ယၢမ်းၵၢင်ၼႂ်မွၵ်ႈ 10 မူင်းထိုင် 11 မူင်းၵၢင်ဝၼ်း သိုၵ်း RCSS တင်း SSPP ယိုဝ်းၵၼ် တၢင်းၾၢႆႇဢွၵ်ႇဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁဵတ်းႁႂ်ႈၵူၼ်းပိုၼ်ႉတီႈ ဢွၼ်ၵၼ်ၵူဝ် ႁႅၼ်းၶူဝ်းပၢႆႈ ၶဝ်ႈဝဵင်း တင်းၼမ်။ ၵူၼ်းပိုၼ်ႉတီႈ ဝဵင်းလၢႆးၶႃႈ လၢတ်ႈတီႈၽူႈတွႆႇႁွၵ်ႈဝႃႈ -...

မၢဝ်ႇၼုမ်ႇတႆး ၵူၼ်းဝဵင်းၼမ်ႉၶမ်း ၵေႃႉၼိုင်ႈ ၵႂႃႇသူင်ႇၸူႉႁၵ်ႉမၼ်းပွၵ်ႈႁိူၼ်းၶိုၼ်းတီႈထုင်ႉလွႆႁူဝ်သိူဝ်သေ ပွၵ်ႈႁိူၼ်း ႁၢႆၵႂႃႇၼႂ်းၵႄႈၼမ်ႉၶမ်း - ထုင်ႉလွႆႁူဝ်သိူဝ် ႁိုင် 15 ဝၼ်း ၸင်ႇထူပ်းႁၼ်တူဝ်ၶိုၼ်း ယၢမ်းလဵဝ် ႁွတ်ႈၽႅဝ်ၶိုၼ်းႁိူၼ်းယေး လီငၢမ်း လႆႈႁူႉဝႃႈၺႃးတီႉ ။ မိူဝ်ႈဝႃး ဝၼ်းတီႈ 9/4/2023 ယၢမ်းဝၢႆးဝၼ်း 2 မူင်း...

ၵေႃလိၵ်ႈလၢႆးလႄႈၾိင်ႈငႄႈတႆးၸႄႈဝဵင်းမိူင်းယႆ ႁူမ်ႈၽူႈယႂ်ႇၵူၼ်းလူင်သေ ၸတ်းႁဵတ်းပၢင်သွၼ် လိၵ်ႈလၢႆးတႆးၶၢဝ်းမႆႈ ပီၼႆႉ ႁၢင်ႈႁႅၼ်းတႃႇၵူၼ်းဢႃယုသုင် လႄႈၼၢင်းယိင်း မႄႈၸဝ်ႈႁိူၼ်းၸိူဝ်းၼႆႉ လႆႈၶိုၼ်ႈႁဵၼ်းပႃး။ မိူဝ်ႈဝႃး ဝၼ်းတီႈ 9/4/2023 ယၢမ်းၶမ်ႈ ၵေႃလိၵ်ႈလၢႆးလႄႈၾိင်ႈငႄႈတႆးၸႄႈဝဵင်းမိူင်းယႆ ႁူမ်ႈၽူႈယႂ်ႇ ၵူၼ်းလူင်ၼႂ်းဢိူင်ႇၼႂ်းဝၢၼ်ႈသေ တႄႇပိုတ်ႇပၢင်သွၼ်လိၵ်ႈလၢႆးတႆးၶၢဝ်းမႆႈ ပီၼႆႉ ၶိုင်ပွင် ၸတ်းပၼ် တႃႇၵူၼ်းဢႃယုသုင်လႆႈ ႁဵၼ်းပႃး  တေဢၢၼ်းသိုပ်ႇပိုတ်ႇ တႃႇ 12...

ပေႃးတေလၢတ်ႈလွင်ႈၽွမ်ႉႁူမ်ႈ တႆးၼႆၸိုင် လူဝ်ႇလၢတ်ႈလွင်ႈတႆးဢွၼ်တၢင်းယူႇ။ ၵဵဝ်ႇလူၺ်ႈလွင်ႈတႆးၼႆႉၶုၼ်လူင် ပၢႆးပၺႃႇမိူင်းတႆး ၸဝ်ႈသၢႆမိူင်း လႆႈၵဵပ်းႁွမ်တွမ်ၸူႉ သေတႅမ်ႈဝႆႉ မီးၸိူင်ႉၼႆ။ မေႃၵႃႉမေႃၶၢႆ ၊ မေႃႁႃငိုၼ်း။ ပၢၼ်ၵူႈပွၵ်ႈၼၼ်ႉ ၵူၼ်းတင်းၼမ်ႁူႉၸၵ်းဝႃႈ တႆးၼႆႉ ပႃးဝူဝ်းတၢင်ႇသေ ၵႃႉလွင်ႈတွင်ႈတဵဝ်းတၢင်းမိူင်းမၢၼ်ႈ မိူင်းထႆး။ ၵူၺ်းၵႃႈၼႂ်း ၵၢပ်ႈပၢၼ်မႂ်ႇၼႆႉ ႁႂ်ႈပေႃးၶိုတ်းပိူၼ်ႈလႆႈၼၼ်ႉလူဝ်ႇမီးပိုၼ်ႉႁူႉ ၶိုတ်းၵၢပ်ႈ (education) ငိုၼ်းတိုၼ်း (capital)...

သိုၵ်းမၢၼ်ႈတင်း TNLA, PDF ယိုဝ်းၵၼ် ၼႂ်းၸႄႈဝဵင်းၼွင်ၶဵဝ် ႁၢဝ်ႈႁႅင်း မၢၵ်ႇလူင် တူၵ်းသႂ်ႇ ႁိူၼ်းယေး ၵူၼ်းဝၢၼ်ႈလူႉၵွႆ ဢမ်ႇယွမ်း 6 လင် ၵူၼ်းပိုၼ်ႉတီႈ ၺႃးၸၢၵ်ႇမၢၵ်ႇလူႉတၢႆမၢတ်ႇၸဵပ်း ၵမ်ႈၽွင်ႈလႄႈ လႆႈပၢႆႈ ၽေးသိုၵ်းၼပ်ႉႁူဝ်ႁဵင်။ တႄႇဢဝ် ဝၼ်းတီႈ 5/4/2023 မႃး တေႃႇထိုင်ယၢမ်းလဵဝ် ၶွင်ႇသီႇသိုၵ်းမၢၼ်ႈ...

ၾႆးမႆႈႁိူၼ်းၵူၼ်းမိူင်း 47 လင်တီႈ ဝၢၼ်ႈ 12 လၵ်း ဢိူင်ႇၼမ်ႉၽၵ်းၵႃ ၸႄႈဝဵင်းၵူတ်ႉၶၢႆ  လူဝ်ႇတၢင်းၸွႆႈထႅမ်တႃႇယူႇသဝ်း။ မိူဝ်ႈဝၼ်းတီႈ 7/5/2023 ယၢမ်းၵၢင်ၶိုၼ်း 11 မူင်းၼၼ်ႉ ၾႆးၾိုၼ်းလၢမ်းမႆႈႁိူၼ်းယေး 47 လင်ဝၢၼ်ႈ 12 လၵ်း ဢိူင်ႇၼမ်ႉၽၵ်းၵႃ ၼႂ်းၸႄႈဝဵင်းၵူတ်ႉၶၢႆ ဢၼ်မီးၼိူဝ်သဵၼ်ႈတၢင်း ၼမ်ႉၽၵ်းၵႃ - ၼမ်ႉၶမ်း...

ပႃႇတီႇမႂ်ႇသုင်ၸိုင်ႈတႆးလႄႈ ၶွင်ႇသီႇဢဝ်ၶိုၼ်းၸိုင်ႈတႆး ပိုတ်းယိုဝ်းၵၼ်ၼႂ်းၸႄႈဝဵင်းလၢႆးၶႃႈ သွင်ၾၢႆႇမီးလွင်ႈမၢတ်ႇၸဵပ်းလူႉတၢႆ။ မိူဝ်ႈၼႆႉဝၼ်းတီႈ 9/4/2023 RCSS လႄႈ SSPP ပိုတ်းယိုဝ်းၵၼ်ႁိမ်းဝၢၼ်ႈ ၸလၢႆးလွႆ ၸႄႈဝဵင်းလၢႆးၶႃႈ။ ၵူၼ်းပိုၼ်ႉတီႈ ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ သဵင်ႈၵွင်ႈတႄႉဢမ်ႇတၼ်းတႅၵ်ႇႁိုင်ၼင်ႇၵဝ်ႇ ဝႃႈၼႆ။ "သဵင်ၵွင်ႈဢမ်ႇတၼ်း ဢွၵ်ႇႁိုင်။ မွၵ်ႈ 10 မိၼိတ်ႉၼႆႉၵူၺ်း။ ထွမ်ႇသဵင်ၵွင်ႈတႄႉဢမ်ႇဢၢပ်ႈၸႂ်ႈပၢင်တိုၵ်းယႂ်ႇလူင်။ လႅပ်ႈႁူပ်ႉၺႃးၵၼ်သေယိုဝ်းၵၼ်ၸိူင်ႉၼၼ်။ လႆႈငိၼ်းဝႃႈ တင်းသွင်ၾၢႆႇမီးလွင်ႈမၢတ်ႇၸဵပ်းလူႉတၢႆ။ မီးလွင်ႈတီႉလႆႈၵူၼ်းၵၼ်ထႅင်ႈႁေၼႆဢေႃႈ...

မိူင်းတႆးၼႆႉ မီး 50 ၸႄႈဝဵင်းပၢႆ ၼႂ်းၼၼ်ႉ ဝဵင်းတီႈဢၼ် ၵိူတ်ႇဢွၵ်ႇမႃး တိူၵ်ႈၵမ်ႇမထၢၼ်း မူႇလမိၼ်းၵုၼ်း ဢွၼ်တၢင်း သုတ်းပိူၼ်ႈသမ်ႉ ပဵၼ်ဝဵင်းလၢင်းၶိူဝ်းယဝ်ႉ။ ယၢမ်းလဵဝ် သုၼ်တိုဝ်းၵမ် ၵမ်ႇမထၢၼ်း မူႇလမိၼ်းၵုၼ်း ဢၼ်လုၵ်ႉတီႈ ဝဵင်း လၢင်းၶိူဝ်းၼႆႉသေ ၽႄႈၸွတ်ႈတူဝ်ႈမိူင်းတႆးပတ်းပိုၼ်ႉမႃးၼႆႉ မီးၵႂႃႇ 36 တိူၵ်ႈယဝ်ႉ။ တိူၵ်ႈၵမ်ႇမထၢၼ်း...

ပီႈမႂ်ႇသၢင်းၵျၢၼ်ႇ ပီ 2023 ၼႆႉ သိုၵ်းမၢၼ်ႈယိုတ်းမိူင်း တေဢွၼ်ႁူဝ်ၸတ်းႁဵတ်းပွႆးသွၼ်းၼမ်ႉၶိုၵ်ႉယႂ်ႇဝဵင်းယႂ်ႇဝဵင်းလူင် ၼႂ်းၸိုင်ႈတႆး ၼႆလႄႈ  PDF တိုၵ်းသူၼ်း ၵူၼ်းမိူင်း ႁႂ်ႈဝႆႉၾၢင်ႉၼၵ်းၼႃ။ ၸုမ်း PDF ဝဵင်းၾၢႆၶုၼ် ၾၢင်ႉဝႆႉဝႃႈ- “ ပေႃႈမႄႈၵူၼ်းမိူင်း ၸိူဝ်းတေၵႂႃႇလဵၼ်ႈၼမ်ႉၸွမ်းပွႆးသွၼ်းၼမ်ႉဢၼ် သိုၵ်းမၢၼ်ႈဢွၼ်ၼမ်းၸတ်းႁဵတ်းၼၼ်ႉ  ႁႂ်ႈၾၢင်ႉယႂ်ႇၼမ် ။ယွၼ်ႉဝႃႈ သိုၵ်းမၢၼ်ႈၼႆႉ ၵႆႉႁၢင်ႈမၢၵ်ႇဝႆႉသေ ပေႃးမၢၵ်ႇတႅၵ်ႇလႄႈၵူၼ်းမိူင်းလူႉတၢႆၼႆ...

သိုၵ်းမၢၼ်ႈတင်း သိုၵ်း TNLA ပဵၼ်ပၢင်တိုၵ်းၵၼ် ၼႂ်းၸႄႈဝဵင်းလႃႈသဵဝ်ႈ ၾၢႆႇသိုၵ်းမၢၼ်ႈ ၸႂ်ႉၶိူင်ႈမိၼ်ယိုဝ်းၸွႆႈသေ မၢၵ်ႇ လူင် တူၵ်းတႅၵ်ႇၼႂ်းမူႇဝၢၼ်ႈ တိူဝ်ႉသႂ်ႇႁိူၼ်းယေး ၵူၼ်းဝၢၼ်ႈ လူႉၵွႆ သွင်လင်လႄႈ ၵူၼ်းမိူင်း လႆႈတိူဝ်ႉမၢတ်ႇၸဵပ်းၸွမ်း သွင်ၵေႃႉ။ ဝၼ်းတီႈ 7/4/2023  ယၢမ်းၵၢင်ၼႂ် 9:21 မူင်းထိုင် 10:15 မူင်း ၶွင်ႇသီႇ...

ၵဵဝ်ႇလူၺ်ႈလွင်ႈၽွမ်ႉႁူမ်ႈတႆးၼႆႉဢၼ်လီမၢႆတွင်းမီးဝႆႉၵႂၢမ်းလၢတ်ႈၶွင် ပူၵ်ႈၵူဝ်ႇ 5 ၵေႃႉ။ 1-ၸဝ်ႈၼူၼ်းဢူလွၵ်းၸွၵ်ႇယၢမ်ႈၶႆႈၼႄဝႃႈ “ၺႃးပီႈၼွင်ႉမိူင်းၼွၵ်ႈယၢမ်ႈ ယူႇၸွမ်းတႆးတင်းႁိုင် လၢတ်ႈဝႃႈ တႆးၼႆႉမီႈလွၵ်းဢူၼ်ႈ ဢၼ်ၼိုင်ႈ။ ဢၼ်မေႃသီႈၵေႉႁေႈတႃ (jealous) ၵၼ်။” 2-J.G.Scott ဢၼ်ယၢမ်ႈပဵၼ်ၶုၼ်ၽွင်းမိူင်းတႆးၵေႃႈတႅမ်ႈၼႂ်း Burma: A Handbook of Practical Information (1906) တီႈၼႃႈလိၵ်ႈ ၼႃႈလိၵ်ႈ 115 ၼၼ်ႉဝႆႉဝႃႈ ...

ၵူၼ်းမိူင်းၾင်ႇမိူင်းမူႇၸေႊ ၶဝ်ႈထႅဝ်ၵၼ်ပႂ်ႉၶၢမ်ႈလႅၼ်လိၼ် တႃႇၶဝ်ႈဝဵင်းၸေႊၵဝ်ႇ ယၢဝ်းယိူတ်ႈၵိုၼ်းတဵမ်ၵူႈဝၼ်း၊ ထိုင်တီႈမီးၵူၼ်းၵိၼ်ၸၢင်ႈၶဝ်ႈထႅဝ်၊ ၵမ်ႈၽွင်ႈဢဝ်တီႈယူႇဝႆႉတႃႇၶၢႆၶိုၼ်းၵေႃႈမီး ၵူၼ်းပိုၼ်ႉတီႈဢၼ်လူဝ်ႇၶဝ်ႈဢွၵ်ႇတႄႉတႄႉ ၼၼ်ႉယၢပ်ႇၽိုတ်ႇၵိၼ်းၸႂ်။ တင်ႈတႄႇ လူင်ပွင်ၸိုင်ႈၶႄႇ ပိုၼ်ၽၢဝ်ႇ ပိုတ်ႇၽၵ်းတူမိူင်း လႅၼ်လိၼ်တႆး - ၶႄႇ ပဵၼ်တၢင်းၵၢၼ်မႃး မိူဝ်ႈဝၼ်းတီႈ 8/1/2023 ၼၼ်ႉသေ ၵူၼ်းမိူင်းၶဝ်ႈဢွၵ်ႇမိူင်းၶႄႇ မီးၼမ်ၵူႈဝၼ်း။ တီႈၼႃႈ ၽၵ်းတူၸၢင်ႉၽိူၵ်ႇ (ဆင်ဖြူဂိတ်)...

ၼႂ်းပီ 2017 လုၵ်ႈလိူၼ်မေႊၼၼ်ႉ ၵေႃပွင်ၵၢၼ်ၽွမ်ႉႁူမ်ႈၸိုင်ႈတႆး CSSU ႁွင်ႉႁူၺ်းဢဝ် ပီႈၼွင်ႉၸၢဝ်းၶိူဝ်း ၼႂ်းတႆးႁဝ်းတင်းမူတ်းတင်းသဵင်ႈ ၵႂႃႇဢုပ်ႇၵၼ်တီႈၼေႇပျီႇတေႃႇသေယဝ်ႉ မီးၶေႃႈတူၵ်းလူင်းလႆႈၸႂ်ၵၼ်မႃးဝႃႈ ဢၼ်တပ်ႉသိုၵ်းမၢၼ်ႈႁဵတ်းႁႂ်ႈ လူင်းလၢႆးမိုဝ်းၸွမ်းလွင်ႈဝႃႈတေဢမ်ႇၽၢတ်ႇဢွၵ်ႇမိူင်းမၢၼ်ႈသေပွၵ်ႈ ဢၼ်ဝႃႈၼၼ်ႉ မူႇၸုမ်းတႆး မႃးႁူပ်ႉၵၼ် ၸဵတ်းပႅတ်ႇၸုမ်းၼၼ်ႉ ဢမ်ႇမီးၽူႈလႂ်ၸုမ်းလႂ်လူင်းလၢႆးမိုဝ်းလႆႈၸႂ်ၸွမ်းမႃး ၼႂ်းမိူဝ်ႈၼၼ်ႉ။ တီႈပၢင်ၵုမ်ဢၼ်ၼၼ်ႉ တွၵ်ႊတိူဝ်ႊၸၢႆးမွၵ်ႇၶမ်းၵေႃႉပဵၼ်ၵႅမ်ၸွမ်ၸိုင်ႈၵဝ်ႇလူင်ပွင်ၸိုင်ႈ ပႃႇတီႇသၢင်ႇသီႈ၊ ၸဝ်ႈၶိုၼ်းသႂ်ၸႂ်ယဵၼ် ၵေႃႉပဵၼ်ၽူႈၵိူဝ်းၵုမ်ၶွင်သီႇဢဝ်ၶိုၼ်းၸိုင်ႈတႆး ၊ လုင်းႁွင်ၶမ်းၵေႃႉပဵၼ်...

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် တူၵ်းတႅၵ်ႇၼႂ်းဝၢၼ်ႈ တီႈၸႄႈဝဵင်းမိူင်းပၢႆး ၵူၼ်းမိူင်း တိူဝ်ႉၸၢၵ်ႇမၢၵ်ႇ 2 ၵေႃႉ။ ၼႂ်းဝၼ်းတီႈ 7/4/2023 ၵၢင်ၼႂ်ၸဝ်ႉ 6 မူင်း သိုၵ်းမၢၼ်ႈလၢမ်းယိုဝ်းၵွင်ႈလူင် တူၵ်းတႅၵ်ႇ ၼႂ်းဝၢၼ်ႈ တီႈၾၢႆႇဢွၵ်ႇဝဵင်းမိူင်းပၢႆး ၵူၼ်းမိူင်း 2 ၵေႃ့ တိူဝ့်ၸၢၵ်ႇမၢၵ်ႇ မၢတ်ႇၸဵပ်း။ ၽူႈမီပုၼ်ႈၽွၼ်းၼႂ်းၸုမ်း Jop for kayah လၢတ်ႈတီႈၽူႈတွႆႇႁွၵ်ႈဝႃႈ...