ၵူၼ်းပၢႆႈၽေးသိုၵ်း 159 ၵေႃႉ ဢၼ်ပၢႆႈမႃးသွၼ်ႈဝႆႉတီႈဝတ်ႉလူင် မိူင်းၼွင် ၶၢဝ်းတၢင်းၸမ်ၼိုင်ႈလိူၼ်ၼႆႉ ယၢမ်းလဵဝ် ဢွၼ်ၵၼ်ပွၵ်ႈၶိုၼ်းမူတ်းယဝ်ႉ ယွၼ်ႉပဵၼ်ၶၢဝ်းလူင်းၵၢၼ် လူဝ်ႇမိူဝ်းၽုၵ်ႇသွမ်ႈ ။   ပူၼ်ႉမႃး မိူဝ်ႈဝၼ်းတီႈ 8/5/2023 ၼႆႉ ၵူၼ်းပၢႆႈၽေးသိုၵ်း ဝၢၼ်ႈတူင်ႈတင်း ဝၢၼ်ႈၾၢႆႇမွင်ႉ ၼႂ်းဢိူင်ႇဝၢၼ်ႈတူင်ႈ ဢၼ်ပၢႆႈမႃးသွၼ်ႈဝႆႉတီႈဝတ်ႉလူင်မိူင်းၼွင် (မင်ႇၵလႃႇယၢၼ်ႇဢွင်ႇ) တီႈဝဵင်းမိူင်းၼွင် ၸႄႈဝဵင်းၵေးသီး...

ၵႃးတၢင်ႇၵုၼ်ႇ လမ်းၼိုင်ႈ ပဵၼ်ၽေးၵိုင်ႉၵၢင်ႉ ပရိတ်ႈပွင်ႇသေ တမ်သႂ်ႇလွႆ တၢႆ 1 ၵေႃႉ မၢတ်ႇၸဵပ်း 3 ၵေႃႉ ဝႃႈၼႆ။ ပူၼ်ႉမႃး မိူဝ်ႈဝၼ်းတီႈ 8/5/2023 ယၢမ်းႁူဝ်ၶမ်ႈ 5 မူင်းပၢႆ ၵႃးတၢင်ႇၵုၼ်ႇ 6 လေႃႉ လမ်းၼိုင်ႈ ပရိတ်ႈပွင်ႇသေ လေႃႈတမ်...

ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ဢွၵ်ႇလိၵ်ႈပိုၼ်ၽၢဝ်ႇၽိုၼ်ၼိုင်ႈ သပ်းလႅင်းလွင်ႈၶလိပ်ႉ ဝီႊတီႊဢူဝ်ႊ ဢၼ်ၵူၼ်းမိူင်းၺႃးမတ်ႉၽႅၼ်တူၼ်ႈမႆႉသေ ၺႃးၾႆးႁုမ်းၵူထဵတ်ႈထၢမ် ဢၼ်ၽႄႈယူႇၼိူဝ်ဢွၼ်ႊလၢႆႊၼၼ်ႉပဵၼ်လွင်ႈတႄႉ၊ ယွၼ်ႉပိူဝ်ႈၾၢႆႇ RCSS ၵမ်းၵမ်း ႁၢင်ႈၵၢင်မၢၵ်ႇသႂ်ႇ လႄႈတီႉၺွပ်းၽူႈထၢင်ႇထိူမ်မႃးၵူတ်ႇထတ်းထဵတ်ႈထၢမ်ဝႃႈၼႆ။ လိၵ်ႈပိုၼ်ၽၢဝ်ႇၼၼ်ႉ  SSPP တႅမ်ႈတၢင်ႇပိုၼ်ၽၢဝ်ႇပဵၼ်တၢင်းၵၢၼ်တီႈၼႃႈ Page – SSPP Info မိူဝ်ႈဝၼ်းတီႈ 10/05/2023  ။ ၼႂ်းလိၵ်ႈပိုၼ်ၽၢဝ်ႇၼၼ်ႉတႅမ်ႈဝႆႉဝႃႈ...

ၼၢႆးၼႃႈၵူၼ်းၶၢႆတီႈလိၼ်ၵေႃႉၼိုင်ႈ တီႈၸႄႈဝဵင်းလႃႈသဵဝ်ႈ ၺႃးၸုမ်းဢမ်ႇႁူႉၾၢႆႇ တီႉၺွပ်းၵႂႃႇ ၶႃႈႁႅမ်လူႉတၢႆ။ ၼၢႆးၼႃႈၶၢႆတီႈလိၼ်(ပွႆးၸႃး)ၼႆႉ ၸိုဝ်ႈႁွင်ႉ ၵူဝ်ႇဢွင်ႇမျၢႆႇ ဢႃယု 53 ပီ ထုၵ်ႇၸုမ်းဢမ်ႇႁူႉၾၢႆႇ တီႉၺွပ်းၵႂႃႇမိူဝ်ႈဝၼ်းတီႈ 30/4/2023 ၼၼ်ႉသေ ၺႃးၶႃႈႁႅမ်တၢႆ။ ၵူၼ်းၸမ်ၸႂ်ၵူဝ်ႇဢွင်ႇမျၢႆႇၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ႁဝ်းႁူႉၸၵ်းၵၼ်မႃး ၶၢဝ်းတၢင်း 7 ပီယဝ်ႉဢေႃႈ။ မိူဝ်ႈဢွၼ်တၢင်း မၼ်းၼႆႉ ပဵၼ်...

ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး SHRF ၸီႉၸမ်ပိုၼ်ၽၢဝ်ႇႁႂ်ႈသိုၵ်းမၢၼ်ႈ သၢႆႈတႅၼ်းၶိုၼ်းၵူၼ်းမိူင်းၼွင်ၶဵဝ် လႆႈလူႉသုမ်း ၶူဝ်းၶွင်လႄႈသၢႆၸႂ် ယွၼ်ႉပၢင်တိုၵ်း ။ မိူဝ်ႈၼႆႉ ဝၼ်းတီႈ 9/5/2023 ယူႇတီႈ ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး (SHRF) ဢွၵ်ႇၽိုၼ်တၢမ်းငဝ်းလၢႆး လွင်ႈသိုၵ်းမၢၼ်ႈ ၸႂ်ႉၵွင်ႈလူင်၊ ၶိူင်ႈမိၼ်တိုၵ်း ၼႂ်းပၢင်တိုၵ်းတင်း သိုၵ်းတဢၢင်း TNLA...

လွင်ႈထုၵ်ႇလွၵ်ႇ “သိုဝ်ႉၶၢႆတီႈလိၼ်” ၼၼ်ႉ ပၼ်ႁႃၼႆႉလၢႆၵေႃႉတေၸၢင်ႈထူပ်းၵမ်ႈတူဝ်ယူႇ ဢမ်ႇၼၼ်ၵေႃႈ တေယၢမ်ႈႁၼ်ယၢမ်ႈယိၼ်းမႃးယူႇ။ ၼႂ်းမိူင်းထႆးၼႆႉ လူၺ်ႈၵၢၼ်ထုၵ်ႇလွၵ်ႇသိုဝ်ႉတီႈလိၼ်တႃဝွတ်ႇ တီႈလိၼ်ဢၼ် ပဵၼ်ပိုၼ်ႉတီႈႁၢမ်ႈထၢႆႇဢူၼ်း ႁိုဝ် တီႈလိၼ်ဢၼ်ၽုၵ်ႇမတ်ႉၸိုဝ်ႈၽူႈၶၢႆလႂ်ၸိူဝ်းၼၼ်ႉ လိူဝ်သေသဵင်ႈငိုၼ်းသဵင်ႈ တွင်းလၢႆယဝ်ႉ ယင်းမႃးသဵင်ႈၶၢဝ်းယၢမ်းလႄႈ ပဵၼ်လိူင်ႈၶၻီး(ဢမု) ၶိုၼ်ႈသၢၼ်ၶိုၼ်ႈၸၢႆးထႅင်ႈလူးၵွၼ်ႇ။ ၸိူင်ႉၼင်ႇတီႈလိၼ်ဢၼ်ထုၵ်ႇသင်ႇႁၢမ်ႈထၢႆႇဢူၼ်း ယွၼ်ႉထုၵ်ႇမၢႆသင်ႇသၢၼ် 1443/2539 လူၺ်ႈၽွင်းဢၼ် ႁဵတ်းလိၵ်ႈၵိၼ်ၵႅၼ်ႇတေသိုဝ်ႉတေၶၢႆ ၽူႈသိုဝ်ႉဢမ်ႇႁူႉဝႃႈတီႈလိၼ်ၽိုၼ်ၼႆႉ မီးလိူင်ႈတိတ်းၶၢင်ႉၶမ်ဝႆႉၼႂ်းသၢၼ် (လုမ်းတြႃး)...

ႁူင်းႁဵၼ်းပရႁိတၼွင်ၽႃ ဝဵင်းၶူဝ်လမ် လူဝ်ႇတၢင်းၸွႆႈထႅမ်တႃႇမႄးၵုမ်းလုမ်းလႃး ဢွင်ႈတီႈသႃလႃးဝႆႈၽြႃး/ ၶၢမ်ႇၶႅၵ်ႇ တႃႇ လုၵ်ႈႁဵၼ်းလႄႈ ၶဵင်ႇလၢင်ႉဝၢၼ်ႇ ယွၼ်ႉၾူၼ်ယႂ်ႇလူမ်းလူင် ၽတ်ႉသႂ်ႇသေ လႆႈလူႉၵွႆတင်းၼမ်လၢႆ။ ပူၼ်ႉမႃး မိူဝ်ႈဝၼ်းတီႈ 4/5/2023 ယၢမ်းဝၢႆးဝၼ်း 2:15 မူင်း ၾူၼ်ယႂ်ႇလူမ်းလူင် ၽတ်ႉဢဝ်ၶဵင်ႇလၢင်ႉဝၢၼ်ႇလႄႈ သႃလႃး ဢွင်ႈတီႈဝႆႈၽြႃး/ ၶၢမ်ႇၶႅၵ်ႇ တႃႇလုၵ်ႈႁဵၼ်း တီႈႁူင်းႁဵၼ်းပရႁိတၼွင်ၽႃ ဝဵင်းၶူဝ်လမ်...

ၾူၼ်ႁႃႇယႂ်ႇလူမ်းလူင်ၽတ်ႉႁႅင်းသေ ဝတ်ႉဝႃးၽႃသိူဝ်ႇလႄႈ လင်ႁိူၼ်းၵူၼ်းမိူင်း ၼႂ်းၸႄႈဝဵင်းမိူင်းသၢတ်ႇ လူႉၵွႆၼမ်။ မိူဝ်ႈဝႃး ဝၼ်းတီႈ 8/5/2023 ယၢမ်းႁူဝ်ၶမ်ႈ 4 မူင်းပၢႆၼၼ်ႉ ၾူၼ်ႁႃႇယႂ်ႇလူမ်းလူင်ၽတ်ႉႁႅင်းသေ ဝတ်ႉဝႃးၽႃသိူဝ်ႇလႄႈ လင်ႁိူၼ်းၵူၼ်းမိူင်း ပွၵ်ႉဝဵင်းၵွင်း ၊ ပွၵ်ႉဝဵင်းၼိူဝ် ၼႂ်းၸႄႈဝဵင်းမိူင်းသၢတ်ႇ လူႉၵွႆၼမ်။ ၵူၼ်းၼႂ်းပိုၼ်ႉတီႈဝဵင်းမိူင်းသၢတ်ႇၵေႃႉၼိုင်ႈလၢတ်ႈတီႈ ၽူႈတွႆႇႁွၵ်ႈဝႃႈ- “ ၸႂ်ႈဢေႃႈ ၾူၼ်လူင်လူမ်းလူင်ႁႅင်းၼႃႇလႄႈ ႁိူၼ်းၼႂ်းဝၢၼ်ႈႁဝ်းၵွႆၼမ်ဝႆႉဢေႃႈ။မၢင်ႁိူၼ်း လဵၵ်းၽိူၵ်ႇမုင်းႁိူၼ်းၸိူဝ်းၼႆႉ...

မီးၵူၼ်း/ ၸုမ်းဢမ်ႇႁူႉၾၢႆႇ ဢၢင်ႈၸိုဝ်ႈပဵၼ်ၸုမ်းယိပ်းၵွင်ႈၵၢင်ႇသေ ဢႅဝ်ႇလွၵ်ႇငိုတ်ႈၵဵပ်းၶွၼ်ႇ ၸွမ်းႁၢၼ်ႉၶၢႆ ၶူဝ်း ၵုၼ်ႇ၊ ၽူႈမၢၵ်ႈမီး (သထေး) ၸိူဝ်းၼႆႉ မႃးၶိူဝ်းယႂ်း တၢင်းမိူင်းတႆး ပွတ်းႁွင်ႇ။ မိူဝ်ႈႁၢင်လိူၼ်ဢေႊပရိူဝ်ႊ 2023 ပူၼ်ႉမႃးၼႆႉ မီးၵူၼ်းဢမ်ႇႁူႉၾၢႆႇ ဢၢင်ႈၸိုဝ်ႈဝႃႈ ပဵၼ်ၸုမ်းယိပ်းၵွင်ႈၵၢင်ႇ/ ၸုမ်းၵႅတ်ႇၶႄ ၵူၼ်းမိူင်း PDF (မိူင်းယၢင်းလႅင် KNDF) ၼႆသေ...

သၢဝ်ပၢင်လူင်ၵေႃႉၼိုင်ႈ ဢွၵ်ႇႁိူၼ်းၵႂႃႇ ဢမ်ႇပွၵ်ႈမႃး ၶိုၼ်းႁိုင် 10 ဝၼ်းပၢႆယဝ်ႉ ၵႂႃႇမီးလႂ် ထုၵ်ႇတီႉၺွပ်းႁိုဝ် တၢႆႁိုဝ်လိပ်း ပေႃႈမႄႈၵူၼ်းႁိူၼ်းမႆႈၸႂ်။ မိူဝ်ႈ ဝၼ်းတီႈ 29/4/2023 ယၢမ်းၵၢင်ၼႂ် 9 မူင်း  ၼၢင်းယိင်းၵေႃႉၼိုင်ႈ ၵူၼ်းပွၵ်ႉ 2 ၸႄႈဝဵင်းပၢင်လူင် မၼ်းၼၢင်းလၢတ်ႈဝႃႈ တေၵႂႃႇလႄႇတၢင်းၼွၵ်ႈၵမ်ႉၼိုင်ႈၼႆသေ ဢွၵ်ႇႁိူၼ်းၵႂႃႇ၊ ႁၢႆၵႂႃႇလႆႈ 10...

မိူဝ်ႈၼႆႉ ဝၼ်းတီႈ 8/5/2023 ယၢမ်းဝၢႆးဝၼ်း 2 မူင်းၶိုင်ႈ ၾူၼ်ယႂ်ႇလူမ်းလူင် တူၵ်းတီႈဝဵင်းၶူဝ်လမ် ၽတ်ႉသႂ်ႇၵျွင်းသုင်းသွမ်း တီႈသီႇရိမင်ႇၵလႃႇ ၵျွင်းလူင် ပွၵ်ႉ 2 ဝဵင်းၶူဝ်လမ် ၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ၽတ်ႉဢဝ်လဵၵ်းၽိူၵ်ႇ ၵွၵ်းပိဝ်ပႅတ်ႈတင်းလင်။ ၸဝ်ႈသြႃႇ တွၵ်ႇတိူဝ်ႇ ပၺ်ၺႃသီရိ ၽူႈၵွၼ်းဝတ်ႉသီႇရိမင်ႇၵလႃႇ ၵျွင်းလူင်...

ပၢင်တိုၵ်း သိုၵ်းမၢၼ်ႈတင်းPDF တီႈၸႄႈဝဵင်းယႂႃႇငၢၼ်ႇၼႆႉ ၾၢႆႇသိုၵ်းမၼ်ႈၸႂ်ႉၶိူင်ႈမိၼ်လေႃႇတိုၵ်းႁၢဝ်ႈႁႅင်းလႄႈ ၵူၼ်းမိူင်းလႆႈပၢႆႈၽေးၼပ်ႉႁူဝ်ပၢၵ်ႇ။ တႄႇဢဝ် ဝၼ်းတီႈ 4/5/2023 ၼၼ်ႉမႃး သိုၵ်းမၢၼ်ႈ ပၵ်းပၢင်သဝ်းယူႇၸွမ်း ၼႂ်းဝၢၼ်ႈ ဢၼ်မီးၼႂ်းၵႄႈ ဝဵင်းတႃႇသီႇလႄႈယႂႃႇငၢၼ်ႇၼၼ်ႉသေ ၸုမ်းသိုၵ်း PDF  ၶဝ်ႈလေႃႇတိုၵ်းမႃး ဢမ်ႇထၢတ်ႇဢမ်ႇဝၢႆး ၾၢႆႇသိုၵ်းမၢၼ်ႈၸႂ်ႉၶိူင်ႈမိၼ်လေႃႇတိုၵ်းလႄႈ ၵူၼ်းမိူင်းလႆႈပၢႆၽေး ဢမ်ႇယွမ်း 500 ၼႆယဝ်ႉ ။ ၵူၼ်းၼႂ်းတီႈပိုၼ်ႉတီႈ ဝဵင်းယႂႃႇငၢၼ်ႇၵေႃႉၼိုင်ႈ...

ၵဵဝ်ႇၵပ်းလူၺ်ႈပၼ်ႁႃမိူင်းမၢၼ်ႈသေ ၼင်ႇႁိုဝ်တေၵိူတ်ႇမီးမႃး ပၢင်ၵုမ်ၵၢၼ်ငမ်းယဵၼ်ၼၼ်ႉ ယူႇတီႈမိူင်းဢိၼ်ႊတူဝ်ႊၼီႊသျႃႊ ဢၼ်ႁပ်ႉဝႆႉ တၼ်းႁဵင်းႁူဝ်ပဝ်ႈ ဢႃႊသီႊယၼ်ႊ တိတ်းတေႃႇသိုဝ်ႇသၢၼ်ၸွမ်းမိူင်းၶႄႇ မိူင်းထႆး မိူင်းဢိၼ်ႊတီႊယိူဝ်ႊ ၸိူဝ်းၼႆႉသေဢမ်ႇၵႃး ပႃးၸဵမ်ၽူႈၵဵဝ်ႇၶွင်ႈတင်းသဵင်ႈၼၼ်ႉ ဢမ်ႇယွမ်း 60 ပွၵ်ႈယဝ်ႉၼႆ ရႅတ်ႊၼူဝ်ႊ ၵေႃႉပဵၼ် ၶုၼ်ၽွင်းလူင်ၾၢႆႇမိူင်းၼွၵ်ႈမိူင်းဢိၼ်ႊတူဝ်ႊၼီႊသျႃႊ လၢတ်ႈၵႂႃႇတီႈ ပၢင်ၸႅင်ႈၶၢဝ်ႇၵႂႃႇ ဝၼ်းတီႈ 5 လိူၼ်မေႊၼႆႉ။ လွင်ႈသိုဝ်ႇသၢၼ်တိတ်းတေႃႇၵၼ်ၼႆႉ တၢင်တူဝ်ႁူပ်ႉထူပ်းၵၼ်ၵေႃႈမီး...

ၵူၼ်းပၢႆႈၽေးသိုၵ်း တီႈမိူင်းၼွင် ဢွၼ်ၵၼ်တုၵ်းယွၼ်း ႁႂ်ႈသိုၵ်းပွတ်းၸၢၼ်း – ပွတ်းႁွင်ႇ ၵိုတ်းတိုၵ်းၵၼ် ၶၼ်ၽႂ်း ယွၼ်ႉ ပဵၼ်ၶၢဝ်းႁဵတ်းၵၢၼ်လႄႈ လူဝ်ႇပွၵ်ႈႁိူၼ်းယေးယဝ်ႉ ဝႃႈၼႆ။ တႄႇဢဝ် ဝၼ်းတီႈ 11/5/2023 ၼၼ်ႉမႃး တေႃႇထိုင်ယၢမ်းလဵဝ် တေမီးၶၢဝ်းတၢင်း 1 လိူၼ်ယဝ်ႉ ၵူၼ်းဝၢၼ်ႈတူင်ႈ၊ ဝၢၼ်ႈ ၾၢႆႇမွင်ႉ ၼႂ်းဢိူင်ႇဝၢၼ်ႈတူင်ႈ...

တႄႇဢဝ်ႁူဝ်ပီ 2023 ၼႆႉမႃး သိုၵ်းမၢၼ်ႈတင်ႈလၢၼ်ႇပႂ်ႉၵူတ်ႇထတ်းၸွမ်းၵဵတ်ႉ ၶဝ်ႈဢွၵ်ႇမိူင်းပဵင်း ၸႄႈတွၼ်ႈၵဵင်းတုင်ႁၢဝ်ႈႁႅင်းလႄႈ  ႁဵတ်းႁႂ်ႈရူတ်ႉၵႃးၵူႈသႅၼ်းသႅၼ်း ၵႂႃႇမႃးၶွင်ႈၶမ်ယၢပ်ႇၽိုတ်ႇသေဢမ်ႇၵႃး ၵူၼ်းမိူင်းၸိူဝ်းဢွၵ်ႇတႃႈဢွၵ်ႇတၢင်းၵေႃႈ ဢမ်ႇမီးလွင်ႈႁူမ်ႇလူမ်ႈ ။ ၵူၼ်းႁေႃႈၵႃးတူၼ်ႈတီး-ၵဵင်းတုင်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ၶဝ်ၵူတ်ႇထတ်းတေႉဢေႃႈ ။ မိူဝ်ႈၵူႈပွၵ်ႈၵေႃႈ ၶဝ်ထတ်းယူႇ မၼ်းဢမ်ႇပေႃးၵျၢမ်းပဵင်းၼႆႉၼၼ်ႉၼႃႇၼေႃႈ။ မိူဝ်ႈလဵဝ်တႄႉ ၶႂ်ႈႁိုင်ႁႅင်းဝႆႉဢေႃႈ။   မိူဝ်ႈတႄႇမၼ်းတႄႉၵေႃႈ ၵူတ်ႇထတ်းမဝ်မဝ်ၵွႆး ဝၢႆးမႃးၵေႃႈ...