ယၢမ်းလဵဝ် ၵူၼ်းမိူင်းၸိူဝ်းၶိုၼ်ႈလူင်း မိူင်းတႆး - မိူင်းမၢၼ်ႈ တၵ်းတေလႆႈဢဝ်ဝႂ်ၵမ်ႉ တီႈၽူႈၵွၼ်းပွၵ်ႉလႄႈ ပလိၵ်ႈမၢၼ်ႈ ၸင်ႇၸၢင်ႈၶီႇရူတ်ႉၵႃး။ ဝၢႆးလင် သိုၵ်းမၢၼ်ႈ ပိုၼ်ၽၢဝ်ႇ ပိူင်ႁၢပ်ႇၵၢၼ်သိုၵ်းမႃးသေ တႄႇဢဝ်လိူၼ်မၢတ်ႊၶျ်ၼႆႉမႃး ၵူၼ်းမိူင်း ၸိူဝ်းတေလုၵ်ႉတူၼ်ႈတီး ၵႂႃႇတႃႈၵုင်ႈ -ဝဵင်းလိူဝ်ႇလႄႈ ၵႂႃႇတၢင်းမိူင်းမၢၼ်ႈ တူင်ႈပဵင်း ဢမ်ႇၼၼ် လုၵ်ႉမိူင်းမၢၼ်ႈတူင်ႈပဵင်းသေ တေ မႃးမိူင်းတႆး...

ၸုမ်းၵူၼ်းၼုမ်ႇပဢူဝ်း PYO ဢွၵ်ႇၶေႃႈပိုၼ်ၽၢဝ်ႇ ၽိုၼ်ၼိုင်ႈ မိူဝ်ႈဝၼ်းတီႈ 19 လိူၼ်မၢတ်ႊၶျ်ၼႆႉဝႃႈ - ယွၼ်ႉပၢင်တိုၵ်း ၼႂ်းၵႄႈသိုၵ်းမၢၼ်ႈလႄႈ သိုၵ်းပဢူဝ်း ဢၼ်ပဵၼ်မႃးၶၢဝ်းတၢင်းလိူၼ်ပၢႆ ၼႂ်းၸႄႈဝဵင်းသီႇသႅင်ႇ၊ ႁူဝ်ပူင်းလႄႈ ပၢင်လွင်း ၸိူဝ်းၼႆႉသေ ႁဵတ်းႁႂ်ႈ ၵူၼ်းမိူင်းပၢႆႈၽေးသိုၵ်း မီးသႅၼ်ပၢႆယဝ်ႉ ဝႃႈၼႆ။ ၽူႈၶၢၼ်ပၢၵ်ႇ PYO လၢတ်ႈတီႈသိုဝ်ႇၶၢဝ်ႇ RFA ဝႃႈ...

လုၵ်ႈဢွၼ်ႇ သွင်ၵေႃႉ ၽွင်းတိုၵ်ႉလဵၼ်ႈတၢင်းၼႃႈႁိူၼ်းယူႇၼၼ်ႉ ထုၵ်ႇၸုမ်းဢမ်ႇႁူႉၾၢႆႇ တီႉၺွပ်းဢဝ် ၵႂႃႇပဵၼ်တူဝ်ယိူဝ်ႇ (ပြန်ပေးဆွဲ) သေ ႁႂ်ႈပေႃႈမႄႈလုၵ်ႈဢွၼ်ႇ ၵႂႃႇထုတ်ႇတူဝ် ယွၼ်း ငိုၼ်းၶႄႇ 1 သႅၼ်ယႂၼ်ႊ။ ဝၼ်းတီႈ 19/3/2024 ယၢမ်းဝၢႆးဝၼ်းမွၵ်ႈ 2 မူင်း လုၵ်ႈဢွၼ်ႇ သွင်ၵေႃႉ ဢႃယု 10 ၶူပ်ႇပၢႆလႄႈတင်း 13...

ယၢမ်းလဵဝ် ၵူၼ်းၼုမ်ႇ ၼႂ်းၸႄႈဝဵင်းမိူင်းတူၼ် ဢွၼ်ၵၼ်ပၢႆႈၶဝ်ႈမိူင်းထႆးၼမ် ယွၼ်ႉပိူင်ၵဵပ်းသိုၵ်း မၢၼ်ႈသေ ႁဵတ်းႁႂ်ႈတုမ်ႉတိူဝ်ႉၵၢၼ်ႁႃၵိၼ်လဵင်ႉတွင်း ၼႂ်းၼႃႈႁိူၼ်းယေး ၼႆယဝ်ႉ။ ၼႂ်းၵၢင်လိူၼ်မၢတ်ႊၶျ် 2024 ၼႆႉ ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ တီႈဝဵင်းမိူင်းတူၼ် ဢမ်ႇဢုပ်ႇ လၢတ်ႈ ပွင်ႇၶၢဝ်ႇသင်တီႈၵူၼ်းမိူင်းသေ လူင်းၵဵပ်းသဵၼ်ႈၸိုဝ်ႈၵူၼ်းၼုမ်ႇ ၼႂ်းဝၢၼ်ႈၼႂ်းသူၼ်တႃႇၵႂႃႇ ၾိုၵ်းၵၢၼ်သိုၵ်းၼႆသေ ထိုင်တီႈဢၢၼ်းႁူမ်ႈငိုၼ်းၵၼ် ၵႂႃႇၸၢင်ႈၸၢဝ်းမၢၼ်ႈ တူင်ႈပဵင်းဢၼ်မႃးတွႆႇ မၢၵ်ႇႁိၼ်ႁဵတ်းတၢင်းၼၼ်ႉ ၵႂႃႇတၢင်တႅၼ်း...

ၵူၼ်းမိူင်းၾင်ႇ မိူင်းတႆး ဢၼ်ႁဵတ်းဝႂ်ၶၢမ်ႈလႅၼ်လိၼ်သေ ၶဝ်ႈႁဵတ်းၵၢၼ်ၼႂ်းမိူင်းၶႄႇၼၼ်ႉ ယၢမ်းလဵဝ် ပလိၵ်ႈၾင်ႇမိူင်းၶႄႇ ၵူတ်ႇထတ်းႁၢဝ်ႈႁႅင်းသေ ယွၼ်းတူၺ်း QR ၶူတ်ႉ ဢၼ်မီးဝႂ်ဢၼ်ၶဝ်မၵ်းမၼ်ႈ ဝႆႉၼၼ်ႉ။ ၼႂ်း QR ၶူတ်ႉၼၼ်ႉ ပႃးဝႆႉ ဝႂ်ၶၢမ်ႈလႅၼ်လိၼ် ဢၼ်မီးဢႃႇယု 7 ဝၼ်း၊ ဝႂ်ၵမ်ႉထႅမ်ပၢႆးယူႇလီ၊ ဝႂ်ၵမ်ႉဢၼ်တီႈၸုမ်းႁႃပၼ်ၵၢၼ်ဢွၵ်ႇပၼ် ၸိူဝ်းၼႆႉ ။ သင်ဢမ်ႇၼႄလႆႈQR...

သင်ၶၸဝ်ႈလႄႈ ၵူၼ်းၼမ်ႉလၼ်ႈ ၸတ်းႁဵတ်းပၢင်ၵုမ် ဢုပ်ႇဢူဝ်းၵၼ်သေ တႅတ်းတတ်းလႆႈၸႂ်ၵၼ်ဝႃႈ ပွႆးလိူၼ်သီႇပီၼႆႉ တေဢမ်ႇၸတ်းယဝ်ႉ ယွၼ်ႉငဝ်းလၢႆး ဝၢၼ်ႈမိူင်းဢမ်ႇၼိမ်သဝ်း ဝႃႈၼႆ။ ဝၼ်းတီႈ 16/3/2024 ယူႇတီႈ သင်ၶၸဝ်ႈလႄႈ ၵူၼ်းမိူင်း ၼႂ်းဝဵင်းၼမ်ႉလၼ်ႈ ၸႄႈဝဵင်းသီႇပေႃႉ ၸိုင်ႈတႆး ပွတ်းႁွင်ႇ ၸတ်းႁဵတ်းပၢင်ၵုမ် ဢုပ်ႇဢူဝ်းၵၼ် ၵဵဝ်ႇလူၺ်ႈပၢင်ပွႆးၽြႃးလိူၼ်သီႇ ၼမ်ႉလၼ်ႈ ပွၵ်ႈၵမ်း 118...

တူင်ႇဝူင်းၼႂ်းၵၢၼ်ႁႃၵိၼ်လဵင်ႉတွင်ႉၵၢပ်ႈပၢၼ်မႂ်ႇ ဢၼ်တႃႉတၢႆးတေႃႇလူၵ်ႈ ၶီႇၼိူဝ်ၸိၵ်းၸွမ်ႁူဝ်ပိူၼ်ႈတင်းၼမ် ယၢမ်းလဵဝ်ပဵၼ်ၵၢၼ်ပႅတ်ႉလွၵ်ႇလႅၼ်ၽူႈၵူၼ်းတူဝ်ႈလူၵ်ႈ လူႉသုမ်းသေႁၢႆငိုၼ်းၼပ်ႉႁူဝ်သိပ်းႁူဝ်ပၢၵ်ႇလၢၼ်ႉ ၸူဝ်ႈၽႅပ်ႉတႃ ဢၢႆႈၸွပ်ႇၸၢင်ႉပႅတ်ႉပေႃးႁွင်ႉပူႇ။ ၵႅင်ႉ(ၸုမ်း)လွၵ်ႇလႅၼ်ပႅတ်ႉၵိၼ်တၢင်းဢွၼ်ႊလၢႆႊ လူၺ်ႈၵၢၼ်တၵ်ႉတၢႆးယွၼ်းပဵၼ်ၵေႃႉပဵၼ်သႄႊ ႁႃလၢႆးႁူႉမၢႆ ဝႂ်ၵပ်းတူဝ် မၢႆပပ်ႉယေးငိုၼ်း သူၼ်းတုမ်ၼၢဝ်ႉၼွင်ႇယွၵ်ႇလႅၼ်လၢႆၸိူဝ်ႉလၢႆလၢႆး ႁူမ်ႈတင်းၵၢၼ်လူင်းတိုၼ်း ႁူမ်ႈၵၼ် တေလႆႈၼမ်ႉတွၼ်းၽွၼ်းလီၼမ် မၢၵ်ႈမီးဝႆး ဢမ်ႇဝႃႈၵဵဝ်ႇတၢင်းၵၢၼ်ၵႃႉ ၵၢၼ်လူင်းတိုၼ်း ၵၢၼ်လွင်း ဢွၼ်ႊလၢႆႊ ၵၢၼ်လႆႈႁပ်ႉရၢင်းဝလ်းဝႃႈမီးၸူၶ်ႈလၢၽ်ႈ ၵူႈပိူင်ၵူႈလၢႆးလႄႈၸၵ်ႉၸုင်ဢွၼ်ၼမ်းၼၢဝ်ႉၼွင်ႇ ပၢႆးဝူၼ်ႉသေ ထုၵ်ႇပဵၼ်ယိူဝ်ႇၵႂႃႇတင်းၼမ်တင်းလၢႆ...

ၵူၼ်းၼုမ်ႇ ႁႅင်းၵၢၼ် ဢၼ်ၸွႆႈၶဝ်ႈၼမ်ႉတၢင်းၵိၼ် ပၼ်ၸုမ်းယိုဝ်းသိုၵ်းမၢၼ်ႈ ၵိုင်ႉၵၢင်ႉတၢႆ မိူၼ်ၺႃး ဝၢင်းယႃႈမိူဝ်ႇ။ ၵူၼ်းၼုမ်ႇမိူင်းမၢၼ်ႈ ႁႅင်းၵၢၼ်ယၢၼ်မိူင်း ဢၼ်ၸွႆႈထႅမ်ၵၢၼ်တေႃႉ သူင်ႇၶဝ်ႈၼမ်ႉတၢင်းၵိၼ်ပၼ် ၸုမ်းၵႅတ်ႇၶႄ ၵူၼ်းမိူင်း ၵေႃႉၼိုင်ႈ  ၵိုင်ႉၵၢင်ႉတၢႆၵႂႃႇ တီႈၼႂ်းၸႄႈတွၼ်ႈသမုတ်ႇသႃၶွၼ်း မိူင်းထႆး မိူဝ်ႈဝၼ်းတီႈ 11 လိူၼ်မၢတ်ႊၶျ် ၼႆႉ။ မၼ်းၸၢႆး ၸိုဝ်ႈႁွင်ႉ - ၵူဝ်ႇၵျေႃႇတူႇထုၼ်း (ၸေႃးတႃး)...

ယၢမ်းလဵဝ် သိုၵ်းမၢၼ်ႈ တႄႇၵဵပ်းသဵၼ်ႈၸိုဝ်ႈ ၵူၼ်းဢၼ်တေလႆႈၶဝ်ႈႁၢပ်ႇၵၢၼ်သိုၵ်း ပတ်းပိုၼ်ႉၸိုင်ႈမိူင်း။ တၢင်းမိူင်းတႆးတႄႉ ၾၢၵ်ႇလၢတ်ႈမႃးတီႈၵၢင်ႉၵႄႇ ဝၢၼ်ႈဢိူင်ႇမႃးၸတ်းၵၢၼ်ၼႆသေတႃႉ တၢင်းမိူင်းမၢၼ်ႈ တူင်ႈပဵင်းတႄႉ ႁွင်ႉဢဝ်ၵူၼ်းၼုမ်ႇ ဢၼ်ပႃးၼႂ်းသဵၼ်ႈမၢႆ ၵႂႃႇတီႈလုမ်းၵွၼ်းပွၵ်ႉသေ ၸႂ်ႉထႅမ်ၾွမ်ႊ လွင်ႈ ပိုၼ်းတူဝ်လႄႈ ၸႂ်ႉလူင်းလၢႆးမိုဝ်း ယိၼ်းလီယွမ်းႁပ်ႉ လွင်ႈတေၶဝ်ႈႁၢပ်ႇၵၢၼ်သိုၵ်း။ ၵူၼ်းတႃႈၵုင်ႈ လၢတ်ႈဝႃႈ -“ ပေႃးၶဝ်လႆႈသဵၼ်ႈၸိုဝ်ႈၵူၼ်းၼုမ်ႇ မွၵ်ႈ 5 ပွၵ်ႉ...

သိုၵ်းၵဝ်ႈၵၢင်ႉ MNDAA သင်ႇယႃႉထႅဝ်ၵူၼ်းမၢၼ်ႈ ဢၼ်မီးၵၢင်ဝဵင်းလၢဝ်ႇၵၢႆး မိူဝ်ႈဝၼ်းတီႈ 17 မၢတ်ႊၶျ်ၼႆႉ တႄႇယႃႉယူႇယဝ်ႉ ဝႃႈၼႆ။ ဢၼ်ယႃႉယူႇယၢမ်းလဵဝ်ၼႆႉ ပဵၼ်ႁွင်ႈထႅဝ် ၾၢႆႇတၢင်းၽူႈမီးပုၼ်ႈၽွၼ်း ဢမ်ႇမီးလွင်ႈဢုပ်ႇလၢတ်ႈငူပ်ႉငီႉ ပၼ် ၵႃႈသၢႆႈတႅၼ်းသင် ၸၢဝ်းမၢၼ်ႈဢၼ်ယူႇတီႈ ဝဵင်းလၢဝ်ႇၵၢႆး လၢတ်ႈၼင်ႇၼႆ။ ၽွင်းၶဝ်ဢဝ်ၸၢၵ်ႈၵႃးမႃးၵူၼ်ႇယႃႉထႅဝ်ႁိူၼ်းယေးၼၼ်ႉ ၶဝ်ဢဝ်ၸိူၵ်ႈမႆၶၢတ်ႈႁႄႉဝႆႉ ႁူဝ်တၢင်းႁၢင် တၢင်းႁူဝ်သေ ဢမ်ႇပၼ်ၵူၼ်းၶဝ်ႈၸမ်။ ၸဝ်ႈၶွင်ႁွင်ႈႁိူၼ်းၵေႃႈ ဢမ်ႇၸၢင်ႈၶဝ်ႈဢဝ်ၶူဝ်းၶွင် -...

ပႃႇတီႇၵၢၼ်မိူင်း ဢၼ်တၢင်ႇမၢႆၾၢင်ဝႆႉ ႁူပ်ႉထူပ်းဢုပ်ႇဢူဝ်းၵၼ်သေပိုၼ်ၽၢဝ်ႇ သႄႉသွမ်းၸုမ်းယိပ်း ၵွင်ႈၵၢင်ႇ ဢၼ်ႁဵတ်းႁႂ်ႈတုမ်ႉတိူဝ်ႉၵူၼ်းမိူင်း ဝႃႈၼႆ။ ပႃႇတီႇၵၢၼ်မိူင်း ၸိူဝ်းတၢင်ႇမၢႆၾၢင်ဝႆႉ တႃႇၶဝ်ႈပၢင်လိူၵ်ႈတင်ႈ ဢၼ်သိုၵ်းမၢၼ်ႈ ယိုတ်းမိူင်း တေဢွၼ်ၼမ်း ၸတ်းႁဵတ်းၼႆႉ ႁူပ်ႉထူပ်းဢုပ်ႇၵုမ်ၵၼ် မိူဝ်ႈဝၼ်းတီႈ 16/3/2024 တီႈၼေႇပျီႇတေႃႇ ဝႃႈၼႆ။ ဝၢႆးလင် ပၢင်ၵုမ်ယဝ်ႉ ဢွၵ်ႇၶေႃႈပိုၼ်ၽၢဝ်ႇၽိုၼ်ႈၼိုင်ႈ မီး 6 ၶေႃႈ ၼႂ်းၼၼ်ႉ...

တႃႇတေလူတ်းယွမ်းလွင်ႈၵႂၼ်းၾႆးဢုၺ် မိူင်းမူဝ်းၼႆႉသေ ၸွမ်ၽွင်းလူင်ၸိုင်ႈထႆး သဵတ်ႇထႃ ထဝီးသိၼ် လၢတ်ႈဝႃႈ ၼႂ်းပီ 2025 တေမႃးၼႆႉ တေဢမ်ႇသိုဝ်ႉၶဝ်ႈၵၢပ်ႇ မိူင်းႁိမ်းႁွမ်းယဝ်ႉ ဝႃႈၼႆ။ ဝၼ်းတီႈ 16 လိူၼ်မၢတ်ႊၶျ် 2024 ၼႆႉ ၸွမ်ၽွင်းလူင် သဵတ်ႇထႃ ထဝီးသိၼ် ႁွတ်ႈထိုင်ဝဵင်းၵဵင်းမႂ်ႇသေ သပ်းၸႅင်ႈၶၢဝ်ႇဝႃႈ - ဝၼ်းမိူဝ်ႈၼႆႉ မိူင်းထႆးထူပ်းပၼ်ႁႃ...

ၾႆးမႆႈ ႁွင်ႈၶၢတ်ႈၵူၼ်းပၢႆႈၽေးသိုၵ်း ႁၢၼ်ႉၶၢႆၶူဝ်းလႄႈ ႁၢၼ်ႉမႄးရူတ်ႉၶိူင်ႈ တီႈဝဵင်းၵျွၵ်ႉမႄး လူႉသုမ်းၼပ်ႉႁူဝ်ပၢၵ်ႇ သႅၼ်ပျႃး လွင်ႈၵူၼ်းလူႉတၢႆမၢတ်ႇၸဵပ်း ဢမ်ႇမီး။ ဝၼ်းတီႈ 19/3/2024 ယၢမ်းဝၢႆးဝၼ်း 2 မူင်းပၢႆ ၾႆးတႄႇမႆႈ ႁိူၼ်းသွင်ၸၼ်ႉလင်ၼိုင်ႈ ပဵၼ်ႁွင်ႈၶၢတ်ႈၵူၼ်းပၢႆႈၽေး သိုၵ်းယူႇသဝ်း ၼႂ်းမၢၼ်ႈၼႃး သဵၼ်ႈတၢင်းသီႇရိမင်ႇၵလႃႇ ပွၵ်ႉ 3 ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇသေ...

ယၢမ်းလဵဝ် သဵင်ၵွင်ႈဢမ်ႇတႅၵ်ႇသေတႃႉ သိုၵ်း TNLA ၵိုင်ႉၵၢင်ႉသင်ႇပိၵ်ႉ ၵၢၼ်တေႃႉဢွႆႈ ၶၢမ်ႈတီႈတႃႈႁိူဝ်း မၢၼ်ႈႁွင်း - ၼွင်တဝ်း လႅၼ်လိၼ်တႆး - ၶႄႇသေ ႁဵတ်းႁႂ်ႈၸဝ်ႈသူၼ်ဢွႆႈ ထူပ်းတၢင်းယၢပ်ႇၽိုတ်ႇၵိၼ်းၸႂ်။ တႄႇဢဝ် ဝၼ်းတီႈ 11/3/2024 ၼႆႉမႃး သိုၵ်းတဢၢင်း TNLA ဢမ်ႇပိုၼ်ၽၢဝ်ႇပၼ်ၾၢင်ႉ ထိုင်ၸဝ်ႈသူၼ် တေႃႉဢွႆႈ ၶၢမ်ႈတႃႈႁိူဝ်း...

သဵင်မၢၵ်ႇတႅၵ်ႇ လင်ႁႅင်းထႅင်ႈ တၢင်းၾၢႆႇႁွင်ႇဝဵင်းလၢႆးၶႃႈ ၵမ်းၼိုင်ႈ ႁဵတ်းႁႂ်ႈၵူၼ်းမိူင်း ဢွၼ်ၵၼ်တူၵ်းၸႂ် ဝႃႈၼႆ။ ဝၼ်းတီႈ 19/3/2024 ယၢမ်းၵၢင်ၶမ်ႈ 8 မူင်းၶိုင်ႈ သဵင်မၢၵ်ႇတႅၵ်ႇ လင်ႁႅင်း ၵမ်းၼိုင်ႈ တၢင်းၾၢႆႇႁွင်ႇဝဵင်း တီႈ တပ်ႉသိုၵ်းမၢၼ်ႈ ၶမယ 515 ၼႂ်းၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း ႁဵတ်းႁႂ်ႈ ၵူၼ်းမိူင်း...