Monday, May 20, 2024

ၵူၼ်းမိူင်း ၸိူဝ်းၶိုၼ်ႈလူင်း မိူင်းတႆး – မိူင်းမၢၼ်ႈ တၵ်းတေလႆႈဢဝ်ဝႂ်ၵမ်ႉ တီႈၽူႈၵွၼ်းပွၵ်ႉ

Must read

ယၢမ်းလဵဝ် ၵူၼ်းမိူင်းၸိူဝ်းၶိုၼ်ႈလူင်း မိူင်းတႆး – မိူင်းမၢၼ်ႈ တၵ်းတေလႆႈဢဝ်ဝႂ်ၵမ်ႉ တီႈၽူႈၵွၼ်းပွၵ်ႉလႄႈ ပလိၵ်ႈမၢၼ်ႈ ၸင်ႇၸၢင်ႈၶီႇရူတ်ႉၵႃး။

ဝၢႆးလင် သိုၵ်းမၢၼ်ႈ ပိုၼ်ၽၢဝ်ႇ ပိူင်ႁၢပ်ႇၵၢၼ်သိုၵ်းမႃးသေ တႄႇဢဝ်လိူၼ်မၢတ်ႊၶျ်ၼႆႉမႃး ၵူၼ်းမိူင်း ၸိူဝ်းတေလုၵ်ႉတူၼ်ႈတီး ၵႂႃႇတႃႈၵုင်ႈ -ဝဵင်းလိူဝ်ႇလႄႈ ၵႂႃႇတၢင်းမိူင်းမၢၼ်ႈ တူင်ႈပဵင်း ဢမ်ႇၼၼ် လုၵ်ႉမိူင်းမၢၼ်ႈတူင်ႈပဵင်းသေ တေ မႃးမိူင်းတႆး ၸိူဝ်းၼႆႉ တၵ်းလႆႈဢဝ်ဝႂ်ၵမ်ႉ (ထွၵ်ႉၶၢမ်ႇၸႃႇ) တီႈၵူၼ်းလူင်ပွၵ်ႉ ဢမ်ႇၼၼ် တီႈတပ်ႉပလိၵ်ႈပႃး ဝႃႈၼႆ။

- Subscription -
လႅင်းၵႃး
လႅင်းၵႃး တီႈၼႂ်းမိူင်းတႆး ပွတ်းၸၢၼ်း တီႈၼိုင်ႈ

လွင်ႈၼႆႉၸႂ်ႉၵူၼ်းၼုမ်ႇ ဢဝ်လိၵ်ႈၵမ်ႉၵူၺ်းဢမ်ႇၵႃး ၵူၼ်းလူင်/ ၵူၼ်းထဝ်ႈၵေႃႈ တၵ်းလႆႈဢဝ်ဝႂ်ၵမ်ႉပႃး။

ပေႃးပဵၼ်ၵူၼ်းၼုမ်ႇ ၵႂႃႇသိုဝ်ႉဝႂ်ၶီႇရူတ်ႉၵႃးၸိုင် တေၸႂ်ႉဢဝ် ဝႂ်ၵမ်ႉ တင်း 2 တီႈ၊ ပေႃးပဵၼ်ၵူၼ်း ဢႃႇယုယႂ်ႇလႄႈ ၽူႈယိင်းတႄႉ ဢဝ်ဢၼ်လႂ်ဢၼ်ၼိုင်ႈၵေႃႈလႆႈယဝ်ႉ ဝႃႈၼႆ။

ၵူၺ်းဝႃႈၼၼ်သေတႃႉ ၸွမ်းတႃႈၸွမ်းတၢင်းတႄႉ သိုၵ်းမၢၼ်ႈ ပႆႇၵူတ်ႇထတ်းထဵတ်ႈထၢမ်သင် တိုၵ်ႉပၼ်ၵႂႃႇမႃးလီယူႇ။ ၵူၺ်းၵႃႈ တီႈတႃႈရူတ်ႉတႄႉ ပေႃးဢမ်ႇၼႄဝႂ်ၵမ်ႉ ဢၼ်ဝႃႈမႃးၼၼ်ႉၸိုင် တိုၼ်းတေဢမ်ႇပၼ်ၶိုၼ်ႈရူတ်ႉ ဝႃႈ ၼႆ။

ၵႃႈၵႃး တႃႈၵုင်ႈ – တူၼ်ႈတီး ၼိုင်ႈၵေႃႉ တိုၵ်ႉမီး 25,000 ပျႃးယူႇ ပႆႇၶိုၼ်ႈထႅင်ႈၼင်ႇၵဝ်ႇ လႆႈႁူႉၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း