သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ် ၵျႅၵ်ႊၾၢႆႊတႃႊ ပွႆႇမၢၵ်ႇသႂ်ႇ ၼႂ်းၸႄႈဝဵင်းမိၼ်းပျႃး ၸႄႈမိူင်းရၶႅင်ႇ  တုမ်ႉတိူဝ်ႉ ၵူၼ်းမိူင်း လူႉတၢႆ 20 ပၢႆ မၢတ်ႇၸဵပ်း 30 ပၢႆ လင်ႁိူၼ်းလူႉၵွႆၼမ်။ ဝၼ်းတီႈ 18/3/2024 ယၢမ်းၵၢင်ၼႂ်ၸဝ့် 1 မူင်းၶိုင်ႈ ၽွင်းၵူၼ်းမိူင်း တိုၵ်ႉၼွၼ်းလပ်းယဵၼ်ယူႇၼၼ့် ၶိူင်ႈ မိၼ်သိုၵ်းမၢၼ်ႈ...

သၢႆၵၢၼ်မိၼ် လႃႈသဵဝ်ႈ ဢၼ်လႆႈၵိုတ်ႉယင်ႉမႃး ယွၼ့်ၽႅၼ်ၵၢၼ်ယၼ်ႇသိုၵ်း 1027 ႁိုင်ၶၢဝ်းတၢင်းၸမ် 5 လိူၼ်ၼႆ့ ၶိုၼ်းတႄႇၵၢၼ်တေႃႉသူင်ႇၵႂႃႇမႃး ၼႂ်းဝၼ်းတီႈ 19 လိူၼ်ထူၼ်ႈသၢမ် ၼႆယဝ်ႉ။   မိူဝ်ႈဝၼ်းတီႈ 16/3/2024 ပူၼ့်မႃးၼႆ့ ယူႇတီႈ ႁွင်ႈၵၢၼ်ၾၢႆႇတေႃႉသူင်ႇသၢႆၵၢၼ်မိၼ် ပၼ်ၶႂၢင့်ၶိုၼ်းသေ ထိုင်မႃး ဝၼ်းတီႈ 19 ၼႆႉ တႄႇၶပ်ႉမၢႆသၢႆၵၢၼ်မိၼ်...

မိူဝ်ႈ 4 ပီပူၼ်ႉမႃးၼၼ်ႉ လူၺ်ႈမိၼ်းဢွင်ႇလၢႆႇ ၽူႈၵွၼ်းငမ်း ၵွင်တပ်ႉသုင်သုတ်းၶွင်သိုၵ်းမၢၼ်ႈ ပၼ်ၵႂၢမ်းမၼ်ႈ သၼ်ယႃးဝႃႈ တၵ်းတေယွမ်းႁပ်ႉၽူလ်ၽွၼ်းၵၢၼ်လိူၵ်ႈတင်ႈ ဢၼ်လႆႈၸတ်းႁဵတ်း ၼႂ်းဝၼ်းတီႈ 8 လိူၼ် ၼူဝ်ႊဝႅမ်ႊၿိူဝ်ႊ ပီ 2020 ဝၢႆးသေတူဝ်မိၼ်းဢွင်ႇလၢႆႇၵႂႃႇတွတ်ႈယွၼ်ႇဝႂ်ၵၢင်ၸႂ်လူင်းၼႂ်းႁိပ်ႇလိူၵ်ႈတင်ႈ ဢွၼ်ၼႃႈ မၼ်းတေၶႅင်ႁၢဝ်ႈတေႃႇလူင်ပွင်ၸိုင်ႈ ပႃႊတီႈ NLD လႄႈ တင်ႈၵႂၢမ်းထၢမ်ဝႃႈ ပၢင်လိူၵ်ႈတင်ႈၵမ်းၼႆႉ...

ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်း 7 ၸုမ်း ဢၼ်လူင်းလၢႆးမိုဝ်း ၵိုတ်းတိုၵ်းပတ်းပိုၼ့်ၸိုင်ႈမိူင်း NCA ၼၼ်ႉ ဢုပ်ႇဢူဝ်းတူၵ်းလူင်းၵၼ်သေ ၶွတ်ႇၽွတ်ႈ ၸုမ်းဢူၺ်းလီ 7 EAO Alliance ဝႃႈၼႆ။ တႄႇဢဝ် ဝၼ်းတီႈ 17 ၼႆႉမႃး EAO 7 ၸုမ်း ႁဵတ်းပၢင်ၵုမ် ဢုပ်ႇဢူဝ်းၵၼ် တီႈဝဵင်းၵဵင်းမႂ်ႇ...

ယၢမ်းလဵဝ် ၵူၼ်းဝဵင်းလွၵ်ႉၸွၵ်ႇ ႁၢင်ႈႁႅၼ်း ၸၢင်ႈၵူၼ်းၵႂႃႇၶဝ်ႈႁၢပ်ႇထၢမ်းၵၢၼ်သိုၵ်းမၢၼ်ႈ ၼိုင်ႈၵေႃႉလႂ် လႆႈပၼ် ဢမ်ႇယွမ်း 50 သႅၼ်ပျႃး။ တႄႇဢဝ် လိူၼ်မၢတ်ႊၶျ် 2024 ၼႆႉမႃး ၵူၼ်းမိူင်း ၼႂ်းပွၵ်ႉ/ ဢိူင်ႇ ၸႄႈဝဵင်းလွၵ်ႉၸွၵ်ႇ ၸႄႈတွၼ်ႈတူၼ်ႈ တီး ၸိုင်ႈတႆးပွတ်းၸၢၼ်း ၵဵပ်းငိုၼ်းၵၼ် ႁႃၸၢင်ႈၵူၼ်းၵႂႃႇတႅၼ်း ၶဝ်ႈႁၢပ်ႇထၢမ်းၵၢၼ်သိုၵ်းမၢၼ်ႈ ၼိုင်ႈ ဝၢၼ်ႈလႂ်...

ၵၢင်ႉၵႄႇ ၼႂ်းၸႄႈဝဵင်းမိူင်းယႆ ဢွၵ်ႇသဵင်လဵဝ်ၵၼ်ဝႃႈ တေဢမ်ႇၵဵပ်းသဵၼ်ႈမၢႆၵူၼ်းၼုမ်ႇ ပၼ်သိုၵ်းမၢၼ်ႈ ဝႃႈၼႆ။ ဝၼ်းတီႈ 17/3/2024 ၼႆႉ သိုၵ်းမၢၼ်ႈ ယိုတ်းမိူင်း ႁႂ်ႈၵၢင်ႉၵႄႇ ၵဵပ်းသဵၼ်ႈမၢႆၵူၼ်းၼုမ်ႇ ၼႂ်းၸႄႈဝဵင်း မိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ သူင်ႇပၼ်ၶဝ်ႁႂ်ႈယဝ်ႉတူဝ်ႈဝႃႈၼႆသေတႃႉ ၵၢင်ႉၵႄႇ ဢွၵ်ႇသဵင်လဵဝ်ၵၼ်ဝႃႈ တေ ဢမ်ႇႁဵတ်းၸွမ်းၼင်ႇ ၶဝ်လၢတ်ႈလႄႈ တေဢမ်ႇသူင်ႇသဵၼ်ႈၸိုဝ်ႈပၼ် ဝႃႈၼႆ။ ၵူၼ်းၸမ်ၸႂ်...

ၶွင်ႇသီႇလွင်ႈၶူၼ်ႉၶႂႃႉ မိူင်းၼေႃႊဝေႊ ပိုၼ်ၽၢဝ်ႇဝႃႈ ၼႂ်းလုမ်ႈၾႃႉၼႆႉ မီးယုၵ်းယၢၵ်းဢွၵ်ႇမႃး ၼိုင်ႈပီ ဢမ်ႇယွမ်း 400 လၢၼ်ႉတၼ်ႊ  ၼႂ်းၼၼ်ႉ ပႃးယုၵ်းယၢၵ်းပလတ်ႊသတိၵ်ႊလႄႈ ထၢတ်ႈၶႅမ်ႊမီႊၶႄလ်ႊ ဢၼ်ၸၢင်ႈပဵၼ်ၽေး တေႃႇပၢႆးယူႇလီၵူၼ်း ၵမ်ႈၼမ် ဝႃႈၼႆ။ ပလတ်ႊသတိၵ်ႊၼၼ်ႉ ပဵၼ်ဢၼ်ႁေႃႇတၢင်းၵိၼ်တၢင်းယႅမ်ႉ၊ တၢင်းလဵၼ်ႈလုၵ်ႈဢွၼ်ႇ တႄႇၸိူဝ်းၼႆႉ တေႃႇထိုင် ၶိူင်ႈၸႂ်ႉၶူဝ်းသွႆ ၊ ၶိူင်ႈၸႂ်ႉၼႂ်းႁွင်ႈၵၢၼ်ပၢႆးယူႇလီလႄႈ တီႈႁူင်းယႃ။ ၸုမ်းၶူၼ်ႉၶႂႃႉတႅမ်ႈဝႆႉဝႃႈ...

ၵူၼ်းၼုမ်ႇ ၼႂ်းထုင်ႉလၢင်းၶိူဝ်း ဢွၼ်ၵၼ်ပၢႆႈၸူးၼႂ်းသိုၵ်းတႆး - မိူင်းထႆး မိူင်းပေႃးယဵၼ်သီႇ ယွၼ်ႉၵူဝ်လႆႈ ႁဵတ်းသိုၵ်းမၢၼ်ႈ ဝႃႈၼႆ။ တႄႇဢဝ် လိူၼ်မၢတ်ႊၶျ် 2024 ၼႆႉမႃး ၵူၼ်းၼုမ်ႇ ၼႂ်းၸႄႈဝဵင်းလၢင်းၶိူဝ်း၊ မိူင်းၼၢႆး၊ မိူင်းပၼ်ႇ၊ မွၵ်ႇမႆႇလႄႈ ၵဵင်းတွင်း ၼႂ်းၸိုင်ႈတႆးပွတ်းၸၢၼ်း ၸိူဝ်းၼႆႉ ဢွၼ်ၵၼ်ပၢႆႈမိူင်းပေႃးယဵၼ် ၵမ်ႈၼမ် ပၢႆႈၸူးၼႂ်း ၶွင်ႇသီႇဢဝ်ၶိုၼ်းၸိုင်ႈတႆး...

ၼႂ်းလိူၼ်မၢတ်ႊၶျ်ၼႆႉၵူၺ်း ၵူၼ်းမူႇၸေႊ ၺႃးၸုမ်းဢမ်ႇႁူႉၾၢႆႇ လမ်းယိုဝ်း - ပွႆႇမၢၵ်ႇသႂ်ႇ ၼႂ်းဝၢင်းႁိူၼ်း ယေးၵူၼ်းမိူင်းမႃး ဢမ်ႇယွမ်း 3-4 ပွၵ်ႈယဝ်ႉ ယွၼ်ႉၵဵပ်းၶွၼ်ႇဢမ်ႇလႆႈ ဝႃႈၼႆ။ ဝၼ်းတီႈ 17/3/2024 ယၢမ်းၵၢင်ၶမ်ႈ မီးၸုမ်းဢမ်ႇႁူႉၾၢႆႇ ၶဝ်ႈယိုဝ်း ၵူၼ်းမိူင်း ႁိမ်းႁူင်းႁႅမ်းသတႃး (စတား ဟိုတယ်) ပွၵ်ႉၵွင်းမူးတူင်ႈ ဝဵင်းမူႇၸေႊ ၸိုင်ႈတႆးပွတ်းႁွင်ႇ...

(ဝၼ်းထီ့ 10 လိူၼ် February ယၢမ်းၵၢင်ၶမ်ႈပူၼ့်မႃးၼႆ့ သိုၵ်းမၢၼ်ႈ ပိုၼ်ၽၢဝ်ႇ မၵ်းမၼ်ႈ တေ  တႄႇ ၸႂ့်တိုဝ်း မၢႆမီႈၵဵပ်းသိုၵ်းၵူၼ်းမိူင်း ၊ ၵူၼ်းမိူင်းၸိူဝ်းဢႃယုတဵမ် 18 ၶူပ်ႇၵူႈၵေႃႉ တၵ်းလႆႈႁၢပ်ႇ ၵၢၼ် သိုၵ်း ၵူႈၵေႃ့  - ဝႃႈၼႆဝႆ့ ။ ...

ၸွမ်ၸိုင်ႈၵဝ်ႇ ဝလႃႊတီႊမီႊယႃႊ ပူႊတိၼ်ႊ မိူင်းရတ်ႉသျႃး ဢွင်ႇပေႉပၢင်လိူၵ်ႈတင်ႈထႅင်ႈ ပဵၼ်ႁွပ်ႈထီႉ 4 ဝႃႈၼႆ။ ပၢင်လိူၵ်ႈတင်ႈ ၸွမ်ၸိုင်ႈမိူင်းရတ်ႉသျႃးၼႆႉ ၸတ်းႁဵတ်းမိူဝ်ႈဝၼ်းတီႈ 17 မတ်ႊၶျ်ၼႆႉသေ  ၸွမ်ၸိုင်ႈၵဝ်ႇ ဝလႃႊတီႊမီႊယႃႊ ပူႊတိၼ်ႊ လႆႈၶႅပ်းမႄးၵမ်ႉထႅမ် 88% သေ ဢွင်ႇပေႉၵႂႃႇ ဝႃႈၼႆ။ ပၢင်တွတ်ႈၶႅပ်းၵၢင်ၸႂ်လိူၵ်ႈၸွမ်ၸိုင်ႈၼႆႉ တႄႇႁဵတ်းမႃး မိူဝ်ႈဝၼ်းသုၵ်း ႁိုင်ၶၢဝ်းတၢင်း 3...

သိုၵ်းတဢၢင်း TNLA ပိုၼ်ၽၢဝ်ႇဝႃႈ မေႃယႃ CDM ၶဝ် တႄႇၶဝ်ႈႁၢပ်ႇၵၢၼ်ၶိုၼ်း တီႈႁူင်းယႃဝဵင်းၼမ်ႉတူႈယဝ်ႉ ဝႃႈ ၼႆ။ တႄႇဢဝ် လိူၼ်မၢတ်ႊၶျ်ၼႆႉမႃး တပ်ႉသိုၵ်းတဢၢင်း TNLA ၶိုၼ်းႁွင်ႉၵူၼ်း CDM မႃးႁၢပ်ႇၵၢၼ်ၶိုၼ်း တီႈ ႁူင်းယႃဝဵင်းၼမ်ႉတူႈ ၸိုင်ႈတႆးပွတ်းႁွင်ႇသေ တႄႇပၼ်ႇၵၢၼ်ၶိုၼ်းမိူၼ်ၵဝ်ႇယဝ်ႉ ဝႃႈၼႆ။ ယၢမ်းလဵဝ် တီႈႁူင်းယႃဝဵင်းၼမ်ႉတူႈၼႆႉ မီးမေႃယႃ CDM...

တႄႇဢဝ်ဝၼ်းတီႈ 15 လိူၼ်မၢတ်ႊၶျ်ၼႆႉမႃး သိုၵ်းမၢၼ်ႈ ယိုတ်းမိူင်း မႃးပၵ်းပၢင်သဝ်း ၼႂ်းၸၼ်ႉၸွမ် ၶွမ်ႊပိဝ်ႊတိူဝ်ႊ ဝဵင်းမၢၼ်ႈမေႃႇ ၸႄႈမိူင်းၶၢင်လႄႈ ႁဵတ်းႁႂ်ႈလုၵ်ႈႁဵၼ်းၸၼ်ႉၸွမ်ဢိၵ်ႇ မေႃသွၼ် ၸိူဝ်းလိုဝ်ႈတီႈၸၼ်ႉၸွမ်ၼၼ်ႉ လႆႈၶၢႆႉပၢႆႈ ၵႂႃႇယူႇတၢင်ႇတီႈ ဝႃႈၼႆ။ ၵွၼ်ႈၼႃႈၼႆႉ သိုၵ်းမၢၼ်ႈၵႆႉမႃးလိုဝ်ႈတီႈၸၼ်ႉၸွမ် ၶၢဝ်းၵၢင်ၶမ်ႈၵၢင်ၶိုၼ်း ႁိုင်ႁိုင်ၼိုင်ႈပွၵ်ႈၵူၺ်းသေတႃႉ။ ဝၢႆးလင် သိုၵ်းၶၢင်လႄႈ PDF ယိုတ်းလႆႈတပ်ႉပၢင်သဝ်းၶဝ်...

ၽွင်းလူင်ၾၢႆႇၼွၵ်ႈမိူင်း မိူင်းဢေႃႊသတြေႊလီႊယိူဝ်ႊ ပိုၼ်ၽၢဝ်ႇ ပဵၼ်ယိင်းႁၵ်ႉယိင်း ၵူပ်ႉၵူႈတင်း ၵေႃႉႁၵ်ႉမၼ်း ၼၢင်းပဵၼ်တၢင်းၵၢၼ် ၼၢင်းပႅၼ်ႊၼီႊဝွင်ႊ  Penny Wong ၽွင်းလူင်ၾၢႆႇၼွၵ်ႈမိူင်း မိူင်းဢေႃႊသတြေႊလီႊယိူဝ်ႊ ဢၼ်ပိုၼ် ၽၢဝ်ႇတူဝ်ၵဝ်ႇဝႆႉဝႃႈပဵၼ် ယိင်းႁၵ်ႉယိင်းၼၼ်ႉ ၵူပ်ႉၵူႈၵၼ်တင်းၵေႃႉႁၵ်ႉမၼ်းၼၢင်း ၼၢင်း Sophie Allouache မိူဝ်ႈဝၼ်းတီႈ 16 လိူၼ်မၢတ်ႊၶျ်ၼႆႉယဝ်ႉ ဝႃႈၼႆ။ မိူင်းဢေႃႊသတြေႊလီႊယိူဝ်ႊၼႆႉ ပဵၼ်မိူင်းဢၼ်ပၼ်သုၼ်ႇလႆႈ LGBT...

ၸုမ်းယိပ်းၵွင်ႈၵၢင်ႇ EAO 7 ၸုမ်း ဢၼ်တိုၵ်ႉယုမ်ႇယမ် NCA ၼၼ်ႉ ႁူပ်ႉထူပ်းဢုပ်ႇဢူဝ်းၵၼ် တီႈဝဵင်းၵဵင်းမႂ်ႇ ၸိုင်ႈထႆး။ ၼႂ်းၶေႃႈၵႂၢမ်းမၼ်းၸဝ်ႈၼၼ်ႉပႃးဝႆႉဝႃႈ -“ ယၢမ်းလဵဝ် ၶွပ်ႇပိူင်ၵၢၼ်မိူင်းၵႅပ်ႈသေယဝ်ႉ ၶွပ်ႇပိူင်သိုၵ်းၼႂ်း မိူင်းၵႂၢင်ႈဝႆႉ။ ဢၼ်ၼႆႉ ပိူင်းၼႄဝႃႈ ၵၢၼ်မိူင်း မိူင်းမၢၼ်ႈ တိုၼ်းပႆႇၵတ်းယဵၼ်ၼိမ်သဝ်း။ ၸုမ်းႁဝ်း 7 ၸုမ်းတႄႉ...