ႁူဝ်လိူၼ်ၼူဝ်ႊဝႅမ်ႊပိူဝ်ႊၼႆႉ ၾၢႆႇမိူင်းၶႄႇ ပိုတ်ႇပၼ်ၽၵ်းတူၶၢမ်ႈလႅၼ်လိၼ် မိူင်းတႆး- မိူင်းၶႄႇ တီႈဝၢၼ်ႈၼွင်တဝ်း ၸႄႈဝဵင်းၼမ်ႉၶမ်း မိူင်းတႆးပွတ်းႁွင်ႇၼႆသေတႃႉ ၶူဝ်းၵုၼ်ႇတႄႉပႆႇပၼ်တေႃႉၶၢမ်ႈ ၸဝ်ႈၼႃႈတီႈၾၢႆႇမိူင်းၶႄႇၶဝ် တိုၵ်ႉႁၢမ်ႈဝႆႉယူႇ ၼႆယဝ်ႉ။ ၽၵ်းတူၶၢမ်ႈလႅၼ်လိၼ် မိူင်းတႆး - မိူင်းၶႄႇ တီႈဝၢၼ်ႈၼွင်တဝ်းၼႆႉ ၵိုင်ႉၵၢင်ႉလႆႈဢိုတ်းႁပ်းၵႂႃႇပႅတ်ႈ ၽွင်းၸုမ်းသိုၵ်းၸၢဝ်းၶိူဝ်းသၢမ်ၸုမ်းတင်းသိုၵ်းမၢၼ်ႈယိုဝ်းၵၼ် မိူဝ်ႈပၢင်တိုၵ်း ၽႅၼ်ၵၢၼ်ယၼ်ႇသိုၵ်း 1027 မိူဝ်ႈဝၼ်းတီႈ 18 လိူၼ်ၵျူႊလၢႆႊ...

ၵူၼ်းၸၢႆး ၵေႃႉၼိုင်ႈ လၵ်ႉရူတ်ႉၶိူင်ႈပၢႆႈ တီႈဝဵင်းဝဵင်းၵူတ်ႉၶၢႆ  ၵူၼ်းမိူင်းႁူမ်ႈၵၼ်လိုပ်ႈလမ်းတီႉၺွပ်းလႆႈၶိုၼ်း လႆႈႁူႉဝႃႈပဵၼ် ၽူႈလၵ်ႉပဵၼ်ၵူၼ်းသိုၵ်း TNLA  ဝႃႈၼႆ။ ဝၼ်းတီႈ 15/11/2025 ႁူဝ်ၶမ်ႈ 6 မူင်းပၢႆ ၵူၼ်းၸၢႆးၵေႃႉၼိုင်ႈ လၵ်ႉဢဝ်ရူတ်ႉၶိူင်ႈ တီႈၾၢႆႇၼႃႈႁၢၼ်ႉမႄးရူတ်ႉၶိူင်ႈ ‘’ဢွင်ႇ’’ ၼႂ်းပွၵ်ႉ 1 ဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ။ ၸဝ်ႈရူတ်ႉၶိူင်ႈ တင်း ၵူၼ်းႁိမ်းႁွမ်းတၼ်းႁၼ်သေ...

ၼႂ်းၵၢင်လိူၼ်ၼူဝ်ႊဝႅမ်ႊပိူဝ်ႊၼႆႉ သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ဢမ်ႇပွင်ႇၶၢဝ်ႇပၼ်ၵူၼ်းမိူင်းသင်သေ ၵိုင်ႉၵၢင်ႉဢိုတ်း ၶူဝ်လူင်တီႈဝဵင်းသီႇပေႃႉ၊ သိုပ်ႇတင်ႈၵဵတ်ႉလၢၼ်ႇထႅမ်ႁႅင်းသိုၵ်းၶိုၼ်ႈမိူင်းတႆးပွတ်းႁွင်ႇ ။ ၶူဝ်လူင်တီႈဝဵင်းသီႇပေႃႉ လႄႈ သဵၼ်ႈတၢင်းၵႂႃႇမႃး ဝဵင်းလိူဝ်ႇ- လႃႈသဵဝ်ႈၼႆႉ သိုၵ်းတင်းသွင်ၾၢႆႇဢိုတ်းဝႆႉ ၵူႈသဵၼ်ႈ၊ တင်ႈၵဵတ်ႉလၢၼ်ႇၽိူမ်ႉဝႆႉၵူႈၸွၵ်ႉ ၼွၵ်ႈလိူဝ်ၵူၼ်းၼႂ်းပိုၼ်ႉတီႈ ဢမ်ႇပၼ်ရူတ်ႉၵႃးတင်းၼွၵ်ႈ လတ်းၽၢၼ်ႇၵႂႃႇမႃးၼႆ ၸၢႆးဢွင်ႇ ၵူၼ်းမိူင်းၵေႃႉယူႇဝႆႉၼႂ်းထုင်ႉၼမ်ႉလၼ်ႈ လၢတ်ႈၼႄတီႈၽူႈတွႆႇႁွၵ်ႈ ၼင်ႇၼႆ။ “တေႃႇထိုင်မိူဝ်ႈၼႆႉ (18/11/2025)...

ဝၼ်းတီႈ 16/11/2025 KNU ပိုၼ်ၽၢဝ်ႇဝႃႈ ႁူဝ်ပဝ်ႈၵဝ်ႇ KNU ၸေႃးမူႇတူးသေးၽူဝ်း လႄႈ ႁူဝ်ပဝ်ႈၵဝ်ႇ တပ်ႉၸုမ်း 6 ၸႄႈတွၼ်ႈၻူႊပလႃႊယႃႊ ၸေႃးသူၺ်ႇမွင်ႇ ၶဝ်သွင်ၵေႃႉၼႆႉ ဢမ်ႇၸွမ်းပၵ်းပိူင်ပေႃႇလသီႇမူႇၸုမ်း၊ ၵႂႃႇႁဵတ်းၵေႃႉၵၼ်တင်းသိုၵ်းမၢၼ်ႈယိုတ်းမိူင်းလႄႈ ပူတ်းဢွၵ်ႇသဵၼ်ႈၸိုဝ်းၼႂ်းၸုမ်း KNU ယဝ်ႉဝႃႈၼႆ။ ၽူႈၶၢၼ်ပၢၵ်ႇ KNU ပၻူဝ်ႇၸေႃးတေႃးၼီး လၢတ်ႈတီႈၸုမ်းသိုဝ်ႇၶၢဝ်ႇယၢင်းဝႃႈ- ၸတ်းပၢင်ၵုမ်ၸုမ်းပွင်ၵၢၼ်ၵမ်းထူၼ်ႈ 13...

ၸုမ်းသိုၵ်းမၢၼ်ႈတင်ႈၵဵတ်ႉလၢၼ်ႇၵူတ်ႇထတ်းၶူဝ်းၵုၼ်ႇၶဝ်ႈ/ဢွၵ်ႇ တီႈဝဵင်းမိူင်းပွၼ် ဝၼ်းဝၼ်းၶိုၼ်းၶိုၼ်း ႁဵတ်းႁႂ်ႈ ရူတ်ႉၵႃးတၢင်ႇၶူဝ်းၵုၼ်ႇ တိတ်းၶမ်ယိုတ်ႈယၢဝ်းပဵၼ်ထႅဝ် ။ သိုၵ်းမၢၼ်ႈတႄႇၵူတ်ႇထတ်းၵႃးတၢင်ႇၶူဝ်းၵုၼ်ႇၼႆႉ တႄႇဢဝ်ၵၢင်လိူၼ် ၼူဝ်ႊဝႅမ်ႊပိူဝ်ႊၼႆႉမႃး။ ၾၢႆႇၼိုင်ႈၵေႃႈၼိူဝ်သဵၼ်ႈတၢင်း လွႆလႅမ်- မိူင်းပွၼ် သမ်ႉတိုၵ်ႉမႄးၶုတ်း/သိူဝ်ႇသဵၼ်ႈတၢင်းၵႃးလႄႈယိင်ႈၶႅၼ်းႁဵတ်းႁႂ်ႈၵႃးတိတ်းၶမ်ယၢဝ်း ၼႆၵူၼ်းႁေႃႈရူတ်ႉၵႃးတၢင်ႇၵုၼ်ႇ တူၼ်ႈတီး-လွႆလႅမ်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈၼင်ႇၼႆ။ “ၶဝ်ပႂ်ႉၵူတ်ႇထတ်းၾၢႆႇတူၵ်းမိူင်းပွၼ်ၼၼ်ႉဢေႃႈ။ ၶဝ်ၸႂ်ႉဢဝ်ၶူဝ်းၵုၼ်ႇလူင်းရူတ်ႉသေၵူတ်ႇထတ်းထိုင် တၢင်းၼႂ်းပႃး။ ၶူဝ်းမၢင်ၸိူဝ်းၵေႃႈ ၶဝ်တီႉဝႆႉ ဢမ်ႇပၼ်ဢဝ်တၢင်ႇၵႂႃႇပႃး။ ၸိူဝ်းၼႆႉႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇ။ ၶဝ်သမ်ႉမႄးတၢင်းပႃးလႄႈသဵၼ်ႈတၢင်းၵေႃႈပဵၼ်ၵူမ်ႇပဵၼ်ဢုင် ရူတ်ႉၵႃးတိတ်းၶမ်” တီႈသဵၼ်ႈတၢင်းလူင် တူၼ်ႈတီး−လွႆလႅမ်ၼႆႉ...

ဝၼ်းတီႈ16/11/2025 ၼႂ်းဝၼ်းလဵဝ်ၵူၺ်း ပလိၵ်ႈထႆး ၵူတ်ႇထတ်းၵူၼ်းလၵ်ႉလွမ်ၶဝ်ႈမိူင်း ထူပ်းႁၼ်ၵူၼ်းမိူင်းမၢၼ်ႈၸိူဝ်းဢမ်ႇမီးဝတ်းဝႂ်သင် တီႈဝဵင်းၵဵင်းမႂ်ႇလႄႈ ၵၢၼ်ႊၶျၼပူႊရီႊ တီႉၺွပ်းလႆႈ 38 ၵေႃႉဝႃႈၼႆ။ မိူဝ်ႈဝႃးယၢမ်းၵၢင်ၼႂ်ၸဝ်ႉပလိၵ်ႈထႆး ပႂ်ႉၵူတ်ႇထတ်းၼိူဝ်သဵၼ်ႈတၢင်းၵဵင်းမႂ်ႇလူင်းၵုင်းထဵပ်ႈမိူင်းၵွၵ်ႇ ၵူတ်ႇထတ်းရူတ်ႉၵႃးလမ်းၼိုင်ႈ တၢင်ႇၵူၼ်းမိူင်းမၢၼ်ႈဢမ်ႇမီးဝတ်းဝႂ်သင်မႃး 9 ၵေႃႉ။ ၸိူဝ်းၶဝ်လၢတ်ႈဝႃႈလႆႈပၼ်ၵႃႈၸၢင်ႈၵေႃႉ 700 ဝၢတ်ႇ တႃႇၵႂႃႇႁႃၵၢၼ်တီႈဝဵင်းလူင်ၵုင်းထဵပ်ႈဝႃႈၼႆ။ မိူၼ်ၼႆၼင်ႇၵဝ်ႇၼႂ်းဝၼ်းတီႈ 16/11/2025 ၼႆႉၵူၺ်း ပလိၵ်ႈထႆးၵူတ်ႇထတ်းတီႈၺွပ်းလႆႈထႅင်ႈၵူၼ်းမိူင်းမၢၼ်ႈ 29 ၵေႃႉဢၼ်ပႂ်ႉဝႆႉတီႈႁွင်ႈႁွင်ႈၼိုင်ႈ...

ဝၼ်းတီႈ 16/11/2025 မိူဝ်ႈဝႃးယၢမ်းၵၢင်ၼႂ် ပလိၵ်ႈထႆး လမ်းတီႉၵူၼ်းၸၢႆးၵေႃႉၼိုင်ႈ ပွႆႇပူၺ်သေ ၶီႇရူတ်ႉၶိူင်ႈၵႂႃႇမႃးၵၢင်ဝဵင်း ၶလွင်ႊလၢၼ်ႊ ၸႄႈတွၼ်ႈၵမ်ႊၽႅင်ႊၽဵတ်ႊ မိူင်းထႆး။ ၵူၼ်းၸၢႆးၵေႃႉၼၼ်ႉ ပဵၼ်ၾရင်ႇ(ၸၢဝ်းတၢင်ႇၸၢတ်ႈ) ဢၼ်မႃးဢဝ်မေးတီႈဝဵင်းၶလွင်ႊလၢၼ်ႊ သေယူႇသဝ်းဝႆႉတီႈၼၼ်ႉ။ မၼ်းၸၢႆးမီးဢႃယုမွၵ်ႈ 30 ပီ။ ၼႂ်းဝႃးၼႆႉမၼ်းၸၢႆးပွႆႇပူၺ်သေၵႂႃႇတဝ်ၼႂ်းၵၢတ်ႇၽတ်းထၼႃး ၶလွင်ႊလၢၼ်ႊ။ ႁဵတ်းႁႂ်ႈၵူၼ်းၼႂ်းၵၢတ်ႇဢွၼ်ၵၼ်တူၵ်းၸႂ်။ ဝၢႆးၼၼ်ႉပလိၵ်ႈၸႄႈဝဵင်းလိုပ်ႈလမ်းၸွမ်းလင်မၼ်းၸၢႆးသေ ႁွတ်ႈထိုင်ႁိူၼ်းယေးမၼ်းၸၢႆး။ ထူပ်းၺႃးတင်းမေးၼၢင်းမၼ်းၸၢႆးလၢတ်ႈဝႃႈ - ၽူဝ်မၼ်းၼၢင်းၼႆႉ ၵိၼ်လဝ်ႈၵိၼ်ပီႊယႃႊၼမ်။ သူႇယႃႈၼမ်သေလႄႈဢဝ်ပဵၼ်ၸႂ်ဢမ်ႇမၢၼ်ႇပႅတ်ႈ။...

ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ႁူပ်ႉထူပ်းၶႃႈႁၢပ်ႇၵၢၼ်ၵူၼ်းမိူင်းဝဵင်းမေႃႇလမျႅင်ႇ သေလၢတ်ႈဝႃႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းၸဵမ်ဢဝ်ၸုမ်းၵိုတ်းတိုၵ်းလႄႈ ၸုမ်းတိုၵ်ႉယိုဝ်းယူႇၸိူဝ်းၼႆႉ ဢမ်ႇမီးၵတိသဵတ်ႉၸႃႇတေႃႇၸိုင်ႈမိူင်း တူၺ်းပုၼ်ႈပၢင်ႈပၢႆးမၢၵ်ႈမီးၸဝ်ႈၵဝ်ႇသေ ႁူမ်ႈမိုဝ်းၵၼ်တင်းၸုမ်းၵႃႉၶၢႆၼွၵ်ႈမၢႆမီႈၵူၺ်းလႄႈ ၸိုင်ႈမိူင်းဢမ်ႇလႆႈၶွၼ်ႇ ဝႃႈၼႆ။ ဝၼ်းတီႈ 16/11/2025 ယၢမ်းၵၢင်ၶမ်ႈ ၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ ႁူပ်ႉထူပ်းၵူၼ်းမိူင်းတီႈဝဵင်းမေႃႇလမျႅင်ႇသေလၢတ်ႈထႅင်ႈဝႃႈ - “ ယွၼ်ႉပိူဝ်ႈၵၢၼ်ၵႃႉၶၢႆၼွၵ်ႈမၢႆမီႈလိူင်ႇၼမ်မႃးလႄႈ ယၢမ်းလဵဝ်လႆႈပိၵ်ႉလၢၼ်ႇလႅၼ်လိၼ်ဝႆႉၵမ်ႈၽွင်ႈ။ ၵၢၼ်ၵႃႉၶၢႆၵၢတ်ႇမိုတ်ႉၼႆႉ ႁဵတ်းႁႂ်ႈပဵၼ်ႁႅင်းလူင်တႃႇႁႂ်ႈၸုမ်းယိပ်းၵွင်ႈၵၢင်ႇၸွမ်းလႅၼ်လိၼ် မီးႁႅင်းသေသိုပ်ႇသၢႆၸႂ်လိပ်းၶီးလႆႈၶၢဝ်းႁိုင်။ တုမ်ႉတိူဝ်ႉလွင်ႈၵတ်းယဵၼ်ၼိမ်တဵင်ႈ”- ဝႃႈၼႆ။ သိုၵ်းမၢၼ်ႈလၢတ်ႈဝႃႈ -...

ၸွမ်ၽွင်းလူင်မိူင်းထႆး သင်ႇၵိုတ်း လွင်ႈတေႃႇဢႃယု ဝႂ်ၶႂၢင်ႉယူႇသဝ်းတီႈၼႂ်းမိူင်းထႆးပၼ် ႁႅင်းၵၢၼ် မိူင်းၵမ်ႊပေႃႊတီႊယိူဝ်ႊ မွၵ်ႈ 1 သႅၼ်ၵေႃႉ ဝႃႈၼႆ။ မိူဝ်ႈပၢၼ် ၸွမ်ၽွင်းလူင်မိူင်းထႆး ၵေႃႉၵဝ်ႇၼၼ်ႉ လႆႈပိုၼ်ၽၢဝ်ႇပၼ်ၶႂၢင်ႉဝႆႉ ႁႂ်ႈႁႅင်းၵၢၼ် မိူင်း ၵမ်ႊပေႃႊတီႊယိူဝ်ႊ ၸိူဝ်းဝတ်းဝႂ်မူတ်းဢႃယု သိုပ်ႇယူႇသဝ်းၵႂႃႇလႆႈတီႈၼႂ်းမိူင်းထႆး။ ထိုင်မႃးယၢမ်းလဵဝ် ၸွမ်ၽွင်းလူင်ၵေႃႉမႂ်ႇ ပၢၵ်ႈပႅတ်ႈၶေႃႈတႅပ်းတတ်းၼၼ်ႉသေ တေၶိုၼ်းမူၼ်ႉမႄး ထတ်းသၢင်ၵႂႃႇလီလီ ထႅင်ႈၵမ်းၼိုင်ႈ...

ဝၼ်းတီႈ 15/11/2025 ယၢမ်းၵၢင်ၼႂ် ၼႂ်ဝႃး သိုၵ်းၵဝ်ႈၵၢင်ႉ MNDAA ၶိုၼ်းဢဝ်ၶႃႈသိုၵ်း သိုၵ်းမၢၼ်ႈ 200 ပၢႆ ဢၼ်ၶဝ်တီႉလႆႈၽွင်းပၢင်တိုၵ်းၽႅၼ်ယၼ်ႇသိုၵ်း 1027 ၼၼ်ႉ ၶိုၼ်းသူင်ႇပၼ်သိုၵ်းမၢၼ်ႈၶိုၼ်းဝႃႈၼႆ။ ထိုင်မႃးဝၼ်းတီႈ 16/11/2025 သိုၵ်းမၢၼ်ႈ လိုပ်ႈတပ်ႉပၢင်သဝ်း MNDAA ၸိူဝ်းမီးတီႈၼႂ်းၸႄႈဝဵင်းလႃႈသဵဝ်ႈ ၼိူဝ်သဵၼ်ႈတၢင်းၵႂႃႇ မိူင်းယႆဝႃႈၼႆ။ တပ်ႉ MNDAA ဢၼ်သိုၵ်းမၢၼ်ႈၸႂ်ႉထွႆၼႆႉ ပဵၼ်တပ်ႉဢၼ်ပၵ်းဝႆႉတီႈ...

ယွၼ်ႉၽေးသၽႃႇဝသေ ၼႂ်းၶၢဝ်းတၢင်း 10 ပီ ႁူဝ်ၼပ်ႉၵူၼ်း 250 လၢၼ်ႉၵေႃႉ တူဝ်ႈလုမ်ႈၾႃႉ လႆႈႁၢမ်းႁိူၼ်းယေး တီႈယူႇသဝ်းၼႆ - ၸၢတ်ႈၸိုင်ႈလုမ်ႈၾႃႉ ႁၢႆးငၢၼ်းပိုၼ်ၽၢဝ်ႇဝႆႉၼင်ႇၼႆ။ ၽိုၼ်လိၵ်ႈႁၢႆးငၢၼ်းၼႆႉ UNHCR လႆႈပိုၼ်ၽၢဝ်ႇၵႂႃႇ ၼႂ်းဝၼ်းတီႈ 10/11/2025 ဝၼ်းၸတ်းႁဵတ်းပၢင်ၵုမ် ၺီႇလႃႇၶၢမ်ႇ ၵဵဝ်ႇလူၺ်ႈၾိင်ႈၾႃႉရႃႇသီႇလႅၵ်ႈလၢႆႈ COP30 တီႈဝဵင်း ပီႊလမ်ႊ ၸိုင်ႈမိူင်း...

မိူင်းၶူဝ်ႊရီႊယိူဝ်ႊၸၢၼ်း ၸတ်းႁဵတ်းပၢင်တွပ်ႇလိၵ်ႈ သူႊၼိူင်ႊ (Suneung )ႁိုင်ၶၢဝ်းတၢင်း 13 ၸူဝ်ႈမူင်း၊ ပၢင်တွပ်ႇလိၵ်ႈ ၶၢဝ်းယၢမ်းႁိုင်လိူဝ်ပိူၼ်ႈသုတ်း ၼႂ်းလုမ်ႈၾႃႉ ဝႃႈၼႆ။ ၼႂ်းၶၢဝ်းယၢမ်း ၸတ်းႁဵတ်းပၢင်တွပ်ႇလိၵ်ႈယူႇၼၼ်ႉ လႆႈပိၵ်ႉဢိုတ်းပၼ် ႁၢၼ်ႉတၢင်းၶၢႆ၊ ၼင်ႇႁိုဝ် သဵင်ႁိူဝ်းမိၼ် တေဢမ်ႇလင်မေႃးသုၵ်ႉယုင်ႈၼၼ်ႉၵေႃႈ လႆႈသုတ်ႉၶၢႆႉပၼ် ၶၢဝ်းတၢင်းသၢႆၵၢၼ်မိၼ် ၸဵမ်ၸိူဝ်းၼႆႉ။ ပၢင်တွပ်ႇလိၵ်ႈၼႆႉ ၸတ်းႁဵတ်းၼႂ်းလိူၼ် ၼူဝ်ႊဝႅမ်ႊပိူဝ်ႊၵူႈပီ၊ ပဵၼ်ပၢင်တွပ်ႇလိၵ်ႈ ဢၼ်တေတႅပ်းတတ်းပၼ်...

ၵူၼ်းၸိူဝ်းဢဝ် Visa Free သေ ၶဝ်ႈဢႅဝ်ႇမိူင်းထႆးၼၼ်ႉ တေဢမ်ႇပၼ်ၶႂၢင်ႉ သိုပ်ႇတေႃႇဢႃယု ဝီႊသႃႊ ၼမ်လိူဝ် 2 ပွၵ်ႈ လႄႈ တေၶဵင်ႈၶႅင်ၵၢၼ်တေႃႇဢႃယု ဝီႊသႃႊၵႂႃႇ ၼႆ - လုမ်းၾၢႆႇၵူတ်ႇထတ်း ၵူၼ်းၶဝ်ႈဢွၵ်ႇမိူင်း မိူင်းထႆး ပိုၼ်ၽၢဝ်ႇၵႂႃႇ ၼႂ်းဝၼ်းတီႈ 12/11/2025 ၼင်ႇၼႆ။ ၸွမ်းၼင်ႇၶေႃႈပိုၼ်ၽၢဝ်ႇၼၼ်ႉသေ မၢင်ၸိူဝ်းဢဝ်...

သိုၵ်းမၢၼ်ႈၵုမ်းဝဵင်းၾၢႆၶုၼ် ၸိုင်ႈတႆးပွတ်းၸၢၼ်း ပႂ်ႉၸွမ်းသဵၼ်ႈတၢင်းၵူတ်ႇထတ်းၵူၼ်းၶဝ်ႈဢွၵ်ႇဝၢၼ်ႈ/ဝဵင်း ၵူၼ်းမိူင်းယၢပ်ႇၽိုတ်ႇတႃႇၵႂႃႇႁဵတ်းၵၢၼ်သူၼ်ႁႆႈၼႃး။ ႁၢင်လိူၼ်ၼူဝ်ႊဝႅမ်ႊပိူဝ်ႊၼႆႉမႃး သိုၵ်းမၢၼ်ႈတႄႇၶဝ်ႈၵုမ်းဝဵင်းၾၢႆၶုၼ်ၶိုၼ်း။ ဝၢႆးၼၼ်ႉတဵၵ်းႁႂ်ႈ ၵူၼ်းပၢႆႈၽေးသိုၵ်း ပွၵ်ႈယူႇၶိုၼ်းႁိူၼ်းယေး။ၵူၺ်းၵႃႈဝဵင်းမိူင်းပၢႆးသမ်ႉ တိုၵ်ႉပဵၼ်ပၢင်တိုၵ်းယူႇတေႃႇထိုင်ယၢမ်းလဵဝ်။ ၼုမ်ႇၸၢႆးတႆးၵူၼ်းမိူင်းဝဵင်းၾၢႆၶုၼ် လၢတ်ႈတီႈၽူႈတွႆႇႁွၵ်ႈဝႃႈ-“ယၢမ်းလဵဝ်ၼႆႉသိုၵ်းမၢၼ်ႈပႂ်ႉႁူဝ်ဝဵင်းႁၢင်ဝဵင်းသေ ၵူတ်ႇထတ်းၵူၼ်းၼႂ်းဝဵင်းၶဝ်ႈဢွၵ်ႇၵႂႃႇမႃး။ထၢမ်တိၵ်းတိၵ်းထၢမ်ၵူႈၵမ်းလႄႈ ႁဝ်းၶႃႈၵူၼ်းမိူင်းယၢပ်ႇၽိုတ်ႇဢေႃႈ။ မိူၼ်ၼင်ႇဝၢၼ်ႈလႁႄႇၼႆ 4 မူင်းၶိုင်ႈဝၢႆးဝၼ်းၼႆႉ တေလႆႈထိုင်ၶိုၼ်းႁိူၼ်းၼႆၶႃႈလူးသိုၵ်းမၢၼ်ႈ သင်ႇဝႆႉ။ ၵွပ်ႈၼႆလႄႈ  ဢမ်ႇယဝ်ႉၵၢၼ်ၵေႃႈ ၵႃႈလႆႈဝႆႉၵၢၼ်ဝႆႉငၢၼ်းသေပွၵ်ႈႁိူၼ်းၶိုၼ်း ႁႂ်ႈၶိုတ်းၶၢဝ်းယၢမ်း ၼၼ်ႉယဝ်ႉၶႃႈ။ ပေႃးမိူၼ်ၼႆမႃး ဢၼ်ႁဝ်းဢဵၼ်းဢၢၼ်းဝႆႉၼၼ်ႉဢမ်ႇယဝ်ႉဢမ်ႇတူဝ်ႈ...

မိူဝ်ႈဝႃးဝၼ်းတီႈ 13/11/2025 ၵူၼ်းမိူင်းဝဵင်းတၢင်ႉယၢၼ်းထူပ်းႁၼ်တူဝ်တၢႆၵူၼ်းၵေႃႉၼိုင်ႈဢမ်ႇႁူႉဝႃႈပဵၼ်ၽႂ်- မီးယူႇတီႈၵွင်ယုၵ်းယၢၵ်းၼိူဝ်သဵၼ်ႈတၢင်းလူင် ဢၼ်လုၵ်ႉဝဵင်းတၢင်ႉယၢၼ်း တေဢွၵ်ႇၵႂႃႇၸူး ပၢင်သၢင်း။ ၵူၼ်းတၢႆၼၼ်ႉ ပဵၼ်ၽူႈၸၢႆး။  လႅပ်ႈၺႃးသမ်းၶဵမ်ဝႆႉႁိုဝ်ဢမ်ႇၼၼ်ယူတ်းယႃၸဵပ်းသေတီႈတီႈၼႆ ၼၢင်းယိင်း သႅၼ်းပၢၼ်ၵူၼ်းၼုမ်ႇ ယူႇဝဵင်းတၢင်ႉယၢၼ်းၵေႃႉၼိုင်ႈလၢတ်ႈၽူႈတွႆႇႁွၵ်ႈၼင်ႇၼႆ။   “ လုၵ်ႈဢွၼ်ႇၵႂႃႇလဵၼ်ႈတၢင်းပုၼ်ႉသေၸင်ႇထူပ်းႁၼ်ၺႃးၶႃႈဢေႃႈ။ၵူၼ်းဢၼ်တၢႆဝႆႉၼၼ်ႉ ပဵၼ်ၵူၼ်းၸၢႆးၶႃႈဢေႃႈၼၼ်ႉ။ တီႈတူဝ်တၢႆမၼ်းၵေႃႈ လႆႈႁၼ်ႁွႆးသမ်းၶဵမ်ဝႆႉ။ ၼုၼ်းၵုၺ်  တိုၵ်ႉၸပ်းဝႆႉၸွမ်းၶႅၼ်မၼ်းဝႆႉယူႇ။   တီႈၶေႃႈမိုဝ်းၵေႃႈ မီးႁွႆးမၢတ်ႇၸဵပ်းဝႆႉသေဢၼ်ဢၼ်”- ဝႃႈၼႆ။  ယၢမ်းလဵဝ် ၾၢႆႇၸွႆႈထႅမ်ၶႅၵ်ႇလီပၢင်ၸႃႉၶဝ် လႆႈဢဝ်ၶၢပ်ႈတူဝ်မၼ်းၸၢႆးၵႂႃႇယဝ်ႉ။ ...