မေႃယႃ မိူင်းဢိၼ်ႊတီႊယႃႊ လၢၼ်ႉပၢႆ ႁူမ်ႈၵၼ် ဢွၵ်ႇပႆၼႄၵၢင်ၸႂ် ၼိူဝ်သဵၼ်ႈတၢင်း တုၵ်းယွၼ်း ႁႂ်ႈၽူႈမီးပုၼ်ႈၽွၼ်းၶဝ် ဢဝ်လိူင်ႈပၼ်တၢင်းၽိတ်း ၵူၼ်းၵေႃႉဢၼ် ၵၼ်ႉၸၼ်လူလၢႆ ၶႃႈႁႅမ်မေႃယႃယိင်း ၾိုၵ်းၵၢၼ် ၵေႃႉၼိုင်ႈ တီႈၼႂ်းမိူင်းဢိၼ်ႊတီႊယႃႊ ပွတ်းႁွင်ႇ - ဝႃႈၼႆ။ မေႃယႃယိင်း ၾိုၵ်းၵၢၼ် ၵေႃႉဢၼ်ၺႃးၵၼ်ႉၸၼ်သေ ထုၵ်ႇၶႃႈႁႅမ်တၢႆၵႂႃႇၼၼ်ႉ ဢႃယုမီး 31 ပီ။...

ၸွမ်ၽွင်းလူင်ၸိုင်ႈထႆးၵေႃႉမႂ်ႇ ၼၢင်းသၢဝ်ၽႄးထွင်းထၢၼ်း သျိၼ်ႊၼဝတ်ႊ လၢတ်ႈပဵၼ်တၢင်းၵၢၼ် ၽွင်းမၼ်းၼၢင်းၶိုၼ်ႈႁပ်ႉတၼ်းႁဵင်း ဝၼ်းတီႈ 18 ဢေႃႊၵတ်ႊသ်ၼႆႉဝႃႈ - တေႁဵတ်းႁႂ်ႈပၢႆးမၢၵ်ႈမီး ၸိုင်ႈမိူင်း ၶိုၼ်ႈယႂ်ႇႁိူဝ်ႈႁိူင်းမႃး ၶိုၼ်း ဝႃႈၼႆ။ ၸွမ်ၽွင်းလူင်ၸိုင်ႈထႆး ၵေႃႉမႂ်ႇၼႆႉ ဢႃယု ၸင်ႇႁႃမီး 38 ပီၵူၺ်း။ ပဵၼ်ၸွမ်ၽွင်းလူင်ယိင်း ဢၼ်ဢႃယုလဵၵ်ႉသုတ်း ၼႂ်းပိုၼ်းမိူင်းထႆး။ ဝၢႆးလင် ၵေႃႉပဵၼ်ပေႃႈမၼ်းၼၢင်း...

ၵူၼ်းမိူင်းၵုၼ်ႊၵူဝ်ႊ တီႊမူဝ်ႊၶရႅတ်ႉတိတ်ႉ (DRC) ဢွၼ်ၵၼ်တိတ်းၸပ်းတၢင်းပဵၼ် မႁဵင်းလိင်း mpox မီး 15,000 ပၢႆသေ ဢၼ်လူႉတၢႆၵႂႃႇ မီး 500 ပၢႆယဝ်ႉလႄႈ ႁဵတ်းႁႂ်ႈတူဝ်ႈလုမ်ႈၾႃႉမႆႈၸႂ် ၵူဝ်တၢင်းပဵၼ်ၼႆႉ ၽႄႈလၢမ်းၵႂႃႇၸူး မိူင်းႁိမ်းႁွမ်းထႅင်ႈ - ဝႃႈၼႆ။ တေႃႇထိုင်ယၢမ်းလဵဝ် ၸိုင်ႈမိူင်းၼႂ်းၵုၼ်ဢႅပ်ႊၾရိၵ 12 မိူင်း ဢၼ်တိတ်းၸပ်းတၢင်းပဵၼ် မႁဵင်းလိင်း...

တႄႇၵၢင်လိူၼ်ၼႆႉမႃး သိုၵ်းမၢၼ်ႈ ဢဝ်လုၵ်ႈၸုမ်း တပ်ႉမ 66 ၸုမ်းၾၢႆႇယိုဝ်းတိုၵ်းၵမ်းသိုဝ်ႈ ထႅမ်ႁႅင်းတင်းၼမ် ၶဝ်ႈ ၸူးၼႂ်းၸႄႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်းၼႆ -  ၽူႈလဵပ်ႈႁဵၼ်းၵၢၼ်သိုၵ်း ၼႂ်းပိုၼ်ႉတီႈလၢတ်ႈ။ သိုၵ်းမၢၼ်ႈ ႁူမ်ႈဢဵၼ်ႁႅင်းၵူၼ်းသိုၵ်း တီႈငဝ်ႈငုၼ်းတိူင်းသိုၵ်း ပွတ်းဢွၵ်ႇ ယပၶ ဢၼ်ပၵ်းငဝ်ႈဝႆႉ တီႈဝဵင်းတူၼ်ႈတီးသေ ထႅမ်ႁႅင်းသိုၵ်းၵႂႃႇ တၢင်းၸႄႈဝဵင်းသီႇသႅင်ႇ လႅၼ်လိၼ်တႆး - ယၢင်းလႅင်၊...

သိုၵ်းမၼ်ႈ ၸိူဝ်းပႂ်ႉလၢၼ်ႇ/ ၵဵတ်ႉ တီႈဝဵင်းသီႇၵိပ်ႇ ၸႄႈဝဵင်းပၢင်လွင်း ၵူတ်ႇထတ်း ယွၼ်းငိုၼ်းၼမ်ႁႅင်း ၵူၼ်းမိူင်းယၢပ်ႇၽိုတ်ႇၶၢၼ်ၸႂ် တႃႇလတ်းလၢၼ်ႇၵႂႃႇမႃးၵႃႉၶၢႆ ဝႃႈၼႆ။ ၵူၼ်းႁဵတ်းၵၢၼ်ၽုၵ်ႇသွမ်ႈ ၼႂ်းပိုၼ်ႉတီႈ ပၢင်လွင်း - သီႇၵိပ်ႇ ၵမ်ႈၼမ် လတ်းၽၢၼ်ႇၵႂႃႇမႃးၵဵတ်ႉလၢၼ်ႇ သိုၵ်းမၢၼ်ႈ တင်း PNO ပႂ်ႉႁူမ်ႈၵၼ်ဝႆႉ တီႈၾၢႆႇၼႃႈ ႁူင်းၸၢၵ်ႈလိၼ်ပုၼ်ၼၵႃး ဝဵင်းသီႇၵိပ်ႇ၊ ၺႃးၵူတ်ႇထတ်းယွၼ်းငိုၼ်းၼမ်ႁႅင်း၊...

ၵူၼ်းမိူင်းတႆးပွတ်းႁွင်ႇ ၼပ်ႉႁူဝ်သႅၼ် ပၢႆႈၽေးပၢင်တိုၵ်း ၽႅၼ်ယၼ်ႇသိုၵ်း 1027 ၵမ်ႈၽွင်ႈ ပၢႆၵႂႃႇပွတ်းၸၢၼ်း ၵမ်ႈၽွင်ႈ ၶၢမ်ႈၶူင်းပၢႆႈၵႂႃႇပွတ်းဢွၵ်ႇ။ ပဵၼ်ဢၼ်ယၢပ်ႇၽိုတ်ႇ တႃႇတီႈယူႇတၼ်းသဝ်းလႄႈ တႃႇႁႃၵိၼ်လဵင်ႉတွင်ႉ။ ၵူၼ်းပၢႆႈၽေးသိုၵ်း ၸိူဝ်းတေၶၢမ်ႈၶူင်း တီႈၶူဝ်တႃႈၵေႃႈၼၼ်ႉ ၺႃးသိုၵ်းမၢၼ်ႈ ႁႄႉႁၢမ်ႈၵူတ်ႇထတ်း ထဵတ်ႈထၢမ်ႁႅင်း။ ပေႃးဝႃႈပဵၼ်ၵူၼ်းပၢႆႈၽေးသိုၵ်း မိူင်းတႆးပွတ်းႁွင်ႇၼႆ ယိင်ႈၶႅၼ်းၵူတ်ႇထတ်းယွႆႈယႅမ်း ႁဵတ်းႁႂ်ႈၵူၼ်းမိူင်း လၢႆသႅၼ်းထၢၼ်ႈဢမ်ႇထၢင်ႇႁၢင်ႈၵႂႃႇမႃး။ တႄႇဢဝ် ႁူဝ်လိူၼ်ၵျူႊလၢႆႊ ၼၼ်ႉမႃး...

ၸုမ်းသိုၵ်းတဢၢင်း TNLA ၶဝ်ႈလေႃႇတိုၵ်းတပ်ႉသိုၵ်းမၢၼ်ႈ တီႈဝဵင်းသီႇပေႃႉ ၸိုင်ႈတႆးပွတ်းႁွင်ႇ ႁိုင်မႃးၶၢဝ်းတၢင်း 10 ဝၼ်း ၵူၼ်းမိူင်းၸိူဝ်းတၢႆယွၼ်ႉပၢင်တိုၵ်းၼၼ်ႉၽႂ်ဢမ်ႇၸၢင်ႈၸွႆႈၽဵဝ်ႈၶၢပ်ႈတူဝ် ဢၢႆတူႇၼဝ်ႈဢွၵ်ႇမႃးၸင်ႇႁၼ်တူဝ်တၢႆ။ ၽွင်းပၢင်တိုၵ်းၼႆႉ ၵူၼ်းမိူင်းပိုၼ်ႉတီႈ ဢွၼ်ၵၼ်လႆႈငိူင်ႉပၢႆႈၽေးသိုၵ်း ၵူႈယွမ်ႇၵူႈတၢင်း၊ ၸိူဝ်းၺႃးၸၢၵ်ႇမၢၵ်ႇမၢတ်ႇ ၸဵပ်းလူႉတၢႆ ၵေႃႈမီး။ ၼႂ်းဝၼ်းတီႈ 18 လိူၼ်ထူၼ်ႈပႅတ်ႇ ထူပ်းႁၼ်ၶၢပ်ႈတူဝ်ၵူၼ်းမိူင်းသွင်ၵေႃႉ၊ လူႉတၢႆဝႆႉ မွၵ်ႈ 3-4 ဝၼ်းယဝ်ႉ၊ ၼႂ်းၼၼ်ႉ...

 ၶွမ်ႊပၼီႊၶုတ်းၶမ်းသူၺ်ႇၼၵႃး  ဢၼ်လႆႈဢၼုယၢတ်ႈၶုတ်းၶမ်းဝႆႉ ၶၢဝ်းတၢင်း 5 ပီ တီႈဝၢၼ်ႈတၢတ်ႇၸၢင်ႉ ႁိမ်းမိူင်းယူႉ ၼႂ်းၸႄႈဝဵင်းမိူင်းယွင်းၼၼ်ႉ ယၢမ်းလဵဝ်ၶၢဝ်းယၢမ်း မူတ်းသဵင်ႈ ယဝ်ႉတူဝ်ႈယဝ်ႉသေတႃႉ  ပႆႇၵိုတ်းပႆႇလိုဝ်ႈ တိုၵ်ႇသိုပ်ႇၶုတ်းၶမ်းယူႇ တိၵ်းတိၵ်း ဝႃႈၼႆ။ ၵူၼ်းမိူင်းပိုၼ်ႉတီႈလၢတ်ႈတီးၸုမ်းၶၢဝ်ႇၽူႈတွႆႇႁွၵ်ႈဝႃႈ- “ ၾၢႆႇၽူႈၵွၼ်းၸႄႈတွၼ်ႈ  ၾၢႆႇသိုၵ်းမၢၼ်ႈ  ပၼ်ၶႂၢင်ႉဝႆႉ ။  ၵႃးတၢင်ႇၼမ်ႉမၼ်းၸၢၵ်ႈ ၶဝ်ႈဢွၵ်ႇၼိုင်ႈဝၼ်း 2 -3...

ၾူၼ်တူၵ်းထပ်းၵၼ်လၢႆလၢႆဝၼ်းလႄႈ ၼမ်ႉႁူၺ်ႈ ၼမ်ႉလွႆၼွင်း မႄႈၼမ်ႉၵႄးၼမ်ႉ လူၼ်ႉၾၢင်ႇ ထူမ်ႈၶဝ်ႈၼႂ်းဝၢၼ်ႈၼႂ်းသူၼ် ၵူၼ်းမိူင်း ၸိုင်ႈတႆးပွတ်းၸၢၼ်း လၢႆလၢႆဝဵင်း ။ တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်းၼၼ်ႉ ၾူၼ်တူၵ်း ၶၢဝ်းတၢင်း 10 ဝၼ်းပၢႆယဝ်ႉလႄႈ ၼမ်ႉလၢတ်ႈ ၼွင်းလူၼ်ႉၾင်ႇ ၶဝ်ႈၼႂ်းပွၵ်ႉ (1) ၵူၼ်းပိုၼ်ႉတီႈ လႆႈၶၢႆႉၶူဝ်းၶွင် ပၢႆႈသွၼ်ႈယူႇသဝ်း တီႈလွတ်ႈၽေး။ ၵူၼ်းၼမ်ႉၸၢင် ၵေႃႈၼိုင်ႈ...

သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင် တူၵ်းသႂ်ႇႁိူၼ်းယေးၵူၼ်းမိူင်းဝဵင်းၼမ်ႉလၼ်ႈ လူႉၵွႆ 2 လင် ၵူၼ်းဝၢၼ်ႈမၢတ်ႇၸဵပ်းၸၢၵ်ႇမၢၵ်ႇၵေႃႉၼိုင်ႈ လႆႈယူတ်းယႃတူဝ်ဝႆႉ။ ဝၼ်းတီႈ 16/08/2024 ယၢမ်းၵၢင်ဝၼ်းမွၵ်ႈ 3 မူင်း သိုၵ်းမၢၼ်ႈယူႇတၢင်းၵွင်းသူၼ်ၼဵင်ႈလွႆလဵၵ်း ဢၼ်မီးၵွင်းမူးၼၼ်ႉသေ ယိုဝ်းၵွင်ႈလူင်ၵႂႃႇ တူၵ်းသႂ်ႇႁိူၼ်းယေးၵူၼ်းဝၢၼ်ႈတၢင်းပွၵ်ႉၵွင်းလၢင်း လူႉၵွႆ 2 လင်။ ၵူၼ်းမိူင်းဝဵင်းၼမ်ႉလၼ်ႈလၢတ်ႈတီႈၽူႈတွႆႇႁွၵ်ႈဝႃႈ- “မၢတ်ႇၸဵပ်းၵေႃႉၼိုင်ႈပဵၼ်ၼၢင်းယိင်းဢွၼ်ႇ။ ယၢမ်းလဵဝ်ၵႂႃႇယူတ်းယႃတူဝ်ဝႆႉတီႈတူၼ်ႈတီး။ သိုၵ်းမၢၼ်ႈယိုဝ်းၵွင်ႈလူင်ႁိမ်းဝၢၼ်ႈၵူႈဝၼ်းလႄႈ ၵူၼ်းမိူင်းဝဵင်းၼမ်ႉလၼ်ႈ ဢွၼ်ၵၼ်ပၢႆႈၵႂႃႇယူႇတၢင်ႇတီႈတၢင်ႇဝဵင်းယူႇယွတ်းယွတ်းယႅတ်းယႅတ်းၸဵမ်လႂ်ယဝ်ႉ။ ဝၢႆးလင်မၢၵ်ႇမႃးတူၵ်းသႂ်ႇၼႆႉတႄႉ...

ဝၼ်းတီႈ 18/08/2024 ယၢမ်းၵၢင်ဝၼ်း ၵူၼ်းဝၢၼ်ႈတၢင်းဢိူင်ႇၵၢတ်ႇထၢႆႇ ငိၼ်းသဵင်တႅၵ်ႇမိူၼ်သဵင်ယိုဝ်းၵၼ်လႄႈဢွၼ်ၵၼ်တူၵ်းၸႂ်ထၢင်ႇဝႃႈပဵၼ်ပၢင်တိုၵ်းသိုၵ်းသိူဝ် ၸဝ်ႈၼႃႈတီႈ RCSS ၼႂ်းပိုၼ်ႉတီႈလၢတ်ႈဝႃႈ ပဵၼ်ဝူၵ်ႇတႅၵ်ႇတီႈပၢင်ၸႃႉၶႄႇတၢႆ ဝႃႈၼႆ။ ၸဝ်ႈၼႃႈတီႈ RCSS ၼႂ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ-“မၼ်းပဵၼ်သဵင်ၶႄႇၶဝ်ၸုတ်ႇဝူၵ်ႇတႅၵ်ႇတီႈပၢင်မႃႇသႃႇၶဝ်။ သဵင်မၼ်းသမ်ႉလင်ႁႅင်းလႄႈႁဵတ်းႁႂ်ႈၵူၼ်းၼႂ်းပိုၼ်ႉတီႈထၢင်ႇဝႃႈပဵၼ်ပၢင်တိုၵ်းၼႆသေဢွၼ်ၵၼ်တူၵ်းၸႂ်။ ႁဝ်းၶႃႈၵူတ်ႇထတ်းတူၺ်းယဝ်ႉ ဢမ်ႇမီးပၢင်တိုၵ်းၶႃႈ ”ဝႃႈၼႆ။ လွင်ႈၼႆႉ ၵူၼ်းပိုၼ်ႉတီႈလၢတ်ႈဝႃႈပဵၼ်ဢၼ်တူၵ်းၸႂ်မႆႈၸႂ်။ ၵွပ်ႈဝႃႈ မိူဝ်ႈဝႃးမိူဝ်ႈသိုၼ်းၵေႃႈႁၼ်သိုၵ်းမၢၼ်ႈတူင်ႉၼိုင်လႄႈ ၵူဝ်ပဵၼ်ပၢင်တိုၵ်း ဝႃႈၼႆ။ လုင်းၸၢႆး ၵူၼ်းၵဵင်းတုင်လၢတ်ႈဝႃႈ-“ၼႂ်းငဝ်းလၢႆးၵၢၼ်မိူင်းၵၢၼ်သိုၵ်းယၢမ်းလဵဝ်ၼႆႉ ၵူၼ်းမိူင်းၵူႈၵေႃႉၵူႈပိုၼ်ႉတီႈ လႆႈဢွၼ်ၵၼ်ၾၢင်ႉယူႇၾၢင်ႉၵိၼ်...

ဝၼ်းတီႈ 18/08/2024 ယၢမ်းၵၢင်ဝၼ်း 1 မူင်း သဵင်ၵွင်ႈတႅၵ်ႇတီႈဝၢၼ်ႈၵၢတ်ႇဝုင်ႈ ဢိူင်ႇၵၢတ်ႇထၢႆႈ ဝဵင်းၵဵင်းတုင် ၸိုင်ႈတႆးပွတ်းဢွၵ်ႇၶူင်း။ ၵူၼ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ- “လႆႈငိၼ်းသဵင်ၵွင်ႈတႅၵ်ႇယူႇတႄႉ ။ ႁိုင်မွၵ်ႈ 30 မိၼိတ်ႉၼႆႉ။ႁဵတ်းႁႂ်ႈၵူၼ်းမိူင်းတူၵ်းၸႂ်ယူႇ၊ ၵူၺ်းၵႃႈ လွင်ႈတုမ်ႉတိူဝ်ႉဝၢၼ်ႈသူၼ်ႁိူၼ်းယေးၵူၼ်းမိူင်းလူႉၵွႆတႄႉဢမ်ႇမီး။ ပဵၼ်ၽႂ်တင်းၽႂ်ယိုဝ်းၵၼ်တႄႉပႆႇႁူႉတႅတ်ႈတေႃး။ ထုင်ႉၼၼ်ႉပဵၼ်ပိုၼ်ႉတီႈၶွင်ႇသီႇဢဝ်ၶိုၼ်းၸိုင်ႈတႆး RCSS တူင်ႉၼိုင်”- ဝႃႈၼႆ။ ၵူၼ်းပိုၼ်ႉတီႈလၢတ်ႈဝႃႈ - 2-3 ဝၼ်းပူၼ်ႉမႃးၼႆႉ...

ၵူၼ်းၵႃႉၶဝ်ႈၵၢပ်ႇ တီႈဝဵင်းပၢင်လွင်း 4 ၵေႃႉ ၺႃးၸုမ်းပျီႇတူႉၸိတ်ႉပဢူဝ်း တီႉၺွပ်းၵုမ်းတူဝ်ယဝ်ႉ လွၵ်ႇငိုတ်ႈယွၼ်းငိုၼ်း ၵႃႈဢမ်ႇလႆႈဢမ်ႇၸူး ဝၢႆးပၼ်ငိုၼ်းယဝ်ႉ ၸင်ႇပွႆႇတူဝ်။ ပူၼ်ႉမႃး မိူဝ်ႈလိူၼ်ၵျူႊလၢႆႊၼၼ်ႉ ၵူၼ်းၵႃႉၶဝ်ႈၵၢပ်ႇ ဝၢၼ်ႈၼမ်ႉၽႃမူ 2 ၵေႃႉလႄႈ ၵူၼ်းဝၢၼ်ႈ ဢၼ်ယူႇႁိမ်းသဵၼ်ႈတၢင်း ၵျႃႇမၼီႇ 2 ၵေႃႉ ၼႂ်းၸႄႈဝဵင်းပၢင်လွင်း ၸႄႈတွၼ်ႈတူၼ်ႈတီး ၸိုင်ႈတႆး ပွတ်းၸၢၼ်း...

ဝၼ်းတီႈ 16/08/2024 ယၢမ်းဝၢႆးဝၼ်း 1 မူင်း ဢမ်ႇပဵၼ်ပၢင်တိုၵ်းသင်သေ သိုၵ်းမၢၼ်ႈ ယိုတ်းမိူင်း ဢဝ်ၶိူင်ႈမိၼ် ပွႆႇမၢၵ်ႇသႂ်ႇ တီႈဝၢၼ်ႈၵူးၵွတ်ႈ ၸႄႈဝဵင်းၵျွၵ်ႉမႄး ၸိုင်ႈတႆး ပွတ်းႁွင်ႇ ၸၢၵ်ႇမၢၵ်ႇ တိူဝ်ႉသႂ်ႇၸဝ်ႈသၢင်ႇ မၢတ်ႇၸဵပ်းတူၼ် ၼိုင်ႈ ဝႃႈၼႆ။ ၵူၼ်းပိုၼ်ႉတီႈ လၢတ်ႈတီႈၽူႈတွႆႇႁွၵ်ႈဝႃႈ - “ဝၼ်းၼၼ်ႉ ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇသႂ်ႇ...

ငဝ်းလၢႆး မိူင်းမၢၼ်ႈ ၼႂ်းမိူဝ်ႈလဵဝ်ၼႆႉ ႁဵတ်းႁႂ်ႈလႆႈမႆႈၸႂ်ယူႇလႄႈ ​​တေလႆႈၶၢတ်ႈၶႅၼ်ႈဝႆႉႁူဝ်ႉသၢမ်ႁၢဝ်း။ ၼိုင်ႈ - ဢၼ်​​တေႁဵတ်းႁႂ်ႈ ပဵၼ်သိုၵ်းၵၢင်မိူင်း၊ သွင် - ဢၼ်​​တေဝဵၼ်ႉပွႆႇမိူင်းမၢၼ်ႈပႅတ်ႈ ၼွၵ်ႈၶွပ်ႇ ဢေသီယၼ်၊ သၢမ် - ဢၼ်​​​တေ ၶဝ်ႈၵႅဝ်ၸွမ်းလိူင်ႈၵၢၼ် တၢင်းၼႂ်းမိူင်းမၢၼ်ႈ ၸိူဝ်းၼႆႉ ဢမ်ႇၶႂၢင်းပၼ်လႆႈၼႆ ဝၢင် ယီႈ ပၢၵ်ႇလၢတ်ႈထိုင်...