တႄႇဢဝ် ဝၼ်းတီႈ 03-05/10/2024 ယူႇတီႈ ၸွမ်သိုၵ်းလူင် ယွတ်ႈသိုၵ်း ႁူဝ်ပဝ်ႈ ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/ SSA ၶဝ်ႈႁူမ်ႈပၢင်ၵုမ် ဢုပ်ႇဢူဝ်းၵဵဝ်ႇၵပ်းလူၺ်ႈၵၢၼ်မိူင်း ၼႂ်းမိူင်းမၢၼ်ႈ တီႈဝဵင်းၵျႃႊၵႃႊတႃႊ(Jakarta city) မိူင်းဢိၼ်ႊတူဝ်ႊၼီးသျႃႊ(Indonesia) တႃႇၶၢဝ်းတၢင်း 3 ဝၼ်း။
ၸဝ်ႈႁၢၼ် ၶမ်းၸၢမ်ႇ ၽူႈၶၢၼ်ပၢၵ်ႇ RCSS လၢတ်ႈတီႈၽူႈတွႆႇႁွၵ်ႈဝႃႈ – “ယူႇတီႈ မိူင်းဢိၼ်ႊတူဝ်ႊၼီးသျႃႊ မွၵ်ႇမႃးလႄႈ ၵႂႃႇၶဝ်ႈႁူမ်ႈ။ ဢၼ်ၵႂႃႇၶဝ်ႈႁူမ်ႈၼႆႉ ယူႇၼႂ်းၼမ်း RCSS သေၵႂႃႇ။ တီႈပၢင်ၵုမ်ၼၼ်ႉ လႆႈဢုပ်ႇဢူဝ်းသင်ၵၼ်ၵႂႃႇလၢႆလၢႆတႄႉ ဢမ်ႇလႆႈႁူႉႁူဝ်ယွႆႈမၼ်းၶႃႈ”- ဝႃႈၼႆ။
ဢိင်ၼိူဝ် လွင်ႈပၢင်ၵုမ် ဢုပ်ႇဢူဝ်း ၵဵဝ်ႇၵပ်းလွင်ႈမိူင်းမၢၼ်ႈ ဢၼ်ၸတ်းႁဵတ်းၵႂႃႇ တီႈမိူင်းဢိၼ်ႊတူဝ်ႊၼီးသျႃႊ ၼၼ်ႉ မီးပႃႇတီႇၵၢၼ်မိူင်းလႄႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ၼႂ်းမိူင်းႁူမ်ႈတုမ် ၸိူဝ်းၼႆႉ ၵႂႃႇၶဝ်ႈႁူမ်ႈလၢႆမူႇၸုမ်း။
ၶွင်ႇသီႇဢဝ်ၶိုၼ်းၸိုင်ႈတႆး RCSS ၼႆႉ ပဵၼ်ၸုမ်းလူင်းလၢႆးမိုဝ်း ၵိုတ်းတိုၵ်းပတ်းပိုၼ်ႉတူဝ်ႈမိူင်း NCA ဝႆႉ ၸုမ်းၼိုင်ႈ မိူဝ်ႈဝၼ်းတီႈ 15/10/2015 မိူဝ်ႈပၢၼ်ဢူးတဵင်းၸဵင်ႇ ပဵၼ်ၸွမ်ၸိုင်ႈၼၼ်ႉ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ