ၸုမ်းတူင်ႇဝူင်းၵူၼ်း ဢၼ်မီးၼႂ်းမိူင်းမၢၼ်ႈလႄႈ ၵူႈမိူင်းမိူင်း 240 ၸုမ်း တႅမ်ႈလိၵ်ႈတုၵ်းယွၼ်းထိုင် ဢႃႊသီႊယႅၼ်ႊ (ASEAN) ယႃႇႁႂ်ႈႁူမ်ႈတင်းသိုၵ်းမၢၼ်ႈ ဢၼ်ၸႂ်ႉၶိူင်ႈမိၼ်သေ ပွႆႇမၢၵ်ႇပိုတ်းယိုဝ်းၶႃႈႁႅမ် ၵူၼ်းမိူင်း လူႉတၢႆတူဝ်ႈမိူင်းယူႇၼၼ်ႉ – ဝႃႈၼႆ။
ၽိုၼ်လိၵ်ႈၼႆႉ လႆႈယိုၼ်ႈထိုင်တီႈ ၽူႈဢွၼ်ႁူဝ် 9 ၸိုင်ႈမိူင်း ၸိူဝ်းပဵၼ်လုၵ်ႈၸုမ်း ဢႃႊသီႊယႅၼ်ႊ မိူဝ်ႈဝၼ်းတီႈ 07/10/2024 ၼႆႉ ၼႂ်းၼၼ်ႉ တုၵ်းယွၼ်းဝႆႉဝႃႈ – ယႃႇပေမၵ်းမၼ်ႈ ပၢင်လိူၵ်ႈတင်ႈ ဢၼ်သိုၵ်းမၢၼ်ႈ တေၸတ်းႁဵတ်း၊ ႁႂ်ႈႁႄႉႁၢမ်ႈ လွင်ႈၽူႈတၢင်တူဝ်သိုၵ်းမၢၼ်ႈ ၶဝ်ႈႁူမ်ႈၸွမ်းတီႈၼႂ်းပၢင်ၵုမ် ဢႃႊ သီႊယႅၼ်ႊ၊ ႁႂ်ႈၸုမ်းဢႃႊသီႊယႅၼ်ႊ ၵပ်းသိုပ်ႇၵၼ်တင်း လူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ(NUG)၊ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းလႄႈ တင်း NUCC ၶဝ် ၵမ်းသိုဝ်ႈ – ဝႃႈၼႆ။
လိူဝ်ၼၼ်ႉ ႁႂ်ႈၵိုတ်း လွင်ႈဢၼ်ၸုမ်းဢႃႊသီႊယႅၼ်ႊ ႁူမ်ႈၵၼ်တင်းသိုၵ်းမၢၼ်ႈသေ ပၼ်တၢင်းၸွႆႈထႅမ် ၵူၼ်းၼင်ႇ ၵၼ် ႁၼ်ထိုင်ၸွႆႈထႅမ်ၵၼ်၊ ဢႃႊသီႊယႅၼ်ႊ ထုၵ်ႇလီပၼ်ႁႅင်းၵမ်ႉထႅမ် လွင်ႈလွတ်ႈလႅဝ်းၽဵင်ႇပဵင်းပဵၼ်ထမ်း တႃႇ ၵူၼ်းမိူင်းမၢၼ်ႈ၊ လွင်ႈသိုၵ်းမၢၼ်ႈ ႁဵတ်းၽိတ်းပူၼ်ႉပႅၼ် ရႃႇၸဝၢတ်ႈ ၸိူဝ်း ၼၼ်ႉၵေႃႈ ႁႂ်ႈၽူႈဢွၼ်ႁူဝ် ၸုမ်းဢႃႊသီႊယႅၼ်ႊ ႁူမ်ႈၵၼ်တင်း ၵူႈမိူင်းမိူင်းသေ ႁဵတ်းသၢင်ႈၵႂႃႇ – ဝႃႈၼႆ။
ၵဵဝ်ႇလူၺ်ႈၽိုၼ်လိၵ်ႈတုၵ်းယွၼ်းၼၼ်ႉ ယူႇတီႈ ၽူႈဢွၼ်ႁူဝ် ၸုမ်းဢႃႊသီႊယႅၼ်ႊၶဝ် ပႆႇတွပ်ႇလၢတ်ႈဝႆႉသင်။ ႁွင်ႈ ၵၢၼ် ၽွင်းလူင်ၾၢႆႇၼွၵ်ႈမိူင်း သိုၵ်းမၢၼ်ႈတႄႉ လၢတ်ႈၵႂႃႇၼႂ်းဝၼ်းတီႈ 8 ၼႆႉဝႃႈ တေသိုပ်ႇႁူမ်ႈၵၼ်တင်းဢႃႊသီႊယႅၼ်ႊၵႂႃႇ – ဝႃႈၼႆ။
တႄႇဢဝ် ဝၼ်းတီႈ 09-11/10/2024 ၼႆႉ ၸုမ်းဢႃႊသီႊယႅၼ်ႊ ၸတ်းႁဵတ်းပၢင်ၵုမ်သုင်သုတ်း တီႈမိူင်းလၢဝ်း။ ၾၢႆႇသိုၵ်းမၢၼ်ႈ မီးဢူးဢွင်ႇၵျေႃႇမူဝ်း ၽူႈမီးပုၼ်ႈၽွၼ်း တီႈႁွင်ႈၵၢၼ် ၽွင်းလူင်ၾၢႆႇၼွၵ်ႈမိူင်း ၶဝ်ႈႁူမ်ႈၸွမ်း – သိုဝ်ႇၶၢဝ်ႇ RFA ဢွၵ်ႇဝႆႉၼင်ႇၼႆ။
၊ ၸုမ်းယိပ်းၵွင်ႈၵၢင်ႇၸၢဝ်းၶိူဝ်းလႄႈ တင်း NUCC ၶဝ် ၵမ်းသိုဝ်ႈ - ဝႃႈၼႆ။){kind=link}