ပၢင်တိုၵ်းၼႂ်းၸိုင်ႈတႆးပွတ်းႁွင်ႇ ပႆႇၵိုတ်းပႆႇယဵၼ် တီႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ သိုၵ်းတဢၢင်း TNLA + PDF လႄႈ သိုၵ်းမၢၼ်ႈပိုတ်းယိုဝ်းၵၼ်ႁၢဝ်ႈႁႅင်း ၊ သိုၵ်းၸၢဝ်းၶိူဝ်း ယိုတ်းလႆႈတပ်ႉသိုၵ်းမၢၼ်ႈတင်းၼမ် ။ ၽွင်းသိုၵ်းမၢၼ်ႈၵၢၼ်ႉသိုၵ်းယူႇၵူႈတီႈၵူႈဝဵင်းၼႆႉ သိုၵ်းမၢၼ်ႈဢဝ်ၶိူင်ႈမိၼ်မႃးပၼ်ႇလဵပ်ႈ ပိုတ်းယိုဝ်း ႁိူၼ်းယေးၵူၼ်းမိူင်းယူႇၵူႈၶမ်ႈၶိုၼ်း။  ၵူၼ်းမိူင်းလႆႈပၢႆႈၽေးသိုၵ်းယင်းပႆႇၸၢင်ႈပွၵ်ႈၶိုၼ်းႁိူၼ်း ။ တႃႇႁႂ်ႈၵူၼ်းမိူင်း ၵူၼ်းသိုၵ်း တေမီးလွင်ႈၶဝ်ႈၸႂ်ၽိတ်းၼိူဝ်ၵၼ်ၼၼ်ႉ သမ်ႉမီး ၶၢဝ်ႇပွမ်ၶၢဝ်ႇၽၢင်း...

ၵွင်းမူးလႄႈ ႁုၼ်ႇႁၢင်ႈၽြႃး သူႇလဵၵ်ႉသူႇယႂ်ႇ ဢၼ်မီးၸွမ်းႁိမ်းႁွမ်း ဝတ်ႉၽရထၢတ်ႈသီၻွၼ်ႊရိူင်ႊ မိူင်းၽူင်း ၸႄႈတွၼ်ႈတႃႈၶီလဵၵ်း ၸိုင်ႈတႆးပွတ်းဢွၵ်ႇ ၺႃးၸုမ်းဢမ်ႇႁူႉၾၢႆႇၸူင်ယႃႉ၊ ၵူၼ်းပိုၼ်ႉတီႈ ပဵၼ်ၸႂ်ဢမ်ႇလီ။ ၶူးဝႃးဝုၼ်းၸုမ်ႉ ဢၼ်မီးယူႇတီႈ မိူင်းပူႊတၼ်ႊ ၼၼ်ႉၵေႃႈ ပဵၼ်ဢၼ်တိူဝ်ႉၸႂ်သေ မဵတ်ႉတႃႇတြႃး သင်ႇသွၼ်မႃးတၢင်းၶလိပ်ႉ ဝီႊတီႊဢူဝ်ႊ တၢင်းဢွၼ်ႊလၢႆႊ ပၼ်ၾၢင်ႉပႃးဝႃႈ ႁႂ်ႈမေႃလုမ်းလႃးတူၺ်းထိုင် ဢွင်ႈတီႈသႃသၼႃ လီငၢမ်း၊...

ၼႂ်းလိူၼ်သႅပ်ႊထႅမ်ႊပိူဝ်ႊ (လိူၼ်ထူၼ်ႈ 9)လႄႈ လိူၼ်ဢွၵ်ႊထူဝ်ႊပိူဝ်ႊ (လိူၼ်ထူၼ်ႈ 10 ) ၼႆႉ ၾူၼ်တူၵ်းထပ်းၵၼ် ဢမ်ႇထၢတ်ႇ ၼမ်ႉထူမ်ႈၼမ်ႉၼွင်း ၵူၼ်းလူႉတၢႆ၊ ႁိူၼ်းယေးၵူၼ်းမိူင်းလူႉၵွႆ သေဢမ်ႇၵႃး သူၼ်ႁႆႈၼႃးၵူၼ်းမိူင်းလူႉသုမ်းၼမ် ဝၢႆးၼၼ်ႉမႃး ၶၼ်ၵုၼ်ႇလိပ်း ၽၵ်းယိူဝ်ႈၼၢင်းၶဵဝ် - မၢၵ်ႇၶဝ်ႈတဝ်ႈၼမ်ႉ ပုင်ႈၶိုၼ်ႈသုင် 2 ပုၼ်ႈ 3...

ယၢမ်းလဵဝ် တီႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်းၼႆႉ ဝၢႆးၼမ်ႉတဵင်းၼွင်းထူမ်ႈ ယွမ်းလူင်းၶိုၼ်းယဝ်ႉ ၵူၼ်းပိုၼ်ႉတီႈ တိုၵ်ႉထူပ်းလွင်ႈယၢပ်ႇၽိုတ်ႇ တႃႇၽဵဝ်ႈၶိုၼ်းၶီႈၵူမ်ႇၶီႈငႂ်ႈ ဢၼ်ၵိုတ်းၶမ်ဝႆႉ ၸွမ်းႁိူၼ်းယေးလႄႈ သဵၼ်ႈတၢင်း ၸိူဝ်းၼႆႉ။ ၵူၼ်းပိုၼ်ႉတီႈ ဝဵင်းလၢင်းၶိူဝ်း လၢတ်ႈတီႈၽူႈတွႆႇႁွၵ်ႈဝႃႈ - “ႁိူၼ်းယေးၵူၼ်းမိူင်း မိူၼ်ၼင်ႇ တၢင်းဝၢၼ်ႈတႃႈၾၢႆႇ ဢွၵ်ႇ၊ ဝၢၼ်ႈပူးၵၢမ်ႇ၊ ဝၢၼ်ႈပၢင်သၼွင်း၊ ဝၢၼ်ႈၼမ်ႉဢုၼ်ႇ ၸိူဝ်းၼႆႉ ပႆႇၸၢင်ႈဢဝ်ၶီႈၵူမ်ႇၶီႈငႂ်ႈ...

ယၢမ်းလဵဝ် ၵူၼ်းဝဵင်းပၢင်လွင်း ၼပ်ႉႁူဝ်ပၢၵ်ႇ တိုၵ်ႉၶမ်ဝႆႉၼႂ်းၵႄႈပၢင်တိုၵ်း သိုၵ်းမၢၼ်ႈတင်း သိုၵ်းယၢင်းလႅင် ယွၼ်ႉ ဢမ်ႇၸၢင်ႈဢွၵ်ႇဝၢၼ်ႈ ႁႃသိုဝ်ႉၶဝ်ႈၼမ်ႉတၢင်းၵိၼ် ဝႃႈၼႆ။ ဝၼ်းတီႈ 20/10/2024 ယၢမ်းဝၢႆးဝၼ်းမွၵ်ႈ 1 မူင်း သိုၵ်းမၢၼ်ႈ ယိုတ်းမိူင်း ႁူမ်ႈပျီႇတူႉၸိတ်ႉပဢူဝ်း PNO ပဵၼ်ပၢင်တိုၵ်းၵၼ်တင်း တပ်ႉသိုၵ်းၽွမ်ႉႁူမ်ႈလုၵ်ႉၽိုၼ်ႉ ယၢင်းလႅင်သေ ၾၢႆႇသိုၵ်းမၢၼ်ႈ ဢဝ်ၶိူင်ႈမိၼ် မႃးပွႆႇမၢၵ်ႇ...

သိုၵ်းမၢၼ်ႈ ယိုတ်းမိူင်း တင်ႈၸႂ် ဢဝ်ၶိူင်ႈမိၼ်တိုၵ်း မႃးပွႆႇမၢၵ်ႇတီႈဝဵင်းလႃႈသဵဝ်ႈ ၼႂ်းဝၼ်းလဵဝ် ဢမ်ႇယွမ်း 3 ၵမ်း ၸၢၵ်ႇမၢၵ်ႇတိူဝ်ႉၺႃး ႁူင်းႁုင်လဝ်ႈ၊ ႁူင်းပလိၵ်ႈလႄႈ ႁိူၼ်းယေးၵူၼ်းမိူင်း ၸိူဝ်းၼႆႉလူႉၵွႆ။ ဝၼ်းတီႈ 23/10/2024 ယၢမ်းၵၢင်ၼႂ် 8:35 မူင်း ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ တီႈႁူင်းႁုင်လဝ်ႈ ၸၢဝ်းၶႄႇ ႁိမ်းၶူဝ်သၢမ်တၢၼ်ႇ ၼႂ်းဝၢၼ်ႈၼမ်ႉၶႆႉ...

ယၢမ်းလဵဝ် ၶၼ်ၼမ်ႉမၼ်းၸိူဝ်ႉၾႆး (ၼမ်ႉမၼ်းၸၢၵ်ႈ) တီႈဝဵင်းႁူဝ်ပၢင်ႇ ပုင်ႈၶိုၼ်ႈႁႅင်း တႄႇဢဝ် 1 လိတ်ႊလႂ် 7 ယႂၼ်ႊ(ငိုၼ်းၶႄႇ) ပုင်ႈၶိုၼ်ႈပဵၼ် 11 ယႂၼ်ႊ ႁဵတ်းႁႂ်ႈၵူၼ်းမိူင်းထူပ်းတၢင်းယၢပ်ႇၽိုတ်ႇ။ ဝၼ်းတီႈ 23/10/2024 ယၢမ်းၵၢင်ၼႂ် ၵူၼ်းမိူင်း ဢွၼ်ၵၼ်ႁိမ်သိုဝ်ႉၼမ်ႉမၼ်းၸၢၵ်ႈ တီႈပၢမ်ႉၼမ်ႉမၼ်း မိူင်းပၢင်းတႆး (မိန်းပန်းရှမ်း) ဝဵင်းႁူဝ်ပၢင်ႇ ၸိုင်ႈတႆးပွတ်းႁွင်ႇ ယွၼ်ႉမီးၶၢဝ်ႇလိုဝ်းဝႃႈ...

သိုၵ်းမၢၼ်ႈတင်း သိုၵ်းတဢၢင်း ပဵၼ်ပၢင်တိုၵ်းၵၼ် ႁၢဝ်ႈႁႅင်း သိုၵ်းမၢၼ်ႈ ဢဝ် Drone မႃးပွႆႇမၢၵ်ႇ 2 ၵမ်း မၢၵ်ႇတူၵ်းလူင်း 18 လုၵ်ႈ တိူဝ်ႉႁူင်းႁဵၼ်းလႄႈ ဝတ်ႉဝႃးၽႃသိူဝ်ႇ တီႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ ဝၼ်းတီႈ 22/10/2024 ယၢမ်းၵၢင်ဝၼ်း 12 မူင်း သိုၵ်းမၢၼ်ႈ ယိုတ်းမိူင်းတင်း သိုၵ်းတဢၢင်း...

ပီၼႆႉၾူၼ်ၼမ် ၼမ်ႉထူမ်ႈႁၢဝ်ႈႁႅင်း ပတ်းပိုၼ်ႉၸိုင်ႈမိူင်းလႄႈ ၼႂ်းမိူင်းတႆးၵေႃႈ မိူၼ်ၵၼ် ၼမ်ႉၵႆႉလုပ်ႇထူမ်ႈ တုမ်ႉတိူဝ်ႉလွင်ႈလူႉသုမ်းၼမ်ႁႅင်း ပဵၼ်ဝဵင်းၵူၼ်းၵိုၼ်းငိုၼ်းၶွၼ်ႈ ဝဵင်းတိတ်းၸပ်းလႅၼ်လိၼ်တႆး - ထႆး ဝဵင်းတႃႈၶီႈလဵၵ်း ၼႆယဝ်ႉ။ ပီၼႆႉ ဝၢႆးလင်ၶၢဝ်းမႆႈမႃး တေႃႇထိုင်ယၢမ်းလဵဝ် ၶၢဝ်းတၢင်း 5-6 လိူၼ်မႃးၼႆႉ ၼမ်ႉထူမ်ႈဝဵင်းတႃႈၶီႈလဵၵ်း ဢမ်ႇယွမ်း 10 ပွၵ်ႈယဝ်ႉ။ ၼမ်ႉထူမ်ႈလိုၼ်းသုတ်း မိူဝ်ႈလိူၼ်သႅပ်ႊထႅမ်ႊပိူဝ်ႊတင်း...

ဝၼ်းတီႈ 22/10/2024 ၾင်ႇမိူင်းၶႄႇၵူတ်ႇထတ်း ရူတ်ႉၵႃးတၢင်ႇၵုၼ်ႇ မိူင်းမၢၼ်ႈ ႁၢဝ်ႈႁႅင်း တီႈၽၵ်းတူၸၢင်ႉၽိူၵ်ႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ႁဵတ်းႁႂ်ႈၵူၼ်းတေႃႉတၢင်ႇၶူဝ်းၵုၼ်ႇ ထူပ်းတၢင်းယၢပ်ႇၽိုတ်ႇႁႅင်း ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “ယွၼ်ႉၾင်ႇမိူင်းၶႄႇၶဝ် ၵူတ်ႇထတ်းႁၼ် သိူဝ်ႈၸိတ်ႇၵႃႇလႄႈ Computer ဢၼ်တေတေႃႉမႃးတၢင်းမိူင်းမၢၼ်ႈၼႆႉ တင်းၼမ်လႄႈ...

ၸွမ်သိုၵ်းလူင်ၵဝ်ႇ ပရႃႊပူဝ်ႊဝူဝ်ႊ သူႊပီႊယႅၼ်ႊ ထုၵ်ႇလိူၵ်ႈပဵၼ်မႃး ၸွမ်ၸိုင်ႈ မိူင်းဢိၼ်ႊတူဝ်ႊၼီးသိူဝ်ႊ (Indonesia) ဝၢႆးလင်ပီ 1960 ၶွတ်ႇၽွတ်ႈၶိုၼ်ႈမႃး လူင်ပွင်ၸိုင်ႈ ဢၼ်မီးၽူႈၶဝ်ႈႁူမ်ႈ ပၢၵ်ႇပၢႆၵမ်းႁႅၵ်ႈ ဝႃႈၼႆ။ ၸွမ်ၸိုင်ႈ ၵေႃႉမႂ်ႇၼႆႉ မီးဢႃယု 73 ပီ ယၢမ်ႈပဵၼ်ၸွမ်သိုၵ်းလူင် မိူင်းဢိၼ်ႊတူဝ်ႊၼီးသိူဝ်ႊမႃး ယၢမ်းလဵဝ် ၶိုၼ်ႈပဵၼ်မႃး ၸွမ်ၸိုင်ႈ ၵေႃႉထူၼ်ႈ...

မိူဝ်ႈၼႆႉ ဝၼ်းတီႈ 23/10/2024 ယၢမ်းၵၢင်ၼႂ် 8:35 မူင်း သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇသႂ်ႇ တီႈႁူင်းႁုင်လဝ်ႈ ႁိမ်းဝၢၼ်ႈၼမ်ႉၶႆႉ တၢင်းၶဝ်ႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထုၵ်ႇၾႆးမႆႈ ဝႃႈၼႆ။ ၵူၼ်းပိုၼ်ႉတီႈ ဝဵင်းလႃႈသဵဝ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇ ၶဝ်မႃးပွႆႇသႂ်ႇ တီႈႁူင်းႁုင်လဝ်ႈ ႁိမ်းဝၢၼ်ႈၼမ်ႉၶႆႉၼႆႉ။ မိူဝ်ႈမၢၵ်ႇၶိူင်ႈမိၼ်...

ၸွမ်းၼင်ႇ ဢိၼ်ႊသတီႊၵျုတ်ႉ ၾၢႆႇလဵပ်ႈႁဵၼ်းမူႇပိူင်လႄႈ မႁႃႇပိဝ်ႇႁႃႇမၢၼ်ႈ (ISP Myanmar) ၵဵပ်းၶေႃႈ မုလ်းပိုၼ် ၽၢဝ်ႇဝႆႉ ၼႂ်းၶၢဝ်းၾူၼ်ပီၼႆႉ တႄႇဢဝ်ဝၼ်းတီႈ 1 လိူၼ်ၵျူႊလၢႆႊထိုင် ဝၼ်းတီႈ 23 လိူၼ်သႅပ်ႊထႅမ်ႊပိူဝ်ႊ ၵူၼ်းထူပ်းၽေးၼမ်ႉမီး 5 လၢၼ်ႉ 6 လၢၼ်ႉပၢႆ ဝႃႈၼႆ။ ၼႂ်းၶေႃႈပိုၼ်ၽၢဝ်ႇၼၼ်ႉ မိူဝ်ႈဝၼ်းတီႈ 15/10/2024...

သိုၵ်းမၢၼ်ႈ ပွႆႇမၢၵ်ႇတီႈဝဵင်းၼမ်ႉသၼ်ႇ ၸိုင်ႈတႆးပွတ်းႁွင်ႇ  သွင်ဝၼ်းထပ်းၵၼ် မီးၵူၼ်းလူႉတၢႆ မၢတ်ႇၸဵပ်း။ မိူဝ်ႈၼႆႉ ဝၼ်းတီႈ 22/10/2024 ယၢမ်းၵၢင်ၼႂ် 2 မူင်း ၶိူင်ႈမိၼ်သိုၵ်းမၢၼ်ႈ မႃးပွႆႇမၢၵ်ႇတူၵ်းသႂ်ႇ တီႈဝၢၼ်ႈႁူဝ်မိူင်း ဝဵင်း ၼမ်ႉသၼ်ႇ တီႈဢၼ်သိုၵ်းတဢၢင်း TNLA ပိုၼ်ၽၢဝ်ႇဝႃႈ ၵုမ်းၵမ်လႆႈဝႆႉ။ ၵူၼ်းၸၢႆးပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ-“ သိုၵ်းမၢၼ်ႈ ပွႆႇမၢၵ်ႇသွင်ဝၼ်းထပ်းၵၼ် ယၢမ်းၵၢင်ၼႂ် တီႈတင်းဝၢၼ်ႈႁူဝ်မိူင်း၊ မီးၵူၼ်းမၢတ်ႇၸဵပ်းလူႉတၢႆ...

ဝၼ်းတီႈ 21/10/2024 ယၢမ်းတဵင်ႈၶိုၼ်း သိုၵ်းမၢၼ်ႈ မိူဝ်းပွႆႇမၢၵ်ႇ တီႈဢၼ်သိုၵ်းၵဝ်ႈၵၢင်ႉ MNDAA ၵုမ်းဝႆႉ ဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။ ၽွင်းၵူၼ်းမိူင်း ၼွၼ်းလပ်းၼွၼ်းယဵၼ် သိုၵ်းမၢၼ်ႈ ပွႆႇမၢၵ်ႇတီႈပွၵ်ႉ 12 လႄႈ တင်းပွၵ်ႉမၢၼ်ႈသူႈ ႁဵတ်းႁႂ်ႈႁိူၼ်းယေး ၵူၼ်းပိုၼ်ႉတီႈ လူႉၵွႆႇတင်းၼမ် ဝႃႈၼႆ။ ၵူၼ်းၸၢႆးပိုၼ်ႉတီႈ ဝဵင်းလႃႈသဵဝ်ႈ လၢတ်ႈၽူႈတွႆႇႁွၵ်ႈဝႃႈ -“မိူဝ်ႈဝႃး ၵၢင်ၶိုၼ်း...