ၶၢဝ်းတၢင်းလိူၼ်ဢွၵ်ႊထူဝ်ႊပိူဝ်ႊမႃးၼႆႉ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်းပွႆႇမၢၵ်ႇ၊ ၸႂ်ႉၶိူင်ႈၵွင်ႈယႂ်ႇ လၢမ်းယိုဝ်း ၼႂ်းၸႄႈဝဵင်းၼွင်ၶဵဝ်၊ သီႇပေႃႉ၊ ၼမ်ႉသၼ်ႇလႄႈ ၵူတ်ႉၶၢႆ ၸိုင်ႈတႆးပွတ်းႁွင်ႇ ၼႂ်းၼႃႈ တီႈ ၸုမ်းသိုၵ်းတဢၢင်း ယိုတ်းၵုမ်း ၼၼ်ႉ ၵူၼ်းမိူင်းလူႉတၢႆ 34 ၵေႃႉ၊ မၢတ်ႇၸဵပ်း 87 ၵေႃႉၼႆ TNLA ပိုၼ်ၽၢဝ်ႇဝႆႉ ၼႂ်းဝၼ်းတီႈ...

ၼႂ်းဝၼ်းတီႈ 05/11/2024 ၼႆႉ တေပဵၼ်ဝၼ်းလိူၵ်ႈတင်ႈ ၸွမ်ၸိုင်ႈမိူင်းဢမေႊရိၵၼ်ႊ ၵေႃႉမႂ်ႇ။ ၵေႃႉဢၼ်ဢွင်ႇပေႉပၢင်လိူၵ်ႈတင်ႈ ၵမ်းၼႆႉ တေပဵၼ်မႃးၸွမ်ၸိုင်ႈ ၵေႃႉထူၼ်ႈ 47 ၶွင်ၸိုင်ႈမိူင်းဢမေႊရိၵၼ်ႊ။ မိူင်းဢမေႊရိၵၼ်ႊၼႆႉ တႄႇမီးမႃး ၸွမ်ၸိုင်ႈ ၵေႃႉႁႅၵ်ႈ မိူဝ်ႈပီ 1789 ။ ၸွမ်ၸိုင်ႈ ၵေႃႉႁႅၵ်ႈပဵၼ် ၵျွၶျ်ႉ ဝေႃႊသျိၼ်ႊတၼ်ႊ။ ၸွမ်ၸိုင်ႈ ၵျူဝ်ႊပႆႊတၼ်ႊ...

ပီၼႆႉ ၶဝ်ႈၼႃး တီႈဝဵင်းလႃႈသဵဝ်ႈ ဢမ်ႇဢွၵ်ႇၼမ် ၸဝ်ႈၼႃး ဢွၼ်ၵၼ်ႁူပ်ႉတၢင်းယၢပ်ႇၽိုတ်ႇႁႅင်း ယွၼ်ႉပၢင်တိုၵ်းသိုၵ်းသိူဝ်။   တႄႇဢဝ် ႁၢင်လိူၼ်ဢွၵ်ႊထူဝ်ႊပိူဝ်ႊ 2024 ၼႆႉမႃး ပဵၼ်ၽွင်း လူဝ်ႇဢဝ်မၢၵ်ႇၶဝ်ႈတဝ်ႈၼမ်ႉယဝ်ႉလႄႈ ၸဝ်ႈၼႃး တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ထူပ်းတၢင်းယၢပ်ႇၽိုတ်ႇ ယွၼ်ႉပၢင်တိုၵ်းသိုၵ်းသိူဝ်သေ ဢမ်ႇလႆႈလုမ်းလႃးတူင်ႈ ၼႃးလီ လႆႈၽုၵ်ႇသွမ်ႈၶဝ်ႈတူၵ်းလႃႈတူၵ်းလိုၼ်းႁႅင်းလႄႈ ပီၼႆႉ ဢမ်ႇလႆႈၶွၼ်ႈၶဝ်ႈ ဢွၼ်ၵၼ်လူႉသုမ်းၼမ်...

တပ်ႉသိုၵ်းလွတ်ႈၶႅဝ်းၶၢင် KIA ပိုတ်းယိုဝ်း သိုၵ်းမၢၼ်ႈသေ ယိုတ်းလႆႈဝဵင်းၽီမေႃ ဢၼ်မီးတီႈလႅၼ်လိၼ်မၢၼ်ႈ - ၶႄႇ ၼႂ်းဝၼ်းတီႈ 02/11/2024 လွင်ႈၼႆႉ ၶၢဝ်ႇ People's Spring တႅမ်ႈတၢင်ႇဝႆႉဝႃႈ ၸုမ်းယိပ်းၵွင်ႈၵၢင်ႇၸၢဝ်းၶိူဝ်း ပိုတ်းယိုဝ်းသိုၵ်းမၢၼ်ႈသေ ယိုတ်းလႆႈ 86 ဝဵင်းယဝ်ႉ ဝႃႈၼႆ။ ယူႇတီႈ သိုၵ်းၶၢင် KIA သေ...

မိူဝ်ႈၼႆႉ ဝၼ်းတီႈ 03/11/2024 ယၢမ်းၵၢင်ဝၼ်းမွၵ်ႈ 12 မူင်း ၾႆးမႆႈႁွင်ႈၼွၼ်းၵူၼ်းႁဵတ်းၵၢၼ် တီႈႁၢၼ်ႉ V8 KTV ပွၵ်ႉၵွင်းမူးတူင်ႈ ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ဝႃႈၼႆ။ ၵူၼ်းမူႇၸေႊ ဢႃယု 40 ပၢႆ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ...

ၼႂ်းလိူၼ်ဢွၵ်ႊထူဝ်ႊပိူဝ်ႊ ဝၼ်းတီႈ 17-18 ၸွမ်သိုၵ်းလူင်ၵမ်ႇသျွင်ႇ ၵေႃႉပဵၼ်ၵႅမ်ႁူဝ်ပဝ်ႈ KIA လႆႈ ၵႂႃႇႁူပ်ႉ တိူင်ႉသျီႊၸွၼ်ႊ (တဵင်ႉသျီႊၵျွၼ်ႊ) တူဝ်တႅၼ်းၶိုၵ်ႉတွၼ်းၶွင်ၶႄႇ ၵဵဝ်ႇလိူင်ႈဢေးသျႃးၼၼ်ႉ တမ်ႈတီႈမိူင်းလႃႈၸၢၼ်းတႃႊ။ ၾၢႆႇၶႄႇတုၵ်းယွၼ်း ႁႂ်ႈၵိုတ်းယိုတ်း လွင်ႈပိုတ်းတိုၵ်း ၸွမ်းလႅၼ် လိၼ်မိူင်းသွင်ၾၢႆႇ ဢၼ်ပဵၼ်ၼႃႈတီႈ NDAK ၸၢဝ်းရဝၢင်ႇ ႁူမ်ႈမိုဝ်းသိုၵ်းမၢၼ်ႈသေ ၵုမ်းၵမ်။ ၵူၺ်းၵႃႈ ၾၢႆႇ...

တႃႇႁႂ်ႈပူၼ်ႉလွတ်ႈၽေးသၽႃႇဝ ၼႆသေ ၵူၼ်းမိူင်းဝဵင်းႁူဝ်ပူင်းၸိုင်ႈတႆးပွတ်းၸၢၼ်း ၸတ်းႁဵတ်းပၢင်ပွႆးလူႇတၢၼ်း တီႈထမ်ႈၸၢင်ႉ ဝဵင်းႁူဝ်ပူင်း မီးၵူၼ်းမိူင်းထုင်ႉဝဵင်းႁူဝ်ပူင်း သီႇသႅင်ႇ မႃးၶဝ်ႈႁူမ်ႈတင်းၼမ်။ ပၢင်ပွႆးလူႇတၢၼ်း တီႈထမ်ႈၸၢင်ႉၼႆႉ ၸတ်းႁဵတ်းမိူဝ်ႈဝၼ်းတီႈ 31/10/2024 ။ ပီႈၼွင်ႉ ၸၢဝ်းပဢူဝ်းလႄႈၸၢဝ်းတႆး ၸၢဝ်းမၢၼ်ႈ    ၵူၼ်းမိူင်းတၢင်းထုင်ႉ လွႆမႆ (မႄးၼႄႇတွင်ႇ)၊ ၸိူဝ်းထူပ်းၽေးၼမ်ႉ ၽေးသိုၵ်းသိူဝ်ၸိူဝ်းၼႆႉ မႃးၶဝ်ႈႁူမ်ႈၵိုၼ်းၶွၼ်ႈ။ ယိူင်းဢၢၼ်းတႃႇႁႂ်ႈပူၼ်ႉၽေးသၽႃႇဝ ၼႆသေ ၸတ်းပွႆးယႂ်ႇၵူၼ်းလူင်။...

ၼႂ်းၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇၼၼ်ႉ သိုၵ်းတႆး SSPPလႄႈ သိုၵ်းတဢၢင်း TNLA ၶဵင်ႈၶႅင်ၵၢၼ်သိုၵ်းတေၢႇၵၼ်ႁၢဝ်ႈႁႅင်း ၵူၼ်းမိူင်းၵူဝ်ပဵၼ်ပၢင်တိုၵ်းလဵၵ်ႉၼႂ်းၵႄႈပၢင်တိုၵ်းယႂ်ႇ။ ဢၼ်သိုၵ်း 2 ၸုမ်းၶဵင်ႈၶႅင်ၵၼ်ၼႆႉ ပဵၼ်တၢင်းဝၢၼ်ႈၼွင်ပိင် ၸႄႈဝဵင်းၵျွၵ်ႉမႄး ။ ၵူၼ်းၸမ်ၸႂ် သိုၵ်း တင်းသွင်ၸုမ်းလၢတ်ႈတီႈၽူႈတွႆႇႁွၵ်ႈဝႃႈ - ပဵၼ်ၵူၼ်းတၢင်းတႂ်ႈမၼ်းၶဵင်ႈၶႅင်တေႃႇၵၼ်မိူၼ်ၵူႈပွၵ်ႈၵူၺ်းဝႃႈၼႆ။ ၼၢင်းယိင်းသႅၼ်းပၢၼ်ပႃႈ ၵေႃႉၼိုင်ႈလၢတ်ႈဝႃႈ-“တႃႇတေပဵၼ်ပၢင်တိုၵ်းယႂ်ႇလူင်တႄႉ ယၢမ်းလဵဝ်တႄႉ လႅပ်ႈပႆႇပဵၼ်လႆႈ။ ၵူၺ်းၵႃႈ လွင်ႈၶဵင်ႈၶႅင်ၵၢၼ်သိုၵ်းတေႃႇၵၼ်၊ လွင်ႈၶွင်ႉၶမ်ၵၼ်...

ၽွင်းတေႁဵတ်းပွႆးႁူင်းၾႆးမိၼ်ၼႆႉ သိုၵ်းမၢၼ်ႈၸႂ်ႉ ၵူၼ်းပိုၼ်ႉတီႈ ဢဝ်ႁူမ်ႇလူမ်ႈႁင်းၵူၺ်း ၼႂ်းပွၵ်ႉၼႂ်းယွမ်ႇ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ တႄႇႁူဝ်လိူၼ်ဢေႃႊၵတ်ႊသ်မႃးၼႆႉ သိုၵ်းမၢၼ်ႈ ၽွတ်ႈၸုမ်းႁူမ်ႇလူမ်ႈလႄႈ ႁွင်ႈၵၢၼ် ၵႂၢတ်ႇလၢင်ႉလွင်ႈၵေႃႇၵၢၼ် ႁၢႆႉဝႆႉ ဝႃႈၼႆသေတႃႉ ၽွင်းၶၢဝ်းပွႆးႁူင်းၾႆးမိၼ် လိူၼ်သိပ်းသွင်မူၼ်းၼႆႉ ၸႂ်ႉၵူၼ်းမိူင်းဢဝ်ႁူမ်ႇလူမ်ႈ ၼႂ်းပွၵ်ႉၼႂ်းယွမ်ႇႁင်းၵူၺ်းထႅင်ႈ ဝႃႈၼႆ။ ၵူၼ်းၸၢႆးပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ - “ၸႂ်ႉၵူၼ်းပိုၼ်ႉတီႈ ပႂ်ႉလုမ်းၽူႈၵွၼ်းပွၵ်ႉ ႁူဝ်ၶမ်ႈ 7...

ၽွင်းၵူၼ်းဝၢၼ်ႈ ၼႂ်းၸႄႈဝဵင်းပၢင်လွင်း တိုၵ်ႉဢွၼ်ၵၼ်ပၢႆႈၽေးသိုၵ်းယူႇၼၼ်ႉ သိုၵ်းမၢၼ်ႈဢဝ်ၻရူၼ်ႊ ပွႆႇမၢၵ်ႇသႂ်ႇ တိူဝ်ႉထေႃႈလႃႈၵျီႈ ၵူၼ်းဝၢၼ်ႈ မၢတ်ႇၸဵပ်း 9 ၵေႃႉ တၢႆ 2 ၵေႃႉ။   မိူဝ်ႈဝႃး ဝၼ်းတီႈ 31/10/2024 ယၢမ်းၵၢင်ၼႂ် 9 မူင်း ၵူၼ်းဝၢၼ်ႈမႂ်ႇ ၸႄႈဝဵင်းပၢင်လွင်း ၸိုင်ႈတႆးပွတ်းၸၢၼ်း ၶွၼ်ႈ ၵၼ်တီႈႁူင်းႁဵၼ်းတီႈဝၢၼ်ႈသေ...

ၼႂ်းလိူၼ်ၵျူႊလၢႆႊၼၼ်ႉ လူင်ပွင်ၸိုင်ႈမိူင်းထႆး ႁပ်ႉၶေႃႈတုၵ်းယွၼ်းၾၢႆႇမိူင်းမၢၼ်ႈသေ ပိုၼ်ၽၢဝ်ႇ ပိၵ်ႉဢိုတ်းပႅတ်ႈ လွင်ႈတေႃႇဝတ်းဝႂ် CI ဢမ်ႇႁပ်ႉႁဵတ်းမႂ်ႇ။ ၵူၺ်းၵႃႈ ၾၢႆႇၼိုင်ႈၵေႃႈ ၵူၼ်းမိူင်း ၸိူဝ်းလုၵ်ႉတၢင်း မိူင်းႁူမ်ႈတုမ် ၶဝ်ႈမိူင်းထႆးၵေႃႈ ၼမ်မႃးၵူႈဝၼ်း။ ၸိူဝ်းဢၼ်ယိုၼ်ႈယွၼ်း ႁဵတ်းဝႂ် CI ဝႆႉ ၼႂ်းပီ 2023 ၼၼ်ႉၵေႃႈ ၵိုတ်းၶၢင်ႉၼမ်လႄႈ ယူႇတီႈလူင်ပွင်ၸိုင်ႈထႆး...

မိူဝ်ႈၼႆႉ ဝၼ်းတီႈ 01/11/2024 ယၢမ်းၵၢင်ၼႂ်ၸဝ်ႉ 3 မူင်းၶိုင်ႈ မၢၵ်ႇၶိူင်ႈမိၼ် သိုၵ်းမၢၼ်ႈ ယိုတ်းမိူင်း မႃးပွႆႇတီႈလုမ်းၵဵပ်းၶွၼ်ႇ၊ လုမ်းၽဵဝ်ႈမူၺ်ႉယႃႈမဝ်းၵမ်၊ လုမ်းၾႆးၾႃႉ၊ လုမ်းၶႄၾႆး၊ ႁူင်းႁဵၼ်းလႄႈ ႁိမ်းတူဝ်း ၵဵတ်ႉဢေႊသျိူဝ်ႊဝေႃႊ ၼႂ်းဝဵင်းၵူတ်ႉၶၢႆ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ တိူဝ်ႉၺႃးၵူၼ်းလူႉတၢႆ 1 ၵေႃႉ။ ၵူၼ်းပိုၼ်ႉတီႈ ဝဵင်းၵူတ်ႉၶၢႆ ၽူႈၸၢႆး...

ၾႆးတဵၼ်းလူမ်ႉ မႆႈႁိူၼ်းယေးၵူၼ်းလၢႆးၶႃႈ လင်ၼိုင်ႈ ၽွင်းၸဝ်ႈႁိူၼ်းဢမ်ႇယူႇ ၶူဝ်းႁိူၼ်းယေးမႆႈမူတ်း လူႉသုမ်းၼပ်ႉႁူဝ်ပၢၵ်ႇသႅၼ်ပျႃး ဝႃႈၼႆ။ ဝၼ်းတီႈ 31/10/2024 ယၢမ်းၵၢင်ၶမ်ႈမွၵ်ႈ 8 မူင်း ၾႆးမႆႈႁိူၼ်း မေႃယႃ တေႃႇၼႃႇၼူး (သြႃႇမသမ်းၶဵမ်) တီႈပွၵ်ႉ 1 ဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း လင်ၼိုင်ႈ ယွၼ်ႉၾႆးတဵၼ်းလူမ်ႉ။ ၵူၼ်းပိုၼ်ႉတီႈ ၽူႈၸၢႆး ၵေႃႉၼိုင်ႈ...

ၵူၼ်းပၢႆႈၽေးသိုၵ်း 500 ပၢႆ ဢၼ်ပၢႆႈမႃးသွၼ်ႈယူႇဝႆႉ တီႈဝဵင်းၵေးသီးၼႆႉ ယၢမ်းလဵဝ် ယၢပ်ႇၽိုတ်ႇဝႆႉၽႃႈ ႁူမ်ႇၶူဝ်း ၼွၼ်း ယွၼ်ႉၵတ်းႁႅင်းမႃးလိူဝ်ၵဝ်ႇ ဝႃႈၼႆ။ ပူၼ်ႉမႃး မိူဝ်ႈလိူၼ်ၵျုၼ်ႊ - လိူၼ်ၵျူႊလၢႆႊၼၼ်ႉ ၼႂ်းၸိုင်ႈတႆးပွတ်းႁွင်ႇ လၢႆၸႄႈဝဵင်း သိုၵ်းမၢၼ်ႈ ယိုတ်းမိူင်းတင်း ၸုမ်းဢူၺ်းလီပွတ်းႁွင်ႇ ပဵၼ်ပၢင်တိုၵ်းၵၼ်ႁၢဝ်ႈႁႅင်းသေ ႁဵတ်းႁႂ်ႈၵူၼ်းမိူင်းလႃႈသဵဝ်ႈ၊ ၵျွၵ်ႉမႄး၊ သီႇပေႃႉ ၸိူဝ်းၼႆႉ...

ပီၼႆႉ ၼမ်ႉထူမ်ႈသူၼ်ႁႆႈၼႃး ဝဵင်းသီႇသႅင်ႇလိူဝ်ႁႅင်း တေႃႇထိုင်ယၢမ်းလဵဝ် ၼမ်ႉပႆႇယွမ်းလူင်းသေတႃႉ ဢိင်ၼိူဝ် ပၢင်တိုၵ်းသိုၵ်းသိူဝ်ၵေႃႈ ၾၢႆႇၼိုင်ႈ၊ ၸဝ်ႈသူၼ်မႆႈၸႂ် ၵူဝ်ၶၼ်ၶဝ်ႈၵၢပ်ႇ လူတ်းလူင်းတိၵ်းတိၵ်းၵေႃႈ ႁင်းမၼ်းလႄႈ ၼႅတ်ႈ ဢဝ်ဢွၵ်ႇၶၢႆ။ လိူၼ်ဢွၵ်ႊထူဝ်ႊပိူဝ်ႊၼႆႉ ပဵၼ်ၶၢဝ်းၸဝ်ႈသူၼ်ဝဵင်းသီႇသႅင်ႇ ဢဝ်ၶဝ်ႈၵၢပ်ႇၼႂ်းသူၼ်ဢွၵ်ႇၶၢႆ၊ ၵွၼ်ႇၼႃႈ ပဵၼ်ပၢင်တိုၵ်း ၽွင်းဝၢၼ်ႈမိူင်းၵတ်းယဵၼ်ၼၼ်ႉတႄႉ ၶၢဝ်းၼႆႉ ပဵၼ်ၶၢဝ်းၸဝ်ႈသူၼ်မီးငိုၼ်း။ ပီၼႆႉတႄႉ ယွၼ်ႉပိူဝ်ႈၼမ်ႉထူမ်ႈ သူၼ်ႁႆႈၼႃးလႄႈ မၢၵ်ႇၶဝ်ႈတဝ်ႈၼမ်ႉလူႉသုမ်းၼမ်။...