ဝၼ်းတီႈ 12/11/2024 ဝၢႆးဝၼ်း 2 မူင်းၶိုင်ႈ  သိုၵ်းမၢၼ်ႈဢဝ်ႁိူဝ်းမိၼ် ပွႆႇမၢၵ်ႇတူၵ်းသႂ်ႇတီႈ ႁၢၼ့်ၼမ့်ၼဵင်ႈၸဵမ်း   တီႈဝဵင်းၼွင်ၶဵဝ် ၸိုင်းတႆးပွတ်းႁွင်ႇ ၵူၼ်းမိူင်းမၢတ်ႇၸဵပ်းလူႉတၢႆမွၵ်ႈ 20 ။ ဢၼ်မၢၵ်ႇသိုၵ်းမၢၼ်ႈတူၵ်းသႂ်ႇၼႆႉ တိူဝ်ႉသႂ်ႇ ႁၢၼ့်ၼမ့်ၼဵင်ႈၸဵမ်း လၢၼ်းသၢၼ်း (လန်းဆန်း) ဢၼ်မီးၵၢင်ဝဵင်း။ ႁၢၼ်ႉၼမ်ႉၼဵင်ႈၼႆႉပဵၼ်တီႈၵူၼ်းပိုၼ်ႉတီႈလႄႈၵူၼ်းတၢင်ႇတီႈမႃးလိုဝ်ႈသဝ်းၵိၼ်ၼမ်ႉၼဵင်ႈၼမ်ႉဝၢၼ်း။ ၵူၼ်းၵိုၼ်းဝႆႉယူႇတႃႇသေႇ။     ၵူၼ်းၸၢႆးပိုၼ့်တီႈလၢတ်ႈၽူႈတွႆႇႁွၵ်ႈဝႃႈ -“  မၢတ်ႇၸဵပ်း 11 တၢႆ...

ၽွင်းမိူဝ်ႈ မိူင်းၶႄႇ မွၵ်ႇႁွင်ႉႁူဝ်ပဝ်ႈ ၶွင်ႇသီႇသိုၵ်းမၢၼ်ႈ ၵႂႃႇၶိုၼ်ႈပၢင်ၵုမ်ၸိၵ်းၸွမ် ပွၵ်ႈထီႉ 8 လၢပ်ႈလိၼ်မႁႃႇမႄႈၶွင် တီႈဝဵင်းၶုၼ်ႊမိင်ႊၼၼ်ႉ မိူင်းဢိၼ်ႊတီႊယိူဝ်ႊၵေႃႈ တင်ႈႁူဝ်ၶေႃႈဝႃႈ “ပၢင်ဢုပ်ႇဢူဝ်း ပိူင်ငဝ်ႈပိုင်းမိူင်းလႄႈ လွၵ်းပိူင်ၾႅတ်ႇတရႄႇ”ၼႆသေ မွၵ်ႇထိုင် ၸုမ်း PPFD ၊ NSPNC ၊ CPR ၸိူဝ်းၼႆႉ ၵႂႃႇ ဢုပ်ႇၵုမ်ၵၼ်...

ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇတီႈဝၢၼ်ႈၵၢၼ်ႇလႃႉ ၸႄႈဝဵင်းၾၢႆၶုၼ် ၸိုင်ႈတႆးပွတ်းၸၢၼ်း လႅၼ်လိၼ်တႆး - ယၢင်းလႅင် မီးၵူၼ်းမၢတ်ႇၸဵပ်းလူႉတၢႆ။ ဝၼ်းတီႈ 08/11/2024 ယၢမ်းၵၢင်ၶမ်ႈ သိုၵ်းမၢၼ်ႈ ဢဝ်ၶိူင်ႈမိၼ် ပွႆႇမၢၵ်ႇတီႈဝၢၼ်ႈၵၢၼ်ႇလႃႉ ၵူၼ်းပၢႆႈၽေးသိုၵ်း လူႉတၢႆ 2 ၵေႃႉ ၊ မၢတ်ႇၸဵပ်းႁၢဝ်ႈႁႅင်း 1 ၵေႃႉ ႁိူၼ်းၵူၼ်းပိုၼ်ႉတီႈ လူႉၵွႆ 6...

မိူဝ်ႈၼႆႉ ဝၼ်းတီႈ 11/11/2024 ယၢမ်းၵၢင်ၼႂ် ၾင်ႇမိူင်းၶႄႇ ဢမ်ႇပၼ်ၶႂၢင်ႉ ရူတ်ႉၶိူင်ႈတၢင်ႇၶူဝ်းၵုၼ်ႇ လုၵ်ႉၸေႊၵဝ်ႇ ၶဝ်ႈမႃးတၢင်းၽၵ်းတူၸၢင်ႉၽိူၵ်ႇ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇယဝ်ႉ ဝႃႈၼႆ။ ၵူၼ်းမူႇၸေႊ ၽူႈၸၢႆး ဢႃယု 40 ပၢႆ ၵေႃႉၼိုင်ႈ လၢတ်ႈၽူႈတွႆႇႁွၵ်ႈဝႃႈ - “ရူတ်ႉၶိူင်ႈ တၢင်ႇၶူဝ်းၵုၼ်ႇ ဢၼ်လုၵ်ႉတၢင်း ၸေႊၵဝ်ႇဢွၵ်ႇမႃးတၢင်း...

ၶၢဝ်းယၢမ်းဝၢၼ်ႈမိူင်းလူႉ ယွၼ်ႉသိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းၼႆႉ ၵူၼ်းမိူင်းႁဵတ်းၵၢၼ် ႁႃ ၵိၼ်လဵင်ႉတွင်ႉယၢပ်ႇ၊ မီးၵူၼ်းၸိူဝ်းၸူးငၢႆႈ ႁႃငိုၼ်းလူၺ်ႈဢမ်ႇထုၵ်ႇၸွမ်းမၢႆမီႈၼမ်မႃး။ မိူၼ်ၼင်ႇ ဝဵင်းတႃႈၶီႈလဵၵ်း ၸိုင်ႈတႆး ပွတ်းဢွၵ်ႇ ၼႆႉၵေႃႈ - ယႃႈမဝ်းၵမ် လိူင်ႇၼမ်၊ ၽူႈလၵ်ႉၸၵ်ႉၶုတ်ႈ လိူင်ႇၼမ်၊ ၸၵ်ႉၸူၼ်ၵၼ်ၵေႃႈ လိူင်ႇၼမ်၊ ၵူၼ်းမိူင်း ဢမ်ႇမီးလွင်ႈႁူမ်ႇလူမ်ႈ။ ၶၢဝ်းတၢင်း သိုၵ်းမၢၼ်ႈ...

တႄႇႁူဝ်လိူၼ်ၼူဝ်ႊဝႅမ်ႊပိူဝ်ႊၼႆႉမႃး သိုၵ်းမၢၼ်ႈ ထႅမ်ႁႅင်းသိုၵ်း ၶိုၼ်ႈမိူင်းယႆ ၸိုင်ႈတႆးပွတ်းႁွင်ႇ ၵူၼ်းပိုၼ်ႉတီႈမႆႈၸႂ် ၵူဝ်ပဵၼ်ပၢင်တိုၵ်း ႁိပ်ႈၼႅတ်ႈၵဵပ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႈၼႂ်းသူၼ် ၵူဝ်ဢမ်ႇတၼ်းလႆႈ ဢဝ်ၶၢႆ။    ၼႂ်းႁူဝ်လိူၼ်ၼူဝ်ႊဝႅမ်ႊပိူဝ်ႊ ဝူင်ႈထီႉ 1 ၼႆႉ သိုၵ်းမၢၼ်ႈသမ်ႉ ထႅမ်ႁႅင်းၶိုၼ်ႈမႃး တၢင်းမိူင်းယႆထႅင်ႈ။ ယွၼ်ႉၵူဝ်ပဵၼ်ပၢင်တိုၵ်းၵၼ်လႄႈ ၸဝ်ႈႁႆႈၸဝ်ႈၼႃး ၵူၼ်းမိူင်းယႆ တူင်ႉတိုၼ်ႇ ႁိပ်ႈၼႅတ်ႈဢဝ်မၢၵ်ႇၶဝ်ႈတဝ်ႈၼမ်ႉ ၼႂ်းသူၼ်ၼႂ်းႁႆႈ...

ဝၢႆးၽႅၼ်ယၼ်ႇသိုၵ်း 1027 မႃးၼႆႉ ၶူဝ်းၵုၼ်ႇၶွင်ၵိၼ်ယႅမ်ႉ ၼမ်ႉမၼ်းၸိူဝ်ႉၾႆး ၸိူဝ်းၼႆႉ ပုင်ႈၶိုၼ်ႈပဵၼ်လၢႆပုၼ်ႈ ႁဵတ်းႁႂ်ႈတုမ်ႉတိူဝ်ႉ ၵူၼ်းမိူင်းလႃႈသဵဝ်ႈ ထူပ်းတၢင်းယၢပ်ႇၽိုတ်ႇႁႅင်း။ ဝၢႆးသိုၵ်းၵဝ်ႈၵၢင်ႉ MNDAA ယိုတ်းၵုမ်းလႆႈ တီႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ တင်ႈတႄႇ ဝၼ်းတီႈ 03/10/2024 ၼၼ်ႉမႃး ႁၢၼ်ႉတေႃႇထိုင်ယၢမ်းလဵဝ် ၶၢဝ်းတၢင်းလိူၼ်ပၢႆၼႆႉ ႁဵတ်းႁႂ်ႈၶၼ်ၶူဝ်းၵုၼ်ႇ ၶွင်ၵိၼ်ယႅမ်ႉ ၼမ်ႉမၼ်းၸိူဝ်ႉ ၾႆး...

ၵူၼ်းမိူင်းသီႇပေႃႉ ၵႂႃႇႁႃႁဵပ်း - ဢႅဝ်ႇထိူၼ်ႇသေ ယဵပ်ႇၺႃးမၢၵ်ႇမႅင်းၾင်လိၼ် လူႉတၢႆထင်တီႈ 1 ၵေႃႉ မၢတ်ႇၸဵပ်း 2 ၵေႃႉ။ ပူၼ်ႉမႃး ဝၼ်းတီႈ 01/11/2024 ၼၼ်ႉ ၵူၼ်းဝၢၼ်ႈၵုင်းၸူင် ၽူႈၸၢႆး 2 ၵေႃႉ ၵႂႃႇႁႃႁဵပ်းၼႂ်းထိူၼ်ႇသေ ယဵပ်ႇၺႃး မၢၵ်ႇမႅင်းၾင်လိၼ် ၼႂ်းၼၼ်ႉ တႃႇၵေႃႉၼိုင်ႈ ထိုင်တီႈၶႃပုတ်း...

ဝၼ်းတီႈ 07/11/2024 ၼႆႉ ယူႇတီႈ ၸၢတ်ႈၸိုင်ႈလုမ်ႈၾႃႉ UN ပိုၼ်ၽၢဝ်ႇပၼ်ၾၢင်ႉဝႃႈ - ဝၢႆးလင် သိုၵ်း မၢၼ်ႈ ယိုတ်းမိူင်း ၼႂ်းမိူင်းရၶႅင်ႇၼႆႉ ၵူၼ်းမိူင်းၵပ်ႉၵိၼ်းမႃး လၢႆၾၢႆလၢႆလွင်ႈသေ ႁူဝ်ၵူၼ်း 2 လၢၼ်ႉပၢႆ ၸၢင်ႈထူပ်းၽေး ဢိုပ်းယၢၵ်ႈ ဝႃႈၼႆ။ ဢိင်ၼိူဝ် လွင်ႈၼႆႉ UNDP ၵေႃႈ...

ၸွမ်ၽွင်းလူင် မိူင်းၶႄႇ Mr. Li Qiang လၢတ်ႈဝႃႈ တေႁဵတ်းသၢင်ႈ ၼင်ႇႁိုဝ် သိုၵ်းမၢၼ်ႈ တေၸတ်းၵၢၼ် လႆႈၵဵတ်ႉ/ လၢၼ်ႇ တီႈလႅၼ်လိၼ်တႆး - ၶႄႇ လႆႈတဵမ်တီႈ မိူဝ်ႈၽွင်းႁူပ်ႉထူပ်းၵၼ်တင်း ၸွမ်းၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ၼႂ်းဝၼ်းတီႈ 06/11/2024 ၼၼ်ႉၼင်ႇၼႆ။ ၸွမ်ၽွင်းလူင် မိူင်းၶႄႇ သိုပ်ႇလၢတ်ႈဝႃႈ...

တႄႇဢဝ် ဝၼ်းတီႈ 01 - 07/11/2024 ၶၢဝ်းတၢင်းၼိုင်ႈဝူင်ႈၼႆႉ ၸဝ်ႈၼႃႈတီႈထႆး တီႉၺွပ်းလႆႈ ၵူၼ်းမိူင်းမၢၼ်ႈ ၸိူဝ်းၶၢမ်ႈလႅၼ်လိၼ်သေ ၶဝ်ႈမိူင်းထႆး ဢမ်ႇမႅၼ်ႈတၢင်းၵၢၼ် 100 ပၢႆ - ဝႃႈၼႆ။ ဢၼ်တီႉၺွပ်းလႆႈၼႆႉ ပဵၼ်ၼႂ်းၸႄႈတွၼ်ႈၼၶွၼ်းသဝၼ် 38 ၵေႃႉ၊ ၸႄႈတွၼ်ႈသမုတ်ႇသႃၶွၼ်း 10 ၵေႃႉ၊ ၼႂ်းပႃႇထိူၼ်ႇႁိမ်း ရၼွင်း...

ၾႆးမႆႈ တႅၵ်ႇၽူင်ႉ ပၢမ်ႉၼမ်ႉမၼ်း တီႈဝၢၼ်ႈရီးၵူဝ်း ၸႄႈဝဵင်းမေႃႇလမျႅင်ႇ မိူင်းမွၼ်း မီးၵူၼ်းလူႉတၢႆ 1 ၵေႃႉ မၢတ်ႇၸဵပ်းထႅင်ႈ 22 ၵေႃႉ ဝႃႈၼႆ။ ဝၼ်းတီႈ 07/11/2024 ယၢမ်းၵၢင်ၶမ်ႈ 6 မူင်းပၢႆ ၽွင်းၵႃးတၢင်ႇၼမ်ႉမၼ်းၸိူဝ်ႉၾႆး မႃးထွၵ်ႇၼမ်ႉမၼ်းတီႈထင် ၼႂ်းဝၢင်းပၢမ်ႉၼမ်ႉမၼ်း မိၼ်းတၢၼ်ႉ ဢဝ်ပဵၼ်လွင်ႈၾႆးမႆႈ ၽွင်းမိူဝ်ႈၸွႆႈၶႄၾႆးယူႇၼၼ်ႉ ပဵၼ်လွင်ႈတႅၵ်ႇၽူင်ႉထႅင်ႈလႄႈ...

တႄႇဝၼ်းတီႈ 06/11/2024 ယၢမ်းၵၢင်ၼႂ် 4 မူင်း ၾူၼ်တူၵ်းထပ်းၵၼ်ဢမ်ႇထၢတ်ႇ ၼမ်ႉယိုင်ႈၶိုၼ်ႈသုင် 2 မဵတ်ႉပၢႆ ၵူၼ်းၼႂ်းပိုၼ်ႉတီႈၼွင်ႁၢႆးယႃႈ မႆႈၸႂ် ၵူဝ်ထူပ်းၽေးၼမ်ႉထႅင်ႈ ဝႃႈၼႆ။ ၼၢင်းယိင်း ၵူၼ်းပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ -“ၾူၼ်တူၵ်းဢမ်ႇထၢတ်ႇလႄႈ မႆႈၸႂ်ၵူဝ်ၼမ်ႉယိုင်ႈၶိုၼ်ႈ သုင်ႁႅင်းထူမ်ႈႁိူၼ်းယေး  မိူၼ်မိူဝ်ႈလိူၼ်ပူၼ်ႉမႃးဢေႃႈ၊ ၼမ်ႉတႄႇၶိုၼ်ႈမိူဝ်ႈဝၼ်းတီႈ 6 ၵၢင်ၼႂ် 4 မူင်း၊...

ၸဵမ်မိူဝ်ႈၼမ်ႉထူမ်ႈ တၢင်းၵွႆမႃး ၼႂ်းလိူၼ်သႅပ်ႊထႅမ်ႊပိူဝ်ႊၼၼ်ႉသေ ထိုင်မိူဝ်ႈလဵဝ် သဵၼ်ႈတႃႈသၢႆ တၢင်းၼႂ်းၸႄႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ပႆႇၶိုၼ်းမိူၼ်ၵဝ်ႇ တိုၵ်ႉၵႂႃႇမႃးယၢပ်ႇၽိုတ်ႇယူႇ။ ၵႃးတၢင်ႇၵုၼ်ႇ ၵႃႉၶၢႆ ပႆႇႁတ်းၵႂႃႇမႃးၶိုၼ်းမိူၼ်ၵဝ်ႇ၊ ၾၢႆႇၼိုင်ႈၵေႃႈ သဵၼ်ႈတၢင်းဢမ်ႇလီၾၢႆႇၼိုင်ႈသမ်ႉ ၵဵတ်ႉလၢၼ်ႇသိုၵ်းမၢၼ်ႈ ၵဵပ်းၶွၼ်ႇႁႅင်းၵေႃႈၼမ်။ ႁဵတ်းႁႂ်ႈၶၼ်ၵုၼ်ႇပုင်ႈၶိုၼ်ႈသုင်။ လႆႈသိုဝ်ႉ ၵိၼ်ၵႃႈယႂ်ႇၵႃႈပႅင်းလႄႈ ၵူၼ်းမိူင်းတူၼ်ယၢပ်ႇၽိုတ်ႇၵိၼ်းၸႂ်။ ၼႂ်းလိူၼ်သႅပ်ႊထႅမ်ႊပိူဝ်ႊ 2024 ၼၼ်ႉ ၾူၼ်တူၵ်းႁႅင်းသေ ၼမ်ႉလုပ်ႇထူမ်ႈ တူင်ႈၼႃးၵူၼ်းမိူင်းတူၼ်...

မိူဝ်ႈၼႆႉ ဝၼ်းတီႈ 08/11/2024 ယၢမ်းၵၢင်ၼႂ် ၼမ်ႉတဵင်း လူၼ်ႉၾင်ႇလုပ်ႇထူမ်ႈ ႁိူၼ်းယေးၵူၼ်းမိူင်း တီႈ ၶူင်ႈယၢၼ်း ၸွမ်းၾင်ႇတဵင်း ၼႂ်းပွၵ်ႉယွမ်ႇ ဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်းထႅင်ႈ ယွၼ်ႉၾူၼ်တူၵ်း ႁႅင်းထပ်းၵၼ်မႃး 3 ဝၼ်းယဝ်ႉ ဝႃႈၼႆ။ ၵူၼ်းပိုၼ်ႉတီႈ ဝဵင်းလၢင်းၶိူဝ်း ၽူႈၸၢႆး ဢႃယု 40 ပၢႆ ၵေႃႉၼိုင်ႈ...