ႁူဝ်လိူၼ်သႅပ်ႊထႅမ်ႊပိူဝ်ႊၼႆႉ ၾူၼ်တူၵ်းထပ်းၵၼ်လၢႆဝၼ်း ႁဵတ်းႁႂ်ႈၼမ်ႉထူမ်ႈ လၢႆၸႄႈဝဵင်း ၼႂ်းၸိုင်ႈတႆး ပွတ်း ၸၢၼ်းလႄႈ ပွတ်းဢွၵ်ႇ၊ ၼႂ်းၵႄႈလွႆလႅမ် - မိူင်းပွၼ် ၸိုင်ႈတႆးပွတ်းၸၢၼ်းၵေႃႈ လိၼ်လွႆၵူၼ်ႇလူင်း တဵင်ဝၢၼ်ႈသူၼ် ႁိူၼ်းယေး မီးၵူၼ်းလူႉတၢႆ။ တႄႇၵၢင်လိူၼ်သႅပ်ႊထႅမ်ႊပိူဝ်ႊမႃး ၾူၼ်တူၵ်းဢမ်ႇထၢတ်ႇ လႆႈ 5-6 ဝၼ်း။ လိၼ်လွႆၵူၼ်ႇလူင်း တီႈဝၢၼ်ႈၶွၵ်းၼွႆႉလႄႈ ဝၢၼ်ႈဢိင်ႇၶိတ်ႉ ၵူၼ်းမိူင်းလူႉတၢႆ...

ၶၢဝ်းတၢင်း 6 ဝၼ်းမႃးၼႆႉ မၢၵ်ႇၶိူင်ႈမိၼ် သိုၵ်းမၢၼ်ႈ မႃးပွႆႇသႂ်ႇ တီႈဝဵင်းသီႇပေႃႉ ၸၢၵ်ႇမၢၵ်ႇတိူဝ်ႉသႂ်ႇ ၵူၼ်းမိူင်းလူႉတၢႆ ဢမ်ႇယွမ်း 10 ၵေႃႉ မၢတ်ၸဵပ်းမွၵ်ႈ 5 ၵေႃႉ ႁိူၼ်းယေးထုၵ်ႇၾႆးမႆႈ ဢမ်ႇယွမ်း 8 လင်။ ဝၼ်းတီႈ 16/09/2024 ယၢမ်းၵၢင်ၼႂ် 9 မူင်းပၢႆ မၢၵ်ႇၶိူင်ႈမိၼ်...

ၸုမ်းဢမ်ႇႁူႉၾၢႆႇ ယိပ်းၵွင်ႈၸေးမိုဝ်းသေ ၶဝ်ႈတီႉၺွပ်း ၵူၼ်းမိူင်းၵႂႃႇ ၵေႃႉၼိုင်ႈ တီႈၼႂ်းၵၢတ်ႇမင်ႇၵလႃႇ မူႇၸေႊ။ ဝၼ်းတီႈ 17/09/2024 ယၢမ်းၵၢင်ဝၼ်း 11:30 မူင်း ၼုမ်ႇၸၢႆး 3 ၵေႃႉ ယိပ်းၵွင်ႈပွတ်းၸေးမိုဝ်းသေ ၶဝ်ႈတီႉၺွပ်း ၵူၼ်းမိူင်းၽူႈၸၢႆး ၵေႃႉၼိုင်ႈ တီႈၼႂ်းၵၢတ်ႇမင်ႇၵလႃႇ မူႇၸေႊ ၼႂ်းပွၵ်ႉၸွၼ်ႊၸူဝ်ႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး...

ၸွမ်သိုၵ်းလူင် တိၼ်ႇဢွင်ႇသၢၼ်း ၽွင်းလူင်ၾၢႆႇၵႅတ်ႇၶႄ သိုၵ်းမၢၼ်ႈ ႁွတ်ႈထိုင်တီႈ ဝဵင်းပေႊၵျိၼ်း မိူင်းၶႄႇသေ ၵႂႃႇ ဢႅဝ်ႇလႄႇလဵပ်ႈႁဵၼ်း တီႈၶွမ်ႊပၼီႊ ႁဵတ်းဢွၵ်ႇၶိူင်ႈမိၼ်ၻရူၼ်ႊလႄႈ ၶိူင်ႈၵွင်ႈၵၢင်ႇ ဢၼ်ၸႂ်ႉတိုဝ်း ၾၢႆႇတၢင်းၵၢင်ႁၢဝ် ၸိူဝ်းၼႆႉ။ သိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇ ၼႂ်းဝၼ်းတီႈ 17/09/2024 ၼႆႉဝႃႈ လႆႈၵႂႃႇဢႅဝ်ႇလႄႇလဵပ်ႈတူၺ်း လွင်ႈႁဵတ်းဢွၵ်ႇ ၶိူင်ႈမိၼ်ၻရူၼ်ႊ ဢၼ်ႁၢမ်းၵူၼ်းႁေႃႈ၊...

ၼႂ်းမိူင်းမၢၼ်ႈ ပတ်းပိုၼ်ႉၼႆႉ ယွၼ်ႉၼမ်ႉၼွင်းလုပ်ႇထူမ်ႈသေ ၵူၼ်းမိူင်း လႆႈႁူပ်ႉၽေးၼမ်ႉ မီးဝႆႉ 630,000 (6 သႅၼ် 3 မိုၼ်ႇပၢႆ) ၼႆ ၸုမ်းငူပ်ႉငီႉ ၵဵဝ်ႇၵပ်းၵူၼ်းၼင်ႇၵၼ် ၸၢတ်ႈၸိုင်ႈလုမ်ႈၾႃႉ UNOCHA ပိုၼ်ၽၢဝ်ႇဝႆႉ ၼႂ်းဝၼ်းတီႈ 16 ၼႆႉ ၼင်ႇၼႆ။ ယွၼ်ႉလူမ်းလႅင်ႉ တၢႆႊၾူၼ်ႊ ယႃႊၵီႊသေ ဝဵင်း...

ၶၢဝ်းတၢင်း သိုၵ်းမၢၼ်ႈ ယိုတ်းမိူင်းမႃးၼႆႉ ၵူၼ်းၼႂ်းမိူင်းႁူမ်ႈတုမ် ဢွၼ်ၵၼ် ၵႂႃႇႁႃႁဵတ်းၵၢၼ်ၼႂ်းမိူင်းထႆး ၼမ်လိူဝ်မႃး။ ႁႅင်းၵၢၼ်မၢင်ၸိူဝ်း ၺႃးပေႃႈလဵင်ႉၼၢႆးၸၢင်ႈ တူၺ်းထိုင်လီ လႆႈႁဵတ်းဝတ်း ဝႂ်တဵမ်ထူၼ်ႈ ယူႇငၢႆႈလူမ်ၸႂ်သေတႃႉ မၢင်ၸိူဝ်းဢမ်ႇမိူၼ်ၼၼ်။ ၼႂ်းၵႄႈၼၼ်ႉ လူင်ပွင်ၸိုင်ႈထႆး တမ်းပိူင်ဝႆႉ တႃႇႁႂ်ႈႁႅင်းၵၢၼ် မီးသုၼ်ႇလႆႈလီၼႆသေတႃႉ ႁႅင်းၵၢၼ် ၸိူဝ်းဢမ်ႇပွင်ႇ ၸႂ် ဢမ်ႇႁဵတ်းၸွမ်း ၵေႃႈမီး။ ၺႃးပေႃႈလဵင်ႉၼၢႆးၸၢင်ႈ...

သိုၵ်းမၢၼ်ႈ ၸႂ်ႉၶိူင်ႈမိၼ်ၻရူၼ်ႊ ယိုဝ်းမၢၵ်ႇလူင်တီႈဝဵင်းလွႆလႅမ်ဢွၼ်ႇ တီႈလႅၼ်လိၼ်တႆး - ယၢင်းလႅင် ၼၼ်ႉလႄႈ ႁဵတ်းႁႂ်ႈၵူၼ်းမိူင်း တၢႆ 4 ၵေႃႉ။ တပ်ႉသိုၵ်းၵႅတ်ႇၶႄၸိူဝ်ႉၸၢတ်ႈ ယၢင်းလႅင် KNDF ပိုၼ်ၽၢဝ်ႇမိူဝ်ႈဝၼ်းတီႈ 15/09/2024 ဝႃႈ ပၢင်တိုၵ်းၵေႃႈ ဢမ်ႇမီးသေ သိုၵ်းမၢၼ်ႈဢဝ်တရူၼ်ႊ မႃးပွႆႇမၢၵ်ႇလူင်းသႂ်ႇ တီႈဝဵင်းလွႆလႅမ်ဢွၼ်ႇ လႅၼ်လိၼ်တႆး - ယၢင်းလႅင်။...

ဝဵင်းၵၢတ်ႇလေႃႉ (ၵလေႃး) ၸိုင်ႈတႆးပွတ်းၸၢၼ်း ဝဵင်းဢၼ်မီးၼိူဝ်လွႆသုင်ၼၼ်ႉ ပီၼႆႉ ၼမ်ႉထူမ်ႈဝဵင်းႁၢဝ်ႈႁႅင်း ထိုင်တီႈမီးၵူၼ်းမၢတ်ႇၸဵပ်းလူႉတၢႆ ႁိူၼ်းယေးလူႉၵွႆၼမ်။ ၾူၼ်တူၵ်းႁႅင်းလႄႈ ၼမ်ႉတႄႇထူမ်ႈဝဵင်း မိူဝ်ႈဝၼ်းတီႈ 10/09/2024 ထိုင် ဝၼ်းတီႈ 16 ၼႆႉ ၼမ်ႉၸင်ႇ ယွမ်းလူင်းႁႅင်ႈၵႂႃႇ။ ၼၢင်းယိင်း ၵူၼ်းၼုမ်ႇ ယူႇဝဵင်းၵၢတ်ႇလေႃႉ လၢတ်ႈတီႈၽူႈတွႆႇႁွၵ်ႈဝႃႈ - “ၼမ်ႉတႄႉယွမ်းလူင်းယဝ်ႉ။ ၵိုတ်းၵူမ်ႇဢုင်ၼႃၼႃႇ။ ၵူၼ်းပိုၼ်ႉတီႈသမ်ႉ...

ဝၼ်းတီႈ 15/09/2024 ယၢမ်းၵၢင်ၼႂ် ၵွၵ်းႁူဝ် ႁုၼ်ႇႁၢင်ႈၽြႃးၵိင်း ဢၼ်မီးဝႆႉတီႈ ၸႄႈဝဵင်းလွႆသၵဵတ်း ၸႄႈတွၼ်ႈၵဵင်းမႂ်ႇ မိူင်းထႆး လႆႈၵူၼ်ႇပင်းပုတ်းၵႂႃႇ - ဝႃႈၼႆ။ ႁုၼ်ႇႁၢင်ႈၽြႃးၵိင်းၼႆႉ တၢင်းယၢဝ်း မီး 59.99 မီႊတိူဝ်ႊ၊ မီးဝႆႉတီႈၼႂ်းဝၢင်းၽြႃးလွႆသၵဵတ်းသေ တိုၵ်ႉၵေႃႇသၢင်ႈယဝ်ႉတူဝ်ႈၵႂႃႇ ၼႂ်းပီၼႆႉၵူၺ်း။ ယွၼ်ႉၾူၼ်တူၵ်းထပ်းၵၼ်လၢႆဝၼ်းလႄႈ ႁဵတ်းႁႂ်ႈၼမ်ႉၸိုမ်းၶဝ်ႈ ၼႂ်းႁုၼ်ႇႁၢင်ႈၽြႃးသေ ဢမ်ႇၸၢင်ႈၶၢမ်ႇပေႉလႆႈႁႅင်းၼၵ်းလႄႈ ၸင်ႇလႆႈၵူၼ်ႇပင်းပုတ်းၵႂႃႇ။ ၵူၺ်းၵႃႈ...

ၶၢဝ်းတၢင်း သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃး 3 ပီပၢႆၼႆႉ ၵူၼ်းမိူင်းၸိူဝ်းထတ်းသၢင် သိုၵ်းမၢၼ်ႈ တီႈၼိူဝ်သိုဝ်ႇတူင်ႇဝူင်းၵူၼ်း (Social Media) သေ ၺႃးတီႉၺွပ်းမီး 1,600 ၵေႃႉပၢႆ (1,691) ယဝ်ႉ - ဝႃႈၼႆ။ ယွၼ်ႉတႅမ်ႈတၢင်ႇ ထတ်းသၢင်သိုၵ်းမၢၼ်ႈ တီႈၼိူဝ်သိုဝ်ႇတူင်ႇဝူင်းၵူၼ်းၼႆသေ ၼႂ်းၶၢဝ်းတၢင်း 3 ပီပၢႆ...

ၼႂ်းၵၢင်လိူၼ်သႅပ်ႊထႅမ်ႊပိူဝ်ႊၼႆႉ ၽေးလူမ်းလႅင်ႉ ယႃႊၵီႊ ၽတ်ႉၶဝ်ႈၼႂ်းမိူင်းတႆးပွတ်းဢွၵ်ႇ ပွတ်းၸၢၼ်းလႄႈ မိူင်းမၢၼ်ႈတူင်ႈပဵင်း ၾူၼ်တူၵ်းထပ်းၵၼ်လၢႆဝၼ်းသေ ႁဵတ်းႁႂ်ႈၼမ်ႉၼွင်းလုပ်ႇထူမ်ႈ ႁိူၼ်းယေး တိူၵ်ႇသူၼ်လွၵ်းၼႃး လူႉၵွႆၼမ် သၢႆသဵၼ်ႈတၢင်းၵေႃႈ ၶၢတ်ႇဝႆႉလၢႆလၢႆတီႈ။ ၼမ်ႉၼွင်းလုပ်ႇထူမ်ႈ တီႈၵၢတ်ႇလေႃႉ လင်ႁိူၼ်း လူႉၵွႆ 600 ပၢႆ ၼႂ်းၼၼ်ႉ လင်ႁိူၼ်း 250 ပၢႆၼႆႉ လွင်ႈပႃးၼမ်ႉလူႉ ၵွႆၵႂႃႇသဵင်ႈ။...

ၼႂ်းလိူၼ်သႅပ်ႉထႅမ်ႊပိူဝ်ႊဝူင်ႈတီႈ 2 ၾူၼ်တူၵ်းႁႃႇယႂ်ႇ ၼမ်ႉထူမ်ႈၼႂ်းမိူင်းတႆးလၢႆလၢႆဝဵင်း တီႈထုင်ႉလွႆမႆႇ (မႄးၼႄႇတွင်ႇ) ၸႄႈဝဵင်းႁူဝ်ပူင်း ၸိုင်ႈတႆးပွတ်းၸၢၼ်းၼၼ်ႉၵေႃႈ ၼမ်ႉထူမ်ႈဝၢၼ်ႈ သူၼ်ႁိူၼ်းယေး တင်းၼမ် ၵူၼ်းတၢႆမွၵ်ႈ 20 ႁိူၼ်းႁၢႆမွၵ်ႈ 80 လင်။ ၵူၼ်းမိူင်းထုင်ႉလွႆမႆႇ လၢတ်ႈတီႈၽူႈတွႆႇႁွၵ်ႈဝႃႈ-“ မွၵ်ႈဝၼ်းတီႈ 11 ၼႆႉ ၼမ်ႉၵိုင်ႉၵၢင်ႉ ၼွင်းလူင်းမႃး ယၢမ်းၵၢင်ၶမ်ႈၵၢင်ၶိုၼ်း၊  ထူမ်ႈတင်းဝၢၼ်ႈၸၢမ်ၽူးၼႆ့...

ၼမ်ႉၼွင်း ထူမ်ႈတီႈယူႇတၼ်းသဝ်း သူၼ်ႁႆႈၼႃးၵူၼ်းမိူင်းတူၼ် ၶၢဝ်းတၢင်းဝူင်ႈပၢႆ ၵၢၼ်သပ်းသိုပ်ႇ တိတ်းတေႃႇလႄႈ သဵၼ်ႈတၢင်းၶၢတ်ႇ ဢမ်ႇၸၢင်ႈႁႃၵၼ်။ ၵုၼ်ႇၵႃႉတၢင်းၶၢႆၵေႃႈ ဢမ်ႇၸၢင်ႈတေႃႉ တၢင်ႇသူင်ႇၸူးၵၼ် တၢင်းၵိၼ်ယႅမ်ႉ တႃႇၵူၼ်းမိူင်းၸမ်တေၶၢတ်ႇယဝ်ႉ။ ၼမ်ႉၼႂ်းၼႃး ဢမ်ႇယွမ်းလႄႈ ၶဝ်ႈၼႃးၵေႃႈ လူႉသုမ်းၼပ်ႉႁူဝ်ပၢၵ်ႇဢေႊၶိူဝ်ႊ၊ ၵူၼ်းမိူင်းမႆႈၸႂ် တႃႇၶၢဝ်းယၢဝ်းလႄႈ ၶၢဝ်းပွတ်း ထိုင်မိူဝ်ႈလဵဝ် ပႆႇမီးၸုမ်းလႂ် ၶဝ်ႈတူၺ်းလူလွမ်ၵမ်ႉၸွႆႈပၼ်။ တႄႇဢဝ်ဝၼ်း 09-10-11 လိူၼ်သႅပ်ႊထႅမ်ႊပိူဝ်ႊၼႆႉမႃး...

ၾူၼ်တူၵ်းထပ်းၵၼ်လၢႆဝၼ်းသေ ၼမ်ႉထူမ်ႈႁႅင်း ၼႂ်းႁူဝ်လိူၼ်သႅပ်ႊထႅမ်ႊပိူဝ်ႊၼႆႉ ႁဵတ်းႁႂ်ႈထူမ်ႈပႃး ႁိူၼ်းယေး ၵူၼ်းမိူင်း ၼႂ်းၼွင်ႁၢႆးယႃႈ ဢမ်ႇတၼ်းလႆႈသင် မၢၵ်ႇၶဝ်ႈတဝ်ႈၼမ်ႉ ၼႂ်းႁိူၼ်းလႆလွင်ႈၸွမ်း ၼမ်ႉမူတ်း။ ဝၼ်းတီႈ 16/09/2024 ၵူၼ်းပိုၼ်ႉတီႈ ၼွင်ႁၢႆးယႃႈ ၸႄႈဝဵင်းယွင်ႁူၺ်ႈ မိူင်းတႆးပွတ်းၸၢၼ်း ထၢႆႇႁၢင်ႈတၢင်ႇၶိုၼ်ႈၼိူဝ်ၾဵတ်ႉသ်ပုၵ်ႉ သူဝ်ႊသျႄႊမီႊတီႊယႃႊမႃးဝႃႈ ၶူဝ်းၶွင်ႁိူၼ်းယေး ပႃးၸဵမ်မၢၵ်ႇၶိူဝ်သူမ်ႈ ဢၼ်ပိတ်းယဝ်ႉသေ ဢၢၼ်းတေဢဝ်ၵႂႃႇၶၢႆ ၼၼ်ႉၵေႃႈ လွင်ႈၸွမ်းၼမ်ႉမူတ်း...

ပီၼႆႉ ၼမ်ႉသၢႆလူၼ်ႉၾင်ႇ ၼွင်းထူမ်ႈ ၼႂ်းဝဵင်းတႃႈၶီႈလဵၵ်း ႁၢဝ်ႈႁႅင်း ဢမ်ႇယွမ်း 7 ပွၵ်ႈယဝ်ႉ ဝၢႆးၼမ်ႉယူပ်ႈလူင်းယဝ်ႉ ႁဵတ်းႁႂ်ႈၵူၼ်းမိူင်းထူပ်းတၢင်းယၢပ်ႇၽိုတ်ႇ တႃႇပတ်းၽဵဝ်ႈၶီႈၵူမ်ႇၶီႈငႂ်ႈ ဢၼ်ၵိုတ်းၶမ်ဝႆႉ ၸိူဝ်းၼၼ်ႉ။ ယၢမ်းလဵဝ် ၼႂ်းဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း လႅၼ်လိၼ်တႆး - ထႆးၼႆႉ မၢင်ပွၵ်ႉမၢင်ယွမ်ႇ ၼမ်ႉယွမ်းလူင်းယဝ်ႉသေတႃႉ မၢင်ပွၵ်ႉတႄႉ တိုၵ်ႉထူမ်ႈဝႆႉယူႇလႄႈ ပွၵ်ႈၼႆႉ ယွၼ်ႉၼမ်ႉထူမ်ႈႁႅင်း...