ဝၼ်းတီႈ 07/11/2024 ၼႆႉ ယူႇတီႈ ၸၢတ်ႈၸိုင်ႈလုမ်ႈၾႃႉ UN ပိုၼ်ၽၢဝ်ႇပၼ်ၾၢင်ႉဝႃႈ – ဝၢႆးလင် သိုၵ်း မၢၼ်ႈ ယိုတ်းမိူင်း ၼႂ်းမိူင်းရၶႅင်ႇၼႆႉ ၵူၼ်းမိူင်းၵပ်ႉၵိၼ်းမႃး လၢႆၾၢႆလၢႆလွင်ႈသေ ႁူဝ်ၵူၼ်း 2 လၢၼ်ႉပၢႆ ၸၢင်ႈထူပ်းၽေး ဢိုပ်းယၢၵ်ႈ ဝႃႈၼႆ။
ဢိင်ၼိူဝ် လွင်ႈၼႆႉ UNDP ၵေႃႈ လၢတ်ႈဝႃႈ ပဵၼ်ငဝ်းလၢႆးၽေးႁုၵ်ႉႁၢႆႉၵွတ်းၽၢၼ် ဢၼ်ဢမ်ႇယၢမ်းထူပ်း မႃးသေပွၵ်ႈ ဝႃႈၼႆ။
ၼႂ်းမိူင်းရၶႅင်ႇၼႆႉ ထုၵ်ႇႁၢမ်ႈဝႆႉ လွင်ႈတေႃႉသူင်ႇ ၵုၼ်ႇၼွၵ်ႈမိူင်းၼႂ်းမိူင်း၊ ပၼ်ႁႃငိုၼ်းၽႄႈ၊ သုမ်းပႃးၼႃႈ ၵၢၼ်တႃႇ ႁႃၵိၼ်လဵင်ႉတွင်ႉ၊ ၶၼ်ၵုၼ်ႇ ၶူဝ်းၽုၵ်ႇသွမ်ႈ ယွမ်းတူၵ်းႁႅင်း။ လိူဝ်ၼၼ်ႉ ၵူၼ်းမိူင်းရၶႅင်ႇ ႁူဝ်ၼပ်ႉ 95 ပိူဝ်ႊသႅၼ်ႊ ၼႆႉ ဢမ်ႇလႆႈတၢင်းၵမ်ႉၸွႆႈသေ လႆႈတေႃႇသူႈၸုၵ်းမၼ်ႈၵႂႃႇၵူႈၶမ်ႈဝၼ်းၼႂ်။
ၼႂ်းပီပူၼ့်မႃးၼႆ့ ၶဝ်ႈသၢၼ်၊ ၼမ့်မီႇၼမ့်မၼ်းလႄႈ လွင်ႈၵႃႈၶၢႆတေႃ့သူင်ႇ ၼႂ်းမိူင်းရၶႅင်ႇ ၶၼ်ပုင်ႈၶိုၼ်ႈ မႃးႁႅင်း၊ ဝၢႆးလင်သိုၵ်းမၢၼ်ႈယိုတ်းမိူင်းၼႆ့ ပဵၼ်ငဝ်းလၢႆးဢၼ်ႁၢႆ့ႁႅင်းသုတ်း။
လိူဝ်ၼၼ် ၼႂ်းငဝ်းလၢႆငိုၼ်း ၵွင်ၵၢၼ်ၸုမ်းၸၢတ်ႈၸိုင်ႈၶၢတ်ႇၼၼ်ႉ ၵူၼ်းၸၢဝ်း ရူဝ်ႇႁိၼ်ႇၵျႃႇၸမ် 1 လၢၼ်ႉ ဢၼ်မီးတီႈမိူင်းပင်းၵလႃးတဵတ်ႉသျ်ၵေႃႈ ၶၢတ်ႇၶူဝ်းၶွင်တႃႇၵိၼ်ယႅမ်ႉၵႂႃႇၼႆ UN ပိုၼ်ၽၢဝ်ႇဝႆႉ ၼင်ႇၼႆ။
ဢၢင်ႈဢိင် – BBC
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ