ဝၢႆးလင်တၢင်းပဵၼ်ၶူဝ်ႊဝိတ်ႉလၢမ်းၽႄႈယဝ်ႉၼႆႉ ယိူင်းဢၢၼ်းတႃႇယုၵ်ႉမုၼ်းပၢႆးမၢၵ်ႈမီးၸိုင်ႈမိူင်းၶိုၼ်းၼႆႉသေ လူင်ပွင်ၸိုင်ႈမိူင်းထႆးၸတ်းႁဵတ်းပွႆးသွၼ်းၼမ်ႉၵိုၼ်းၶွၼ်ႈၵူႈပီ ပီၼႆႉၵေႃႈၸတ်းႁဵတ်းပွႆးသွၼ်းၼမ်ႉတႄႇဝၼ်းတီႈ 12/04/2026 မႃးတေဢၢၼ်းၸတ်းတေႃႇထိုင်ဝၼ်းတီႈ 17/04/2026 ။ ပီၼႆႉ ၵူၼ်းၼွၵ်ႈမိူင်း ၼႂ်းလုမ်ႈၾႃႉ မႃးၶဝ်ႈႁူမ်ႈၼမ်။ လူင်ပွင်ၸိုင်ႈမိူင်းထႆးပိုၼ်ၽၢဝ်ႇဝႃႈပဵၼ်ၵူၼ်းဝၼ်းဢွၵ်ႇၵၢင်ၼမ် လႅပ်ႈတေပၢႆႈပၢင်တိုၵ်းသေမႃးၶဝ်ႈႁူမ်ႈပၢင်ပွႆးတႃႇယူတ်းယႃၸႂ်ဝႃႈၼႆ။ ပွႆးသွၼ်းၼမ်ႉမိူင်းထႆးပီၼႆႉ ဢၼ်ၵိုၼ်းသုတ်းပဵၼ်ဝဵင်းလူင်ၵုင်းထဵပ်ႈ မိူၼ်ၼင်ႇသဵၼ်ႈတၢင်း သဵၼ်ႈတၢင်းသီလူမ်းလႄႈသဵၼ်ႈတၢင်းၶဝ်ႈသၢၼ်။ တီႈမိူင်းၵဵင်းမႂ်ႇသမ်ႉ ၵူၼ်းၵိုၼ်းသုတ်း တီႈၾႆးၶဵဝ်လႅင်ရိၼ်းၶမ်း ၼႃႈၵၢတ်ႇလူင်မေႊယႃႊ ။ မီးၵူၼ်းၼႂ်းမိူင်းထႆးလၢႆလၢႆဝဵင်း လႄႈမီးပႃးၵူၼ်းၼွၵ်ႈမိူင်း ၼႂ်းလုမ်ႈၾႃႉ ။...

ၸွမ်ၸိုင်ႈထရမ်ႉ မိူင်းဢမေႊရိၵၼ်ႊ တွပ်ႇလၢတ်ႈတီႈသိုဝ်ႇၶၢဝ်ႇ Fox News ဝႃႈ ယွၼ်ႉပိူဝ်ႈဢီႊရၼ်ႊ ဢမ်ႇတူၵ်းလူင်းဢၼ်ဢမေႊရိၵၼ်ႊၶႂ်ႈလႆႈလႄႈ တေပိၵ်ႉသဵၼ်ႈတၢင်းၼမ်ႉ ႁေႃႊမူတ်ႉသ်ႁႂ်ႈလႆႈ ဝႃႈၼႆ။ ထရမ်ႉ လၢတ်ႈမိူဝ်ႈဝၼ်းတီႈ 12/04/2026 ဝႃႈ ဢုပ်ႇၵုမ်လွင်ႈၵိုတ်းတိုၵ်းၵၼ်တင်း ဢီႊရၼ်ႊ ဢမ်ႇလႆႈလႄႈ တေပိၵ်ႉသဵၼ်ႈတၢင်းၼမ်ႉႁေႃႊမူတ်ႉသ်။ ၵမ်းၼႆႉတႄႉတေပိၵ်ႉႁိုင်လႄႈ တေႁၼ်ၽွၼ်းယွၼ်ႈမၼ်းယူႇ။ ဢီႊရၼ်ႊ တေၶိုၼ်းမႃးတူၵ်းလူင်းပၼ်ႁဝ်း ဢၼ်ႁဝ်းၶႆႈလႆႈၼၼ်ႉယူႇ။ ”-...

ၸွမ်းၼင်ႇ ႁွင်ႈၵၢၼ်ၾၢႆႇပိုၼ်ၽႄႈသူင်ႇၶၢႆၼမ်ႉမၼ်းၸၢၵ်ႈ တႂ်ႈသိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇဢွၵ်ႇမႃး ၼႂ်းဝၼ်းတီႈ 10/04/2026 ဝႃႈ - ၵႃႈၶၼ်ၼမ်ႉမၼ်းၸၢၵ်ႈ (ၻီႊသႄႊလ်) ၼိုင်ႈလီႊတႃႊပုင်ႈၶိုၼ်ႈမႃးထႅင်ႈ မွၵ်ႈ 1000 ပျႃး၊ ၶၼ်ၼမ်ႉမၼ်းၸၢၵ်ႈ ထၢတ်ႈသီႇ 92 – 95 ၵေႃႈ ပုင်ႈၶိုၼ်ႈမႃးၸွမ်း။ ၼမ်ႉမၼ်းထၢတ်ႈသီႇ သႅၼ်း 92 ၼႆႉ...

ဢူးမိၼ်းဢွင်ႇလၢႆႇ ၸွမ်ၸိုင်ႈ ယိုတ်းဢႃႇၼႃႇၸိုင်ႈမိူင်း တေဢွၼ်ႁူဝ်ၼမ်းၼႃႈ ၵေႃႇမတီႇသၢင်ႈလွင်ႈငမ်း ယဵၼ် လႄႈ ၵၢၼ်ၶွတ်ႇလိူတ်ႈၽွမ်ႉႁူမ်ႈၸိူဝ်ႉၸၢတ်ႈ (NSPCC) ၊ ၸွမ်သိုၵ်း ယႃႇပျေႉ ၵေႃႉတေႁပ်ႉပဵၼ်ႁူဝ် ပဝ်ႈ ၶွတ်ႇၽွတ်ႈၶိုၼ်းၵေႃႇမတီႇငူပ်ႉငီႉလွင်ႈငမ်းယဵၼ် (NSPNC) လႄႈ ၵႅမ်ၸွမ်ၸိုင်ႈ ၵေႃႉထီႉ 1 ဢူးၺူဝ်ႇၸေႃး ပဵၼ်ႁူဝ်ပဝ်ႈ ၵေႃႇမတီႇပွင် ၵၢၼ်...

တီႈဝဵင်းပၢင်ႇဢူႈလူင်/ပျိၼ်ႇဢူးလုၼ်ႇ (ဝဵင်းၸၼ်ႉၸွမ်တပ်ႉသိုၵ်းမၢၼ်ႈ) ၼႂ်းတိူင်းတႃႈလိူဝ်ႇမၼ်းတလေး ၼၢင်းယိင်းဢွၼ်ႇၵေႃႉၼိုင်ႈတိုၵ်ႉၶိုင်ၸတ်းပွႆးၵူပ်ႉၵူႈသွၼ်ႉမိင်ႈယူႇၼၼ်ႉ မီးၸူႉၵဝ်ႇမၼ်းၼၢင်းၶဝ်ႈႁိူၼ်းမႃးတႅင်း ပေႃႈမၼ်းၼၢင်းလႄႈ ၸဝ်ႈမၢဝ်ႇမၼ်းၼၢင်းၵေႃႈမၢတ်ႇၸဵပ်းထိုင်တီႈလႆႈဢဝ်ၵႂႃႇယူတ်းယႃတူဝ်တီႈႁူင်းယႃ။ ဝၼ်းတီႈ 11/04/2026 မိူဝ်ႈဝႃးယၢမ်းၵၢင်ၶမ်ႈ တီႈႁိူၼ်းဢၼ်ႁၢင်ႈႁႅၼ်းပၢင်ၶႅၵ်ႇ ဢၼ်မီးၼႂ်းပွၵ်ႉ 19 ႁွင်ႈပႃယဵၼ်ႇ(ငယၢၼ်ႉၶျွင်း) ဝဵင်းပၢင်ႇဢူႈလူင်ၼၼ်ႉ မီးၸၢႆးၼုမ်ႇၵေႃႉၼိုင်ႈယိပ်းမိတ်ႈၶဝ်ႈႁိူၼ်းမႃးသေ မႃးတႅင်းၸဝ်ႈသၢဝ် (ၸူႉၵဝ်ႇၸၢႆးၼုမ်ႇ) ၼၼ်ႉမၢတ်ႇၸဵပ်းလိူဝ်ႁႅင်း - ၼႅတ်ႈဢဝ်ၵႂႃႇႁူင်းယႃယူႇသေတႃႉၵေႃႈ ၵႂႃႇတၢႆပႅတ်ႈတီႈႁူင်းယႃ ။ ၸၢႆးၼုမ်ႇၵေႃႉၶဝ်ႈမႃးတႅင်းၼၼ်ႉဢႃယုမီး...

မိူဝ်ႈၼႆႉဝၼ်းတီႈ 11/04/2026 ယၢမ်းၵၢင်ဝၼ်း ၵႃးတၢင်ႇၵူၼ်း(ရူတ်ႉတူႈ) လမ်းၼိုင်ႈ ပဵၼ်ၽေးဢုပၢတ်ႈပိၼ်ႈၶွမ်ႈၼႂ်းၸႄႈဝဵင်းၵူတ်ႉၶၢႆလႄႈ ၵူၼ်းၶီႇမႃးၸွမ်းၼႂ်းရူတ်ႉၵႃးတၢႆ 5 ၵေႃႉ မၢတ်ႇၸဵပ်းထႅင်ႈတင်းၼမ်ဝႃႈၼႆ။ ရူတ်ႉၵႃးတၢင်ႇၵူၼ်းၼႆႉပိၼ်ႈၶွမ်ႈႁိမ်းဝၢၼ်ႈပၢင်ႇၸလွပ်ႈ ၼႂ်းၵႄႈ ဝၼ်ႈၼမ်ႉၽၵ်းၵႃလႄႈ ဝၢၼ်ႈၼမ်ႉဢုမ်။ ၽွင်းလူင်းၵုင်းၼၼ်ႉ ပရိၵ်ႈ/ပဵၵ်ႇ မၼ်းၶၢတ်ႇသေႁဵတ်းႁႂ်ႈရူတ်ႉပိၼ်ႈၶွမ်ႈ။ တၢႆထင်တီႈ 3 ၵေႃႉ။ ၽွင်းဢဝ်ၵႂႃႇႁူင်းယႃၼၼ်ႉတၢႆထႅင်ႈၵေႃႉၼိုင်ႈ။ ထိုင်ႁူင်းယႃယဝ်ႉသမ်ႉတၢႆထႅင်ႈ 2 ၵေႃႉ။ ၵူၼ်းမၢတ်ႇၸဵပ်း...

တီႈဝဵင်းတူၼ်ႈတီးၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈသင်ႇႁဵတ်းၶဵင်ႇလဵၼ်ႈၼမ်ႉၸွမ်းသဵၼ်ႈတၢင်းလူင်လႄႈ သဵၼ်ႈတၢင်းလဵပ်ႈဝဵင်း ၵူၼ်းၼုမ်ႇၵူၼ်းမိူင်း ဢမ်ႇတူင်ႉတိုၼ်ႇဢမ်ႇသူၼ်ၸႂ် ဢွၼ်ၵၼ်မႆႈၸႂ်ၵူဝ်ၺႃးသိုၵ်းမၢၼ်ႈတီႉၺွပ်းၸွမ်းတႃႈၸွမ်းတၢင်းၵူၺ်းယဝ်ႉဝႃႈၼႆ။ တီႈသဵၼ်ႈတၢင်းလဵပ်ႈဝဵင်းၾၢႆႇဢွၵ်ႇၼၼ်ႉ သိုၵ်းမၢၼ်ႈၸႂ်ႉႁဵတ်းၶဵင်ႇလဵၼ်ႈၼမ်ႉ 9 တီႈ။ ပၢႆသင်ႇပႃးဝႃႈ တႃႇလူတ်းယွၼ်ႇၵၢၼ်ၸႂ်ႉၼမ်ႉမၼ်းၸၢၵ်ႈ ၼမ်ႉမၼ်းၸိူဝ်ႉၽိူင်းၼၼ်ႉ ႁႂ်ႈၵူၼ်းမိူင်းပႆႇတၢင်းဢႅဝ်ႇ ပႆတၢင်းလဵၼ်ႈၼမ်ႉဢဝ်ဝႃႈၼႆ။ လွင်ႈလဵၼ်ႈၼမ်ႉႁူတ်းၼမ်ႉၽွင်းၶၢဝ်းသၢင်းၵျၢၼ်ႇပီၼႆႉ ၵူၼ်းမိူင်းဢမ်ႇပေႃးသူၼ်ၸႂ်ၵၼ်ယွၼ်ႉဝႃႈ တီႈဝဵင်းတူၼ်ႈတီးၼႆႉ ၾိင်ႈၾႃႉရႃႇသီႇၵတ်းလၢင်ႈ၊ ၼမ်ႉမၼ်းၸၢၵ်ႈႁႃယၢပ်ႇ ၵႃႈၶၼ်သုင် လႄႈ ယွၼ်ႉပိူဝ်ႈ ငဝ်းလၢႆးၵၢၼ်မိူင်းသုၵ်ႉယုင်ႈ - ယွၼ်ႉပိူဝ်ႈသိုၵ်းမၢၼ်ႈတီႉၺွပ်းၵူၼ်းၼုမ်ႇၾိုၵ်းၵၢၼ်သိုၵ်း...

ၵွၼ်ႇ​​ပႆႇတႄႇပၢင်လိူၵ်ႈတင်ႈ ႁူဝ်ပဝ်ႈပႃႇတီႇသၢင်ႇသီႈ ၵႆႉၵႆႉလူင်းႁႃသဵင် ​​ၼေသၢႆသီတီႈၵူၼ်းမိူင်းဝႃႈ ​​ယၢမ်း ၶဝ်ပဵၼ်လူင်ပွင်ၸိုင်ႈ တေႁဵတ်းၼၼ်ႁဵတ်းၼႆ။ ထိုင်ၼႃႈၼႅၼ်ႈမႃး တၢမ်တူဝ်မၼ်း​​​​ၵေႃႉပဵၼ်ႁူဝ်ပဝ်ႈဢမ်ႇၵႃး  ပဵၼ်​ပႃး​​ၵေႃႉ​​ပေႉပၢင်လိူၵ်ႈတင်ႈ ယင်းဢမ်ႇၸၢင်ႈတၵ်းသဵင်၊ ၸွမ်ၸိၵ်းသိုၵ်းလူင် ​​ၵေႃႉဢမ်ႇလူင်းလိူၵ်ႈတင်ႈ ၶိုၼ်ႈၼင်ႈပႅတ်ႈတီႈပလၢင်ႇၸွမ်ၸိုင်ႈၼၼ်ႉ​​ ၵႃႈလႆႈဢႃႈပၢၵ်ႇတူၺ်းလၢႆၵွႆး။ ၽိူဝ်ႇမႃးၽွတ်ႈၸုမ်း လူင်ပွင် ၸိုင်ႈ ​​ၵေႃႈ ၼႂ်းၵူၼ်း 30 ၼၼ်ႉ ၸိူဝ်းႁူဝ်ၼႃႈၸုမ်းသၢင်ႇသီႈ ​​တေႃႉတႄႉလႆႈၶဝ်ႈပႃးၸွမ်းႁႃႈ​​ၵေႃႉဝႃႇ၊...

ပၢင်တိုၵ်း ဢီႊရၼ်ႊလႄႈဢမေႊရိၵၼ်ႊ တီႈသၢႆၼမ်ႉႁေႃႊမူတ်ႉသ်ၼၼ်ႉ မၢၵ်ႇလူင်တူၵ်းသႂ်ႇ ႁိူဝ်းၵုၼ်ႇထႆး ၽွင်းႁၢင်လိူၼ်မၢတ်ႉၶျ် ၵူၼ်းၸွမ်းႁိူဝ်းထႆး 3 ၵေႃႉ လူႉတၢႆ။ ဝၼ်းတီႈ 8/4/2026 ၽွင်းလူင်ၾၢႆႇၼွၵ်ႈမိူင်း မိူင်းထႆး လၢတ်ႈတီႈပၢင်သပ်းၸႅင်ႈၶၢဝ်ႇဝႃႈ  ၸုမ်းၾၢႆႇ ၸွႆႈထႅမ် မိူင်းဢူဝ်ႊမၼ်ႊ တင်း ဢီႊရၼ်ႊ ႁူမ်ႈၵၼ်တင်း ၾၢႆႇၶွမ်ႊပၼီႊႁိူဝ်းသေ ၶတ်းၸႂ် သွၵ်ႈႁႃ တႃႇပၼ်တၢင်းၸွႆႈထႅမ်ယူႇသေတႃႉ...

ၸုမ်းၼၢင်းယိင်းမိူင်းမၢၼ်ႈ BWU ပိုၼ်ၽၢဝ်ႇဝႆႉဝႃႈ - ၼႂ်းလိူၼ်မၢတ်ႉၶျ်ပူၼ်ႉမႃးၼႆႉ ၼၢင်းယိင်းၼႂ်းမိူင်းမၢၼ်ႈ လူႉတၢႆ ယွၼ်ႉသိုၵ်းမၢၼ်ႈ ပိုတ်းယိုဝ်းတိုၵ်းတေႃး တီႉၺွပ်းၶႃႈႁႅမ်ၵႂႃႇၼႆႉ မီး 88 ၵေႃႉ ဝႃႈၼႆ။ ၼႂ်းၼၼ်ႉ ဢၼ်ၺႃးႁိူဝ်းမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇသေလူႉတၢႆမီး 57 ၵေႃႉ၊ ၺႃးၶႃႈႁႅမ်တၢႆ လူၺ်ႈဢမ်ႇၸွမ်း တြႃး 21 ၵေႃႉ၊ ၺႃးၸုတ်ႇၽဝ်ၶႃႈႁႅမ်တၢႆ...

ၼႂ်းဝူင်ႈဝၢင်ႈၼႆႉ သိုၵ်းမိူင်းဢမေႊရိၵၼ်ႊ တင်း မိူင်းဢီႊရၼ်ႊ ပိုၼ်ၽၢဝ်ႇၵိုတ်းတိုၵ်းၵၼ်သေတႃႉ ယွၼ်ႉသိုၵ်းမိူင်းဢိတ်ႊသရေႊ ဢမ်ႇၵိုတ်းၵၢၼ်ယိုဝ်းတိုၵ်းမိူင်းလပ်ႊပၼုၼ်ႊလႄႈ ႁဵတ်းႁႂ်ႈ ၶေႃႈတူၵ်းလူင်း ၵိုတ်းတိုၵ်း ၸွမ်ၸိုင်ႈတေႃႊၼႄႊထရမ်ႉ တင်း လူင်ပွင်ၸိုင်ႈမိူင်းဢီႊရၼ်ႊ ဢမ်ႇဢွင်ႇ မၢၼ်တေႉတေႉ။ မိူင်းဢီႊရၼ်ႊ သိုပ်ႇဢိုတ်းပႅတ်ႈသဵၼ်ႈ တၢင်းၼမ်ႉႁေႃႊမုၵ်ႉသ် ဢၼ်ႁိူဝ်းသၢင်းၽေႃး တေႃႉၼမ်ႉမၼ်းမဵၼ် လတ်းၽၢၼ်ႇဢွၵ်ႇမႃးၼၼ်ႉ။ ယွၼ်ႉပၼ်ႁႃပၢင်တိုၵ်းသိုၵ်းသိူဝ် တၢင်းမိူင်းဝၼ်းဢွၵ်ႇၵၢင်သေ ၵႃႈၶၼ်ၼမ်ႉမၼ်းၸၢၵ်ႈၵူႈသႅၼ်းသႅၼ်း...

ၼႂ်းဝၼ်းတီႈ 8 လိူၼ်ထူၼ်ႈသီႇ ၵၢင်ၼႂ် ဢမေႊရိၵၼ်ႊ တင်း ဢီႊရၼ်ႊ တူၵ်းလူင်းၵိုတ်းတိုၵ်းၵၼ် တႃႇၶၢဝ်းတၢင်း 2ဝူင်ႈ၊ တူၵ်းလူင်းၵၼ်လၢႆလၢႆ ဢိၵ်ႇပႃး တႃႇပိုတ်ႇၶိုၼ်းသၢႆၼမ်ႉ Hormuz။ ၵူၺ်းၵႃႈ ဢိတ်ႉသ်ရေႊ ဢၼ်ပဵၼ်ဢူၺ်းလီၵၼ်တင်း ဢမေႊရိၵၼ်ႊၼၼ်ႉ ၸႂ်ႉၶိူင်ႈၵွင်ႈလူင်ယိုဝ်းတိုၵ်းသႂ်ႇ ၼႂ်းမိူင်း လႅၵ်ႊပၼုၼ်ႊ မီးၵူၼ်းလူႉတၢႆမွၵ်ႈ 200 ၵေႃႉ ႁိူၼ်းယေးလူႉၵွႆတင်းၼမ်၊...

ၾႆးမႆႈ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ပလိၵ်ႈမၢၼ်ႈ သိုၵ်းမၢၼ်ႈ တီႉၺွပ်းၵူၼ်းၸၢႆး ၵေႃႉၼိုင်ႈ ဢႃယု 40 ပီ ဢၼ်မီးၾၢင်ႁၢင်ႈတၢင်းႁဵတ်းသၢင်ႈဢၼ်လီထၢင်ႇထိူမ်ဝႃႈ ပဵၼ်ၵူၼ်း ၸုတ်ႇၽဝ်  ဝႃႈၼႆ ။ မိူဝ်ႈဝႃး ဝၼ်းတီႈ 8/4/2026 ယၢမ်းၵၢင်ၶမ်ႈ 9 မူင်းၶိုင်ႈ ၾႆးတႄႇမႆႈႁိူၼ်းလင်ၼိုင်ႈ တီႈၼႂ်းပွၵ်ႉသူၺ်ႇတွင်ႇ ၼိူဝ်သဵၼ်ႈတၢင်း ၵူင်ႇတႄႇ(ၵူၼ်းၵႃႉ)...

ၾူၼ်လူင်လူမ်းလႅင်ႉလႄႈမၢၵ်ႇႁဵပ်းတူၵ်း ဝဵင်းဝၢၼ်ႈငႂ်ႈ ယႂႃႇငၢၼ်ႇ ႁိူၼ်းယေး   သူၼ်ႁႆႈ  ၵူၼ်းဝၢၼ်ႈၵူၼ်းမိူင်းလူႉၵွႆၼမ် ။ ၼႂ်းဝၼ်းတီႈ 6-7 /4/2026 ၼႂ်းၶၢဝ်းတၢင်း သွင်ဝၼ်း ၾူၼ်လူင်ႁႃႇယႂ်ႇတူၵ်းတၢင်းဝၢၼ်ႈ ၼပၢၼ်းၵျီး ၸႄႈဝဵင်းဝၢၼ်ႈငႂ်ႈ၊ ႁဵတ်းႁႂ်ႈၵူၼ်းယေးလူႈၵွႆလႅဝ်ၽႅဝ်ႉ 5 လင်၊ သၢႆၾူၼ်ႊသၢႆၾႆးၶၢတ်ႇ ၵူၼ်းမိူင်းဢမ်ႇမီးၾႆးၾႃႉၸႂ်ႉ။   ၼၢင်းယိင်းၵူၼ်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ -“ၾူၼ်လူမ်းႁႅင်းၼႃႇ ၊ တီႈဝၢၼ်ႈၼႆႉ လင်ၶႃးပိဝ်...

တွၼ်ႈတႃႇလွင်ႈႁူမ်ႇလူမ်ႈလွတ်ႈၽေး ၽွင်းၶၢဝ်းပွႆးသွၼ်းၼမ်ႉၼႆသေ ပီၼႆႉ မိူင်းထႆးပိုၼ်ၽၢဝ်ႇဢွၵ်ႇဝႆႉ ပၵ်းပိူင်မၢႆမီႈ ဢၼ်တေလႆႈငိူင်ႉဝႄႈ လႄႈ တေလႆႈႁဵတ်းသၢင်ႈၸွမ်း (8) ၶေႃႈ။ ၶေႃႈထီႉၼိုင်ႈ - သင်ၵိၼ်မဝ်းသေ ႁေႃႈရူတ်ႉၵႃး၊ ႁဵတ်းၽိတ်းလၢႆလၢႆၵမ်းထပ်းၵၼ်ၸိုင် တေၸၢင်ႈၺႃးတၢမ်ႇ ၼၵ်းၼႃ။ သင် ဢႄႇလ်ၵူဝ်ႇႁေႃး ၼႂ်းလိူတ်ႈၼမ်လိူဝ် 50 မီႇလီႇၵရမ်ႇ (ပေႃးပဵၼ်လုၵ်ႈဢွၼ်ႇ ဢႃယု 20...