ၼႂ်းဝၼ်းတီႈ 8 လိူၼ်ထူၼ်ႈသီႇ ၵၢင်ၼႂ် ဢမေႊရိၵၼ်ႊ တင်း ဢီႊရၼ်ႊ တူၵ်းလူင်းၵိုတ်းတိုၵ်းၵၼ် တႃႇၶၢဝ်းတၢင်း 2ဝူင်ႈ၊ တူၵ်းလူင်းၵၼ်လၢႆလၢႆ ဢိၵ်ႇပႃး တႃႇပိုတ်ႇၶိုၼ်းသၢႆၼမ်ႉ Hormuz။
ၵူၺ်းၵႃႈ ဢိတ်ႉသ်ရေႊ ဢၼ်ပဵၼ်ဢူၺ်းလီၵၼ်တင်း ဢမေႊရိၵၼ်ႊၼၼ်ႉ ၸႂ်ႉၶိူင်ႈၵွင်ႈလူင်ယိုဝ်းတိုၵ်းသႂ်ႇ ၼႂ်းမိူင်း လႅၵ်ႊပၼုၼ်ႊ မီးၵူၼ်းလူႉတၢႆမွၵ်ႈ 200 ၵေႃႉ ႁိူၼ်းယေးလူႉၵွႆတင်းၼမ်၊ ၸုမ်း ႁိသ်ပူဝ်ႊလႃႊၵေႃႈ ယူႇၾၢႆႇမိူင်း လႅပ်ႊပၼုၼ်ႊသေ ၸႂ်ႉမၢၵ်ႇၼူၾႆး ယိုဝ်းတိုၵ်းၶိုၼ်း မိူင်းဢိတ်ႉသ်ရေႊႁၢဝ်ႈႁႅင်း ဝႃႈၼႆ။
ၸုမ်းယိပ်းၵွင်ႈၵၢင်ႇ ႁိသ်ပူဝ်ႊလႃႊၼႆႉ ပဵၼ်ၸုမ်း ဢၼ်မိူင်းဢီႊရၼ်ႊ ယူႇလင်ၵမ်ႉထႅမ်ပၼ်ဝႆႉသေ ပၵ်းတပ်ႉဝႆႉတီႈမိူင်း လႅပ်ႊပၼုၼ်ႊ။
ၽွင်းၼင်ႇၼႆ ဢီႊရၼ်ႊ လၢတ်ႈဝႃႈ – ပၢင်ဢုပ်ႇဢူဝ်းလွင်ႈငမ်းယဵၼ်ဢၼ်တေႁဵတ်းၼႂ်းဝၼ်းသုၵ်းၼၼ်ႉ ဢမ်ႇမီးတီႈပွင်ႇသင်ယဝ်ႉ။ သၢႆၼမ်ႉႁေႃႊမုတ်ႉသ်ၵေႃႈ သင်ႇပိၵ်ႉဝႆႉၶိုၼ်း ဝႃႈၼႆ။
ၼႂ်းၶေႃႈပိုၼ်ၽၢဝ်ႇၵိုတ်းတိုၵ်း ၶၢဝ်းတၢင်း 2ဝူင်ႈၼၼ်ႉ ၸွင်ႇၵဵဝ်ႇၵွင်ႉပႃး လွင်ႈမိူင်း လႅပ်ႊပၼုၼ်ႊႁိုဝ် ၼႆတႄႉ တင်းသွင်ၾၢႆႇ ပႆႇယိုၼ်ယၼ်သင်။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ