SHRF ပိုၼ်ၽၢဝ်ႇဢွၵ်ႇမႃး ၶႅပ်းႁၢင်ႈလၢဝ်ပွမ် ပိူင်းၼႄၵၢၼ်ၶုတ်းႁႄႈ ၼႂ်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်း ဢၼ်ႁၢင်ႇၵႆလႅၼ်လိၼ်ထႆး 25 ၵီႊလူဝ်ႊမႄႊတိူဝ်ႊၼၼ်ႉ ဝႃႈၼႆ။ ဝၼ်းတီႈ 15/05/2025 ပူၼ်ႉမႃးၼႆႉ ယူႇတီႈ ၵဝ်ႉငဝ်ႈသုၼ်ႇလႆႈၵူၼ်းၸိုင်းတႆး SHRF ဢွၵ်ႇၽိုၼ်တၢမ်းငဝ်းလၢႆး ၵဵဝ်ႇလူၺ်ႈၶႅပ်းႁၢင်ႈလၢဝ်ပွမ် ပိူင်းၼႄဝႃႈ လႅပ်ႈမီးၵၢၼ်ၶုတ်းႁႄႈ ႁႃယၢပ်ႇ (Rare Earth) သွင် ပိုၼ်ႉတီႈ...

တႄႇဝၼ်းတီႈ 17/05/2025 ၼႆႉမႃးတေႃႇထိုင်ဝၼ်းမိူဝ်ႈၼႆႉ သိုၵ်းမၢၼ်ႈတင်း ပျီႇတူႉၸိတ်ႉပဢူဝ်း PNO ႁူမ်ႈၵၼ်ပိုတ်းယိုဝ်းၵၼ်တင်း ၸုမ်းၵႅတ်ႇၶႄႇၵူၼ်းမိူင်း PDF ႁၢဝ်ႈႁႅင်း ၼႂ်းၵႄႈၸႄႈဝဵင်းပၢင်လွင်း - ၸႄႈဝဵင်းၾၢႆၶုၼ် တီႈဝၢၼ်ႈသွင်းပျွင်း ၾၢႆႇတင်းသိုၵ်းမၢၼ်ႈ ၽဝ်ႁိူၼ်းၵူၼ်းပိုၼ်ႉတီႈလူႉသုမ်းပႃး။ ၼၢင်းယိင်း ၵူၼ်းဝၢၼ်ႈသွင်းပျွင်း လၢတ်ႈၽူႈတွႆႇႁွၵ်ႈဝႃႈ - “ၸဵမ်လႂ် PNO ႁၢမ်ႈၵူၼ်းမိူင်းဢွၵ်ႇၼွၵ်ႈႁိူၼ်း ယေး။ ၵူၺ်းၾၢႆႇၼိုင်ႈၵေႃႈ...

ႁူဝ်လိူၼ်မေႊ ပီ 2025 ၼႆႉ ငဝ်ႈငုၼ်းတီႇမူဝ်ႇၶရေႇၸီႇၸိူဝ်ႉၶိူဝ်းတႆး SNLD ပႃႇတီႇႁူဝ်သိူဝ် ဢၼ်လႆႈ ၶႅပ်းၵၢင်ၸႂ်ၼမ်လိူဝ်ပိူၼ်ႈသုတ်း ၼႂ်းမိူင်းတႆးၼၼ်ႉ ၶိုၼ်းဢုပ်ႇဢူဝ်းငူပ်ႉငီႉ ထတ်းသၢင်လွင်ႈတေဢမ်ႇ တၢင်ႇမၢႆၾၢင် တီႈၶွမ်ႊမသျိၼ်ႊ ၵေႃၵမ်ၵၢၼ်လိူၵ်ႈတင်ႈ UEC ဢၼ်မီးၾၢႆႇတႂ်ႈၵုမ်းၵမ်သိုၵ်းမၢၼ်ႈၼၼ်ႉ ၼႆယဝ်ႉ။ ပၢင်လိူၵ်ႈတင်ႈဢၼ်သိုၵ်းမၢၼ်ႈပိုၼ်ၽၢဝ်ႇ တေၸတ်းႁဵတ်း ၼႂ်းႁၢင်ပီ 2025 ဢမ်ႇၼၼ် ႁူဝ်ပီ 2026...

ၵူၼ်းထဝ်ႈမိူဝ်ႈၵွၼ်ႇ ၵႆႉလႄႇလၢတ်ႈႁင်းလုၵ်ႈဢွၼ်ႇဝႃႈ ပေႃးႁဵတ်းၽိတ်းသေပိူင်ပိူင် ၸၢင်ႈၺႃးၾႃႉ ၽႃႇ လိၼ်ဢိုၼ်ၼႆဝႃႈ။ ၵူၺ်းၵႃႈ ငဝ်းလၢႆးၵၢပ်ႈဝၢၼ်ႈပၢၼ်မိူင်းယၢမ်းလဵဝ် ၽေးႁုၵ်ႉႁၢႆႉၸၢင်ႈပဵၼ်လႆႈ ၵူႈၵေႃႉလႄႈ ၵူႈတီႈ။ ၵူဝ်ၺႃးၽေးၾႃႉၽႃႇလႄႈ ၵမ်ႈၼမ် တေဢွၼ်ၵၼ်သႂ်ႇၶိူင်ႈႁႄႉၾႃႉၽႃႇ ၸဵမ်မိူဝ်ႈသၢင်ႈႁိူၼ်းယေး။ ၸိူင်ႉႁိုဝ်ၵေႃႈယႃႇ တႃႇတေလွတ်ႈ ၽေးၾႃႉၽႃႇၼႆႉၵေႃႈ ပဵၼ်လွင်ႈဢၼ်လီ လဵပ်ႈႁဵၼ်းဝႆႉယူႇ။ ၽေးၾႃႉၽႃႇၼႆႉ ၸၢင်ႈထူပ်းၺႃး မိူဝ်ႈၾိင်ႈၾႃႉရႃႇသီႇၵိုင်ႉၵၢင်ႉလႅၵ်ႈလၢႆႈ။ ၵမ်ႈၼမ်ၵေႃႈ တေပဵၼ်ၶၢဝ်းႁူဝ်ၾူၼ်...

မိူဝ်ႈၼႆႉ ဝၼ်းတီႈ 19/05/2025 သိုၵ်းမၢၼ်ႈ ၸီႉသင်ႇ ႁႂ်ႈၶႃႈႁၢပ်ႇၵၢၼ်ၶုၼ် ၼႂ်းႁွင်ႈၵၢၼ် ၾၢႆႇၵူတ်ႇထတ်း ၶဝ်ႈဢွၵ်ႇမိူင်း ပိုတ်ႇလုမ်းပဵၼ်တၢင်းၵၢၼ်သေ တႄႇပၼ်ႇၵၢၼ်ၵႂႃႇ တီႈဝဵင်းလႃႈ သဵဝ်ႈ ၸိုင်ႈတႆးပွတ်းႁွင်ႇ။ သိုၵ်းမၢၼ်ႈပိုတ်ႇၶိုၼ်း ႁွင်ႈၵၢၼ်လုမ်းၼႆသေတႃႉ တႃႇတေပၼ်ႇၵၢၼ်ၵႂႃႇလႆႈတႄႉတႄႉၼႆၼၼ်ႉ ယင်းတိုၵ်ႉမီးလွင်ႈယၢပ်ႇလၢႆလၢႆလွင်ႈယူႇလႄႈ ၾၢႆႇသိုၵ်းမၢၼ်ႈ တေႃႉတႄႉ တေပိုတ်ႇလႆႈ ပဵၼ်တၢင်းၵၢၼ်ဢဝ်ၼႃႈဢဝ်တႃ မွၵ်ႈၼၼ်ႉၵူၺ်းၼႆ - ပီႈၸၢႆး...

မိူဝ်ႈဝႃး ဝၼ်းတီႈ 18/05/2025 ယၢမ်းၵၢင်ၼႂ် 10 မူင်း 40 မိၼိတ်ႉ ၵူၼ်းပၢႆႈၽေးသိုၵ်း တီႈၵျွင်းၶဵဝ်ၶမ်း ဢၼ်မီးတီႈတၢင်းၽႄ ဢိူင်ႇဢုမ်ႇတီး ၸႄႈဝဵင်းၼွင်ၶဵဝ်ၼၼ်ႉ ၺႃးယိုဝ်းတၢႆၵေႃႉၼိုင်ႈ ၵူၼ်းပိုၼ်ႉတီႈလၢတ်ႈဝႃႈ ပဵၼ်သိုၵ်းတဢၢင်း TNLA ယိုဝ်း ဝႃႈၼႆ။ သိုၵ်းတဢၢင်း TNLA ၼႆႉ ပိူဝ်ႈတႃႇလေႃႇတိုၵ်းလႄႈ ႁပ်ႉတိုၵ်းသိုၵ်းမၢၼ်ႈၼႆသေ ဢဝ်ၼႃႈတီႈယူႇဝႆႉၼႂ်း...

ဝၼ်းတီႈ 16/05/2025 ယၢမ်းၵၢင်ၼႂ် ယူႇတီႈ ၵေႃလိၵ်ႈလၢႆးလႄႈ ၾိင်ႈငႄႈတႆးတင်း ၸုမ်းၵူၼ်းၼုမ်ႇတႆး T.Y.O သေ ႁူမ်ႈၵၼ် ၸတ်းႁဵတ်းပွႆးလူင်းပၢင်သွၼ်လိၵ်ႈတႆး ၶၢဝ်းမႆႈ တီႈႁူင်းႁေႃ ၵေႃလိၵ်ႈလၢႆး ဢိူင်ႇႁွင်ႈလိုၵ်ႉ ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း မီးသင်ၶ ၊ လုၵ်ႈႁဵၼ်း ၊ မေႃသွၼ်လႄႈ ၽူႈယႂ်ႇၵူၼ်းလူင် ၶဝ်ႈႁူမ်ႈဢမ်ႇယွမ်း...

ၵၢၼ်သင်သေဢမ်ႇဝႃႈ တႃႇတေလႆႈမႃးၼိုင်ႈဢၼ်ၼႆႉ မၼ်းဢမ်ႇငၢႆႈ။ တၵ်းလႆႈၶတ်းၸႂ်ဢဝ်တႄႉတႄႉဝႃႈဝႃႈလႄႈ ၸင်ႇဢွင်ႇမၢၼ်ႈႁွတ်ႈထိုင်ယိူင်းမၢႆ။ ၼႂ်းၵၢၼ်ဢွင်ႇမၢၼ်လူင် တင်းလၢႆၼႆႉ တႃႇလႆႈပဵၼ် ၼၢင်းႁိူဝ်းမိၼ် (Flight attendants/ Cabin Crew) ၼႆႉ ယိင်ႈၶႅၼ်းယၢပ်ႇၽိုတ်ႇ။ ၼႂ်းလွင်ႈၼႃႈၵၢၼ်ဢၼ်ယၢပ်ႇၽိုတ်ႇလူင်ၼႆႉ မီးယိင်းသၢဝ်တႆးၵေႃႉၼိုင်ႈ လႆႈၶတ်းၸႂ်သေ လႆႈတီႈယူႇမႃး တီႈသၢႆၵၢၼ်မိၼ် Qatar Airways...

ယၢမ်းလဵဝ် ႁွတ်ႈထိုင်ၶၢဝ်းႁႅင်ႈ ၶၢဝ်းမႆႈမႃးယဝ်ႉလႄႈ လိူဝ်သေဢၼ်ႁဝ်းၶႃႈတေလႆႈၾၢင်ႉ လွင်ႈၽိုၼ်း၊ လွင်ႈၾႆးယဝ်ႉ ႁဝ်းၶႃႈယင်းထုၵ်ႇလီဝႆႉၾၢင်ႉပႃး လွင်ႈပၢႆးယူႇလီၸိူဝ်းၼႆႉ။ ၶၢဝ်းမႆႈၼႆႉ လႅတ်ႇမႆႈႁႅင်းၼႃႇလႄႈ ပေႃးဢွၵ်ႇႁိူၼ်း ဢမ်ႇတိုဝ်းၵုပ်း ဢမ်ႇတိုဝ်းမၢၵ်ႇႁူဝ် ဢမ်ႇၵင်ႈၸွင်ႈႁႄႉလႅတ်ႇၸိုင် တေၸၢင်ႈပဵၼ် ၼႃႈၽႃႈ၊ ၼိူဝ်ႉလမ်၊ ၼိူဝ်ႉမၢၼ်ႉလႅတ်ႇယဝ်ႉ ယင်းၸၢင်ႈ တုမ်ႉတိူဝ်ႉပႃးပၢႆးယူႇလီ ထႅင်ႈလူးၵွၼ်ႇ ၼႆၶႃႈဢေႃႈ။ တၢင်းပဵၼ်ဢၼ်မႃးၸွမ်းၶၢဝ်းမႆႈၼႆႉ မီးတင်းၼမ်တင်းလၢႆ၊ မိူၼ်ၼင်ႇ...

တႄႇႁူဝ်ပီ 2025 မႃး လူင်ပွင်ၸိုင်ႈမိူင်းၶႄႇ ယူႇၵႄႈၵၢင် ႁဵတ်းၶဵဝ်ပၼ် သိုၵ်းမၢၼ်ႈ တင်း သိုၵ်းၵဝ်ႈၵၢင်ႉသေ ဢုပ်ႇဢူဝ်း ၵၼ် ၶိူဝ်းၶိူဝ်းယႂ်းယႂ်း ပိူဝ်ႈတႃႇၵိုတ်းတိုၵ်းၵၼ်ၼႆယူႇ။ ထိုင်မႃးၵၢင်လိူၼ် April ဢိင်ၼိူဝ်ငဝ်းလၢႆး ၵူႈၾၢႆႇၾၢႆႇသေ မီး ၶၢဝ်ႇလိုဝ်းဢွၵ်ႇမႃးဝႃႈ သိုၵ်းၵဝ်ႈၵၢင်ႉ တေလႆႈထွႆဢွၵ်ႇ ဝဵင်းလႃႈသဵဝ်ႈ။ တေႁႂ်ႈသိုၵ်းမၢၼ်ႈၶဝ်ႈၵုမ်းၵမ်ၶိုၼ်း တႃႇ...

တၢင်းပဵၼ်လိူတ်ႈသုင်ၼႆႉ ပဵၼ်တၢင်းပဵၼ်ဢၼ်ၸၢင်ႈၵူတ်ႇထတ်းႁူႉလႆႈငၢႆႈ - ”ၽွင်းႁႅင်းလိူတ်ႇႁဝ်းသုင်လိူဝ် ၵဝ်ႇသေ ပဵၼ်ထပ်းတၢမ်းၵၼ် ႁိုင်ၼၢၼ်း”  ။ ၸုမ်းပၢႆးယူႇလီလုမ်ႈၾႃႉ  WHO  လႆႈမၵ်းမၼ်ႈမိူဝ်ႈပီ 1999 ဝႆႉဝႃႈ ၽႂ်သေဢမ်ႇဝႃႈ တီႈမီးႁႅင်းလိူတ်ႈသုင်လိူဝ် 140/90  မီႊလီႊမီႊတႃႊပရွတ်ႇ (ဢမ်ႇၼၼ် မီႊလီႊမီႊတႃႊ မႃႊၵိဝ်ႊရီႊ  mm Hg ) သွၼ်ႇဝႃႈပဵၼ်တၢင်းပဵၼ်လိူတ်ႈသုင်။...

ဝၼ်းတီႈ 14/05/2025 တႄႇဢဝ်ယၢမ်းၵၢင်ဝၼ်းတေႃႇထိုင် ဝၢႆးဝၼ်း 3 မူင်း ၵူၼ်းႁဵတ်းၵၢၼ်ႁူင်း ၸၢၵ်ႈၶႅပ်းတိၼ် ၶျၢၼ်းယီႇ 6,000 ပၢႆ တီႈဝဵင်းတႃႈၵုင်ႈ ဢွၼ်ၵၼ်ၼႄၵၢင်ၸႂ် တုၵ်းယွၼ်းႁႂ်ႈၶိုၼ်ႈ ပၼ် ၵႃႈႁႅင်းလၢႆးဝၼ်းလႄႈ ငိုၼ်းလိူၼ် ဝႃႈၼႆ။  ႁူင်းၸၢၵ်ႈၶႅပ်းတိၼ် ၶျၢၼ်းယီႇၼႆႉ မီးတီႈ ပွၵ်ႉႁူင်းၸၢၵ်ႈ ဢၼေႃႇရထႃႇ သဵၼ်ႈတၢင်းၸိတ်ႉၵၢၼ်းတႃႇ (ဆိပ်ကမ်းသာလမ်း)...

ရူတ်ႉၵႃးလမ်းၼိုင်ႈ တၢင်ႇႁႅင်းၵၢၼ်မိူင်းမၢၼ်ႈ 15 ၵေႃႉသေ ၶဝ်ႈၼႂ်းမိူင်းထႆးဢမ်ႇမႅၼ်ႈတၢင်းၵၢၼ် ၺႃးၸဝ်ႈၼႃႈတီႈထႆး တီႉၺွပ်းလႆႈ ဝႃႈၼႆ။ ဝၼ်းတီႈ 13/05/2025 ယၢမ်းၵၢင်ၶမ်ႈ ၸဝ်ႈၼႃႈတီႈထႆး ၸိူဝ်းပႂ်ႉဢဝ်ႁူမ်ႇလူမ်ႈ ၼႂ်းၸႄႈတွၼ်ႈ ၵၼ်ၶျၼပူႊရီႊ ဢၢၼ်းတေၵူတ်ႇထတ်း ရူတ်ႉၵႃးလမ်းၼိုင်ႈ ဢၼ်တၢင်ႇႁႅင်းၵၢၼ်မိူင်းမၢၼ်ႈဝႆႉ။ ၸဝ်ႈၵႃး ဢမ်ႇယွမ်းၵိုတ်းသေ ႁေႃႈပၢႆႈ။ ဝၢႆးပလိၵ်ႈ လမ်းၸွမ်းတၢင်းလင် ရူတ်ႉၵႃးၼၼ်ႉ တမ်ၶဝ်ႈၵႂႃႇၼႂ်းသူၼ်ဢွႆႈသေ ၺႃးတီႉၺွပ်း...

ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉ ဢွၵ်ႇၶၢဝ်းတၢင်းၵႂႃႇ မိူင်းသေႃႇတီႇဢႃႇ ရေးပီႊယႃး (Saudi Arabia) ပွၵ်ႈၼႆႉ လႆႈၶေႃႈတူၵ်းလူင်း တႃႇတေၶၢႆၶိူင်ႈယိပ်းၵွင်ႈၵၢင်ႇပၼ် မိူင်းသေႃႇတီႇ ၵိုင်ႇငိုၼ်းဢမေႊရိၵၼ်ႊတေႃႊလႃႊ 142 ပီႊလီႊယႅၼ်ႊ ဝႃႈၼႆ။ ၶၢဝ်းတၢင်းၸွမ်ၸိုင်ႈ ထရမ်ႉ ပွၵ်ႈၼႆႉ ယိူင်းဢၢၼ်း တႃႇတေလႆႈၶေႃႈတူၵ်းလူင်း လွင်ႈယုၵ်ႉမုၼ်း ၵၢၼ်လူင်းတိုၼ်းလၢင်း ၼႂ်းၵႄႈၵၢင်မိူင်းဢမေႊရိၵၼ်ႊလႄႈတင်း ၸိုင်ႈမိူင်းၸိူဝ်းမၢၵ်ႈမီး။ ႁိူၼ်းႁေႃၶၢဝ်...

ဢီႊလွၼ်ႊမၢၵ်ႉသ် (Elon Musk) ၽူႈၵေႃႇတင်ႈလႄႈ ၽူႈၵုမ်းၵၢၼ် Space X ၊ ၽူႈၶူင်ႁဵတ်းဢွၵ်ႇရူတ်ႉၵႃး Tesla လႄႈ ၵဵဝ်ႇၵပ်းလွင်ႈၸႂ်ႉတိုဝ်း AI လၢႆလၢႆဢၼ် ပိုၼ်ၽၢဝ်ႇဝႃႈ ၼႂ်းပီ 2026 ၼႆႉ တေသူင်ႇၶိူင်ႈမိၼ်လၢဝ်ပွမ် Starship ၶိုၼ်ႈလၢဝ်ဢင်းၵၢၼ်း (Mars Planet) ဝႃႈၼႆ။ ၶူင်းၵၢၼ်ၼႆႉ ပဵၼ်တႃႇသူင်ႇၵူၼ်းၸၢၵ်ႈ...