ရူတ်ႉၵႃးလမ်းၼိုင်ႈ တၢင်ႇႁႅင်းၵၢၼ်မိူင်းမၢၼ်ႈ 15 ၵေႃႉသေ ၶဝ်ႈၼႂ်းမိူင်းထႆးဢမ်ႇမႅၼ်ႈတၢင်းၵၢၼ် ၺႃးၸဝ်ႈၼႃႈတီႈထႆး တီႉၺွပ်းလႆႈ ဝႃႈၼႆ။
ဝၼ်းတီႈ 13/05/2025 ယၢမ်းၵၢင်ၶမ်ႈ ၸဝ်ႈၼႃႈတီႈထႆး ၸိူဝ်းပႂ်ႉဢဝ်ႁူမ်ႇလူမ်ႈ ၼႂ်းၸႄႈတွၼ်ႈ ၵၼ်ၶျၼပူႊရီႊ ဢၢၼ်းတေၵူတ်ႇထတ်း ရူတ်ႉၵႃးလမ်းၼိုင်ႈ ဢၼ်တၢင်ႇႁႅင်းၵၢၼ်မိူင်းမၢၼ်ႈဝႆႉ။ ၸဝ်ႈၵႃး ဢမ်ႇယွမ်းၵိုတ်းသေ ႁေႃႈပၢႆႈ။
ဝၢႆးပလိၵ်ႈ လမ်းၸွမ်းတၢင်းလင် ရူတ်ႉၵႃးၼၼ်ႉ တမ်ၶဝ်ႈၵႂႃႇၼႂ်းသူၼ်ဢွႆႈသေ ၺႃးတီႉၺွပ်း တင်းသဵင်ႈ၊ ပဵၼ်ႁႅင်းၵၢၼ်မိူင်းမၢၼ်ႈ 15 ၵေႃႉ ဢမ်ႇမီးဝတ်းဝႂ်သင်လႄႈ ၵူၼ်းၶပ်းၵႃး ပဵၼ်ၵူၼ်းထႆး ဢႃယု 31 ပီ။
ၽွင်းမိူဝ်ႈၸဝ်ႈၼႃႈတီႈထႆး သိုပ်ႇၵူတ်ႇထတ်းၼၼ်ႉ လႆႈႁူႉဝႃႈ ၵူၼ်းၶပ်းၵႃး ၵူၼ်းထႆးၼၼ်ႉ ၵိၼ်ယႃႈမဝ်းၵမ်ဝႆႉ – သိုဝ်ႇၶၢဝ်ႇ Khit Thit Media ဢွၵ်ႇဝႆႉၼင်ႇၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ