ၾူၼ်တူၵ်းထပ်းၵၼ်လၢႆလၢႆဝၼ်း တီႈၸႄႈဝဵင်းယွင်ႁူၺ်ႈ ၸိုင်ႈတႆးပွတ်းၸၢၼ်း ၼမ်ႉၼႂ်းၼွင်ယိုင်ႈၶိုၼ်ႈ၊ သူၼ်ၽုၵ်ႇသွမ်ႈၵမ်ႈၽွင်ႈ လူႉၵွႆ ။ ၸဝ်ႈသူၼ်ၽုၵ်ႇသွမ်ႈၼႂ်းပိုၼ်ႉတီႈၵေႃႉၼိုင်ႈလၢတ်ႈဝႃႈ တူၼ်ႈၵႃႈတူၼ်ႈဢွၼ်ႇ ဢၼ်တိုၵ်ႉႁုၼ်ႈၶိုၼ်ႈမႃးၼၼ်ႉ ၺႃးၼမ်ႉၾူၼ်ၼမ်သေ လူႉၵွႆ၊ မိူၼ်ၼင်ႇၼႂ်းၼွင်ႁၢႆးယႃႈသမ်ႉ သူၼ်မၢၵ်ႇၶိူဝ်သူမ်ႈၸိူဝ်းၼႆႉ လူႉၵွႆလၢႆလၢႆသူၼ်၊ လွၵ်းၼႃးၵေႃႈၸၢင်ႈမီးလွင်ႈလူႉသုမ်းၵမ်ႈၽွင်ႈ၊ ယွၼ်ႉဝႃႈ ၼမ်ႉၼႂ်းၼွင် ယိုင်ႈၶိုၼ်ႈမႃးမွၵ်ႈ 3-4ထတ်း ဝႃႈၼႆ။ ဢၼ်ၺႃးၾူၼ်ၼမ်သေ လူႉၵွႆၵႂႃႇၵမ်ႈၼမ်ၼႆႉ ပဵၼ်သူၼ် မၢၵ်ႇၶိူဝ်သူမ်ႈ လႄႈ...

သၽႃးမိူင်းၵမ်ႊပေႃႊတီႊယိူဝ်ႊ ယိုၼ်ယၼ်မၵ်းမၼ်ႈ ပၵ်းပိူင်ၵူၼ်းမိူင်းတေလႆႈႁၢပ်ႇၵၢၼ်သိုၵ်း ဢၼ်ၶိုၼ်းၶဵၼ်ႇတႅမ်ႈမူၼ်းမႄးမႂ်ႇဝႆႉၼၼ်ႉ ပဵၼ်တၢင်းၵၢၼ်။ ၸွမ်ၽွင်းလူင် မိူင်းၵမ်ႊပေႃႊတီႊယိူဝ်ႊ ပိုၼ်ၽၢဝ်ႇဝႃႈ တေတႄႇႁွင်ႉၵူၼ်းသိုၵ်းမႂ်ႇၵႂႃႇ ၼႂ်းပီ 2026 ၼႆႉ ဝႃႈၼႆ။ မိူင်းၵမ်ႊပေႃႊတီႊယိူဝ်ႊၼႆႉ ၶဵၼ်ႇတႅမ်ႈပၵ်းပိူင် ၵူၼ်းမိူင်းတေလႆႈႁၢပ်ႇၵၢၼ်သိုၵ်းမႃး ၸဵမ်မိူဝ်ႈပီ 2006 ။ ယူႇတီႈသၽႃးၵေႃႈ မၵ်းမၼ်ႈပၼ်ဝႆႉယဝ်ႉသေတႃႉ ဢမ်ႇပႆႇလႆႈဢဝ်မႃးၸႂ်ႉတိုဝ်း ပဵၼ်တၢင်းၵၢၼ်သေပွၵ်ႈ။ ထိုင်မႃးၼႂ်းဝၼ်းတီႈ 12...

သဵၼ်ႈတၢင်းလူင် ၵႄႈၵၢင် ၵဵင်းတုင် - မိူင်းၽျၢၵ်ႈ လႄႈ မိူင်းပဵင်း ၸိူဝ်းပဵၼ်တၢင်းၵူတ်ႉငွၵ်း ၸွမ်းသၼ်လွႆ ၼႂ်းမိူင်းတႆးပွတ်းဢွၵ်ႇၼႆႉ ၸဝ်ႈၼႃႈတီႈၶဝ် မႄးသဵၼ်ႈတၢင်းပႆႇယဝ်ႉတူဝ်ႈလႄႈ ပေႃးၾူၼ်တူၵ်းၸိုင် ႁဵတ်းႁႂ်ႈရူတ်ႉၵႃးၵႂႃႇမႃး ယၢပ်ႇၽိုတ်ႇလိူဝ်ၸႂ်ႁႅင်း ၼႆယဝ်ႉ။ ၵူၼ်းႁေႃႈရူတ်ႉၵႃးတၢင်ႇၶူဝ်းၵုၼ်ႇ လုၵ်ႉမိူင်းတႆးပွတ်းဢွၵ်ႇၵႂႃႇတၢင်းမိူင်းတႆးပွတ်းၸၢၼ်း လၢတ်ႈၼႄတီႈၽူႈတွႆႇႁွၵ်ႈဝႃႈ “ပေႃးၾူၼ်တူၵ်းၼႆ ၵႃးၸိူဝ်းတႆႇၼိူဝ်သဵၼ်ႈတၢင်းၼၼ်ႉ လႆႈၾၢင်ႉႁႄ ႁေႃႈတေႉတေႉ။ ပေႃးပဵၼ် ၵႃးလူင်...

မိူဝ်ႈဝႃး ဝၼ်းတီႈ 13 လိူၼ်မေႊ ၵၢင်ဝၼ်း ၸဝ်ႈႁၢၼ်ႉၶၢႆၶမ်း ၵေႃႉၼိုင်ႈ ၺႃးၸူၼ် တီႈဝဵင်းၵဵင်းတုင် မိူင်းတႆးပွတ်းဢွၵ်ႇ၊ ၸူၼ်ၼၼ်ႉ လၢၵ်ႈၵွင်ႈယိုဝ်းမၼ်းၸၢႆးယဝ်ႉ ႁိမ်ဢဝ် ၶူဝ်းငိုၼ်းၶူဝ်းၶမ်းလႄႈ ၵႃးမၼ်းၸၢႆး ႁေႃႈပၢႆႈၵႂႃႇ ဝႃႈၼႆ။ မိူဝ်ႈဝႃးၵၢင်ဝၼ်း မွၵ်ႈ 1 မူင်းပၢႆၼႆႉ ၸဝ်ႈႁၢၼ်ႉၶၢႆၶမ်း ၶေႇမရတ်ႉ ပိၵ်ႉႁၢၼ်ႉၶမ်း တီႈၵၢတ်ႇသေ...

မိူဝ်ႈဝႃး ဝၼ်းတီႈ 12 လိူၼ်မေႊ ၶၢဝ်းၵၢင်ၼႂ် ႁူဝ်ႉဢုတ်ႇၵူၼ်ႇတဵင်သႂ်ႇ ၼၢင်းယိင်းသွင်ၵေႃႉ တီႈဝဵင်း  ပၢင်းတလႃႉ (ပၢင်လႃႈ) ၸိုင်ႈတႆးပွတ်းၸၢၼ်း၊ ၼၢင်းယိင်း တၢႆထင်တီႈၵေႃႉၼိုင်ႈ မၢတ်ႇၸဵပ်းႁႅင်း ၵေႃႉၼိုင်ႈ လႆႈႁၢမ်သူင်ႇႁူင်းယႃဝႆႉ ဝႃႈၼႆ။ ၼၢင်းယိင်းသွင်ၵေႃႉၼၼ်ႉ ပဵၼ်ၵူၼ်းၶၢႆၶူဝ်းၼႂ်းၵၢတ်ႇ။ ၽွင်းမိူဝ်ႈတိုၵ်ႉပၢႆးၶၢႆ ႁိမ်းၶၢင်ႈႁူဝ်ႉဢုတ်ႇ ဢၼ်မီးတၢင်းယၢဝ်း 16 ထတ်း တၢင်းသုင်...

ဢွၼ်ႇယိင်းဢႃယု 14 ၶူပ်ႇ ၵူၼ်းဝၢၼ်ႈတပိၼ်ႇပျေႃႇ ဝဵင်းယႂႃႇငၢၼ်ႇ (ဝၢၼ်ႈငႂ်ႈ) ၸိုင်ႈတႆးပွတ်းၸၢၼ်း  ထုၵ်ႇႁဵတ်းႁၢႆႉၵၼ်ႉၸၼ် ၽွင်းၵႂႃႇသူၼ်   ။ ၼႂ်းဝၼ်းတီႈ 7/5/2026 ယၢမ်းၵၢင်ဝၼ်း ၽွင်းဢွၼ်ႇယိင်းၵႂႃႇသူၼ် ထုၵ်ႇ ၵူၼ်းၸၢႆးၸိုဝ်ႈ မွင်ႇတူး ဢႃယု 40 ပၢႆၼၼ်ႉ ၵၼ်ႉၸၼ်ပေႃႉထုပ်ႉ ဢွၼ်ႇယိင်း တီႈၼႂ်းထိူၼ်ႇ ႁိမ်းဝၢၼ်ႈတပိၼ်ႇပျေႃႇ။ ယၢမ်းလဵဝ်...

ၵူၼ်းၼွၵ်ႈမိူင်း ၸိူဝ်းဢဝ် ဝီႊသႃႊ Visa 60 ဝၼ်းသေ ၶဝ်ႈမႃးၼႂ်းမိူင်းထႆးယဝ်ႉ ႁဵတ်းၵၢၼ်ဢမ်ႇထုၵ်ႇမႅၼ်ႈၸွမ်း ပၵ်းပိူင်ၼမ်ၶိုၼ်ႈမႃးၵူႈမိုဝ်ႉၵူႈဝၼ်းလႄႈ ႁွင်ႈၵၢၼ်ၽွင်းလူင်ၼွၵ်ႈမိူင်း မိူင်းထႆး ႁၢင်ႈႁႅၼ်း တေလူတ်းယွၼ်ႇၶိုၼ်း သုၼ်ႇလႆႈ Free Visa 60 ဝၼ်း ႁႂ်ႈပဵၼ်ၵႂႃႇ 30 ဝၼ်းၵူၺ်းယဝ်ႉဝႃႈၼႆ ။ ၽွင်းလူင်ၾၢႆႇၼွၵ်ႈမိူင်း မိူင်းထႆး သီႊႁသၵ်ႊ...

ၶၢဝ်ႇထႆး The Nation Thailand ႁၢႆးငၢၼ်းဝႆႉ ၼႂ်းဝၼ်းတီႈ 10 လိူၼ်မေႊၼႆႉဝႃႈ ထူပ်းႁၼ်ၶႆႇမူင်ႈမႅင်း လႄႈ တူဝ်မူင်ႈမႅင်းတၢင်းပဵၼ် တီႈၽၵ်းယွတ်ႈၼၢင်းၶဵဝ် ဢၼ်ၵူၼ်းမိူင်းထႆး ၵႆႉဢွၼ်ၵၼ်ၵိၼ်ယူႇၵူႈဝၼ်း။ ယွၼ်ႉၼၼ် ႁႂ်ႈဢွၼ်ၵၼ်ၾၢင်ႉသေ ၵိၼ်ၽၵ်းၶဵဝ် ဢၼ်လိပ်း ဝႃႈၼႆ။ လွင်ႈၼႆႉ ဢိင်ၼိူဝ်ၶေႃႈမုလ်း တီႈႁွင်ႈၵၢၼ်ၾၢႆႇပၢႆးသၢႆႊ ယႃႈယႃ၊ ႁွင်ႈၵၢၼ်ၾၢႆႇပၢႆးယူႇလီ လႄႈ...

ဝၢႆးလင်သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်း 2021 မႃး ၼႂ်းမိူင်းတႆးပွတ်းဢွၵ်ႇ လႄႈ မိူင်းတႆးပွတ်းၸၢၼ်း ၵူၼ်းၵိၼ်ၼမ်ႉၵထွမ်ႉ ၵိုင်ႉၵၢင်ႉလိူင်ႇၼမ်မႃးႁႅင်း မီးပႃးၵူၼ်းၼုမ်ႇၸိူဝ်း ဢႃႇယုပႆႇတဵမ် 18 ။ ၼမ်ႉၵထွမ်ႉၼႆႉ ပဵၼ်သႅၼ်းယႃႈမဝ်းၵမ် မဵဝ်းၼိုင်ႈသေ မၢင်ၸိူဝ်း ဢဝ်သႂ်ႇလေႃး ၼမ်ႉဝၢၼ် ၼမ်ႉသူႇရႃႇ မိူၼ်ၼင်ႇ ပီႇယႃႇ လႄႈ လဝ်ႈၵူႈသႅၼ်းသႅၼ်းသေ ၵိၼ်ၵေႃႈမီး။ ယၢမ်းလဵဝ် ၼၢင်းယိင်းသႅၼ်းသိၵ်ႉႁိၵ်ႉ...

မိူဝ်ႈဝႃး ဝၼ်းတီႈ11/5/2026 ယၢမ်းႁူဝ်ၶမ်ႈ 5 မူင်း 50 ၼၼ်ႉ  ၵူၼ်းၸၢႆးၵေႃႉၼိုင်ႈယူႇဝၢၼ်ႈ ပၢင်ႇႁႆႈ ဢိူင်ႇၼႃးဢၢႆႈၶၢၼ်ႉ ၸႄႈဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ   ယႃႉမၢၵ်ႇဢၼ် မၼ်းၸၢႆး ၵဵပ်းမႃးၼၼ်ႉလႄႈ ႁဵတ်းႁႂ်ႈတႅၵ်ႇၽူင်ႉသႂ်ႇ  တၢႆ ထင်တီႈ  ။ မၼ်းၸၢႆးပဵၼ် ၸၢႆးထုၼ်းႁၢၼ်ႇ ဢႃယု 33 ပီ ။...

ပေႃးထိုင်မႃး ၼႂ်းပီ 2029 မိူင်းတီႇမေႃး (Timor Leste) တေႁပ်ႉႁဵတ်းပဵၼ်ႁူဝ်ပဝ်ႈ ၸုမ်းဢႃႊသီႊယၼ်ႊ ဝႃႈၼႆ။ မိူင်းတီႇမေႃးၼႆႉ တိုၵ်ႉမႃးၶဝ်ႈႁူမ်ႈပဵၼ်လုၵ်ႈၸုမ်း ဢႃႊသီႊယၼ်ႊ မိူဝ်ႈလိူၼ် ဢွၵ်ႊထူဝ်ႊပိူဝ်ႊ ပီၵၢႆ၊ ယၢမ်းလဵဝ် ၼႂ်းဢႃႊသီႊယၼ်ႊ မိူင်းၶဝ်ႈၸုမ်းတင်းမူတ်း မီး 11 မိူင်း။ လွင်ႈ မိူင်းတီႇမေႃး တေႁပ်ႉႁဵတ်းပဵၼ် ႁူဝ်ပဝ်ႈ...

ႁူဝ်လိူၼ်မေႊၼႆႉ ၸုမ်းသိုၵ်းဝႃႉ ၸုမ်းသိုၵ်းမိူင်းလႃး လႄႈ ၸုမ်းသိုၵ်းမၢၼ်ႈ တီႉၺွပ်းဢဝ် ၵူၼ်းမိူင်းၶႄႇ ၸိူဝ်းၶဝ်ႈမႃးႁဵတ်းၵၢၼ်လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆး (ၵျႃႊ ၽျႅၼ်ႉ) သူင်ႇမွပ်ႈပၼ်ၶိုၼ်းတီႈ လူင်ပွင်ၸိုင်ႈမိူင်းၶႄႇ။ မိူဝ်ႈဝႃး ဝၼ်းတီႈ 11/5/2026 ယၢမ်းၵၢင်ၼႂ် သိုၵ်းမၢၼ်ႈဢဝ်ၵူၼ်းႁဵတ်းၵၢၼ်ၵျႃႊၽျႅၼ်ႉ ၵႂႃႇမွပ်ႈသူင်ႇ ပၼ်ၶိုၼ်းတီႈ လူင်ပွင်ၸိုင်ႈမိူင်းၶႄႇ တီႈၽၵ်းတူၶၢမ်ႈလႅၼ်လိၼ် မိူင်းမၢၼ်ႈ-မိူင်းၶႄႇ ၵဵတ်ႉလၢၼ်ႇမၢၼ်ႈဝဵင်း ။ ၵူၼ်းမိူင်းပိုၼ်ႉတီႈ ၼႂ်းၸႄႈဝဵင်းမူႇၸေႊ...

သိုၵ်းၶႄႇၵဝ်ႈၵၢင်ႉ ၸိူဝ်းၵုမ်းၵမ် ပၼ်ႇၵၢၼ်ၽွင်းငမ်း ၸႄႈဝဵင်းသႅၼ်ဝီဝႆႉ ပဵၼ်တၢင်းၵၢၼ်ယူႇ ဝၢႆးလင်ပၢင်တိုၵ်း ၽႅၼ်ၵၢၼ်ယၼ်ႇသိုၵ်း 1027 မႃးၼၼ်ႉ ယၢမ်းလဵဝ် ႁၢင်ႈႁႅၼ်း ၶိုင်ပွင်တႃႇႁဵတ်းသဵၼ်ႈတၢင်းမႂ်ႇထႅင်ႈသဵၼ်ႈၼိုင်ႈ ႁႂ်ႈရူတ်ႉၵႃးလူင် ပၼ်ႇလဵပ်ႈဢွမ်ႈၵၢင်ဝဵင်း ယႃႇႁႂ်ႈရူတ်ႉၵႃးတေႃႉတၢင်ႇၵုၼ်ႇ လတ်းၶဝ်ႈၼႂ်းၵၢင်ဝဵင်းသႅၼ်ဝီၵႂႃႇမႃး ၼႆယဝ်ႉ။ ႁူဝ်လိူၼ်မေႊ ဝူင်ႈထီႉၼိုင်ႈၼႆႉ လႆႈႁၼ်ႁၢင်ႈၽႅၼ်ႇလိၼ် ၵၢၼ်ဝၢင်းၽႅၼ်ၶွင် ၸုမ်းသိုၵ်းၵဝ်ႈၵၢင်ႉ ၸိူဝ်းၵႂႃႇလူင်းပိုၼ်ႉတီႈထတ်း ဢွင်ႈတီႈတေၸၢင်ႈၸတ်းႁဵတ်း သဵၼ်ႈတၢင်းမႂ်ႇ...

လူင်ပွင်ၸိုင်ႈမိူင်းၶႄႇ ပိုၼ်ၽၢဝ်ႇဢွၵ်ႇမႃးပဵၼ်တၢင်းၵၢၼ် ၵဵဝ်ႇလူၺ်ႈၶၢဝ်းတၢင်း ၸွမ်ၸိုင်ႈ မိူင်းဢမေႊရိၵၼ်ႊ တေႃႊၼႄႊလ်ထရမ်ႉ တေၵႂႃႇတီႈမိူင်းၶႄႇ။ ႁိူၼ်းႁေႃၶၢဝ် မိူင်းဢမေႊရိၵၼ်ႊၵေႃႈ ပိုၼ်ၽၢဝ်ႇဝႆႉဝႃႈ ၼႂ်းၵၢင်လိူၼ်မေႊၼႆႉ ၸွမ်ၸိုင်ႈထရမ်ႉ တေဢွၵ်ႇၶၢဝ်းတၢင်းၵႂႃႇတီႈမိူင်းၶႄႇၼႆသေတႃႉ ၾၢႆႇမိူင်းၶႄႇတႄႉ တိုၵ်ႉယိုၼ်ယၼ်ပိုၼ်ၽၢဝ်ႇဢွၵ်ႇမႃး ၼႂ်းဝၼ်းတီႈ 11 လိူၼ်မေႊ (မိူဝ်ႈၼႆႉ)ၵူၺ်း။ သိုဝ်ႇၶၢဝ်ႇ သျိၼ်ႊႁႂႃႊ လူင်ပွင်ၸိုင်ႈမိူင်းၶႄႇ ႁၢႆးငၢၼ်းဝႆႉဝႃႈ - ၼႂ်းဝၼ်းတီႈ 13...

ၸွမ်ၸိုင်ႈမိူင်းရတ်ႉသျႃး ပူႊတိၼ်ႊ လၢတ်ႈဝႃႈ - ပၼ်ႁႃပၢင်တိုၵ်းသိုၵ်းသိူဝ် ၵႄႈၵၢင် ရတ်ႉသျႃး တင်း ယူႊၶရဵၼ်ႊ ၸမ်တေယဝ်ႉတူဝ်ႈယဝ်ႉ ဝႃႈၼႆ။ ၸွမ်ၸိုင်ႈရတ်ႉသျႃးလၢတ်ႈၵႂႃႇ ၽွင်းမိူဝ်ႈႁူပ်ႉထူပ်းၵၼ်တင်း ၸုမ်းသိုဝ်ႇၶၢဝ်ႇ ၼႂ်းဝၼ်းတီႈ 9 လိူၼ်မေႊ ဝၼ်းပၢင်ၵႅဝ်ႈ ဢွင်ႇပေႉသိုၵ်း။ မိူဝ်ႈသိုၵ်းလုမ်ႈၾႃႉ ပွၵ်ႈၵမ်း 2 ၼၼ်ႉ သူဝ်ႊပီႊယႅတ်ႉ ယူႊၼီႊယမ်ႊ...