ၼႂ်းဝၼ်းတီႈ 13/06/2025 (ဝၼ်းသုၵ်း) ၼႆႉ လူမ်းလႅင်ႉတၢႆႇၾူၼ်း ဝူႇတိတ်ႉ ၽတ်ႉထွင်းၶဝ်ႈတီႈမိူင်းၶႄႇ ပွတ်းၸၢၼ်း ၵူၼ်းမိူင်းၼပ်ႉႁူဝ်မိုၼ်ႇ လႆႈငိူင်ႉပၢႆႈတီႈလွတ်ႈၽေးဝႆႉ၊ ႁူင်းႁဵၼ်း၊ သၢႆသဵၼ်ႈတၢင်းလႄႈ သၢႆ ၵၢၼ်မိၼ်ၵမ်ႈၼမ် လႆႈပိၵ်ႉဢိုတ်းဝႆႉ ဝႃႈၼႆ။ တီႈၸႄႈတွၼ်ႈလႄႈ ဝဵင်း 6 တီႈ ၼႂ်းမိူင်းၶႄႇ ႁူပ်ႉၽေးလူမ်းလႅင်ႉ တၢႆႇၾူၼ်းဝႆႉသေ ၾူၼ်တူၵ်းႁႃႇယႂ်ႇ။...

ၶွမ်ႈပၼီႊသၢႆၵၢၼ်မိၼ် Qantas မိူင်းဢေႃႊသတြေႊလီႊယိူဝ်ႊ (Australia) ပိုၼ်ၽၢဝ်ႇလၢတ်ႈၵႂႃႇ ၼႂ်းဝၼ်းတီႈ 11/06/2025 ၼႆႉဝႃႈ - ၼႂ်းလိူၼ်တေမႃးၼႆႉ တေပိၵ်ႉဢိုတ်းပႅတ်ႈ သၢႆၵၢၼ်မိၼ်ၵႃႈ ၶၼ်ထုၵ်ႇ (Low-cost airline) ဢၼ်ပဵၼ်သၢႆၵၢၼ်မိၼ် Jetstar Asia ၼၼ်ႉယဝ်ႉ ဝႃႈၼႆ။ လွင်ႈၼႆႉ ပဵၼ်ယွၼ်ႉလႆႈၸၢႆႇၵႃႈသၢႆၵၢၼ်မိၼ် ၶိုၼ်ႈသုင်မႃး၊ လိူဝ်ၼၼ်ႉ လႆႈၶႅင်ႇၵၼ်တင်း...

ၼုမ်ႇၸၢႆးမိူင်းမၢၼ်ႈၵေႃႉၼိုင်ႈ ၶိုင်ဢၢၼ်းၵၼ်ႉၸၼ်လူလၢႆ ၼၢင်းယိင်း ၵေႃႉၼိုင်ႈ ဢၼ်ၵႂႃႇမႃးတီႈၼိူဝ်သဵၼ်ႈတၢင်း ၼႂ်းဝဵင်းႁီႇရူဝ်ႇသျီးမႃး၊ မိူင်းၵျပၼ်ႊ၊ ၺႃးပလိၵ်ႈတီႉၺွပ်းဝႆႉ ဝႃႈၼႆ။ ၼုမ်ႇၸၢႆး ၵူၼ်းမိူင်းမၢၼ်ႈၼၼ်ႉ ဢႃယု မီး 23 ပီ၊ ယိပ်းဝႆႉဝီႊသႃႊ(Visa) ၾိုၵ်းၵၢၼ်သေ ယူႇသဝ်းဝႆႉ ၼႂ်းမိူင်းၵျပၼ်ႊ။ ၸဝ်ႈၼႃႈတီႈပလိၵ်ႈၶဝ် လၢတ်ႈဝႃႈ - မိူဝ်ႈဝၼ်းတီႈ 2 လိူၼ်မေႊ ၶၢဝ်းယၢမ်းၵၢင်ၶမ်ႈ...

ၾၢႆႇႁႄႉၵင်ႈတၢင်းပဵၼ်ၶူဝ်ႊဝိတ်ႉ ၼႂ်းမိူင်းထႆး ပိုၼ်ၽၢဝ်ႇၼႂ်းဝူင်ႈၼႆႉ မိူဝ်ႈဝၼ်းတီႈ 11/06/2025 ပူၼ်ႉမႃး ၼႆႉဝႃႈ - ၼႂ်းၶၢဝ်းတၢင်း 6 လိူၼ် ပီ 2025 ၼႆႉၵူၺ်း ၵူၼ်းၸပ်းတၢင်းပဵၼ်ၶူဝ်ႊဝိတ်ႉ ၶိုၼ်းမီး 4 သႅၼ်ပၢႆ ယဝ်ႉ ဢၼ်တိတ်းၸပ်းၼမ်သုတ်းပဵၼ်ၼႂ်းဝဵင်းလူင် မိူင်းၵွၵ်ႇ (ၵုင်းထဵပ်ႈ) ဝႃႈၼႆ။ တင်ႈတႄႇ ဝၼ်းတီႈ...

ဝၼ်းတီႈ 12/06/2025 ယၢမ်းၵၢင်ဝၼ်းၼႆႉ ၶိူင်ႈမိၼ် Air India ဢၼ်လုၵ်ႉတီႈဝဵင်းဢႃႇမၢတ်ႉတႃႇ ပၢတ်ႉ မိူင်းဢိၼ်ႊတီႊယိူဝ်ႊ တေမိၼ်ၵႂႃႇတီႈဝဵင်းလူင်လၼ်ႊတၼ်ႊ (London) ၼၼ်ႉ ယၢတ်ႇ တူၵ်းသႂ်ႇ ၼိူဝ်ႁူင်းသဝ်း လုၵ်ႈႁဵၼ်းၾၢႆႇပၢႆးမေႃယႃ ႁိမ်းဝၢင်းၶိူင်ႈမိၼ်ၼၼ်ႉသေ မီးၵူၼ်းလူႉတၢႆ 240 ပၢႆ ၊ ၵူၼ်းလွတ်ႈတၢင်းတၢႆ မီးၵေႃႉလဵဝ် ပဵၼ်ၵူၼ်းၸၢႆး...

တီႈဝဵင်း Los Angeles မိူင်းဢမေႊရိၵၼ်ႊပွတ်းတူၵ်းၼၼ်ႉ ၸဝ်ႈၼႃႈတီႈၶဝ် ၵူတ်ႇထတ်းတီႉၺွပ်း ၵူၼ်းၸိူဝ်းယူႇသဝ်းဢမ်ႇပဵၼ်တၢင်းၵၢၼ် ႁၢဝ်ႈႁႅင်း ထိုင်တီႈၵူၼ်းဢွၵ်ႇၼႄၵၢင်ၸႂ်သေ မီးပတိၵ်ႈၶၢတ်ႈၵၼ်တင်း ၽူႈမီးပုၼ်ႈၽွၼ်း ၾၢႆႇၵုမ်းၵမ် ၵူၼ်းၶဝ်ႈဢွၵ်ႇမိူင်းၶဝ် ၼႆယဝ်ႉ။ ၽူႈမီးပုၼ်ႈၽွၼ်းၾၢႆႇၵုမ်းၵမ် ၵူၼ်းၶဝ်ႈဢွၵ်ႇမိူင်းလႄႈ ႁွင်ႈၵၢၼ် ၾၢႆႇၵဵပ်းၶွၼ်ႇ (ICE)  မိူင်းဢမေႊရိၵၼ်ႊ လူင်းၵူတ်ႇထတ်းတီႉၺွပ်း ၼႂ်းဝဵင်းလႄႈ တီႈၵဵပ်းၶူဝ်း ဢွင်ႈတီႈ ၵူၼ်း...

ၽူႈလူင်ႉလႅၼ်ႇၾၢႆႇၶူၼ်ႉၶႂႃႉ မိူင်းၵျပၼ်ႊ ၶူင်သၢင်ႈႁဵတ်းဢွၵ်ႇ ၸေႈပလၢတ်ႉသတိတ်ႉ (Plastic) သႅၼ်းၼိုင်ႈ ဢၼ်ၸၢင်ႈၸိူမ်ႈႁၢႆၵႂႃႇလႆႈၼႂ်းၼမ်ႉ လူၺ်ႈၶၢၼ်ၶၢၼ်ဝႆးဝႆး ဝႃႈၼႆ။ ၵၢၼ်ၶူၼ်ႉၶႂႃႉ ၶူင်သၢင်ႈပွၵ်ႈၼႆႉ မုင်ႈမွင်းဝႃႈ - တေႁႄႉၵင်ႈပၼ် ယႃႇႁႂ်ႈၼမ်ႉပၢင်ႇလၢႆႇ ဝုၺ်ႇႁင်ႈ၊ ၼင်ႇႁိုဝ် ၸေႈပလၢတ်ႉသတိတ်ႉ (Plastic) တေဢမ်ႇပဵၼ်ၽေးတေႃႇတူဝ်သတ်း ၸိူဝ်းယူႇသဝ်း ၼႂ်းၼမ်ႉလႄႈ ၼႂ်းထိူၼ်ႇ။ ၽူႈလူင်ႉလႅၼ်ႇၾၢႆႇပၢႆးသၢႆႊၶဝ် ဢွၼ်ၵၼ်ၶူၼ်ႉၶႂႃႉ တႃႇတေႁဵတ်းဢွၵ်ႇ...

ဝၼ်းတီႈ 04/06/2025 ၼႂ်းဝၼ်းလဵဝ် ၵူၼ်းတိတ်းၸပ်းတၢင်းပဵၼ် ၶူဝ်ႊဝိတ်ႉ 19 ၼႂ်းမိူင်းထႆး မီး 2 မိုၼ်ႇပၢႆ လူႉတၢႆ 3 ၵေႃႉၼႆ - ႁွင်ႈၵၢၼ် ၾၢႆႇပၢႆးယူႇလီမိူင်းထႆး ပိုၼ်ၽၢဝ်ႇပဵၼ်တၢင်းၵၢၼ်ဝႆႉ ၼင်ႇၼႆ။ ၵူၼ်းတိတ်းၸပ်းတၢင်းပဵၼ် ၶူဝ်ႊဝိတ်ႉ 19 ၼႂ်းမိူင်းထႆး ၼႂ်းပီ 2025 တေႃႇထိုင်လိူၼ်ၵျုၼ်ႊ...

ဝၼ်းတီႈ 04/06/2025 ၼႆႉ တီႈႁိူၼ်းႁေႃၶၢဝ် မိူင်းဢမေႊရိၵၼ်ႊ ပိုၼ်ၽၢဝ်ႇဝႃႈ - ယူႇတီႈ မိူင်းဢမေႊရိၵၼ်ႊ ပိၵ်ႉဢိုတ်းပႅတ်ႈ လွင်ႈပၼ်ၶႂၢင်ႉၵူၼ်းမိူင်း 12 ၸိုင်ႈမိူင်း ၶဝ်ႈမိူင်းၶဝ် ၼႂ်းၼၼ်ႉ ပႃးၵူၼ်းမိူင်းမၢၼ်ႈ မိူင်းၼိုင်ႈ ဝႃႈၼႆ။ ၵူၼ်းမိူင်းမၢၼ်ႈ ၸိူဝ်းၸႂ်ႉဝီႊသႃႊဢႅဝ်ႇလႄႇ၊ ဝီႊသႃႊလုၵ်ႈႁဵၼ်းသေ ၶဝ်ႈၵႂႃႇယူႇသဝ်း ပူၼ်ႉလိူဝ် ၶၢဝ်းယၢမ်း ၼမ်ၶိုၼ်ႈမႃး၊ ၾၢႆႇၼိုင်ႈၵေႃႈ...

မိူဝ်ႈပီၵၢႆပူၼ်ႉမႃးၼႆႉ ၵၢၼ်ၵိူတ်ႇလဵင်ႉလုၵ်ႈဢွၼ်ႇ တီႈမိူင်းၵျပၼ်ႊ ယွမ်းလူင်းၵႂႃႇ ၾၢႆႇတႂ်ႈ 7 သႅၼ်၊ လွင်ႈၼႆႉ ပဵၼ်ပွၵ်ႈၵမ်းႁႅၵ်ႈ - လူင်ပွင်ၸိုင်ႈမိူင်းၵျပၼ်ႊ ပိုၼ်ၽၢဝ်ႇဝႆႉ ၼႂ်းဝၼ်းတီႈ 4 ၼႆႉ ၼင်ႇၼႆ။ တီႈမိူင်းၵျပၼ်ႊၼႆႉ ၼႂ်းပီ 2024 တင်းပီ လုၵ်ႈဢွၼ်ႇ ၸိူဝ်းၵိူတ်ႇမႂ်ႇ မီး 686,061 ၵေႃႉ၊...

ၼႂ်းဝၼ်းတီႈ 03/06/2025 ၼႆႉ မိူင်းၵူဝ်ႊရီႊယိူဝ်ႊၸၢၼ်း ၸတ်းႁဵတ်းပၢင်လိူၵ်ႈတင်ႈ ၸွမ်ၸိုင်ႈ ၵမ်းႁႅၵ်ႈ ဝၢႆးလင် ပဵၼ်ၵႂႃႇလွင်ႈပိုၼ်ၽၢဝ်ႇၸႂ်ႉတိုဝ်းပိူင်ၵၢၼ်သိုၵ်းၼၼ်ႉ လီႇၵျေႇမျွင်ႇ (Lee Jae-myung) ႁူဝ်ပဝ်ႈ ပႃႇတီႇ တီႇမူဝ်ႇၶရႅတ်ႉတိတ်ႉ (Democratic Party) လႆႈၶႅပ်းၵၢင်ၸႂ်ၼမ်လိူဝ်ပိူၼ်ႈသေ ဢွင်ႇပေႉပၢင်လိူၵ်ႈတင်ႈၵႂႃႇ ဝႃႈၼႆ။ မိူဝ်ႈၽွင်း ၼပ်ႉဢၢၼ်ႇၶႅပ်းၵၢင်ၸႂ် ယဝ်ႉတူဝ်ႈၵႂႃႇ 99.11 %...

ၼႂ်းဝူင်ႈဝၢင်ႈၼႆႉ ၸွမ်ၸိုင်ႈမိူင်းဢမေႊရိၵၼ်ႊ ၻူဝ်ႊၼေႃႊ ထရမ်ႉလႄႈ ၸွမ်ၸိုင်ႈမိူင်းၶႄႇ သျီၵျိၼ်ႉၽိင် တေဢုပ်ႇဢူဝ်းၵၼ် ၵဵဝ်ႇၵပ်းလွင်ႈ ၵၢၼ်ၵႃႉၶၢႆ ၼႂ်းၵႄႈသွင်ၸိုင်ႈမိူင်းၼႆ ၽူႈမီး ပုၼ်ႈၽွၼ်း တီႈႁိူၼ်းႁေႃၶၢဝ် ၵေႃႉၼိုင်ႈ ယိုၼ်ယၼ်လၢတ်ႈဝႆႉၼင်ႇၼႆ။ မိူဝ်ႈလိူၼ်မေႊ ပူၼ်ႉမႃးၼႆႉ ၵဵဝ်ႇၵပ်းလွင်ႈ ၵၢၼ်ၵႃႉၶၢႆသေ မိူင်းဢမေႊရိၵၼ်ႊတင်း မိူင်းၶႄႇ ႁူပ်ႉဢုပ်ႇၵၼ် တီႈၵျီႊၼီႊပႃ မိူင်းသုတ်ႊသလၼ်ႊ။ တီႈပၢင်ဢုပ်ႇဢူဝ်းၼၼ်ႉ...

ရူတ်ႉၵႃးထရႅၵ်ႉ တၢင်ႇၽိုင်ႈ လမ်းၼိုင်ႈ ပိၼ်ႈၶွမ်ႈ တီႈၼိူဝ်သဵၼ်ႈတၢင်းလူင် ၼႂ်းၸႄႈတွၼ်ႈ ဝေႃႊသျိၼ်ႊတၼ်ႊ မိူင်းဢမေႊရိၵၼ်ႊ - လႅၼ်လိၼ်တိတ်းၸပ်း မိူင်းၶၼေႊတိူဝ်ႊ။ ၽိုင်ႈ လွတ်ႈဢွၵ်ႇၵႂႃႇ 250 လၢၼ်ႉတူဝ်၊ ၸဝ်ႈၼႃႈတီႈၶဝ် ပၼ်ၾၢင်ႉၵူၼ်းမိူင်း ၸိူဝ်းယူႇသဝ်းၼႂ်းပိုၼ်ႉတီႈ ႁႂ်ႈငိူင်ႉဝႄႈ ဢွင်ႈတီႈ ပဵၼ်ၽေးၵိုင်ႉၵၢင်ႉၼၼ်ႉ ဝႃႈၼႆ။ ဝၢႆးလင် ပဵၼ်ၽေးၵိုင်ႉၵၢင်ႉယဝ်ႉ ၽူႈႁၢပ်ႇၵၢၼ်...

ၶိူင်ႈမိၼ်လဵပ်ႈယၢမ်း တပ်ႉလူမ်း မိူင်းၵူဝ်ႊရီႊယိူဝ်ႊၸၢၼ်း လမ်းၼိုင်ႈ ယၢတ်ႇတူၵ်း တီႈထုင်ႉပွတ်း ၸၢၼ်း မီးၵူၼ်းလူႉတၢႆ 4 ၵေႃႉ ဝႃႈၼႆ။ မိူဝ်ႈဝၼ်းတီႈ 29/05/2025 ၼႆႉ ၶိူင်ႈမိၼ်လဵပ်ႈယၢမ်း သႅၼ်း P-3 လမ်းၼိုင်ႈ တီႈပၢင်သဝ်း တပ်ႉလူမ်းဝဵင်းပူဝ်ႇႁၢၼ်ႇ (Pohang) မိူင်းၵူဝ်ႊရီႊယိူဝ်ႊၸၢၼ်း ၾိုၵ်းမိၼ်။ ဝၢႆးမိၼ်ၶိုၼ်ႈၵႂႃႇၼိူဝ်ၵၢင်ႁၢဝ် ႁိုင်မွၵ်ႈ...

ၾူၼ်တူၵ်းထပ်းၵၼ်လၢႆလၢႆဝၼ်း တီႈပွတ်းၵၢင်မိူင်းၼၢႆႇၵျီႊရီႊယိူဝ်ႊ ၼမ်ႉၼွင်းလုပ်ႇထူမ်ႈ ႁိူၼ်းယေးၵူၼ်းမိူင်းတင်းၼမ်လႄႈ မီးၵူၼ်းလူႉတၢႆ 110 ပၢႆ ။ တီႈဝဵင်းမူဝ်ႊဝႅပ်ႉ တီႈလဵဝ်ၵူၺ်း ယွၼ်ႉၼမ်ႉၼွင်းလုပ်ႇထူမ်ႈသေ လင်ႁိူၼ်း 50 ပၢႆ လႆလွင်ႈၸွမ်း ၼမ်ႉ လူႉၵွႆၵႂႃႇ။ ဢၼ်ၺႃးၽေးၼမ်ႉထူမ်ႈၼမ်သုတ်း ၼႂ်းမိူင်းၼၢႆႇၵျီႊရီႊယိူဝ်ႊၼႆႉ ပဵၼ်ၼႂ်းၸႄႈတွၼ်ႈ 3 ဢၼ်။ ၽေးၼမ်ႉထူမ်ႈၵမ်းၼႆႉ ၼႂ်းၶၢဝ်းတၢင်း 60...