ဝၼ်းတီႈ 04/06/2025 ၼႂ်းဝၼ်းလဵဝ် ၵူၼ်းတိတ်းၸပ်းတၢင်းပဵၼ် ၶူဝ်ႊဝိတ်ႉ 19 ၼႂ်းမိူင်းထႆး မီး 2 မိုၼ်ႇပၢႆ လူႉတၢႆ 3 ၵေႃႉၼႆ – ႁွင်ႈၵၢၼ် ၾၢႆႇပၢႆးယူႇလီမိူင်းထႆး ပိုၼ်ၽၢဝ်ႇပဵၼ်တၢင်းၵၢၼ်ဝႆႉ ၼင်ႇၼႆ။

ၵူၼ်းတိတ်းၸပ်းတၢင်းပဵၼ် ၶူဝ်ႊဝိတ်ႉ 19 ၼႂ်းမိူင်းထႆး ၼႂ်းပီ 2025 တေႃႇထိုင်လိူၼ်ၵျုၼ်ႊ ဝၼ်းတီႈ 5 ၼႆႉ ႁူမ်ႈသဵၼ်ႈမီး 3 သႅၼ်5 မိုၼ်ႇပၢႆ ၊ ၵူၼ်းလူႉတၢႆယွၼ်ႉတၢင်းပဵၼ်ၼႆႉ မီးဝႆႉ 76 ၵေႃႉ။

ၵူၼ်းတိတ်းၸပ်းတၢင်းပဵၼ် ၶူဝ်ႊဝိတ်ႉ 19 ၼႂ်းမိူင်းထႆး ၼမ်သုတ်းၼႆႉ ပဵၼ်တီႈမိူင်းၵွၵ်ႇ (ၵုင်းထဵပ်ႈ) 1,300 ပၢႆ၊ ၼူၼ်ႊထပူႊရီႊ 1,000 ပၢႆ၊ ၶျုၼ်ႊပူႊရီႊ 1,000 ပၢႆ၊ ၸရပူႊရီႊ 1,000 လႄႈ ရၢတ်ႉၶျပူႊရီႊ 900 ပၢႆ။

တီႈပွတ်းတူၵ်း ပၸိတ်ႉၾိတ်ႉ၊ ၸဵင်ႇၸၢၼ်းဝၼ်းဢွၵ်ႇ ဢေႊသျႃႊလႄႈ ထုင်ႉပွတ်းဢွၵ်ႇ ဢတ်ႊတႃႊလၼ်ႊတိတ်ႉ ၸိူဝ်းၼႆႉ လွင်ႈတိတ်းၸပ်းတၢင်းပဵၼ် ၶူဝ်ႊဝိတ်ႉ 19 ပုင်ႈၶိုၼ်ႈမႃးၼမ်ႁႅင်း ထိုင်တီႈငဝ်းလၢႆး လႆႈမႆႈၸႂ်ဝႆႉၼႆ – ၸုမ်းပၢႆးယူႇလီလုမ်ႈၾႃႉ WHO ၵေႃႈ ပၼ်ၾၢင်ႉဝႆႉၼင်ႇၼႆ။