ၶွမ်ႈပၼီႊသၢႆၵၢၼ်မိၼ် Qantas မိူင်းဢေႃႊသတြေႊလီႊယိူဝ်ႊ (Australia) ပိုၼ်ၽၢဝ်ႇလၢတ်ႈၵႂႃႇ ၼႂ်းဝၼ်းတီႈ 11/06/2025 ၼႆႉဝႃႈ – ၼႂ်းလိူၼ်တေမႃးၼႆႉ တေပိၵ်ႉဢိုတ်းပႅတ်ႈ သၢႆၵၢၼ်မိၼ်ၵႃႈ ၶၼ်ထုၵ်ႇ (Low-cost airline) ဢၼ်ပဵၼ်သၢႆၵၢၼ်မိၼ် Jetstar Asia ၼၼ်ႉယဝ်ႉ ဝႃႈၼႆ။

လွင်ႈၼႆႉ ပဵၼ်ယွၼ်ႉလႆႈၸၢႆႇၵႃႈသၢႆၵၢၼ်မိၼ် ၶိုၼ်ႈသုင်မႃး၊ လိူဝ်ၼၼ်ႉ လႆႈၶႅင်ႇၵၼ်တင်း သၢႆ ၵၢၼ်မိၼ်ၵႃႈၶၼ်ထုၵ်ႇ ဢၼ်မီးဝႆႉၼႂ်းပိုၼ်ႉတီႈ ၵုၼ်ၶဵဝ်ဢေးသျႃး ၸဵင်ႇၸၢၼ်းဝၼ်းဢွၵ်ႇ ၼမ် ၶိုၼ်ႈမႃးၸိူဝ်းၼႆႉ ဝႃႈၼႆ။

ၽူႈၶၢၼ်ပၢၵ်ႇ ၶွမ်ႊပၼီႊသၢႆၵၢၼ်မိၼ် Qantas ၵေႃႉၼိုင်ႈ လၢတ်ႈဝႃႈ –  သင်လႆႈပိၵ်ႉဢိုတ်းပႅတ်ႈ သၢႆၵၢၼ်မိၼ် Jetstar Asia ၼႂ်းလိူၼ်ၵျူႊလၢႆႊၼႆႉၸိုင် ၸၢင်ႈတုမ်ႉတိူဝ်ႉ ၵူၼ်းၸိူဝ်းပိုင်ႈဢိင်ၼိူဝ် ၵၢၼ်ငၢၼ်းဢၼ်ၼႆႉ တေႁၢမ်းၵၢၼ်ၵႂႃႇတႃႇ 500 ၵေႃႉ ၼႆယဝ်ႉ။

ၶွမ်ႊပၼီႊ Qantas တႄႇတင်ႈ သၢႆၵၢၼ်မိၼ် Jetstar Asia ၼႆႉမႃး ႁိုင်ၶၢဝ်းတၢင်း 20 ပီပၢႆယဝ်ႉ – သိုဝ်ႇၶၢဝ်ႇ DVB ဢွၵ်ႇဝႆႉၼင်ႇၼႆ။