ႁွင်ႈၵၢၼ် ၾၢႆႇၶူၼ်ႉၶႂႃႉၵၢင်ႁၢဝ်လႄႈလိူၼ်လၢဝ် မိူင်းထႆး NARIT (ၼႃႊရိတ်ႉ) ပိုၼ်ၽၢဝ်ႇဝႃႈ ဝၼ်းတီႈ 04/07/2025 မိူဝ်ႈၼႆႉပဵၼ်ဝၼ်းဢၼ်လူၵ်ႈလုမ်ႈၾႃႉလႄႈ ၵၢင်ဝၼ်း ယူႇႁၢင်ႇၵႆၵၼ်သုတ်းၼႂ်းႁွပ်ႈပီ ဝႃႈၼႆ။ ဝၼ်းမိူဝ်ႈၼႆႉ လႅတ်ႇဢွၵ်ႇၶၢဝ်းယၢမ်းၵၢင်ၼႂ် 5 မူင်း 55 မိၼိတ်ႉသေ ၵၢင်ဝၼ်းတူၵ်း ႁူဝ်ၶမ်ႈ 6 မူင်း 49 မိၼိတ်ႉ(ၶၢဝ်းယၢမ်းမိူင်းထႆး)။ တေမႅၼ်ႈၵၢင်ၼႂ်...

ဝၼ်းတီႈ 04/07/2025 ႁွင်ႈၵၢၼ် ၾၢႆႇၸွႆႈထႅမ်ပူၵ်းပွင် တူင်ႇဝူင်းၵူၼ်းၸိုင်ႈထႆး ၸႄႈတွၼ်ႈၵဵင်းႁၢႆး လႆႈလဵပ်ႈႁဵၼ်းငဝ်းလၢႆး ႁူဝ်ၼမ်ႉသၢႆ (တီႈတႄႇလႆၶဝ်ႈလႅၼ်လိၼ်) သေ ပိုၼ်ၽၢဝ်ႇဢွၵ်ႇမႃးဝႃႈ - ဢိင်ၼိူဝ် ၾူၼ်တူၵ်းႁႅင်းတၢင်းမိူင်းတႆးသေ ၼမ်ႉသၢႆၸၢင်ႈၼွင်းလူၼ်ႉၾင်ႇ။ ၵွပ်ႈၼႆလႄႈ ဢၼ်လီမႆႈၸႂ်ၼႆႉ ပဵၼ်ၾင်ႇၾၢႆႇထႆး ပဵၼ်ၼႂ်းပွၵ်ႉသၢႆလူမ်းၵျွႆး မူႇ 1 ဢိူင်ႇဝဵင်းၽၢင်းၶမ်း၊ ပွၵ်ႉၵေႃႇသၢႆး မူႇ 7...

ဝၼ်းတီႈ 03/07/2025 ယၢမ်းႁူဝ်ၶမ်ႈ ၾူၼ်တူၵ်းႁၢဝ်ႈႁႅင်းသေ ၼမ်ႉၼွင်းလူၼ်ႉ ၾၢႆၵိုင်ႉၵၢင်ႉၵူၼ်ႇပင်း လုပ်ႇထူမ်ႈသႂ်ႇဝၢၼ်ႈပွင်ႊပွင်ႊလႄႈ ဝၢၼ်ႈသျီး ၵူၼ်းမိူင်းလႆလွင်ႈၵႂႃႇၸွမ်းၼမ်ႉ 3 ၵေႃႉသေ ၸူမ်ၼမ်ႉတၢႆ တီႈဝဵင်းလၢဝ်ႇၵၢႆး (လဝ်ႉၵႆႇ) ၼႂ်းၼႃႈတီႈသိုၵ်းၵဝ်ႈၵၢင်ႉၵုမ်းၵမ် ၸိုင်ႈတႆးပွတ်းႁွင်ႇ။ ၵူၼ်းမိူင်းၸိူဝ်း လွင်ႈၵႂႃႇၸွမ်းၼမ်ႉသၢမ်ၵေႃႉၼၼ်ႉ ပဵၼ်သွင်ၵေႃႉၽူဝ်မေးလႄႈ လုၵ်ႈဢွၼ်ႇသႅၼ်း ဢႃယုမွၵ်ႈ 8 ၶူပ်ႇ ၵေႃႉၼိုင်ႈ လွင်ႈပႃးၵႂႃႇၸွမ်းၼမ်ႉၸႅဝ်ႈၵူၺ်းဢမ်ႇၵႃး...

မိူဝ်ႈၼႆႉ ဝၼ်းတီႈ 03/07/2025 ယၢမ်းၵၢင်ၶိုၼ်း 12 မူင်း တေႃႇၵၢင်ၼႂ်ၸဝ်ႉမိူင်းၸမ်လႅင်း ၾူၼ်တူၵ်းႁႅင်း ၸွမ်းလႅၼ်လိၼ်တႆး - ၶႄႇ မႄႈၼမ်ႉယၢင်းလႄႈ မႄႈၼမ်ႉၵူၺ်း ၼွင်းႁႅင်း ထူမ်ႈၸွမ်းသဵၼ်ႈတၢင်းပွၵ်ႉယွမ်ႇ ၼႂ်းဝၢၼ်ႈလွၼ်ဢိၼ်ႇ ႁိမ်းၽၵ်းတူၵျိၼ်ႊသၢၼ်ႊၵျေႃႉ (သၢမ်ၸဵင်ႇၶမ်း) ၼႂ်းဝဵင်းပၢင်ႇသၢႆး ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ ၸွမ်းလႅၼ်လိၼ်တႆး - ၶႄႇၼႆႉ မီးသၢႆၵႄးၼမ်ႉယၢင်း၊...

သၢႆလူမ်းမႆႈ (အပူလှိုင်း) ၼႂ်းပိုၼ်ႉတီႈၵမ်ႈၼမ် ၼႂ်းၵုၼ်ယူႊရူပ်ႊ ပုင်ႈၶိုၼ်ႈသုင်ႁႅင်းလႄႈ ၽူႈမီးပုၼ်ႈၽွၼ်း လၢႆၸိုင်ႈမိူင်း ဢွၼ်ၵၼ်ပိုၼ်ၽၢဝ်ႇပၼ်ၾၢင်ႉဝႆႉ ၵဵဝ်ႇလူၺ်ႈႁႅင်းလူမ်ႈမႆႈ။ တီႈၼႂ်းမိူင်းသပဵၼ်ႇပွတ်းၸၢၼ်းၼၼ်ႉ ႁႅင်းလူမ်းမႆႈၶိုၼ်ႈထိုင် 40 တီႊၵရီႊၸိၼ်ႊတီႊၵရိတ်ႊ၊ ပိုၼ်ႉတီႈဢၼ်ႁႅင်းလူမ်းမႆႈ ၶိုၼ်ႈသုင်လိူဝ်ပိူၼ်ႈသုတ်းသမ်ႉ ပဵၼ်ႁိမ်းသႃႊပီႊလႃႊ။ လိူၼ်ၵျုၼ်ႊ ပီၼႆႉ ပဵၼ်လိူၼ်ဢၼ်မႆႈႁႅင်းလိူဝ်ပိူၼ်ႈသုတ်း ၼႂ်းမိူင်းသပဵၼ်ႇ - ႁွင်ႈၵၢၼ် ၾၢႆႇၾိင်ႈၾႃႉရႃႇသီႇ မိူင်းသပဵၼ်ႇ ပိုၼ်ၽၢဝ်ႇဝႆႉၼင်ႇၼႆ။ သၢႆလူမ်းမႆႈၼႆႉ...

ဝၼ်းတီႈ 17/06/2025 ယၢမ်းႁူဝ်ၶမ်ႈ 5 မူင်းၶိုင်ႈ လွႆၾႆးလုၵ်ႈၼိုင်ႈ ဢၼ်မီးတီႈပွတ်းဢွၵ်ႇ မိူင်းဢိၼ်ႊတူဝ်ႊၼီႊသိူဝ်ႊတႅၵ်ႇ ၽဝ်ႇတဝ်ႈပိဝ်ၶိုၼ်ႈၼိူဝ်တွင်ႉၾႃႉ တၢင်းသုင်မွၵ်ႈ 1 မိုၼ်ႇ မီႊတိူဝ်ႊ၊ ၸဝ်ႈၼႃႈတီႈ လႆႈပိုၼ်ၽၢဝ်ႇ ၶေႃႈပၼ်ၾၢင်ႉသုင်သုတ်း ဝႃႈၼႆ။ လွႆၾႆးၼၼ်ႉ မီးၸိုဝ်ႈဝႃႈ လီဝူဝ်တူဝ်ပီ လႃႊၵီႊ၊ လွႆၾႆးၼႆႉ မီးတၢင်းသုင် 1,584 မီႊတိူဝ်ႊ...

ၼႂ်းဝူင်ႈပူၼ်ႉမႃးၼႆႉ လူမ်းလႅင်ႉတၢႆႇၾူၼ်း ဝူႇတိတ်ႉ လတ်းၽၢၼ်ႇ ၽတ်ႉၶဝ်ႈမိူင်းဝႅတ်ႉၼၢမ်းသေ သိုပ်ႇၽတ်ႉထွင်းၶဝ်ႈၵႂႃႇ ၼႂ်းမိူင်းၶႄႇပွတ်းၸၢၼ်းယဝ်ႉ ႁႅင်းဢူၼ်ႈၵႂႃႇ။ မိူင်းဝႅတ်ႉၼၢမ်း ပွတ်းၵၢင် လႆၶၢမ်ႇတၢမ်ႇလူမ်းလႅင်ႉ ႁၢဝ်ႈႁႅင်းလိူဝ်ပိူၼ်ႈသုတ်း၊ မီးၵူၼ်းလူႉတၢႆ 7 ၵေႃႉ၊ ႁိူၼ်းယေးတီႈယူႇသဝ်း လူႉၵွႆၼပ်ႉႁူဝ်ပၢၵ်ႇ၊ တီႈလိၼ်ၽုၵ်ႇသွမ်ႈ ၺႃးၼမ်ႉၼွင်းထူမ်ႈၵႂႃႇ 6 မိုၼ်ႇႁႅတ်ႇတႃႇၼႆ - လူင်ပွင်ၸိုင်ႈမိူင်းဝႅတ်ႉၼၢမ်း ပိုၼ်ၽၢဝ်ႇဝႆႉ ၼႂ်းဝၼ်းတီႈ...

“မႄႈၼမ်ႉၵူၵ်း ပဵၼ်သၢႆၸႂ်၊ မႄႈၼမ်ႉၵူၵ်း ၺႃးငူၼ်ႉၵွင်ႉ၊ မႄႈၼမ်ႉတၢႆ ၵေႃႈ သၢႆၸႂ်ႁၢႆ၊ ၵၢင်ၸႂ်ႁဝ်းၵူၼ်းမိူင်းၶႂ်ႈတုၵ်း ယွၼ်း ၶေႃႈလဵဝ်  ပိၵ်ႉဢိုတ်းၶူင်းၵၢၼ်ၶုတ်းႁႄႈ၊ ၶုတ်းၶမ်း ၼႂ်းမိူင်းတႆးတင်းသဵင်ႈၶႃႈ”ၼႆသေ ၼၢင်းယိင်းတႆး ဢႃႇယု 40 ပၢႆ ၵေႃႉလႆႈ ယၢၼ်ပၢႆႈၽေးပၢင်တိုၵ်းၼႂ်းမိူင်းတႆးသေ မႃးပိုင်ႈႁူမ်ႈၽူၺ်းယူႇ ၼႂ်းဝဵင်းတႃႈတွၼ်း ၸႄႈဝဵင်းမႄႈဢၢႆး ၸႄႈတွၼ်ႈၵဵင်းမႂ်ႇ ၸိုင်ႈထႆးပွတ်းႁွင်ႇ...

ဝၢႆးလင် သိုၵ်းမၢၼ်ႈယိုတ်းဢႃႇၼႃႇမႃး ၶၢဝ်းတၢင်း 4 ပီပၢႆၼႆႉ လွင်ႈပႃႇထိူၼ်ႇမူၺ်ႉႁၢႆ ၼႂ်းမိူင်းႁူမ်ႈတုမ် ပတ်းပိုၼ်ႉၼႆႉ ယွမ်းလူင်းမႃးၵူႈပီ ဝႃႈၼႆ။ လွင်ႈၼႆႉ ႁူဝ်ၼႃႈသိုၵ်းမၢၼ်ႈယိုတ်းမိူင်း ၸွမ်ၸိၵ်းသိုၵ်း မိၼ်းဢွင်ႇလၢႆႇ လၢတ်ႈဝႃႈ - ပႃႇထိူၼ်ႇၼႂ်းမိူင်းႁူမ်ႈတုမ်ၼႆႉ မိူဝ်ႈပီ 2015 ၼၼ်ႉမီး 42.92%၊ ပီ 2020 သမ်ႉမီး 42.19%၊...

ၼႂ်းဝၼ်းတီႈ 13/06/2025 (ဝၼ်းသုၵ်း) ၼႆႉ လူမ်းလႅင်ႉတၢႆႇၾူၼ်း ဝူႇတိတ်ႉ ၽတ်ႉထွင်းၶဝ်ႈတီႈမိူင်းၶႄႇ ပွတ်းၸၢၼ်း ၵူၼ်းမိူင်းၼပ်ႉႁူဝ်မိုၼ်ႇ လႆႈငိူင်ႉပၢႆႈတီႈလွတ်ႈၽေးဝႆႉ၊ ႁူင်းႁဵၼ်း၊ သၢႆသဵၼ်ႈတၢင်းလႄႈ သၢႆ ၵၢၼ်မိၼ်ၵမ်ႈၼမ် လႆႈပိၵ်ႉဢိုတ်းဝႆႉ ဝႃႈၼႆ။ တီႈၸႄႈတွၼ်ႈလႄႈ ဝဵင်း 6 တီႈ ၼႂ်းမိူင်းၶႄႇ ႁူပ်ႉၽေးလူမ်းလႅင်ႉ တၢႆႇၾူၼ်းဝႆႉသေ ၾူၼ်တူၵ်းႁႃႇယႂ်ႇ။...

တႄႇၼႂ်းလိူၼ်ၵျႃၼ်ႊ ဝူင်ႈထီႉသွင်ၼႆႉမႃး  ၾူၼ်တူၵ်းထပ်းၵၼ်လၢႆဝၼ်းသေ ၼမ်ႉႁူၺ်ႈၼမ်ႉလွႆၼွင်း မႄႈၼမ်ႉၵႄးၼမ်ႉၵိုင်ႉၵၢင်ႉလူၼ်ႉၾင်ႇ ၼႂ်းပွၵ်ႉၼႂ်းယွမ်ႇ တီႈၸိုင်ႈတႆးပွတ်းၸၢၼ်း လၢႆလၢႆဝဵင်း ႁဵတ်းႁႂ်ႈၵူၼ်းမိူင်းမႆႈၸႂ် မၢၵ်ႇၶဝ်ႈတဝ်ႈၼမ်ႉ ၼႂ်းသူၼ်ၼႂ်းႁႆႈလူႉသုမ်း။ ၼႂ်းၶၢဝ်းတၢင်း 2-3 ဝၼ်းၼႆႉ ၾူၼ်တူၵ်းထပ်းၵၼ် ဢမ်ႇထၢတ်ႇ ႁဵတ်းႁႂ်ႈၼမ်ႉထူမ်ႈသူၼ်ထူဝ်ႇလိၼ် ၵူၼ်းဝၢၼ်ႈတွင်ႇပူဝ်ႉၵျီး ထုင်ႉၼွင်ႁၢႆးယႃႈ လူႉသုမ်းၼပ်ႉႁူဝ်သိပ်းသႅၼ် ဝႃႈၼႆ။ ၼၢင်းယိင်း ၵူၼ်းပိုၼ်ႉတီႈ လၢတ်ႈၽူႈတွႆႇႁွၵ်ႈဝႃႈ -“ၾူၼ်တူၵ်းဢမ်ႇထၢတ်ႇ ၼမ်ႉၵေႃႈ...

မိူဝ်ႈၼႆႉ ဝၼ်းတီႈ 05/06/2025 တူၵ်းမႅၼ်ႈဝၼ်းသိင်ႇဝႅတ်ႉလွမ်ႉလုမ်ႈၾႃႉၼႆသေ ယၢမ်းၵၢင်ၼႂ် ယူႇတီႈ ၵူၼ်းမိူင်း ၼႂ်းမိူင်းထႆး၊ လုၵ်ႈႁဵၼ်းလႄႈ ၸုမ်းတူင်ႇဝူင်းၵူၼ်း၊ ၸုမ်းတူင်ႇၼိုင်လွင်ႈသိင်ႇဝႅတ်ႉလွမ်ႉ ၸိူဝ်း ၼႆႉ ႁူမ်ႈၵၼ်ၼႄၵၢင်ၸႂ်သၢၼ်ၶတ်း လွင်ႈမႄႈၵူၵ်း ဝူၺ်ႇႁင်ႈ တီႈဝဵင်းၵဵင်းႁၢႆး ၸိုင်ႈထႆးပွတ်းႁွင်ႇ ၼႆယဝ်ႉ။ ၸၢႆးၶႂၢၼ်ၸဵင် ၽူႈသိုဝ်ႇၶၢဝ်ႇ ၸုမ်းၶၢဝ်ႇၽူႈတွႆႇႁွၵ်ႈ လူင်းပိုၼ်ႉတီႈသေ ႁၢႆးငၢၼ်းၼႄဝႃႈ -...

တႄႇႁၢင်လိူၼ်မေႊၼႆႉမႃး ၾူၼ်တူၵ်းဢမ်ႇထၢတ်ႇ ႁဵတ်းႁႂ်ႈတူၼ်ႈမႆႉလူမ်ႉ ၊ သဵၼ်ႈတၢင်းလူႉၵွႆ ၾႆးၾႃႉၶၢတ်ႇ ၊ ၼမ်ႉၶၢတ်ႇ တီႈၼႂ်းၸႄႈဝဵင်းယႂႃႇငၢၼ်ႇ ၸိုင်ႈတႆးပွတ်းၸၢၼ်း သိုၵ်းမၢၼ်ႈသမ်ႉ ဢမ်ႇပၼ်ၸႂ်ႉၾူၼ်းထႅင်ႈ ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ်။ ၼၢင်းယိင်း ၵူၼ်းမိူင်းဝဵင်းယႂႃႇငၢၼ်ႇ လၢတ်ႈၽူႈတွႆႇႁွၵ်ႈဝႃႈ -“ၸဵမ်မိူဝ်ႈ ၾူၼ်တူၵ်းဢမ်ႇထၢတ်ႇ ႁၢင်လိူၼ် မေႊၼႆႉမႃး ၾႆးဢမ်ႇမႃးၼႆႉမီး 15 ဝၼ်းယဝ်ႉ၊ ၼမ်ႉၵေႃႈ ဢမ်ႇလႆႈ၊...

ပႃၼႂ်းၼွင်ၵၢင်ဝဵင်းပၢင်လူင်တၢႆၽူးၼပ်ႉႁူဝ်ႁဵင်တူဝ်သမ်ႉပေႃးတူႇၼဝ်ႈမဵၼ်ၵႂႃႇတင်းဝဵင်း ၾၢႆႇပၢႆးယူႇလီတူဝ်သတ်းၵူတ်ႇထတ်းတူၺ်းသေလၢတ်ႈဝႃႈ ပႃၼႂ်းၼွင်ၺႃးသၢၼ်ၵွင်ႉငူၼ်ႉ ဝႃႈၼႆ။ ဝၼ်းတီႈ 2/6/2025 မိူဝ်ႈၼႆႉယၢမ်းၵၢင်ၼႂ်ၸဝ်ႉ ပႃတၢႆၼႂ်းၼွင်ၼၼ်ႉသမ်ႉပေႃးပွင်းၵႂ်ႈသေ ၽူးတဵမ်ဝႆႉလႄႈႁဵတ်းႁႂ်ႈၵူၼ်းပိုၼ်ႉတီႈတူၵ်းၸႂ် - ယွၼ်ႉဝႃႈ ဢမ်ႇတွၼ်ႉယၢမ်ႈႁၼ်ပိူင်ပဵၼ်ၸိူင်ႉၼႆသေပွၵ်ႈ။ ၽူႈမီးပုၼ်ႈၽွၼ်းၾၢႆႇလိူမ်ႈလႆႇဝဵင်းပၢင်လူင် လၢတ်ႈၽူႈတွႆႇႁွၵ်ႈဝႃႈ-“ မေႃယႃသတ်း မႃးဢဝ်ႈၵႂႃႇၵူတ်ႇထတ်းတူၺ်းတႄႉ ဝႃႈပႃၸိူဝ်းၼႆႉ ၺႃးသၢၼ်ၵွင်ႉငူၼ်ႉၼႆဝႃႇ။ ပေႃးၽူးၶိုၼ်ႈမႃးၵေႃႈ သမ်ႉပေႃးပွင်းလူင်ဝႆႉၵမ်းလဵဝ်။ မေႃယႃၶဝ်ဝႃႈ ၺႃးၵွင်ႉငူၼ်ႉလႄႈ မၼ်းၸဵဝ်းတူႇၸဵဝ်းမဵၼ် ၼႆဝႃႇ”- ဝႃႈၼႆ။ ပႃတၢႆၸိူဝ်းၼၼ်ႉ ထိုင်ယၢမ်းၵၢင်ဝၼ်းမႃး...

ၾူၼ်တူၵ်းထပ်းၵၼ်လၢႆလၢႆဝၼ်း တီႈပွတ်းၵၢင်မိူင်းၼၢႆႇၵျီႊရီႊယိူဝ်ႊ ၼမ်ႉၼွင်းလုပ်ႇထူမ်ႈ ႁိူၼ်းယေးၵူၼ်းမိူင်းတင်းၼမ်လႄႈ မီးၵူၼ်းလူႉတၢႆ 110 ပၢႆ ။ တီႈဝဵင်းမူဝ်ႊဝႅပ်ႉ တီႈလဵဝ်ၵူၺ်း ယွၼ်ႉၼမ်ႉၼွင်းလုပ်ႇထူမ်ႈသေ လင်ႁိူၼ်း 50 ပၢႆ လႆလွင်ႈၸွမ်း ၼမ်ႉ လူႉၵွႆၵႂႃႇ။ ဢၼ်ၺႃးၽေးၼမ်ႉထူမ်ႈၼမ်သုတ်း ၼႂ်းမိူင်းၼၢႆႇၵျီႊရီႊယိူဝ်ႊၼႆႉ ပဵၼ်ၼႂ်းၸႄႈတွၼ်ႈ 3 ဢၼ်။ ၽေးၼမ်ႉထူမ်ႈၵမ်းၼႆႉ ၼႂ်းၶၢဝ်းတၢင်း 60...