ၵၢင်ႉၵႄႇတႂ်ႈသိုၵ်းမၢၼ်ႈ တဵၵ်းၸႂ်ႉ ၵူၼ်းပၢႆႈၽေးသိုၵ်းဝဵင်းလွႆၶေႃ ဢၼ်မႃးသွၼ်ႈယူႇဝႆႉတီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်းၼၼ်ႉ သႂ်ႇငိုၼ်းတႃႇၵမ်ႉထႅမ်ၵူၼ်းၾိုၵ်းၵၢၼ်သိုၵ်း ႁၢပ်ႇၵၢၼ်သိုၵ်းၵူႈလိူၼ် ဝႃႈၼႆ ။ ၵူၼ်းပၢႆႈၽေးသိုၵ်းဢၼ်မႃးသွၼ်ႈယူႇဝႆႉၼႂ်းပွၵ်ႉၸဝ်ႈၸၢမ်ႇထုၼ်း  ၶဵတ်ႇ 16  ဝဵင်းတူၼ်ႈတီးၼၼ်ႉ လႆႈသႂ်ႇငိုၼ်းတႃႇႁၢပ်ႇၵၢၼ်သိုၵ်း ၼိုင်ႈလိူၼ်လႂ် 2 မိုၼ်ႇထိုင် 3 မိုၼ်ႇ ပျုးၵူႈလိူၼ် ၊ ငိူင်ႉဝႄႈဢမ်ႇလႆႈ  ပေႃးဢမ်ႇသႂ်ႇ ၵၢင်ႉၵႄႇလွၵ်ႇငိုတ်ႈဝႃႈ တေႁဵတ်းႁႂ်ႈဢမ်ႇၸၢင်ႈယူႇၼႂ်းပွၵ်ႉ...

ၵၢင်ႉၵႄႇ ၵဵပ်းငိုၼ်းၵူၼ်းမိူင်းၸိူဝ်းပႃးၼႂ်းသဵၼ်ႈၸိုဝ်ႈတႃႇႁၢပ်ႇ ၵၢၼ်သိုၵ်း ၼိုင်ႈႁိူၼ်းလႂ် ၼိုင်ႈသႅၼ်ပျႃး တီႈဝဵင်းမိူင်းတူၼ် ၸိုင်ႈတႆးပွတ်းဢွၵ်ႇ ငိူင်ႉဝႄႈၵေႃႈဢမ်ႇလႆႈ ဝႃႈၼႆ ။ တႄႇမိူဝ်ႈၼႆႉဝၼ်းတီႈ 30 /7/2025 ၵၢင်ႉၵႄႇလူင်းၵဵပ်းငိုၼ်း ၵူၼ်းမိူင်းၼႂ်းပွၵ်ႉ ဝဵင်းမိူင်းတူၼ် တႃႇၸၢင်ႈၵူၼ်းတႃႇၵႂႃႇႁၢပ်ႇၵၢၼ်သိုၵ်း ၼိုင်ႈႁိူၼ်းလႂ် 1သႅၼ်ပျႃး  ။ တေမႃးၵဵပ်း 3 လိူၼ်ၼိုင်ႈပွၵ်ႈ ငိူင်ႉဝႄႈဢမ်ႇလႆႈ ဝႃႈၼႆ...

ၼႂ်းပီ 2026 တေထိုင်ၼႆႉ မိူင်းၵမ်ႇပူးၶျႃး တေတႄႇၸႂ်ႉတိုဝ်းပၵ်းပိူင် ၵူၼ်းမိူင်းၵူႈၵေႃႉ တၵ်းတေလႆႈႁၢပ်ႇထၢမ်းၵၢၼ်သိုၵ်း ဝႃႈၼႆ။ ယွၼ်ႉပၼ်ႁႃ လွင်ႈၶဵင်ႈၶႅင်ၸွမ်းလႅၼ်လိၼ်ထႆး - ၵမ်ႇပူးၶျႃးသေ ယူႇတီႈမိူင်းၵမ်ႇပူးၶျႃး ၸင်ႇလႆႈႁၢင်ႈႁႅၼ်း တေတႄႇၸႂ်ႉတိုဝ်းပၵ်းပိူင်ဢၼ်ၼႆႉၵႂႃႇ ၼႆယဝ်ႉ။ ပၵ်းပိူင် ၵဵဝ်ႇလူၺ်ႈလွင်ႈၵူၼ်းမိူင်းၵမ်ႇပူးၶျႃးၵူႈၵေႃႉ ၼႂ်းၵႄႈဢႃယု 18 – 30 ပီ တၵ်းတေလႆႈ ႁၢပ်ႇထၢမ်းၵၢၼ်သိုၵ်းၼႆၼၼ်ႉ ယူႇတီႈ...

ၵူၼ်းဢၼ်ပႃးသဵၼ်ႈသၢႆမၢႆ တႃႇၶဝ်ႈႁၢပ်ႇၵၢၼ်သိုၵ်းၼၼ်ႉသင်ၸိူဝ်ႉဝႃႈ ဢမ်ႇၶႂ်ႈၶဝ်ႈႁၢပ်ႇၵၢၼ်သိုၵ်းၼႆၸိုင် လႆႈၵႂႃႇငူပ်ႉငီႉၵၼ်တၢင်းၵၢင်ႉၵႄႇ ၼႂ်းပွၵ်ႉသေ လႆႈပၼ်ငိုၼ်းတီႈၵၢင်ႉၵႄႇ ၼပ်ႉႁူဝ်သိပ်းသႅၼ်ပျႃး တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ဝႃႈၼႆ   ။ တႄႇၼႂ်းႁူဝ်လိူၼ်ၵျူႊလၢႆႊ ၼႆႉမႃးၵၢင်ႉၵႄႇ သူင်ႇလိၵ်ႈၸူးၵူၼ်းမိူင်း ၼႂ်းဝဵင်းတူၼ်ႈတီးလၢႆလၢႆပွၵ်ႉ လွင်ႈၵဵပ်းၵူၼ်းတႃႇႁၢပ်ႇၵၢၼ်သိုၵ်း ၸုပ်ႈ  15 ၊ၵၢင်ႉၵႄႇလၢတ်ႈဝႃႈ  ပေႃးဢမ်ႇၶႂ်ႈၶဝ်ႈႁၢပ်ႇၵၢၼ်သိုၵ်း ၼႆၸိုင် တႃႇတေၸၢင်ႈၵူၼ်းၵႂႃႇတႅၼ်းၼၼ်ႉ တေလႆႈပၼ်ငိုၼ်းတီႈၵၢင်ႉၵႄႇ ၼပ်ႉႁူဝ်သိပ်းသႅၼ်ပျႃး ဝႃႈၼႆ...

ဝၼ်းတီႈ 27/6/2025 ယၢမ်းၵၢင်ၼႂ် 9 မူင်း  သိုၵ်းမၢၼ်ႈလႄႈႁွင်ႈၵၢၼ်ၾၢႆႇၽွင်းငမ်း  ႁွင်ႉၵူၼ်းဝဵင်းမိူင်းၼွင် ၸႄႈဝဵင်းၵေးသီး မႃးထူပ်းသေ လၢတ်ႈႁႂ်ႈၵူၼ်းမိူင်း ၶဝ်ႈႁၢပ်ႇၵၢၼ်သိုၵ်း။ ၵူၼ်းၼုမ်ႇမိူင်းၼွင်ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၵမ်ႉလၢတ်ႈလၢႆးၶႅင် ၵမ်ႉလၢတ်ႈလၢႆးဢူၼ်ႈႁဵတ်းၼႆဢေႃႈ ။ ၶဝ်လၢတ်ႈဝႃႈ ပွၵ်ႈၼႃႈမႃး တေႁႂ်ႈၸူၵ်းၶႅပ်းမႄးတႃႇႁၢပ်ႇၵၢၼ်သိုၵ်းၼႆ ။ ၽႂ်ၵေႃႈ ပၢႆႈဢမ်ႇလွတ်ႈၼႆဝႃႈ ၊ ပေႃးပၢႆႈၵႂႃႇယူႇၼွၵ်ႈမိူင်းၵေႃႈ...

တႄႇႁူဝ်လိူၼ် ၵျႃၼ်ႊၼႆႉမႃးၵၢင်ႉၵႄႇလႄႈ ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ သူင်ႇလိၵ်ႈၸူး ၵူၼ်းမိူင်း ဢၼ်ပႃးသဵၼ်ႈၸိုဝ်ႈ တႃႇႁၢပ်ႇၵၢၼ်သိုၵ်းမႂ်ႇထႅင်ႈ  ဢၼ်လႆႈလိၵ်ႈပဵၼ်ၼႂ်း ဝဵင်းဢေးတႃႇယႃႇ ၊ တူၼ်ႈတီး ၊ ဝဵင်းၼမ်ႉၸၢင်လႄႈ ပိုၼ်ႉတီႈ လၢႆလၢႆၸႄႈဝဵင်း ဝႃႈၼႆ ။ တႃႇႁၢပ်ႇၵၢၼ်သိုၵ်း ၸုပ်ႈ 14 ၼႆႉ ၵၢင်ႉၵႄႇၼႂ်းပွၵ်ႉ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း သူင်ႇလိၵ်ႈၸူး ၵူၼ်းမိူင်း...

တွၼ်ႈတႃႇ တေၸၢင်ႈၵူၼ်းၵႂႃႇႁၢပ်ႇၵၢၼ်သိုၵ်း ၸုပ်ႈတီႈ 12 တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်းၼၼ်ႉ ၵၢင်ႉၵႄႇၵဵပ်းငိုၼ်းၵူၼ်းမိူင်း ၼိုင်ႈႁိူၼ်း 3 မိုၼ်ႇပျႃး ဝႃႈၼႆ။ မိူဝ်ႈဝႃး ဝၼ်းတီႈ 05/06/2025 ယၢမ်းၵၢင်ၼႂ် 10 မူင်း ၵၢင်ႉၵႄႇ ႁွင်ႉဢဝ်ၵူၼ်းပိုၼ်ႉတီႈ ၼႂ်းပွၵ်ႉၼႂ်းယွမ်ႇ ႁဵတ်းပၢင်ၵုမ်ၵၼ်သေ ၶၢၼ်းငိုၼ်း ၵူၼ်းမိူင်းၼိုင်ႈႁိူၼ်း 3 မိုၼ်ႇပျႃး...

တႃႇႁၢပ်ႇၵၢၼ်သိုၵ်း ၸုပ်ႈ 12 ၼႆႉ ၵၢင်ႉၵႄႇၼႂ်းပွၵ်ႉ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ၸႂ်ႉၵူၼ်းမိူင်း ၸူၵ်းမႄး၊ ၽႂ်ၸူၵ်းလႆႈၵေႃႈ တၵ်းလႆႈၵႂႃႇၾိုၵ်းၵၢၼ်သိုၵ်း ငိူင်ႉဝႄႈဢမ်ႇလႆႈ ဝႃႈၼႆ။ ဝၼ်းတီႈ 07/04/2025 ယၢမ်းၵၢင်ၼႂ် ၵၢင်ႉၵႄႇၼႂ်းပွၵ်ႉ ရတၼႃႇသီႇရိ ၊ ၵျွင်းၵျီးၸူႉ ၊ ၸဵင်ႇပၢၼ်း ဝဵင်းတူၼ်ႈတီး ႁွင်ႉဢဝ် ၵူၼ်းၼုမ်ႇၸိူဝ်းပႃးၼႂ်းသဵၼ်ႈၸိုဝ်ႈ...

ၼႂ်းပီ 2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇ ဢွၵ်ႇပိူင်ႁၢပ်ႇထၢမ်းၵၢၼ်သိုၵ်း ႁွင်ႉဢဝ်ပႃးၼၢင်းယိင်းသေ ၾၢႆႇၽွင်းငမ်း ဢၼ်ယူႇတႂ်ႈသိုၵ်းမၢၼ်ႈၵေႃႈ ဢွၼ်ၵဵပ်းသဵၼ်ႈၸိုဝ်ႈတႃႇႁၢပ်ႇထၢမ်းၵၢၼ်သိုၵ်း မႃးၵူႈဝၼ်း။ ၵဵဝ်ႇလူၺ်ႈလွင်ႈၼႆႉ ၼၢင်းယိင်းၶဝ်မီးလွင်ႈယၢပ်ႇၽိုတ်ႇသင် မီးတၢင်းႁၢၼ်ထိုင်ၸိူင်ႉႁိုဝ်ၼႆ ႁဝ်းၶႃႈ ၸုမ်းၶၢဝ်ႇၽူႈတွႆႇႁွၵ်ႈ တွင်ႈထၢမ်ဝႆႉ ၽူႈတူင်ႉၼိုင် ၸွႆႈထႅမ်တူင်ႇဝူင်းႁႅင်းၵၢၼ် တီႈဝဵင်းၵဵင်းမႂ်ႇ ၸိုင်ႈထႆး ဝႆႉၼင်ႇၼႆ။ တႃႇတေၵဵပ်းသိုၵ်းၼႆႉ လူဝ်ႇထွမ်ႇသဵင်ၵၢင်ၸႂ်ၵူၼ်းမိူင်းၵွၼ်ႇ ၼၢင်းၸေႃးယဵၼ်ႇ ၸုမ်းႁူမ်ႈတုမ်ႁႅင်းၵၢၼ် “ၶၢဝ်းယၢမ်းမိူဝ်ႈလဵဝ်ၼႆႉ...

တႄႇႁၢင်လိူၼ် ၾႅပ်ႊပိဝ်ႊရီႊ ၼႆႉမႃး ၵၢင်ႉၵႄႇ ၼႂ်းဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း လူင်းၵဵပ်း သဵၼ်ႈမၢႆၵူၼ်း ၼႂ်းပွၵ်ႉထႅင်ႈပဵၼ် ပွၵ်ႈၵမ်းသွင် ဝႃႈတႃႇႁူႉသဵၼ်ႈမၢႆၵူၼ်း တႃႇၸတ်း ပၢင်လိူၵ်ႈတင်ႈ ၼႆသေတႃႉ မႅၼ်ႈၽွင်းသိုၵ်းမၢၼ်ႈ ၵဵပ်းၵူၼ်းမိူင်းႁၢပ်ႇၵၢၼ်သိုၵ်းလႄႈႁဵတ်းႁႂ်ႈၵူၼ်းမိူင်းတူၵ်းၸႂ်  မႆႈၸႂ်ဝႃႈၼႆ ။ မိူဝ်ႈၼႆႉ 24 /2/2025 ယၢမ်းၵၢင်ဝၼ်း  1 မူင်း ႁွင်ႈၵၢၼ်ၾၢႆႇၽွင်းငမ်းၵူႈလွင်ႈလွင်ႈ...

ၵူၼ်းၼုမ်ႇမိူင်းမၢၼ်ႈ ၸိူဝ်းဢွၵ်ႇႁဵတ်းၵၢၼ်ၼွၵ်ႈမိူင်းသေ ပွၵ်ႈမိူဝ်းၸႂ်းႁိူၼ်းၼၼ်ႉ သင်ဢႃယုၶဝ်ႈပႃး ၼႂ်းသႅၼ်း ႁၢပ်ႇၵၢၼ်သိုၵ်းၸိုင် ႁွင်ႈၵၢၼ်ၽွင်းလူင် ၾၢႆႇၵူၼ်းႁဵတ်းၵၢၼ် တႂ်ႈသိုၵ်းမၢၼ်ႈ ႁႄႉႁၢမ်ႈဢမ်ႇပၼ်ဢွၵ်ႇၼွၵ်ႈမိူင်းၶိုၼ်း ဝႃႈၼႆ။ ၵူၼ်းၼုမ်ႇ ၸိူဝ်းၺႃးႁႄႉႁၢမ်ႈၼႆႉ ပဵၼ်ၵူၼ်းၸၢႆး ဢႃယု ၼႂ်းၵႄႈ 18 – 35 ပီ။ ၸိူဝ်းယိပ်းဝႂ်ၶၢမ်ႈမိူင်း  PJ (Passport for Job)...