သိုၵ်းမၢၼ်ႈပိုၼ်ၽၢဝ်ႇဢွၵ်ႇမႃးဝႃႈ ဝၼ်းတီႈ 16/11/2023 တီႉလႆႈၶိူင်ႈၵွင်ႈၵၢင်ႇတင်းၼမ် ၼႂ်းႁွင်ႈၵဵပ်းၶူဝ်းၶွင် တီႈႁိူၼ်း ပေႇတူး(မႃႇရီႇယႃႇၼူဝ်ႇ) တီႈဝၢၼ်ႈလွႆတပ်ႉ ဢိူင်ႇပၢင်မူင်ႈ ၸႄႈဝဵင်းပၢင်လူင် ၸိုင်ႈတႆးပွတ်းၸၢၼ်း ဝႃႈၼႆ။ သိုၵ်းမၢၼ်ႈပိုၼ်ၽၢဝ်ႇမိူဝ်ႈဝၼ်းတီႈ 17/11/2023 ၼႂ်းႁွင်ႈၵၢၼ်ၾၢႆႇပွင်ႇၶၢဝ်ႇၶဝ်ဝႃႈ - ပဵၼ်ၶိူင်ႈၵွင်ႈၵၢင်ႇ လႄႈမၢၵ်ႇမိုဝ်ႈၸိုၼ်းယၢမ်း ဢၼ်တေသူင်ႇၸူးသိုၵ်း KNPP လႄႈ PDF ။ တီႉလႆႈပႃး ၽူႈၵဵဝ်ႇၶွင်ႈ...

ၸၼ်ႉၸွမ်လႃႈသဵဝ်ႈ  ၵိုင်ႉၵၢင်ႉ ပိုၼ်ၽၢဝ်ႇ သင်ၵိုတ်း ပၢင်တွပ်ႇလိၵ်ႈ (အဝေးသင်) ၼႂ်းပီၵၢၼ်ႁဵၼ်း 2023 ။ ယွၼ်ႉငဝ်းလၢႆးပၢင်တိုၵ်းသိုၵ်းသိူဝ်သေ ဝၼ်းတီႈ 16/11/2023 ၼႆႉ ၽူႈမီးပုၼ်ႈၽွၼ်းၼႂ်းၸၼ်ႉၸွမ်လႃႈသဵဝ်ႈ ၵိုင်ႉၵၢင်ႉသင်ႇၵိုတ်း ပၢင်တွပ်ႇလိၵ်ႈလုၵ်ႈႁဵၼ်းၸၼ်ႉၸွမ် (အဝေးသင်) လွင်ႈၼႆႉ ႁဵတ်းႁႂ်ႈလုၵ်ႈႁဵၼ်းၵႂင်ၸႂ် တႃႇပၢႆးပၺ်ႇၺႃႇ။ လုၵ်ႈႁဵၼ်းၸၼ်ႉၸွမ်လႃႈသဵဝ်ႈ ဢၼ်လႆႈပၢႆႈၽေးသိုၵ်းဝႆႉ ၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ တေလႆႈသိုပ်ႇႁဵတ်းသင်ၵေႃႈ...

ၼႂ်းဝူင်ႈၼႆႉ သိုၵ်းမၢၼ်ႈယိုတ်းမိူင်း ပိုၼ်ၽၢဝ်ႇ ႁၢမ်ႈၵူၼ်းမိူင်းတႃႈၶီႈလဵၵ်း ဢွၵ်ႇၼွၵ်ႈႁိူၼ်းယေးၵၢင်ၶမ်ႈၵၢင်ၶိုၼ်း ပေႃးဢွၵ်ႇတေတီႉၺွပ်းၵႂႃႇ ႁၢပ်ႇၶျေႃးဝႃႈၼႆဝႆႉ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ၶၢဝ်းၶိဝ်းၼႆႉ ၶဝ်ႁၢမ်ႈ ဢမ်ႇႁႂ်ႈၵူၼ်းမိူင်းဢွၵ်ႇတၢင်းၼွၵ်ႈ ၵၢင်ၶမ်ႈၵၢင်ၶိုၼ်းၼႆဢေႃႈ ။ ပေႃးႁၼ်ၽႂ်ဢွၵ်ႇၵေႃႈ ဢမ်ႇဝႃႈၸၢႆးဝႃႈယိင်း တေၺွပ်းဢဝ်ၵႂႃႇႁၢပ်ႇၶျေႃး ၊ တေသူင်ႇၼႃႈသိုၵ်းၵမ်းလဵဝ် ” - ဝႃႈၼႆ။ မိူဝ်ႈလဵဝ် ၼႂ်းတႃႈၶီႈလဵၵ်းၼႆႉ...

လူင်ပွင်ၸိုင်ႈထႆး ပိုၼ်ၽၢဝ်ႇဝႃႈၵူၼ်းမိူင်းထႆး ဢၼ်ထုၵ်ႇလွၵ်ႇလႅၼ်ၵႂႃႇႁဵတ်းၵၢၼ်ဢွၼ်ႊလၢႆႊ တီႈဝဵင်းလၢဝ်ႇၵၢႆးသေ ဢမ်ႇၸၢင်ႈပွၵ်ႈႁိူၼ်း ယွၼ်ႉပၢင်တိုၵ်း ၶမ်ဝႆႉယူႇတီႈဝဵင်းလၢဝ်ႇၵၢႆးၼၼ်ႉ ဢိင်ၼိူဝ်ၽူႈၼမ်း ထႆးလႄႈမၢၼ်ႈ သွင်ၸိုင်ႈမိူင်း ၸွႆႈၵၼ် ဢဝ်ဢွၵ်ႇမႃးလႆႈၽွင်ႈယဝ်ႉ။ မႃးမီးတီႈဝဵင်းတႃႈၶီႈလဵၵ်း 41 ၵေႃႉ ။ ဝၼ်းတီႈ 16 လႄႈ 17 ၼႆႉ ၾၢႆႇတၢင်းမၢၼ်ႈ တေဢဝ်မွပ်ႈဢၢပ်ႈပၼ်တီႈထႆး ပဵၼ်တၢင်းၵၢၼ်ဝႃႈၼႆ။ ၼႂ်းၵႃႈၵူၼ်းမိူင်းထႆး...

လုၵ်ႈၸုမ်းသိုၵ်းမၢၼ်ႈယိုတ်းမိူင်းတီႈပၢင်သၢႆး ၶဝ်ႈယူႇၸွမ်း တီႈယူႇတၼ်းသဝ်းၵူၼ်းမိူင်းသေ ဢဝ်ၶွင်ၵိၼ်ယႅမ်ႉလႄႈ ၶိူင်ႈၶူဝ်းၸႂ်ႉသွႆၼႂ်းႁိူၼ်းယေး ယိပ်းတိုဝ်းၵႃႈပွင်ႇၵႃႈပဵၼ်။ ၼႂ်းဝူင်ႈၼႆႉ သိုၵ်းမၢၼ်ႈ တပ်ႉ ၶမယ - 525 ၼႂ်းၸႄႈဝဵင်းပၢင်ႇသၢႆး ၸႄႈတွၼ်ႈမူႇၸေႊ ၼိုင်ႈၶူဝ်းၵူၼ်းႁိူၼ်း ၶဝ်ႈယူႇသဝ်းၸွမ်းႁိူၼ်းယေးၵူၼ်းမိူင်း။လိူဝ်ၼၼ်ႉ သွၵ်ႈတဝ်ယႃႉဢဝ်ၶိူင်ႈၶူဝ်းႁိူၼ်းယေးၵူၼ်းမိူင်းၼႆယဝ်ႉ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸဵမ်မိူဝ်ႈသိုၵ်းဢူၺ်းလီၶဝ် မႃးတိုၵ်းၼၼ်ႉ သိုၵ်းမၢၼ်ႈၶဝ် ဢမ်ႇယူႇၼႂ်းတပ်ႉယဝ်ႉ။ၶဝ်ဢွၼ်ၵၼ်မႃး ယူႇၼႂ်းႁိူၼ်းယေး ၵူၼ်းဝၢၼ်ႈၵူၼ်းမိူင်း။...

သိုၵ်းမၢၼ်ႈ တပ့်ၶမယ - 129 တပ်ႉၵွင်ၼိုင်ႈ ဢၼ်ပၵ်းတီႈ ဝဵင်းမၢၼ်ႇလေႃႇ ၊ ၸေႈတွၼ်ႈ သျီးသျႅၼ်း ၊ ၼႃႈလိၼ် သိုၵ်းၵဝ်ႈၵၢင့်  တူင်ႉၼိုင်  မိူင်းတႆးပွတ်းႁွင်ႇၼၼ်ႉ ပႃးၵၼ် ဝၢင်းၶိူင်ႈၸူး သိုၵ်းၵဝ်ႈၵၢင့် MNDAA တင်းတပ့်ၵွင် ဝႃႈၼႆ။ ၽူႈၵွၼ်းတပ့်ၵွင် ၶမယ 129...

သိုၵ်းမၢၼ်ႈဢဝ်ၶိူင်ႈမိၼ်ယိုဝ်းသိုၵ်း မႃးယိုဝ်းသႂ်ႇၼႂ်းဢိူင်ႇၼွင်ပိင်ၸႄႈဝဵင်းၵျွၵ်ႉမႄးလႄႈ ႁိူၼ်းယေးၵူၼ်းမိူင်း ပႃးၸဵမ်ႁၢၼ်ႉတၢင်းၵိၼ် လူႉၵွႆဢမ်ႇယွမ်း 10 လင်။ မိူဝ်ႈၼႆႉဝၼ်းတီႈ 15/11/2023 ၶၢဝ်းယၢမ်းၵၢင်ဝၼ်းတဵင်ႈ သိုၵ်းမၢၼ်ႈဢဝ်ၶိူင်ႈမိၼ် Mi-35 မိၼ်မႃး 2 လမ်း ယိုဝ်းသႂ်ႇၼႂ်းဢိူင်ႇၼွင်ပိင်တီႈဢၼ်သိုၵ်းတဢၢင်း TNLA လႄႈသိုၵ်းၵႅတ်ႇၶႄၵူၼ်းမိူင်း MDY-PDF ပၵ်းပၢင်သဝ်းဝႆႉ။ မၢၵ်ႇလူင်တူၵ်းသႂ်ႇ ႁိူၼ်းယေးၵူၼ်းဝၢၼ်ႈၼႂ်းၸီးပိၼ်ႇ၊ ဝၢၼ်ႈၶွၵ်ႉၶႅၵ်ႉ၊ ဝၢၼ်ႈပၢင်တီး၊ ဝၢၼ်ႈပၢင်ႇတိုင်...

သိုၵ်းမၢၼ်ႈလႄႈ ၸုမ်းဢူၺ်းလီပွတ်းႁွင်ႇ တိုၵ်းတေႃးၵၼ် ႁဵတ်းႁႂ်ႈသဵၼ်ႈတႃႈသၢႆတၢင်းၵိုတ်းၶၢတ်ႇ ရူတ်ႉၵႃး ဢမ်ႇၸၢင်ႈၵႂႃႇမႃး  ယၢမ်းလဵဝ် ၵူၼ်းမိူင်းၸိူဝ်းတိုၵ်ႉ  ၶမ်ဝႆႉ ၼႂ်းဝဵင်းလၢဝ်ႇၵၢႆး ထူပ်းတၢင်းယၢပ်ႇၽိုတ်ႇတၢင်းၵိၼ် တၢင်းယမ်ႉ ။ ၵူၼ်းၼႂ်းပိုၼ်ႉတီႈလၢတ်ႈတီႈၽူႈတွႆႇႁွၵ်ႈဝႃႈ - “ မိူဝ်ႈလဵဝ် ၶဝ်ႈသၢၼ်ၵေႃႈ ဢမ်ႇသိုဝ်ႉလႆႈ  ။  ၶဝ်ႈသွႆးၸိူဝ်းၼႆႉၵေႃႈ ဢမ်ႇၸၢင်ႈသိုဝ်ႉယဝ်ႉ ။ ႁၢၼ်ႉ/သႅင်ႇၸိူဝ်းၼႆႉၵေႃႈ ပိၵ်ႉဢိုတ်းဝႆႉ...

တႄႇဢဝ် သိုၵ်းၵႅတ်ႇၶႄၵူၼ်းမိူင်း PDF လႄႈ သိုၵ်းယၢင်းလႅင်ၶဝ် တႄႇၽႅၼ်ၵၢၼ်တိုၵ်း 11.11 မႃးၼႆႉ သိုၵ်းမၢၼ်ႈလၢမ်းလိမ်းယိုဝ်းၵွင်ႈလူင်သႂ်ႇၸွမ်းလႅၼ်လိၼ် တႆး-ယၢင်းလႅင် မိူၼ်ၼင်ႇ မိူင်းပၢႆး ၊ ၾၢႆၶုၼ် လႄႈ လွႆၶေႃၸဵမ်ၸိူဝ်းၼႆႉသေ ၵူၼ်းမိူင်း တၢႆ ဢမ်ႇယွမ်း 20 ၼႆယဝ်ႉ။ Karen Human Rights Group...

ၽႅၼ်တိုၵ်း 1027 ဢၼ်ၸုမ်းဢူၺ်းလီ 3 ပီႈၼွင်ႉ ႁူမ်ႈၵၼ် ႁိုင်မႃး ၸဵမ်မိူဝ်ႈ ဝၼ်းတီႈ 27 ၼႆႉ မီးၵႂႃႇ 15 ဝၼ်းယဝ်ႉသေတႃႉ ပႆႇႁၼ်သီငဝ်း တႃႇတေၵိုတ်းယိုတ်းၵွၼ်ႇ။   ၵူၼ်းၶိူဝ်း  ၼမ်လိူဝ်သုတ်း ဢၼ်ပဵၼ်ၸၢဝ်းၶိူဝ်းတႆးၼႆႉ လႆႈၶၢမ်ႇတၢမ်ႇသိုၵ်းသိူဝ်ၼမ်လိူဝ်သုတ်းသေ မိူၼ်တေၸၢင်ႈဢဝ် တွၼ်ႈသွၼ် ဢၼ်ဝႃႈ ၵုမ်ႇသႄႉၼႄး...

ၸုမ်းဢူၺ်းလီပွတ်းႁွင်ႇ ၸႂ်ႉတရူၼ်ႊပွႆႇမၢၵ်ႇလေႃႇတိုၵ်း တပ်ႉသိုၵ်းမၢၼ်ႈႁၢဝ်ႈႁႅင်းသေ မီးလွင်ႈမၢတ်ႇၸဵပ်းလူႉတၢႆ  ။ တပ်ႉသိုၵ်းမၢၼ်ႈဢၼ်ၺႃး  တရူၼ်ႊမိၼ်ၶဝ်ႈမႃးပွႆႇမၢၵ်ႇပိုတ်းယိုဝ်း မိူဝ်ႈဝၼ်းတီႈ 11/11/2023 ၼၼ်ႉပဵၼ် တပ်ႉၵွင်ႈလူင် ဢမတ - 346 ၊ ၶလယ - 41 လႄႈ ၶမယ 507  ၸိူဝ်းၼႆႉ ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “...

သိုၵ်းမၢၼ်ႈယိုတ်းမိူင်း  ၵဵပ်းယွၼ်းငိုၼ်း ၸဝ်ႈပၢႆႈမၢၵ်ႈမီး တီႈတႃႈၶီႈလဵၵ်း ၸိုင်ႈတႆးပွတ်းဢွၵ်ႇ သႂ်ႇႁူဝ်ၶေႃႈဝႃႈ တႃႇၵမ်ႉၵႅမ်ၼႂ်းၵၢၼ်သိုၵ်း။ ၵူၼ်းၼႂ်းပိုၼ်ႉတီႈတႃႈၶီႈလဵၵ်းၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ၽူႈၵွၼ်းတပ်ႉပိဝ်ႇႁႃႇ တီႈတႃႈၶီႈလဵၵ်းၼႆႉ လႄႇႁႃႇၵဵပ်းယွၼ်းငိုၼ်း ၸဝ်ႈပၢႆးမၢၵ်ႈမီးလၢႆသႅၼ်းၼႂ်းၸႄႈဝဵင်းတႃႈၶီႈလဵၵ်း မိူၼ်ၼင်ႇ ၸဝ်ႈႁူင်းၵၢၼ်၊ ၸဝ်ႈၶွင်ႁူင်းႁႅမ်းၸိူဝ်းၼႆႉ။ ၶဝ်လၢတ်ႈဝႃႈ တႃႇတေၵႂႃႇၵမ်ႉထႅမ် သိုၵ်းၸိူဝ်းဢၼ် တိုၵ်းတေႃးယူႇၼႂ်းပၢင်တိုၵ်းၸိူဝ်းၼႆႉ” - ဝႃႈၼႆ။ တႄႇဢဝ် ၸုမ်းဢူၺ်းလီပွတ်းႁွင်ႇ...

သိုၵ်းမၢၼ်ႈဝဵင်းလႃႈသဵဝ်ႈ သင်ႇႁႂ်ႈၵူၼ်းယဵပ်ႉၶူဝ်းၼႂ်းဝဵင်းလႃႈသဵဝ်ႈ ယဵပ်ႉၶူဝ်းသိုၵ်းၵဝ်ႈၵၢင်ႉ MNDAA ၊ ၶူဝ်းသိုၵ်းတဢၢင်း TNLA လႄႈ ပႃႇတီႇမႂ်ႇသုင်ၸိုင်ႈတႆး SSPP လႄႈ ပဵၼ်ဢၼ်လီၾၢင်ႉလွၵ်းလိင်ႉသိုၵ်းမၢၼ်ႈ သိုဝ်ႇၶၢဝ်ႇ The Kokang ပိုၼ်ၽၢဝ်ႇဝႆႉ မိူဝ်ႈဝၼ်းတီႈ 12/11/2023 ၼင်ႇၼႆ။ ၼႂ်းၶေႃႈပိုၼ်ၽၢဝ်ႇၼၼ်ႉပႃးဝႆႉဝႃႈ သိုၵ်းမၢၼ်ႈၸၢင်ႈႁဵတ်းလၢႆးယွၵ်း လွၵ်ႇလႅၼ်ၽၢမ်းတႃၵူၼ်းမိူင်း၊ ၸၢင်ႈဢဝ်ၵူၼ်းမိူင်းပဵၼ်တူဝ်ယိူဝ်ႇ၊ ၽႅၼ်ၵၢၼ်ႁဵတ်းတႃႇယႃႉၸိုဝ်ႈယႃႉသဵင် ၸုမ်းသိုၵ်းဢူၺ်းလီ...

 ၶဝ်ႈလိူင်ႁူင်းၵွမ်ႉယဝ်ႉသေတႃႉ ၵူၼ်းမိူင်းသႅၼ်ဝီၵုမ်ႇလႆႈပၢႆႈၽေးသိုၵ်းလႄႈဢမ်ႇၸၢင်ႈမိူဝ်းပၢတ်ႇ၊ ပဵၼ်ဢၼ်မႆႈၸႂ်တႃႇလဵင်ႉလူၵၼ်ၼႂ်းပီတေမႃး တိုၼ်းဢမ်ႇၸၢင်ႈၵုမ်ႇ။ ၸုမ်းဢူၺ်းလီ  3 ၸုမ်းပိုတ်ႇၼႃႈသိုၵ်း 1027 ၸူးသိုၵ်းမၢၼ်ႈ ပိုတ်းယိုဝ်းၵၼ်ဢမ်ႇထၢတ်ႇလႆႈမႃး ၽၢၵ်ႇလိူၼ်သၢဝ်းဝၼ်းယဝ်ႉ ၊ သိုၵ်းမၢၼ်ႈၵုမ်ႇယိုဝ်းၵွင်ႈလူင်ၵႂႃႇၵူႈႁူးၵူႈတၢင်းလႄႈ  ၶဝ်ႈၼႃးလိူင် ႁူင်းၵွမ်ႉယဝ်ႉၵေႃႈၵူၼ်းမိူင်းဢမ်ႇႁတ်းမိူဝ်းဢဝ် မီးၼပ်ႉႁူဝ်ႁဵင်ဢေႊၶိူဝ်ႊ ။ ၵူၼ်းၼႂ်းပိုၼ်ႉတီႈၵေႃႉၼိုင်ႈလၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ ၶဝ်ႈၼႃး   မၢင်တီႈ ပေႃးၵွမ်ႉၼႃႇ ယဝ်ႉ ၊...

ဢွင်ႈတီႈၵဵပ်းမၢၵ်ႇၵွင်ႈၸိုၼ်းယၢမ်း ၼႂ်းတပ်ႉၵွင်ႈလူင်သိုၵ်းမၢၼ်ႈ တီႈၸႄႈဝဵင်းမိူင်းသၢတ်ႇ ၵိုင်ႉၵၢင်ႉတႅၵ်ႇပဵၼ်ၾႆး ၵူၼ်းမိူင်းတူၵ်းၸႂ်တိုၼ်ႇသၢၼ်ႈၶၢႆႉပၢႆႈ။ မိူဝ်ႈဝၼ်းတီႈ 12/11/2023 ယၢမ်းၵၢင်ၶမ်ႈ 7 မူင်းၶိုင်ႈၼၼ်ႉ သိုင်ႇၵဵပ်းမၢၵ်ႇၵွင်ႈၸိုၼ်းယၢမ်းသိုၵ်းမၢၼ်ႈ ၼႂ်းတပ်ႉၵွင်ႈလူင်သိုၵ်းမၢၼ်ႈ ႁိမ်းဝၢၼ်ႈမႄႈၼိမ် ၸႄႈဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇ ၵိုင်ႉၵၢင်ႉတႅၵ်ႇပဵၼ်ၾႆး ၵူၼ်းမိူင်းတူၵ်းၸႂ်တိုၼ်ႇသၢၼ်ႈၵူဝ်ႁႄ ။ ၼၢင်းယိင်း ၵူၼ်းပိုၼ်ႉတီႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ ၸႂ်ႈဢေႃႈ မႅၼ်ႈမိူဝ်ႈႁဝ်းၶႃႈ တိုၵ်ႉၵႂႃႇတႆႈတဵၼ်း...