ႁူဝ်လိူၼ်ၵျုၼ်ႊၼႆႉ သိုၵ်းၶၢင် KIA ၸိူဝ်းတူင်ႉၼိုင်ပၼ်ႇၵၢၼ်ၽွင်းငမ်းယူႇၼႂ်းၸႄႈဝဵင်းမူႇၸေႊ ႁဵတ်းလိၵ်ႈသူင်ႇထိုင် ၵူၼ်းမိူင်းၸိူဝ်းယူႇၼႂ်းပိုၼ်ႉတီႈ ယွၼ်းငိုၼ်း ႁႂ်ႈၵႂႃႇသႂ်ႇၶွၼ်ႇ ၵႃႈပိုတ်ႇႁူင်းႁဵၼ်း၊ ပိုတ်ႇႁၢၼ်ႉတၢင်းၶၢႆၵုၼ်ႇယွႆႈၵူႈသႅၼ်းသႅၼ်း လႄႈ ႁၢၼ်ႉၶၢႆၾူၼ်း၊ ႁၢၼ်ႉၶၢႆၶမ်း ၸဵမ်ၸိူဝ်းၼႆႉ ဝႃႈၼႆ။ ၵူၼ်းမိူင်းဝဵင်းမူႇၸေႊ လႆႈႁပ်ႉလိၵ်ႈတႃႇႁႂ်ႈၵႂႃႇသႂ်ႇၶွၼ်ႇၼၼ်ႉ လၢတ်ႈတီႈၽူႈတွႆႇႁွၵ်ႈဝႃႈ “ၸူဝ်ႈဝူင်ႈၼႆႉသိုၵ်းၶၢင်ၶဝ်မႃးသူင်ႇလိၵ်ႈ ယွၼ်းၵဵပ်းၶွၼ်ႇၼႆဝႃႇ။ ၽိူဝ်ႇတူၺ်းဝၼ်းမၼ်း ၼႂ်းၽိုၼ်လိၵ်ႈ ၼၼ်ႉ သမ်ႉပေႃးမူတ်းဢႃယုၵႂႃႇယဝ်ႉ။ ပဵၼ်ၵူၼ်းတၢင်းတႂ်ႈၶဝ်...

မိူဝ်ႈဝၼ်းတီႈ 9/6/2026 ယၢမ်းၵၢင်ၼႂ် 11 မူင်းၶိုင်ႈ သိုၵ်းၶၢင် KIA တင်း သိုၵ်းတႆး SSPP/SSA ပဵၼ်ပၼ်ႁႃ ထဵင်မေႃးၵၼ် လွင်ႈၵဵပ်းငိုၼ်းၵႃႈၶွၼ်ႇ မေႃႇၶမ်း တီႈသူပ်းပွင်ႇ (ၼမ်ႉတီး-ၼမ်ႉပူဝ်ႈ) ႁိမ်းဝၢၼ်ႈၵဝ်ႇသၢႆးၶၢဝ် ဢိူင်ႇၼမ်ႉဢုမ် ၸႄႈဝဵင်းမူႇၸေႊ။ ၵူၼ်းပိုၼ်ႉတီႈဢၼ်ၸမ်ၸႂ်တင်းသိုၵ်းသွင်ၸုမ်းလၢတ်ႈဝႃႈ - ငဝ်ႈငႃႇပၼ်ႁႃ ပဵၼ်ယွၼ်ႉ ၸုမ်းသိုၵ်းၶၢင် KIA...

မိူဝ်ႈဝႃးဝၼ်းတီႈ 8/6/2026 ယၢမ်းတၢမ်းၶမ်ႈ 3 မူင်းၶိုင်ႈ ၸဝ်ႈႁၢၼ်ႉၶၢႆၶမ်း ၼႂ်းၵၢတ်ႇလူင်ဝဵင်းမူႇၸေႊ ၵူၼ်းၸုမ်းၼိုင်ႈၸူၼ် ႁိမ်ဢဝ်ထူင်ၶမ်းၵႂႃႇ ၸွမ်းတၢင်း ၽွင်းဢိုတ်းလၢၼ်ႉ ယဝ်ႉသေ ပွၵ်ႈၶိုၼ်းႁိူၼ်းယေး ၊ ၶမ်း ပႃးၵႂႃႇၸွမ်း 30 ၵျၢပ်ႈ ၵိုင်ႇငိုၼ်းမၢၼ်ႈ မွၵ်ႈ 2,000 သႅၼ်ပျႃး ဝႃႈၼႆ။ ၽွင်းၸဝ်ႈႁၢၼ်ႉၶမ်း ပႃးတင်းထူင်ငိုၼ်းထူင်ၶမ်းသေ...

မိူဝ်ႈဝၼ်းတီႈ 28/5/2026 ယၢမ်းတၢမ်းၶမ်ႈ ပလိၵ်ႈ တင်း သိုၵ်းမၢၼ်ႈ ႁူမ်ႈၵၼ်ၵႂႃႇတီႉၺွပ်းဢဝ် ၵူၼ်းမိူင်းၼွၵ်ႈ လႄႈ ၵူၼ်းၼႂ်းမိူင်းမၢၼ်ႈ ၸိူဝ်းႁဵတ်းၵၢၼ်ၵျႃႊၽျႅၼ်ႉယူႇ ၼႂ်းပွၵ်ႉ ၸွၼ်ၸေႃႇ ဝဵင်းမူႇၸေႊ တႃႇ 28 ၵေႃႉ ၼႆယဝ်ႉ။ ၽွင်းၸဝ်ႈၼႃႈတီႈပလိၵ်ႈၶဝ် ၵႂႃႇတီႉၺွပ်းၼၼ်ႉ ယိုတ်းဢဝ်လႆႈပႃး ၶိူင်ႈၸႂ်ႉတိုဝ်း ၼႂ်းၵၢၼ်လွၵ်ႇလႅၼ်ၵိၼ် ငိုၼ်းတင်းဢွၼ်ႊလၢႆး (ၵျႃႊၽျႅၼ်ႉ)...

ၼႂ်းၶၢဝ်းတၢင်း မိၼ်းဢွင်ႇလၢႆႇ ၶိုၼ်ႈပဵၼ်ၸွမ်ၸိုင်ႈသေ ၶွတ်ႇၽွတ်ႈၸုမ်းလူင်ပွင်ၸိုင်ႈယိုတ်းမိူင်းယဝ်ႉ တႄႇၽႅၼ်ၵၢၼ် လူင်းပိုၼ်ႉတီႈ ႁဵတ်းသၢင်ႈၼႃႈၵၢၼ် ႁိုင်ၶၢဝ်းတၢင်း 100 ဝၼ်းၼၼ်ႉ လိူၼ်မေႊၼႆႉ မၢၵ်ႇတႅၵ်ႇၼႂ်းဝဵင်းမူႇၸေႊ သွင်ပွၵ်ႈ ပဵၼ်ၶၢဝ်းၵၢင်ၶိုၼ်း တင်းသွင်ဝၼ်း ဝႃႈၼႆ။ မိူဝ်ႈဝႃးဝၼ်းတီႈ 25/5/2026 ယၢမ်းၵၢင်ၶိုၼ်းတဵင်ႈ မွၵ်ႈ 12 မူင်း သဵင်မၢၵ်ႇတႅၵ်ႇၵိုင်ႉၵၢင်ႉလင်ၶိုၼ်ႈမႃး ၼႂ်းဝဵင်းမူႇၸေႊ ႁဵတ်းႁႂ်ႈၵူၼ်းမိူင်းၸိူဝ်းယူႇၼႂ်းပိုၼ်ႉတီႈ...

ၼမ်ႉမၼ်းၸၢၵ်ႈၼႂ်းမိူင်းတႆး ႁႃသိုဝ်ႉယၢပ်ႇၵိၼ်းမႃးၵူႈမိုဝ်ႉၵူႈဝၼ်း လူင်ပွင်ၸိုင်ႈတႂ်ႈသိုၵ်းမၢၼ်ႈယိုတ်းမိူင်း ၵေႃႈ ပိုၼ်ၽၢဝ်ႇပိူင်ၸႂ်ႉတိုဝ်း လႄႈ မၵ်းတတ်းလၢႆးသိုဝ်ႉၼမ်ႉမၼ်းၸၢၵ်ႈလၢႆသႅၼ်းလႄႈ ႁဵတ်းႁႂ်ႈၵႃႈၶၼ်ၼမ်ႉမၼ်းၸၢၵ်ႈ ပုင်ႈၶိုၼ်ႈၵႂႃႇၼမ်လိူဝ်ၵဝ်ႇ 2 ထိုင် 3 ပုၼ်ႈ ။ ၵႃႈၶၼ်ၼမ်ႉမၼ်းၸၢၵ်ႈ ဢၼ်လူင်ပွင်ၸိုင်ႈသိုၵ်းမၢၼ်ႈယိုတ်းမိူင်း မၵ်းမၼ်ႈပဵၼ်တၢင်းၵၢၼ်ၼၼ်ႉ ၼႂ်းၶၢဝ်းတၢင်း သွင်ဝူင်ႈၼႆႉ ထၢတ်ႈသီႇ ၼိုင်ႈလီႇတႃႇလႂ် ပုင်ႈၶိုၼ်ႈၵႂႃႇမွၵ်ႈ 1,500 ပျႃးပၢႆ၊ တီႇၸႄႇ...

မိူဝ်ႈဝႃးဝၼ်းတီႈ 28 လိူၼ်တီႊသႅမ်ႊပိူဝ်ႊ သိုၵ်းမၢၼ်ႈယိုတ်းမိူင်းၸတ်းႁဵတ်းပၢင်လိူၵ်ႈတင်ႈၵႂႃႇ ၼႂ်းဝဵင်းမူႇ ၸေႊ မိူင်းတႆးပွတ်းႁွင်ႇ ။ ၵူၼ်းမိူင်းၸိူဝ်းယူႇၼႂ်းဝဵင်းမူႇၸေႊ ၵႂႃႇပၼ် သဵင် တီႈႁူင်းပၼ်သဵင် မီးမွၵ်ႈ 1 ပုၼ်ႈ ၵူၺ်းသေ သိုၵ်းမၢၼ်ႈယိုတ်းမိူင်းၸႂ်ႉ ၶႅပ်းၵၢင်ၸႂ်လူင်ႈၼႃႈ ဢဝ်ပေႉပႃႇတီႇတၢင်ႇၸုမ်းၵိၼ်ၶၢတ်ႇၵႂႃႇ ၼႆယဝ်ႉ။ ၼႂ်းဝၼ်းပၢင်လိူၵ်ႈတင်ႈတီႈဝဵင်းမူႇၸေႊၼႆႉ ပႃႇတီႇသၢင်ႇသီႈ USDP ၶွင်သိုၵ်းမၢၼ်ႈယိုတ်းမိူင်း...

ပၢင်လိူၵ်ႈတင်ႈ ၵမ်းထိ 1 ၼႂ်းမိူင်းတႆးသၢမ်ၸႄႈဝဵင်း ဢၼ်သိုၵ်းမၢၼ်ႈယိုတ်းမိူင်း ဢွၼ်ၼမ်းၸတ်းႁဵတ်းၼႂ်းဝၼ်းတီႈ 28/12/2025 ၼႆႉ ယဝ်ႉတူဝ်ႈၵႂႃႇယဝ်ႉသေ ယၢမ်းလဵဝ်တိုၵ်ႉပႂ်ႉၶေႃႈတွပ်ႇ တႃႇႁူႉလႆႈဝႃႈ ပႃႇတီႇလႂ် လႆႈၶႅပ်းသဵင်ၵၢင်ၸႂ်ၵႃႈႁိုဝ်ၼႆယူႇ ။ ယၢမ်းလဵဝ် တႃႇႁူႉလႆႈဝႃႈ ၼႂ်းဝဵင်းမူႇၸေႊတင်းသဵင်ႈၼႆႉ ၸိူဝ်းမီးပုၼ်ႈၽွၼ်းပႂ်ႉတီႈ ႁူင်းပၼ်သဵင် ၼႂ်းဝဵင်းမူႇၸေႊ ယင်းတိုၵ်ႉၼပ်ႉဢၢၼ်ႇ ၶႅပ်းမႄးသေ ပႂ်ႉၶႅပ်းၵၢင်ၸႂ်ဢၼ်သႂ်ႇဝႆႉလူင်ႈၼႃႈ မိူဝ်ႈဝၼ်းတီႈ 17...

မိူဝ်ႈၼႆႉ ဝၼ်းတီႈ 28/12/2025 ပဵၼ်ဝၼ်းသိုၵ်းမၢၼ်ႈယိုတ်းမိူင်းႁဵတ်းပၢင်လိူၵ်ႈတင်ႈ ၸႂ်ႉၵူၼ်းမိူင်း ၼႂ်းမိူင်းတႆးပွတ်းႁွင်ႇ၊ ပွတ်းၸၢၼ်း၊ ပွတ်းဢွၵ်ႇ ၵႂႃႇပၼ်သဵင်တီႈႁူင်းပၼ်သဵင် ၼႂ်းၶဵတ်ႇလိူၵ်ႈတင်ႈၽႂ်မၼ်း တင်ႈတႄႇၶၢဝ်းယၢမ်းၵၢင်ၼႂ် 6 မူင်း တေႃႇထိုင် ယၢမ်းတၢမ်းၶမ်ႈ 4 မူင်း ၼႆယဝ်ႉ။ ၼႂ်းမိူင်းတႆးပွတ်းႁွင်ႇတႄႉ ၸတ်းႁဵတ်းပၢင်လိူၵ်ႈတင်ႈၵႂႃႇ သၢမ်ဝဵင်းၵူၺ်း။ ပဵၼ်ဝဵင်းမူႇၸေႊ၊ ဝဵင်းလႃႈသဵဝ်ႈ လႄႈ ဝဵင်းၼွင်ၶဵဝ်။...

ၽွင်းၸမ်ထိုင်ဝၼ်းပၢင်လိူၵ်ႈတင်ႈ ထႅင်ႈမွၵ်ႈၼိုင်ႈဝူင်ႈၼႆႉ သိုၵ်းမၢၼ်ႈ ၸိူဝ်းႁပ်ႉၼႃႈတီႈပုၼ်ႈၽွၼ်း တူင်ႉၼိုင်ၵႂႃႇမႃးၼႂ်းဝဵင်းမူႇၸေႊ ႁူမ်ႈၵၼ်တင်း ၸုမ်းပလိၵ်ႈသေ တင်ႈၵဵတ်ႉလၢၼ်ႇ ပႂ်ႉၵူတ်ႇထတ်း ၵူၼ်းၶဝ်ႈ ၵူၼ်းဢွၵ်ႇ ၼိူဝ်သဵၼ်ႈတၢင်း ၼႂ်းဝဵင်းမူႇၸေႊႁၢဝ်ႈႁႅင်း ။ ဝၼ်းတီႈ 28 လိူၼ်တီႊသႅမ်ႊပိူဝ်ႊၼႆႉ သိုၵ်းမၢၼ်ႈယိုတ်းမိူင်း တေၸတ်းႁဵတ်းပၢင်လိူၵ်ႈတင်ႈ ၼႂ်းဝဵင်းမူႇၸေႊ ၸုပ်ႈၼိုင်ႈၼႆလႄႈ ၽွင်းတိုၵ်ႉႁၢင်ႈႁႅၼ်း တႃႇၸတ်းပၢင်မၼ်းယူႇ ၼၼ်ႉ ရူတ်ႉၶိူင်ႈ...

ပၢင်လိူၵ်ႈတင်ႈ ဢၼ်သိုၵ်းမၢၼ်ႈၼမ်းၸတ်း တေႁဵတ်းၼႂ်းဝၼ်းတီႈ 28/12/2025 ၼႆႉ ၵူၼ်းမိူင်း ဢမ်ႇသူၼ်ၸႂ် တႃႇၵႂႃႇပၼ်ၶႅပ်းၵၢင်ၸႂ်လႄႈ ဢမ်ႇမီးၽႂ်ၵႂႃႇတူၺ်း သဵၼ်ႈၸိုဝ်ႈ ၸဝ်ႈၵဝ်ႇ ဢၼ်ၶွမ်ႊမသျိၼ်ႊၵမ် ၵၢၼ်ပၢင်လိူၵ်ႈတင်ႈ မိူင်းႁူမ်ႈတုမ် ႁဵတ်းဢွၵ်ႇပိုၼ်ၽၢဝ်ႇမႃး ၼႆယဝ်ႉ။ ယိင်ႈပၢင်လိူၵ်ႈတင်ႈၸမ်မႃး သိုၵ်းမၢၼ်ႈၶႅၼ်းမိပ်ႇငႅၼ်း တဵၵ်းတဵင် လွၵ်ႇငိုတ်ႈတေႃႇၵူၼ်းမိူင်းၼႂ်းဝဵင်းမူႇၸေႊ မိူင်းတႆးပွတ်းႁွင်ႇ ၵႂႃႇတူၺ်းၸိုဝ်ႈၽႂ်မၼ်း ၼႂ်းသဵၼ်ႈမၢႆၵူၼ်းၸိူဝ်းမီးသုၼ်ႇတေလႆႈသႂ်ႇၶႅပ်းၵၢင်ၸႂ်ၼၼ်ႉ...

တႄႇႁူဝ်လိူၼ်ၼူဝ်ႊဝႅမ်ႊပိူဝ်ႊၼႆႉမႃး ၾူၼ်တူၵ်းႁႅင်းၼႂ်းမိူင်းတႆးပွတ်းႁွင်ႇ၊ ပွတ်းၸၢၼ်း လႄႈ ပွတ်းဢွၵ်ႇပတ်းပိုၼ်ႉမိူင်းႁူမ်ႈတုမ် ႁဵတ်းႁႂ်ႈၵႄးၼမ်ႉယႂ်ႇလၢႆလၢႆတီႈ ၼွင်းၶိုၼ်ႈ လုပ်ႇထူမ်ႈသႂ်ႇတူင်ႈၼႃး၊ သဵၼ်ႈတၢင်း ၸွမ်းၼႂ်းပွၵ်ႉၼႂ်းယွမ်ႇ ၼႂ်းမိူင်းတႆးပွတ်းႁွင်ႇ။ ယွၼ်ႉၾူၼ်တူၵ်းထပ်းၵၼ်ႁႅင်း ႁိုင်ၶၢဝ်းတၢင်းမွၵ်ႈ ၼိုင်ႈဝူင်ႈပၢႆၼႆႉသေ ၼမ်ႉၼွင်းလုပ်ႇထူမ်ႈ သူၼ်၊ လွၵ်းၼႃး လႄႈ သဵၼ်ႈတၢင်း ၶွင်ၵူၼ်းမိူင်းၸႄႈဝဵင်းမူႇၸေႊ၊ ၸႄႈဝဵင်းၼမ်ႉတူႈ၊ ၸႄႈဝဵင်းၼမ်ႉၶမ်း၊ ၸႄႈဝဵင်းသႅၼ်ဝီ လႄႈ ၸႄႈဝဵင်းၵူတ်ႉၶၢႆ...

တႃႈဝၢၼ်ႈမိူင်းၼိုင်ႈလုၵ်ႈ တေယူႇလွတ်ႈလႆႈၼၼ်ႉ ၵၢၼ်ၵႃႉၵၢၼ်ၶၢႆလမ်ႇလွင်ႈတႄႉတႄႉ  ။ တီႈဢၼ်ၵၢၼ်ၵႃႉၶၢႆ ဢွင်ႇမၢၼ်ၼႆႉသမ်ႉပဵၼ်တီႈလႅၼ်လိၼ်။  မိူၼ်ၼင်ႇၽႅၼ်ႇလိၼ်မိူင်းတႆးၼႆႉတိတ်းၸပ်းတင်းမိူင်းၶႄႇ - မိူင်းထႆးလႄႈ ၸင်ႇဝႃႈ ပဵၼ်တီႈငိုၼ်းၶဝ်ႈၼမ်သုတ်းၼႂ်းၸိုင်ႈမိူင်း။ ၸုမ်းယိပ်းၵွင်ႈၵၢင်ႇလၢႆလၢႆၸုမ်းၵေႃႈၶႂ်ႈလႆႈၽႅၼ်ႇလိၼ်ၸိုင်ႈတႆး- တွၼ်ႈတႃႇယူႇလွတ်ႈလႆႈ။ ၼႂ်းမိူင်းတႆးၼႆႉဝဵင်းဢၼ်ႁႃၵိၼ်လဵင်ႉတွင်ႉငၢႆႈပဵၼ်ဝဵင်းမူႇၸေႊ- ဝဵင်းတႃႈၶီႈလဵၵ်းဢိၵ်ႇလၢႆလၢႆဝဵင်းၼႂ်းၼႃႈလိၼ်ဝႃႉလႄႈမိူင်းလႃး။ ၵူၺ်းၵႃႈၼႂ်းၵႃႈဝဵင်းၸိူဝ်းၼႆႉ ဢၼ်မီးၸုမ်းယိပ်းၵွင်ႈၵၢင်ႇၼမ်ပျီႇတူႉၸိတ်ႉၼမ် ပဵၼ်ဝဵင်းမူႇၸေႊ။ မီးၸုမ်းပျီႇတူႉၸိတ်ႉ ၸုမ်းလဵၵ်ႉ ၸုမ်းယႂ်ႇတင်းမူတ်း ဢမ်ႇယွမ်း 40 ၸုမ်း။...

ၼႂ်းလိူၼ်ဢေႃႊၵတ်ႊသ်ၼႆႉ သိုၵ်းမၢၼ်ႈ ၸီႉသင်ႇလူင်းတီႈၽူႈၵွၼ်းပွၵ်ႉ၊ ၵွၼ်းဢိူင်ႇ ၼႂ်းၸႄႈဝဵင်းမူႇၸေႊ ႁႂ်ႈလူင်းၵူတ်ႇထတ်းသဵၼ်ႈမၢႆႁူဝ်ၼပ်ႉၵူၼ်းမိူင်း ၸိူဝ်းယူႇသဝ်းဝႆႉတင်းသဵင်ႈၼၼ်ႉၵူၺ်းဢမ်ႇၵႃး ၵူၼ်းတၢင်ႇဝၢၼ်ႈတၢင်ႇမိူင်း ၸိူဝ်းၵႂႃႇႁဵတ်းၵၢၼ်ၸွမ်းလႅၼ်လိၼ်မိူင်းမၢၼ်ႈ - မိူင်းၶႄႇသေ ယူႇသဝ်းဝႆႉ ၼႂ်းၸႄႈဝဵင်းမူႇၸေႊၼၼ်ႉၵေႃႈ ႁႂ်ႈၵႂႃႇႁဵတ်းဝႂ်မုင်ႉႁေႃႁိူၼ်း တီႈႁွင်ႈၵၢၼ် ၾၢႆႇၵူတ်ႇထတ်း ၵူၼ်းၶဝ်ႈဢွၵ်ႇမိူင်း ၼႆယဝ်ႉ။ တႃႇၸတ်းႁဵတ်းပၢင်လိူၵ်ႈတင်ႈ ၼႂ်းၸႄႈဝဵင်းမူႇၸေႊၼႆႉ သိုၵ်းမၢၼ်ႈလႄႈ ၶႃႈႁၢပ်ႇၵၢၼ်ၶုၼ် ၸုမ်းလူင်ပွင်ၸိုင်ႈ တႂ်ႈသိုၵ်းမၢၼ်ႈၵုမ်းၵမ် တိုၵ်ႉႁၢင်ႈႁႅၼ်း...

မိူဝ်ႈၼႆႉ ဝၼ်းတီႈ 24/07/2025 ယၢမ်းဝၢႆးဝၼ်း မွၵ်ႈ 3 မူင်း ၵူၼ်းၸၢႆးမွၵ်ႈႁႃႈၵေႃႉ ယိုဝ်းၼၢင်းယိင်းသွင်ၵေႃႉတၢႆ ႁိမ်းလုမ်းၸွပ်ႇၶၢဝ်ႇသိုၵ်းမၢၼ်ႈ ၾၢႆႇၼႃႈႁၢၼ်ႉၶၢႆ ၼမ်ႉၼဵင်ႈဝၢၼ် “ပီႇတိ” ၼႂ်းပွၵ်ႉၼိူဝ် ဝဵင်းမူႇၸေႊ ၸိုင်ႈတႆးပွတ်းႁွင်ႇ။ ၵူၼ်းၸၢႆး ဢႃႇယု 40 ပၢႆ ယူႇဝဵင်းမူႇၸေႊ ဢၼ်ႁူႉႁၼ်ၸွမ်းလွင်ႈၼႆႉ လၢတ်ႈၼႄတီႈၽူႈတွႆႇႁွၵ်ႈဝႃႈ “ ဢၼ်တၢႆၼႆႉ...