ၵူၼ်းၵိုၵ်းပိုၼ်း တူဝ်တၢႆၵေႃႈ ၸိုဝ်ႈဢမ်ႇႁၢႆဝႃႈၼႆသေတႃႉ ၵိုတ်းၸိုဝ်ႈၼဝ်ႈၵိုၵ်းပိုၼ်းဝႆႉၼႆႉတႄႉ ၽႂ်ၵေႃႈဢမ်ႇၶႂ်ႈပဵၼ်။ ၵူၺ်းၵႃႈ သင်ဝႃႈ မိုတ်ႈမၵ်ႉမဝ်းမိင်းဢႃႇၼႃႇ ငိုၼ်းတွင်း တီႈယူႇလီ ဢမ်ႇၼၼ် ဢၼ်တၢင်းၶေႃႈၵႂၢမ်းဢိင်းၵလဵတ်ႈဝႃႈ Comfort Zone ၼၼ်ႉသေ ဢမ်ႇႁူႉဢမ်ႇပွင်ႇၸႂ် လူၺ်ႈလွင်ႈလူၺ်ႈတၢင်းတႄႉ ပွင်ႇဝႃႈ ၵူၼ်းၵေႃႉၼၼ်ႉ ပႃးၼႂ်းသႅၼ်း ဢၼ်မီးၸႂ်လမ်ႇမၢၵ်ႇလေႃးၽယႂ်ႇ။ ပဵၼ်ၵူၼ်းဢမ်ႇမေႃသွၼ်ႇပႃႈၼႃႈပႃႈလင် ဝူၼ်ႉၵႂင်တႅပ်းတတ်းဢမ်ႇၽဵၼ်ႈ၊ ဢမ်ႇမီးလွင်ႈတၢင်းႁတ်းႁၢၼ်။...

ဝၼ်းတီႈ 06/08/2025 ၼႆႉ ၸုမ်း FDMR တႂ်ႈသိုၵ်းရၶႅင်ႇ AA တီႉၺွပ်းလႆႈၵူၼ်းမိူင်းၶႄႇ ၸိူဝ်းႁဵတ်းၵၢၼ်လွၵ်ႇလႅၼ်ငိုၼ်းတၢင်းဢွၼ်ႊလၢႆႊ ၸုမ်းၵျႃးၽႅၼ်ႉၼၼ်ႉ 10 ပၢႆသေ သူင်ႇၸူးမိူင်းၶႄႇ တီႈၽၵ်းတူၶၢမ်ႈလႅၼ်လိၼ်ၵျိၼ်ႊသၢၼ်းၵျေႃႉ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ -“ႁဝ်းၶႃႈလႆႈႁၼ်ၶဝ် မႃးသူင်ႇတီႈၽၵ်းတူၶၢမ်ႈမိူင်း ၵျိၼ်ႊသၢၼ်ႊၵျေႃႉၼႆႉ။ ၶဝ်ၶီႇမႃးၵႃးႁႃႈႁူၵ်းလမ်း တၢင်ႇမႃးၵူၼ်းၶႄႇမွၵ်ႈ 11...

တႄႇၵၢင်လိူၼ်ၵျူႊလၢႆႊမႃး ဝၢႆးသိုၵ်းမၢၼ်ႈယိုတ်းၵုမ်းၶိုၼ်း ၸႄႈဝဵင်းၼွင်ၶဵဝ် တႂ်ႈသိုၵ်းတဢၢင်းၵုမ်းၵမ် ဝႆႉၼၼ်ႉ သိုၵ်းမၢၼ်ႈၵူတ်ႇထတ်း ၵူၼ်းပၢႆႈၽေးသိုၵ်း ၸိူဝ်းပွၵ်ႈမႃးယူႇ ၶိုၼ်းႁိူၼ်းၼၼ်ႉသေ သင်ဢမ်ႇၸႂ်ႈၵူၼ်းယိပ်းမၢႆၾၢင် ဝဵင်းၼွင်ၶဵဝ်ဝႆႉၸိုင် ဢမ်ႇပၼ်ၶဝ်ႈၶိုၼ်း ၼႂ်းဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ။ သိုၵ်းမၢၼ်ႈမၢပ်ႇၼႄး ၵူၼ်းမိူင်းၸိူဝ်းပၢႆႈၽေးပၢင်တိုၵ်း ၼႂ်းၸႄႈဝဵင်းၼွင်ၶဵဝ် ဢွၵ်ႇၵႂႃႇယူႇဝႆႉဢွင်ႈတီႈ လွတ်ႈၽေးဝႆႉၵမ်ႈၽွင်ႈ ၼၼ်ႉဝႃႈ ပဵၼ်ၵူၼ်းၵမ်ႉထႅမ် သိုၵ်းတဢၢင်း TNLA ၊ သိုၵ်းထၼူႉ...

ဝၼ်းတီႈ 06 -07/08/2025 ၸွမ်ၽွင်းလူင်မိူင်းတႆး ၸုမ်းသိုၵ်းမၢၼ်ႈ ဢူးဢွင်ႇဢွင်ႇ ဢွၼ်ၼမ်းၽူႈၶဝ်ႈၸုမ်း၊ ဢိၵ်ႇၸုမ်းၶွင်ႇသီႇ ၾၢႆႇၵႅတ်ႇၶႄၸိူဝ်ႉၸၢတ်ႈမိူင်းႁူမ်ႈတုမ် ပဵၼ်တူဝ်တႅၼ်း ၸုမ်းလူင်ပွင်ၸိုင်ႈမိူင်းႁူမ်ႈတုမ် တႂ်ႈသိုၵ်းမၢၼ်ႈၵုမ်းၵမ်သေ ၵႂႃႇႁူပ်ႉထူပ်းၽူႈၼမ်း ၸုမ်းသိုၵ်းဝႃႉ (UWSA) တီႈဝဵင်းပၢင်သၢင်း။ ႁွင်ႈၵၢၼ်ၶၢဝ်ႇ ၸုမ်းသိုၵ်းဝႃႉ ပိုၼ်ၽၢဝ်ႇပဵၼ်တၢင်းၵၢၼ်ဝႆႉဝႃႈ - ဝၼ်းတီႈ 6 ယၢမ်းဝၢႆးဝၼ်း တူဝ်တႅၼ်း ၸုမ်းလူင်ပွင်ၸိုင်ႈမိူင်းတႆး...

မိူဝ်ႈဝၼ်းတီႈ 6 လိူၼ်ဢေႃးၵၢတ်ႉသ် ၸုမ်းယိပ်းၵွင်ႈၵၢင်ႇၸၢဝ်းၶိူဝ်း 7 ၸုမ်း ၸိူဝ်းလူင်းလၢႆးမိုဝ်းၵိုတ်းတိုၵ်းတူဝ်ႈမိူင်း NCA ၸတ်းႁဵတ်းပၢင်ဢုပ်ႇဢူဝ်းၵၼ် တၢင်းဢွၼ်ႊလၢႆႊ ၽူႈၼမ်း EAOs ၸွမ်သိုၵ်းလူင် ယွတ်ႈသိုၵ်း ၼမ်းၼႃႈ ပၢင်ၵုမ် ။ ပၢင်ၵုမ်ၼၼ်ႉ မီးၵႅမ်ၽူႈၼမ်း ဢွင်ႇမိၼ်းၼၢႆႇ လႄႈ ၸုမ်းၽူႈၼမ်းၼႂ်း၊ ၽူႈၵွၼ်းၾၢႆႇဢုပ်ႇဢူဝ်းငူပ်ႉငီႉ ၼႂ်းၶွမ်ႇမတီႇ ၾၢႆႇႁဵတ်းသၢင်ႈၵၢၼ်ငၢၼ်း...

တၢင်းႁူႉၵူႈသမ်ႇသႅၼ်ပိူင်ၼႆႉ မီးၼႂ်းလိၵ်ႈလၢႆးၼႆ ယၢမ်ႈငိၼ်းယၢမ်ႈႁူႉၵၼ်မႃးယူႇၸဵမ်လႂ်သေတႃႉ တေႃႇထိုင်ယၢမ်းလဵဝ် ၼႂ်းတူင်ႇၵူၼ်းတႆးႁဝ်း ပႆႇပေႃးပွင်ႇၸႂ်ထိုင်ၸႂ်မွၵ်ႈၵႃႈႁိုဝ်။ ၵေႃႉလၢတ်ႈၵေႃႈ လၢတ်ႈယူႇ ၵေႃႉတႅမ်ႈၵေႃႈ တႅမ်ႈယူႇသေတႃႉ တၢင်းႁူႉဢၼ်ၵူၼ်းမိူင်းတႆးထုၵ်ႇလီႁူႉၼၼ်ႉ ပႆႇၶဝ်ႈထိုင်လႆႈ။ လွင်ႈၸိူဝ်းၼႆႉ ပဵၼ်ယွၼ်ႉၵူၼ်းမိူင်းတႆးၵမ်ႈၼမ် ဢမ်ႇသူင်လူလိၵ်ႈ၊ ဢမ်ႇသူႈမီးၾိင်ႈဢၼ်လူလိၵ်ႈလၢႆး။ သင်ယၢၼ်လိၵ်ႈလၢႆးၵႂႃႇတိၵ်းတိၵ်းတႄႉ ၵႂၢမ်းလၢတ်ႈတႆးၵေႃႈ တေယဵၼ်းပဵၼ်ၵႂၢမ်းပိူၼ်ႈ၊ ၵူၼ်းတႆးၵေႃႈ တေယဵၼ်းပဵၼ်ၵူၼ်းပိူၼ်ႈယဝ်ႉ။ မၢင်ၸိူဝ်း ႁၼ်ဝႃႈ ၵွမ်ႉၵူၺ်းတႅမ်ႈလိၵ်ႈသွၼ်လၢႆး၊ ႁွင်ႉၽဵင်းၵႂၢမ်း...

ယၢမ်းလဵဝ် တီႈလႅၼ်လိၼ်တႆး - ထႆး ဝဵင်းတႃႈၶီႈလဵၵ်းၼႆႉ ၵူၼ်းမိူင်းၸိူဝ်းယိပ်းပပ်ႉၶၢမ်ႈလႅၼ်လိၼ် ဢၼ်မီးဢႃယုၼိုင်ႈပီၼၼ်ႉ ထူပ်းလွင်ႈယၢပ်ႇ ယွၼ်ႉၾၢႆႇၵၢၼ်လုမ်းၶဝ် ဢမ်ႇ ႁပ်ႉတေႃႇဢႃယုလႄႈ ႁဵတ်းပၼ် ပပ်ႉမႂ်ႇထႅင်ႈ ၼႆယဝ်ႉ။ ၵူၼ်းတေႃႉသူင်ႇ ၵူၼ်းၶၢမ်ႈလႅၼ်လိၼ် ဝဵင်းတႃႈၶီႈလဵၵ်း ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “တႃႇတေၶၢမ်ႈၵႂႃႇၶၢမ်ႈမႃးၼႆႉ ပပ်ႉမၼ်းၸႂ်ႉလႆႈမိူၼ်ၵဝ်ႇယူႇ။ ၵူၺ်းၵႃႈ ပေႃးပပ်ႉႁဝ်းၼၼ်ႉ ၼႃႈလိၵ်ႈတႃႇ...

ဝၼ်းတီႈ 6/8/2025 ၾူၼ်တူၵ်းႁၢဝ်ႈႁႅင်း ၼမ်ႉႁူၺ်ႈၼမ်ႉလွႆ ၼွင်းလေႃႇၶဝ်ႈယွင်ၵဵပ်းၼမ်ႉဝၢၼ်ႈလုၵ်းပႃ ၊ ၼမ်ႉလူၼ်ႉယွင် ၼွင်းထူမ်ႈၸွမ်းသဵၼ်ႈတၢင်းၵႂႃႇ ၼွင်ပိင်-ပုင်ႇဝူဝ်း လႄႈ ထူမ်ႈပႃးႁိူၼ်းယေးၵူၼ်းမိူင်း ၸိူဝ်းမီးၼႂ်းပွၵ်ႉ 5 ထုင်ႉၼွင်ပိင် ၸႄႈဝဵင်း ၵျွၵ်ႉမႄး ၸိုင်ႈတႆးပွတ်းႁွင်ႇ။ ၼမ်ႉၵိုင်ႉၵၢင်ႉလူၼ်ႉလုပ်ႇၼွင်းမႃးႁႅင်းလႄႈ ၽဵဝ်ႈဢဝ်ၵႂႃႇပႃး ရူတ်ႉၵႃးၸိူဝ်းတိုၵ်ႉလႅၼ်ႈယူႇၸွမ်းသဵၼ်ႈတၢင်း ၵႃးလမ်းၼိုင်ႈ လွင်ႈလႆၵႂႃႇၸွမ်းၼမ်ႉ၊ ၼႂ်းၼၼ်ႉ ပႃးၵူၼ်းၵႂႃႇၸွမ်း သွင်ၵေႃႉ...

ၵူၼ်းယွင်ႇယႃႈၵေႃႉၼိုင်ႈ ၶဝ်ႈၽၼ်းၵူၼ်းႁိူၼ်းလဵဝ်ၵၼ်မၢတ်ႇၸဵပ်းႁၢဝ်ႈႁႅင်း 4 ၵေႃႉ တီႈဝဵင်းမိူင်းၵိုင် ၸိုင်ႈတႆးပွတ်းၸၢၼ်း   ။ ၼႂ်းဝၼ်းတီႈ 1/8/2025 ယၢမ်းႁူဝ်ၶမ်ႈ 6 မူင်း ၸၢႆးၼူၵ်ႇ ဢႃယု 50 ပီ(ပဵၼ်ၼွင်ႉၶူၺ်)  ၶဝ်ႈၽၼ်း ပီႈဢၢႆႈပီႈၼၢင်းမေး လႄႈ မႄႈၸဝ်ႈ   4 ၵေႃႉ ႁဵတ်းႁႂ်ႈ မၢတ်ႇၸဵပ်းႁၢဝ်ႈႁႅင်းလႆႈသူင်ႇယူတ်းယႃႇတူဝ်ဝႆႉထိုင်ဝၼ်းမိူဝ်ႈၼႆႉ  ။ ၵူၼ်းၼႂ်းမုင်ႉႁေႃႁိူၼ်းၵူၼ်းမၢတ်ႇၸဵပ်း...

မိူဝ်ႈၼႆႉဝၼ်းတီႈ 7 လိူၼ်ဢေႃးၵၢတ်ႉသ် ယၢမ်းၵၢင်ၼႂ် 8 မူင်း 28 မိၼိတ်ႉ ဢူးမျိၼ်ႉသူၺ်ႇ ဢႃယု 74 ပီ ၸွမ်ၸိုင်ႈၸူဝ်ႈၶၢဝ်း(ၵဝ်ႇ) တႂ်ႈသိုၵ်းမၢၼ်ႈယိုတ်းမိူင်းၼၼ်ႉ လူႉတၢႆၵႂႃႇတီႈ ႁူင်းယႃလူင်ၾၢႆႇသိုၵ်း မၢႆ (2) ၵူႇၼွၼ်း 1000 လင် တီႈဝဵင်းလူင်ၼေႇပျီႇတေႃႇ။ ဢူးမိၼ်ႉသူၺ်ႇ ၸွမ်ၸိုင်ႈၸူဝ်ႈၶၢဝ်း တႂ်ႈသိုၵ်းမၢၼ်ႈၼႆႉ...

ၼႂ်းလိူၼ်ၵျူႊလၢႆႊပူၼ်ႉမႃးၼႆႉ ၶၢဝ်းတၢင်းၼိုင်ႈလိူၼ် ယွၼ်ႉသိုၵ်းမၢၼ်ႈ ယိုတ်းမိူင်း ၸႂ်ႉႁိူဝ်းမိၼ် တိုၵ်းပွႆႇမၢၵ်ႇ၊ ၸႂ်ႉၶိူင်ႈၵွင်ႈလူင် လၢမ်းယိုဝ်းၸိူဝ်းၼႆႉသေ တိူဝ်ႉၺႃးၼၢင်းယိင်း လူႉတၢႆ 64 ၵေႃႉ မၢတ်ႇၸဵပ်း 80 ၵေႃႉ လွင်ႈတပ်ႉသိုၵ်းမၢၼ်ႈ ၸႂ်ႉႁိူဝ်းမိၼ်ပွႆႇမၢၵ်ႇယိုဝ်းၼႆႉ ၼမ်မႃးလိူဝ်ၵူႈလိူၼ်ၼႆ - ၸုမ်းၼၢင်းယိင်းမိူင်းမၢၼ်ႈ BWU ၵဵပ်းၶေႃႈမုလ်း ႁၢႆးငၢၼ်းဝႆႉၼင်ႇၼႆ။ ၼၢင်းယိင်း 52...

ဝၼ်းတီႈ 05/08/2025 ၼႆႉ ၼမ်ႉၵူမ်ႇဢုင် ၵိုင်ႉၵၢင်ႉလႆၼွင်းထူမ်ႈ ၼႂ်းဝဵင်းတႃႇရႃႇလီႇ (Dharali) ၸႄႈတွၼ်ႈဢုတရၶၢၼ်း (Uttarakhand) ဢၼ်မီးၼႂ်းပိုၼ်ႉတီႈ လွႆႁိမဝုၼ်ႇတႃႇ မိူင်းဢိၼ်းတီးယိူဝ်း မီးၵူၼ်းလူႉတၢႆ 4 ၵေႃႉ ႁၢႆလၢႆဝႆႉႁိမ်းၸမ် 100 ၵေႃႉ ဝႃႈၼႆ။ ၼမ်ႉၵူမ်ႇဢုင်ၼၼ်ႉ လုၵ်ႈၼႂ်းၵႄႈလွႆသေ လေႃႈလႆလူင်းမႃးသႂ်ႇ ၼႂ်းဝဵင်းတႃႇရႃႇလီႇ ႁၢဝ်ႈႁႅင်း၊ ႁိူၼ်းယေး...

လုၵ်ႈဢွၼ်ႇလဵၵ်ႉၼႆႉ ထုၵ်ႇလီမီးတႂ်ႈတႃပေႃႈမႄႈယူႇၵူႈၶိင်ႇၶၢဝ်းယၢမ်းဢၼ်ဝႃႈၼၼ်ႉ ဢမ်ႇၸႂ်ႈပၢႆးဝူၼ်ႉပၢၼ်ၵဝ်ႇ။ ယွၼ်ႉပိူဝ်ႈဝႃႈ လုၵ်ႈဢွၼ်ႇၸၢင်ႈပဵၼ်ၽေးထူပ်းၽေးလႆႈၵူႈၶၢဝ်းယၢမ်းလႄႈ ပေႃႈမႄႈလုၵ်ႈဢွၼ်ႇၸင်ႇလႆႈသႂ်ႇၸႂ်ၼိူဝ်လွင်ႈၼႆႉ တေႃႇထိုင်ဝၼ်းမိူဝ်ႈၼႆႉ။ ပေႃးပဵၼ်လုၵ်ႈဢွၼ်ႇၸၢႆးၼႆႉ ၶဝ်မေႃလူၼ်း တေပဵၼ်ၽေးတေႃႇတူဝ်ၵေႃႈဢမ်ႇပေႃးဝူၼ်ႉၼမ်။ ပေႃးပဵၼ်လုၵ်ႈဢွၼ်ႇယိင်းသမ်ႉ ဢၼ်မီးၽေးသုတ်းပဵၼ် လွင်ႈလွၵ်ႇလႅၼ်ႁွင်ႉၵႂႃႇႁဵတ်းႁၢႆႉတေႃႇလႂ် ၊ ၵၼ်ႉၸၼ်လူၶၢႆၶႃႈႁႅမ်တၢႆလႂ် ၊ ဢဝ်ၵႂႃႇၶၢႆတေႃႇၵၼ်လႂ်ၸဵမ်ၸိူဝ်းၼႆႉ။ တီႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ၵူၼ်းပုတိ ၸႃႇတိ ၼမ်လၢႆ ။ ဢၼ်လုၵ်ႉတၢင်ႇတီႈသီႇလႅၼ်မႃးယူႇသဝ်းႁႃၵိၼ်လဵင်ႉတွင်ႉၵေႃႈမီးၼမ်။ၸင်ႇဝႃႈ လွင်ႈၵေႃႇၵၢၼ်ႁၢႆႉၵေႃႈလိူင်ႇၼမ်။ တီႈဝၢၼ်ႈႁွင်ႇ...

ႁူဝ်လိူၼ်ဢေႃႊၵတ်ႊသ်ၼႆႉ ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် တႂ်ႈၵုမ်းၵမ်သိုၵ်းမၢၼ်ႈယိုတ်းမိူင်း ပႂ်ႉၸွမ်းသဵၼ်ႈတၢင်းလႄႈ ၶဝ်ႈသွၵ်ႈထိုင် ၼႂ်းႁိူၼ်းယေး ၵူၼ်းၸိူဝ်းမီးလွင်ႈထၢင်ႇထိူမ်ႇ ၼႂ်းၸႄႈဝဵင်းလႃႈသဵဝ်ႈ၊ ၸႄႈဝဵင်းၵဵင်းတုင်လႄႈ ၸႄႈဝဵင်းတူၼ်ႈတီး ၸိူဝ်းၼႆႉသေ တီႉၺွပ်းလႆႈယႃႈမဝ်းၵမ်ၸမ် 4 မိုၼ်ႇမဵတ်ႉ ၼႆယဝ်ႉ။ ယႃႈမဝ်းၵမ်ၸိူဝ်းတီႉၺွပ်းလႆႈ ၼႂ်းၶၢဝ်းတၢင်းသွင်ဝၼ်း တႃႇသၢမ်ၸႄႈဝဵင်းၼႆႉ မီးယူႇ 36,800 မဵတ်ႉသေ ၵိုင်ႇငိုၼ်းတႃႇ 204 သႅၼ်ပျႃး။ ၵူၼ်းၸိူဝ်းၺႃးတီႉၺွပ်း...

ႁူဝ်လိူၼ်ဢေႃႊၵတ်ႊသ်ၼႆႉ ၸုမ်းသိုၵ်းဝႃႉ (UWSA) တီႉၺွပ်း ၸုမ်းယိပ်းၵွင်ႈၵၢင်ႇၸုမ်းၼိုင်ႈ သႂ်ႇၶူဝ်းသိုၵ်းဝႃႉသေ ဢႅဝ်ႇႁႃၸူၼ်ပိူၼ်ႈတႂ်ႈတႂ်ႈၼိူဝ်ၼိူဝ် တႃႇ 17 ၵေႃႉ ၼႂ်းၸႄႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ။ 17 ၵေႃႉ ၸိူဝ်းၺႃးသိုၵ်းဝႃႉ တီႉၺွပ်းၵုမ်းၶင်ၵႂႃႇၼၼ်ႉ ပဵၼ်ၵူၼ်းဝၢၼ်ႈလႂ် ၸိုဝ်ႈသင်ၼႆၼၼ်ႉ ၾၢႆႇၸုမ်းသိုၵ်းဝႃႉ (UWSA) ဢမ်ႇပိုၼ်ၽၢဝ်ႇဢွၵ်ႇဝႆႉပဵၼ်တၢင်း ၵၢၼ်။...