ၶွင်ႇသီႇႁူမ်ႇလူမ်ႈ ၸၢတ်ႈၸိုင်ႈလုမ်ႈၾႃႉ ပိၵ်ႉၽၵ်းတူ ၸတ်းပၢင်ၵုမ်ၶိုၵ်ႉၶၵ်ႉ မိူဝ်ႈဝၼ်းတီႈ 5 လိူၼ်ဢေႊပရိူဝ်ႊ 2024 ၼႆႉ ဢုပ်ႇၵုမ်ၵၼ်ႁႂ်ႈပွႆႇပၼ်တူဝ်ၽူႈၼမ်းၼႂ်းၵၢၼ်မိူင်း ပႃးၸဵမ် တူဝ်ဢွင်ႇသၢၼ်းၸူႉၵျီႇလႄႈ ဢူးဝိၼ်းမျိၼ်ႉ ဝႃႈၼႆ။ မိူၼ်ၼင်ႇ ၽူႈၼမ်းၵၢၼ်မိူင်းၸိူဝ်းၼႆႉ ၺႃးသိုၵ်းမၢၼ်ႈတီႉၺွပ်းၶင်ၶွၵ်ႈလႆႈ 3 ပီယဝ်ႉ။ တူဝ်ၽူႈၼမ်းၼႂ်း ၸၢတ်ႈၸိုင်ႈလုမ်ႈၾႃႉ ဢႅၼ်ႊထူဝ်ႊၼီႊဢူဝ်ႊ ၵူႇထႃႊရတ်ႉသ် လႆႈတႅမ်ႈလိၵ်ႈ တုၵ်းယွၼ်းႁႂ်ႈပွႆႇပၼ်...

ၸုမ်းၵႅတ်ႇၶႄၵူၼ်းမိူင်း သူင်ႇၶိူင်ႈမိၼ်ၻရူၼ်ႊ ၶဝ်ႈၼေႇပျီႇတေႃႇ 30 လမ်း မုင်ႈၼႃႈဢၢၼ်းယိုဝ်း ႁိူၼ်းၸွမ်ၸိၵ်းသိုၵ်းမၢၼ်ႈ။ ဝၼ်းတီႈ 4 လိူၼ်ဢေႊပရိူဝ်ႊ ယၢမ်းၵၢင်ၼႂ် ၸုမ်းၵႅတ်ႇၶႄၵူၼ်းမိူင်းၽွမ်ႉႁူမ်ႈ ဢဝ်ၻရူၼ်ႊ ၶဝ်ႈယိုဝ်းတီႈၼေႇပျီႇတေႃႇ ငဝ်ႈထၢၼ်ၶွင်တပ်ႉသိုၵ်းမၢၼ်ႈ တၼ်းပွႆႇမၢၵ်ႇသႂ်ႇတီႈတႃႈႁိူဝ်းမိၼ်သိုၵ်းဢေႊလႃႊ လုၵ်ႈၼိုင်ႈ။ လိူဝ်ၼၼ်ႉ မိၼ်မုင်ႈၸူး လုမ်းငဝ်ႈငုၼ်းသိုၵ်း ၵၵ-ၵျီးလႄႈ ႁိူၼ်းယေး တီႈယူႇ ၸွမ်ၸိၵ်းသိုၵ်းမၢၼ်ႈ...

ပၢင်သွၼ်လိၵ်ႈတႆး ၶၢဝ်းမႆႈ တီႈၸႄႈဝဵင်းၵေးသီး ပီၼႆႉ ဢမ်ႇပဵၼ် ယွၼ်ႉလွင်ႈၵဵပ်းသိုၵ်းၼမ်ႁႅင်း ဝႃႈၼႆ။ ၽွင်းၶၢဝ်းဢိုတ်းႁူင်းႁဵၼ်း လူင်ပွင်ၸိုင်ႈမၢၼ်ႈ သၢမ်လိူၼ် မိူၼ်ၼင်ႇ - လိူၼ်မၢတ်ႊၶျ် ၊ လိူၼ်ဢေႊပ ရိူဝ်ႊလႄႈ လိူၼ်မေႊ ပၢင်သွၼ်လိၵ်ႈတႆး ၶၢဝ်းမႆႈ တီႈၸႄႈဝဵင်းၵေးသီး ၸႄႈတွၼ်ႈလွႆလႅမ် ၸိုင်ႈတႆး ပွတ်းၸၢၼ်း ပီ 2024...

ဝၼ်းတီႈ 4 လိူၼ်ဢေႊပရိူဝ်ႊ သိုၵ်းထႆးပလိၵ်ႈထႆး ၸဝ်ႈၼႃႈတီႈ ၽူႈၵွၼ်ႊၸႄႈဝဵင်း ပွၵ်ႉယွမ်ႇ ၶဝ်ႈၵူတ်ႇထတ်းတီႉၺွပ်းလႆႈၵူၼ်းမိူင်းႁူမ်ႈတုမ် 123 ၵေႃႉ ဢၼ်ၶဝ်ႈလိုဝ်ႈသဝ်း မႅပ်းဝႆႉ ၼႂ်းႁိူၼ်းလင်ၼိုင်ႈ တီႈပွၵ်ႉၼွင်ပူဝ်ႊ ဝဵင်း ၵၢၼ်ႊၶျၼပူႊရီႊ။ ပဵၼ်ၵူၼ်းၸၢႆး 94 ၵေႃႉလႄႈ ၵူၼ်းယိင်း 29 ၵေႃႉ ။ ၸိူဝ်းၶဝ်လၢတ်ႈဝႃႈ ဢိင်ၼိူဝ်ၶၢဝ်း...

ထူပ်းႁၼ် တူဝ်တၢႆ ၽူႈၸၢႆး 2 ၵေႃႉ ၺႃးပၢတ်ႇၶေႃး ႁႅမ်တၢႆပႅတ်ႈ တီႈႁိမ်းၾင်ႇၼမ်ႉမိတ်ႈ ပဵၼ်ၽႂ် ၸုမ်းလႂ်ႁႅမ်တၢႆတႄႉ ပႆႇႁူႉ။ ဝၼ်းတီႈ 4/4/2024 ယၢမ်းဝၢႆးဝၼ်း ယူႇတီႈ ၸုမ်းပရႁိတ လႆႈၵႂႃႇၽဵဝ်ႈ ၸုတ်ႇၽဝ်ပႅတ်ႈ တူဝ်တၢႆ ၽူႈၸၢႆးသွင်ၵေႃႉ ဢၼ်ၺႃးႁႅမ်တၢႆဝႆႉ တီႈၾင်ႇၼမ်ႉမိတ်ႈ ႁိမ်းဝၢၼ်ႈသူၺ်ႇၸႃႇလီႇ ၼႂ်းဝဵင်းမိူင်းမိတ်ႈ ၸိုင်ႈတႆးပွတ်းႁွင်ႇ...

ၼႂ်းသွင်သၢမ်ဝၼ်းၼႆႉ လၢႆၸိုင်ႈမိူင်း ၼႂ်းၸဵင်ႇၸၢၼ်းဝၼ်းဢွၵ်ႇၵုၼ်ၶဵဝ်ဢေႊသျႃႊ ႁႅင်းလူမ်း မႆႈပုင်ႈသုင်ႁႅင်း မိူၼ် ၼင်ႇ မိူင်းထႆး ၵဵင်းမႂ်ႇ - ၵုင်းထဵပ်ႈ သုင်ထိုင် 42 တီႊၵရီႊ သႄႊလ်သီးယႅတ်ႉသ်၊ တီႈဝဵင်းလူင် မၼီႊလႃႊ ၸိုင်ႈမိူင်းၾိလိပ်ႉပိၼ်းသ်ၵေႃႈ မႆႈလိူဝ်ႁႅင်းလႄႈ လူင်ပွင်ၸိုင်ႈ သင်ႇပိၵ်ႉ ႁူင်းႁဵၼ်းဝႆႉ ၼႂ်းပတ်းပိုၼ်ႉၸိုင်ႈမိူင်းၶဝ် တႃႇႁူင်းႁဵၼ်း...

မိူင်းၵူဝ်ႊရီႊယႃႊႁွင်ႇ (ၼိူဝ်) ပိုၼ်ၽၢဝ်ႇပဵၼ်တၢင်းၵၢၼ်ဝႃႈ ႁဵတ်းဢွၵ်ႇၶိူင်ႈၵွင်ႈလူင်သႅၼ်းယိုဝ်း တႃႈၵႆလႄႈ တႃႈၵၢင် ဢၼ်မၢၵ်ႇၵွင်ႈၵႂႃႇဝႆးၼၼ်ႉ ဢွင်ႇမၢၼ်လီငၢမ်းယဝ်ႉ ဝႃႈၼႆ။ ႁွင်ႈၵၢၼ် ၾၢႆႇငဝ်းႁၢင်ႈသဵင် TV ၸိုင်ႈမိူင်း ပိုၼ်ၽၢဝ်ႇ မိူဝ်ႈဝၼ်းတီႈ 3 လိူၼ်ဢေႊပရိူဝ်ႊ ၼႆႉဝႃႈ ၽူႈၼမ်းၸိုင်ႈမိူင်း ၶိမ်ႊၵျွင်ႊဢိုၼ်ႊ ၵႂႃႇၵူတ်ႇထတ်းတူၺ်း တီႈပၢင်ယိုဝ်းၵွင်ႈလူင်ၼၼ်ႉသေ ပၼ်ႁႅင်းၸႂ် ယွင်ႈဢၢမ်းၾၢႆႇပၢႆးသၢႆႈ ၼႂ်း...

ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ဢွၼ်ၼမ်းၸတ်းပၢင်ၸႃႇပၼ ၸဝ်ႈၶူးဝႃးသႅင်လႃႈ လူၺ်ႈ ဢမ်ႇထၢမ်ၵၢင်ၸႂ် ၵူၼ်းမိူင်းသင် ယွၼ်ႉပဵၼ်ၸဝ်ႈတႃႇၼလူင် ဝႃႈၼႆ။ ဝၼ်းတီႈ 6/4/2024 ၼႆႉ တေလုမ်းလႃးသၢင်းၵျူဝ်ႇ (ပူၼ်ႉၶၢပ်ႈတူဝ်) ၸဝ်ႈၶူးဝႃး သႅင်လႃႈ ၽူႈငမ်းပၢႆး လိုဝ်ႉ ၸိုင်ႈတႆးပွတ်းဢွၵ်ႇၶူင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇတင်း မေးၼၢင်း တေႃႇၵျူႇၵျူႇလႃႉ ပဵၼ်ၸဝ်ႈတႃႇၼလူင်ၼႆသေ ႁၼ်တႅမ်ႈဝႆႉ...

ၸုမ်းၼႅင်ႈသၢၼ်ႁႅင်းၵၢၼ် မိူင်းထႆး ပွတ်းႁွင်ႇ 10 ၸုမ်းပၢႆ ႁူပ်ႉဢုပ်ႇၵၼ် တီႈဝဵင်းၵဵင်းမႂ်ႇ တႃႇၵႄႈလိတ်ႈပၼ်ႁႃ ႁႅင်း ၵၢၼ်ၸိူဝ်းဢမ်ႇလႆႈႁပ်ႉ လွင်ႈၽဵင်ႇပဵင်းပဵၼ်ထမ်း။ ဝၼ်းတီႈ 4/4/2024 ယၢမ်းၵၢင်ၼႂ် 9 မူင်းထိုင် 5 မူင်း ဝၢႆးဝၼ်း (ၶၢဝ်းယၢမ်းထႆး) ၸုမ်းၼႅင်ႈသၢၼ်ႁႅင်းၵၢၼ် မိူင်းထႆး ပွတ်းႁွင်ႇ ႁူပ်ႉဢုပ်ႇၵၼ် တီႈႁိမ်းၽၵ်းတူတႃႈပႄး...

ၵူၼ်းၵူတ်ႉၶၢႆ ၽူႈၸၢႆး ၵေႃႉၼိုင်ႈ ၺႃးသိုၵ်း MNDAA တီႉၺွပ်းပေႃႉထုပ်ႉသေ ထိုင်တီႈလႆႈလူႉတၢႆၵႂႃႇ တီႈဝဵင်းသႅၼ်ဝီ။ ႁူဝ်လိူၼ်မၢတ်ႊၶျ် 2024 ၼႆႉ ၽူႈၸၢႆး ဢႃယု 35 ပီ ၸိုဝ်ႈႁွင်ႉ သေႃႇသႅင်း (ဇော်ဆိုင်း) ၵူၼ်းဝၢၼ်ႈ ပွၵ်ႉ 2 ဝဵင်းၵူတ်ႉၶၢႆ မၼ်းၸၢႆးဢွၵ်ႇႁိူၼ်း ႁၢႆတူဝ်ၵႂႃႇႁိုင်သေ ၸင်ႇထူပ်းႁၼ်...

လုၵ်ႈႁဵၼ်းဢႃယု 12 ၶူပ်ႇ ၵေႃႉၼိုင်ႈ ဢၼ်ယူႇႁူင်းႁဵၼ်းၸၼ်ႉၵၢင် တီႈမိူင်းၾိၼ်ႊလႅၼ်ႊ တွၼ်ႈတၢင်းၸၢၼ်းၼၼ်ႉ ယိုဝ်းၵွင်ႈၼႂ်းႁူင်းႁဵၼ်းလႄႈ တိူဝ်ႉလုၵ်ႈႁဵၼ်း မၢတ်ႇၸဵပ်း 3 ၵေႃႉ။ ပဵၼ်လုၵ်ႈႁဵၼ်း တီႈႁူင်းႁဵၼ်း Viertola (ဝၢႆႊထူဝ်ႊလႃႊ) မီးလုၵ်ႈႁဵၼ်း မႃးႁဵၼ်းလိၵ်ႈ မွၵ်ႈ 800 ၵေႃႉ၊ ႁူင်းႁဵၼ်းၼႆႉ မီးတီႈပွၵ်ႉ Vantaa (ဝႅၼ်ႊထႃႊ) ၼႂ်ႊဝဵင်းလူင်...

မီးၸုမ်းဢမ်ႇႁူႉၾၢႆႇ မွၵ်ႈသီႇၵေႃႉ ယိုဝ်းသွင်ၽူဝ်မေးတၢႆ တီႈဝဵင်းမျိတ်ႉၵျီးၼႃး ၸႄႈမိူင်းၶၢင် ဝႃႈၼႆ။ ဝၼ်းတီႈ 4/4/2024 ယၢမ်းၵၢင်ၼႂ် 5 မူင်းပၢႆ သွင်ၽူဝ်မေး ၶီႇရူတ်ႉၶိူင်ႈမႃးၸွမ်းၵၼ် လမ်းၼိုင်ႈသေ ၺႃးၸုမ်းဢမ်ႇႁူႉ ၾၢႆႇ ဢဵၼ်ႁႅင်းမွၵ်ႈသီႇၵေႃႉ ႁႄႉတၢင်းသေ ယိုဝ်းတၢႆ တီႈပွၵ်ႉသီႇတႃႇပူႇ ဝဵင်းမျိတ်ႉၵျီးၼႃး ၸႄႈမိူင်းၶၢင် ၼႆယဝ်ႉ။ ၵူၼ်းပိုၼ်ႉတီႈ ဝဵင်းမျိတ်ႉၵျီးၼႃး လၢတ်ႈတီႈၽူႈတွႆႇႁွၵ်ႈဝႃႈ...

ၼႂ်းၸိုင်ႈတႆးပွတ်းႁွင်ႇ ပိုၼ်ႉတီႈပဵၼ်ပၢင်တိုၵ်း လူၺ်ႈၽႅၼ်ၵၢၼ်ယၼ်ႇသိုၵ်း 1027 ၸိူဝ်းၼၼ်ႉ ယၢမ်းလဵဝ် သဵင်ၵွင်ႈယဵၼ်ဝႆႉသေတႃႉ ၼႂ်းၶၢဝ်းတၢင်း 2 လိူၼ်ၾႅပ်ႊပိဝ်ႊရီႊလႄႈမၢတ်ႊၶျ်ၼႆႉ ၵူၼ်းမိူင်းတၢႆ  7 ၵေႃႉ မၢတ်ႇၸဵပ်း 28 ၵေႃႉ။ ၼႂ်းလိူၼ်မၢတ်ႊၶျ်  လိူၼ်လဵဝ်ၵူၺ်း ၵူၼ်းမိူင်းယဵပ်ႇၺႃးမၢၵ်ႇမႅင်းၾင်လိၼ်လႄႈ ပဵၼ်ၽေး ယွၼ်ႉမၢၵ်ႇမိုဝ်ႈၸိုၼ်းယၢမ်း ၸိူဝ်းၵိုတ်းဝႆႉ ၽွင်းပၢင်တိုၵ်းသေ လူႉတၢႆ 3...

ၼၢင်းယိင်းၼွင်ႉ ႁူဝ်ပဝ်ႈ ၸုမ်းၵူၼ်းၼုမ်ႇတႆး (Tai Youth Organization – TYO) လႆႈႁပ်ႈသူးၵူၼ်းၼုမ်ႇ ၽူႈဢွၼ် ႁူဝ် ၸဝ်ႈၼၢင်းသုၸၼ်ႇတီႇ Sao Thusandi Leadership Award တွၼ်ႈတႃႇ ပီ 2023 ။ ဝၼ်းတီႈ 31/3/2024 ယူႇတီႈ ၶွမ်ႊမတီႊ မွပ်ႈယိုၼ်ႈသူး...

ၵေႃလိၵ်ႈလၢႆးမူႇၸေႊ ၼမ်းၸတ်းပၢင်သွၼ်လင်ႇၵႃႇတႆးလႄႈ ၵႂၢမ်းထုင်ႉမၢဝ်း ပဵၼ်ပွၵ်ႈၵမ်းႁႅၵ်ႈ မီးၽူႈၶဝ်ႈႁူမ်ႈလဵပ်ႈႁဵၼ်း 30 ၵေႃႉ။ တႄႇဢဝ် ဝၼ်းတီႈ 23/3/2024 ၼၼ်ႉမႃး ၵေႃလိၵ်ႈလၢႆးလႄႈ ၾိင်ႈငႄႈတႆး ဝဵင်းမူႇၸေႊ ဢွၼ်ၼမ်းၸတ်းပၢင်သွၼ်လင်ႇၵႃႇတႆးလႄႈ ၵႂၢမ်းထုင်ႉမၢဝ်း တီႈႁူင်းႁေႃ ၵေႃလိၵ်ႈလၢႆး ဝဵင်မူႇၸေႊ ၸိုင်ႈတႆး ပွတ်းႁွင်ႇ ထိုင်မႃးၼႂ်းဝၼ်းတီႈ 2 လိူၼ်ၼႆႉ ယၢမ်းဝၢႆးဝၼ်း...