ၸဝ်ႈယိင်း ၽတ်းၶျရ ၵိတ်ႇတိယႃႊၽႃႊ ၼရဵၼ်ႊထိရႃႊ ထဵပ်ႉၽယဝတီ ၵရူမ်ႊလူင် ရၢတ်ႉၶျသႃရိၼီႊ သီႇရီႇၽတ်း မႁႃဝတ်ႉၶျရထိၻႃႊ ဢႃယု 48 ပီ ဢၼ်လိုမ်းတူဝ်မႃးၶၢဝ်းတၢင်း 4 ပီၼၼ်ႉ ၸၢမ်ႇပူႈၼွၼ်း​​ၽေးသဵင်ႈမုၼ်ၵႂႃႇၼႂ်းဝၼ်းတီႈ 11/06/2026 ယၢမ်းၵၢင်ၶမ်ႈ 7 မူင်း 48 မိၼိတ်ႉ တီႈႁူင်းယႃ ၵျူႊလႃႊလူင်ႊၵွၼ်ႊသၽႃးၵႃၶျၢတ်ႉထႆး ႁွင်ႈၵၢၼ်ၾၢႆႇပွင်ႇၶၢဝ်ႇ​​ႁေႃၶမ်းပိုၼ်ၽၢဝ်ႇဢွၵ်ႇမႃးၼႂ်ၼႆႉ ၼင်ႇၼႆ။

ၸဝ်ႈယိင်းၼႆႉ ၸဵမ်မိူဝ်ႈဝၼ်းတီႈ 15/12/2022 ၽွင်းတိုၵ်ႉၾိုၵ်းပၼ် မႃမၼ်းၸဝ်ႈယူႇၼၼ်ႉ ၵိုင်ႉၵၢင်ႉလိုမ်းတူဝ်ၵႂႃႇ​​လူၺ်ႈတၢင်းပဵၼ်ႁူဝ်ၸႂ်​​သေ ဢမ်ႇၶိုၼ်းႁူႉတူဝ် ​​တေႃႇထိုင်​​ပေႃးၼွၼ်း​​ၽေးၵႂႃႇ ဝၼ်းတီႈ 11/06/2026 တႃႇၶၢဝ်းတၢင်း 4 ပီ ။

ၶဝ်ႈယူတ်းယႃတူဝ်တီႈႁူင်းယႃလူင်း ၵျူႊလႃႊလူင်ႊၵွၼ်ႊ ၾၢႆႇတၢင်း​​မေႃယႃၵႆႉပိုၼ်ၽၢဝ်ႇပၼ်ငဝ်းလၢႆးပၢႆးယူႇလီ ၸဝ်ႈယိင်း ပဵၼ်တၢင်းပဵၼ် ႁူဝ်ၸႂ်တဵၼ်ႈဢမ်ႇမၢၼ်ႇ ၸိူဝ်ႉမႅင်းၶဝ်ႈၼႂ်းသဵၼ်ႈလိူတ်ႈ တပ်းတႂ်ဢမ်ႇႁဵတ်းၵၢၼ် ပဵၼ်ၸဵပ်းတီႈလမ်းသႆႈယႂ်ႇ ၸဵမ်ၸိူဝ်းၼႆ့။

ၸဝ်ႈယိင်းၼႆႉ ပဵၼ်လုၵ်ႈယိင်းလူင် ၸဝ်ႈမုၼ်ယႂ်ႇၶုၼ်​​ႁေႃၶမ်းထႆး တူၼ်ထူၼ်ႈ 10 လႄႈၸဝ်ႈၼၢင်းသူမ်ႊသဝရီႊ။

ပဵၼ်လၢၼ်ယိင်းၸဝ်ႈမုၼ်ယႂ်ႇၶုၼ်​​ႁေႃၶမ်းတူၼ်ထူၼ်ႈၵဝ်ႈ။ ၸဝ်ႈၼၢင်း​​ႁေႃၶမ်းလူင်တူၼ်ထူၼ်ႈၵဝ်ႈ ဢၼ်ပဵၼ်ဢွၵ်ႇၸဝ်ႈမၼ်းၸဝ်ႈ​​ၵေႃႈ ၸင်ႇႁႃၸၢမ်ႇပူႈၼွၼ်း​​ၽေးၵႂႃႇမိူဝ်ႈလိူၼ်ထူၼ်ႈ 10 ပီၵၢႆ 2025 ၼႆႉၵူၺ်း ယင်းပႆႇလႆႈလုမ်းလႃးၽဝ်ၶၢပ်ႈတူဝ်။