ၶၢဝ်ႇ

ႁူင်းႁဵၼ်းပရႁိတ ဢဵၼ်ႁႅင်းမႂ်ႇ တီႈဝဵင်းႁူဝ်ပူင်း လူဝ်ႇတၢင်းၸွႆႈထႅမ်လွင်ႈၵိၼ်ယႅမ်ႉလႄႈ ၶိူင်ႈယႃႈယႃ တႃႇပၢႆးယူႇလီ ၸိူဝ်းၼႆႉ။   ႁူင်းႁဵၼ်းပရႁိတ ဢဵၼ်ႁႅင်းမႂ်ႇ ဝၢၼ်ႈၽႃလၢႆး ၸႄႈဝဵင်းႁူဝ်ပူင်း ၸႄႈတွၼ်ႈတူၼ်ႈတီး ၸိုင်ႈတႆးပွတ်းၸၢၼ်း ဢၼ်မီးလုၵ်ႈႁဵၼ်း 200 ပၢႆၼၼ်ႉ ထူပ်းတၢင်း ယၢပ်ႇၽိုတ်ႇ လူဝ်ႇတၢင်းၸွႆႈထႅမ် ၶွင်ၵိၼ်ယႅမ်ႉ/ ၶဝ်ႈၼမ်ႉတၢင်းၵိၼ်လႄႈ ၶိူင်ႈယႃႈယႃတႃႇပၢႆးယူႇလီ ၸိူဝ်းၼႆႉ။...

သွင်သၢမ်ဝၼ်းမႃးၼႆႉ ၵူၼ်းမိူင်းၵိုင် ပၢႆႈၽေးသိုၵ်း ႁွတ်ႈထိုင်  ၸႄႈဝဵင်းလၢႆးၶႃႈ  လူဝ်ႇတၢင်းၸွႆႈထႅမ် ၶဝ်ႈၼမ်ႉတၢင်းၵိၼ်လႄႈ  ၽႃႈႁူမ်ႇ ၶူဝ်းၼွၼ်း ၶူဝ်းဢုၼ်ႇ ၸိူဝ်းၼႆႉ။ တႄႇဢဝ် ဝၼ်းတီႈ 10/1/2022 ၼႆႉမႃး ၵူၼ်းမိူင်းၵိုင် ဢွၼ်ၵၼ်ပၢႆႈၽေးသိုၵ်း ႁွတ်ႈထိုင်မႃး တီႈဝၢၼ်ႈပၢင်ႇ ဢိူင်ႇဝၢၼ်ႈ ႁႅင်ႈ၊ ဝၢၼ်ႈၼွင်ပၢင်ႇ ပွၵ်ႉ 7 လႄႈ...

မိူဝ်ႈၼႆႉ ဝၼ်းတီႈ 12/1/2022 ယၢမ်းဝၢႆးဝၼ်း မွၵ်ႈ 1 မူင်းၶိုင်ႈ ၶွင်ႇသီႇသိုၵ်းမၢၼ်ႈ ဢၼ်ပၵ်းဝႆႉတီႈ သၶၢၼ်းတိတ်ႉၵူင်း ၸႄႈဝဵင်းၼမ်ႉၶမ်း ၸႄႈ တွၼ်ႈမူႇၸေႊ ၸိုင်ႈတႆးပွတ်းႁွင်ႇၼၼ်ႉ ပိုတ်းယိုဝ်းၵွင်ႈလူင် ၵွင်ႈဢွၼ်ႇထႅင်ႈ တင်းၼမ်။ ၵူၼ်းၼမ်ႉၶမ်း လၢတ်ႈတီႈၽူႈတွႆႇႁွၵ်ႈဝႃႈ -“လႆႈငိၼ်းဝႃႈ သိုၵ်းမၢၼ်ႈ ယူႇတီႈသၶၢၼ်းတိတ်ႉၵူင်းၼၼ်ႉသေ ယိုဝ်းၼႆၶႃႈ။ တီႈၼႂ်းဝဵင်း တႄႉ...

ၵူၼ်းပၢႆႈၽေးသိုၵ်း ၸႄႈဝဵင်းမိူင်းၵိုင် ႁူဝ်ၵူၼ်း 2 ႁဵင်ပၢႆ လူဝ်ႇတၢင်းၸွႆႈထႅမ် ၶူဝ်းၵိၼ်ယႅမ်ႉၽႃႈႁူမ်ႈၶူဝ်းၼွၼ်းလႄႈ ၶိူင်ႈၵမ်ႉၵႅမ်ၸႂ်ႉတိုဝ်း လွင်ႈ ႁႄႉၵင်ႈတၢင်းပဵၼ်ၶူဝ်ႊဝိတ်ႉ 19 ၸိူဝ်းၼႆႉ။ တေႃႇထိုင်မႃး ဝၼ်းတီႈ 12/1/2022 ၼႆႉ  ၵူၼ်းဝၢၼ်ႈ တိုၵ်ႉဢွၼ်ၵၼ် ပၢႆႈၽေးသိုၵ်းမႃးၼႂ်းမိူင်းၵိုင်ထႅင်ႈယူႇ ၵူႈဝၼ်း  ။  သဵင်ၵွင်ႈမၢၵ်ႇလူင် ၵေႃႈတိုၵ်ႉတႅၵ်ႇ၊ သိုၵ်းတင်းသွင်ၾၢႆႇၵေႃႈ တိုၵ်ႉၶဵင်ႈၶႅင်ၵၢၼ်သိုၵ်းတေႃႇ...

ၵူၼ်းပၢႆႈၽေးသိုၵ်း ဢၼ်ပၢႆႈမႃးသွၼ်ႈဝႆႉ တီႈဝတ်ႉၵၢင်ႉမေႃႇ(မေႃႇၵိူဝ်) ၸႄႈဝဵင်းသီႇပေႃႉ ႁူဝ်ၵူၼ်း မွၵ်ႈ 300 ၼႆႉ ပၢႆႈမႃး မီးၶၢဝ်းတၢင်း 5- 6 ဝၼ်းယဝ်ႉ ပႆႇၸၢင်ႈပွၵ်ႈၶိုၼ်းႁိူၼ်းယေး ၽႂ်မၼ်း ယွၼ်ႉၼႂ်းပိုၼ်ႉတီႈ တိုၵ်ႉသိုပ်ႇပၢင်တိုၵ်းယူႇ ဝႃႈၼႆ။ တႄႇဢဝ် ဝၼ်းတီႈ 7/1/2022 မႃး တေႃႇထိုင် ဝၼ်းတီႈ 12/7/2022...

တိူၵ်ႈသွၼ်လိၵ်ႈ ပုပ်ႉပႃႇရူင်ႇ ဝဵင်းလွႆၶေႃ (လွႆၵေႃႇ) ဢွၵ်ႇလိၵ်ႈပွင်ႇၶၢဝ်ႇထိုင်ပေႃႈမႄႈသင်ၶၸဝ်ႈလုၵ်ႈႁဵၼ်းဝႃႈ  ၼင်ႇႁိုဝ်လုၵ်ႈႁဵၼ်းၸၼ်ႉယႂ်ႇ ပေႃးတေဢမ်ႇ လုတ်ႈႁၢမ်းၵၢၼ်သွၼ်ႁဵၼ်းၼၼ်ႉ တေႁၢင်ႈႁႅၼ်းၶပ်ႉၶိုင်သေ ၶၢႆႉမႃးယူႇသဝ်းဝႆႉတီႈတိူၵ်ႈသွၼ်လိၵ်ႈဝေႇလုဝုၼ်ႇ ဝဵင်းတူၼ်ႈတီး ၸူဝ်ႈၶၢဝ်းဝႃႈၼႆ။ မိူဝ်ႈဝႃး ဝၼ်းတီႈ 11/1/2022 ယၢမ်းၵၢင်ၶမ်ႈ 6 မူင်း ထိုင် 9 မူင်း ၽူႈပွင်ၵၢၼ် ၽူႈမီးပုၼ်ႈၽွၼ်း တီႈတိူၵ်ႈသွၼ်လိၵ်ႈ ပုပ်ႉပႃႇရူင်ႇ...

တင်ႈဢဝ်ႁၢင်ပီ 2021 မႃးတေႃႇထိုင်ယၢမ်းလဵဝ် သိုၵ်းမၢၼ်ႈၸႂ်ႉၶိူင်ႈယိုဝ်းသိုၵ်းပိုတ်းယိုဝ်းၸုမ်းၵႅတ်ႇၶႄၵူၼ်းမိူင်း ၼႂ်းမိူင်းယၢင်းလႅင် ယိုဝ်းပႃးႁိူၼ်းယေးၵူၼ်းဝၢၼ်ႈ ၵူၼ်းပၢႆႈၽေးသိုၵ်းမိူင်းယၢင်းလႅင်မီး 170,000  ပၢႆယဝ်ႉၼႆ ၸုမ်းၼၢင်းယိင်းမိူင်းမၢၼ်ႈ  WLB ပိုၼ်ၽၢဝ်ႇၼင်ႇၼႆ။ ၵူၼ်းပၢႆႈၽေးသိုၵ်းၸိူဝ်းၼႆႉ ၵမ်ႈၽွင်ႈၵေႃႈ ပၢႆႈမႃးမိူင်းတႆး ၊ ၵမ်ႈၽွင်ႈၵေႃႈပၢႆႈၶဝ်ႈယူႇၼႂ်းထိူၼ်ႇၼႂ်းၶိူဝ်း၊ ၵမ်ႈၽွင်ႈၵေႃႈပၢႆႈၵႂႃႇတၢင်းလႅၼ်လိၼ်။ ယၢပ်ႇၽိုတ်ႇလွင်ႈယူႇလွင်ႈၵိၼ်လႄႈ ၶူဝ်းဢုၼ်ႇလႄႈ ၼမ်ႉၵိၼ်ၼမ်ႉၸႂ်ႉ - WLB ပိုၼ်ၽၢဝ်ႇဝႆႉတီႈၼႃႈ ၾဵတ်ႉသ်ပုၵ်ႉၶဝ်ဝႆႉၼင်ႇၼႆ။ ၽွင်းပၢင်တိုၵ်းပဵၼ်ယူႇၵူႈႁူးၵူႈတၢင်း...

ၸုမ်းၸွႆႈထႅမ်ၵူၼ်းပၢႆႈၽေးသိုၵ်းတီႈဝဵင်းၵျွၵ်ႉမႄး ၸတ်းပၢင်သွၼ်ႁဵတ်းၶဝ်ႈမုၼ်းတီႈပၢင်သဝ်း တႃႇၶၢဝ်းတၢင်း 5 ဝၼ်း ယဝ်ႉတူဝ်ႈလီငၢမ်း။ ပၢင်သွၼ်ႁဵတ်းၶဝ်ႈမုၼ်းၼႆႉပဵၼ်ဝၼ်းတီႈ 6-10/1/2022 တီႈပၢင်သဝ်းၵူၼ်းပၢႆႈၽေးသိုၵ်း တီႈၵေႃလိၵ်ႈလၢႆးလႄႈၾိင်ႈငႄႈတႆးဝဵင်းၵျွၵ်ႉမႄးသေ ၸတ်းပွႆးလူင်းပၢင်သွၼ်ၵႂႃႇမိူဝ်ႈဝႃးဝၼ်းတီႈ 11။ “ပူင်သွၼ်ပၼ်ၵူၼ်းပၢႆႈၽေးသိုၵ်း လၢႆးႁဵတ်းၶဝ်ႈမုၼ်းၶဵၵ်ႉ၊ ရဵၼ်းပူဝ်းၶဵၵ်ႉ၊ ပတ်ႊထႃႊၶဵၵ်ႉ၊ ၶျွၵ်ႉၵလႅတ်ႉၶဵၵ်ႉ ၸိူဝ်းၼႆႉတင်းမူတ်း 12 မဵဝ်းဢေႃႈ။ သွၼ်ပၼ်ၵူၼ်းၼုမ်ႇၸိူဝ်းပၢႆႈၽေးသိုၵ်း လႄႈတင်းၸိူဝ်း ဢမ်ႇပၢႆႈၽေးသိုၵ်းယဝ်ႉၶႃႈ။ ၵမ်ႈၼမ်ပဵၼ်ၼၢင်းယိင်းဢေႃႈဢၼ်မႃးႁဵၼ်း။ ၸုမ်းသွၼ်မေႃတိၼ်မေႃမိုဝ်း  LTLG...

ဝၼ်းတီႈ 10/1/2022 မိူဝ်ႈဝႃး ႁူဝ်ပဝ်ႈပႃႇတီႇၸိူဝ်ႉၸၢတ်ႈတဢၢင်း TNP မိူင်းၵိုင် မၢႆးၼုမ်ႇႁၢၼ် လႄႈလုၵ်ႈမေးမၼ်း လုၵ်ႉတီႈဝၢၼ်ႈမၢၵ်ႇၶီႈၼူၵ်ႉသေပွၵ်ႈၶိုၼ်းမိူင်းၵိုင် ႁၢႆတူဝ်ဝႆႉ ၵပ်းသိုပ်ႇၵေႃႈဢမ်ႇလႆႈ ၺႃးတီႉႁိုဝ်ပဵၼ်သင်ပႆႇႁူႉ။ ၵူၼ်းမိူင်းၵိုင် ဢၼ်ယူႇႁိမ်းၵိၼ်ၸမ် လႄႈပဵၼ်ပီႈပဵၼ်ၼွင်ႉၵၼ်တင်း မၢႆးၼုမ်ႇႁၢၼ် လၢတ်ႈတီႈ ၽူႈတွႆႇႁွၵ်ႈဝႃႈ - “မၢႆးၼုမ်ႇႁၢၼ် လႄႈလုၵ်ႈမေးမၼ်း မိူဝ်းဝၢၼ်ႈမၢၵ်ႇၶီႈၼူၵ်ႉ ၊မိူဝ်းႁႅၼ်းလူႇတၢၼ်းပၼ် ၵေႃႉပဵၼ်မႄႈ သေပွၵ်ႈမႃးၶိုၼ်းမိူင်းၵိုင်။...

ၸုမ်းၵႅတ်ႇၶႄၵူၼ်းမိူင်း ၸႄႈဝဵင်းတႃႈၶီႈလဵၵ်း ပိုၼ်ၽၢဝ်ႇ ပၼ်ၾၢင်ႉထိုင် ၵူၼ်းမိူင်း လွင်ႈၵႂႃႇမႃး ယူႇသဝ်းၵိၼ်သၢင်ႈလႄႈ လွင်ႈၵူၼ်းပၼ်ၶၢဝ်ႇ ၸူးသၢႆသိုၵ်းမၢၼ်ႈ ၸိူဝ်းၼႆႉ ဝႃႈၼႆ။   မိူဝ်ႈဝႃး ဝၼ်းတီႈ 10/1/2022 ယူႇတီႈၸုမ်းၵႅတ်ႇၶႄၵူၼ်းမိူင်း ၸႄႈဝဵင်းတႃႈၶီႈလဵၵ်း TCL-PDF ဢွၵ်ႇလိၵ်ႈ ပိုၼ်ၽၢဝ်ႇ ပၼ်ၾၢင်ႉထိုင်ၵူၼ်းမိူင်းဝႃႈ ၸိူဝ်းၵႂႃႇမႃးၼႂ်းၵႄႈၵဵင်းတုင် - တႃႈၶီႈလဵၵ်းၸိုင် ႁႂ်ႈပိုတ်ႇမၢၼ်ႇရူတ်ႉၵႃးလူင်း...

တႄႇဢဝ် ႁၢင်လိူၼ်ၵျုၼ်ႊ 2021 မႃး ႁၢၼ်ႉတေႃႇထိုင် ႁူဝ်လိူၼ်ၵျႅၼ်ႊၼိဝ်ႊရီႊ 2022 ၼႆႉ ၼႂ်းၸႄႈဝဵင်းၵဵင်းတုင် မီးၵူၼ်းပဵၼ်ၶူဝ်ႊဝိတ်ႉၵူႈဝၼ်း  မိူဝ်ႈဝႃးၼႆႉပဵၼ်ဝၼ်းႁႅၵ်ႈတီႈဢမ်ႇမီးၵူၼ်းပဵၼ်ၶူဝ်ႊဝိတ်ႉ။ “ယၢမ်းလဵဝ် ၵူၼ်းမိူင်းတႄႉ ဢွၵ်ႇႁိူၼ်းယေးၵၼ်ၼမ်ယဝ်ႉ တေဝႃႈငဝ်းလၢႆး လီၶိုၼ်ႈမႃးၼမ်ယဝ်ႉ။ ၵူၼ်းမိူင်းႁဝ်းၶႃႈ ပွင်ႇၸႂ်သေ မေႃၵုမ်းတူဝ် လုမ်းလႃးႁင်းၽႂ်မၼ်းမႃးၼမ်လႄႈ တႃႇတေၽႄႈလၢမ်းတိတ်းၸပ်းၵၼ်ႁၢဝ်ႈႁႅင်း မိူၼ်မိူဝ်ႈၵူႈပွၵ်ႈတႄႉ တေဢမ်ႇမီးယဝ်ႉ”- ၵူၼ်းၼုမ်ႇပိုၼ်ႉတီႈ သိုပ်ႇလၢတ်ႈၼင်ႇၼႆ။ ၼႂ်းၶၢဝ်းတၢင်း...

တိူၵ်ႈသွၼ်လိၵ်ႈ ပုပ်ႉပႃႇရူင်ႇ ဝဵင်းလွႆၶေႃ ၸႄႈမိူင်းယၢင်းလႅင် တေသူင်ႇလုၵ်ႈႁဵၼ်း သင်ၶၸဝ်ႈ မိူဝ်းယူႇၶိုၼ်းဝၢၼ်ႈၽႂ်မိူင်းမၼ်းၸူဝ်ႈၶၢဝ်း ၽွင်းဝၢၼ်ႈမိူင်းဢမ်ႇၼိမ်သဝ်း ပၢင်တိုၵ်းသိုၵ်းသိူဝ် ၽႄႈလၢမ်းႁႅင်း  ။   ပေႃးထိုင်မႃး ဝၼ်းတီႈ 12-13/1/2022 ၶၢဝ်းတၢင်းသွင်ဝၼ်းၼႆႉ ယူႇတီႈၽူႈမီးပုၼ်ႈၽွၼ်း ၼႂ်းတိူၵ်ႈသွၼ်လိၵ်ႈပုပ်ႉပႃႇရူင်ႇ ဝဵင်းလွႆၵေႃႇ (လွႆ ၶေႃ) ၸႄႈမိူင်းယၢင်းလႅင် တေဢဝ်လုၵ်ႈႁဵၼ်း သင်ၶၸဝ်ႈသူင်ႇပွၵ်ႈၶိုၼ်းႁိူၼ်းယေးဝႆႉၸူဝ်ႈၶၢဝ်းလႄႈ ႁႂ်ႈပေႃႈမႄႈၽူႈတူၺ်းလူ...

မၢၵ်ႇတႅၵ်ႇ တီႈလုမ်းၵူတ်ႇထတ်းၵူၼ်းၶဝ်ႈမိူင်း(လဝၵ) ၸႄႈဝဵင်းတႃႈၶီႈလဵၵ်း လုၵ်ႈၼိုင်ႈ တုမ်ႉတိူဝ်ႉၵူၼ်းပိုၼ်ႉတီႈ မၢတ်ႇၸဵပ်းၸွမ်း 3 ၵေႃႉ ဝႃႈၼႆ။ မိူဝ်ႈဝႃး ဝၼ်းတီႈ 10/1/2022 ယၢမ်းၵၢင်ၶမ်ႈ 7 မူင်းပၢႆ မီးၵူၼ်းမႃးပွႆႇမၢၵ်ႇသႂ်ႇ တီႈလုမ်းလဝၵ ပွၵ်ႉမၢၵ်ႇၵႃႇႁူဝ်ၶမ်း ၸႄႈဝဵင်းတႃႈၶီႈလဵၵ်း ၸိုင်ႈ တႆးပွတ်းဢွၵ်ႇၶူင်း တုမ်ႉတိူဝ်ႉ ၵူၼ်းပိုၼ်ႉတီႈ လႆႈမၢတ်ႇၸဵပ်းၸွမ်း 3...

မိူဝ်ႈၼႆႉ ဝၼ်းတီႈ 11/1/2022 ယၢမ်းၵၢင်ၼႂ် သဵင်ၵွင်ႈတႅၵ်ႇ ၾၢႆႇႁွင်ႇဝဵင်းမိူင်းၵိုင် မွၵ်ႈ 3-4 လၵ်း ႁဵတ်းႁႂ်ႈၵူၼ်းမိူင်းပိုၼ်ႉတီႈ ၸမ်ဝဵင်းမႃးတိၵ်းတိၵ်းယဝ်ႉလႄႈပေႃႈမႄႈလုၵ်ႈဢွၼ်ႇဢွၼ်ၵၼ်ၵႂႃႇႁပ်ႉလုၵ်ႈတီႈႁူင်းႁဵၼ်းမႃးၸဵမ်ၸဝ်ႉ ။    ၵူၼ်းမိူင်းၵိုင် လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ မိူဝ်ႈၼႆႉ ယၢမ်းၵၢင်ၼႂ်  သဵင်ၵွင်ႈတႅၵ်ႇႁိမ်းဝၢၼ်ႈဝဵင်းငိုၼ်းၸိူဝ်း ၼႆႉ ၸဵမ်ၸဝ်ႉတေႃႇထိုင်ယၢမ်းၵၢင်ဝၼ်းယင်းပႆႇယဵၼ်။ ၸမ်ဝဵင်းႁႅင်းၼႃႇယဝ်ႉၶႃႈ ပၢင်တိုၵ်းတႄႉ တေယၢၼ်ၵႆဝဵင်းမွၵ်ႈ...

တင်ႈဢဝ်လိူၼ်ၵျၼ်ႊၼိဝ်ႊရီႊၼႆႉမႃး သိုၵ်းမၢၼ်ႈသင်ႇတတ်းငိုၼ်းလိူၼ် ၶႃႈႁၢပ်ႇၵၢၼ်ၶုၼ် ၸိူဝ်းဢမ်ႇႁဵတ်း CDM  ၼိုင်ႈၵေႃႉၼိုင်ႈႁဵင်ပျႃးတေႃႇလိူၼ် တႃႇဢဝ်မႃး ၵမ်ႉၸွႆႈလုၵ်ႈမေးၵူၼ်းသိုၵ်းလႄႈပလိၵ်ႈမၢၼ်ႈ ၸိူဝ်းတၢႆၼႂ်းပၢင်တိုၵ်းဝႃႈၼႆ။ ၶႃႈႁၢပ်ႇၵၢၼ်ၶုၼ် ႁွင်ႈၵၢၼ်ၾၢႆႇၵုမ်းၶင် ၵေႃႉၼိုင်ႈလၢတ်ႈဝႃႈ - တင်ႈဢဝ်သိုၵ်းမၢၼ်ႈယိုတ်းမိူင်းမႃးၼႆႉၶဝ်တတ်းငိုၼ်းလိူၼ်ႁဝ်းၶႃႈလိူၼ် 500 ။ တတ်းၵႂႃႇႁဵတ်းသင်ၵေႃႈဢမ်ႇမီးႁူဝ်ၶေႃႈမၼ်း။ ၵမ်းၼႆႉသမ်ႉဝႃႈတေတတ်း ၼိုင်ႈလိူၼ် 1000 ၼႆဝႃႇ ။ တႃႇႁႅၼ်းပၼ်မႃႇသႃႇပၢင်ၸႃႉ ၵူၼ်းသိုၵ်းလႄႈပလိၵ်ႈမၢၼ်ႈ ၸိူဝ်းတၢႆၵႂႃႇ...