ၸုမ်း ACLED ၶူင်းၵၢၼ်ၵဵပ်းၶေႃႈမုလ်းလႄႈ ပိုၼ်ႈတီႈပၼ်ႁႃ ၸုမ်းယိပ်းၵွင်ႈၵၢင်ႇ ၵဵပ်းၶေႃႈမုလ်းသေ ပိုၼ်ၽၢဝ်ႇဝႆႉဝႃႈ ၼႂ်းၶၢဝ်းတၢင်း 6 လိူၼ် ပီ 2024 ၼႆႉ မိူင်းမၢၼ်ႈ ပဵၼ်မိူင်းဢၼ်မီးပၼ်ႁႃပတိၵ်ႈၶၢတ်ႈ ၼမ်သုတ်းၼႂ်းလုမ်ႈၾႃႉ ဝႃႈၼႆ။ ၵၢၼ်ၵဵပ်းၶေႃႈမုလ်းဢၼ်ၼႆႉ တေဢိင်ၼိူဝ်ႁူဝ်ၼပ်ႉ ပိုၼ်ႈတီႈပၼ်ႁႃၼမ်သုတ်း၊ ဢၼ်မီးၽေးတေႃႇ ၵူၼ်းမိူင်းၼမ်သုတ်း၊ ၵူၼ်းမိူင်း တၢႆၼမ်သုတ်း၊ ပၼ်ႁႃလၢမ်းၽႄႈဝႆးသုတ်း...

ဝၼ်းၼႆႉ ၾႃႉမိုတ်ႈမိူင်းမိုတ်းတၼ် ပေႃးဢမ်ႇဝၢႆႇၼႃႈၸူးၵၼ် တၵ်းဢမ်ႇႁိုင်ၼၢၼ်းသင် ဝၼ်းသဵင်ႈသုတ်း ဢၼ်ဢမ်ႇမုင်ႈမွင်းႁၼ် ၸၢတ်ႈတႆးတၵ်းတေတိူၵ်ႈတၢင်းတၼ် ထွႆႈၵႂၢမ်းၸိူဝ်းၼႆႉၽႂ်ၵေႃႈႁူႉႁၼ်ၵူႈၵေႃႉယူႇ မိူၼ်ၵၼ် ဢမ်ႇလွတ်ႈပူၼ်ႉၽႂ်။ လွင်ႈတၢင်းဢၼ်ၵိူတ်ႇၶိုၼ်ႈပဵၼ်ယူႇၵူႈဝၼ်းၼႆႉ လူၺ်ႈတူဝ်ထူပ်း ၽူႈၸိူဝ်းယူႇၼႂ်းပိုၼ်ႉတီႈ လႄႈ ၽူႈၸိူဝ်းယူႇ ၼွၵ်ႈပိုၼ်ႉတီႈ ၼွၵ်ႈမိူင်းၼႂ်းမိူင်း ၽႂ်ၽႂ်ၵေႃႈႁူႉထိုင် လူၺ်ႈၶၢဝ်ႇငၢဝ်းသိုဝ်ႇၵူႈႁူးၵူႈတၢင်း လႄႈတင်းၽူႈလႆႈပၢႆႈၼီ ၽူႈလႆႈၵမ်ႉၸွႆႈ တင်းၼႂ်းမိူင်းၼွၵ်ႈမိူင်းဢမ်ႇၼမ်ၵေႃႈဢေႇၵွႆးပႆႇပေႃး ငိူၼ်ႈငဝ်ႈႁဵတ်ႇၵၢၼ်လွင်ႈတၢင်း ဢၼ် ၵိူတ်ႇၶိုၼ်ႈပဵၼ်မႃးၵေႃႈၵူႈၵေႃႉတၵ်းႁူႉထိုင်ယူႇ...

မိူဝ်ႈၼႆႉ ဝၼ်းတီႈ 08/08/2024 ယၢမ်းဝၢႆးဝၼ်း 4 မူင်း ၶၼ်ငိုၼ်းၶႄႇ သိုပ်ႇၶိုၼ်ႈထႅင်ႈ 100 ယႂၼ်ႊ လႆႈငိုၼ်းမၢၼ်ႈ 75,757 ပျႃးယဝ်ႉ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈၼႆႉ ၶၼ်ငိုၼ်းမၢၼ်ႈ လူင်းႁႅင်းၼႃႇ...

တီႈဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၽွင်းၵူၼ်းမိူင်းပၢႆႈၽေးသိုၵ်းယူႇၼၼ်ႉ ၽူႈလၵ်ႉလိူင်ႇၼမ်ႁၢႆႉႁႅင်း ၶဝ်ႈယႃႉသွၵ်ႈတဝ်ဢဝ်ၶူဝ်းၶွင် ႁဵတ်းႁႂ်ႈၵူၼ်းပၢႆႈၽေးသိုၵ်း မႆႈၸႂ်ႁိူၼ်းယေးၸဝ်ႈၵဝ်ႇ။ ဝၼ်းတီႈ 06/08/2024 မီးၶၢဝ်ႇလိုဝ်းဝႃႈ ၸုမ်းယိပ်းၵွင်ႈၵၢင်ႇ ၼႂ်းပိုၼ်ႉတီႈ ၸႂ်ႉပၢႆႈၼႆလႄႈ ၵူၼ်းမိူင်း ၼႂ်းဝဵင်းသီႇသႅင်ႇ ဢွၼ်ၵၼ်ပၢႆႈၽေးသိုၵ်း။ ၽွင်းၵူၼ်းမိူင်း ဢမ်ႇယူႇႁိူၼ်းၼၼ်ႉ ၽူႈလၵ်ႉၶဝ်ႈယႃႉႁိူၼ်းယေး ဢဝ်ၶူဝ်းၶွင်ဢၼ်မီးၵႃႈ ၶၼ် ၵႂႃႇမူတ်းၼႆ ၵူၼ်းမိူင်းသီႇသႅင်ႇ ဢၼ်လႆႈပၢႆႈၽေးသိုၵ်းဝႆႉၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈ...

ၸဵမ်မိူဝ်ႈသိုၵ်းမၢၼ်ႈ ပိုၼ်ၽၢဝ်ႇဢွၵ်ႇပိူင်ၵဵပ်းသိုၵ်း ၼႂ်းပီ 2023 ၼၼ်ႉမႃး ၵူၼ်းၼႂ်းမိူင်းတႆးပတ်းပိုၼ်ႉ ဢႃယု 18 ၶိုၼ်ႈၼိူဝ် ႁႃလွၵ်းလၢႆးငိူင်ႉဝႄႈၽႂ်မၼ်း မၢင်ၸိူဝ်းၵေႃႈ ပၢႆႈၸူးတပ်ႉသိုၵ်းတႆး ၵမ်ႈၽွင်ႈၵေႃႈ ႁႃတၢင်းပၢႆႈဢွၵ်ႇမိူင်း တႃႇႁႃႁဵတ်းၵၢၼ်ႁႃၵိၼ်လဵင်ႉတွင်ႉ တၢင်းမိူင်းထႆး ၊ မိူင်းၶႄႇ။ မိူၼ်ၼင်ႇ တီႈဝဵင်းမိူင်းယွင်း ၸိုင်ႈတႆး ပွတ်းဢွၵ်ႇၼႆႉၵေႃႈ သိုၵ်းမၢၼ်ႈ လူင်းၵဵပ်းသဵၼ်ႈၸိုဝ်ႈၵူၼ်းၼုမ်ႇ 2...

လုမ်းတၢင်ၶႄႇ ပိုၼ်ၽၢဝ်ႇပၼ်ၾၢင်ႉၸၢဝ်းၶႄႇ ၸိူဝ်းမီးၼႂ်းၸႄႈဝဵင်းလႃႈသဵဝ်ႈလႄႈ ႁိမ်းႁွမ်း ဝႃႈႁႂ်ႈဢွၼ်ၵၼ်ပၢႆႈသွၼ်ႈဝႆႉ တီႈလွတ်ႈၽေးၼႂ်းဝႆးဝႆးၼႆႉ ဝႃႈၼႆ။ ဝၼ်းတီႈ 06/08/2024 ယူႇတီႈ လုမ်းတၢင်ၶႄႇ ပိုၼ်ၽၢဝ်ႇလိၵ်ႈၼႂ်းဝီႊၶျႅတ်ႉဝႃႈ ႁႂ်ႈၾၢင်ႉယူႇၾၢင်ႉၵိၼ်၊ တႃႇလွတ်ႈ ၽေးၼၼ်ႉ ႁႂ်ႈဢွၼ်ၵၼ်ပၢႆႈဝႆႉထႃႈ ၵႂႃႇယူႇသဝ်းတီႈယၢၼ်ၵႆပိုၼ်ႉတီႈပၢင်တိုၵ်းၼၼ်ႉဝႆးဝႆး။ ႁႂ်ႈႁၢင်ႈႁႅၼ်းဝႆႉပႃး ပိုၼ်းတူဝ်ၽႂ်မၼ်းသေ ႁႃလၢႆးတၢင်းတႃႇသူင်ႇပၼ်လုမ်းတၢင်ၶႄႇ - ဝႃႈၼႆဝႆႉပႃး။ ပေႃးတူၺ်းဢၼ်ၼႆႉၸိုင် ၵူၼ်းမိူင်းဝဵင်းလႃႈသဵဝ်ႈ ဢွၼ်ၵၼ်မႆႈၸႂ်ဝႃႈ...

မိူဝ်ႈၼႆႉ ဝၼ်းတီႈ 08/08/2024 ယၢမ်းၵၢင်ၼႂ် ငိုၼ်းၶႄႇ 100 ယႂၼ်ႊ လႆႈငိုၼ်းမၢၼ်ႈ 72,000 ပျႃးယဝ်ႉ တီႈဝဵင်းမူႇ ၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ဝႃႈၼႆ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈ ၶၼ်ငိုၼ်းမၢၼ်ႈ သိုပ်ႇလူင်းတိၵ်းတိၵ်းယဝ်ႉ မိူဝ်ႈၵႆႈၼႆႉ...

ၶႄႇၵမ်ႉၸွႆႈငိုၼ်းတွင်းလႄႈ လွၵ်းလၢႆးပၢႆးသၢင်ႈသေ ၸိုင်ႈမိူင်းၵမ်ႊပေႃႊတီႊယႃႊ ႁဵတ်းႁွင်ႈမိူင်လူင် သဵၼ်ႈတၢင်းၼမ်ႉ ဢၼ်မီးၸိုဝ်ႈဝႃႈ - Funan Techo Canal ဢၼ်တေတေႃႇသဵၼ်ႈတၢင်းၼမ်ႉ လုၵ်ႉဢဝ်ၼမ်ႉၶူင် ဢၼ်မီးၾၢႆႇ ၸၢၼ်းဝဵင်းၾၼွမ်ႊပိၼ်ႊ လူင်းၵႂႃႇၸူး ဢၢဝ်ႇထႆး (ၵူတ်ႉၼမ်ႉ ပၢင်ႇလၢႆႇထႆး)။ ၸွမ်ၽွင်းလူင်မိူင်းၵမ်ႊပေႃႊတီႊယႃႊ ပၼ်ၶႂၢင်ႉဢၼုၺၢတ်ႈသေ ပိုၼ်ၽၢဝ်ႇၵေႃႇသၢင်ႈ ၼႂ်းဝၼ်းတီႈ 5 လိူၼ်ၼႆႉ မႅၼ်ႈဝၼ်းၵိူတ်ႇ...

ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ ပိုၼ်ၽၢဝ်ႇ မိူဝ်ႈလိူၼ်ပူၼ်ႉမႃးဝႃႈ တေၸတ်းပၢင်လိူၵ်ႈ တင်ႈၼႂ်းပီ 2025 ၼႆႉ ၾၢႆႇၶွမ်ႊမသျိၼ်ႊ ၵၢၼ်လိူၵ်ႈတင်ႈ မိူင်းႁူမ်ႈတုမ် တူင်ႉၼိုင်ၸတ်းၵၢၼ် လွင်ႈပႃႇတီႇၵၢၼ်မိူင်း ၸိူဝ်းမႃး တၢင်ႇမၢႆၾၢင်ဝႆႉၸိူဝ်းၼၼ်ႉ ဝႃႈၼႆ။ ၼႂ်းဝၼ်းတီႈ 06/08/2024 ၼႆႉ ယူႇတီႈ ၶွမ်ႊမသျိၼ်ႊ ၵၢၼ်လိူၵ်ႈတင်ႈ မိူင်းႁူမ်ႈတုမ် ပိုၼ်ၽၢဝ်ႇဝႃႈ ပၢၵ်ႈပႅတ်ႈၽိုၼ်လိၵ်ႈ...

ၽွင်းဢွၼ်ႇယိင်း ဢႃယု 18 ပီ တိုၵ်ႉလဵၼ်ႈၾူၼ်းယူႇၼၼ်ႉ ၺႃးၾႃႉၽႃႇသႂ်ႇသေ လႆႈလူႉတၢႆထင်တီႈ ဝႃႈၼႆ။   ဝၼ်းတီႈ 05/08/2024 ၼၢင်းသႅၼ်ၼွင်း (နန်းရှန်နောင်း) ဢႃယု 18 ပီ ၵူၼ်းဝဵင်းသီႇသႅင်ႇ ၸိုင်ႈတႆးပွတ်းၸၢၼ်း ၺႃးၾႃႉၽႃႇသႂ်ႇ လူႉတၢႆထင်တီႈ မိူဝ်ႈၽွင်းတိုၵ်ႉလဵၼ်ႈၾူၼ်း။ ၵူၼ်းပိုၼ်ႉတီႈ ဝဵင်းသီႇသႅင်ႇ လၢတ်ႈတီႈၽူႈတွႆႇႁွၵ်ႈဝႃႈ - “ၸႂ်ႈယဝ်ႉၶႃႈ...

သိုၵ်းမၢၼ်ႈ ယိုတ်းမိူင်း မၢပ်ႇၼႄးဝႃႈ ၽွင်းပၢင်တိုၵ်း ႁၢဝ်ႈႁႅင်း ၼႂ်းၸႄႈဝဵင်းလႃႈသဵဝ်ႈၼၼ်ႉ သိုၵ်းၵဝ်ႈၵၢင်ႉ MNDAA ယိုဝ်းသႂ်ႇႁူင်းယႃသိုၵ်းလႃႈသဵဝ်ႈ ဢိင်ၼိူဝ်လွင်ႈၼႆႉ မေႃယႃသိုၵ်း တီႈႁူင်းယႃသိုၵ်း မၢႆ 9 ယိုၼ်ယၼ်လၢတ်ႈဝႃႈ ပဵၼ်ၶိူင်ႈမိၼ်သိုၵ်းမၢၼ်ႈ တင်ႈၸႂ်ပွႆႇမၢၵ်ႇသႂ်ႇၵူၺ်း ဝႃႈၼႆ။ ဝၼ်းတီႈ 06/08/2024 ၼႆႉ တီႈသိုဝ်ႇၶၢဝ်ႇ တႄႇလီၵရႅမ်ႊ ၶွင်ၸုမ်းဢူၺ်းလီပွတ်းႁွင်ႇ 3...

ၸုမ်းဢူၺ်းလီပွတ်းႁွင်ႇ 3 ၸုမ်း ဢွၵ်ႇလိၵ်ႈပိုၼ်ၽၢဝ်ႇ တုၵ်းယွၼ်းထိုင် ႁႂ်ႈၶႄႇႁၢမ်ႈသိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း ပွႆႇမၢၵ်ႇသႂ်ႇၵူၼ်းမိူင်း ဝႃႈၼႆ။ ဝၼ်းတီႈ 06/08/2024 ၼႆႉ ၸုမ်းသိုၵ်းဢူၺ်းလီပွတ်းႁွင်ႇ 3 ၸုမ်း ယွၼ်းတၢင်းၸွႆႈထႅမ်တီႈမိူင်းၶႄႇ ႁႂ်ႈတူၵ်ႇတၵ်ႉႁႄႉ ႁၢမ်ႈသိုၵ်းမၢၼ်ႈ လွင်ႈၸႂ်ႉၶိူင်ႈမိၼ် ပွႆႇမၢၵ်ႇသႂ်ႇ တီႈဢမ်ႇပဵၼ်ပၢင်တိုၵ်းသေ ႁဵတ်းႁႂ်ႈႁိူၼ်းယေး၊ ဝတ်ႉဝႃးၽႃသိူဝ်ႇ၊ ၵၢတ်ႇလႄႈ ႁူင်းႁဵၼ်း...

မိူဝ်ႈၼႆႉ ယၢမ်းဝၢႆးဝၼ်း 3 မူင်း 45 မိၼိတ်ႉ ဢမ်ႇမီးပၢင်တိုၵ်း သိုၵ်းသိူဝ် သင်သေ သိုၵ်းမၢၼ်ႈဢဝ် ႁိူဝ်းမိၼ် မႅင်းမီႈ 4 လမ်း မႃးပွႆႇမၢၵ်ႇသႂ်ႇ ၼႂ်းပိုၼ်ႉတီႈ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA တၢင်းပွတ်းသၼ်လွႆ သၼဵၼ်း ဝဵင်းပၢင်လူင်။ ဝၼ်းတီႈ 7...

ၼႂ်းဝၼ်းတီႈ 7/8/2024 မိူဝ်ႈၼႆႉ ယၢမ်းဝၢႆးဝၼ်း 2 မူင်း  ပၢင်တိုၵ်းၵေႃႈဢမ်ႇပဵၼ်သေတႃႉ သိုၵ်းမၢၼ်ႈဢဝ်ႁိူဝ်းမိၼ်သိုၵ်း   Jetfighter  မႃးပွႆႇမၢၵ်ႇသႅၼ်း  500 ပွၼ်ႊ ထႅင်ႈတီႈဝဵင်းၵူတ်ႉၶၢႆ ၸိုင်ႈတႆးပွတ်းႁွင်ႇ ၊ ၼႂ်းဝူင်ႈၼႆႉပဵၼ်လွင်ႈပွႆႇမၢၵ်ႇ ပွၵ်ႈၵမ်း 2 ။  ၵူၼ်းမိူင်းဝဵင်းၵူတ်ႇၶၢႆ လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ - “ၸႂ်ႈၶႃႈဢေႃႈမိူဝ်ႈၵႆႈၼႆႉ သိုၵ်းမၢၼ်ႈဢဝ်ႁိူဝ်းမိၼ်သိုၵ်း  မႃးပွႆႇမၢၵ်ႇၵႂႃႇထႅင်ႈတီႈ...

ၼႂ်းၶၢဝ်းတၢင်း ၽႅၼ်ၵၢၼ်ယၼ်ႇသိုၵ်း 1027 မႃးၼႆႉ သိုၵ်းၸၢဝ်းၶိူဝ်း ၵုမ်းလႆႈဝႆႉလၢႆဝဵင်း ၼႂ်းၸိုင်ႈတႆးပွတ်းႁွင်ႇ ႁဵတ်း ႁႂ်ႈသိုၵ်းမၢၼ်ႈ ဢမ်ႇႁၢၼ်ႉၸႂ်သေ ၶိုၼ်းၸႂ်ႉၶိူင်ႈမိၼ်တိုၵ်း မႃးယိုဝ်းမၢၵ်ႇလူင်သႂ်ႇ ၶိူဝ်း ယႂ်း မိူၼ်ၼင်ႇ - လၢဝ်ႇၵၢႆး ၊ ၵျွၵ်ႉမႄး ၊ လႃႈသဵဝ်ႈ ၸိူဝ်းၼႆႉ။ မိူၼ်ၼင်ႇ တီႈၸႄႈဝဵင်းသႅၼ်ဝီၼႆႉၵေႃႈ...