ၼႂ်း 2-3 လိူၼ်မႃးၼႆႉ ငိုၼ်းၶဝ်ႈတီႈ ၶွမ်ႊပၼီႊ Meta ၼမ်၊ ၶၼ်ႁုၼ်ႈပုင်ႈၶိုၼ်ႈလႄႈ Mark Zuckerberg မၢၵ်ႊၶ် သူႊၵပၵ်ႉ ၸဝ်ႈၶွင်ၶွမ်ႊပၼီႊ Meta ၶိုၼ်ႈမႃးပဵၼ် ၽူႈမၢၵ်ႈမီးသုတ်းထီႉ 3 ၼႂ်းလုမ်ႈၾႃႉၼႆ - မႅၵ်ႉ ၵၸိၼ်း Forbes တႅမ်ႈဢွၵ်ႇပိုၼ်ၽၢဝ်ႇၼင်ႇၼႆ။ ၼႂ်းဝူင်ႈၼႆႉ ၶွမ်ႊပၼီႊ...

ၽွင်းပၢင် တိုၵ်းႁၢဝ်ႈႁႅင်း တီႈဝဵင်းလႃႈသဵဝ်ႈၼၼ်ႉ သိုၵ်းမၢၼ်ႈ ဢဝ်ၶိူင်ႈမိၼ် ယိုဝ်းမၢၵ်ႇလူင်း ၼႂ်းဝဵင်း ၽူႈ ၵုမ်းၶွၵ်ႈသမ်ႉ ဢမ်ႇပိုတ်ႇၽၵ်းတူၶွၵ်ႈလူင်၊ ဢမ်ႇၶၢႆႉၵူၼ်းတူၵ်းၶွၵ်ႈလႄႈ ႁဵတ်းႁႂ်ႈ ၵူၼ်းၼႂ်းၶွၵ်ႈ ၺႃးၸၢၵ်ႇမၢၵ်ႇသေ လူႉတၢႆ 100 ပၢႆၼႆ - ၵူၼ်းၸိူဝ်းပူၼ်ႉလွတ်ႈဢွၵ်ႇမႃး လၢတ်ႈၼင်ႇၼႆ။ သိုၵ်းၵဝ်ႈၵၢင်ႉ MNDAA ၶဝ်ႈယိုဝ်းဝဵင်းလႃႈသဵဝ်ႈ မိူဝ်ႈဝၼ်းတီႈ 24/07/2024...

ဝၼ်းတီႈ 08/08/2024 ၼႆႉ တဵင်ႉသျီႊၵျွၼ်ႊ ၽူႈတႅၼ်းၶိုၵ်ႉတွၼ်း ၵဵဝ်ႇလူၺ်ႈလွင်ႈဢေႊသျႃႊ ႁွင်ႈၵၢၼ် ၽွင်းလူင် ၾၢႆႇၼွၵ်ႈမိူင်း မိူင်းၶႄႇ ႁူပ်ႉထူပ်းၵၼ်တင်းၸွမ်ၸိၵ်းသိုၵ်းမၢၼ်ႈမိၼ်းဢွင်ႇလၢႆႇ တီႈၼေႇပျီႇတေႃႇ။ ဝၢႆးလင် သိုၵ်းမၢၼ်ပိုၼ်ၽၢဝ်ႇဝႃႈ - တေၸွပ်ႇသွၵ်ႈၵူၼ်း/ ၸုမ်း ဢၼ်ၵမ်ႉထႅမ်ပၼ်ႁႅင်း ၸုမ်းသိုၵ်းၵဝ်ႈၵၢင်ႉလႄႈ ဢူၺ်းလီ ဢၼ်ပိုတ်းယိုဝ်း တိုၵ်းတေႃးသိုၵ်းမၢၼ်ႈသေ တေဢဝ်လိူင်ႈပၼ်တူတ်ႈတၢမ်ႇၵႂႃႇ ႁၢဝ်ႈႁႅင်း ၼႆယဝ်ႉၼၼ်ႉ...

သိုၵ်းမၢၼ်ႈ ယိုတ်းမိူင်း မၢပ်ႇၼႄးဝႃႈ ပဵၼ်လုၵ်ႈၸုမ်းၵႅတ်ႇၶႄ ၵူၼ်းမိူင်း PDF ၼႆသေ တီႉၺွပ်းဝႆႉ ၵူၼ်းၼုမ်ႇ ပၢၵ်ႇပၢႆ ဢၼ်တေၵႂႃႇ တၢင်းဝဵင်းမူႇၸေႊ လႅၼ်လိၼ်တႆး - ၶႄႇၼၼ်ႉ။ ဝၼ်းတီႈ 08/08/2024 ၵူၼ်းၼုမ်ႇ ပၢၵ်ႇပၢႆ တင်းၵႃး 10 လမ်း မႃးထိုင်တီႈဝဵင်းလၢႆးၶႃႈ ၸိုင်ႈတႆးပွတ်းၸၢၼ်း ၺႃးသိုၵ်းမၢၼ်ႈ...

ၼႂ်းဝၼ်းတီႈ 08/08/2024  ယၢမ်းဝၢႆးဝၼ်း 2 မူင်း မၢၵ်ႇလူင်သိုၵ်းမၢၼ်ႈ တူၵ်းသႂ်ႇၼႂ်းဝၢၼ်ႈထီႊရီႊ ဢၼ်မီး ၼႂ်းၸႄႈ ဝဵင်းသီႇသႅင်ႇ ၸိုင်ႈတႆးပွတ်းၸၢၼ်းၼႆႉ ႁဵတ်းႁႂ်ႈႁိူၼ်းၵူၼ်းမိူင်း လူႉၵွႆ ဢမ်ႇယွမ်း 4 လင် ဝႃႈၼႆ။ ၵဵဝ်ႇလူၺ်ႈလွင်ႈၼႆႉ ၵူၼ်းမိူင်း ၸိူဝ်းလႆႈပၢႆႈၽေးသိုၵ်း လၢတ်ႈတီႈၽူႈတွႆႇႁွၵ်ႈဝႃႈ - “ၶဝ်ယိုဝ်းၵၢၼ်တင်းဝၼ်း တင်း ၶိုၼ်းၼႆႉ...

ၵၢၼ်ငမ်းယဵၼ်ၵိူတ်ႇၶိုၼ်ႈလႆႈၼႂ်းသၽႃး (မိူဝ်ႈမီးသၽႃး) ဢၼ်မီးလူင်ပွင်ၸိုင်ႈပူၵ်းပွင်ၽွင်းငမ်း လူၺ်ႈၵၢၼ် ထၢင်ႇႁၢင်ႈလွတ်ႈလႅဝ်း(ၻီႊမွၵ်ႉၶရေႊ) ဢမ်ႇၼၼ် ၵၢၼ်ဢုပ်ႇၵိူဝ်းၵုမ် ၼႂ်းၾုင်မူႇမုၵ်ႉၵေႃ ၵုမ်ႇၸၢဝ်းၶိူဝ်းၵူၼ်း ဢၼ်ပဵၼ်ၸဝ်ႈတူဝ်ၶဝ်ႈပႃးၼႂ်းၵၢၼ်ၶတ်းယႅင်ႈ လၢႆမုၵ်ႉလၢႆၸုမ်းၼႂ်းႁူမ်ႈၸၢႆးၶႃးလဵဝ်ၵၼ်လႄႈသၢႆႇသၢင် ပၼ်ႁႃ ႁူမ်ႈၵၼ်။ ဢမ်ႇၵွမ်ႉလူၺ်ႈတူဝ်တႅၼ်းၾၢႆႇလႂ်ၾၢႆႇၼိုင်ႈ ဢၼ်မီးႁႅင်းဢမ်းၼၢၸ်ႈယႂ်ႇ ၼႂ်းၵမ်မိုဝ်းၵွႆး ဢမ်ႇဝႃႈမူႇၾုင်ၸုမ်း လဵၵ်ႉယႂ်ႇၵူႈၸၢဝ်းၶိူဝ်းလႂ်ၵေႃႈ ႁႂ်ႈမီးလွင်ႈထၢင်ႇႁၢင်ႈၽဵင်ႇပဵင်းၸီႉၸႅင်ႈၵၢဝ်ႇၼမ်းလဝ်ႈယိုၼ်ႈ ၵၢၼ်ၵႄႈပၼ်ႁႃ လႄႈလွၵ်းလၢႆးၵၢၼ်ၵႄႈလိတ်ႈႁူမ်ႈၵၼ်လႆႈလွတ်ႈလွတ်ႈလႅဝ်းလႅဝ်းၸင်ႇပဵၼ်တိုဝ်ႉတၢင်းဢွၵ်ႇၸူးသူႇလွင်ႈငမ်းယဵၼ်လူၺ်ႈၵၢၼ်သိုဝ်ႈသႂ်တၢင်းမုင်ႈမၢႆတီႈပၵ်းၸႂ် ႁႂ်ႈထိုင်ၸုတ်းမၢႆပၢႆတၢင်းယိူင်းဢၢၼ်းလဵဝ်ၵၼ်လႆႈ။ ယွၼ်ႉဢမ်ႇမီးၵၢၼ်တဵင်ႈထမ်းတင်ႈတႄႇလႆႈလွတ်ႈလႅဝ်းၵွၼ်းၶေႃ 1948 လၢႆၸၢဝ်းၶိူဝ်းတူၵ်းၸူမ်ယူႇ တႂ်ႈဢမ်း...

ၸုမ်းဢူၺ်းလီပွတ်းႁွင်ႇ သၢမ်ၸုမ်း လၢတ်ႈဝႃႈ သင်ၸိူဝ်ႉဢမ်ႇၶႂ်ႈႁႂ်ႈပဵၼ်ပၢင်တိုၵ်း တီႈဝဵင်းမူႇၸေႊၼႆ ႁႂ်ႈၽူႈၵွၼ်းတိူင်းသိုၵ်း ယမၶ ဝၢင်းၶိူင်ႈဝႆးဝႆး ဝႃႈၼႆ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈ မိူဝ်ႈၼႆႉ ဝၼ်းတီႈ 09/08/2024 ဝႃႈ ဢၼ်ၸုမ်းဢူၺ်းလီ ပွတ်းႁွင်ႇ သၢမ်ၸုမ်း ယိုၼ်းမိုဝ်းလၢတ်ႈတီႈၽူႈၵွၼ်းတိူင်းယမၶၼႆႉ ပဵၼ်မိူဝ်ႈပူၼ်ႉမႃး 2-3 ဝၼ်းၼႆႉ ဝႃႈၼႆ။ ၵဵဝ်ႇလူၺ်ႈလွင်ႈ ၸုမ်းဢူၺ်းလီသၢမ်ၸုမ်း...

သိုၵ်းၵဝ်ႈၵၢင်ႉ MNDAA ၶဝ်ႈလေႃႇတိုၵ်း တိူင်းသိုၵ်းမၢၼ်ႈ ၼႂ်းဝဵင်းလႃႈသဵဝ်ႈ ၵူၼ်းမိူင်း တၢႆမၢၵ်ႇတၢႆ မိူဝ် တူႇၼဝ်ႈတူဝ်ႈဝဵင်း ပႆႇမီးၸုမ်းလႂ် ႁတ်းမိူဝ်းၵဵပ်းၽဵဝ်ႈၶၢပ်ႈတူဝ်။ ၸိူဝ်းပၢႆႈၽေးသိုၵ်း ၵႂႃႇယူႇဝႆႉ တၢင်ႇတီႈတၢင်ႇဝဵင်းၵေႃႈ ဢမ်ႇၸၢင်ႈၵပ်းသိုပ်ႇၸူး ၵူၼ်းၸိူဝ်းပႂ်ႉႁိူၼ်းၵိုတ်းတၢင်းလင်၊ တၢႆႁႃႉ လိပ်းၵေႃႈ ဢမ်ႇႁူႉၶၢဝ်ႇငၢဝ်းၵၼ် ဢွၼ်ၵၼ်ၶဵင်ႇမႆႈၸႂ် ၵၼ်ဝႆႉ။ ယၢမ်းလဵဝ် ငဝ်းလၢႆးယဵၼ်ဝႆႉၵေႃႈ ၽႂ်ပႆႇ...

မိူဝ်ႈၼႆႉ ဝၼ်းတီႈ 09/08/2024 ယၢမ်းၵၢင်ၼႂ် ၶၼ်ငိုၼ်းၶႄႇ သိုပ်ႇၶိုၼ်ႈထႅင်ႈ ငိုၼ်းၶႄႇ 100 ယႂၼ်ႊ လႆႈ ငိုၼ်းမၢၼ်ႈ 78,000 ပျႃးယဝ်ႉ တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ လႅၼ်လိၼ်တႆး - ၶႄႇ ၼႆယဝ်ႉ။ ၵူၼ်းပိုၼ်ႉတီႈ ဝဵင်းမူႇၸေႊ လၢတ်ႈတီႈၽူႈတွႆႇႁွၵ်ႈဝႃႈ - “မိူဝ်ႈယၢမ်းၸဝ်ႉၼႆႉ ငိုၼ်းၶႄႇ...

ဝၢႆးလင် သိုၵ်းမၢၼ်ႈ ယိုတ်းဢႃႇၼႃႇ ၸိုင်ႈမိူင်းမႃးၼႆႉ ၸႂ်ႉၶိူင်ႈမိၼ်သိုၵ်း မႃးပွႆႇမၢၵ်ႇပတ်းပိုၼ်ႉတူဝ်ႈမိူင်း 5,800 ၵမ်းယဝ်ႉၼႆ ဢိၼ်ႊသတီႊၵျုတ်ႉ ၾၢႆႇလဵပ်ႈႁဵၼ်း မူႇပိူင်လႄႈ မႁႃႇပိဝ်ႇႁႃႇမၢၼ်ႈ ISP Myanmar ပိုၼ်ၽၢဝ်ႇ မိူဝ်ႈဝၼ်းတီႈ 05/08/2024 ၼၼ်ႉ ၼင်ႇၼႆ။ ၼႂ်းမိူင်းတႆးတႄႉ တင်ႈတႄႇ ၽႅၼ်ယၼ်ႇသိုၵ်း 1027 မႃးၼႆႉ သိုၵ်းမၢၼ်ႈ...

ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ ၼႂ်းဝဵင်းမိူင်းမွၵ်ႇ (မိုးမောက်မြို့) ၸႄႈမိူင်းၶၢင် တိူဝ်ႉၺႃးၵူၼ်းမိူင်းလူႉတၢႆ 1 ၵေႃႉလႄႈ ႁိူၼ်းယေးၵူၼ်းမိူင်းလူႉၵွႆ ဢမ်ႇယွမ်း 10 လင်။ ဝၼ်းတီႈ 07/08/2024 ယၢမ်းၵၢင်ၶမ်ႈ သိုၵ်းမၢၼ်ႈ ယိုတ်းမိူင်း ၸႂ်ႉၶိူင်ႈမိၼ် မႃးပွႆႇမၢၵ်ႇသႂ်ႇ တီႈဝၢၼ်ႈၶဵဝ်းႁၢႆ (စီဟတ်ကျေးရွာ) ဝဵင်းမိူင်းမွၵ်ႇ ၸႄႈတွၼ်ႈမၢၼ်ႈမေႃႇ ၸႄႈမိူင်းၶၢင် တိူဝ်ႉၺႃး...

ၸဝ်ႈၸၢႆးလိုၼ်း ဢႃယု 76 ပီ ႁူဝ်ပဝ်ႈ ၼႃႈလိၼ်ၶိုၵ်ႉတွၼ်းမၢႆ 4 NDAA မိူင်းလႃး လူႉသဵင်ႈယွၼ်ႉတၢင်းပဵၼ်ၶႅၼ်ႊသိူဝ်ႊၽွင်းၵႂႃႇယူတ်းယႃတူဝ် တီႈႁူင်းယႃၾင်ႇမိူင်းၶႄႇ ။ လူႉသဵင်ႈမိူဝ်ႈဝႃးဝၼ်းတီႈ 8/8/2024 ယၢမ်းၵၢင်ၶမ်ႈသေ ဝၼ်းတီႈ 9/8/2024 မိူဝ်ႈၼႆႉလုၵ်ႈလၢင်းၵူၼ်းႁိူၼ်း တေဢဝ်ၶၢပ်ႈတူဝ်ပွၵ်ႈၶိုၼ်း မိူင်းလႃး တႃႇလုမ်းလႃးသၢင်းၵဵဝ်ႇ။ ၸဝ်ႈၸၢႆးလိုၼ်းၼႆႉ ပဵၼ်ႁူဝ်ပဝ်ႈ တပ်ႉၸုမ်း NDAA ၊...

ဝၼ်းတီႈ 07/08/2024 ယၢမ်းဝၢႆးဝၼ်း လုမ်းတြႃးပိူင်ငဝ်ႈပိုင်းမိူင်း ၸိုင်ႈထႆး ပိုၼ်ၽၢဝ်ႇယႃႉပႃႇတီႇၵၢဝ်ႉၵႆ ဢၼ်ဢွင်ႇပေႉပၢင်လိူၵ်ႈတင်ႈ လႆႈတီႈၼင်ႈၼမ်သုတ်း ၼႂ်းသၽႃးဝႆႉ။ လိူဝ်ၼၼ်ႉ ပိုၼ်ၽၢဝ်ႇပႃးဝႃႈ ႁၢမ်ႈႁူဝ်ၼႃႈပႃႇတီႇ ၶုၼ်ႊၽိထႃးလႄႈ လုၵ်ႈၸုမ်းပွင်ၵၢၼ်ပႃႇတီႇ တင်းမူတ်း ႁႂ်ႈၵိုတ်းလိုဝ်ႈ လွင်ႈႁဵတ်းသၢင်ႈၵၢၼ်မိူင်း ၶၢဝ်းတၢင်း 10 ပီ ဝႃႈၼႆဝႆႉ။ လွင်ႈတၢင်း ဢၼ်ထုၵ်ႇယုၵ်ႉလိူၵ်ႈပႃႇတီႇၼႆႉသမ်ႉ လုမ်းတြႃးၼႄးဝႃႈ ပႃႇတီႇၵၢဝ်ႉၵႆၼႆႉ ႁဵတ်းၽိတ်းပၵ်းပိူင်...

လူင်ပွင်ၸိုင်ႈ မိူင်းဢိင်းၵလဵတ်ႈ ပိုၼ်ၽၢဝ်ႇဝႃႈ တေပၼ်ငိုၼ်းၵမ်ႉၸွႆႈ တႃႇၵူၼ်းၼုမ်ႇ မိူင်းမၢၼ်ႈ ႁႂ်ႈလႆႈသုၼ်ႇတိုဝ်ႉတၢင်းႁဵၼ်းလိၵ်ႈလၢႆး တွၼ်ႈတႃႇၸုမ်ႈၶူးမႁႃႇ တီႈၸၼ်ႉၸွမ် မိူင်းဢိင်းၵလဵတ်ႈ ၼႂ်းႁူဝ်ၶေႃႈ Chevening ၵူၼ်းၼုမ်ႇမီးတိုဝ်ႉတၢင်း တႃႇတၢင်ႇယိုၼ်ႈယွၼ်း ၼႂ်းဝၼ်းတီႈ 6 လိူၼ်ဢေႃႊၵတ်ႊသ် ထိုင် ဝၼ်းတီႈ 5 လိူဝ်ၼူဝ်ႊဝႅမ်ႊပိူဝ်ႊ ဝႃႈ ၼႆ။ လွင်ႈၼႆႉ ယူႇတီႈ...

တပ်ႉသိုၵ်းဝႃႉ UWSA ထႅမ်ႁႅင်းသိုၵ်း ၶဝ်ႈဝဵင်းလႃႈသဵဝ်ႈထႅင်ႈ ရူတ်ႉၵႃး ဢမ်ႇယွမ်း 10 ဝႃႈၼႆ။ ဝၼ်းတီႈ 07/08/2024 ပူၼ်ႉမႃးၼႆႉ ထႅဝ်ရူတ်ႉၵႃး တပ်ႉသိုၵ်းဝႃႉ UWSA ဢမ်ႇယွမ်း 10 လမ်း ပူၵ်းတုင်းတပ်ႉသိုၵ်းဝႃႉသေ လုၵ်ႉတၢင်ႉယၢၼ်း - မိူင်းယႆ ၶဝ်ႈမႃးၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ ၸွမ်းဢွင်ႈတီႈတပ်ႉသိုၵ်းၵဝ်ႈၵၢင်ႉ MNDAA...