ဝၼ်းတီႈ 01/10/2024 ယၢမ်းၵၢင်ဝၼ်း ရူတ်ႉၵႃးပၢတ်ႉသ် တၢင်ႇလုၵ်ႈႁဵၼ်း တီႈၸႄႈတွၼ်ႈဢုထႆးထႃးၼီး ဢွၵ်ႇၶၢဝ်းတၢင်းၵႂႃႇလဵပ်ႈႁဵၼ်း ဝဵင်းလူင်ၵုင်းထဵပ်ႈ ၶိူင်ႈၸၢၵ်ႈၵွႆသေ ၾႆးမႆႈရူတ်ႉ တၢင်းၶဝ်ႈၵုင်းထဵပ်ႈ လုၵ်ႈႁဵၼ်းလႄႈ ၶူးတၢႆ ႁၢႆဝႆႉ 20 ပၢႆ။ ၶၢဝ်ႇထႆး ဢွၵ်ႇဝႆႉဝႃႈ ၶူးသွၼ်တီႈႁူင်းႁဵၼ်း ဝတ်ႉၶဝ်ၽယႃး တႄႈတွၼ်ႈဢုထႆးထႃးၼီး ၸူဝ်းဢဝ်လုၵ်ႈႁဵၼ်းတီႈႁူင်းႁဵၼ်း 100 ပၢႆ ဢွၵ်ႇၶၢဝ်းတၢင်း...

ၶၢဝ်းတၢင်း သွင်လိူၼ်မႃးၼႆႉ ၾူၼ်တူၵ်းထပ်းၵၼ်ၶၢဝ်းႁိုင်သေ ႁဵတ်းႁႂ်ႈၼမ်ႉႁူၺ်ႈလွႆလုပ်ႇထူမ်ႈ တိူၵ်ႇႁႆႈလွၵ်းၼႃး တီႈယူႇသဝ်းၵူၼ်းမိူင်း လူႉသုမ်းတင်းၼမ်လၢႆ မိူၼ်ၼင်ႇ တီႈဝဵင်းမိူင်းသၢတ်ႇၵေႃႈ တေႃႇထိုင်ယၢမ်းလဵဝ် ပႆႇၸၢင်ႈၵႂႃႇမႃး ထၢင်ႇႁၢင်ႈလူမ်ၸႂ် ယၢပ်ႇၽိုတ်ႇဝႆႉ လၢႆလွင်ႈ။ ယွၼ်ႉသဵၼ်ႈတၢင်းၶၢတ်ႇ ၶူဝ်ၵွႆသေ မႄႈမၢၼ်း ၵေႃႉၼိုင်ႈ ဢၼ်ယူႇၵႆဝဵင်းမိူင်းသၢတ်ႇ ၸိုင်ႈတႆးပွတ်းဢွၵ်ႇၶူင်းၼၼ်ႉ ဢၢၼ်းမႃးၵိူတ်ႇလုၵ်ႉ တီႈႁူင်းယႃၼႂ်းဝဵင်းသေ ယွၼ်ႉသဵၼ်ႈတၢင်းယၢပ်ႇၽိုတ်ႇလႄႈ လႆႈမႃးလူႉတၢႆပႅတ်ႈၸွမ်းပွတ်းတၢင်း ၼႆယဝ်ႉ။ တႄႇဢဝ်...

လူင်ပွင်ၸိုင်ႈထႆး တေပၼ်ၶႂၢင်ႉႁႅင်းၵၢၼ်တင်း လုၵ်ႈဢွၼ်ႇ ႁႅင်းၵၢၼ် 4 ၸိုင်ႈမိူင်း ၸိူဝ်းဢမ်ႇမီးဝတ်းဝႂ် ယူႇသဝ်းၵႂႃႇလႆႈၼႂ်းမိူင်းထႆး လူၺ်ႈပဵၼ်တၢင်းၵၢၼ် - ၶၢဝ်ႇ The Nation ႁၢႆးငၢၼ်းဝႆႉၼင်ႇ ၼႆ။ လွင်ႈၼႆႉ ၸွမ်းၼင်ႇၶေႃႈတုၵ်းယွၼ်း ၵေႃႇမတီႇၾၢႆႇၸတ်းၵၢၼ်ႁႅင်းၵၢၼ်ၼွၵ်ႈမိူင်း တုၵ်းယွၼ်း တီႈၼႂ်းပၢင်ၵုမ် ၸုမ်း ၽွင်းလူင် လူင်ပွင်ၸိုင်ႈမိူင်းထႆး မိူဝ်ႈဝၼ်းတီႈ 24/09/2024...

ၵူၼ်းမိူင်းမၢၼ်ႈ တၢင်ႇယိုၼ်ႈလႆႈ ဝီႊသႃႊ Diversity Visa Program (DV) လႆႈယဝ်ႉ တွၼ်ႈတႃႇ တေယူႇသဝ်းလႆႈ ၼႂ်းမိူင်းဢမေႊရိၵၼ်ႊ ဝႃႈၼႆ။ တႄႇဢဝ် ဝၼ်းတီႈ 02/10/2024 တေႃႇထိုင်ဝၼ်းတီႈ 05/11/2024 တႄႇယိုၼ်ႈတၢင်ႇဝီႊသႃႊ ၶၢႆႉယူႇမိူင်းဢမေႊရိၵၼ်ႊ ဢမ်ႇၼၼ် Diversity Visa Program (DV) ပီ...

သိုၵ်းမၢၼ်ႈ ဢဝ်ၶိူင်ႈမိၼ်မႃးပွႆႇမၢၵ်ႇ တီႈဝဵင်းလႃႈသဵဝ်ႈ သီႇပေႃႉ ၵျွၵ်ႉမႄး ႁူဝ်ယ (မိူင်းယႆ) ၵူႈၶမ်ႈၶိုၼ်း ႁဵတ်းႁႂ်ႈၵူၼ်းမိူင်း ဢမ်ႇၸၢင်ႈယူႇ ဢမ်ႇၸၢင်ႈလပ်း တၢင်းၶမ်ႈတၢင်းၶိုၼ်း။ ၼႂ်းလိူၼ်သႅပ်ႊထႅမ်ႊပိူဝ်ႊ ဝူင်ႈလိုၼ်းသုတ်းၼႆႉ သိုၵ်းမၢၼ်ႈ ဢဝ်ၶိူင်ႈမိၼ်သိုၵ်းသေ ပွႆႇမၢၵ်ႇတီႈဝဵင်းလႃႈ သဵဝ်ႈၵူႈၶမ်ႈ ၶိုၼ်း တင်ႈတႄႇၶမ်ႈ ဝၼ်းတီႈ 20 ၼၼ်ႉမႃး။ ဝၼ်းတီႈ 30/09/2024 ယၢမ်းၵၢင်ၶိုၼ်း...

ၾူၼ်တေတူၵ်းႁႃႇယႂ်ႇထႅင်ႈ ၼႂ်းႁူဝ်လိူၼ်ဢွၵ်ႊထူဝ်ႊပိူဝ်ႊၼႆႉ ၵူၼ်းမိူင်းၸိူဝ်းယူႇပိုၼ်ႉတီႈတႅမ်ႇ ႁႂ်ႈဢွၼ်ၵၼ် ၶၢႆႉယူႇဝႆႉတီႈသုင် - ၾၢႆႇၾိင်ႈၾႃႉ ပၼ်ၾၢင်ႉဝႆႉၼင်ႇၼႆ။ ႁွင်ႈၵၢၼ်ၾၢႆႇ လၢမ်းၶၢတ်ႈလွင်ႈၾူၼ်လူမ်း ပိုၼ်ၽၢဝ်ႇဝႆႉဝႃႈ ဝၼ်းတီႈ 1 ထိုင် 5 ဢွၵ်ႊထူဝ်ႊပိူဝ်ႊၼႆႉ ၾူၼ်တေတူၵ်းထႅင်ႈ ပတ်းပိုၼ်ႉၸိုင်ႈမိူင်း တေတူၵ်းႁႅင်းမၢင်ပိုၼ်ႉတီႈလႄႈ တေၸၢင်ႈမီး ၾူၼ်လူင် လူမ်းၽတ်ႉပဝ်ႇႁႅင်း ၵူၼ်းမိူင်း ၸိူဝ်းယူႇ ၼႂ်းပိုၼ်ႉတီႈတႅမ်ႇ...

တႆးႁွတ်ႈၵဵင်းမႂ်ႇ - လမ်းပုၼ်း ႁူမ်ႈၵၼ် ၵႂႃႇၸွႆႈထႅမ် ၵူၼ်းထူပ်းၽေးသိုၵ်း ဢၼ်ပၢႆႈၵႂႃႇသွၼ်ႈဝႆႉ တီႈလႅၼ်လိၼ်တႆး - ထႆး တႃႇၶွင်ၵိၼ်ယႅမ်ႉ 160 ၸုမ်ႇ(သုတ်ႉ) လႄႈ ငိုၼ်းထႆးထႅင်ႈ လၢႆမိုၼ်ႇဝၢတ်ႇ။ ဝၼ်းတီႈ 27/09/2024 ယူႇတီႈ သင်ၶၸဝ်ႈ၊ ၸုမ်းမဵတ်ႉတႃႇသြႃႇၽွမ်ႉႁူမ်ႈ၊ ၸုမ်းၸွႆႈထႅမ် ၽူႈထူပ်းၽေး ၼႂ်းမိူင်းတႆး ၵဵင်းမႂ်ႇ...

ၼႂ်းၵၢင်လိူၼ်သႅပ်ႊထိမ်ႊပိူဝ်ႊၼႆႉ မီးၶၢဝ်ႇလိုဝ်းဢွၵ်ႇမႃးဝႃႈ ယွၼ်ႉဢမ်ႇတူၺ်းၶၢဝ်ႇငၢဝ်း ဢၼ်သိုၵ်းမၢၼ်ႈပၼ်ၾၢင်ႉလႄႈ ၵူၼ်းမိူင်းၸင်ႇ ဢွၼ်ၵၼ် ၺႃးၽေးၼမ်ႉထူမ်ႈႁၢဝ်ႈႁႅင်းဝႃႈၼႆ။ ၶၢဝ်ႇလိုဝ်းဢၼ်ၼႆႉ ဢွၵ်ႇမႃးတီႈၶျွင်ႉ မၢႆးဝူၺ်ႇ တီႈတႄႊလီႊၵရႅမ်ႊ ဝၼ်းတီႈ 15/9/2024 ၼႂ်းၼၼ်ႉတႅမ်ႈတၢင်ႇဝႆႉဝႃႈ - “ ၵူၼ်းမိူင်းၸိူဝ်းဢၼ်ၵုမ်ႇတူၺ်း ၶၢဝ်ႇၶိတ်ႉတိတ်ႉ Khit Thit ၸိူဝ်းၼၼ်ႉၵူၺ်းလႄႈ ဢမ်ႇႁူႉလွင်ႈပၼ်ၾၢင်ႉသင် ။ ယွၼ်ႉၵူၼ်းမိူင်းဢမ်ႇတူၺ်းၶၢဝ်ႇဢၼ်သိုၵ်းမၢၼ်ႈပိုၼ်ၽႄႈပၼ်လႄႈ ၸင်ႇၺႃးၽေးၼမ်ႉၸိူင်ႉၼႆ...

တူၺ်း​​တေႃႇလွင်ႈလူႉသုမ်း တိူဝ်ႉသၢင်ႈၼႂ်းၸိုင်ႈမိူင်း ဢၼ်လႆႈပဵၼ်မႃး ယွၼ်ႉလၢႆးၵၢၼ်ယိပ်းၵွင်ႈၵၢင်ႇလႄႈ လၢႆး​​ၵေႃႇ ၵၢၼ်ႁၢႆႉၼၼ်ႉ​​သေ ယိုၼ်းမိုဝ်းၽိတ်ႈမွၵ်ႇထိုင် ၸိူဝ်းၸုမ်းၸၢဝ်းၶိူဝ်းယိပ်းၵွင်ႈတိုၵ်း​​တေႃး ယူႇၼၼ်ႉလႂ်၊ ၸိူဝ်းၸုမ်း ၸၢဝ်း​​ၵေႃႇၵၢၼ်ႁုၵ်းႁၢႆႉၼၼ်ႉလႂ်၊ ၸိူဝ်း PDF ဢၼ်​​ပဵၼ်ၸုမ်းၵေႃႇၵၢၼ်ႁၢႆႉၼၼ်ႉ လႂ်ၼႆႉ ႁႂ်ႈလႆႈၾႃႈပွႆႇလၢႆးယိပ်းၵွင်ႈ ၵၢင်ႇ တိုၵ်း​​တေႃးႁဵတ်းႁၢႆႉသေ ၼင်ႇႁိုဝ် ​​တေဢဝ်လၢႆးၵၢၼ်မိူင်း ​​ၵႄႈလိတ်ႈ လႆႈပၼ်ႁႃၵၢၼ်မိူင်း လူၺ်ႈလၢႆးတၢင်း ပႃႇတီႇၵၢၼ်မိူင်းလႄႈသင်၊...

ဝၼ်းတီႈ 26/09/2024 ယၢမ်းၵၢင်ၼႂ်မွၵ်ႈ 7မူင်းၶိုင်ႈ ၶိူင်ႈမိၼ်သိုၵ်းမၢၼ်ႈ ပွႆႇမၢၵ်ႇသႂ်ႇ တီႈဝဵင်းတၢၼ်ႇတွႆး မိူင်းရၶႅင်ႇ ၵူၼ်းပၢႆႈၽေးသိုၵ်းလူႉတၢႆ 13 ၵေႃႉ မၢတ်ႇၸဵပ်း 25 ၵေႃႉ ပႃးလုၵ်ႈဢွၼ်ႇလႄႈ ၵူၼ်းထဝ်ႈ တင်းၼမ်။ သိုၵ်းမၢၼ်ႈ ယိုတ်းမိူင်းၼႆႉ ၸႂ်ႉၶိူင်ႈမိၼ်သေ ပွႆႇမၢၵ်ႇသႂ်ႇ တီႈလုမ်းၾၢႆႇၵုမ်းသၽႃႇဝ သိင်ႇဝႅတ်ႉလွမ်ႉလႄႈ ႁူင်းႁေႃငဝ်ႈဝဵင်းတၢၼ်ႇတွႆး ပဵၼ်ဢွင်ႈတီႈၵူၼ်းပၢႆႈၽေးသိုၵ်း...

သိုၵ်းမၢၼ်ႈ ယိုတ်းမိူင်း တင်ႈၸႂ် ဢဝ်ၶိူင်ႈမိၼ် မႃးပွႆႇမၢၵ်ႇထႅင်ႈ တီႈဝဵင်းလႃႈသဵဝ်ႈ တိူဝ်ႉၺႃးၵူၼ်းမိူင်း လူႉတၢႆထႅင်ႈ 2 ၵေႃႉ မၢတ်ႇၸဵပ်း 6 ၵေႃႉလႄႈ ၵၢတ်ႇလူင်လႃႈသဵဝ်ႈ ၸိူဝ်းၼႆႉ လူႉၵွႆၼမ်။ ဝၼ်းတီႈ 27/09/2024 ယၢမ်းၵၢင်ၼႂ်မွၵ်ႈ 3 မူင်းၶိုင်ႈ ၽွင်းၵူၼ်းမိူင်း တိုၵ်ႉၼွၼ်းလပ်းယဵၼ်ယူႇၼၼ်ႉ သိုၵ်းမၢၼ်ႈ ယိုတ်းမိူင်း...

ဝၼ်းတီႈ 26/09/2024 ၼႆႉ သိုၵ်းမၢၼ်ႈ ယိုတ်းမိူင်း ပိုၼ်ၽၢဝ်ႇဝႃႈ သိုၵ်းၸၢဝ်းၶိူဝ်းတင်း ၸုမ်းၵႅတ်ႇၶႄၵူၼ်းမိူင်း PDF ၸိူဝ်းၼႆႉ ႁႂ်ႈဢဝ်ၵၢၼ်မိူင်း ၵႄႈလိတ်ႈပၼ်ႁႃၵၢၼ်မိူင်းသေ ၶဝ်ႈပၢင်လိူၵ်ႈတင်ႈၵႂႃႇ ဝႃႈၼႆ။ ၾၢႆႇၼိုင်ႈၵေႃႈ သိုၵ်းမၢၼ်ႈ ၸႂ်ႉၶိူင်ႈမိၼ်သေ ပွႆႇမၢၵ်ႇသႂ်ႇ ၼႂ်းၼႃႈတီႈ ၸုမ်းယိပ်းၵွင်ႈၵၢင်ႇ ၸၢဝ်းၶိူဝ်းတင်း ၸုမ်း PDF ယိုတ်းၵုမ်းဝႆႉႁၢဝ်ႈႁႅင်း ႁဵတ်းႁႂ်ႈၵူၼ်းမိူင်း...

ၸဝ်ႈၼႃးမႆႈၸႂ် ၵူဝ်ၶဝ်ႈသၢၼ်ဢမ်ႇၵုမ်ႇ တႃႇပီၼႃႈ ယွၼ်ႉပီၼႆႉ လူမ်ႉလႅင်ႉၽတ်ႉထွင်းၶဝ်ႈ ၾူၼ်တူၵ်း ႁႅင်းလႄႈ ႁဵတ်းႁႂ်ႈၼမ်ႉလုပ်ႇၼွင်းထူမ်ႈ တိူၵ်ႇသူၼ်လွၵ်းၼႃး တီႈၽုၵ်ႇသွမ်ႈ ဢမ်ႇယွမ်း 7 သႅၼ်ဢေႊၶိူဝ်ႊယဝ်ႉ ဝႃႈၼႆ။   ၶၢဝ်းၾူၼ်ၼႆႉ ၸဝ်ႈသူၼ်ႁႆႈၼႃးၶဝ် ၽုၵ်ႇသွမ်ႈပႃးငႃး၊ မၢၵ်ႇဝၼ်းဝၢႆႇ၊ ထူဝ်ႇၵူႈမဵဝ်း၊ ၵုၺ်၊ ၵူၺ်ႈလႄႈ မၢၵ်ႇၶဝ်ႈတဝ်ႈၼမ်ႉ တၢင်ႇၸိူဝ်းယူႇသေတႃႉ ယွၼ်ႉပဵၼ်ၶၢဝ်းၽုၵ်ႇသွမ်ႈ...

ဝၼ်းတီႈ 24/09/2024 ၼႆႉ ၸဝ်ႈၼႃႈတီႈထႆး ၵိုင်ႉၵၢင်ႉၶဝ်ႈၵူတ်ႇထတ်း ဢွင်ႈတီႈႁဵတ်းၵၢၼ်ၵေႃႇသၢင်ႈ ဢၼ်ၵူၼ်းမိူင်းၶႄႇပဵၼ်ၸဝ်ႈၶွင် ၼႂ်းၸႄႈတွၼ်ႈဢယုတ်ႉထယႃး မိူင်းထႆး တီႉၺွပ်းလႆႈႁႅင်းၵၢၼ်မိူင်းမၢၼ်ႈ ၸိူဝ်းဢမ်ႇမီးဝတ်းဝႂ် 264 ၵေႃႉ - ဝႃႈၼႆ။ ႁႅင်းၵၢၼ်မိူင်းမၢၼ်ႈ ၸိူဝ်းၺႃးတီႉၺွပ်းၼႆႉ ဢႃယုမီးၼႂ်းၵႄႈ 20 ပီ - 35 ပီ။ ၵူၼ်းၸၢႆး 121...

ႁၢင်လိူၼ်သႅပ်ႊထႅမ်ႊပိူဝ်ႊၼႆႉ ပဵၼ်ၶၢဝ်းၸဝ်ႈသူၼ်ၶဝ်ႈၵၢပ်ႇ ဢဝ်ၶဝ်ႈၵၢပ်ႇၸဝ်ႈၵဝ်ႇဢွၵ်ႇၶၢႆ၊ ပဵၼ်ၽွင်း ဢၼ်ၸဝ်ႈသူၼ် လႆႈငိုၼ်းၶဝ်ႈ။ ပီၼႆႉသမ်ႉ ထူပ်းၽေးၼမ်ႉထူမ်ႈလႄႈ ႁဵတ်းႁႂ်ႈမၢၵ်ႇၶဝ်ႈတဝ်ႈၼမ်ႉ လူႉသုမ်းမူတ်း။ ၼႂ်းၸိုင်ႈတႆးပွတ်းၸၢၼ်း တီႈဢၼ်ၽုၵ်ႇၶဝ်ႈၵၢပ်ႇၼမ်သုတ်းသမ်ႉ ပဵၼ်ဝၢၼ်ႈၵၢတ်ႇလိူဝ်ႇ ထုင်ႉဝဵင်းၼမ်ႉၸၢင်။ ၸဝ်ႈသူၼ်ၵူႈငိုၼ်း တီႈၸဝ်ႈငိုၼ်းသႃး၊ တီႈယေးငိုၼ်းလႄႈ တီႈႁူင်းၵၢၼ်ၶၢႆ ၸိူဝ်ႉၽၼ်းမွၵ်ႇမၢၵ်ႇႁၢၵ်ႈႁူဝ်။ ပေႃးသုမ်း ယွၼ်ႉၽေးသၽႃႇဝၸိူင်ႉၼႆ တေႁဵတ်းႁိုဝ်သၢႆႈ ပေႃးဢမ်ႇသၢႆႈတႅၼ်းၼီႈလႆႈ တေ သိုပ်ႇပဵၼ်ႁိုဝ်...