တႆးႁွတ်ႈၵဵင်းမႂ်ႇ – လမ်းပုၼ်း ႁူမ်ႈၵၼ် ၵႂႃႇၸွႆႈထႅမ် ၵူၼ်းထူပ်းၽေးသိုၵ်း ဢၼ်ပၢႆႈၵႂႃႇသွၼ်ႈဝႆႉ တီႈလႅၼ်လိၼ်တႆး – ထႆး တႃႇၶွင်ၵိၼ်ယႅမ်ႉ 160 ၸုမ်ႇ(သုတ်ႉ) လႄႈ ငိုၼ်းထႆးထႅင်ႈ လၢႆမိုၼ်ႇဝၢတ်ႇ။
ဝၼ်းတီႈ 27/09/2024 ယူႇတီႈ သင်ၶၸဝ်ႈ၊ ၸုမ်းမဵတ်ႉတႃႇသြႃႇၽွမ်ႉႁူမ်ႈ၊ ၸုမ်းၸွႆႈထႅမ် ၽူႈထူပ်းၽေး ၼႂ်းမိူင်းတႆး ၵဵင်းမႂ်ႇ – လမ်းပုၼ်း (21 ၸုမ်း) လႄႈ ႁွင်ႈၵၢၼ်လူင်တိတ်းတေႃႇထႆး ႁူမ်ႈၵၼ် ၵႂႃႇၸွႆႈထႅမ်ၵူၼ်းထူပ်းၽေး ဢၼ်ပၢႆႈမႃးသွၼ်ႈဝႆႉ တီႈၵွင်းမုင်ႈမိူင်း ၼႂ်းၼႃႈလိၼ် RCSS ၼႆယဝ်ႉ။
မေႃသွၼ် ၼၢင်းႁွမ် ဝဵင်းၵဵင်းမႂ်ႇ ၽူႈၶဝ်ႈႁူမ်ႈၸွႆႈထႅမ် လၢတ်ႈတီႈၽူႈတွႆႇႁွၵ်ႈဝႃႈ – “ႁဝ်းၶႃႈ ႁူမ်ႈၵၼ်ၵႂႃႇၸွႆႈ ၵူၼ်းထူပ်းၽေးသိုၵ်း တီႈၵွင်းမုင်ႈမိူင်း တႃႇၵႃး 5 လမ်း။ ၼႂ်းၼၼ်ႉ ၶူဝ်းၶွင် ဢၼ်လႆႈၵႂႃႇၸွႆႈသမ်ႉ မိူၼ်ၼင်ႇ – ၶွင်ၵိၼ်ယႅမ်ႉလႄႈ ၶူဝ်းၼုင်ႈဝႂ် တင်းမူတ်းတႃႇ 160 သုတ်ႉၶႃႈဢေႃႈ”- ဝႃႈၼႆ။
လိူဝ်ၼၼ်ႉ ယူႇတီႈ သုၼ်ႇၸုမ်း၊ သုၼ်ႇတူဝ် မုင်ႉႁေႃႁိူၼ်းလႄႈ ဢိၵ်ႇပႃးၸဵမ်သင်ၶၸဝ်ႈ ႁူမ်ႈၵၼ် ၸွႆႈ ထႅမ်ငိုၼ်းဝႆႉထႅင်ႈ 23,000 ဝၢတ်ႇ။
ဢိင်ၼိူဝ် ၸုမ်းတူင်ႇဝူင်းတႆး လႆႈၵႂႃႇၸွႆႈထႅမ် ၵူၼ်းထူပ်းၽေးသိုၵ်း တီႈၵွင်းမုင်ႈမိူင်းၼၼ်ႉ ၵမ်ႈၼမ် ၵူၼ်းမိူင်းတႆး ဢၼ်ပၢႆႈၵႂႃႇသွၼ်ႈဝႆႉၼၼ်ႉ မိူၼ်ၼင်ႇ – ၸႄႈဝဵင်းသီႇပေႃႉ၊ တၢင်ႉယၢၼ်းလႄႈ လၢႆးၶႃႈ ၸိူဝ်းၼႆႉ။
 လႄႈ ႁွင်ႈၵၢၼ်လူင်တိတ်းတေႃႇထႆး ႁူမ်ႈၵၼ် ၵႂႃႇၸွႆႈထႅမ်ၵူၼ်းထူပ်းၽေး ဢၼ်ပၢႆႈမႃးသွၼ်ႈဝႆႉ တီႈၵွင်းမုင်ႈမိူင်း ၼႂ်းၼႃႈလိၼ် RCSS ၼႆယဝ်ႉ။){kind=link}