ၵူၼ်းၼုမ်ႇႁႅင်းၵၢၼ်တႆး 2 ၵေႃႉ ၵႂႃႇလဵၼ်ႈသၼုၵ်ႊၵိူဝ်ႊ(ပိလိယႅတ်ႉ) သေ ၺႃးၸုမ်းၵူၼ်းၼုမ်ႇထႆး ဢမ်ႇႁူႉၾၢႆႇၸုမ်းၼိုင်ႈ ပေႃႉထုပ်ႉၶဝ် ထိုင်တီႈလႆႈမၢတ်ႇၸဵပ်းႁၢဝ်ႈႁႅင်း။ ပူၼ်ႉမႃး ဝၼ်းတီႈ 10/03/2025 ယၢမ်းၵၢင်ၶိုၼ်း ၵူၼ်းၼုမ်ႇတႆး ဢွၼ်ႇၸၢႆး ဢႃယုမွၵ်ႈ 20 ပီ 2 ၵေႃႉ ၵႂႃႇလဵၼ်ႈသၼုၵ်ႊၵိူဝ်ႊ တီႈၼႂ်းဝဵင်းၵဵင်းမႂ်ႇ ၸိုင်ႈထႆး တီႈၼိုင်ႈ ၺႃးၸုမ်း...

ၶၢဝ်းတၢင်းၼိုင်ႈလိူၼ်ၵူၺ်း ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ႁႅင်းၵၢၼ်မိူင်းမၢၼ်ႈ ၸမ်မိုၼ်ႇၵေႃႉ ၸိူဝ်းယူႇသဝ်း၊ ၶဝ်ႈမိူင်းထႆး ဢမ်ႇပဵၼ်တၢင်းၵၢၼ် ဝႃႈၼႆ။ တႄႇၵၢင်လိူၼ်ၾႅပ်ႊပိဝ်ႊရီႊ ၼၼ်ႉမႃး ၸဝ်ႈၼႃႈတီႈထႆး ၶဝ်ႈၵူတ်ႇထတ်းတီႉၺွပ်းႁႅင်းၵၢၼ်ၼွၵ်ႈမိူင်း ဢိၵ်ႇပႃး ႁႅင်းၵၢၼ်မိူင်းမၢၼ်ႈ ၸိူဝ်းယူႇၼႂ်းမိူင်းထႆးဢမ်ႇပဵၼ်တၢင်းၵၢၼ် ႁႅင်းၵၢၼ်မိူင်းမၢၼ်ႈ ၺႃးတီႉၺွပ်းၵူႈဝၼ်း။ ဢိင်ၼိူဝ်လွင်ႈၼႆႉ ၽူႈၸွႆႈထႅမ်ႁႅင်းၵၢၼ်မိူင်းမၢၼ်ႈၼႂ်းမိူင်းထႆး တိုၵ်းသူၼ်းဝႆႉ ယႃႇပေမႃးၸွမ်း ၼၢႆးၼႃႈ(ပွႆးသႃး) ၶဝ်၊ ယႃႇပေၶဝ်ႈမိူင်းထႆး လူၺ်ႈတၢင်းလတ်း၊...

ၽွင်းငဝ်းလၢႆးဝၢၼ်ႈမိူင်းၼႂ်းၸိုင်ႈတႆး တိုၵ်ႉသုၵ်ႉၸွမ်းၵၢၼ်သိုၵ်းၵၢၼ်သိူဝ်ယူႇၼႆႉ ၵူၼ်းမိူင်းတႆး ၸိူဝ်းယၢၼ်ၵႆႁိူၼ်းသေ တူၵ်းယူႇၼႂ်းမိူင်းပိူၼ်ႈၵေႃႈ လႆႈၼႃႈလဵၵ်ႉတႃၼွႆႉ ဢမ်ႇလႆႈယူႇသႃႇ ၵႂႃႇတၢင်းလႂ်ၵေႃႈ လႆႈၵူဝ်လႆႈႁႄ။ ၵူၼ်းမိူင်းတႆး ပၢႆႈၶဝ်ႈမိူင်းထႆး ၼပ်ႉႁူဝ်သိပ်းသႅၼ် ပၢႆႈယဝ်ႉပၢႆႈထႅင်ႈၵေႃႈ ပႆႇထိုင် တီႈၵတ်းယဵၼ်ၸႂ်လႆႈ။ တႃႇၵူၼ်းၸိူဝ်းပွင်ပဵၼ်လႆႈတႄႉ ငဝ်းလၢႆးပၼ်မႃးၸိူင်ႉႁိုဝ်ၵေႃႈ ၶၢမ်ႈပူၼ်ႉယူႇၵႂႃႇလႆႈၵူႈဝၼ်းဝၼ်း ယူႇသေတႃႉ ၵူၼ်းၸိူဝ်းႁႃၸဝ်ႉၵိၼ်ၶမ်ႈ လူဝ်ႇလဵင်ႉလူတူၺ်းထိုင်ၼႂ်းၼႃႈႁိူၼ်းတႄႉ ၵိၼ်းၸႂ်ႁႅင်းဝႆႉ။ လိူဝ်သေ လႆႈမႆႈၸႂ်တႃႇယူႇတႃႇၵိၼ် တႃႇဝတ်းတႃႇဝႂ်ယဝ်ႉ သမ်ႉယူႇယၢပ်ႇၼႂ်းၵႄႈပိူၼ်ႈထႅင်ႈ။...

 ဝၼ်းတီႈ 8/3/2025 ၸုမ်းတူင်ႉၼိုင်တူင်ႇဝူင်းၵူၼ်း မိူင်းႁူမ်ႈတုမ် တင်း မိူင်းထႆး ႁူမ်ႈၵၼ် ၸတ်းႁဵတ်းဝၼ်းၼၢင်းယိင်းလုမ်ႈၾႃႉ တီႈၵဵင်းမႂ်ႇ ၸိုင်ႈထႆး ။ ဝၼ်းၼၢင်းယိင်း လုမ်ႈၾႃႉ ၸုမ်းသုၼ်ၵၢၼ်လဵပ်ႈႁဵၼ်းလွင်ႈၼၢင်းယိင်းၸၼ်ႉၸွမ် ၵဵင်းမႆ Department of women studies CMU ၼႆႉဢွၼ်ၼႅင်ႈၵၢၼ်လၢႆလၢႆၸုမ်း တင်း တူင်ႇဝူင်း ၼၢင်းယိင်း ၼႂ်းမိူင်းႁူမ်ႈတုမ်...

မိူဝ်ႈၼႆႉ ဝၼ်းတီႈ 04/03/2025 ယၢမ်းၵၢင်ၼႂ်မွၵ်ႈ 4 မူင်း ၸုမ်းၵူၼ်းၼုမ်ႇတႆး ႁႅင်းၵူၼ်း 7-8 ၵေႃႉ လမ်းတႅင်းထုပ်ႉပေႃႉ ၵူၼ်းထႆးထိုင်တၢႆ ၵေႃႉၼိုင်ႈ တီႈၵၢတ်ႇၽၵ်းတူၵဵင်းမႂ်ႇ ဢိူင်ႇၽြႃႉသိင် ၵၢင်ဝဵင်းၵဵင်းမႂ်ႇ ၸိုင်ႈထႆး။ VDO ဢၼ်တီႈၵူၼ်းမိူင်းထၢႆႇသေ တၢင်ႇဝႆႉၼၼ်ႉ လႆႈႁၼ် - “ၸုမ်းလုၵ်ႈဢွၼ်ႇၼုမ်ႇ မွၵ်ႈ 7-8...

သိုၵ်းမၢၼ်ႈပိုၼ်ၽၢဝ်ႇမၢႆမီႈ ၵူၼ်းမိူင်းႁၢပ်ႇၵၢၼ်သိုၵ်းလႄႈ ၵူၼ်းၼုမ်ႇမိူင်းမၢၼ်ႈ မိူင်းတႆး ပၢႆႈယၢၼ် ႁိူၼ်းယေး ၵႂႃႇယူႇသဝ်းႁဵတ်းၵၢၼ် မိူင်းထႆး ၊ မိူင်းၶႄႇ ၊ မိူင်းထႆးသမ်ႉ ဢဝ်ၸိုဝ်ႈၵႂၢတ်ႇလၢင်ႉ ၸုမ်းၵျႃးၽႅၼ်ႉ ၼႆသေ လိုပ်ႈလမ်းတီႉၺွပ်းပႃးႁႅင်းၵၢၼ်ယၢၼ်မိူင်း ဢၼ်ဢမ်ႇမီးဝတ်းဝႂ် ၊ ၼႂ်းႁၢင်လိူၼ်ၾႅပ်ႉပိဝ်ႊရီႊၼႆႉ ဝူင်ႈလဵဝ်ၵူၺ်း တီႉၺွပ်းလႆႈၵူၼ်းမိူင်းမၢၼ်ႈ 4,800 ပၢႆ   ယဝ်ႉဝႃႈၼႆ။ တႄႇဝၼ်းတီႈ...

ႁႅင်းၵၢၼ်မိူင်းမၢၼ်ႈ ၸၢႆးယိင်း 2 ၵေႃႉ ၶၢႆၶူဝ်းႁၢင်ႈၶိူင်ႈၼိူဝ်ဢွၼ်ႊလၢႆႊသေ ၺႃးၸဝ်ႈၼႃႈတီႈထႆး ၵူတ်ႇ ထတ်းတီႉၺွပ်းလႆႈ ၼႂ်းၸႄႈတွၼ်ႈရၼွင်း မိူင်းထႆးပွတ်းၸၢၼ်း မိူဝ်ႈဝၼ်းတီႈ 25/02/2025 ပူၼ်ႉမႃးၼႆႉ ဝႃႈၼႆ။ သိုဝ်ႇၶၢဝ်ႇထႆး ဢွၵ်ႇဝႆႉဝႃႈ - ယွၼ်ႉမီးလွင်ႈတိူင်ႇၸႅင်ႈလႄႈ ပလိၵ်ႈၼႂ်းပိုၼ်ႉတီႈ လႆႈလူင်းၵႂႃႇၵူတ်ႇထတ်း။ ထူပ်းႁၼ် ၶူဝ်းႁၢင်ႈၶိူင်ႈလႄႈ ယႃႈယႃ 5,000 သႅၼ်းပၢႆ...

ႁႅင်းၵၢၼ်မိူင်းမၢၼ်ႈ 200 ပၢႆ ဢၼ်ၺႃးတီႉၺွပ်း ၼႂ်းမိူင်းထႆးပွတ်းၸၢၼ်းၼၼ်ႉ ဝၢႆးပူၼ်ႉလွတ်ႈတၢမ်ႇတၢင်းၽိတ်းယဝ်ႉ ထုၵ်ႇၸဝ်ႈၼႃႈတီႈၶဝ် သူင်ႇတူဝ်ပွၵ်ႈၶိုၼ်းမိူင်းမၢၼ်ႈၼႆ - သိုဝ်ႇၶၢဝ်ႇ Bangkok Post ဢွၵ်ႇဝႆႉ မိူဝ်ႈဝၼ်းတီႈ 24/02/2025 ၼႆႉၼင်ႇၼႆ။ ႁႅင်းၵၢၼ်မိူင်းမၢၼ်ႈ ၸိူဝ်းၺႃးသူင်ႇတူဝ်ပွၵ်ႈၶိုၼ်းမိူင်းမၢၼ်ႈၼႆႉ ပဵၼ်ၸၢႆး 198 ၵေႃႉ ၊ ယိင်း 2 ၵေႃႉ။...

ပၢၼ်သိုၵ်းမၢၼ်ႈ ၵုမ်းၵမ် ၽွင်းငမ်းဝၢၼ်ႈမိူင်းမႃး ပၢၼ်သိုပ်ႇပၢၼ် ၵူၼ်းၼႂ်းမိူင်းတႆး ဢမ်ႇတွၼ်ႉလႆႈ ယူႇသႃႇ လူမ်ၸႂ်မႃးသေပွၵ်ႈ။ ယွၼ်ႉတုၵ်ႉယၢၵ်ႈၶၢၼ်ၸႂ်ၼႃႇလႄႈ ၸင်ႇဢွၼ် ၵၼ်ၽူင်ႉပၢႆႈ ၵႂႃႇယူႇ ၼွၵ်ႈမိူင်း တင်းၼမ်တင်းလၢႆ။ ဢၼ်ၼမ်သေပိူၼ်ႈၵေႃႈ ပၢႆႈၸူးမိူင်းထႆး။ ယၢမ်းလဵဝ် ဝၢႆးလူင်ပွင်ၸိုင်ႈမိူင်းထႆး ၸဝ်ႈၼႃႈတီႈထႆး ႁူမ်ႈမိုဝ်းၵၼ်တင်း လူင်ပွင်ၸိုင်ႈမၢၼ်ႈ ႁဵတ်း ပၼ်ဝတ်းဝႂ်ႁႅင်းၵၢၼ်ယၢၼ်မိူင်း ၵူၼ်းမိူင်းမၢၼ်ႈ ၼႂ်းမိူင်းထႆးမႃးၼႆႉ...

ၸုမ်းၸွႆႈထႅမ်ႁႅင်းၵၢၼ်မိူင်းမၢၼ်ႈ AAC ၺႃးၸဝ်ႈၼႃႈတီႈထႆး ၶဝ်ႈၵူတ်ႇထတ်းသေ သင်ႇဢိုတ်းပႅတ်ႈ  လုမ်း ၼႂ်းဝၼ်းတီႈ 20/02/2025 ပူၼ်ႉမႃးၼႆႉ ဝႃႈၼႆ။ ၸုမ်းၾၢႆႇၸွႆႈထႅမ်ႁႅင်းၵၢၼ်မိူင်းမၢၼ်ႈ AAC ၼႆႉ ပိုတ်ႇလုမ်းဝႆႉတီႈ ဝဵင်းမႁႃၶျႆး ၸႄႈတွၼ်ႈသမုတ်ႊသႃၶွၼ်ႊ ယၢၼ်ၵႆဝဵင်းလူင်ၵုင်းထဵပ်ႈ မွၵ်ႈ 30 လၵ်း မိူင်းထႆး။ ၸဝ်ႈၼႃႈတီႈထႆး မႃးပႃႉလိၵ်ႈဝႆႉဝႃႈ - တၵ်းတေဢမ်ႇလႆႈပိုတ်ႇလုမ်းၼႆႉ၊ သင်ဝႃႈ...

ၸဝ်ႈၼႃႈတီႈထႆး ႁူမ်ႈၵၼ် တီႉၺွပ်းလႆႈ ႁႅင်းၵၢၼ်မိူင်းႁူမ်ႈတုမ် 14 ၵေႃႉ ၼႂ်းၸႄႈတွၼ်ႈၵဵင်းမႂ်ႇ ၸိုင်ႈထႆး ၼႂ်းၼၼ်ႉ တႃႇ 2 ၵေႃႉ ပဵၼ်ႁႅင်းၵၢၼ် ၵႃႉၶၢႆသူႇသမ်းယႃႈမဝ်းၵမ် ဝႃႈၼႆ။ ဝၼ်းတီႈ 20/02/2025 ယူႇတီႈ ၽူႈမီးပုၼ်ႈၽွၼ်း ၸဝ်ႈၼႃႈတီႈထႆး လၢႆၾၢႆႇႁူမ်ႈၵၼ်သေ လူင်းပိုၼ်ႉတီႈ ၵူတ်ႇထတ်း ၸွမ်းဢွင်ႈတီႈႁႅင်းၵၢၼ်ၶၢတ်ႈယူႇသဝ်း ၼႂ်းၸႄႈဝဵင်းသၼ်သၢႆး...

ပူၼ်ႉမႃး ဝၼ်းတီႈ 18/02/2025 ၼႆႉ ၵူၼ်းမိူင်းမၢၼ်ႈ 100 ပၢႆ ၸိူဝ်းၶဝ်ႈမိူင်းထႆး လူၺ်ႈဢမ်ႇမႅၼ်ႈတၢင်းၵၢၼ်ၼၼ်ႉ ၺႃးသိုၵ်းထႆးတီႉၺွပ်း ၼႂ်းၸႄႈတွၼ်ႈၵၼ်ႊၶျၼပူႊရီႊ ဝႃႈၼႆ။ ၵူၼ်းၸိူဝ်းၺႃးတီႉၺွပ်းၼၼ်ႉ တင်းမူတ်းမီး 116 ၵေႃႉ ၼႂ်းၼၼ်ႉ ပႃးလုၵ်ႈဢွၼ်ႇလႄႈ ၼၢင်းယိင်း 44 ၵေႃႉ။ ယွၼ်ႉပၼ်ႁႃ ပၢင်တိုၵ်းၼႂ်းမိူင်းမၢၼ်ႈ၊ ပၵ်းပိူင်ႁၢပ်ႇၵၢၼ်သိုၵ်းလႄႈ ၵၢၼ်ႁႃၵိၼ်လဵင်ႉတွင်ႉ...

ပလိၵ်ႈထႆးတီႉၺွပ်း မေႃသွၼ် ၵူၼ်းမိူင်းမၢၼ်ႈ ၸိူဝ်းဢမ်ႇလႆႈၶႂၢင်ႉသေ သွၼ်လိၵ်ႈပၼ်လုၵ်ႈႁဵၼ်း တီႈ ၵျွင်းၽြႃး လင်ၼိုင်ႈ ဢၼ်မီးတီႈၵုၼ်ၽငၼ်း ၼႂ်းၸႄႈတွၼ်ႈသူႊရတ်ႊထႃႊၼီႊ မိူင်းထႆး။ ဝၼ်းတီႈ 29/01/2025 ၼႆႉ Khaosod English ႁၢႆးငၢၼ်းဝႃႈ - ပလိၵ်ႈထႆး ယိုတ်းသိမ်းလႆႈ ပပ်ႉလိၵ်ႈလၵ်းသုတ်ႇ ၵၢၼ်ႁဵၼ်း ဢၼ်တႅမ်ႈဝႆႉ တင်းၽႃႇသႃႇလိၵ်ႈမၢၼ်ႈ 31...

မိူင်းထႆး ပၼ်ၾၢင်ႉ ထိုင်ႁႅင်းၵၢၼ်ၼွၵ်ႈမိူင်း ဢိၵ်ႇပႃးႁႅင်းၵၢၼ်မိူင်းမၢၼ်ႈ ႁႂ်ႈတေႃႇဢႃယုဝတ်းဝႂ် ၵၼ်ၶိုတ်းတၼ်းၶၢဝ်းယၢမ်း ဝႃႈၼႆ။ ဝၼ်းတီႈ 22/1/2025 ၼႆႉ ႁွင်ႈၵၢၼ် ၽွင်းလူင်ၾၢႆႇၵူၼ်းႁဵတ်းၵၢၼ် မိူင်းထႆး ပၼ်ၾၢင်ႉ ႁႅင်းၵၢၼ်ယၢၼ်မိူင်း မိူင်းမၢၼ်ႈ ဢိၵ်ႇထႅင်ႈ ႁႅင်းၵၢၼ်တၢင်ႇၸိုင်ႈမိူင်း ၸိူဝ်းဢႃယုဝႂ်ႁဵတ်းၵၢၼ်တေမူတ်း ၼႂ်းဝၼ်းတီႈ 13 လိူၼ်ၼႃႈၼႆႉ ႁႂ်ႈ ဢွၼ်ၵၼ်ၵႂႃႇတေႃႇ ၶိုတ်းတၼ်းၸွမ်းၶၢဝ်းယၢမ်း...

ဝၼ်းတီႈ 5/1/2025 ယၢမ်းၵၢင်ၶိုၼ်းမွၵ်ႈ 11 မူင်း ၸဝ်ႈၼႃႈတီႈထႆး ၵူတ်ႇထတ်းတီႉၺွပ်း လႆႈႁႅင်းၵၢၼ်မိူင်းမၢၼ်ႈ 24 ၵေႃႉ ၸိူဝ်းၶဝ်ႈမိူင်းထႆးဢမ်ႇၸႂ်ႈတၢင်းၵၢၼ် တီႈၸႄႈဝဵင်းမႄႈသွတ်ႈ ၸိုင်ႈတႆး။ ၼႂ်းႁႅင်းၵၢၼ် 24 ၵေႃႉၼၼ်ႉ ပဵၼ်ၵူၼ်းၸၢႆး 17 ၵေႃႉလႄႈ ၵူၼ်းယိင်း 7 ၵေႃႉ။ ၸိူဝ်းၶဝ် မူၵ်းၶီႇၵႂႃႇၸွမ်း ၵႃးတၢင်ႇ...