ပူၼ်ႉမႃး မိူဝ်ႈဝၼ်းတီႈ 05/05/2025 ၼႆႉ ၵူၼ်းဝၢၼ်ႈမၢၼ်ႈၸၢၵ်ႈ ၸၢဝ်းၶိူဝ်းတဢၢင်း ၼႂ်းဢိူင်ႇပၢင်ယူၵ်ႇ ႁူဝ်ၵူၼ်း 100 ပၢႆ ႁူမ်ႈၵၼ်ဢွၵ်ႇၼႄၵၢင်ၸႂ် တေႃႇသိုၵ်းတဢၢင်း TNLA ၸိူဝ်းၵႂႃႇၶုတ်းဢဝ်ႁိၼ်ႁႄႈ (သီႇလီႇၵုၼ်ႇ) တီႈသၼ်လွႆမၢၼ်ႈၸၢၵ်ႉ ဢၼ်မီးၸဵင်ႇၸၢၼ်းဝၼ်းတူၵ်းလႄႈ ယၢၼ်ၵႆၵၼ်တင်း ဝဵင်းၼမ်ႉၶမ်း မွၵ်ႈ 11 လၵ်း ၸိုင်ႈတႆးပွတ်းႁွင်ႇ။ ၵူၼ်းဝဵင်းၼမ်ႉၶမ်း ၵေႃႉၼိုင်ႈ...

ၸွမ်ၸိုင်ႈ ၻူဝ်ႊၼေႃႊ ထရမ်ႉ တတ်းငိုၼ်းၵမ်ႉၸွႆႈၸူး လၢႆလၢႆၸိုင်ႈမိူင်းၼႂ်းလုမ်ႈၾႃႉသေ ႁူင်းပွႆႇသဵင် (Radio Free Asia - RFA) ဢၼ်ၵူၼ်းမိူင်းမၢၼ်ႈလႄႈ ၸဵင်ႇၸၢၼ်းဝၼ်းဢွၵ်ႇ ၵုၼ်ၶဵဝ်ဢေႊသျႃႊ လႆႈၸႂ်ယႂ်ႇတႃႇလႆႈငိၼ်းထွမ်ႇၶၢဝ်ႇသၢၼ်ၼၼ်ႉ တႄႇဢဝ်ဝၼ်းတီႈ 09/05/2025 ၼႆႉၵႂႃႇ လႆႈၵိုတ်းတႄႉယဝ်ႉ ဝႃႈၼႆ။ တင်ႈတႄႇၸွမ်ၸိုင်ႈ ၻူဝ်ႊၼေႃႊ ထရမ်ႉ ၶိုၼ်ႈမႃး ၸွမ်းၼင်ႇၶေႃႈၸီႉသင်ႇတတ်းငိုၼ်းၵမ်ႉၸွႆႈသေ...

တႄႇႁူဝ်လိူၼ်မေႊၼႆႉမႃး ၾၢႆႇတင်းသိုၵ်းမၢၼ်ႈယိုတ်းမိူင်းႁူမ်ႈ ၸုမ်းပျီႇတူႉၸိတ်ႉပဢူဝ်း လၢမ်းဢဝ်ၶိူင်ႈ မိၼ်ၶိူင်ႈၵွင်ႈလူင် ပိုတ်းယိုဝ်းၼႂ်းဝၢၼ်ႈၼမ်ႉဢုၼ်ႇ ၸႄႈဝဵင်းယွင်ႁူၺ်ႈလႄႈ ၼႂ်းၸႄႈဝဵင်းၾၢႆၶုၼ် ၸိုင်ႈ တႆးပွတ်းၸၢၼ်း။ ဝၼ်းတီႈ 05/05/2025 ယၢမ်းၵၢင်ဝၼ်း 11 မူင်းၶိုင်ႈ ၾၢႆႇတင်းသိုၵ်းမၢၼ်ႈ ဢဝ်မၢၵ်ႇသႅၼ်းၼမ်ႉၼၵ်း 500 ပွၼ်ႊ ပွႆႇသႂ်ႇၼႂ်းဝၢၼ်ႈၼမ်ႉဢုၼ်ႇ 4 လုၵ်ႈ လွင်ႈတုမ်ႉတိူဝ်ႉၵူၼ်းမၢတ်ႇ ၸဵပ်းလူႉတၢႆတႄႉ ဢမ်ႇမီးဝႃႈၼႆ...

မိူဝ်ႈဝၼ်းတီႈ 02/05/2025 ၼႆႉ ႁွင်ႈၵၢၼ်ၽွင်းလူင် သုၼ်ႇလႆႈၵူၼ်းၼုမ်ႇလႄႈ လုၵ်ႈဢွၼ်ႇ ၾၢႆႇတႂ်ႈလူင် ပွင်ၸိုင်ႈၸူဝ်ႈၶၢဝ်း NUG ပိုၼ်ၽၢဝ်ႇၵႂႃႇဝႃႈ ဝၢႆးသိုၵ်းမၢၼ်ႈ ယိုတ်းမိူင်းမႃး တေႃႇထိုင် လိူၼ်မၢတ်ႊၶျ်သဵင်ႈၼႆႉ ၵူၼ်းၼုမ်ႇလႄႈ လုၵ်ႈဢွၼ်ႇ ၸိူဝ်းၺႃးသိုၵ်းမၢၼ်ႈၶႃႈႁႅမ်တၢႆ မီးမွၵ်ႈ 3,500 ၵေႃႉ ဝႃႈၼႆ။ မိူဝ်ႈပီ 2021 သိုၵ်းမၢၼ်ႈ ၶႃႈႁႅမ်တၢႆ...

တႄႇႁူဝ်လိူၼ်မေႊၼႆႉမႃး ၵၢၼ်မႄးၵုမ်းၶိုၼ်း ၶူဝ်ၽႅၼ်ၵဝ်ႇ ယဝ်ႉတူဝ်ႈၵႂႃႇလီငၢမ်းသေ ရူတ်ၶိူင်ႈ၊ ၵႃး ဢွၼ်ႇၸိူဝ်းၼႆႉ တႄႇလတ်းၽၢၼ်ႇတီႈၶူဝ်ၽႅၼ်ၵဝ်ႇ ဢၼ်မီးတီႈတၢင်းၶဝ်ႈ ဝဵင်းၵုၼ်လူင်ၼၼ်ႉလႆႈယဝ်ႉ ဝႃႈၼႆ။ မိူဝ်ႈဝၼ်းတီႈ 27-28/04/2025 ၽူႈယႂ်ႇၵူၼ်းလူင် ၼႂ်းသိုၵ်းၵဝ်ႈၵၢင်ႉ ၵႂႃႇဢႅဝ်ႇလႄႇတူၺ်းၶူဝ် ၽႅၼ်ၵဝ်ႇၼၼ်ႉသေ ၸင်ႇတႄႇႁဵတ်းသၢင်ႈၵၢၼ်မူၼ်ႉမႄးၶိုၼ်း ၶူဝ်ၽႅၼ်ၵဝ်ႇမႃးၼႆ ၵူၼ်းမိူင်းၼႂ်းပိုၼ်ႉတီႈ ဝဵင်းၵုၼ်လူင် လၢတ်ႈၼႄၼင်ႇၼႆ။ “ယၢမ်းလဵဝ် ၶဝ်ၶိုၼ်းဢဝ် ၽႅၼ်ႇလဵၵ်းဢၼ်သႅၼ်းၼႃၼၼ်ႉႁႄ ၵုမ်းဝႆႉၵူၺ်း။...

ဝၢႆးလင် လူင်ပွင်ၸိုင်ႈမိူင်းၶႄႇ မိပ်ႇငႅၼ်းႁႂ်ႈသိုၵ်းၵဝ်ႈၵၢင်ႉ ထွႆဢွၵ်ႇၵႂႃႇၼႂ်းဝဵင်းလႃႈသဵဝ်ႈသေ ပၼ်တိုဝ်ႉ တၢင်းသိုၵ်းမၢၼ်ႈ ၶဝ်ႈမႃးၵုမ်းၵမ်ၶိုၼ်း ၼႂ်းဝဵင်းၼၼ်ႉ ၽူႈယႂ်ႇၵူၼ်းလူင် ၼႂ်းတပ်ႉသိုၵ်းမၢၼ်ႈ ဢိၵ်ႇၶႃႈ ႁၢပ်ႇၵၢၼ်ၶုၼ် ၼႂ်းႁွင်ႈၵၢၼ်လူင်ပွင်ၸိုင်ႈၽႅဝ်ဝႆႉၶိုၼ်း။ တႄႇဝၼ်းတီႈ 01/05/2025 သိုၵ်းမၢၼ်ႈ ၸီႉသင်ႇႁႂ်ႈ ၶႃႈႁၢပ်ႇၵၢၼ်ၶုၼ်တင်းသဵင်ႈ ႁႂ်ႈပိုတ်ႇၶိုၼ်း ႁူင်းယႃ၊ ႁွင်ႈၵၢၼ် ၾၢႆႇလိူမ်ႈလႆႇ၊ ႁွင်ႈၵၢၼ် ပၢႆးပၺ်ႇၺႃႇ၊ ႁွင်ႈၵၢၼ်...

ဝၼ်းတီႈ 30/04/2025 ယၢမ်းႁူဝ်ၶမ်ႈ ၸုမ်းၸွႆႈထႅမ်ၵူၼ်းတူၵ်းၶွၵ်ႈ ၵၢၼ်မိူင်း AAPP ပိုၼ်ၽၢဝ်ႇဢွၵ်ႇဝႃႈ ၶၢဝ်းတၢင်းလိူၼ်ဢေႊပရိူဝ်ႊၼႆႉ ၵူၼ်းမိူင်းလႆႈတၢႆယွၼ်ႉသိုၵ်းမၢၼ်ႈ ၶႃႈႁႅမ်မီးၵႂႃႇ 96 ၵေႃႉ။ တႄႇဢဝ် ဝၼ်းတီႈ 01-30/04/2025 ၶၢဝ်းတၢင်း 30 ဝၼ်းၼႆႉ သိုၵ်းမၢၼ်ႈ ယိုတ်းမိူင်း ၸႂ်ႉလၢႆးတၢင်းၵူႈ ၾၢႆႇၾၢႆႇသေ ၶႃႈႁႅမ်တၢႆၵူၼ်းမိူင်း တင်းပတ်းပိုၼ်ႉမိူင်းႁူမ်ႈတုမ် ၼၢင်းယိင်း...

ပၢင်တိုၵ်း သိုၵ်းမၢၼ်ႈ ယိုတ်းမိူင်းတင်း သိုၵ်းၶၢင် KIA တီႈဝဵင်းမၢၼ်ႈမေႃႇ ၸႄႈမိူင်းၶၢင် တိုၵ်ႉသိုပ်ႇပဵၼ် ႁၢဝ်ႈႁႅင်း ႁိူၼ်းယေးၵူၼ်းမိူင်း ၾႆးမႆႈလူႉၵွႆ။ တႄႇဝၼ်းတီႈ 28/04/2025 သိုၵ်းမၢၼ်ႈ ဢၼ်ပၵ်းတပ်ႉဝႆႉတီႈ ႁွင်ႈၵၢၼ် ၽွင်းငမ်းၵူႈလွင်ႈ ၊ ႁွင်ႈၵၢၼ် ၾၢႆႇလိူမ်ႇလႆႇ ၊ ႁူင်းႁႅမ်း Win Light Hotel...

ပႆႇထိုင်ၶၢဝ်းၾူၼ် ပႆႇထိုင်ၶၢဝ်းၼမ်ႉၼွင်းသေတႃႉ ၵူၼ်းမိူင်းယွင်းထူပ်းၽေးၼမ်ႉဢူၼ်ၼမ်ႉၶုၼ်ႇ။ ၼမ်ႉဝူၺ်ႇႁင်ႈၼႃႇဢႃးလႃးလႄႈ ပႆႇဝႃႈဢဝ်မႃးႁုင်မႃးတူမ်ႈၵိၼ်လႃႈ တေဢဝ်မႃးလၢင်ႉမေႃႈဝၢၼ်ႇ သၵ်ႉၶူဝ်းၵူၺ်းၵေႃႈ ယင်းလႆႈမႆႈၸႂ်ၵူဝ်တုမ်ႉတိူဝ်ႉပၢႆးယူႇလီ။ တေဢမ်ႇၸႂ်ႉၵေႃႈ သမ်ႉဢမ်ႇမီးတၢင်းလိူၵ်ႈ။ ယွၼ်ႉၼမ်ႉၶုၼ်ႇ ဢူၼ်ဝူၺ်ႇႁင်ႈၼႃႇဢႃးလႃးသေ ၸဝ်ႈသူၼ်ၸဝ်ႈၼႃးၵေႃႈ ဢမ်ႇၶႂ်ႈႁတ်းဢဝ်ၸႂ်ႉ ၼႂ်းၵၢၼ်ၽုၵ်ႇသွမ်ႈ ၵူဝ်တူၼ်ႈမၢၵ်ႇၶဝ်ႈတဝ်ႈၼမ်ႉတၢႆ ဝႃႈၼႆ။ ၼႂ်းလိူၼ်ဢေႊပရိူဝ်ႊၼႆႉ ၵူၼ်းမိူင်းၼႂ်းၸႄႈဝဵင်းမိူင်းယွင်း ၸိုင်ႈတႆးပွတ်းဢွၵ်ႇ ထူပ်းတၢင်းယၢပ်ႇ ၽိုတ်ႇ ယွၼ်ႉၼမ်ႉၸႂ်ႉသွႆၼႂ်းၼႃႈႁိူၼ်းလႄႈ ၼမ်ႉတႃႇၸႂ်ႉၼႂ်းၼႃးၼႂ်းသူၼ်ဢမ်ႇလီ။ ၾၢႆႇၼိူဝ် ႁူဝ်ၵႄးၼမ်ႉဝၢင်း ၊...

မိူဝ်ႈဝႃး ဝၼ်းတီႈ 29/04/2025 သိုၵ်းၵဝ်ႈၵၢင်ႉ MNDAA တင်း ပႃႇတီႇမႂ်ႇသုင်ၸိုင်ႈတႆး/ တပ်ႉသိုၵ်းၸိုင်ႈတႆး SSPP/ SSA ပဵၼ်ပၢင်တိုၵ်းၵၼ် ၼႂ်းထုင်ႉၼမ်ႉမလႄႈ ထုင်ႉသႅင်ၵႅဝ်ႉ ၸႄႈဝဵင်းသီႇပေႃႉ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ။ ႁဵတ်းႁႂ်ႈၵူၼ်းမိူင်းတူၵ်းၸႂ် တိုၼ်ႇသၢၼ်ႈၵႂႃႇသေ မၢင်ၸိူဝ်းၵေႃႈ ထတ်းသၢင်ဝႃႈ သိုၵ်းတႆးတင်း သိုၵ်းၵဝ်ႈၵၢင်ႉၼႆႉ ပဵၼ်ဢူၺ်းလီၵၼ်ယူႇ။ ယွၼ်ႉသင်လႄႈ ထိုင်တီႈပေႃးလႆႈႁႂ်ႈသဵင်ၵွင်ႈၵၢင်ႇဢွၵ်ႇ...

ၼႂ်းႁၢင်လိူၼ်ဢေႊပရိူဝ်ႊၼႆႉ သိုၵ်းၵဝ်ႈၵၢင်ႉ MNDAA ၵႂႃႇလိုပ်ႈၵူၼ်းၶၢႆၵုၼ်ႇလႄႈ ၽၵ်းယိူဝ်ႈၼၢင်းၶဵဝ် ဢွၵ်ႇၵၢတ်ႇ ႁဵတ်းႁႂ်ႈၵူၼ်းၶၢႆၵၢတ်ႇၵေႃႉၼိုင်ႈ တူၵ်းၸႂ်ၵူဝ်သေ လိုမ်းတူဝ်ၵႂႃႇ တီႈၼႂ်းၵၢတ်ႇလူင်ဝဵင်းသႅၼ်ဝီ ၸိုင်ႈတႆးပွတ်းႁွင်ႇ။ ဝၢႆးလင် သိုၵ်းမၢၼ်ႈ ဢဝ်ၶိူင်ႈမိၼ် ပွႆႇမၢၵ်ႇသႂ်ႇ တီႈၵၢတ်ႇလူင်ဝဵင်းသႅၼ်ဝီ ဢၼ်မီးၼႂ်းၵၢင်ဝဵင်းၼၼ်ႉ သိုၵ်းၵဝ်ႈၵၢင်ႉ ဢမ်ႇမူၼ်ႉမႄးပၼ်ၶိုၼ်းၵၢတ်ႇလူင် ႁႂ်ႈၵူၼ်းမိူင်းလႆႈၵႃႉငၢႆႈၶၢႆလီလႄႈ ၵူၼ်းမိူင်းလႆႈပၢႆးၶၢႆ ၶူဝ်းၵုၼ်ႇလႄႈ ၽၵ်းၶဵဝ် ႁိမ်းသွင်ၾၢၵ်ႇၶၢင်ႈတၢင်းလူင် သႅၼ်ဝီ...

တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA ဢၼ်ၵုမ်းၵမ်ဝႆႉ ဝဵင်းမိူင်းၵုတ်ႈသေ ပၵ်းတပ်ႉပၢင်သဝ်း ယူႇဝႆႉၼႂ်းဝဵင်းၼၼ်ႉ ယၢမ်းလဵဝ် ၵဵပ်းၶွၼ်ႇယွၼ်းငိုၼ်းၵူၼ်းမိူင်းၼႂ်းပိုၼ်ႉတီႈ ၼမ်ၶိုၼ်ႈမႃးႁႅင်းလႄႈ ႁဵတ်းႁႂ်ႈၵူၼ်းမိူင်း ႁူပ်ႉတၢင်းယၢပ်ႇၵိၼ်းမႃးလိူဝ်ၵဝ်ႇ။ ၵူၼ်းမိူင်းၼႂ်းပိုၼ်ႉတီႈ ဝဵင်းမိူင်းၵုတ်ႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ -“မိူဝ်ႈလဵဝ် လွင်ႈၵဵပ်းၶွၼ်ႇၵေႃႈ တိူဝ်းၼမ်မႃးၶႃႈလႄႈ ႁဵတ်းႁႂ်ႈၵူၼ်းမိူင်းယူႇယၢပ်ႇၶၢၼ်ၸႂ်ၼမ်ၼႃႇယဝ်ႉ။ ၶွၼ်ႇၼႆႉတႄႉ လႆႈပၼ်ၵူႈ မဵဝ်းယဝ်ႉ။ တီႈဢွၵ်ႇသႅင်လီၵေႃႈ ၵူၼ်းမိူင်းၼႂ်းပိုၼ်ႉတီႈ ဢမ်ႇမီးသုၼ်ႇလႆႈႁဵတ်းသင်”-...

မိူဝ်ႈဝၼ်းတီႈ 28/04/2025 ယၢမ်းတၢမ်းၶမ်ႈမွၵ်ႈ 5 မူင်း သိုၵ်းၵဝ်ႈၵၢင်ႉ MNDAA ပူတ်းတုင်းသိုၵ်းၵဝ်ႈၵၢင်ႉဢွၵ်ႇသေ ဢဝ်တုင်း (ၸွမ်ပိဝ်) မိူင်းႁူမ်ႈတုမ် သႂ်ႇၶိုၼ်း တီႈၽၵ်းတူၶၢမ်ႈလႅၼ်လိၼ် မိူင်းၶႄႇ ပၢင်ႇသၢႆး - ဝၼ်းတဵင်ႈ ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ။ ဝၢႆးလင် ၽႅၼ်ယၼ်ႇသိုၵ်း 1027 မႃး သိုၵ်းၵဝ်ႈၵၢင်ႉ ယိုတ်းၵုမ်းလႆႈ...

ဝၢႆးသိုၵ်းၵဝ်ႈၵၢင်ႉ ထွႆဢွၵ်ႇတီႈဝဵင်းမိူင်းယႆ ၵမ်ႈၽွင်ႈယဝ်ႉ ၸဝ်ႈႁၢၼ်ႉၶၢႆၵုၼ်ႇယွႆႈ တီႈဢိူင်ႇႁူဝ်ယ ၸႄႈဝဵင်းမိူင်းယႆ ဢွၼ်ၵၼ်ၶၢင်းပွင်ႉ ယွၼ်ႉသိုၵ်းၶဝ် ၸိုၵ်းၵိၼ်ၶူဝ်းၵုၼ်ႇယဝ်ႉ ဢမ်ႇတၼ်းသၢႆႈၼီႈ တင်းမူတ်းမွၵ်ႈ 10 ႁၢၼ်ႉ။ မိူဝ်ႈဝၼ်းတီႈ 18/04/2025 ၼၼ်ႉ သိုၵ်းၵဝ်ႈၵၢင်ႉ MNDAA ဢၼ်ပႂ်ႉၵဵတ်ႉတီႈဝၢၼ်ႈၼွင်မူဝ် ၼႂ်းဢိူင်ႇႁူဝ်ယ ၸႄႈဝဵင်းမိူင်းယႆ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇၼၼ်ႉ ၸိုၵ်းၵိၼ်ၶူဝ်းၵုၼ်ႇ ၵူၼ်းဝၢၼ်ႈလူင်...

ဝၢင်းၶိူင်ႈမိၼ်ၵူႈမိူင်းမိူင်း ဝဵင်းတႃႈၵုင်ႈ တႂ်ႈသိုၵ်းမၢၼ်ႈၵုမ်းၵမ်ဝႆႉၼၼ်ႉ ပိုၼ်ၽၢဝ်ႇဝႃႈ တေတိူဝ်းၵဵပ်းၶွၼ်ႇ တီႈၵူၼ်းဢွၵ်ႇၶၢဝ်းတၢင်း ၸွမ်းသဵၼ်ႈတၢင်းသၢႆၵၢၼ်မိၼ် ဝႃႈၼႆ။ ၸွမ်းၼင်ႇ ၶေႃႈပိုၼ်ၽၢဝ်ႇၼၼ်ႉသေ တႄႇဢဝ်ဝၼ်းတီႈ 12/05/2025 ၼႆႉၵႂႃႇ ၵူၼ်းၸိူဝ်းတေ ဢွၵ်ႇၶၢဝ်းတၢင်းၵႂႃႇၼွၵ်ႈမိူင်း လူၺ်ႈသၢႆၵၢၼ်မိၼ်ၼၼ်ႉ တေၵဵပ်းၶွၼ်ႇငိုၼ်း 25 တေႃႊလႃႊ၊ ၸိူဝ်း ဢွၵ်ႇ ၶၢဝ်းတၢင်းၸွမ်းသၢႆၵၢၼ်မိၼ် ၵႂႃႇမႃးၼႂ်းမိူင်းသမ်ႉ တေၵဵပ်း 15,000...