ၾၢႆႇၽွင်းငမ်းၵူႈလွင်ႈလွင်ႈဝဵင်းၼမ်ႉၸၢင် ၶၢၼ်းႁေႃႇၶဝ်ႈၵူၼ်းမိူင်း ဝႃႈတႃႇလဵင်ႉၸုမ်းၵျႃးၽႅၼ်ႉ ၸိူဝ်းၺႃးတီႉၸိူဝ်းၼၼ်ႉ ၼႆသေ    ၽိူဝ်ႇလႆႈႁေႃႇၶဝ်မႃး သမ်ႉၶိုၼ်းၶၢႆၵိၼ်။   ဝၼ်းတီႈ 22/3/2025 သိုၵ်းမၢၼ်ႈတီႉၵူၼ်းၵျႃးၽႅၼ်ႉ ၼႂ်းဢိူင်ႇလၢႆးၶႃႈ ၊ ၵေးသီး ၊ ၼမ်ႉၸၢင်  ၊ ၶူဝ်လမ် လၢႆလၢႆဝဵင်း ၼႂ်းၸိုင်ႈတႆး ပွတ်းၸၢၼ်းသေ ဢဝ်မႃးဝႆႉတီႈ ႁူင်းလဵၼ်ႈဢဵၼ်ႁႅင်း ပွၵ်ႉ 5 ဝဵင်းၼမ်ႉၸၢင်   ...

သိုၵ်းမၢၼ်ႈ ယိုတ်းမိူင်းတင်း ၸုမ်းလုၵ်ႉၽိုၼ်ႉ ၵႅတ်ႇၶႄၵူၼ်းမိူင်း သိုပ်ႇပဵၼ်ပၢင်တိုၵ်းၵၼ်ထႅင်ႈ ႁၢဝ်ႈႁႅင်း တီႈဝဵင်းမိူင်းပၢႆး ၸိုင်ႈတႆးပွတ်းၸၢၼ်း လႅၼ်လိၼ်တႆး - ယၢင်းလႅင် ၾၢႆႇသိုၵ်းမၢၼ်ႈ ၸႂ်ႉပႃးၶိူင်ႈမိၼ်တိုၵ်း ၻရူၼ်ႊ ၸိူဝ်းၼႆႉ ယိုဝ်းၸွႆႈ။ ယၢမ်းလဵဝ် သိုၵ်းမၢၼ်ႈ ဢၢၼ်းႁုပ်ႈယိုတ်းဢဝ်ၶိုၼ်း ဝဵင်းမိူင်းပၢႆးၼႆသေ ႁႅၼ်းသိုၵ်းလေႃႇတိုၵ်ႉ ၸုမ်းလုၵ်ႈၽိုၼ်ႉ ၵႅတ်ႇၶႄၵူၼ်းမိူင်းမႃးႁၢဝ်ႈႁႅင်း မီးၶၢဝ်းတၢင်းၼိုင်ႈဝူင်ႈယဝ်ႉ ပၢင်တိုၵ်းပႆႇယဵၼ်...

 တႄႇႁူဝ်လိူၼ် မတ်ႉၶျ်ၼႆႉမႃး ပျီႇတူႉၸိတ်ႉပဢူဝ်း PNO / PNA ၵဵပ်းငိုၼ်း တီႈတႃႈႁိူဝ်း ၼႂ်းထုင်ႉၸၢမ်ၵႃး ၸႄႈဝဵင်းယွင်ႁူၺ်ႈ ပဵၼ်ပိုၼ်ႉတီႈၵူၼ်းမိူင်းၵႂႃႇမႃးႁႃၵိၼ်လဵင်ႉတွင်ႉလႄႈ  ႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇ ၵိၼ်းၸႂ်   ။ ပျီႇတူႉၸိတ်ႉပဢူဝ်း တင်ႈၵဵတ်ႉ  တီႈႁူင်းယႃတႃႈႁိူဝ်း ( ဆေးရုံလှေဆိပ် ) သေ ၊ ၵဵပ်းၶွၼ်ႇၸဝ်ႈႁိူဝ်းတီႈ တႃႈၵၢတ်ႇ (...

ဝၼ်းတီႈ 26/03/2025 ယၢမ်းႁူဝ်ၶမ်ႈၼႆႉ သိုၵ်းမၢၼ်ႈ ၸႂ်ႉၶိူင်ႈမိၼ်တိုၵ်း Jet fighter သွင်လမ်း မႃးပွႆႇမၢၵ်ႇသႂ်ႇ ၸွမ်းဝၢၼ်ႈ ၼႂ်းၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ တင်းမူတ်း 5 လုၵ်ႈ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်းလူႉတၢႆ 4 ၵေႃႉ မၢတ်ႇၸဵပ်း 4 ၵေႃႉ ၼႆယဝ်ႉ။ ၶိူင်ႈမိၼ်သိုၵ်းမၢၼ်ႈ ဢၼ်မႃးပွႆႇမၢၵ်ႇ တီႈၸႄႈဝဵင်းၼွင်ၶဵဝ်ၼႆႉ...

ၵဵဝ်ႇလူၺ်ႈ ၵၢၼ်တတ်းၶၢတ်ႇ လွင်ႈၸွႆႈထႅမ်ၵူၼ်းၼင်ႇၵၼ် ၵူႈမိူင်းမိူင်းသေ ႁူဝ်ၼပ်ႉလုၵ်ႈဢွၼ်ႇလႅင် လူႉတၢႆ ၸၢင်ႈၼမ်ၶိုၼ်ႈမႃးၶိုၼ်းၼႆ ၸၢတ်ႈၸိုင်ႈလုမ်ႈၾႃႉ ပိုၼ်ၽၢဝ်ႇပၼ်ၾၢင်ႉဝႆႉ ၼႂ်းဝၼ်းတီႈ 24/03/2025 ၼႆႉၼင်ႇၼႆ။ ၽွၼ်းတုမ်ႉယွၼ်ႈၼႆႉ ၸၢင်ႈတုမ်ႉတိူဝ်ႉ ၼႂ်းပိုၼ်ႉတီႈမီးလုၵ်ႈဢွၼ်ႇလႅင်လူႉတၢႆၼမ် မိူၼ်ၼင်ႇ - ပိုၼ်ႉတီႈ ဢႃႇၾရိၵ သႃႊႁႃႊရ (ပိုၼ်ႉတီႈႁၢတ်ႇသၢႆး) လႄႈ ပိုၼ်ႉတီႈဢေးသျႃးၸဵင်ႇၸၢၼ်း ၸိူဝ်းၼႆႉ ႁၢဝ်ႈႁႅင်း...

ဝၼ်းတီႈ 26 လိူၼ်မၢတ်ႊၶျ် ယၢမ်းၵၢင်ၼႂ်ၼႆႉ မၢၵ်ႇတႅၵ်ႇ တီႈႁိမ်းႁူင်းႁေႃး ပၢင်လူင် (ပင်လုံခန်းမ) ၼိူဝ်သဵၼ်ႈတၢင်း ပူဝ်ႇမိၼ်းယွင်ႇတင်း မိၼ်းယေးၵျေႃႇၸႂႃႇ ၼႂ်းၸႄႈဝဵင်းမျွၵ်ႉတၵူင်ႇ တိူင်းတႃႈၵုင်ႈ ဝႃႈၼႆ။ ဢွင်ႈတီႈမၢၵ်ႇတႅၵ်ႇၼႆႉ ပဵၼ်တီႈႁွင်းၵၢၼ် ၾၢႆႇႁႅင်းၵၢၼ် လူင်ပွင်ၸိုင်ႈမိူင်းမၢၼ်ႈ တႂ်ႈသိုၵ်းမၢၼ်ႈၵုမ်းၵမ်။ ပဵၼ်တီႈႁႅင်းၵၢၼ် ၸိူဝ်းတေၵႂႃႇႁဵတ်းၵၢၼ်ၼွၵ်ႈမိူင်းၶဝ် တွပ်ႇလိၵ်ႈလႄႈ လူင်းလၢႆးမိုဝ်း ဝႃႈၼႆ။ ယွၼ်ႉမၢၵ်ႇတႅၵ်ႇၼႆႉသေ ၸင်ႇမီးလွင်ႈမၢတ်ႇၸဵပ်းလူႉတၢႆႁိုဝ်...

သိုၵ်းမၢၼ်ႈမူႇၸေႊ ႁဵတ်းဢွၵ်ႇပပ်ႉပၼ်ရူတ်ႉၵႃးလႄႈရူတ်ႉၶိူင်ႈ တွၼ်ႈတႃႇၵူၼ်းမီးဝႂ်ၶွၼ်ႇရူတ်ႉၶဝ်သေ တႅမ်ႈဝႆႉပႃးၼႂ်းပပ်ႉၼၼ်ႉဝႃႈ တေၶၢႆပၼ်ၼမ်ႉမၼ်းၼင်ႇတတ်းမၵ်းသေတႅမ်ႈဝႆႉပၼ် ၼႂ်းပပ်ႉၼၼ်ႉၵူၺ်းၼႆ လႄႈႁဵတ်းႁႂ်ႈၵူၼ်းမိူင်းယၢပ်ႇၽိုတ်ႇၵိၼ်းၸႂ်။ တႄႇဝၼ်းတီႈ 24/3/2025   မႃး သိုၵ်းမၢၼ်ႈသင်ႇပၢမ်ႉ(ႁၢၼ်ႉၶၢႆ)ၼမ်ႉမၼ်ႉရူတ်ႉၵႃးဢၼ်မီးဝဵင်းမူႊၸေႊ  ႁႂ်ႈၶၢႆပၼ်ၼင်ႇတႅမ်ႈဝႆႉၼႂ်းပပ်ႉၼၼ်ႉၵူၺ်းၼႆလႄႈ ရူတ်ႉၸႂ်ႉၼႂ်းႁိူၼ်းၼိုင်ႈလမ်းၼႆႉ ၼိုင်ႈဝူင်ႈ သိုဝ်ႉလႆႈၼမ်ႉမၼ်း 4 ထိုင် 5 လိတ်ႉ( 1 ၵႃႊလၼ်ႊ) ၵူၺ်း။ ၼိုင်ႈလိူၼ်မီးၶႂၢင်ႉသိုဝ်ႉၼမ်ႉမၼ်းလႆႈ 18 လိတ်ႉ...

ႁွင်ႈၵၢၼ် ၾၢႆႇၸီႉသင်ႇႁႅင်းၵၢၼ် တႂ်ႈသိုၵ်းမၢၼ်ႈၵုမ်းၵမ် ပိုၼ်ၽၢဝ်ႇပၼ်ၾၢင်ႉဝႆႉဝႃႈ မီးလွင်ႈမၵ်းတတ်းဝႆႉ ႁူဝ်ၼပ်ႉႁႅင်းၵၢၼ် ၸိူဝ်းတေလႆႈၶႂၢင်ႉ သူင်ႇၵႂႃႇႁဵတ်းၵၢၼ်ၼွၵ်ႈမိူင်း ဝႃႈ ၼႆ။ ယူႇတီႈ ၸုမ်းႁႃပၼ်ၵၢၼ်ၼွၵ်ႈမိူင်းၶဝ်သေ သင်တေသူင်ႇႁႅင်းၵၢၼ် ၵႂႃႇၼွၵ်ႈမိူင်းၸိုင် ၼိုင်ႈၸုမ်းလႂ် တႃႇမိူင်းထႆး ယိုၼ်ႈတၢင်ႇလႆႈ 50 ၵေႃႉ၊ မိူင်းၵျပၼ်ႊ 15 ၵေႃႉလႄႈ မိူင်းၵူဝ်ႊရီႊယိူဝ်ႊၸၢၼ်း 10 ၵေႃႉ။...

ပလိၵ်ႈမၢၼ်ႈသိုၵ်းမၢၼ်ႈ ဝႃႈတေႁဵတ်းတႃႈရူတ်ႉၵႃးဢၼ်မႂ်ႇၼႆသေ ယႃႉႁူဝ်ႉ ၊ ယႃႉလၵ်းသဝ် တီႈလိၼ် ၵူၼ်းဝၢၼ်ႈ တၢင်းပွၵ်ႉၽြႃးၽိူၵ်ႇ (ဘုရားဖြူရပ်ကွက်) ပွၵ်ႉၵၢၼ်ႇၵျီး  (ကံကြီး) ၸိူဝ်းမီးႁိမ်းၸၼ်ႉၸွမ် ပုတ်ႉထ ဝဵင်းတူၼ်ႈတီး ၸိုင်ႈတႆးပွတ်းၸၢၼ်း။ တႄႇဝၼ်းတီႈ 20-21/3/2025 မႃး ပလိၵ်ႈမၢၼ်ႈ သိုၵ်းမၢၼ်ႈ မႃးယႃႉႁူဝ် လွၵ်းလိၼ် ၵူၼ်းဝၢၼ်ႈ  ဢၼ်မီး ၼိူဝ်သဵၼ်ႈတၢင်းလဵပ်ႈဝဵင်း...

သိုၵ်းမၢၼ်ႈ တင်ႈၸႂ်ပွႆႇမၢၵ်ႇၶိူင်ႈမိၼ် သႂ်ႇတီႈႁွင်ႈယႃ (ဆေးခန်း) ၼႂ်းဝဵင်းၵၢၼ်ႉၵေႃး (ဂန့်ဂေါမြို့နယ်)  တိူင်းမၵူၺ်း တိူဝ်ႉၺႃးၵူၼ်းမိူင်းလူႉတၢႆ 11 ၵေႃႉ ပႃးမေႃယႃလူင်လႄႈ လုၵ်ႈ ဢွၼ်ႇ ဝႃႈၼႆ။ ဝၼ်းတီႈ 22/03/2025 ၼႆႉ သိုၵ်းမၢၼ်ႈ ယိုတ်းမိူင်း ဢဝ်ၶိူင်ႈမိၼ်ပွႆႇမၢၵ်ႇသႂ်ႇ တီႈႁွင်ႈယႃ ဝၢၼ်ႈၼၢၼ်းၶႃး (နှမ်းခါးရွာ) ၸႄႈဝဵင်းၵၢၼ်ႉၵေႃး တိူင်းမၵူၺ်း...

သိုၵ်းၵဝ်ႈၵၢင်ႉ ၶိုင်ၵႂႃႇၶုတ်းၶမ်း ၸွမ်းသၢပ်ႇၵႄးၼမ်ႉၶူင်း ႁိမ်းဝၢၼ်ႈႁူဝ်လီႈ ၼႂ်းၸႄႈဝဵင်းၵုၼ်လူင် ၸိုင်ႈတႆးပွတ်းႁွင်ႇ ၼႂ်းၼႃႈတီႈ သိုၵ်းၵဝ်ႈၵၢင်ႉ ၵုမ်းၵမ်ဝႆႉၸူဝ်ႈၶၢဝ်းၼၼ်ႉ ၵူၼ်းဝၢၼ်ႈႁူဝ်လီႈ ဢမ်ႇၽွမ်ႉၸွမ်းသေ ႁူမ်ႈၵၼ်သၢၼ်ၶတ်းၵႂႃႇ မိူဝ်ႈၼႂ်းႁၢင်လိူၼ်မၢတ်ႊၶျ် ပီ 2025 ၼႆႉ။ ဢွင်ႈတီႈသိုၵ်းၵဝ်ႈၵၢင်ႉ တေၶုတ်းၶမ်းႁိမ်းသၢပ်ႇၵႄးၼမ်ႉၶူင်းၼႆႉ ပဵၼ်ဢွင်ႈတီႈၵႄႈၼမ်ႉလၢႆၵႄး မႃးၶွႆႈၵၼ်သေ ပဵၼ်ဢွင်ႈတီႈၵူၼ်းမိူင်းလၢႆလၢႆတီႈ သူင်ၵၼ်ၵႂႃႇဢႅဝ်ႇယဵမ်ႈလႄႈ ၵူၼ်းမိူင်းၼႂ်းပိုၼ်ႉတီႈ ၵူဝ်တၢင်းႁၢင်ႈလီသၽႃႇဝ...

ၸုမ်းၵူၼ်းၼုမ်ႇတႆး 17 ၸုမ်း ႁူမ်ႈၵၼ်တုၵ်းယွၼ်း ႁႂ်ႈဢဝ်လိူင်ႈ ၽူႈမီးတၢင်းၽိတ်း ၵဵဝ်ႇလူၺ်ႈလွင်ႈ ၶႃႈ ႁႅမ်တၢႆ ၸဝ်ႈတူၼ်ၶူး ထမ်ႇမသႃႇရလႄႈ တၵ်ႉၵႃႇ ၸၢႆးပီးၼၼ်ႉ ႁႂ်ႈၽဵင်ႇပဵင်းပဵၼ်ထမ်း ဝႃႈၼႆ။ ဝၼ်းတီႈ 23/03/2025 ၼႆႉ ယူႇတီႈ ၸုမ်းၵူၼ်းၼုမ်ႇတႆး 17 ၸုမ်းသေ ဢွၵ်ႇၶေႃႈပိုၼ်ၽၢဝ်ႇ ႁႂ်ႈဢဝ်လိူင်ႈ တၢင်းၽိတ်းပၼ်...

သိုၵ်းမၢၼ်ႈ ဢဝ်ၶိူင်ႈမိၼ်တိုၵ်း ၶိူင်ႈၵွင်ႈလူင် ယိုဝ်းတိုၵ်းသေ ၸၢၵ်ႇမၢၵ်ႇတိူဝ်ႉၺႃးသင်ၶၸဝ်ႈ လူႉလွၼ်ႇ 5 တူၼ် မၢတ်ႇၸဵပ်း 14 တူၼ် ၼႂ်းၸႄႈဝဵင်းၼွင်ၶဵဝ် - ၵဝ်ႉငဝ်ႈသုၼ်ႇလႆႈၵူၼ်း ၸိုင်ႈတႆး ဢွၵ်ႇၽိုၼ်တၢမ်းငဝ်းလၢႆးဝႆႉ ၼႂ်းဝၼ်းတီႈ 21/03/2025 ၼႆႉၼင်ႇၼႆ။ တႄႇဢဝ် ဝၼ်းတီႈ 08-17/03/2025 ၼၼ်ႉမႃး သိုၵ်းမၢၼ်ႈ ဢဝ်ၶိူင်ႈမိၼ်တိုၵ်း၊...

ၼႂ်းပီ 2025 ၼႆႉ သိုၵ်းမၢၼ်ႈ ပိုၼ်ၽၢဝ်ႇ ဢွၵ်ႇပိူင်ႁၢပ်ႇထၢမ်းၵၢၼ်သိုၵ်း ႁွင်ႉဢဝ်ပႃးၼၢင်းယိင်းသေ ၾၢႆႇၽွင်းငမ်း ဢၼ်ယူႇတႂ်ႈသိုၵ်းမၢၼ်ႈၵေႃႈ ဢွၼ်ၵဵပ်းသဵၼ်ႈၸိုဝ်ႈတႃႇႁၢပ်ႇထၢမ်းၵၢၼ်သိုၵ်း မႃးၵူႈဝၼ်း။ ၵဵဝ်ႇလူၺ်ႈလွင်ႈၼႆႉ ၼၢင်းယိင်းၶဝ်မီးလွင်ႈယၢပ်ႇၽိုတ်ႇသင် မီးတၢင်းႁၢၼ်ထိုင်ၸိူင်ႉႁိုဝ်ၼႆ ႁဝ်းၶႃႈ ၸုမ်းၶၢဝ်ႇၽူႈတွႆႇႁွၵ်ႈ တွင်ႈထၢမ်ဝႆႉ ၽူႈတူင်ႉၼိုင် ၸွႆႈထႅမ်တူင်ႇဝူင်းႁႅင်းၵၢၼ် တီႈဝဵင်းၵဵင်းမႂ်ႇ ၸိုင်ႈထႆး ဝႆႉၼင်ႇၼႆ။ တႃႇတေၵဵပ်းသိုၵ်းၼႆႉ လူဝ်ႇထွမ်ႇသဵင်ၵၢင်ၸႂ်ၵူၼ်းမိူင်းၵွၼ်ႇ ၼၢင်းၸေႃးယဵၼ်ႇ ၸုမ်းႁူမ်ႈတုမ်ႁႅင်းၵၢၼ် “ၶၢဝ်းယၢမ်းမိူဝ်ႈလဵဝ်ၼႆႉ...

မိူင်းဢမေႊရိၵၼ်ႊ ၸတ်းပၢင်လိူၵ်ႈတင်ႈၼႂ်း 2024  ၼၼ်ႉ ၸွမ်ၸိုင်ႈၵဝ်ႇၻူဝ်ႊၼေႃႊ ထရမ်ႉ Donald Trump ဢွင်ႇပေႉသေ ၼႂ်းႁူဝ်ပီ 2025 ၼႆႉ ၶိုၼ်းပဵၼ်မႃးၸွမ်ၸိုင်ႈ မိူင်းဢမေႊရိၵၼ်ႊထႅင်ႈ ၵမ်းထူၼ်ႈ 2 ပဵၼ်ၵေႃႉထူၼ်ႈ 47 ။ ယူႇဢမ်ႇႁိုင် ၼႄၶေႃႈဢၢင်ႈဝႃႈ တႃႇလူတ်းယွၼ်ႇၵႃႈၸႂ်ႉၸၢႆႇၸိုင်ႈမိူင်း တႃႇပူၵ်းပွင်ၵူၼ်းမိူင်းဢမေႊရိၵၼ်ႊၼႆသေ ပိုၼ်ၽၢဝ်ႇၵိုတ်းၵၢၼ်ၵမ်ႉထႅမ် ပတ်းပိုၼ်ႉလုမ်ႈၾႃႉ။ လွင်ႈၼႆႉ ႁဵတ်းႁႂ်ႈတုမ်ႉတိူဝ်ႉထိုင်...