ဝၢႆးလင် ၽႅၼ်ယၼ်ႇသိုၵ်း 1027 မႃး ၵူၼ်းၼုမ်ႇၸိူဝ်းမီးမႃႇဢဵၼ်ႁႅင်း ႁဵတ်းသၢင်ႈၵၢၼ်ငၢၼ်းလႆႈ ဢွၼ်ၵၼ်ပၢႆႈဢွၵ်ႇဝဵင်းၽႂ်မၼ်းၼမ်ႁႅင်းသေ ၸွမ်းၼႂ်းပိုၼ်ႉတီႈတႄႉ ၵိုတ်းဝႆႉၵူၼ်းၸိူဝ်းဢႃယုယႂ်ႇၼမ်ႁႅင်းလႄႈ ၸဝ်ႈသူၼ်ႁႆႈၼႃး ၼႂ်းမိူင်းတႆးပွတ်းႁွင်ႇ ဢွၼ်ၵၼ်ႁူပ်ႉတၢင်းယၢပ်ႇဝႆႉ။

လႆႈႁူႉဝႃႈ ၸဝ်ႈသူၼ်ႁႆႈၼႃး ၸိူဝ်းမီးၼႂ်းမိူင်းတႆးပွတ်းႁွင်ႇၼႆႉ လႆႈပၼ်ၵႃႈၸၢင်ႈ ၵူၼ်းႁဵတ်းၵၢၼ် ၼိုင်ႈ  ဝၼ်းလႂ် သွင်မိုၼ်ႇပျႃးထိုင် သၢမ်မိုၼ်ႇပျႃး။ ပေႃးထိုင်ၵမ်း လႆႈၶၢႆၶူဝ်းၵုၼ်ႇဢွၵ်ႇမႃးသမ်ႉ ၺႃးၸဝ်ႈပၢႆးမၢၵ်ႈမီးၶဝ် တဵၵ်းၵႃႈၶၼ်ႁႅင်းၼႃႇလႄႈ ႁဵတ်းႁႂ်ႈယၢပ်ႇၽိုတ်ႇဝႆႉၼႆ – ၵူၼ်းဝဵင်းသႅၼ်ဝီၵေႃႉ ၼိုင်ႈလၢတ်ႈ။

ပေႃးထိုင်ႁူဝ်လိူၼ်ၵျုၼ်ႊမႃးၼႆႉ ၼႂ်းမိူင်းတႆးပွတ်းႁွင်ႇ ၸဝ်ႈၼႃးၸိူဝ်းယူႇၼႂ်းဝဵင်းလႃႈသဵဝ်ႈ၊ သႅၼ်ဝီ တေႃႇထိုင် မူႇၸေႊ၊ ၼမ်ႉၶမ်းၸိူဝ်းၼႆႉ တေတႄႇႁဵတ်းၼႃးၵၼ်ယဝ်ႉလႄႈ ၵူၼ်းၸၢင်ႈတႃႇသွမ်ႈၼႃး ၸိူဝ်းၼႆႉၵေႃႈ လႆႈပၼ်ၵႃႈၶၼ်သုင်ၵူၺ်းဢမ်ႇၵႃး ၸဝ်ႈၼႃးၶဝ် လႆႈၸၢႆႇၵႃႈၸၢင်ႈဝႆႉလူင်ႈၼႃႈထႅင်ႈ ၼႆယဝ်ႉ။

တႅမ်ႈ – ၽူၺ်းၼုမ်ႇ