ပိဝ်ႇသေႃးထီး ၸုမ်းၶွၼ်ႉတဝ်ႉသိုၵ်းမၢၼ်ႈ ဢၼ်ၼႄၼႃႈတိူဝ်ႈဝႃႈ ဢဝ်ႁူမ်ႇလူမ်ႈ ဝၢၼ်ႈ ၺွင်ႇဝုၼ်း (အရှေ့ညောင်ဝန်း) ၼႂ်းဢိူင်ႇသလႄးဢူး ၸႄႈဝဵင်းယွင်ႁူၺ်ႈၼၼ်ႉ လၼ်ႇၵွင်ႈလႄႈ မၢၵ်ႇၵွင်ႈတိူဝ်ႉၺႃး ၼၢင်းယိင်းဢွၼ်ႇၵူၼ်းဢမ်ႇၶႅင်ႁႅင်းၵေႃႉၼိုင်ႈ လႆႈႁၢမ်သူင်ႇႁူင်းယႃ  ယင်းပႆႇၸၢင်ႈပွၵ်ႈႁိူၼ်းၶိုၼ်း  ။ ၼႂ်းၵၢင်လိူၼ်ဢေႊပရိူဝ်ႊလ် ဝၼ်းတီႈ 16 ယၢမ်းၵၢင်ၶမ်ႈ 10 မူင်း လုၵ်ႈၸုမ်းပိဝ်ႇသေႃးထီး ၵေႃႉၼိုင်ႈ ၸိုဝ်ႈႁွင်ႉ ဢႄႇပျႃး...

တႃႇၵမ်ႉထႅမ်ၵူၼ်းၵႂႃႇႁၢပ်ႇၵၢၼ်သိုၵ်း လႄႈ   ၵႃႈၸႂ်ႉၸၢႆႇတႃႇမူၼ်ႈသိူဝ်းတႃႇ  ၸုမ်းပျီႇတူႉၸိတ်ႉ ၼႆသေ PNO ၵဵပ်းငိုၼ်း  တီႈၵူၼ်းမိူင်းဝဵင်းၵျွၵ်ႉတလူင်း ၸႄႈဝဵင်းတူၼ်ႈတီး ဢၢၼ်ႇႁူဝ်သိပ်းသႅၼ်ပျႃး ။ တႄႇႁူဝ်လိူၼ် ၵျႅၼ်ႊၼိဝ်ႊရီႊ ပီ 2026 ၼႆႉမႃး ၼႂ်းၶၢဝ်းတၢင်း 4 လိူၼ် ၸုမ်းပျီႇတူႉၸိတ်ႉ PNO ဢဝ်ၶေႃႈဢၢင်ႈလွင်ႈၼိုင်ႈယဝ်ႉလွင်ႈၼိုင်ႈ ၵဵပ်းငိုၼ်းတီႈၵူၼ်းဝဵင်းၵျွၵ်ႉတလူင်းႁၢဝ်ႈႁႅင်း ။ ၼႂ်းၼၼ်ႉ...

တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း  ဝၢႆးသၢင်းၵျၢၼ်ႇၼႆႉမႃး ပလိၵ်ႈသိုၵ်းမၢၼ်ႈ တႄႇၵူတ်ႇထတ်း ဝတ်းဝႂ်လၢႆႊသိၼ်ႊ ရူတ်ႉၵႃးၶိုၼ်းႁၢဝ်ႈႁႅင်း ဝႃႈၼႆ ။ မိူဝ်ႈဝႃး ဝၼ်းတီႈ 20/4/2026 ၼႆႉ  ပလိၵ်ႈသိုၵ်းမၢၼ်ႈ ပႂ်ႉၵူတ်ႇထတ်းရူတ်ႉၵႃး ၸိူဝ်းဢၼ်တေလႆႈႁေႃႈ ဝၼ်းၵိၵ်ႈ/ဝၼ်းၵူႈ လႄႈ ရူတ်ႉၵႃးၸိူဝ်းဢမ်ႇမီးဝတ်းဝႂ်လၢႆႊသိၼ်ႊ တီႈ ၼႂ်းပွၵ်ႉၼႂ်းယွမ်ႇ  ဢိၵ်ႇၼိူဝ်သဵၼ်ႈတၢင်း ၵၢင်ဝဵင်းတူၼ်ႈတီး ။ ၼႂ်းဝၼ်းလဵဝ်ၵူၺ်း တီႉၺွပ်းၵႂႃႇ...

ၵူၼ်းမိူင်းပိုၼ်ႉတီႈၼႂ်းၸႄႈဝဵင်းၼွင်ၶဵဝ် ၵေႃႉၵႂႃႇတႅပ်းဢွႆႈ ၽွင်းၶၢဝ်းပွႆးသွၼ်းၼမ်ႉ ယဵပ်ႇၺႃးမၢၵ်ႇၽင်လိၼ်သေ လႆႈတႅပ်းပႅတ်ႈၶႃမၼ်းၸၢႆးၵႂႃႇၶွၼ်ၼိုင်ႈ ဝႃႈၼႆ။ မိူဝ်ႈဝၼ်းတီႈ 16 ယၢမ်းၵၢင်ၼႂ် 11 မူင်း ၵူၼ်းၸၢႆး ဢႃႇယု 33 ပီ ၸိုဝ်ႈႁွင်ႉၵူဝ်ႇၵျေႃႇယႄးလုၼ်ႇ ၵေႃႉယူႇဝၢၼ်ႈမၢၵ်ႇၶီႈၼူ ၵႂႃႇတႅပ်းတူၼ်ႈဢွႆႈ ၼႂ်းသူၼ်ဢွႆႈ ႁိမ်းဝၢၼ်ႈၼၼ်ႉသေ ယဵပ်ႇၺႃးမၢၵ်ႇၽင်လိၼ် ဢၼ်ၵိုတ်းဝႆႉမိူဝ်ႈပၢင်တိုၵ်းၼၼ်ႉလႄႈ မၢတ်ႇၸဵပ်းၵႂႃႇႁၢဝ်ႈႁႅင်းၼႆယဝ်ႉ။ ၸုမ်းၼၢင်းယိင်း ၸၢဝ်းၶိူဝ်းတဢၢင်းၶဝ် ပိုၼ်ၽၢဝ်ႇဢွၵ်ႇဝႆႉဝႃႈ...

သိုၵ်းၵဝ်ႈၵၢင်ႉ MNDAA လႆႈၵုမ်းၵမ် ပၼ်ၵၢၼ်ၽွင်းငမ်းၶိုၼ်း ၸႄႈဝဵင်းၵူတ်ႉၶၢႆယဝ်ႉဢမ်ႇႁိုင် ယႃႉမွတ်ႇပႅတ်ႈ လိၵ်ႈတဢၢင်း ၸွမ်းပၢႆႉတၢင်းၶဝ်ႈဝၢၼ်ႈ ၼႂ်းၸႄႈဝဵင်းၵူတ်ႉၶၢႆသေ ယၢမ်းလဵဝ် သႂ်ႇၶိုၼ်း လိၵ်ႈမၢၼ်ႈ တင်း လိၵ်ႈၶႄႇ ၼႆယဝ်ႉ။ ဢွင်ႈတီႈသိုၵ်းၵဝ်ႈၵၢင်ႉ ယႃႉမွတ်ႇပႅတ်ႈ လိၵ်ႈတဢၢင်းၼၼ်ႉ ပဵၼ်ၸွမ်းဢိူင်ႇၵႃလႅင် လႄႈ ဢိူင်ႇႁူဝ်ၼွင် ၸွမ်းဝၢၼ်ႈမီးၸၢဝ်းၶိူဝ်းတဢၢင်းယူႇသဝ်းၼၼ်ႉၼႆ ၵူၼ်းမိူင်းပိုၼ်ႉတီႈ ၸႄႈဝဵင်းၵူတ်ႉၶၢႆ လၢတ်ႈၼင်ႇၼႆ။ “ဝၢႆးလင်ၶဝ်ၵုမ်းလႆႈၶိုၼ်းယဝ်ႉၵမ်ႉၼိုင်ႈၵူၺ်း...

ၼ်းတီႈ 17/04/2026 ဝၼ်းပီမႂ်ႇမႁႃသၢင်းၵျၢၼ်ႇမိူဝ်ႈၼႆႉ သိုၵ်းမၢၼ်ႈယိုတ်းမိူင်းပိုၼ်ၽၢဝ်ႇပွႆႇပၼ်ၵူၼ်းတူၵ်းၶွၵ်ႈ 4000 ပၢႆ ၼႂ်းၼၼ်ႉပႃးတင်းၽူႈၼမ်းၸိၵ်းၸွမ်ၼႂ်း NLD လၢႆလၢႆၵေႃႉ ၵူၺ်းၵႃႈ ၼၢင်းဢွင်ႇသၢၼ်းၸူႉၵျီႇ တႄႉထုၵ်ႇလူတ်းယွၼ်ႇပၼ်တူတ်ႈၶွၵ်ႈ 6 ပုၼ်ႈ 1 ပုၼ်ႈၵူၺ်းသေ သိုပ်ႇၵုမ်းၶင်တူဝ်ၵိုၵ်းႁိူၼ်း တီႈဝဵင်းလူင်တႃႈၵုင်ႈ ဝႃႈၼႆ။ ၼၢင်းဢွင်ႇသၢၼ်းၸူႉၵျီႇ (ယၢမ်းလဵဝ် ဢႃယု 81 ပီ) ၼႆႉ...

ႁႅင်းထၢတ်ႈၾႆးၾႃႉႁူင်းၼိုင်ႈတႅၵ်ႇတီႈၸႄႈမိူင်း ၶျႃႊတီႊသ်ၵႃႊ မိူင်းဢိၼ်ႊတီႊယႃႊ ႁဵတ်းႁႂ်ႈၵူၼ်းတၢႆဢမ်ႇယွမ်း 9 ၵေႃႉ မၢတ်ႇၸဵပ်းတင်းၼမ်။ ဝၼ်းတီႈ 14/04/2026 ႁူင်းၸၢၵ်ႈလင်ၼိုင်ႈတီႈၸႄႈတွၼ်ႈ သတ်ႉတီႇ မိူင်းဢိၼ်ႊတီႊယႃႊတႅၵ်ႇ ၾႆးမႆႈ။ ၸဝ်ႈၼႃႈတီႈလၢတ်ႈဝႃႈ ပဵၼ်ယွၼ်ႉလွတ်ႇၵႂၼ်း ပွႆႊလႃႊ မႆႈႁႅင်းသေ လုၵ်ႉမႆႈပဵၼ်ၾႆး။ ၵူၼ်းတၢႆထင်တီႈ 9 ၵေႃႉ ၾႆးမႆႈမၢတ်ႇၸဵပ်းတင်းၼမ်။ လႆႈဢွၼ်ၵၼ်ႁၢမ်ႈသူင်ႇႁူင်းယႃတီႈၸႄႈတွၼ်ႈ ရၢႆႊၵႃႊ ။ ၼႂ်းၼၼ်ႉဢၼ်မၢတ်ႇၸဵပ်းႁႅင်းမီး...

ၽွင်းၶၢဝ်း ပွႆးသွၼ်းၼမ်ႉ 3 ဝၼ်း ၼႂ်းမိူင်းထႆး ၵူၼ်းတၢႆယွၼ်ႉ ရူတ်ႉၵႃးပဵၼ် ၽေးၵိုင်ႉၵၢင်ႉမီး 152 ၵေႃႉ၊ ရူတ်ႉၵႃးပဵၼ်ၽေးၵိုင်ႉၵၢင်ႉသေၽႃႇၺႃးၵၼ်သမ်ႉ တေႃႇထိုင်တဵင်ႈၶိုၼ်း ၼႂ်းဝၼ်းတီႈ 13 ၼၼ်ႉ မီးၵႂႃႇ 755 ၵမ်းပၢႆ ဝႃႈၼႆ။ ၸဝ်ႈၼႃႈတီႈ ၽူႈမီးပုၼ်ႈၽွၼ်းၶဝ် လၢတ်ႈဝႃႈ တႄႇဢဝ်ဝၼ်းတီႈ 10 ထိုင်...

ၶၢဝ်းပွႆးသွၼ်းၼမ်ႉလိူၼ်ႁႃႈ ဝၼ်းတီႈ 12 ထိုင် 15/04/2026 ၼႆႉ တၢင်ႉႁႅင်းမႆႈပုင်ႈသုင် ဝႆႉလႄႈ ၵူၼ်းၸိူဝ်းလဵၼ်ႈၼမ်ႉမူၼ်ႈသိူဝ်းယူႇၸိူဝ်းၼႆႉတင်းမူတ်း ႁႂ်ႈၾၢင်ႉပၢႆးယူႇလီၵၼ်ၼႆ ၽူႈလူင်ႉလႅၼ်ႇၾၢႆႇၵုမ်းၵမ်သိင်ႇဝႅတ်ႉလွမ်ႉ လူင်ပွင်ၸိုင်ႈထႆး တိုၵ်းသူၼ်း လၢတ်ႈ ဝႆႉ ၼင်ႇၼႆ။ ႁႅင်းမႆႈၼႂ်းဝူင်ႈၼႆႉ မီးဝႆႉ 36 – 41 တီႊၵရီႊ သႄႊလ်သီႊယႅတ်ႊ။ ယွၼ်ႉၼၼ် သင်တူဝ်ၶိင်းၵူၼ်းႁဝ်း...

တီႈဝဵင်းပၢင်ႇဢူႈလူင်/ပျိၼ်ႇဢူးလုၼ်ႇ (ဝဵင်းၸၼ်ႉၸွမ်တပ်ႉသိုၵ်းမၢၼ်ႈ) ၼႂ်းတိူင်းတႃႈလိူဝ်ႇမၼ်းတလေး ၼၢင်းယိင်းဢွၼ်ႇၵေႃႉၼိုင်ႈတိုၵ်ႉၶိုင်ၸတ်းပွႆးၵူပ်ႉၵူႈသွၼ်ႉမိင်ႈယူႇၼၼ်ႉ မီးၸူႉၵဝ်ႇမၼ်းၼၢင်းၶဝ်ႈႁိူၼ်းမႃးတႅင်း ပေႃႈမၼ်းၼၢင်းလႄႈ ၸဝ်ႈမၢဝ်ႇမၼ်းၼၢင်းၵေႃႈမၢတ်ႇၸဵပ်းထိုင်တီႈလႆႈဢဝ်ၵႂႃႇယူတ်းယႃတူဝ်တီႈႁူင်းယႃ။ ဝၼ်းတီႈ 11/04/2026 မိူဝ်ႈဝႃးယၢမ်းၵၢင်ၶမ်ႈ တီႈႁိူၼ်းဢၼ်ႁၢင်ႈႁႅၼ်းပၢင်ၶႅၵ်ႇ ဢၼ်မီးၼႂ်းပွၵ်ႉ 19 ႁွင်ႈပႃယဵၼ်ႇ(ငယၢၼ်ႉၶျွင်း) ဝဵင်းပၢင်ႇဢူႈလူင်ၼၼ်ႉ မီးၸၢႆးၼုမ်ႇၵေႃႉၼိုင်ႈယိပ်းမိတ်ႈၶဝ်ႈႁိူၼ်းမႃးသေ မႃးတႅင်းၸဝ်ႈသၢဝ် (ၸူႉၵဝ်ႇၸၢႆးၼုမ်ႇ) ၼၼ်ႉမၢတ်ႇၸဵပ်းလိူဝ်ႁႅင်း - ၼႅတ်ႈဢဝ်ၵႂႃႇႁူင်းယႃယူႇသေတႃႉၵေႃႈ ၵႂႃႇတၢႆပႅတ်ႈတီႈႁူင်းယႃ ။ ၸၢႆးၼုမ်ႇၵေႃႉၶဝ်ႈမႃးတႅင်းၼၼ်ႉဢႃယုမီး...

မိူဝ်ႈၼႆႉဝၼ်းတီႈ 11/04/2026 ယၢမ်းၵၢင်ဝၼ်း ၵႃးတၢင်ႇၵူၼ်း(ရူတ်ႉတူႈ) လမ်းၼိုင်ႈ ပဵၼ်ၽေးဢုပၢတ်ႈပိၼ်ႈၶွမ်ႈၼႂ်းၸႄႈဝဵင်းၵူတ်ႉၶၢႆလႄႈ ၵူၼ်းၶီႇမႃးၸွမ်းၼႂ်းရူတ်ႉၵႃးတၢႆ 5 ၵေႃႉ မၢတ်ႇၸဵပ်းထႅင်ႈတင်းၼမ်ဝႃႈၼႆ။ ရူတ်ႉၵႃးတၢင်ႇၵူၼ်းၼႆႉပိၼ်ႈၶွမ်ႈႁိမ်းဝၢၼ်ႈပၢင်ႇၸလွပ်ႈ ၼႂ်းၵႄႈ ဝၼ်ႈၼမ်ႉၽၵ်းၵႃလႄႈ ဝၢၼ်ႈၼမ်ႉဢုမ်။ ၽွင်းလူင်းၵုင်းၼၼ်ႉ ပရိၵ်ႈ/ပဵၵ်ႇ မၼ်းၶၢတ်ႇသေႁဵတ်းႁႂ်ႈရူတ်ႉပိၼ်ႈၶွမ်ႈ။ တၢႆထင်တီႈ 3 ၵေႃႉ။ ၽွင်းဢဝ်ၵႂႃႇႁူင်းယႃၼၼ်ႉတၢႆထႅင်ႈၵေႃႉၼိုင်ႈ။ ထိုင်ႁူင်းယႃယဝ်ႉသမ်ႉတၢႆထႅင်ႈ 2 ၵေႃႉ။ ၵူၼ်းမၢတ်ႇၸဵပ်း...

တီႈဝဵင်းတူၼ်ႈတီးၸိုင်ႈတႆးပွတ်းၸၢၼ်းၼၼ်ႉ သိုၵ်းမၢၼ်ႈသင်ႇႁဵတ်းၶဵင်ႇလဵၼ်ႈၼမ်ႉၸွမ်းသဵၼ်ႈတၢင်းလူင်လႄႈ သဵၼ်ႈတၢင်းလဵပ်ႈဝဵင်း ၵူၼ်းၼုမ်ႇၵူၼ်းမိူင်း ဢမ်ႇတူင်ႉတိုၼ်ႇဢမ်ႇသူၼ်ၸႂ် ဢွၼ်ၵၼ်မႆႈၸႂ်ၵူဝ်ၺႃးသိုၵ်းမၢၼ်ႈတီႉၺွပ်းၸွမ်းတႃႈၸွမ်းတၢင်းၵူၺ်းယဝ်ႉဝႃႈၼႆ။ တီႈသဵၼ်ႈတၢင်းလဵပ်ႈဝဵင်းၾၢႆႇဢွၵ်ႇၼၼ်ႉ သိုၵ်းမၢၼ်ႈၸႂ်ႉႁဵတ်းၶဵင်ႇလဵၼ်ႈၼမ်ႉ 9 တီႈ။ ပၢႆသင်ႇပႃးဝႃႈ တႃႇလူတ်းယွၼ်ႇၵၢၼ်ၸႂ်ႉၼမ်ႉမၼ်းၸၢၵ်ႈ ၼမ်ႉမၼ်းၸိူဝ်ႉၽိူင်းၼၼ်ႉ ႁႂ်ႈၵူၼ်းမိူင်းပႆႇတၢင်းဢႅဝ်ႇ ပႆတၢင်းလဵၼ်ႈၼမ်ႉဢဝ်ဝႃႈၼႆ။ လွင်ႈလဵၼ်ႈၼမ်ႉႁူတ်းၼမ်ႉၽွင်းၶၢဝ်းသၢင်းၵျၢၼ်ႇပီၼႆႉ ၵူၼ်းမိူင်းဢမ်ႇပေႃးသူၼ်ၸႂ်ၵၼ်ယွၼ်ႉဝႃႈ တီႈဝဵင်းတူၼ်ႈတီးၼႆႉ ၾိင်ႈၾႃႉရႃႇသီႇၵတ်းလၢင်ႈ၊ ၼမ်ႉမၼ်းၸၢၵ်ႈႁႃယၢပ်ႇ ၵႃႈၶၼ်သုင် လႄႈ ယွၼ်ႉပိူဝ်ႈ ငဝ်းလၢႆးၵၢၼ်မိူင်းသုၵ်ႉယုင်ႈ - ယွၼ်ႉပိူဝ်ႈသိုၵ်းမၢၼ်ႈတီႉၺွပ်းၵူၼ်းၼုမ်ႇၾိုၵ်းၵၢၼ်သိုၵ်း...

ၾႆးမႆႈ တီႈဝဵင်းတူၼ်ႈတီး ၸိုင်ႈတႆးပွတ်းၸၢၼ်း ပလိၵ်ႈမၢၼ်ႈ သိုၵ်းမၢၼ်ႈ တီႉၺွပ်းၵူၼ်းၸၢႆး ၵေႃႉၼိုင်ႈ ဢႃယု 40 ပီ ဢၼ်မီးၾၢင်ႁၢင်ႈတၢင်းႁဵတ်းသၢင်ႈဢၼ်လီထၢင်ႇထိူမ်ဝႃႈ ပဵၼ်ၵူၼ်း ၸုတ်ႇၽဝ်  ဝႃႈၼႆ ။ မိူဝ်ႈဝႃး ဝၼ်းတီႈ 8/4/2026 ယၢမ်းၵၢင်ၶမ်ႈ 9 မူင်းၶိုင်ႈ ၾႆးတႄႇမႆႈႁိူၼ်းလင်ၼိုင်ႈ တီႈၼႂ်းပွၵ်ႉသူၺ်ႇတွင်ႇ ၼိူဝ်သဵၼ်ႈတၢင်း ၵူင်ႇတႄႇ(ၵူၼ်းၵႃႉ)...

တွၼ်ႈတႃႇလွင်ႈႁူမ်ႇလူမ်ႈလွတ်ႈၽေး ၽွင်းၶၢဝ်းပွႆးသွၼ်းၼမ်ႉၼႆသေ ပီၼႆႉ မိူင်းထႆးပိုၼ်ၽၢဝ်ႇဢွၵ်ႇဝႆႉ ပၵ်းပိူင်မၢႆမီႈ ဢၼ်တေလႆႈငိူင်ႉဝႄႈ လႄႈ တေလႆႈႁဵတ်းသၢင်ႈၸွမ်း (8) ၶေႃႈ။ ၶေႃႈထီႉၼိုင်ႈ - သင်ၵိၼ်မဝ်းသေ ႁေႃႈရူတ်ႉၵႃး၊ ႁဵတ်းၽိတ်းလၢႆလၢႆၵမ်းထပ်းၵၼ်ၸိုင် တေၸၢင်ႈၺႃးတၢမ်ႇ ၼၵ်းၼႃ။ သင် ဢႄႇလ်ၵူဝ်ႇႁေႃး ၼႂ်းလိူတ်ႈၼမ်လိူဝ် 50 မီႇလီႇၵရမ်ႇ (ပေႃးပဵၼ်လုၵ်ႈဢွၼ်ႇ ဢႃယု 20...

ၸွမ်ႁၢၼ်ၸေႃႇမိၼ်းထုၼ်း ၽူႈၶၢၼ်ပၢၵ်ႇႁွင်ႈၵၢၼ်ၾၢႆႇပွင်ႇၶၢဝ်ႇသိုၵ်းမၢၼ်ႈ ၺႃးသိုၵ်းမၢၼ်ႈၶိုၼ်းႁွင်ႉထတ်းလွင်ႈ တီႈလိၼ် - ၵၢၼ်သူင်ႇၶၢႆ/ ႁပ်ႉသိုဝ်ႉ(Tender)- လႄႈလွင်ႈသုၼ်ႇၵၢၼ်သိုဝ်ႉၶၢႆ (Permit)ၸိူဝ်းၼႆႉဝႃႈၼႆ။ လွင်ႈၼႆႉတီႈသိုဝ်ႇၶၢဝ်ႇ ၻီႊဝီႊပီႊ ဢွၵ်ႇဝႆႉဝႃႈ - ၵူၼ်းၸမ်ၸႂ်ၼႂ်းတပ်ႉသိုၵ်းလၢတ်ႈဝႃႈ မၼ်းၸၢႆးထုၵ်ႇႁွင်ႉထတ်းလွင်ႈ ၵၢၼ်ၵိၼ်သူးၵိၼ် လၢပ်ႈၼႂ်းၵၢၼ်သူင်ႇၶၢႆ ၵၢၼ်ႁပ်ႉသိုဝ်ႉတႃႇၵေႃႇသၢင်ႈႁွင်ႈၵၢၼ်ၾၢႆႇပွင်ႇၶၢဝ်ႇ၊ လွင်ႈၵိၼ်သူးၵိၼ်လၢပ်ႈ ၼႂ်းၵၢၼ် ပၼ်သုၼ်ႇသိုဝ်ႉၶၢႆ တီႈလိၼ် ၼႂ်းတပ်ႉၽႄၾၢႆႇၵပ်းသၢၼ် ၸိူဝ်းၼႆႉ- ဝႃႈၼႆ။ ၸွမ်ႁၢၼ်ၸေႃႇမိၼ်းထုၼ်းၼႆႉ...