တပ်ႉပလိၵ်ႈ ၾၢႆႇၽဵဝ်ႈမူၺ်ႉယႃႈမဝ်းၵမ် တႂ်ႈသိုၵ်းမၢၼ်ႈ ပိုၼ်ၽၢဝ်ႇဢွၵ်ႇမႃးဝႃႈ တီႉၺွပ်းလႆႈ ယႃႈဢႆႊသ် 3.465 တၼ်ႊ (3 တၼ်ႊပၢႆ) လႄႈ ၶႅတ်ႉတမိၼ်း 200 ၵီႊလူဝ်ႊ ဢၼ်တေၵႃႉၶၢႆ ၼႂ်းဝဵင်းလူင်တႃႈၵုင်ႈလႄႈ ဢၼ်တေသူင်ႇၵႂႃႇတၢင်း မိူင်းမလေးသျႃး ဝႃႈၼႆ။ ပူၼ်ႉမႃး ဝၼ်းတီႈ 06/03/2025 ၼႆႉ ပလိၵ်ႈမၢၼ်ႈ ၵူတ်ႇထတ်းႁၼ်...

ဝၼ်းတီႈ 17/3/2025  ယၢမ်းၵၢင်ၼႂ်ၸဝ်ႉ 1 မူင်းၶိုင်ႈ လုၵ်ႈၸၢႆးပေႃႉထုပ်ႉ ၵေႃႉပဵၼ်ပေႃႈ ထိုင်တၢႆ  တီႈ ဝၢၼ်ႈမၢႆ  6    တီႈၼႂ်းၸႄႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း ။ တဵင်ႈၶိုၼ်းလိုၵ်းၸၢႆႉ ယၢမ်းၵၢင်ၼႂ်ၸဝ်ႉ   မွင်ႇၽဵဝ်းမိၼ်းသူဝ်း (မောင်ဖြိုးမင်းစိုး ) ဢႃယု 25 ပီ လူးယႃႈ သေ ပေႃႈထုပ်ႉၵေႃႉပဵၼ်ပေႃႈမၼ်းၸၢႆး...

ၼႂ်းၶၢဝ်းတၢင်း 4-5 ဝၼ်း ႁူဝ်လိူၼ်မၢတ်ႊၶျ်ၼႆႉၵူၺ်း ၾၢႆႇႁူမ်ႇလူမ်ႈလႅၼ်လိၼ်ထႆး မိူင်းထႆးပွတ်းၼိူဝ် တီႉလႆႈယႃႈမႃႉ 2 လၢၼ်ႉမဵတ်ႉယဝ်ႉ။ ဝၼ်းတီႈ 04/03/2025 ယၢမ်းၵၢင်ၼႂ်ၸဝ်ႉ 1:45 မူင်း သိုၵ်းထႆးႁူမ်ႇလူမ်ႈလႅၼ်လိၼ်လႄႈ ၸုမ်းတေႃႉယႃႈ မႃႉ ပိုတ်းယိုဝ်းၵၼ် တီႈလွႆႁူဝ်ၼူၵ်ႉ ဝၢၼ်ႈၶွပ်ႇလင် ဢိူင်ႇမွၼ်ႉပိၼ်ႇ ၸႄႈဝဵင်းၾၢင် ၸႄႈတွၼ်ႈၵဵင်းမႂ်ႇ။ ပိုတ်းယိုဝ်းၵၼ်ႁိုင်မွၵ်ႈ 15...

ၸူဝ်ႈသိုၵ်းမၢၼ်ႈ ယိုတ်းဢႃႇၼႃႇၸိုင်ႈမိူင်းမႃးၼႆႉ လၢၼ်ႉၵိၼ်ၵျေႃႇ KTV  လိူင်ႇ ၼမ် မႃး  တီႈဝဵင်းၼမ်ႉၸၢင် ၸိုင်ႈတႆးပွတ်းၸၢၼ်း ဢွၼ်ၵၼ် ပိုတ်ႇ  24 ၸူဝ်ႈမူင်း ၼႂ်းၶၢဝ်းတၢင်း 2-3 ပီ မီးၸမ် 30 ႁၢၼ်ႉ ဝႃႈၼႆ ။ ၵူၼ်းၸၢႆးပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ- “ပေႃးၼပ်ႉတႄႉတႄႉ ဢမ်ႇၵႃး 30...

ၵၢၼ်ၽုၵ်ႈယႃႈၼႂ်းၸႄႈဝဵင်း ပၢင်လွင်း၊ သီႇသႅင်ႇ၊ ႁူဝ်ပူင်းၼႂ်းၸိုင်ႈတႆးပွတ်းၸၢၼ်း လိူင်ႇၼမ်မႃးလိူဝ်တၢင်ႇပီ  ပီၼႆႉၵႃႈၶၼ်ယႃႈလမ် ၼိုင်ႈၸွႆႉ ၶိုၼ်ႈထိုင် 13 သႅၼ်ပျႃး။ ၵူၼ်းပိုၼ်ႉတီႈဝဵင်းပၢင်လွင်းလၢတ်ႈဝႃႈ - ယၢမ်းလဵဝ်ပဵၼ်ၶၢဝ်းတႄႇၶုတ်ႇယႃႈလမ်။ ၶၼ်ယႃႈလမ်ပီၼႆႉ မီးယူႇတီႈ 13 သႅၼ် တေႃႇထိုင် 15 သႅၼ်ပျႃး- ဝႃႈၼႆ။  ယၢမ်းလဵဝ် တီႈဝဵင်းပၢင်လွင်းလႄႈသီႇသႅင်ႇၼႆႉ သိုၵ်းမၢၼ်ႈႁူမ်ႈပျီႇတူႉၸိတ်ႉသေ တိုၵ်ႉပိုတ်းယိုဝ်းၵၼ်တင်းသိုၵ်းပဢူဝ်း PNLA...

ၾၢႆႇႁူမ်ႇလူမ်ႈလႅၼ်လိၼ် မိူင်းထႆး ပိုၼ်ၽၢဝ်ႇဝႃႈ ၼႂ်းၶၢဝ်းတၢင်း 5 လိူၼ်ၼႆႉ တီႉလႆႈၵူၼ်းတေႃႉယႃႈ 100 ၵမ်းပၢႆ ၵႃႈၶၼ်ယႃႈ ဢၼ်တီႉလႆႈမီး မိုၼ်ႇလၢၼ်ႉပၢႆ ဝႃႈၼႆ။ ဢိင်ၼိူဝ် ၵၢၼ်မိူင်းမိူင်းမၢၼ်ႈသုၵ်ႉ  ပၢင်တိုၵ်းၸွတ်ႇတူဝ်ႈၸိုင်ႈမိူင်းယူႇယၢမ်းလဵဝ် ၼႂ်းမိူင်းထႆးပွတ်းႁွင်ႇ မီးၵူၼ်းတေႃႉယႃႈၶၢမ်ႈလႅၼ်လိၼ်ၶႂ်ႈဝႃႈမီးၵူႈဝၼ်း။ ၼႂ်းဝၼ်းတီႈ 24 လိူၼ်ၾႅပ်ႉပိဝ်ႊရီႊၼႆႉသိုၵ်းထႆး   ယိုတ်းလႆႈယႃႈမႃႉ 3 လၢၼ်ႉ 7 သႅၼ်မဵတ်ႉလႄႈ...

ၵၢပ်ႈလႂ်ပၢၼ်ၼၼ်ႉ ၵူၼ်းႁဝ်း ႁႃလၢႆးယႃႁိူဝ်ႉယႃၸႂ်ဢမ်ႇမိူၼ်ၵၼ်။ လၢႆးယႃႁိူဝ်ႉ ယႃၸႂ်ၽႂ်မၼ်းၼၼ်ႉ ဢမ်ႇဝႃႈၼုမ်ႇထဝ်ႈ ၵႆႉဢဝ်ယႃမဝ်းၵမ် ၶဝ်ႈမႃးၶူၼ်းလေႃး။ ယႃႈမဝ်ႈၵမ် မၢင်သႅၼ်းၵေႃႈႁႃ ယၢပ်ႇမၢင်သႅၼ်းၵေႃႈလႆႈငၢႆႈ။ မိူၼ်ၼင်ႇ လႅၼ်းယႃႈၼႆႉတႄႉ ၸွတ်ႈတူဝ်ႈဝႆႉၼႂ်းတူင်ႇၵူၼ်းၵူႈၸၼ်ႉထၢၼ်ႈ။ မိူဝ်ႈၵွၼ်ႇ ဢွၼ်ၵၼ်သူင်လုတ်ႇလႅၼ်းယႃႈ ဢၼ်ဢဝ်ဝႂ်တွင်ၵဵၼ်ယႃႈလႅင်သေ လုတ်ႇၵူၺ်း။ ၵၢပ်ႈပၢၼ်မႂ်ႇၼႆႉသမ်ႉ ဢွၵ်ႇမႃးထႅင်ႈ လႅၼ်းယႃႈၾႆးၾႃႉ။ ၵူၼ်းၼုမ်ႇ ၵမ်ႈၼမ် ႁၼ်ထိုင်ဝႃႈ လုတ်ႇလႅၼ်းယႃႈၾႆးၾႃႉယဝ်ႉ...

ၼႂ်းၶၢဝ်းတၢင်းၼိုင်ႈဝူင်ႈမႃးၼႆႉ တီႉၺွပ်းလႆႈယႃႈမဝ်းၵမ် ၼႂ်းမိူင်းတႆးလၢႆလၢႆတီႈ ၵိုင်ႇငိုၼ်း ၼပ်ႉႁူဝ်ပၢၵ်ႇ ပီႊလီႊယၼ်ႊ ငိုၼ်းမၢၼ်ႈ - ပလိၵ်ႈၾၢႆႇၵႂၢတ်ႇလၢင်ႉ ၽဵဝ်ႈမူၺ်ႉယႃႈမဝ်းၵမ် တႂ်ႈသိုၵ်းမၢၼ်ႈ ပိုၼ်ၽၢဝ်ႇဝႆႉၼင်ႇၼႆ။ ဝၼ်းတီႈ 6/1/2025 ၼႆႉ တီႉၺွပ်းလႆႈ Happy Water ၊ Ecstasy(E) လႄႈ Methamphetamine တီႈဝဵင်း တႃႈၶီႈလဵၵ်း ၵိုင်ႇငိုၼ်း...

ၼႂ်းၶၢဝ်းတၢင်း ပီၵဝ်ႇလၢႆႈၸူးပီမႂ်ႇၼႆႉ သိုၵ်းမၢၼ်ႈ ပလိၵ်ႈမၢၼ်ႈ ပွတ်းဢွၵ်ႇၶူင်း ၵႆႉပိုၼ်ၽၢဝ်ႇဝႃႈ တီႉၺွပ်းလႆႈ ၵူၼ်း ၵႃႉယႃႈမဝ်းၵမ်ၼမ်မႃး ႁဵတ်းႁႂ်ႈၵူၼ်းပိုၼ်ႉတီႈပႅၵ်ႇႁူပႅၵ်ႇတႃ ယွၼ်ႉပလိၵ်ႈမၢၼ်ႈ ဢမ်ႇတွၼ်ႉဝႆႉၼၵ်း လွင်ႈၽဵဝ်ႈမူၺ်ႉယႃႈမဝ်းၵမ်။ တႄႇဢဝ်ၶၢဝ်း ပီ 2024 ၸမ်သဵင်ႈ တေႃႇပေႃးထိုင် ၼႂ်းႁူဝ်ပီ 2025 ၼႆႉ ပလိၵ်ႈလႄႈ ၾၢႆႇၽဵဝ်ႈမူၺ်ႉ ယႃႈမဝ်းၵမ် ၼႂ်း...

ၵူၼ်းမိူင်းတူၼ် 2 ၵေႃႉ ၺႃးပလိၵ်ႈမၢၼ်ႈ တီႉၺွပ်းလႆႈ လူၺ်ႈတေႃႉယႃႈမႃႉ 2 သႅၼ်မဵတ်ႉတင်း ယႃႈၶၢဝ် (Heroin) 40 ၵီႊလူဝ်ႊ တီႈၶူဝ်တႃႈသၢင်း။ ဝၼ်းတီႈ 29/12/2024 ယၢမ်းၵၢင်ၼႂ် 8 မူင်း ၸၢႆးၸၢမ်ႇၺုၼ်ႉတင်း ၸၢႆးၼေႃႇၸၢမ် ၵူၼ်းမိူင်းတူၼ် လၵ်ႉတေႃႉယႃႈမႃႉတင်း ယႃႈၶၢဝ် လုၵ်ႉတၢင်းဝဵင်းၼမ်ႉၸၢင်မႃးသေ ၺႃးပလိၵ်ႈမၢၼ်ႈ ၵူတ်ႇထတ်းတီႉၺွပ်း...

ဝၢႆးလင် သိုၵ်းမၢၼ်ႈ ယိုတ်းဢႃႇၼႃႇ မႃးၼႆႉ ပၼ်ႁႃပၢင်တိုၵ်းၵိူတ်ႇၶိုၼ်ႈႁႅင်း တုမ်ႉတိူဝ်ႉၵၢၼ်ႁႃၵိၼ်လဵင်ႉတွင်ႉလႄႈ ႁဵတ်းႁႂ်ႈၵူၼ်းမိူင်းထူပ်းတၢင်းယၢပ်ႇ ၸင်ႇဢွၼ်ၵၼ်ၽုၵ်ႇသွမ်ႈယႃႈၾိၼ်ႇၼမ်ၶိုၼ်ႈမႃး ဝႃႈၼႆ။ ၼႂ်းၸႄႈဝဵင်းတုၼ်းၸၢၼ်ႇ (တွန်းဇံမြို့နယ်) ၼႂ်းမိူင်းၶျၢင်း ပွတ်းႁွင်ႇၼၼ်ႉ သူၼ်ယႃႈၾိၼ်ႇ ၼမ်ၶိုၼ်ႈမႃးၵူႈပီ။ မိူဝ်ႈဢွၼ်တၢင်း ၼိုင်ႈဝၢၼ်ႈလႂ် မီးၵူၼ်းၽုၵ်ႇသွမ်ႈယႃႈၾိၼ်ႇ မွၵ်ႈ 5 ၵေႃႉၵူၺ်း။ ယၢမ်းလဵဝ် ဢွၼ်ၵၼ်ၽုၵ်ႇသွမ်ႈ တင်းဝၢၼ်ႈလႄႈ ႁဵတ်းႁႂ်ႈသူၼ်ယႃႈၾိၼ်ႇၼမ်ၶိုၼ်ႈမႃး...

ၼႂ်းပီ 2024 ၼႆႉ ၵၢၼ်ၽုၵ်ႇသွမ်ႈယႃႈၾိၼ်ႇ တီႈမိူင်းမၢၼ်ႈ ယွမ်းၵႂႃႇ 4 % သေတႃႉ ၼႂ်းလုမ်ႈၾႃႉတိုၵ်ႉသိုပ်ႇပဵၼ် မိူင်းၽုၵ်ႇသွမ်ႈႁဵတ်းဢွၵ်ႇယႃႈၾိၼ်ႇ ၼမ်သုတ်းၼႆ - လုမ်းၸၢတ်ႈၸိုင်ႈလုမ်ႈၾႃႉ ၵဵဝ်ႇလူၺ်ႈ လွင်ႈၽဵဝ်ႈမူၺ်ႉယႃႈမဝ်းၵမ်လႄႈ ရႃႇၸဝၢတ်ႈ UNODC ပိုၼ်ၽၢဝ်ႇဝႆႉ ၼႂ်းဝၼ်းတီႈ 12/12/2024 ၼႆႉ ၼင်ႇၼႆ။ မိူဝ်ႈၼၼ်ႉ မိူင်းဢႅပ်ႊၾ်ၵၢၼ်ႊၼိတ်ႉသ်တၢၼ်ႊ ပဵၼ်မိူင်းၽုၵ်ႇသွမ်ႈႁဵတ်းဢွၵ်ႇယႃႈၾိၼ်ႇ...

ၶၢဝ်ႇ AFP ႁၢႆးငၢၼ်းဝႃႈ တပ်ႉပႂ်ႉၾင်ႇပၢင်ႇလၢႆႇ မိူင်းၵြႃး ဢိၼ်ႊတီႊယႃႊ ပိုၼ်ၽၢဝ်ႇ ဝၼ်းတီႈ 26/11/2024 ဝႃႈ ယိုတ်းလႆႈယႃႈမဝ်းၵမ် ဢၼ်လုၵ်ႉတၢင်း မိူင်းမၢၼ်ႈမႃး ၼမ်ႉၼၵ်း 5.5 တၼ်ႊ တီႈၼႃႈၼမ်ႉပၢင်ႇလၢႆႇ ဢၼ်ႊတမၼ်ႊ ဝႃႈ ၼႆ။ ယႃႈမဝ်းၵမ်ၼၼ်ႉ တၢင်ႇမႃးၸွမ်းႁိူဝ်းတီႉပႃ လမ်းၼိုင်ႈ၊ တပ်ႉပႂ်ႉၾင်ႇပၢင်ႇလၢႆႇ မိူင်းၵြႃး...

ၶၢဝ်းတၢင်း သိုၵ်းမၢၼ်ႈ ယိုတ်းမိူင်းမႃးၼႆႉ ဝၢၼ်ႈမိူင်းၵေႃႈယုင်ႈ ပၢင်တိုၵ်းပဵၼ်ၵူႈတီႈၵူႈတၢင်း။ ယႃႈမဝ်းၵမ် ၵေႃႈလိူင်ႇ သိုဝ်ႉငၢႆႈၶၢႆထုၵ်ႇ သိုဝ်ႉလႆႈၵူႈတီႈ ႁဵတ်းႁႂ်ႈၵူၼ်းတိတ်းၸပ်းယႃႈမဝ်းၵမ် လိူင်ႇၼမ်။ မိူၼ်ၼင်ႇ ပွတ်းတၢင်းတႃႈၶီႈလဵၵ်း မိူင်းသၢတ်ႇ မိူင်းတူၼ် ၸိုင်ႈတႆးပွတ်းဢွၵ်ႇၼႆႉ ၼွၵ်ႈလိူဝ်ယႃႈမႃႉ ယႃႈမဝ်းၵမ်ယဝ်ႉ ဝႂ်ၵထွမ်ႉၼမ်ႉၵထွမ်ႉ (Kratom) လိူင်ႇၽႄႈ၊ ၵူၼ်းၼုမ်ႇသူင် ၵၼ်ၵိၼ် တိတ်းၸပ်းယိၼ်ႉမၼ်းသေ...

တီႈလႅၼ်လိၼ် မၢၼ်ႈ-ၶႄႇ ဝဵင်းမူႇၸေႊ ၸိုင်ႈတႆးပွတ်းႁွင်ႇ ၵူၼ်းတၢႆၶၢင်ႈတၢင်း လိူင်ႇၼမ်မႃး  ၼႂ်းၶၢဝ်းတၢင်းၼိုင်ႈလိူၼ် မီးထိုင် 5 ၵေႃႉ ဝႃႈၼႆ ။ တီႈဝဵင်းမူႇၸေႊၼႆႉ ဝၢႆးလင်သိုၵ်းမၢၼ်ႈယိုတ်းဢႃႇၼႃႇၸိုင်ႈမိူင်းမႃးၼႆႉ ၵၢၼ်တေႃႇလွင်းၵေႃႈလိူင်ႇၼမ် ၵၢၼ်ၵႃႉယႃႈမဝ်းၵမ်ၵေႃႈလိူင်ႇၼမ်။ ၽူႈလၵ်ႉၵူၼ်းၸူမ်ၵေႃႈလိူင်ႇၼမ်။ ၵၢၼ်ၵေႃႇၵၢၼ်ႁၢႆႉ ၽိတ်းမေႃးၶႃႈႁႅမ်ၵၼ်ၵေႃႈမီး၊ ၺႃးၶႃႈႁႅမ်တၢႆလူၺ်ႈဢမ်ႇႁူႉလွင်ႈတၢင်းၵေႃႉၼမ်။  ၽူႈၸၢႆးၵူၼ်းမိူင်းပိုၼ်ႉတီႈလၢတ်ႈၽူႈတွႆႇႁွၵ်ႈဝႃႈ-“  တီႈဝဵင်းမူႇၸေႊၼႆ့ ၵူၼ်းတၢႆဢမ်ႇႁူႉၸိုဝ်ႈ မီးၼမ်မႃး ၵူႈလိူၼ် ၊...