သိုဝ်ႇၶၢဝ်ႇၼႂ်းမိူင်းထႆး ပိုၼ်ၽၢဝ်ႇဢွၵ်ႇမႃးဝႃႈ ၸဝ်ႈၼႃႈတီႈထႆး ၵူတ်ႇထတ်းတီႉၺွပ်းလႆႈ ၵူၼ်းႁဵတ်းၵၢၼ် လွၵ်ႇလႅၼ်ၵိၼ်ငိုၼ်းတင်းဢွၼ်ႊလၢႆႊၵျႃးၽႅၼ်ႉ 17 တီႈဝဵင်းၵဵင်းမႂ်ႇ ၸိုင်ႈထႆး ပဵၼ်ႁႅင်းၵၢၼ်မၢၼ်ႈ 2 ၵေႃႉလႄႈ ၵူၼ်းမိူင်းၶႄႇ 15 ၵေႃႉ။ ဝၼ်းတီႈ 01/07/2025 ပူၼ်ႉမႃးၼႆႉ ၸဝ်ႈၼႃႈတီႈပလိၵ်ႈထႆး လၢႆႁွင်ႈၵၢၼ် ၶဝ်ႈၵူတ်ႇထတ်းႁိူၼ်းလင်ၼိုင်ႈ ၼႂ်းၸႄႈဝဵင်းႁၢင်လူင်း ၸႄႈတွၼ်ႈၵဵင်းမႂ်ႇ တီႉၺွပ်းလႆႈၵူၼ်းႁဵတ်းၵၢၼ် ၵျႃးၽႅၼ်ႉ...

မိူင်းဢၼ်ဢမ်ႇၵတ်းယဵၼ်ၼိမ်တဵင်ႈၼႆႉ ၵူၼ်းမိူင်းဢမ်ႇၸၢင်ႈႁႃသဵၼ်ႈတၢင်းၶိုၼ်ႈယႂ်ႇ။ ၵူၼ်းမိူင်းၵွတ်းၽၢၼ် ငိုၼ်းၶမ်းၵူၺ်းဢမ်ႇၵႃး ၵွတ်းၽၢၼ်ပႃးတၢင်းႁူႉ။ လိုၼ်းလၢႆးဝၢႆးမႃးယဵၼ်းပဵၼ်မိူင်းဢၼ်တူၵ်းတႅမ်ႇသေပိူၼ်ႈ ၼႂ်းလုမ်ႈၾႃႉ။ မိူၼ်ၼင်ႇ မိူင်းတႆး ပႃးၸဵမ်လၢႆမိူင်းၼႂ်းမိူင်းႁူမ်ႈတုမ် ယၢမ်းလဵဝ် ၵူၼ်းမိူင်းသဵၼ်ႈတၢင်းတိူၵ်ႈတၼ်ဝႆႉ။ လဵၵ်ႉယႂ်ႇၼုမ်ႇထဝ်ႈ လႆႈၵူဝ်သိုၵ်းသိူဝ်။ မၢင်ၸိူဝ်းၵေႃႈ ၶမ်ယူႇၼႂ်းၵႄႈယႃႈမဝ်းၵမ်။ ၸိူဝ်းဢၼ် သူင်လဵၼ်ႈၵဵမ်းဢွၼ်ႊလၢႆႊ သလွတ်ႊၵဵမ်း Slots game သေ ၾိင်ႈယၢမ်ႈလူႉၵေႃႈ မီးတင်းၼမ်။ ပၢၼ်ဢၢႆႊထီႊ IT...

ဝၼ်းတီႈ 30/06/2025 ၼႆႉ ၸုမ်းပလိၵ်ႈၵူႈမိူင်းမိူင်း INTERPOL ပိုၼ်ၽၢဝ်ႇဢွၵ်ႇၵႂႃႇဝႃႈ ၵူၼ်းၸိူဝ်းၺႃးၶၢႆတူဝ် ၵႂႃႇႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ ၽႄႈၼမ်တိူဝ်းမႃးႁႅင်း ၼႂ်းလုမ်ႈၾႃႉသေ ၵၢၼ်ပေႉၵိၼ်လူလၢႆ ပေႃႉႁႅမ်ၼိၵ်ႈၸၢၵ်ႈတေႃႇၵၼ်ၸိူဝ်းၼႆႉ ၵိူတ်ႇပဵၼ်မႃး ၼႂ်းၵုၼ်ၶဵဝ်ဢေးသျႃး ၸဵင်ႇၸၢၼ်းဝၼ်းဢွၵ်ႇ ၸႂ်ႉတိုဝ်းပႃးလွၵ်းလၢႆး AI သေ လွၵ်ႇလႅၼ်တေႃႇၵၼ်မႃး။ ၼႂ်းၽိုၼ်ႁၢႆးငၢၼ်းၼၼ်ႉ ပိုၼ်ၽၢဝ်ႇဝႆႉဝႃႈ ၵူၼ်းၸိူဝ်းထုၵ်ႇဢဝ်ၵႂႃႇၶၢႆတူဝ်ပၼ် ၸုမ်းလွၵ်ႇလႅၼ်ၵိၼ် ငိုၼ်းၼိူဝ်ဢွၼ်ႊလၢႆႊၼႆႉ ၸွတ်ႇၽႄႈလုမ်ႈၾႃႉသေ...

ဝၼ်းတီႈ 25/06/2025 ယၢမ်းဝၢႆးဝၼ်း 3 မူင်း ၸုမ်းပျီႇၸိတ်ႉတီႈဝဵင်းမူႇၸေႊ ၸိုင်ႈတႆးပွတ်းႁွင်ႇ ယိုဝ်းၼုမ်ႇၸၢႆးဢႃယု 20 ပၢႆၵေႃႉၼိုင်ႈတၢႆ ၼႂ်းဝၢၼ်ႈပၢင်ႇလူင်မႂ်ႇ  ၊  မၼ်းၸၢႆးဢၢၼ်းလၵ်ႉၶူဝ်းၶွင်ၼႆသေ လမ်းယိုဝ်း ၼႂ်းဝၢၼ်ႈၼႂ်းၶူင်ႇ ၵူၼ်းမိူင်းတူၵ်းၸႂ် ။ မိူဝ်ႈၼုမ်ႇၸၢႆးၵေႃႉၼႆႉ တေဢၢၼ်းလၵ်ႉၶူဝ်းၶွင် ၼၼ်ႉ ၵူၼ်းႁိမ်းႁွမ်းသမ်ႉတၼ်းႁၼ်လႄႈ ၸုမ်းပျီႇတူႉၸိတ်ႉဢၼ်ဢဝ်လွင်ႈႁူမ်ႇလူမ်ႈႁိမ်းၼၼ်ႉ ၸင်ႇလမ်းယိုဝ်း ၼႆ ၵူၼ်းပိုၼ်ႉတီႈလၢတ်ႈ။ ၵူၼ်းမူႇၸေႊၵေႃႉၼိုင်ႈ...

တႄႇႁူဝ်ပီ 2025 မႃးၼႆႉ ၼႂ်းၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီး ၵူၼ်းၸၢဝ်းၶႄႇ မႃးတင်ႈပဵၼ်ၸုမ်းၵျႃးၽႅၼ်ႉသေ ႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ၊ ပိုတ်ႇႁူင်းလဵၼ်ႈၵဵမ်း၊ ပၢင်တေႃႇလွင်းၼိူဝ်ဢွၼ်ႊလၢႆႊၸိူဝ်းၼႆႉ ၼမ်ႁႅင်းမႃးလိူဝ်ၵဝ်ႇသေ မီးၸုမ်းယိပ်းၵွင်ႈၵၢင်ႇၶဝ် ပႂ်ႉဢဝ်ႁူမ်ႇလူမ်ႈပၼ်ပႃး ဝႃႈၼႆ။   ၼႂ်းပိုၼ်ႉတီႈၸွမ်းသၢႆၼမ်ႉတဵင်း ၸိူဝ်းထႅဝ်ၸႄႈဝဵင်းလၢႆးၶႃႈ၊ ၸႄႈဝဵင်းမိူင်းၵိုင်လႄႈ ၸႄႈဝဵင်းၵေးသီးၼႆႉ မီးၸုမ်းသိုၵ်းတႆးလႄႈ ၸုမ်းပျီႇတူႉၸိတ်ႉ ဢၼ်ယူႇတႂ်ႈဢႃႇၼႃႇသိုၵ်းမၢၼ်ႈၶဝ် တူင်ႉၼိုင်ၵႂႃႇမႃးဝႆႉၼႆ ၵူၼ်းမိူင်းၼႂ်းပိုၼ်ႉတီႈ...

ၼႂ်းၵၢၼ်လိူၼ်ၵျုၼ်ႊ ပီ 2025 ၼႆႉ ၵူၼ်းၸၢဝ်းၶႄႇ ၸိူဝ်းႁဵတ်းၵၢၼ်ၵျႃးၽႅၼ်ႉ လွၵ်ႇလႅၼ်ၵိၼ်ငိုၼ်းၼိူဝ် ဢွၼ်ႊလၢႆႊလႄႈ ႁဵတ်းၵၢၼ်ၼႂ်းႁူင်းပၢင်တေႃႇလွင်း ၼႂ်းၸႄႈဝဵင်းမူႇၸေႊ ၺႃးၸုမ်းယိပ်းၵွင်ႈလမ်းၺွပ်းသေ ယိုဝ်းတၢႆၸွမ်းၵၢင်တၢင်း ၼႂ်းၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ ၼႂ်းၸႄႈဝဵင်းမူႇၸေႊၼႆႉ မီးဢွင်ႈတီႈႁဵတ်းၵၢၼ်ၵျႃးၽႅၼ်ႉ လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆး၊ ႁူင်းပၢင်တေႃႇလွင်း၊ ႁူင်းပျေႃႇမူၼ်ႈ ဢၼ်ၸႂ်ႉတိုဝ်းလႆႈပႃးယႃႈမဝ်းၵမ် ၸိူဝ်းၼႆႉ ၼမ်လိူင်ႇႁႅင်းမႃးလိူဝ်ၵဝ်ႇလႄႈ ၵူၼ်းမိူင်းၼႂ်းပိုၼ်ႉတီႈ ဝဵင်းမူႇၸေႊ ၵူၼ်းၸၢႆးဢႃယု...

တီႈဝဵင်းတႃႈၶီႈလဵၵ်း လႅၼ်လိၼ်တႆး - ထႆးၼႆႉ ၸဝ်ႈၵၢၼ်ပၢႆးမၢၵ်ႇမီးယႂ်ႇ ႁၢၼ်ႉၶၢႆၶမ်း ၵျီးမႅတ်ႉတေႃးသူၺ်ႇမိၼ်း မိတ်ႊသတိူဝ်ႊ ဢႃးၶျၢင်ႇၼႆႉ ပဵၼ်ၵူၼ်းၵႃႉယႃႈမိုဝ်းယႂ်ႇလႄႈ ၸုမ်းၾၢႆႇၽဵဝ်ႈမူၺ်ႉယႃႈ မဝ်းၵမ်မိူင်းထႆး ပိုၼ်ၽၢဝ်ႇတီႉၺွပ်းဝႆႉ။ ၼႂ်းဝၼ်းတီႈ 18/06/2025 ၼႆႉ ၸုမ်းၾၢႆႇၽဵဝ်ႈမူၺ်ႉယႃႈမဝ်းၵမ် မိူင်းထႆး Office of the Narcotics Board – ONCB...

ၼႂ်းလိူၼ်ၵျုၼ်ႊၼႆႉ ၼႂ်းဝဵင်းၼမ်ႉၶမ်း ဢၼ်ၸုမ်းသိုၵ်းၸိူဝ်ႉၸၢတ်ႈတဢၢင်း TNLA ၵုမ်းၵမ်ဝႆႉ ဝၢႆးၽႅၼ်ယၼ်ႇသိုၵ်း 1027 မႃးၼႆႉ ယၢမ်းလဵဝ် တႄႇမီးၽူႈလၵ်ႉၸၵ်ႉၶုတ်ႈ ၼမ်လိူင်ႇမႃးၶိုၼ်းသေ ၵူၼ်းမိူင်းၼႂ်းပိုၼ်ႉတီႈ ႁဵတ်းၵၢၼ်ႁႃၵိၼ်လဵင်ႉတွင်ႉယၢပ်ႇၵိၼ်းမႃး ၵူႈမိုဝ်ႉၵူႈဝၼ်းယဝ်ႉ ဝႃႈၼႆ။ ဝၼ်းတီႈ 18/06/2025 ယၢမ်းဝၢႆးဝၼ်း 3 မူင်းပၢႆၼႆႉ ၼုမ်ႇၸၢႆး ဢႃယုမွၵ်ႈ 20 ပီ ၵူၼ်းမၢၼ်ႈဢွႆႈ...

ၼႂ်းၵၢင်လိူၼ်ၵျုၼ်ႊၼႆႉ သိုၵ်းမၢၼ်ႈလႄႈ ပလိၵ်ႈၸိူဝ်းယူႇတႂ်ႈဢႃႇၼႃႇ သိုၵ်းမၢၼ်ႈၵုမ်းၵမ် ႁူမ်ႈၵၼ် ၶဝ်ႈသွၵ်ႈတီႉၺွပ်းဢဝ် ၵူၼ်းႁဵတ်းၵၢၼ်လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ (ၵျႃးၽႅၼ်ႉ) ၼႂ်းပွၵ်ႉၵွင်းမူးတူင်ႈလႄႈ ပွၵ်ႉႁူဝ်ၼႃး တီႈဝဵင်းမူႇၸေႊ ၸိုင်ႈတႆးပွတ်းႁွင်ႇ။ မိူဝ်ႈဝၼ်းတီႈ 17/06/2025 ၼႆႉ ၵူၼ်းႁဵတ်းၵၢၼ်ၵျႃးၽႅၼ်ႉ ၸိူဝ်းၺႃးသိုၵ်းမၢၼ်ႈတီႉၺွပ်းၵႂႃႇၼၼ်ႉ ပဵၼ်ၵူၼ်းမိူင်းၶႄႇ 80 ၵေႃႉပၢႆလႄႈ ၵူၼ်းမိူင်းမၢၼ်ႈ 20 ၵေႃႉပၢႆၼႆ ၵူၼ်းၼႂ်းပိုၼ်ႉတီႈ ဝဵင်းမူႇၸေႊၵေႃႉၼိုင်ႈ...

ၵူၼ်းၵေႃႉဢၼ်ၺႃးတူတ်ႈတၢမ်ႇယူႇၼႂ်းၶွၵ်ႈ တင်းၸူဝ်ႈပၢၼ်ဝႆႉ ၼႂ်းၼႃႈတီႈသိုၵ်းဝႃႉ UWSA ၵုမ်းၵမ်ၼၼ်ႉ လၵ်ႉယႃႉၶွၵ်ႈသေ ဢၢၼ်းလႅၼ်ႈပၢႆႈလႄႈ ၶွမ်ႊမတီႊ ၾၢႆႇလုမ်းတြႃး (ၾၢႆႇတတ်းသိၼ်ၾိင်ႈမိူင်း) သိုၵ်းဝႃႉ UWSA ၸင်ႇဢွၵ်ႇၶေႃႈၸီႉသင်ႇ ပၼ်တၢမ်ႇတၢႆၵႂႃႇၵမ်းသိုဝ်ႈ ဝႃႈၼႆ။ ၵူၼ်းၵေႃႉၺႃး ပၼ်တၢမ်ႇတၢႆၼႆႉ ပဵၼ်ၵူၼ်းမိူင်းၶႄႇ ၸိုဝ်ႈႁွင်ႉ ဝႂၢင်ႊ (Wang) ၺႃးသိုၵ်းဝႃႉ ဢဝ်တၢင်းၽိတ်း လူၺ်ႈလိူင်ႈၵၼ်ႉၸၼ်ၼၢင်းယိင်း၊ ယႃႈမဝ်းၵမ်လႄႈ...

ၼုမ်ႇၸၢႆးမိူင်းမၢၼ်ႈၵေႃႉၼိုင်ႈ ၶိုင်ဢၢၼ်းၵၼ်ႉၸၼ်လူလၢႆ ၼၢင်းယိင်း ၵေႃႉၼိုင်ႈ ဢၼ်ၵႂႃႇမႃးတီႈၼိူဝ်သဵၼ်ႈတၢင်း ၼႂ်းဝဵင်းႁီႇရူဝ်ႇသျီးမႃး၊ မိူင်းၵျပၼ်ႊ၊ ၺႃးပလိၵ်ႈတီႉၺွပ်းဝႆႉ ဝႃႈၼႆ။ ၼုမ်ႇၸၢႆး ၵူၼ်းမိူင်းမၢၼ်ႈၼၼ်ႉ ဢႃယု မီး 23 ပီ၊ ယိပ်းဝႆႉဝီႊသႃႊ(Visa) ၾိုၵ်းၵၢၼ်သေ ယူႇသဝ်းဝႆႉ ၼႂ်းမိူင်းၵျပၼ်ႊ။ ၸဝ်ႈၼႃႈတီႈပလိၵ်ႈၶဝ် လၢတ်ႈဝႃႈ - မိူဝ်ႈဝၼ်းတီႈ 2 လိူၼ်မေႊ ၶၢဝ်းယၢမ်းၵၢင်ၶမ်ႈ...

မိူဝ်ႈဝၼ်းတီႈ 10/06/2025 ၼႆႉ တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA တီႉၺွပ်းဢဝ် ၵူၼ်းႁဵတ်း ၵၢၼ်ၵျႃးၽႅၼ်ႉ လွၵ်ႇလႅၼ်ၵိၼ်ငိုၼ်းၼိူဝ်ဢွၼ်ႊလၢႆႊ ၼႂ်းၸႄႈဝဵင်းၼမ်ႉၶမ်း၊ ၼမ်ႉတူႈလႄႈ ၵူတ်ႉၶၢႆ ၸိူဝ်းၼႆႉ သူင်ႇမွပ်ႈပၼ်ၶိုၼ်း ၼႂ်းမိုဝ်းပလိၵ်ႈမိူင်းၶႄႇ တႃႇ 12 ၵေႃႉ ဝႃႈၼႆ။ ၾၢႆႇႁွင်ႈၵၢၼ်ပိုၼ်ၽၢဝ်ႇ သိုၵ်းတဢၢင်းၶဝ် ပိုၼ်ၽၢဝ်ႇ ပဵၼ်တၢင်းၵၢၼ်ဝႆႉဝႃႈ - ၵူၼ်းၸိူဝ်းၺႃးသိုၵ်းတ...

ပလိၵ်ႈမၢၼ်ႈ ၵေႃႉၼိုင်ႈ တီႈႁူင်းပလိၵ်ႈၵျၢႆႉထူဝ်ႇ မိူင်းမွၼ်း လၼ်ႇၵွင်ႈယိုဝ်း ၶႃႈတူဝ်တၢႆၵႂႃႇ တီႈႁွင်ႈယူႇသဝ်းမၼ်းၸၢႆး ၼႂ်းဝၼ်းတီႈ 08/06/2025 ၼႆႉ။ ဝၼ်းၼၼ်ႉ ယၢမ်းၵၢင်ၼႂ် ၽွင်းမၼ်းၸၢႆး မီးယူႇတီႈႁွင်ႈထႅဝ်ၵေႃႉလဵဝ် ၼႂ်းဝၢင်းလုမ်းပလိၵ်ႈ ၼၼ်ႉသေ ၶႃႈတူဝ်တၢႆၵႂႃႇ။ ပူၼ်ႉမႃးပႆႇပေႃးႁိုင်ၼၼ်ႉ မၼ်းၸၢႆး တီႉၺွပ်းၵူၼ်းႁိူၼ်း ဢၼ်ၸမ်ၸႂ်ၵၼ်တင်း တပ်ႉသိုၵ်းသေ ယွၼ်းငိုၼ်း 400 သႅၼ်၊...

တီႈဝဵင်း Los Angeles မိူင်းဢမေႊရိၵၼ်ႊပွတ်းတူၵ်းၼၼ်ႉ ၸဝ်ႈၼႃႈတီႈၶဝ် ၵူတ်ႇထတ်းတီႉၺွပ်း ၵူၼ်းၸိူဝ်းယူႇသဝ်းဢမ်ႇပဵၼ်တၢင်းၵၢၼ် ႁၢဝ်ႈႁႅင်း ထိုင်တီႈၵူၼ်းဢွၵ်ႇၼႄၵၢင်ၸႂ်သေ မီးပတိၵ်ႈၶၢတ်ႈၵၼ်တင်း ၽူႈမီးပုၼ်ႈၽွၼ်း ၾၢႆႇၵုမ်းၵမ် ၵူၼ်းၶဝ်ႈဢွၵ်ႇမိူင်းၶဝ် ၼႆယဝ်ႉ။ ၽူႈမီးပုၼ်ႈၽွၼ်းၾၢႆႇၵုမ်းၵမ် ၵူၼ်းၶဝ်ႈဢွၵ်ႇမိူင်းလႄႈ ႁွင်ႈၵၢၼ် ၾၢႆႇၵဵပ်းၶွၼ်ႇ (ICE)  မိူင်းဢမေႊရိၵၼ်ႊ လူင်းၵူတ်ႇထတ်းတီႉၺွပ်း ၼႂ်းဝဵင်းလႄႈ တီႈၵဵပ်းၶူဝ်း ဢွင်ႈတီႈ ၵူၼ်း...

လႅၼ်လိၼ်တႆး - ထႆး တီႈဝဵင်းတႃႈၶီႈလဵၵ်းၼႆႉ လွင်ႈၽူႈလၵ်ႉၸၵ်ႉၶုတ်ႈ ၶႃႈႁႅမ်ၵၼ် လိူင်ႇၼမ်မႃးၶိုၼ်း ၵူႈဝၼ်းလႄႈ ၸွမ်းသဵၼ်ႈတႃႈသၢႆတၢင်း ၾၢႆႇၼွၵ်ႈဝဵင်းၸိူဝ်းၼႆႉၵေႃႈ ၵႆႉမီးလွင်ႈပိုတ်းယိုဝ်းၶႃႈႁႅမ်ၵၼ် ၼႆယဝ်ႉ။ ဝၼ်းတီႈ 06/06/2025 ပူၼ်ႉမႃးၼႆႉ ၼႂ်းၵႄႈဝၢၼ်ႈႁူၺ်ႈလူႉ(ဟွေလု) လႄႈ ဝၢၼ်ႈၽၵ်းႁီႉ တီႈၵူၼ်းၵႂႃႇ မႃးႁၢင်ႇတီႈၼိုင်ႈ ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၼႆႉ ထူပ်းႁၼ်တူဝ်တၢႆ ၼၢင်းယိင်း ၵေႃႉ...