တူဝ်တႅၼ်းတႆးၵဵင်းမႆႇလႄႈမႄႈႁွင်ႈသွၼ်ၶဝ်ႈႁူမ်ႈပၢင်ယုၵ်ႉမုၼ်းလွင်ႈၽဵင်ႇပဵင်းၸၢႆးယိင်း တီႈၵဵင်းမႆႇ ၸိုင်ႈထႆး။ ဝၼ်းတီႈ 09 – 11/01/2018 လူင်ပွင်ၸိုင်ႈမိူင်းထႆး ႁွင်ႈၵၢၼ်ၾၢႆႇပူၵ်းပွင်တူင်ႇ ဝူင်းၵူၼ်းလႄႈ လွင်ႈႁူမ်ႇလူမ်ႈ ဢွၼ်ႁူဝ်ၸတ်းႁဵတ်း ပၢင်ဢုပ်ႇၵုမ်လွင်ႈပၵ်းပိူင် လွင်ႈတူၺ်းလွမ်သုၼ်ႇလႆႈလွင်ႈ ၽဵင်ႇပဵင်းၸၢႆး - ယိင်း ၸတ်းႁဵတ်းတီႈ ႁူင်းႁႅမ်းၵဵင်းမႆႇဢေႃႊၶိတ်ႉ ၵဵင်းမႆႇ ၸိုင်ႈထႆး။ ၼႂ်းပၢင်ၼႆႉမီးၸဝ်ႈၼႃႈတီႈလူင်ပွင်ၸိုင်ႈ ၊ ၸုမ်းNGOလႄႈတူဝ်တႅၼ်းၸၢဝ်းၶိူဝ်း 9 ၶိူဝ်းႁူမ်ႈၽူႈ...

ၽူႈၸၢႆးၵေႃႉၼိုင်ႈ ဢႃယု 40 ပၢႆ ၽႅၼ်ၶေႃးတၢႆ တီႈႁိူၼ်းမၼ်းၸၢႆး ၼႂ်းဝၢၼ်ႈမၢၵ်ႇယၢင်း ၸႄႈဝဵင်းတႃႈၶီႈလဵၵ်း ဝႃႈၼႆ။ ဝၼ်းတီႈ 10/01/2018 ယၢမ်းၵၢင်ၼႂ် မွၵ်ႈ 9 မူင်း ပလိၵ်ႈၸႄႈဝဵင်းတႃႈၶီႈလဵၵ်း လႆႈႁပ်ႉငိၼ်းၶၢဝ်ႇသေ ၵႂႃႇၵူတ်ႇ ထတ်း ႁၼ်ၽူႈၸၢႆးၵေႃႉၼိုင်ႈ ၸိုဝ်ႈႁွင်ႉဝႃႈ မွင်ႇၼၢႆႇ ဢႃယု 40 ပၢႆ...

ၸုမ်းၵူၼ်းၼုမ်ႇတႆး TYO ၸတ်းႁဵတ်းပၢင်ၾိုၵ်းၽွၼ်ႉ ၽူႈဢွၼ်ႁူဝ် တီႈလႃႈသဵဝ်ႈ ပဵၼ်ပွၵ်ႈၵမ်းႁႅၵ်ႈ မီးၽူႈၶဝ်ႈ ႁူမ်ႈလဵပ်ႈ ႁိမ်း 30 ။ ဝၼ်းတီႈ 07-09/01/2018 ယၢမ်းၵၢင်ၼႂ် 9 မူင်း ထိုင် 4 မူင်း ဝၢႆးဝၼ်း ၸုမ်းၵူၼ်းၼုမ်ႇတႆး TYO ဢွၼ်ႁူဝ်ၼမ်း ၼႃႈသေ ၸတ်းႁဵတ်းပၢင်ၾိုၵ်းၽွၼ်ႉ...

ၵေႃႁူမ်ႈသၢင်ႈၵူၼ်းၼုမ်ႇတႆး TYN ဝဵင်းလွၵ်ႉၸွၵ်ႇ ၸတ်းႁဵတ်းပၢင်ဢုပ်ႇၵုမ်ၵၼ် တႃႇတမ်းဝၢင်း ၽႅၼ်ၵၢၼ်မိူဝ်းၼႃႈ ။ ဝၼ်းတီႈ 09/01/2018 ၵေႃႁူမ်ႈသၢင်ႈၵူၼ်းၼုမ်ႇတႆး TYN ၸတ်းႁဵတ်းပၢင်ဢုပ်ႇၵုမ် တႃႇႁူမ်ႈဝၢင်း ၽႅၼ်ၵၢၼ်မိူဝ်းၼႃႈ တီႈၵျွင်းဝၢၼ်ႈလွႆသႅင် ဢိူင်ႇႁူၺ်း ဝဵင်းလွၵ်ႉၸွၵ်ႇ ၸႄႈတွၼ်ႈ တူၼ်ႈတီး ၸိုင်ႈတႆးပွတ်းၸၢၼ်း ၽူႈၶဝ်ႈႁူမ်ႈပၢင်ၵုမ်မီး 70 ပၢႆ။ ၼႂ်းပၢင်ၼႆႉ ဢုပ်ႇဢူဝ်းတူၵ်းလူင်းလႆႈၸႂ်ၵၼ်ဝႃႈ -1....

သင်ၶၸဝ်ႈဝဵင်းၵျွၵ်ႉမႄး တေၸတ်းပၢင်ယွင်ႈၵုင်ႇသင်ၶၸဝ်ႈ ၸိူဝ်းႁဵၼ်းလိၵ်ႈ ယဝ်ႉၸၼ်ႉ သုင်ၼႂ်းမိူင်းလႄႈၼွၵ်ႈမိူင်း။ ပေႃးထိုင်မႃးဝၼ်းတီႈ 01-05/02/2018 သင်ၶၸဝ်ႈ တိူၵ်ႈသွၼ်လိၵ်ႈပရိယတ်ႉတိသတ်ႉထမ်ႇ မပႃႇလ တေႁူမ်ႈၵၼ်ၸတ်းႁဵတ်းပၢင်ယွင်ႈၵုင်ႇၸဝ်ႈဢွင်ႇၸၼ်ႉလိၵ်ႈ ၼႂ်းမိူင်းလႄႈၼွၵ်ႈမိူင်း တီႈ ၵျွင်းလူင်ပုင်ႇဝူဝ်း ထုင်ႉပုင်ႇဝူဝ်း ဝဵင်းၵျွၵ်ႉမႄး ၸိုင်ႈတႆးပွတ်းႁွင်ႇ။ ၼႂ်းသင်ၶၸဝ်ႈ 5 ၸဝ်ႈဢၼ်ဢွင်ႇလိၵ်ႈမႃးၼၼ်ႉမီး မိူၼ်ၼင်ႇ ၸဝ်ႈၶူးဝိလႃႇသ (လၢဝ်ၶိူဝ်း) ၵျွင်းပုင်ႇဝူဝ်းလႆႈႁပ်ႉၸုမ်ႈၶူးၸၼ်ႉ (B.A.) မိူင်းထႆး...

ၵူၼ်းမိူင်း ၸႄႈဝဵင်းမိူင်းၵူဝ်း ဢွၼ်ၵၼ်ၵႂႃႇႁႃတႅပ်းၽိုၼ်းၼႆသေ ယဵပ်ႇၺႃးမၢၵ်ႇၾင်လိၼ် ဢၼ်ႁၢင်ႈၵၢင်ဝႆႉၼၼ်ႉ တႅၵ်ႇတိူဝ်ႉသႂ်ႇတူဝ် လႆႈမၢတ်ႇၸဵပ်းႁၢဝ်ႈႁႅင်း 5 ၵေႃႉ တေႃႈလဵဝ် လႆႈသူင်ႇယူတ်းယႃတူဝ်ဝႆႉတီႈ ၼႂ်းမိူင်းၶႄႇ ဝႃႈၼႆ။ ဝၼ်းတီႈ 08/01/2018 ယၢမ်းၵၢင်ဝၼ်း 11 မူင်း ၽူႈၸၢႆးသွင်ၵေႃႉ ၵႂႃႇႁႃတႅပ်းၽိုၼ်း တင်းၼိူဝ်မၢၼ်ႈၸႅတ်ႈ ယၢၼ်ၵႆ ဝဵင်းမိူင်းၵူဝ်း 2 လၵ်း...

ၸုမ်းၵူၼ်းၼုမ်ႇတႆး ၸတ်းႁဵတ်း ပၢင်သွၼ်တၢင်ၵႃႈ ၾိင်ႈငႄႈ ၼူၵ်ႉတူဝ်း တီႈၸႄႈဝဵင်းတႃႈၶီႈလဵၵ်းပွၵ်ႈၵမ်းႁႅၵ်ႈ ၾိုၵ်းၽွၼ်ႉပၼ် ၵူၼ်းၼုမ်ႇတႆး ယိူင်းဢၢၼ်းႁႂ်ႈ ပေႃးသိုပ်ႇတႅၼ်းၵႂႃႇၼႃႈသေ ဢမ်ႇၵႃး ႁၵ်ႉသႃပႂ်ႉပႃးၾိင်ႈငႄႈ မုၼ်းလႅင်းၶိုၼ်ႈယႂ်ႇၵႂႃႇ ဝႃႈၼႆ။ တႄႇဢဝ် ဝၼ်းတီႈ 09/01/2018 ယၢမ်းႁူဝ်ၶမ်ႈ 6:30 မူင်း ထိုင် 8:30 မူင်း သင်ၶၸဝ်ႈ ၽူႈၵွၼ်းဝတ်ႉႁွင်ႈလိုၵ်ႉ၊...

ၵူၼ်းမိူင်း ၼႂ်းဢိူင်ႇမိူင်းၵႅတ်ႈ ၸႄႈဝဵင်းလႃႈသဵဝ်ႈၸိုင်ႈတႆး ပွတ်းႁွင်ႇ ၸတ်းပၢင် လိူၵ်ႈၽူႈၵွၼ်းဢိူင်ႇၵေႃႉမႂ်ႇ၊ ပျီႇတူႉၸိတ်ႉမၢၼ်ႈပၢင်ႇ ႁၢမ်ႈတပ်ႉဢမ်ႇပၼ်ၵူၼ်းမိူင်း လိူၵ်ႈၽူႈၵွၼ်းဢိူင်ႇၵေႃႉမႂ်ႇ ႁႂ်ႈဢဝ်ၽူႈၵွၼ်းဢိူင်ႇၵေႃႉ ၵဝ်ႇသိုပ်ႇပဵၼ် ၽူႈၵွၼ်း ဢိူင်ႇၵႂႃႇထႅင်ႈ ဝႃႈၼႆ။ ဝၼ်းတီႈ 06/01/2018 ၵူၼ်းမိူင်း ၼႂ်းဢိူင်ႇမိူင်းၵႅတ်ႈ ၸတ်းပၢင်လိူၵ်ႈၽူႈၵွၼ်းဢိူင်ႇၵေႃႉမႂ်ႇ။ တႃႇလႅၵ်ႈၽူႈၵွၼ်း ဢိူင်ႇၵေႃႉၵဝ်ႇ ၸွမ်းၼင်ႇလူင်ပွင်ၸိုင်ႈပိုၼ်ၽၢဝ်ႇ။ ယူႇတီႈပျီႇတူႉၸိတ်ႉမၢၼ်ႈပၢင်ႇ ဢမ်ႇပၼ်လိူၵ်ႈၵေႃႉမႂ်ႇ ၶိုၼ်ႈ...

ပီႈၼွင်ႉၵူၼ်းမိူင်းတၢင်ႉယၢၼ်း ဢမ်ႇလႆႈၸႂ် ပၢင်လွင်းဢၼ်ၸတ်းႁဵတ်းတီႈထမ်ႈၵျွၵ်ႉၵူႇ ဝဵင်းတၢင်ႉယၢၼ်း ၸိုင်ႈတႆး ပွတ်းႁွင်ႇ။ ၽူႈတႅၼ်းသၽႃးၵူၼ်းမိူင်း ၸႄႈဝဵင်းတၢင်ႉယၢၼ်းသေ တႅမ်ႈလိၵ်ႈသူင်ႇၸူးၽူႈၵွၼ်းၸႄႈဝဵင်းလႄႈ ၵူႈႁွင်ႈၵၢၼ် ႁႂ်ႈၸွႆႈၵႄႈလိတ်ႈပၼ် ၵၢၼ်တေႃႇလွင်း ဢၼ်ၸတ်းႁဵတ်းၼႂ်းပၢင်ပွႆး တီႈထမ်ႈၵျွၵ်ႉၵူႇ ႁိမ်းတၢင်ႉယၢၼ်း ၼၼ်ႉ ဝႃႈၼႆ။ ဝၼ်းတီႈ 08/01/2018 ၽူႈတႅၼ်းသၽႃးၵူၼ်းမိူင်း ၸၢႆးဢွင်ႇပုၼ်ႉ ၸႄႈဝဵင်းတၢင်ႉယၢၼ်း လႆႈတႅမ်ႈလိၵ်ႈၸူး လုမ်း ၽွင်းငမ်းၵူႈလွင်ႈလွင်ႈ၊...

ၾႆးမႆႈႁိူၼ်း ၼႂ်းၵၢတ်ႇတႃႈလေႃႉ ယွၼ်ႉတႆႈၾႆးတဵၼ်းၽြႃးဝႆႉသေ တႄႇလုၵ်ႉမႆႈၼႂ်းႁွင်ႈၶဵင်ႇၽြႃးမႃး လွင်ႈၵူၼ်း မၢတ်ႇၸဵပ်းလူႉတၢႆတႄႉ ဢမ်ႇမီး လူႉသုမ်းၼပ်ႉႁူဝ်လၢၼ်ႉ။ ဝၼ်းတီႈ 06/01/2018 ယၢမ်းၵၢင်ၼႂ် 10 မူင်း ၾႆးမႆႈႁိူၼ်း ၼၢင်းသူၺ်ႇၵျႃႇ ယူႇၼႂ်းၵၢတ်ႇတႃႈလေႃႉ ပွၵ်ႉတႃႈလေႃႉ ၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ယွၼ်ႉတႆႈၾႆးတဵၼ်းၽြႃးဝႆႉသေ တႄႇလုၵ်ႉမႆႈၼႂ်းႁွင်ႈၽြႃးမႃး ၵူၺ်းၵႃႈ ၵူၼ်းယူႇၸမ်ႁိမ်းႁွမ်းလႄႈ ၸဝ်ႈၼႃႈတီႈၾၢႆႇၶႄၾႆးတၼ်းၸွႆႈၶိုတ်းၶၢဝ်းယၢမ်းလႄႈ ဢမ်ႇတၼ်းမႆႈတင်းမူတ်း...

ၸဝ်ႈၼႃႈတီႈ ၼႂ်းပိုၼ်ႉတီႈလႅၼ်လိၼ် သၢမ်ၸိုင်ႈမိူင်း ထႆး- လၢဝ်း - မၢၼ်ႈ ႁူပ်ႉဢုပ်ႇၵုမ်ၵၼ် တီႈဝဵင်းၵဵင်းသႅၼ် ထုင်ႉသၢမ်ၸဵင်ႇၶမ်း ႁႃးတၢင်း ႁူမ်ႈမိုဝ်းၵၼ်တႃႇၵႄႈလိတ်ႈပၼ်ႁႃၾႆးမႆႈပႃႇ။ ဝၼ်းတီႈ 07/01/2018 တပ်ႉသိုၵ်းၸိုင်ႈထႆး၊ မၢၼ်ႈလႄႈ လၢဝ်းႁူမ်ႈၵၼ်ၸတ်းပၢင်ၾိုၵ်း သွၼ်တႃႇ ႁူမ်ႈၵၼ်ႁႄႉၵင်ႈၽေးၾႆးမႆႈပႃႇ 3 ၽႅၼ်ႇလိၼ် Golden Triangle Fire Volunteer...

ၶွမ်ႊမတီႊလႅၼ်လိၼ်ထႆး – မၢၼ်ႈႁူပ်ႉထူပ်းဢုပ်ႇဢူဝ်းၵၼ် တႃႇႁူမ်ႈၵၼ်ၵႄႈလိတ်ႈပၼ်ႁႃ ၼမ်ႉၽွင်းၶၢဝ်းမႆႈ။ ဝၼ်းတီႈ 06/01/2018 ၶွမ်ႊမတီႊလႅၼ်လိၼ်ထႆး – မၢၼ်ႈ ႁူပ်ႉဢုပ်ႇၵၼ်ၵဵဝ်ႇလူၺ်ႈလွင်ႈလႅၼ် လိၼ်လႄႈ တႃႇႁူမ်ႈမိုဝ်းၵၼ်ၵႄႈလိတ်ႈပၼ်ႁႃ မီးၽူႈယႂ်ႇၵူၼ်းလူင်တင်းသွင်ၾၢႆႇလႄႈ ၸဝ်ႈၼႃႈ တီႈၾၢႆႇၵဵဝ်ႇၶွင်ႈၶဝ်ႈႁူမ်ႈမွၵ်ႈ 30 ၵေႃႉ ။ ၸတ်းႁဵတ်း တီႈႁူင်းႁႅမ်းမႄႈၶူင်ၻဵတ်ႉတႃႉ ၿူႊတိၵ်ႊ ၸႄႈဝဵင်းမႄႈသၢႆ ၸႄႈတွၼ်ႈၵဵင်းႁၢႆး ၸိုင်းထႆး။ သိုဝ်ႇၶၢဝ်ႇမႄႈသၢႆ...

ၵူၼ်းယူႇၼႂ်းၸေႊလၢၼ်ႉၵေႃႉၼိုင်ႈ ထုၵ်ႇၸုမ်းယိပ်းၵွင်ႈၵၢင်ႇၸုမ်းၼိုင်ႈ မႃးတီႉဢဝ်တီႈႁိူၼ်းၵႂႃႇ၊ တေႃႇထိုင်ယၢမ်းလဵဝ် ပႆႇပွႆႇပၼ်ၶိုၼ်း။ လုၵ်ႈလၢင်းမေးၼၢင်းတၢင်းႁိူၼ်း တိုၵ်ႉထၢမ်ႁႃၶၢဝ်ႇ လႄႈ မုင်ႈမွင်းပႂ်ႉပွၵ်ႈၶိုၼ်းႁိူၼ်း။ ပူၼ်ႉမႃးမိူဝ်ႈၽွင်းႁူဝ်လိူၼ်ၵျႅၼ်ႊၼိဝ်ႊရီႊ 2018 ၶၢဝ်းယၢမ်းၵၢင်ၶမ်ႈ၊ တီႈဝဵင်းၸေႈလၢၼ်ႉ ၸႄႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇၼၼ်ႉ မီးၸုမ်းယိပ်းၵွင်ႈၵၢင်ႇၸုမ်းၼိုင်ႈ မႃးတီႉၺွပ်းၵႂႃႇၵူၼ်းၸၢႆးၵေႃႉၼိုင်ႈ ဢႃယုမွၵ်ႈ 45 ပီ၊ တီႈႁိူၼ်းမၼ်းၸၢႆး ဝဵင်းၸေႈလၢၼ်ႉ၊ ႁၢၼ်ႉတေႃႇထိုင်မိူဝ်ႈလဵဝ် ယင်းပႆႇပွႆႇပၼ်ပွၵ်ႈၶိုၼ်းႁိူၼ်း-ၼႆယဝ်ႉ။ မေးၼၢင်းမၼ်းၸၢႆး ၵေႃႉထုၵ်ႇတီႉၺွပ်းၵႂႃႇၼႆႉ...

ၸဝ်ႈၶူးဝႃးဝုၼ်းၸုမ်ႉ ဢႃယု ၶွပ်ႈတဵမ် 55 ပီ ၸတ်းႁဵတ်းဝၼ်းၵိူတ်ႇ တီႈဝတ်ႉၽရႃႉထၢတ်ႈသီႊတွၼ်ႊရိူင်း (သီရိတွၼ်းႁိူင်း) ၸႄႈဝဵင်းတႃႈၶီႈ လဵၵ်း မီးသင်ၶၸဝ်ႈလႄႈ တၵ်ႉၵႃႇသတ်ႉထႃး ၼွၵ်ႈမိူင်း/ၼႂ်းမိူင်း ၶဝ်ႈႁူမ်ႈ ယေႃးမုၼ်တင်းၼမ်လၢႆ။ ဝၼ်းတီႈ 01-05/01/2018 သင်ၶၸဝ်ႈလုၵ်ႈၼွင်ႉပွင်ႈပၢႆလႄႈ ပီႈၼွင်ႉတၵ်ႉၵႃႇသတ်ႉထႃး တီႈၸမ်တီႈၵႆ ႁူမ်ႈၵၼ်ၸတ်းႁဵတ်း ပွႆးဝၼ်းၵိူတ်ႇ ၸဝ်ႈၶူးဝႃးဝုၼ်းၸုမ်ႉ ၶွပ်ႈတဵမ် 55...

ပၢင်ၶဝ်ႈဝၢတ်ႈတိုဝ်းၵမ် သင်ၶၸဝ်ႈ ၸိုင်ႈတႆးပွတ်းဢွၵ်ႇၶူင်း တႃႇၶၢဝ်းတၢင်း 10 တီႈဝတ်ႉထမ်မသဝၼ (ၵျွင်း ဝၢၼ်ႈပၢင်ႇ) ၸႄႈဝဵင်းၵဵင်းတုင်ၼၼ်ႉ ၸတ်းႁဵတ်းယဝ်ႉတူဝ်ႈလီငၢမ်း။ ဝၼ်းတီႈ 01/01/2018 ပဵၼ်ဝၼ်းလိုၼ်းသုတ်း သင်ၶၸဝ်ႈ ၸိုင်ႈတႆးပွတ်းဢွၵ်ႇၶူင်း ႁိမ်း 200 တူၼ် ဢွၼ်ၵၼ် ဢွၵ်ႇဝၢတ်ႈ တီႈဝတ်ႉထမ်မသဝၼ ဢိူင်ႇယၢင်းၵဵင် ၸႄႈဝဵင်းၵဵင်းတုင် ၸိုင်ႈတႆးပွတ်းဢွၵ်ႇ။ ပွၵ်ႈၵမ်း...