Friday, March 29, 2024

ပႃႇတီႇႁူဝ်သိူဝ်ဝဵင်းၼမ်ႉၶမ်း ၸတ်းပၢင်ၾိုၵ်းလပ်ႉၼမ်ႉၵတ်ႉၵူၼ်းၼုမ်ႇ

Must read

ပႃႇတီႇႁူဝ်သိူဝ် SNLD ဝဵင်းၼမ်ႉၶမ်း ၸတ်းႁဵတ်းပၢင်ၾိုၵ်းလပ်ႉၼမ်ႉၵတ်ႉၵူၼ်းၼုမ်ႇတႃႇႁႂ်ႈပဵၼ် ၽူႈဢွၼ်ႁူဝ်မိူဝ်းၼႃႈ။

ဝၼ်းတီႈ 23 – 28 /01/2018 ပႃႇတီႇႁူဝ်သိူဝ် SNLD ဝဵင်းၼမ်ႉၶမ်း ၸတ်းႁဵတ်းပၢင်ၾိုၵ်းလပ်ႉၼမ်ႉ ၵတ်ႉၵူၼ်းၼုမ်ႇ တီႈႁွင်ႈႁဵၼ်း ဝိၼ်းပႃရမီ ပွၵ်ႉလူင် ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ မီးၵူၼ်းၼုမ်ႇၶိုၼ်ႈႁဵၼ်းဢဝ် 30 ပၢႆ။

- Subscription -

ၼႂ်းပၢင်ၼႆႉပူင်သွၼ်ပၼ် လွင်ႈတူင်ႇဝူင်းၵူၼ်း၊ လွင်ႈၸတ်းပွင်ပၢႆးမၢၵ်ႈမီး လွင်ႈပၼ်ႁႃတူင်ႇ ဝူင်းၵူၼ်း၊ လွင်ႈၵၢၼ်မိူင်းၾႅတ်ႇတရႄႊၻီႇမူဝ်ႇၶရေႇၸီႇ ၸိူဝ်းၼႆႉ ၽူႈပူင်သွၼ်ပဵၼ်ၶူး ၼၢင်းၵေသီ ၸုမ်း EPRP လႄႈ ၸၢႆးသၢမ်ၾူၼ်သႅင် ၵူၼ်းၼႂ်းၸုမ်းပႃႇတီႇႁူဝ်သိူဝ် SNLD။

ၸၢႆးၼွင်ႉ ၵႅမ်ၽူႈၼမ်းၼႂ်းမၢႆ1 ပႃႇတီႇႁူဝ်သိူဝ် SNLD ၼမ်ႉၶမ်း လၢတ်ႈဝႃႈ – “ ယိူင်းဢၢၼ်းဢၼ် ၸတ်းႁဵတ်းၼႆႉ ႁႂ်ႈၵူၼ်းၼုမ်ႇပဵၼ်ၽူႈဢွၼ်ႁူဝ်လီမိူဝ်းၼႃႈ ႁႂ်ႈမေႃသိုပ်ႇႁဵၼ်းဢဝ် တႃႇပူင်သွၼ် ပိုၼ်ၽႄႈ ၼႂ်းပိုၼ်ႉတီႈၽႂ်မၼ်းၵႂႃႇလႄႈ ႁႂ်ႈၵိူတ်ႇဢွၵ်ႇၸုမ်းၵူၼ်းၼုမ်ႇသႅၼ်းႁုၼ်ႈမႂ်ႇမႃးၼမ်ၼမ် ” ဝႃႈၼႆ။

မိူဝ်ႈဝၼ်းတီႈ 27/01/2018 ၼၼ်ႉၵေႃႈ ၵေႃလိၵ်ႈလၢႆးလႄႈၾိင်ႈငႄႈတႆး ဝဵင်းၼမ်ႉၶမ်း ၸတ်းပၢင် ယုၵ်ႉယွင်ႈၶူး၊ ၸဝ်ႈတႃၼၽူႈၵမ်ႉထႅမ်ၵူႈလွင်ႈလွင်ႈလႄႈ လုၵ်ႈႁဵၼ်းၵတ်ႉၶႅၼ်ႇ 285 ၵေႃႉ တီႈႁူင်းတႅၼ်ႊမၢဝ်းၶမ်း ပွၵ်ႉတႅၼ်ႊမႃႉ ဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း