ၾႆးမႆႈပၢမ်ႉၼမ်ႉမၼ်း တီႈၼိုင်ႈ ၼႂ်းၸႄႈဝဵင်းမူႇၸေႊ မီးလွင်ႈလူႉသုမ်းတင်းၼမ်  ၵူၼ်းမၢတ်ႇၸဵပ်း လူႉတၢႆတႄႉဢမ်ႇ မီး။ ဝၼ်းတီႈ 1/3/2020 ယၢမ်းၵၢင်ၼႂ် မွၵ်ႈ 10 မူင်း ၾႆးမႆႈပမ်ႉၼမ်ႉမၼ်း တီႈၼိုင်ႈ ၸိုဝ်ႈႁွင်ႉ ၶႂႃၸိင်ႉ ဢၼ်ပိုတ်ႇဝႆႉ ၼႂ်းၵႄႈပၢင်ႇသၢႆး - မူႇၸေႊ တၢင်းၵႂႃႇ ၽၵ်းတူလိၼ်လႅၼ် သၢမ်ၸဵင်ႇၶမ်း(ၵျိၼ်းၸၢင်းၵျေႃႉ) ၼႂ်းၸႄႈဝဵင်းမူႇၸေႊ...

သိုၵ်းလူင်ပွင်ၸိုင်ႈမၢၼ်ႈ ၸီႉသင်ႇ ၸုမ်းပီႇတူႉၸိတ်ႉ ဢၼ်တူင်ႉၼိုင်ယူႇၼႂ်းဝဵင်းမူႇၸေႊၼၼ်ႉ ႁႂ်ႈပွၵ်ႈၶိုၼ်း တီႈယူႇၽႂ် မၼ်း ဢၼ်တမ်းဝၢင်းဝႆႉပၼ်။ မိူဝ်ႈဝၼ်းတီႈ 26/2/2020 သိုၵ်းလူင်ပွင်ၸိုင်ႈမၢၼ်ႈ ႁွင်ႉၸုမ်းပီႇတူႉၸိတ်ႉ ႁဵတ်းပၢင်ၵုမ်သေ ၸီႉသင်ႇ ဝႃႈၸိူဝ်းတူင်ႉၼိုင် ၸွမ်းလႅၼ်လိၼ် တႆး - ၶႄႇ ၼႂ်းၸႄႈဝဵင်းမူႇၸေႊၼၼ်ႉ ႁႂ်ႈပွၵ်ႈမိူဝ်းၶိုၼ်း ဢွင်ႈတီႈၽႂ်မၼ်း ဢၼ်တပ်ႉသိုၵ်းလူင်ပွင် ၸိုင်ႈမၢၼ်ႈ တမ်းဝၢင်းဝႆႉပၼ်ၼၼ်ႉ...

ရူတ်ႉၵႃးလူင်ပိၼ်ႈတူၵ်းႁူၺ်ႈ ၼႂ်းၸေႈဝဵင်းၵျွၵ်ႉမႄး ၵူၼ်းႁေႃႈၵႃးတၢႆထင်တီႈ ။ ဝၼ်းတီႈ 27/2/2020 ယၢမ်းၵၢင်ၶမ်ႈ မွၵ်ႈ 7 မူင်း ၵႃးလူင်လမ်းၼိုင်ႈ လုၵ်ႉတၢင်းဝဵင်းၵျွၵ်ႉမႄးသေ တေၵႂႃႇတၢင်ႇၽိုၼ်း/ ထၢၼ်ႇ တၢင်းဝၢၼ်ႈၼမ်ႉမၼ်း ၊ ပရိၵ်ႈၵႃးပွင်ႇ ဢဝ်လေႃႈလူင်းႁူၺ်ႈ ၼႂ်းၵႄႈၵျွၵ်ႉမႄး - ဝၢၼ်ႈၼမ်ႉမၼ်း ၼႂ်းၵႄႈ ၵျွၵ်ႉမႄး - မိူင်းငေႃႉ...

ၵူၼ်းၵဵပ်းၶူဝ်းၶွင်ၵဝ်ႇၵေႃႉၼိုင်ႈ တီႈဝဵင်းတႃႈၶီႈလဵၵ်း  ထုပ်ႉမၢၵ်ႇမႅင်းဢၢင်ႈဢဝ်လဵၵ်းမၼ်းၶၢႆ မၢၵ်ႇမႅင်းတႅၵ်ႇသႂ်ႇလႄႈလႆႈမၢတ်ႇၸဵပ်း ၸုမ်းၸွႆႈထႅမ် ၼႅတ်ႈႁၢမ်တူဝ် သူင်ႇႁူင်းယႃ ။ ဝၼ်းတီႈ 27/2/2020 ယၢမ်းၵၢင်ဝၼ်း မွၵ်ႈ 11 မူင်းၶိုင်ႈ  ၵူၼ်းယိင်း ဢႃယု 43 ပီ ၵေႃႉၼိုင်ႈ  ၵဵပ်းၶွင်ၵဝ်ႇၶၢႆ တီႈပွၵ်ႉ မႄႈၶၢဝ် ၼႂ်းၸႄႈဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်းၼၼ်ႉ ၵဵပ်းလႆႈမၢၵ်ႇမႅၵ်းလုၵ်ႈၼိုင်ႈသေ...

မိူဝ်ႈၼႆႉ ဝၼ်းတီႈ 26/2/2020 ယၢမ်းၵၢင်ၼႂ် 6 မူင်းၶိုင်ႈ ၼၢင်းဢေမီး ၵူၼ်းလႅၵ်ႈငိုၼ်းၶႄႇ-မၢၼ်ႈ ဢွင်ႈတီႈလႅၵ်ႈ ငိုၼ်းၶႄႇ - မၢၼ်ႈ တီႈပွၵ်ႉၵၢတ်ႇ ၸႄႈဝဵင်းမူႇၸေႊ ၸိုင်ႈတႆးပွတ်းႁွင်ႇၼၼ်ႉ ၺႃးၽူႈၸၢႆး 4 ၵေႃႉ ဢဝ်မိတ်ႈငႃသေ ၸူၼ်ဢဝ် ငိုၼ်းၵႂႃႇ 100 သႅၼ်ပျႃးပၢႆ။ ၼၢင်းၸိင်ႇဝုၼ်း ၵူၼ်းလႅၵ်ႈငိုၼ်း...

ၵူၼ်းမိူင်း 2 ၵေႃႉ ၺႃးၽဝ် တီႈဢိူင်ႇၼမ်ႉပွင်ႈ ၸႄႈဝဵင်းလႃႈသဵဝ်ႈ ထိုင်တေႃႈလဵဝ် ပႆႇႁူႉဝႃႈပဵၼ်ၽႂ် ပဵၼ်ၼမ်ႉမိုဝ်းၽႂ် ႁဵတ်း။ ဝၼ်းတီႈ 24/2/2020 ပူၼ်ႉမႃးၼႆႉ ၸဝ်ႈၼႃႈတီႈလႄႈ ထဝ်ႈဝၢၼ်ႈထဝ်ႈၼႃး ထူပ်းႁၼ် တူဝ်တၢႆ ၵူၼ်း 2 ၵေႃႉ ဢၼ်ၺႃး ၾႆး ၽဝ်တၢႆဝႆႉ ၼႂ်းႁႆႈ တီႈဢိူင်ႇၼမ်ႉပွင်ႈ...

ရူတ်ႉၵႃးတၢင်ႇၵုၼ်ႇလႄႈရူတ်ႉၶိူင်ႈလုၵ်ႈႁဵၼ်း ၽႃႇတမ်ၺႃးၵၼ် လုၵ်ႈႁဵၼ်းတၢႆထင်တီႈသွင် ၵေႃႉမၢတ်ႇၸဵပ်းၼိုင်ႈၵေႃႉ။ မိူဝ်ႈဝၼ်းတီႈ 24/2/2020 ၶၢဝ်းယၢမ်း 7 မူင်းၶိုင်ႈ ရူတ်ႉၵႃး 6 လေႃႉတၢင်ႇၶိူဝ်းၵုၼ်ႇလႄႈရူတ်ႉၶိူင်ႈ လုၵ်ႈႁဵၼ်းၶီႇသွၼ်ႉၵၼ်မႃး 3 ၵေႃႉ ၽႃႇၺႃးၵၼ်တီႈ ဝၢၼ်ႈႁူဝ်တႃႈ ၊ ဢိူင်ႇၵွင်းႁေႃ ၸေႈဝဵင်းသႅၼ်ဝီ။ လုၵ်ႈႁဵၼ်းတၢႆထင်တီႈ 2 ၵေႃႉလႄႈ မၢတ်ႇၸဵပ်း 1...

ၸုမ်းၸွႆႈထႅမ်တူင်ႇဝူင်းၵူၼ်းထူပ်းႁၼ် ၽူႈၸၢႆးၵေႃႉၼိုင်ႈ ၼွၼ်းတၢႆဝႆႉၼႂ်းပႃႇႁဵဝ်ႈ တီႈပွၵ်ႉ 4 ၸႄႈဝဵင်းသႅၼ်ဝီလႄႈ လႆႈ ဢဝ်ၵႂႃႇသူင်ႇႁူင်းယႃဝႆႉယဝ်ႉ ဝႃႈၼႆ။ မိူဝ်ႈၼႆႉ ဝၼ်းတီႈ 20/02/2020 ယၢမ်းၵၢင်ဝၼ်း မွၵ်ႈ 11 မူင်းၶိုင်ႈၼၼ်ႉ ၸုမ်းၸွႆႈထႅမ်တူင်ႇဝူင်းၵူၼ်း ထူပ်းႁၼ် တူဝ်တၢႆ ၽူႈၸၢႆးၵေႃႉၼိုင်ႈ ၼွၼ်း တၢႆဝႆႉ တီႈႁိမ်းၶုမ်ဢုတ်ႇၵူၼ်းတၢႆ တီႈမၢၼ်ႈဝဵင်း ပွၵ်ႉ...

ၸုမ်းၼၢင်းယိင်းပဢူဝ်း (ငဝ်ႈငုၼ်း) ပိုတ်ႇလုမ်းႁဵတ်းၵၢၼ် ငဝ်ႈငုၼ်းၶဝ်တီႈၼႂ်းဝၢင်း ပၢင်ႇႁုၼ်ႈမုၼ်းၵူႈၾၢႆႇ ၸိူဝ်ႉၸၢတ်ႈပဢူဝ်း ပွၵ်ႉၼွင်လူင် ဝဵင်းတူၼ်ႈတီး။ ပၢင်ပိုတ်ႇလုမ်းၸတ်းႁဵတ်းမိူဝ်ႈဝၼ်းတီႈ 18/2/2020 မိူဝ်ႈဝႃး။ ၶွမ်ႊမတီႊငဝ်ႈငုၼ်းၸိူဝ်ႉၸၢတ်ႈပဢူဝ်း ၶုၼ်ႇတိၼ်ႇမွင်ႇလႄႈ ၽူႈၼမ်းၼႃႈလူင်ၸုမ်းၼၢင်းယိင်းပဢူဝ်း ၊ ႁူဝ်ပဝ်ႈလႄႈ ၵႅမ်ႁူဝ်ပဝ်ႈၸုမ်းၼၢင်းယိင်းပဢူဝ်း တတ်းမႆလၢႆႈ ပိုတ်ႇလုမ်းပၼ်။ ယိူင်းဢၢၼ်းတႃႇႁႂ်ႈလႆႈႁၢပ်ႇႁၢမ်ၵၢၼ် ၸိူဝ်ႉၸၢတ်ႈ၊ ၽႃသႃ၊ သႃသၼႃ လႄႈ တႃႇႁႂ်ႈပူၵ်းသူၼ်းၸႂ်ႁၵ်ႉၸိူဝ်ႉၸၢတ်ႈ ၊ တႃႇႁႂ်ႈလိၵ်ႈလၢႆး...

မီးၵူၼ်းႁွႆႈမၢၵ်ႇၵိုၵ်းတူဝ်ၸုၼ်ႉတၢႆၼႂ်းၾုင်ၵူၼ်းတီႈမိူင်း ပႃႊၵိတ်ႉသထၢၼ်ႊ လႄႈ ၵူၼ်းတၢႆ 10 ၵေႃႉ မၢတ်ႇၸဵပ်း 35 ၵေႃႉ ။ လွင်ႈပွႆႇမၢၵ်ႇၶႃႈတူဝ်တၢႆ ၼႂ်းၵႄႈၾုင်ၵူၼ်းၵမ်းၼႆႉ ပဵၼ်မိူဝ်ႈဝၼ်းတီႈ 17/2/2020 တီႈဝဵင်း ၵႅတ်ႊတႃႊ ၸႄႈမိူင်း ပႃႊလူႊၶျိတ်ႉသ်တၼ်ႊ မီးၸဵင်ႇၸၢၼ်းဝၼ်းတူၵ်းမိူင်း ပႃႊၵိတ်ႉသထၢၼ်ႊ။ ယင်းပႆႇႁူႉဝႃႈပဵၼ်ၼမ်ႉမိုဝ်းၽႂ်ၸုမ်းလႂ်။ ၵူၼ်းပွႆႇမၢၵ်ႇၼႆႉ ၽိုတ်ႉလၼ်ၶဝ်ႈပၢင်ၶွၼ်ႈတုမ်   ၽူႈတူင်ႉၼိုင်  ဢိသ်ႉသလမ်းမိၵ်ႉ  ၶဝ်သေ...

ၵႃးႁပ်ႉၸၢင်ႈတၢင်ႇၵူၼ်း လမ်းၼိုင်ႈ လုၵ်ႉတၢင်းမူႇၸေႊလူင်းမႃး ပဵၼ်ၽေးဢုပၢတ်ႈ လေႃႈတမ်ၽႃႇသႂ်ႇႁိူၼ်းၵူၼ်းဝၢၼ်ႈ လင်ၼိုင်ႈ ၵူၼ်းမႃးၸွမ်းၼႂ်းၵႃး လႆႈမၢတ်ႇၸဵပ်းၸွမ်းၵမ်ႈၽွင်ႈ။ ဝၼ်းတီႈ 16/2/2020 ယၢမ်းဝၢႆးဝၼ်း မွၵ်ႈ 4 မူင်း ရူတ်ႉတူႈ လမ်းၼိုင်ႈ ပရိၵ်ႈပွင်ႇသေ လေႃႈတမ်ၽႃႇသႂ်ႇႁိူၼ်း ၵူၼ်း ဝၢၼ်ႈမႂ်ႇ လင်ၼိုင်ႈ ၼိူဝ်သဵၼ်ႈတၢင်းလူင် ၵူတ်ႉၶၢႆ - သႅၼ်ဝီ...

ပီႈၼွင်ႉၶူဝ်လမ် ႁူပ်ႉထူပ်းပၼ်ႁႃ ၼမ်ႉၵိၼ်ၼမ်ႉၸႂ်ႉႁႅင်ႈလႅင်ႉယဝ်ႉ။ တိုၵ်ႉပဵၼ်ၼႂ်းလုၵ်ႈလိူၼ်ၾႅပ်ႊၿိဝ်ႊရီႊၵူၺ်း ပီႈၼွင်ႉဝဵင်းၶူဝ်လမ် ၸႄႈဝဵင်းၼမ်ႉၸၢင် ၸႄႈတွၼ်ႈလွႆလႅမ် ၸိုင်ႈတႆးပွတ်း ၸၢၼ်း ႁူပ်ႉပၼ်ႁႃ လွင်ႈၼမ်ႉၵိၼ်ၼမ်ႉၸႂ်ႉၼႂ်းၼမ်ႉမေႃႇႁႅင်ႈလႅင်ႉ ထိုင်တီႈလႆႈၵႂႃႇဢဝ်တၢင်ႇတီႈမႃးၸႂ်ႉတႃႇၼႃႈႁိူၼ်း။ ၸၢႆးဢွၼ်ႇ ၵူၼ်းၶူဝ်လမ် လၢတ်ႈတီႈၽူႈတွႆႇႁွၵ်ႈဝႃႈ “ပီၼႆႉ ၼႂ်းၶူဝ်လမ်ႁဝ်းၶႃႈ ၼမ်ႉၵိၼ်ၼမ်ႉၸႂ်ႉႁႅင်ႈၼႃႇၶႃႈ။ ၼမ်ႉမေႃႇ ၼႂ်းႁိူၼ်းႁဝ်းၶႃႈၼႆႉ မိူဝ်ႈလၢႆပီပူၼ်ႉမႃးၼႆႉ ဢမ်ႇယၢမ်ႈႁႅင်ႈၸိူင်ႉၼႆသေပွၵ်ႈၶႃႈ။ ပေႃးၶၢဝ်းႁႅင်ႈမႃးၼႆႉ ၼမ်ႉမေႃႇတီႈႁိူၼ်း ႁဝ်းၶႃႈ တဵၵ်းၸႂ်ႉၵိၼ်...

ယိုဝ်းၵၼ်တၢႆၼႂ်းၵၢတ်ႇ သႅၼ်ႊၵျူႊရီႊ ပလႃႇၸႃႇ ဝဵင်းလူင်ၵုင်းထဵပ်ႈ ၸိုင်ႈထႆး တၢႆ 1 ၵေႃႉ မၢတ်ႇၸဵပ်း 1 ၵေႃႉ။ ဝၼ်းတီႈ 18/2/2020 ဝၼ်းမိူဝ်ႈၼႆႉ ယၢမ်းဝၢႆးဝၼ်း 3 မူင်း 15 မိၼိတ်ႉ သဵင်ၵွင်ႈတႅၵ်ႇၼႂ်းၵၢတ်ႇ သႅၼ်ႊၵျူႊရီႊ ပလႃႇၸႃႇ ဢၼ်မီးတီႈသဵၼ်ႈတၢင်း ၽယႃးထႆး ဝဵင်းလူင်ၵုင်းထဵပ်ႈ...

ၵႃးလူင် တၢင်ႇၵုၼ်ႇ ပဵၼ်ၽေးဢုပၢတ်ႈသေ ပိၼ်ႈၶႂမ်ႈ ၸဝ်ႈၵႃးလႄႈ ၵူၼ်းၸွမ်း လႆႈလူႉတၢႆ ထင်တီႈ တင်း 2 ၵေႃႉ။ မိူဝ်ႈၼႆႉ ဝၼ်းတီႈ 17/2/2020 ယၢမ်းဝၢႆးဝၼ်း မွၵ်ႈ 3 မူင်းၶိုင်ႈၼႆႉ ၵႃးလူင်တၢင်ႇၵုၼ်ႇ ပိၼ်ႈၶႂမ်ႈ ၼိူဝ်သဵၼ်ႈတၢင်း လဵပ်ႈ ဝဵင်းလႃႈသဵဝ်ႈ - မူႇၸေႊ...

ၾႆးမႆႈႁူင်းၸၢၵ်ႈ ႁဵတ်းဢိတ်ႇၸေႈ ဢၼ်မီးတီႈမၢၼ်ႈတိုင်းလူင် ၸႄႈဝဵင်းမူႇၸေႊၼၼ်ႉ လႆႈလူႉသုမ်း ဢမ်ႇယွမ်း 50 သႅၼ်ပျႃး။ ဝၼ်းတီႈ 16/2/2020 ယၢမ်းၵၢင်ၼႂ် ၾႆးမႆႈႁူင်းၸၢၵ်ႈဢိတ်ႇၸေႈ ဢၼ်မီးတီႈ မၢၼ်ႈတိုင်းလူင် ႁိမ်းၾင်ႇၼမ်ႉမၢဝ်း ၸႄႈ ဝဵင်းမူႇၸေႊ ၸိုင်ႈတႆးပွတ်းႁွင်ႇ ယွၼ်ႉၾႆးၾႃႉသျွတ်ႉ ဝႃႈၼႆ။ ၵူၼ်းႁဵတ်းၵၢၼ်တီႈႁူင်းၸၢၵ်ႈၸေႈ လၢတ်ႈတီႈၽူႈတွႆႇႁွၵ်ႈဝႃႈ“ လႅပ်ႈတေပဵၼ်သၢႆၾႆးၾႃႉသျွတ်ႉသေမႆႈ။ သၢႆၾႆး တင်းၶူဝ်းၶွင်ဝႆႉၸမ်ၵၼ်ၼႃႇ။ လႅပ်ႈတႄႇမႆႈမွၵ်ႈၵၢင်ၼႂ်...