ၸုမ်းၸွႆႈထႅမ်တူင်ႇဝူင်းၵူၼ်းထူပ်းႁၼ် ၽူႈၸၢႆးၵေႃႉၼိုင်ႈ ၼွၼ်းတၢႆဝႆႉၼႂ်းပႃႇႁဵဝ်ႈ တီႈပွၵ်ႉ 4 ၸႄႈဝဵင်းသႅၼ်ဝီလႄႈ လႆႈ ဢဝ်ၵႂႃႇသူင်ႇႁူင်းယႃဝႆႉယဝ်ႉ ဝႃႈၼႆ။
မိူဝ်ႈၼႆႉ ဝၼ်းတီႈ 20/02/2020 ယၢမ်းၵၢင်ဝၼ်း မွၵ်ႈ 11 မူင်းၶိုင်ႈၼၼ်ႉ ၸုမ်းၸွႆႈထႅမ်တူင်ႇဝူင်းၵူၼ်း ထူပ်းႁၼ် တူဝ်တၢႆ ၽူႈၸၢႆးၵေႃႉၼိုင်ႈ ၼွၼ်း တၢႆဝႆႉ တီႈႁိမ်းၶုမ်ဢုတ်ႇၵူၼ်းတၢႆ တီႈမၢၼ်ႈဝဵင်း ပွၵ်ႉ 4 ၸႄႈဝဵင်းသႅၼ်ဝီ ၸိုင်ႈတႆးပွတ်းႁွင်ႇ ဝႃႈၼႆ။
ၸၢႆးၾႃႉ ၽူႈဢွၼ်ႁူဝ်တူင်ႉၼိုင် ၸုမ်းၸွႆႈထႅမ်တူင်ႇဝူင်းၵူၼ်း သႅၼ်ဝီ လၢတ်ႈတီႈၽူႈတွႆႇႁွၵ်ႈဝႃႈ “ ၸႂ်ႈၶႃႈဢေႃႈ ႁဝ်းၶႃႈ လႆႈၵႂႃႇတေႃႉသူင်ႇႁူင်းယႃယဝ်ႉ။ မၼ်းၸၢႆးသျွတ်ႉယႃႈသေ ၼွၼ်းတၢႆဝႆႉ။ ၵူၼ်းတၢႆၼၼ်ႉ ပဵၼ်ၽႂ်၊ ၸႃႇတိ တီႈလႂ် ဢမ်ႇ လႆႈႁူႉၶႃႈ” ဝႃႈၼႆ။
ယၢမ်းလဵဝ် ၼႂ်းၸိုင်ႈတႆးပွတ်းႁွင်ႇ ယႃႈမဝ်းၵမ်သိုဝ်ႉငၢႆႈ၊ ၶၼ်ထုၵ်ႇ။ ပွတ်းသႅၼ်ဝီၵေႃႈ မီးၵူၼ်းသူႇသမ်းယႃႈမဝ်းၵမ်လိူင်ႇ ၼမ်။ ၾၢႆၼိုင်ႈၼႂ်း 2-3 ဝၼ်းမႃးၼႆႉ ရႃႇသီႇၾိင်ႈၾႃႉၶိုၼ်းၵတ်းမႃးႁႅင်း။ ၵေႃႉတၢႆၼၼ်ႉ ပဵၼ်ၽႂ်ၼႆ တိုၵ်ႉၸွပ်ႇႁႃပီႈၼွင်ႉ ယူႇ ဝႃႈၼႆ။
ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ