မီးၵူၼ်းႁွႆႈမၢၵ်ႇၵိုၵ်းတူဝ်ၸုၼ်ႉတၢႆၼႂ်းၾုင်ၵူၼ်းတီႈမိူင်း ပႃႊၵိတ်ႉသထၢၼ်ႊ လႄႈ ၵူၼ်းတၢႆ 10 ၵေႃႉ မၢတ်ႇၸဵပ်း 35 ၵေႃႉ ။
လွင်ႈပွႆႇမၢၵ်ႇၶႃႈတူဝ်တၢႆ ၼႂ်းၵႄႈၾုင်ၵူၼ်းၵမ်းၼႆႉ ပဵၼ်မိူဝ်ႈဝၼ်းတီႈ 17/2/2020 တီႈဝဵင်း ၵႅတ်ႊတႃႊ ၸႄႈမိူင်း ပႃႊလူႊၶျိတ်ႉသ်တၼ်ႊ မီးၸဵင်ႇၸၢၼ်းဝၼ်းတူၵ်းမိူင်း ပႃႊၵိတ်ႉသထၢၼ်ႊ။ ယင်းပႆႇႁူႉဝႃႈပဵၼ်ၼမ်ႉမိုဝ်းၽႂ်ၸုမ်းလႂ်။
ၵူၼ်းပွႆႇမၢၵ်ႇၼႆႉ ၽိုတ်ႉလၼ်ၶဝ်ႈပၢင်ၶွၼ်ႈတုမ် ၽူႈတူင်ႉၼိုင် ဢိသ်ႉသလမ်းမိၵ်ႉ ၶဝ်သေ ၸင်ႇပွႆႇမၢၵ်ႇ ၼႂ်းၵႄႈၵူၼ်းၼမ်ၼႆ ပလိၵ်ႈပႃႊၵိတ်ႉသထၢၼ်ႊ လၢတ်ႈ။
ၼႂ်းၵူၼ်းတၢႆၼၼ်ႉပႃးတင်းၾၢႆႇႁူမ်ႇလူမ်ႈ 3 ၵေႃႉ။ ဝၼ်းၸၼ်ယၢမ်းၸဝ်ႉ ၵွၼ်ႇတေပဵၼ်လွင်ႈပွႆႇမၢၵ်ႇၼႂ်းၵႄႈၵူၼ်း ၼမ်ၼၼ်ႉ ၽွင်းလွင်ၾၢႆႇၼႂ်းမိူင်း မိူင်းပႃႊၵိတ်ႉသထၢၼ်ႊ ပိုၼ်ၽၢဝ်ႇပဵၼ်တၢင်းၵၢၼ်ဝႃႈ ၽူႈၶၢၼ်ပၢၵ်ႇၵေႃႉၵဝ်ႇ ၸုမ်းတႃႊလီႊၿၼ်ႊ Ehsanullah Ehsan ဢၼ် ၺႃးတီႉဝႆႉၼၼ်ႉ မၼ်းၸၢႆးလႆႈဢွၵ်ႇပၢႆႈ ပူၼ်ႉလွတ်ႈဝႆႉ- ဝႃႈၼႆလႄႈ ၵမ်ႈၽွင်ႈၵေႃႈလၢမ်းၶၢတ်ႈဝႃႈ ပဵၼ်ၼမ်ႉမိုဝ်းၸုမ်း တႃႊလီႊၿၼ်ႊ ၶဝ်ႁိုဝ် – ဝႃႈၼႆယူႇ။
Ref; VOA, Aljazeera
