ၵႃးလူင် တၢင်ႇၵုၼ်ႇ ပဵၼ်ၽေးဢုပၢတ်ႈသေ ပိၼ်ႈၶႂမ်ႈ ၸဝ်ႈၵႃးလႄႈ ၵူၼ်းၸွမ်း လႆႈလူႉတၢႆ ထင်တီႈ တင်း 2 ၵေႃႉ။
မိူဝ်ႈၼႆႉ ဝၼ်းတီႈ 17/2/2020 ယၢမ်းဝၢႆးဝၼ်း မွၵ်ႈ 3 မူင်းၶိုင်ႈၼႆႉ ၵႃးလူင်တၢင်ႇၵုၼ်ႇ ပိၼ်ႈၶႂမ်ႈ ၼိူဝ်သဵၼ်ႈတၢင်း လဵပ်ႈ ဝဵင်းလႃႈသဵဝ်ႈ – မူႇၸေႊ – ဝဵင်းလိူဝ်ႇ ၼႂ်းၸႄႈဝဵင်းလႃႈသဵဝ်ႈ ၸိုင်ႈတႆးပွတ်းႁွင်ႇ။
ၸၢႆးဝတူင်ႇထုၼ်း ၸုမ်းၸွႆႈထႅမ်တူင်ႇဝူင်း ၵူၼ်းၼုမ်ႇ လႃႈသဵဝ်ႈလၢတ်ႈတီႈၽူႈတွႆႇႁွၵ်ႈဝႃႈ “ လွင်ႈတၢင်း ဢၼ်လႆႈပဵၼ် ရူတ်ႉၵႃးပိၼ်ႇၶႂမ်ႈၼႆႉ ပႆႇလႆႈႁူႉႁူဝ်ယွႆႈမၼ်းၶႃႈ။ ႁဝ်းၶႃႈ လႆႈၸွႆႈၵၼ်ၸၼ်ဢဝ်တူဝ်တၢႆ ၵူၼ်းႁေႃႈၵႃးလႄႈ ၵူၼ်းၸွမ်းၵႃးဢွၵ်ႇမႃးယဝ်ႉၶႃႈ။ ၶဝ်တင်းသွင်တၢႆထင်တီႈ ၶႃႈဢေႃႈ”ဝႃႈၼႆ။
တေႃႈလဵဝ် ၶၢပ်ႈတူဝ်တၢႆၵူၼ်း 2 ၵေႃႉၼၼ်ႉ ယူႇတီႈၸုမ်းၸွႆႈထႅမ်တူင်ႇဝူင်း ၵူၼ်းၼုမ်ႇ လႃႈသဵဝ်ႈ လႆႈတေႃႉသူင်ႇႁူင်းယႃ လႃႈသဵဝ်ႈဝႆႉယဝ်ႉ ဝႃႈၼႆ။
တီႈၼိူဝ်ဢွၼ်ႊလၢႆႊ ၾေႉသ်ပုၵ်ႉတႄႉဢွၼ်ၵၼ်တႅမ်ႈ ဝႆႉဝႃႈ ၵဵဝ်ႇလူၺ်ႈလွင်ႈၵႃးလူင်ပိၼ်ႈၶႂမ်ႈၼႆႉ ပဵၼ်ယွၼ်ႉပရိတ်ႈမၼ်းပွင်ႇ ။ ၵႃး လူင်ၼႆႉ တၢင်ႇၵုၼ်ႇ လုၵ်ႉတၢင်းမူႇၸေႊသေလူင်းမႃး ဝႃႈၼႆ။ ပဵၼ်ၵႃးၽႂ် တေၵႂႃႇတၢင်းလႂ်ၸိူဝ်းၼႆႉတႄႉ ပႆႇလႆႈႁူႉၸွမ်း။
