ၸုမ်းၼၢင်းယိင်းပဢူဝ်း (ငဝ်ႈငုၼ်း) ပိုတ်ႇလုမ်းႁဵတ်းၵၢၼ် ငဝ်ႈငုၼ်းၶဝ်တီႈၼႂ်းဝၢင်း ပၢင်ႇႁုၼ်ႈမုၼ်းၵူႈၾၢႆႇ ၸိူဝ်ႉၸၢတ်ႈပဢူဝ်း ပွၵ်ႉၼွင်လူင် ဝဵင်းတူၼ်ႈတီး။
ပၢင်ပိုတ်ႇလုမ်းၸတ်းႁဵတ်းမိူဝ်ႈဝၼ်းတီႈ 18/2/2020 မိူဝ်ႈဝႃး။
ၶွမ်ႊမတီႊငဝ်ႈငုၼ်းၸိူဝ်ႉၸၢတ်ႈပဢူဝ်း ၶုၼ်ႇတိၼ်ႇမွင်ႇလႄႈ ၽူႈၼမ်းၼႃႈလူင်ၸုမ်းၼၢင်းယိင်းပဢူဝ်း ၊ ႁူဝ်ပဝ်ႈလႄႈ ၵႅမ်ႁူဝ်ပဝ်ႈၸုမ်းၼၢင်းယိင်းပဢူဝ်း တတ်းမႆလၢႆႈ ပိုတ်ႇလုမ်းပၼ်။
ယိူင်းဢၢၼ်းတႃႇႁႂ်ႈလႆႈႁၢပ်ႇႁၢမ်ၵၢၼ် ၸိူဝ်ႉၸၢတ်ႈ၊ ၽႃသႃ၊ သႃသၼႃ လႄႈ တႃႇႁႂ်ႈပူၵ်းသူၼ်းၸႂ်ႁၵ်ႉၸိူဝ်ႉၸၢတ်ႈ ၊ တႃႇႁႂ်ႈလိၵ်ႈလၢႆး ၾိင်ႈငႄႈ ပဢူဝ်းတေၵႂၢင်ႈၶႂၢင်ၶိုၼ်ႈယႂ်ႇ၊ တႃႇႁႂ်ႈလႆႈလွင်ႈမိုတ်ႈၵိုဝ်းၸမ်ၸႂ်ၵၼ်တင်း တၢင်ႇၸၢဝ်းၶိူဝ်းလႄႈ တႃႇႁႂ်ႈလႆႈႁူမ်ႈမိုဝ်းၵၼ်တင်း တၢင်ႇမူႇတၢင်ႇၸုမ်းသေ ၶိုင်ပွင်တႃႇၸိူဝ်ႉၸၢတ်ႈၸဝ်ႈၵဝ်ႇ၊ တႃႇႁဵတ်းလွင်ႈႁုၼ်ႈမုၼ်းမႂ်ႇသုင်ၼႂ်းပိုၼ်ႉတီႈလႄႈတႃႇၵႅတ်ႇၶႄႁႄႉၵင်ႈၼင်ႇႁိုဝ်ၼၢင်းယိင်းပဢူဝ်းပေႃးတေဢမ်ႇလႆႈထူပ်းၽေး ၵၢၼ်ၵႃႉၶၢႆၵူၼ်း- ၼႆ ၼၢင်းဝိၼ်းၵျီႇ ၽူႈၼမ်းၼႂ်းၸုမ်းၼၢင်းယိင်းပဢူဝ်း လၢတ်ႈတီႈၸုမ်းသိုဝ်ႇၶၢဝ်ႇၼင်ႇၼႆ။
ၸုမ်းၼၢင်းယိင်းပဢူဝ်းၼႆႉ လႆႈႁပ်ႉဢေႃးဝႃႇတ တီႈသင်ၶၸဝ်ႈ ၊ လႆႈႁပ်ႉလွင်ႈၸိၸမ်ႈၼႄႉၼမ်းတီႈၸုမ်းၾိင်ႈငႄႈ လိၵ်ႈလၢႆး ပဢူဝ်းသေ လႆႈၵေႃႇတင်ႈမႃးမိူဝ်ႈပီ 2009 လိူၼ် ၾႅပ်ႉၿိဝ်ႊရီႊ။ ယၢမ်းလဵဝ် လုၵ်ႈၸုမ်းမီး ႁဵင်ပၢႆယဝ်ႉဝႃႈၼႆ။
Ref; 2020 PNO
