“ပၵ်းပိူင်ၵူႈမိူင်းမိူင်းဢၼ်ဝႃႈၼႆႉ ပေႃးဢမ်ႇမီးဢူၺ်းလီဢၼ်ႁႅင်းယႂ်ႇ ဢမ်ႇပဵၼ်ၵၢၼ်” ၼႆ ၸႃလႅၼ်ႊသၵီႊ လၢတ်ႈၵႂႃႇတီႈပၢင်ၵုမ်လူင်ၸၢတ်ႈၸိုင်ႈလုမ်ႈၾႃႉၼၼ်ႉ လင်ယွၼ်ႈတူဝ်ႈလူၵ်ႈလူင်ၵႂႃႇယဝ်ႉ။ မၼ်းပၢႆသိုပ်ႇထႅင်ႈၶေႃႈ ႞ “ပၵ်းပိူင်ၵူႈမဵဝ်းမဵဝ်းၸိူဝ်းၼၼ်ႉ ပေႃးဢမ်ႇမီးၶိူင်ႈလၢၵ်ႈၼၢၵ်ႈ ယိုင်ႈၶႅၼ်းဢမ်ႇပဵၼ်ၵၢၼ်” ၼႆဝႃႇ။ တၢင်းႁူႉဢၼ်ၼႆႉ ဢဝ်ယူႊၶရဵၼ်ႊတင်းမိူင်း လူင်းတိုၼ်းပဵၼ်ယိူဝ်ႇသိုၵ်းသေ ၸင်ႇလႆႈမႃးၼႆ ဢမ်ႇလၢတ်ႈၵေႃႈ ပွင်ႇၸႂ်ၸႅင်ႈလႅင်းၵၼ်ယူႇ။ ၵူၺ်းၵႃႈ ႁူႉယူႇသႅၵ်ႇလႅၵ်ႇ သမ်ႉႁဵတ်းမိူၼ်တေႃလွၵ်ႇ ဢမ်ႇဢွၵ်ႇႁုၼ်ႈဢမ်ႇမုၼ်းမႂ်ႇသင်မႃး။ ဢဝ်ၸဵမ် ERO ၸုမ်းၸၢဝ်းၶိူဝ်းလုၵ်ႉၽိုၼ်ႉ...

ၼႂ်းပီၼႆႉ ၵူၼ်းမိူင်းၶႄႇ ၸိူဝ်းသိုဝ်ႉႁွင်ႈသဝ်းၶွၼ်ႊတူဝ်ႊ တီႈဝဵင်းၵဵင်းမႂ်ႇ မိူင်းထႆး လူတ်းယွမ်းၵႂႃႇႁႅင်းသေ ၵူၼ်းမိူင်း ႁူမ်ႈတုမ်မၢၼ်ႈ လႄႈ မိူင်းဢမေႊရိၵၼ်ႊ သိုဝ်ႉယူႇသဝ်းၼမ်မႃး ဝႃႈၼႆ။ မိူဝ်ႈၵူႈပွၵ်ႈပူၼ်ႉမႃး ၵူၼ်းမိူင်းၸိူဝ်းသိုဝ်ႉႁွင်ႈၶွၼ်ႊတူဝ်ႊၼမ်လိူဝ်ပိူၼ်ႈ ၼႂ်းဝဵင်းၵဵင်းမႂ်ႇ မိူင်းထႆးၼႆႉ ပဵၼ်ၵူၼ်းမိူင်းၶႄႇ။ ၵူၺ်းၵႃႈယၢမ်းလဵဝ် ၵူၼ်းမိူင်းၶႄႇဢၼ်သိုဝ်ႉၶွၼ်ႊတူဝ်ႊ လူတ်းယွမ်းလူင်းၵႂႃႇႁႅင်းဝႆႉ - သုၼ်ၶေႃႈမုလ်းၾၢႆႇသိုဝ်ႉၶၢႆ ၼင်လိၼ် ႁိူၼ်းယေးၼႂ်းမိူင်းထႆး (REIC)...

ဝၼ်းတီႈ 16  လႄႈ 17 /09/2025  လူင်ပွင်ၸိုင်ႈမိူင်းၶႄႇ ၸတ်းႁဵတ်းပၢင်ၵုမ်လူင် ၵၢၼ်ႁူမ်ႈမိုဝ်းသိုဝ်ႇၵဵဝ်ႇလူၺ်ႈၶူင်း ၵၢၼ် သဵၼ်ႈတၢင်းႁွပ်ႈလူၵ်ႈ (2025 Media Cooperation Forum on Belt and Road) တီႈမိူင်းယုၼ်ႊၼၼ်ႊ ၸိုင်ႈမိူင်းၶႄႇ။ လူင်ပွင်ၸိုင်ႈမိူင်းၶႄႇ မွၵ်ႇႁွင်ႉဢဝ် ၸိုင်ႈမိူင်းၸိူဝ်းၵဵဝ်ႇၶွင်ႈၸွမ်း ၼႂ်းၶူင်းၵၢၼ် သဵၼ်ႈတၢင်းႁွပ်ႈလူၵ်ႈ...

ႁူဝ်လိူၼ်သႅပ်ႊထႅမ်ႊပိူဝ်ႊၼႆႉ မိၼ်းဢွင်ႇလၢႆႇ ၸွမ်ၸိၵ်းသိုၵ်းမၢၼ်ႈယိုတ်းမိူင်း ဢဝ်တိုဝ်ႉတၢင်း ပၢင်ပွႆး မိူင်းၶႄႇလုၵ်ႉၽိုၼ်ႉ တိုၵ်းလိုပ်ႈသိုၵ်းၵျပၼ်ႊ ဢွင်ႇပေႉ ၶွပ်ႈတဵမ် 80 ပီတဵမ် ၼႂ်းဝၼ်းတီႈ 3/9/2025 လႄႈ ပၢင်ၵုမ်ၸုမ်းၽူႈၼမ်းၸိုင်ႈမိူင်းဝဵင်းသျႅၼ်ႊႁၢႆႊ (Shanghai Cooperation Organization – SCO SUMMIT 2025 Plus) တီႈဝဵင်းတီႊယၼ်ႊၵျိၼ်ႊသေ...

ယၢမ်းလဵဝ် ၵူၼ်းမိူင်းဢိၼ်ႊတူဝ်ႊၼီႊသျႃႊ ဢွၼ်ၵၼ်ဢွၵ်ႇၼႄၵၢင်ၸႂ်တေႃႇ လူင်ပွင်ၸိုင်ႈ ဝႆႉႁၢဝ်ႈႁႅင်း၊ ပဵၼ်လွင်ႈၶဵင်ႇတႃႉၵၢၼ်မိူင်း ဢၼ်ႁၢဝ်ႈႁႅင်းသုတ်း ၼႂ်းပၢၼ်ၸွမ်ၸိုင်ႈ ပရႃႇပူဝ်ႇဝူဝ်ႇ သူႇပီႇယႅၼ်ႇတူဝ်ႇ (Prabowo Subianto) လႆႈဢႃႇၼႃႇၽွင်းငမ်း မိူင်းဢိၼ်ႊတူဝ်ႊၼီႊသျႃႊမႃးလႄႈ ယွၼ်ႉၼၼ် ၽွင်းလူင်ၾၢႆႇၼွၵ်ႈမိူင်း မိူင်းၶႄႇ တုၵ်းယွၼ်းၵႂႃႇဝႃႈ - ႁႂ်ႈဢဝ်လွင်ႈႁူမ်ႇလူမ်ႈပၼ်ၵူၼ်းမိူင်းၶႄႇ ၸိူဝ်းမီးယူႇဝႆႉၼႂ်းမိူင်းၼၼ်ႉ ဝႃႈၼႆ။ ၽူႈၶၢၼ်ပၢၵ်ႇ ၽွင်းလူင်ၾၢႆႇၼွၵ်ႈမိူင်း မိူင်းၶႄႇ...

မိူဝ်ႈဝၼ်းတီႈ 31/08/2025 ပူၼ်ႉမႃးၼႆႉ မိၼ်းဢွင်ႇလၢႆႇ ႁူဝ်ပဝ်ႈ ၶွမ်ႊမသျိၼ်ႊသိုၵ်းမၢၼ်ႈ ယိုတ်းမိူင်း ႁူပ်ႉထူပ်းၵၼ်တင်း ၸဝ်ႈၵၢၼ်ပၢႆးမၢၵ်ႈမီးလူင် ၼႂ်းမိူင်းၶႄႇ ၼႂ်းပၢင်ဢုပ်ႇဢူဝ်း တႃႇယုၵ်ႉမုၼ်းၵၢၼ်မၢၵ်ႈမီး မိူင်းၶႄႇ - မိူင်းမၢၼ်ႈ တီႈဝဵင်းတီႊယႅၼ်ႊၵျိၼ်ႊ (တီယန်ကျင်းမြို့) ၼၼ်ႉဝႃႈ တေသိုပ်ႇႁဵတ်းသၢင်ႈၵၢၼ်ၵႃႉၶၢႆ ၸွမ်းလႅၼ်လိၼ်မိူင်းမၢၼ်ႈ - မိူင်းၶႄႇ ၵႂႃႇ ႁႂ်ႈၶိုၵ်ႉၶႅမ်ႉၶၼ်ဝႆးလိူဝ်ၵဝ်ႇ...

ၸွမ်ၸိုင်ႈမိူင်းၶႄႇ သျီႊၵျိၼ်ႊၽိင်ႊတင်း ႁူဝ်ၼႃႈသိုၵ်းမၢၼ်ႈ ယိုတ်းမိူင်း ၸွမ်ၸိၵ်းသိုၵ်း မိၼ်းဢွင်ႇလၢႆႇ ႁူပ်ႉထူပ်းဢုပ်ႇဢူဝ်းၵၼ် တီႈမိူင်းၶႄႇ ၼႂ်းဝၼ်းတီႈ 30/08/2025 ပူၼ်ႉမႃးၼႆႉ။ မီးၶၢဝ်ႇလိုဝ်းဢွၵ်ႇမႃးဝႃႈ ၽွင်းမိူဝ်ႈႁူပ်ႉထူပ်းၵၼ်တင်း ၸွမ်ၸိုင်ႈမိူင်းၶႄႇၼၼ်ႉ မိၼ်းဢွင်ႇလၢႆႇ လၢတ်ႈဝႃႈ - ယိၼ်းၸူမ်းထိုင်မိူင်းၶႄႇ ဢၼ်ပၼ်ႁႅင်းဢီး ၼိူဝ်ၸုမ်းဢူၺ်းလီပွတ်းႁွင်ႇသေ ၸွႆႈထႅမ်တပ်ႉသိုၵ်းမၢၼ်ႈ။ ယၢမ်းလဵဝ် လႆႈမႃးၶိုၼ်းလွင်ႈၵတ်းယဵၼ်ယဝ်ႉ - ဝႃႈၼႆ။ ပူၼ်ႉမႃး...

ၽူႈဢွၼ်ႁူဝ် မိူင်းၵူဝ်ႊရီႊယိူဝ်ႊႁွင်ႇ Kim Jong -un တေၵႂႃႇၶဝ်ႈႁူမ်ႈပၢင်ၼႄၾၢင်ႁၢင်ႈသိုၵ်း ဢၼ်တေၸတ်းႁဵတ်းတီႈပေႇၵျိၼ်း မိူင်းၶႄႇ - ႁွင်ႈၵၢၼ် ၽွင်းလူင်ၾၢႆႇၼွၵ်ႈမိူင်း မိူင်းၶႄႇ ပိုၼ်ၽၢဝ်ႇဝႆႉၼင်ႇၼႆ။ ၵၢၼ်ဢွၵ်ႇၶၢဝ်းတၢင်း ႁူပ်ႉထူပ်းၵၼ်တင်းၽူႈဢွၼ်ႁူဝ်လၢႆၸိုင်ႈမိူင်းပွၵ်ႈၼႆႉ တေပဵၼ်ပွၵ်ႈၵမ်းႁႅၵ်ႈ ဝၢႆးသေပူၼ်ႉမႃး ၶၢဝ်းတၢင်းလၢႆလၢႆပီ။ တႃႇပဵၼ်တီႈမၢႆတွင်း တိုၵ်းတေႃးဢွင်ႇပေႉသိုၵ်းၵျပၼ်ႊလႄႈ ပၢင်တိုၵ်းသိုၵ်းလုမ်ႈၾႃႉ ပွၵ်ႈၵမ်းသွင် ယဝ်ႉတူဝ်ႈၵႂႃႇၼႆသေ ပေႃးထိုင်မႃးၼႂ်းဝၼ်းတီႈ 03/09/2025 (လိူၼ်ၼႃႈ)...

မိူင်းၶႄႇႁဵတ်းၶဵဝ်ယူႇၵၢင်သေ ၸတ်းပၢင်ၵုမ် ႁႂ်ႈသိုၵ်းမၢၼ်ႈတင်း သိုၵ်းတဢၢင်း TNLA ႁူပ်ႉၵၼ် တီႈၶုၺ်ႊမိင်ႊ မိူင်းၶႄႇ တႄႇဝၼ်းတီႈ 26/08/2025 ၼႆႉ ထႅင်ႈပွၵ်ႈၼိုင်ႈ။ ၽွင်းတင်းသွင်ၾၢႆႇႁူပ်ႉဢုပ်ႇၵၼ် ပႆႇမီးၶေႃႈတူၵ်းလူင်ၵၼ်ဢွၵ်ႇမႃးပဵၼ်တၢင်းၵၢၼ်ၼၼ်ႉ တင်းသွင်ၾၢႆႇ ယိုဝ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၵျွၵ်ႉမႄး။ ငႃးသိုၵ်းမၢၼ်ႈ ၸိူဝ်းထူဝ်းသိုၵ်းၶဝ်ႈမႃးတၢင်းၼႂ်းထုင်ႉၼွင်ပိင် ႁၢင်ႇၵႆၵၼ်တင်းဝဵင်းၵျွၵ်ႉမႄး မွၵ်ႈ 15 လၵ်းၼၼ်ႉ သိုပ်ႇၸတ်းငႃးသိုၵ်းမုင်ႈၼႃႈၶဝ်ႈၸူးဝဵင်းၵျွၵ်ႉမႄးထႅင်ႈ။ ၼႂ်းၶၢဝ်းတၢင်းတူဝ်တႅၼ်း...

တပ်ႉသိုၵ်းမိူင်းဢိၼ်ႊတီႊယိူဝ်ႊ ယိုၼ်ယၼ်လၢတ်ႈဝႃႈ လႆႈၸၢမ်းယိုဝ်းမၢၵ်ႇၼူၾႆး သႅၼ်းၵၢင် (တာလတ်ပစ်ဒုံးကျည်) ဢၼ်သႂ်ႇၶိူင်ႈမၢၵ်ႇၼိဝ်ႊၶလီႊယိူဝ်ႊလႆႈ တီႈၸိၵ်းမၼ်း ၼၼ်ႉ ဝႃႈၼႆ။ ဝၼ်းတီႈ 20/08/2025 ၼႆႉ တပ်ႉသိုၵ်း မိူင်းဢိၼ်ႊတီႊယိူဝ်ႊ ၸၢမ်းယိုဝ်းမၢၵ်ႇၼူၾႆး သႅၼ်း Angi -5  တီႈၼႂ်းၸႄႈတွၼ်ႈဢေႃးရိသ မိူင်းဢိၼ်ႊတီႊယိူဝ်ႊ ပွတ်းဢွၵ်ႇ၊ ပဵၼ်ဢၼ် ဢွင်ႇမၢၼ်လႄႈ လီ ပဵင်းပေႃးႁၢၼ်ႉၸႂ်...

မိူင်းၶႄႇတင်း မိူင်းဢိၼ်ႊတီႊယိူဝ်ႊ တူၵ်းလူင်းလႆႈၸႂ်ၵၼ် တႃႇတေတႄႇလႅၼ်ႈၶိုၼ်း ၶၢဝ်းတၢင်းသၢႆၵၢၼ်မိၼ် ၵႂႃႇမႃးၵမ်းသိုဝ်ႈ ၼႂ်းၵႄႈၵၢင်သွင်ၸိုင်ႈမိူင်း ဝၢႆးသေၵိုတ်းလိုဝ်ႈဝႆႉ ႁိုင် ၶၢဝ်းတၢင်း 5 ပီ တႃႇႁူမ်ႈၵၼ်ႁဵတ်းသၢင်ႈ ယုၵ်ႉမုၼ်းၼႂ်းၵၢၼ်ပၢႆးမၢၵ်ႈမီးလႄႈ ၵၢၼ်လူင်းတိုၼ်းလၢင်း ဝႃႈၼႆ။ မိူင်းၶႄႇတင်း မိူင်းဢိၼ်ႊတီႊယိူဝ်ႊၼႆႉ ပဵၼ်မိူင်းဢၼ်မီးႁူဝ်ၼပ်ႉၵူၼ်းၼမ်လိူဝ်ပိူၼ်ႈ ၼႂ်းၵုၼ်ဢေးသျႃး၊ ၵူၺ်းၵႃႈ သွင်မိူင်းၼႆႉ မီးလွင်ႈၶဵင်ႈၶႅင် လွင်ႈၶေႉၶဵင်ႇၵၼ်ဝႆႉႁၢဝ်ႈႁႅင်း။ မိူဝ်ႈပီ...

သိုၵ်းမၢၼ်ႈယိုတ်းမိူင်းသေ ဝၢၼ်ႈမိူင်းသုၵ်ႉယုင်ႈဢူၼ်ၵဝ်း၊ ၸုမ်းသိုၵ်းၼႂ်းမိူင်းၼင်ႇၵၼ် ႁိမ်ၸိင်းဢွင်ႈတီႈၵၼ် ၸုမ်းလႂ်ၵေႃႈၶႂ်ႈမီးဢႃႇၼႃႇယႂ်ႇလူင်သေဢဝ်ပေႉပုၼ်ႈၵဝ်ပုၼ်ႈမႂ်း။ ၵူၼ်းမိူင်းတႄႉ တေယူႇၵေႃႈၵူဝ် တေပၢႆႈသမ်ႉဢမ်ႇလွတ်ႈတုၵ်ႉ။ မိူၼ်ၼင်ႇ ၵူၼ်းမိူင်းတႆးပွတ်းႁွင်ႇၼႆႉ ၸဵမ်မိူဝ်ႈၽႅၼ်ယၼ်ႇသိုၵ်း 1027 တႄႇၼၼ်ႉသေ ၵူၼ်းမိူင်းၵမ်ႈၼမ် ႁိူၼ်းဢမ်ႇလႆႈယူႇ ၵူႇဢမ်ႇလႆႈၼွၼ်း ၵုမ်ႇလႆႈပၢႆႈၽေးသိုၵ်းၵူၺ်း။ ၵၢၼ်ႁႃၵိၼ်လဵင်ႉတွင်ႉၵေႃႈ ဢမ်ႇၸၢင်ႈႁဵတ်းႁႃသင်လႄႈ ၸိူဝ်းပၢႆႈသွၼ်ႈယူႇၼႂ်းမိူင်းၶႄႇၵေႃႈ မီးတင်းၼမ်။ ၵူၼ်းၸိူဝ်းႁွတ်ႈ မိူင်းၶႄႇၵေႃႈ ဢမ်ႇလွတ်ႈတၢင်းမႆႈၸႂ်။ တႃႇတေယူႇလွတ်ႈလႆႈၵႂႃႇၵူႈဝၼ်းဝၼ်းၵေႃႈ...

ပေႃးထိုင်မႃး ဝၼ်းတီႈ 31/08/2025 ၼႆႉ မိူင်းၶႄႇ တေၸတ်းႁဵတ်းပၢင်ၵုမ်ၸိၵ်းၸွမ် ၸုမ်းၾၢႆႇ ႁူမ်ႈႁွမ်းသျႅၼ်ႊႁၢႆႊ SCO တီႈဝဵင်းတီႊယႅၼ်ႊၵျိၼ်ႊ၊ ႁူဝ်ၼႃႈ သိုၵ်းမၢၼ်ႈ ယိုတ်းမိူင်း ၸွမ်ၸိၵ်းသိုၵ်းမၢၼ်ႈ မိၼ်းဢွင်ႇလၢႆႇ တေၵႂႃႇၶဝ်ႈႁူမ်ႈ ဝႃႈၼႆ။ ၸုမ်းၾၢႆႇႁူမ်ႈႁွမ်းသျႅၼ်ႊႁၢႆႊ SCO ၼႆႉ ပဵၼ်ၸုမ်းလူင်ပွင်ၸိုင်ႈ ၵဵဝ်ႇၵပ်းပိုၼ်ႉတီႈ ဢၼ်ၵေႃႇတင်ႈမႃး တီႈဝဵင်းသျႅၼ်ႊႁၢႆႊ မိူဝ်ႈပီ...

ၾူၼ်တူၵ်းႁႅင်းသေ ၼမ်ႉၵိုင်ႉၵၢင်ႉလုပ်ႇၼွင်းထူမ်ႈ တီႈဝဵင်းလူင်ပေႇၵျိၼ်း မိူင်းၶႄႇ မီးၵူၼ်းလူႉတၢႆ ဢမ်ႇယွမ်း 30 ၵေႃႉယဝ်ႉ ဝႃႈၼႆ။ မိူဝ်ႈၽွင်း ၼမ်ႉလုပ်ႇၼွင်းထူမ်ႈ ၼႂ်းဝဵင်းပေႇၵျိၼ်းဝႆႉယူႇၼၼ်ႉ ၵူၼ်းမိူင်းၸိူဝ်းယူႇသဝ်း ၼႂ်းမိူင်းၶႄႇ ပွတ်းႁွင်ႇၵေႃႈ လႆႈႁူပ်ႉၺႃးၽေးၼမ်ႉၼွင်းထူမ်ႈဝႆႉ မိူၼ်ၵၼ်။ ၾၢႆႇၾိင်ႈၾႃႉရႃႇသီႇ လၢမ်းၶၢတ်ႈဝႆႉဝႃႈ ၾူၼ်တေတူၵ်းႁႅင်း တေႃႇထိုင်ဝၼ်းတီႈ 29 လိူၼ်ၵျူႊလၢႆႊၼႆလႄႈ ၸဝ်ႈၼႃႈတီႈမိူင်းၶႄၶဝ် လႆႈၸွႆႈထႅမ်ၵူၼ်းမိူင်း 8...

ၽွင်းသိုၵ်းမၢၼ်ႈ တင်း သိုၵ်းတဢၢင်း ပဵၼ်ပၢင်တိုၵ်းၵၼ်ႁၢဝ်ႈႁႅင်း ၼႂ်းၸႄႈဝဵင်းၼွင်ၶဵဝ်၊ ၵူၼ်းမိူင်းၼႂ်းၸႄႈဝဵင်းၵျွၵ်ႉမႄး-ဝဵင်းသီႇ ပေႃႉၵေႃႈ ဢမ်ႇလႆႈယူႇသႃႇ ၺႃးသိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်း ပွႆႇမၢၵ်ႇလူင်သႂ်ႇ ၸွမ်းဝၢၼ်ႈ၊ ၸွမ်းဝဵင်း ဢွင်ႈတီႈဢၼ်ၶဝ် ၼပ်ႉသွၼ်ႇဝႃႈ မီးသိုၵ်းတဢၢင်းမူၵ်းယူႇသဝ်းဝႆႉၼႆလႄႈ ၵူၼ်းမိူင်းၸိူဝ်းလႆႈယူႇဝႆႉ ၼႂ်းၼႃႈတီႈသိုၵ်းတဢၢင်း ၵုမ်းၵမ်ၸူဝ်ႈၶၢဝ်းၵေႃႈ လႆႈတုၵ်ႉၶယၢပ်ႇၽိုတ်ႇၸွမ်း။ မိူၼ်ၼင်ႇ ၽွင်းပၢင်တိုၵ်းတိုၵ်ႉယုင်ႈယၢင်ႈ ၼႂ်းၸႄႈဝဵင်းၼွင်ၶဵဝ်ၼၼ်ႉ မီးၶၢဝ်ႇႁူင်လိုဝ်းဢွၵ်ႇမႃးဝႃႈ ပေႃးသိုၵ်းတဢၢင်း...