သိုၵ်းဝႃႉ UWSA တီႉၺွပ်းလႆႈရူတ်ႉတေႃႉၶိူင်ႈၶူဝ်း ၶွင်ၸုမ်းၵျႃးၽႅၼ်ႉ ဢၼ်လုၵ်ႉတၢင်းဝဵင်းႁူဝ်ပၢင်ႇ တေမုင်ႈၼႃႈၵႂႃႇတၢင်း ၼႃႈတီႈၵုမ်းၵမ် တပ်ႉသိုၵ်းၵဝ်ႈၵၢင်ႉ MNDAA ဝႃႈၼႆ။ ပူၼ်ႉမႃး ႁူဝ်လိူၼ်မၢတ်ႊၶျ်ၼႆႉ ၽူႈမီးပုၼ်ႈၽွၼ်းၾၢႆႇတပ်ႉသိုၵ်းဝႃႉ ဢၼ်ပႂ်ႉၵူတ်ႇထတ်းတီႈၶူဝ်ၽႅၼ် (ဖောင်ဆိပ်တံတား) ယၢၼ်ၵႆၵၼ်တင်း ဝဵင်းႁူဝ်ပၢင်ႇ မွၵ်ႈ 2 လၵ်းပၢႆၼၼ်ႉ တီႉၺွပ်းလႆႈ ၾူၼ်းၶိူင်ႈၸႂ်ႉတိုဝ်း ၼႂ်းၵၢၼ်ၵျႃးၽႅၼ်ႉ တႃႇရူတ်ႉၼိုင်ႈလမ်း တီႈၸႄႈဝဵင်းႁူဝ်ပၢင်ႇ...

ႁၢင်ပီ 2023 မႃး သိုၵ်းၵဝ်ႈၵၢင်ႉ သိုၵ်းတဢၢင်း သိုၵ်းရၶႅင်ႇတင်း ၸုမ်းၵႅတ်ႇၶႄၵူၼ်းမိူင်း PDF တႄႇၽႅၼ်ယၼ်ႇသိုၵ်း 1027 ၼႂ်းမိူင်းတႆးပွတ်းႁွင်ႇလႄႈ ႁဵတ်းႁႂ်ႈပၢင်တိုၵ်းလၢမ်း ၽႄႈၸွတ်ႇတူဝ်ႈ မိူင်းႁူမ်ႈတုမ်သေ သိုၵ်းမၢၼ်ႈ လႆႈသုမ်းဝဵင်း တပ်ႉပၢင်သဝ်းထႅင်ႈ လၢႆလၢႆတီႈ။ တႄႇပီ 2024 မႃး လႆႈႁၼ် သိုၵ်းမၢၼ်ႈ ႁႅၼ်းသိုၵ်းလေႃႇတိုၵ်း သိုၵ်းၸၢဝ်းၶိူဝ်းမႃးၶိုၼ်းလၢႆလၢႆတီႈ...

မိူဝ်ႈဝၼ်းတီႈ 15/03/2025 ယၢမ်းၵၢင်ၼႂ်မွၵ်ႈ 11 မူင်း ၾႆးမႆႈႁိူၼ်းၵူၼ်းဝၢၼ်ႈ လင်ၼိုင်ႈ တီႈပွၵ်ႉၵၢတ်ႇ လူင် ဝဵင်းႁူဝ်ပၢင်ႇ ၸိုင်ႈတႆးပွတ်းႁွင်ႇ ၼႂ်းၼႃႈလိၼ်တပ်ႉသိုၵ်းၽွမ်ႉႁူမ်ႈၸၢဝ်းၶိူဝ်းဝႃႉ UWSA ၵုမ်းၵမ် ဝႆႉၼၼ်ႉ ႁိုင်ၶိုင်ႈၸူဝ်ႈမူင်းပၢႆ။ ၽွင်းၾႆးမႆႈၼၼ်ႉ ၼၢင်းယိင်း ဢႃယု 40 ပၢႆၵေႃႉၼိုင်ႈလႄႈ ၵူၼ်းႁိမ်းႁိူၼ်းၼၼ်ႉ ၵေႃႉၼိုင်ႈ ပဵၼ်လူမ်း ၵႂႃႇသေ...

တႄႇဢဝ် ဝၼ်းတီႈ 04/03/2025 ၼႆႉမႃး သိုၵ်းမၢၼ်ႈ ယိုတ်းမိူင်း ႁူမ်ႈတင်း ၽူႈၵွၼ်းၸႄႈဝဵင်း ၽူႈၵွၼ်းပွၵ်ႉသေ လူင်းပိုၼ်ႉတီႈ ၵဵပ်းသဵၼ်ႈၸိုဝ်ႈၵူၼ်းၼုမ်ႇ ၸွမ်းၼႂ်းပွၵ်ႉယွမ်ႇ တႃႇႁၢပ်ႇၵၢၼ်သိုၵ်း တႄႇဢဝ်ဢႃယု 18 ပီ တေႃႇထိုင် 45 ပီ ၼႂ်းၸႄႈဝဵင်းလၢင်းၶိူဝ်း ၸိုင်ႈတႆးပွတ်းၸၢၼ်း။   ၵူၼ်းပိုၼ်ႉတီႈ ဝဵင်းလၢင်းၶိူဝ်း လၢတ်ႈတီႈၽူႈတွႆႇႁွၵ်ႈဝႃႈ...

ၵူၼ်းမိူင်းၼႂ်းထုင်ႉမိူင်းပႃး သွင်ၵေႃႉ ၼႂ်းၸႄႈဝဵင်းသႅၼ်ဝီ ၺႃးၸုမ်းယိပ်းၵွင်ႈၵၢင်ႇဢမ်ႇႁူႉၾၢႆႇ ယိုဝ်းတၢႆထင်တီႈ။ မိူဝ်ႈဝႃး ဝၼ်းတီႈ 13/03/2025 ယၢမ်းၵၢင်ၶမ်ႈ ၽူႈၵွၼ်းဢိူင်ႇဝၢၼ်ႈမွၵ်ႇၸလီႇလႄႈ လၢၼ်ၸၢႆးမၼ်း ၼႂ်းထုင်ႉမိူင်းပႃး ၺႃးၸုမ်းယိပ်းၵွင်ႈၵၢင်ႇ ဢဝ်ၵွင်ႈယိုဝ်းတၢႆ တီႈႁိမ်းဝၢၼ်ႈပၢင်ၽၢတ်ႇ လႅၼ်ၶႅၼ်ဝဵင်းသႅၼ်ဝီ - လႃႈသဵဝ်ႈ ၸိုင်ႈတႆးပွတ်းႁွင်ႇ ၼႆယဝ်ႉ။ ၵေႃႉၺႃးယိုဝ်းတၢႆၼႆႉ ၸိုဝ်ႈႁွင်ႉ လုင်းသႃႇၺုၼ်ႉ ပဵၼ်ၽူႈၵွၼ်းဢိူင်ႇ (ဢုၵ်ႉၵထ) ဝၢၼ်ႈမွၵ်ႇၸီႇလီႇ...

တင်ႈတႄႇ ၼႂ်းႁူဝ်ပီ 2025 မႃး ၸဝ်ႈၵၢၼ်ပၢႆးမၢၵ်ႈမီးလႄႈ ၵူၼ်းမိူင်းၸိူဝ်းဢွၵ်ႇၶၢဝ်းတၢင်းၵႂႃႇမႃး ၼႂ်းမိူင်းတႆးပွတ်းႁွင်ႇ လႆႈပၼ်ၶွၼ်ႇ တီႈၸုမ်းယိပ်းၵွင်ႈၵၢင်ႇၼမ်လိူဝ်ၵဝ်ႇသေ ႁဵတ်းႁႂ်ႈတုမ်ႉတိူဝ်ႉပၢႆးမၢၵ်ႈမီး ၵၢၼ်ယူႇသဝ်းၵိၼ်သၢင်ႈၵူၼ်းမိူင်း ၼႆယဝ်ႉ။ မိူဝ်ႈပၢၼ်သိုၵ်းမၢၼ်ႈဢုပ်ႉပိူင်ႇမိူင်းၼၼ်ႉ ၼႂ်းမိူင်းတႆးပွတ်းႁွင်ႇ မီးၵဵတ်ႉ/ လၢၼ်ႇသိုၵ်းမၢၼ်ႈ ပႂ်ႉၵဵပ်း ယွၼ်းၵိၼ်ငိုၼ်းတီႈၸဝ်ႈၵႃးၸိူဝ်းတေႃႉၵုၼ်ႇလႄႈ ၵူၼ်းမိူင်းၸိူဝ်းဢွၵ်ႇၶၢဝ်းတၢင်းၼၼ်ႉၼမ်သေတႃႉ ယွၼ်ႉမီးပၵ်းပိူင်မၢႆမီႈ လွင်ႈၶွၼ်ႇဝႆႉၵမ်းသိုဝ်ႈလႄႈ ဢမ်ႇပေႃးလႆႈႁဵတ်းႁႃၵိၼ်ယၢပ်ႇ။ ဝႃႈၼၼ်သေတႃႉ ယွၼ်ႉသိုၵ်းမၢၼ်ႈ ဢမ်ႇၸွမ်းပၵ်းပိူင်မၢႆမီႈဢၼ်တမ်းဝၢင်းဝႆႉၼၼ်ႉသေ တင်ႈၵဵတ်ႉ/...

ယၢမ်းလဵဝ် သိုၵ်းၵဝ်ႈၵၢင်ႉ MNDAA ႁွင်ႉဢဝ်ၵူၼ်းမိူင်းၼႂ်းၸႄႈဝဵင်းလႃႈသဵဝ်ႈသေ ႁဵတ်းပၢင်ၵုမ် တႃႇၸတ်းပၢင်ၼႄၵၢင်ၸႂ်သၢၼ်ၶတ်းတေႃႇ လူင်ပွင်ၸိုင်ႈမိူင်းၶႄႇ ယႃႇႁႂ်ႈမႃးသုၵ်ႉယုင်ႈၸွမ်း ၼႂ်းတွၼ်ႈၶၵ်ႉ ၵၢၼ်ဝၢၼ်ႈ ၵၢၼ်မိူင်း ၵၢၼ်သိုၵ်း ၸုမ်းၸၢဝ်းၶိူဝ်းယိပ်းၵွင်ႈၵၢင်ႇ ၼႂ်းမိူင်းမၢၼ်ႈ ၸိူဝ်းၼႆႉ ဝႃႈၼႆ။ ၵူၼ်းမိူင်းပိုၼ်ႉတီႈ ၼႂ်းဝဵင်းလႃႈသဵဝ်ႈ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ - “ႁဝ်းဢမ်ႇၶႂ်ႈၵႂႃႇႁူမ်ႈၸွမ်း။ တေၸၢင်ႈႁဵတ်းႁိုဝ်လႃႇ ငိူင်ႉဝႄႈဢမ်ႇလႆႈလူး။ ပေႃးသိုၵ်းမၢၼ်ႈၶိုၼ်းၶဝ်ႈမႃးၵေႃႈ...

ပူၼ်ႉမႃး ဝၼ်းတီႈ 10/03/2025 ယၢမ်းၵၢင်ၼႂ် 9 မူင်း ၾႆးမႆႈႁိူၼ်းယေးၵူၼ်းဝၢၼ်ႈ ၼႂ်းဢိူင်ႇပၢင်ႁၢင်ႇ ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ လင်ၼိုင်ႈ ယွၼ်ႉၾႆးၾႃႉသျွတ်ႉ ဝႃႈၼႆ။ ႁွင်ႈၵၢၼ်ပိုၼ်ၽၢဝ်ႇ ၾၢႆႇတပ်ႉသိုၵ်းတဢၢင်း TNLA ဢွၵ်ႇဝႆႉတႄႉ - “ယွၼ်ႉၸဝ်ႈႁိူၼ်း ဢဝ်မၢၵ်ႇထၢၼ်ႇ (ဓာတ်ခဲ) သႂၢင်းၾႆးၾႃႉဝႆႉသေ ဢွၵ်ႇၵႂႃႇႁဵတ်းၵၢၼ်လႄႈ ႁဵတ်းႁႂ်ႈမၢၵ်ႇထၢၼ်ႇၼၼ်ႉ...

မိူဝ်ႈဝႃး ဝၼ်းတီႈ 12/03/2025 ယၢမ်းၵၢင်ၶမ်ႈမွၵ်ႈ 9 မူင်း ၼၢင်းယိင်းၵေႃႉၼိုင်ႈၺႃးၸူၼ် ၶႃႈတၢႆဝႆႉ ၼႂ်းၵၢတ်ႇလူင် (ၵၢတ်ႇၵဝ်ႇ) ဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ ၼႆယဝ်ႉ။ ၵေႃႉၺႃးၶႃႈတၢႆၼႆႉ ပဵၼ်ၸၢဝ်းၶိူဝ်းမၢၼ်ႈ လုၵ်ႉတၢင်းဝဵင်းလႃႈသဵဝ်ႈသေ မႃးၶၢတ်ႈယူႇတီႈဝဵင်းသႅၼ်ဝီ ဢႃယုမွၵ်ႈ 50 ပီ ၶၢႆပႃႁႅင်ႈပႃၼဝ်ႈ ၼႂ်းၵၢတ်ႇသႅၼ်ဝီမႃး ပီယၢဝ်းၶၢဝ်းႁိုင် ၼႆယဝ်ႉ။ ၵူၼ်းဝဵင်းသႅၼ်ဝီ...

တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA သင်ႇဢိုတ်း ႁူင်းယႃသုၼ်ႇတူဝ်ၵူၼ်းမိူင်း ဝဵင်းၼမ်ႉၶမ်း မီးၶၢဝ်းတၢင်း 10 ဝၼ်းပၢႆယဝ်ႉ ပႆႇပိုတ်ႇ ၵူၼ်းမိူင်းတုၵ်းယွၼ်းႁႂ်ႈပိုတ်ႇပၼ်ၶိုၼ်း ဝႃႈၼႆ။ ဝၼ်းတီႈ 01/03/2025 ၼၼ်ႉ ယူႇတီႈ သိုၵ်းတဢၢင်း သင်ႇဢိုတ်း ႁူင်းယႃသုၼ်ႇတူဝ်ၵူၼ်းမိူင်း “ၶျႄႇရီႇမျေႇ” ဢၼ်ပိုတ်ႇဝႆႉတီႈၼႂ်းပွၵ်ႉၼွင်ၸၢင်ႉ ၸႄႈဝဵင်းၼမ်ႉၶမ်း ၸႄႈတွၼ်ႈမူႇၸေႊ ၸိုင်ႈတႆးပွတ်းႁွင်ႇ ၼႆယဝ်ႉ။ ၵူၼ်းပိုၼ်ႉတီႈ ဝဵင်းၼမ်ႉၶမ်း...

“ၶွပ်ႈၸႂ်ထိုင် ၵူႈမူႇၸုမ်း တီႈၸွႆႈထႅမ်သေ လွတ်ႈဢွၵ်ႇမႃး ၼႂ်းမိုဝ်းၸုမ်းယိပ်းၵွင်ႈၵၢင်ႇ” မႂ်ႇသုင်ၶႃႈ ဢွၼ်တၢင်းသုတ်း ဢၼ်ယူႇတီႈ မုၵ်ႉၸုမ်းသိုၵ်းၵဝ်ႈၵၢင်ႉ MNDAA ဢၼ်တီႉၺွပ်းၶႃႈဝႆႉသေ ၶိုၼ်းပွႆႇပၼ်မႃးၼႆႉ ၶႃႈႁဝ်း ပဵၼ်ဢၼ်ငိၼ်းၸူမ်းယႂ်ႇယႂ်ႇၼမ်ၼမ်ၶႃႈ။ လိူဝ်ၼၼ်ႉ ငိၼ်းၸူမ်းပႃးထႅင်ႈ ၵေႃလိၵ်ႈလၢႆးလႄႈ ၾိင်ႈငႄႈတႆး တူင်ႇဝဵင်းလႃႈသဵဝ်ႈ၊ ၸုမ်းတႆးၵူႈၸုမ်းၸုမ်းသေဢမ်ႇၵႃး သုၼ်ႇတူဝ် တီႈၸွႆႈထႅမ်ၶႃႈမႃးၵူႈၵေႃႉၵူႈၵူၼ်း၊ ပႃႇတီႇတႆး၊ တူင်ႇဝူင်းတႆး၊ ၵူၼ်းၼုမ်ႇတႆး တႃႈၵုင်ႈလႄႈ ၸုမ်းၵႅတ်ႇၶႄတၢင်းယိင်း...

တႄႇႁူဝ်လိူၼ်မၢတ်ႊၶျ်ၼႆႉမႃး တပ်ႉသိုၵ်းပူတ်းပွႆႇၸိူဝ်ႉၸၢတ်ႈတဢၢင်း TNLA တႄႇဢွၵ်ႇၶေႃႈပူင်ဝႃႈ ၵူၼ်းမိူင်းၵူႈ​ၵေႃႉ ၸိူဝ်းဢႃယု 18 ပီ တေႃႇ 45 ပီ တေလႆႈႁၢပ်ႇထၢမ်းၵၢၼ်သိုၵ်း ၼိုင်ႈႁိူၼ်းၼိုင်ႈၵေႃႉ တၵ်းတေလႆႈၶဝ်ႈႁဵတ်းသိုၵ်း ၼႂ်းၸႄႈဝဵင်းမိူင်းၵုတ်ႈ ၸိုင်ႈတႆးပွတ်းႁွင်ႇ ဝႃႈၼႆ။ ၵူၼ်းပိုၼ်ႉတီႈ ၵေႃႉၼိုင်ႈ ဝဵင်းမိူင်းၵုတ်ႈ လၢတ်ႈတီႈၽူႈတွႆႇႁွၵ်ႈဝႃႈ - “ဢမ်ႇၸႂ်ႈဝႃႈ ၶဝ်ၵဵပ်းၵူၼ်းလွႆ (ပလွင်ႈ)...

ထဝ်ႈယိင်း ဢႃယု 60 ပၢႆၵေႃႉၼိုင်ႈ ယူႇဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇ ၺႃးၸုမ်းဢမ်ႇႁူႉၾၢႆႇ တီႉၺွပ်းႁဵတ်းပဵၼ်တူဝ်ယိူဝ်ႇၵႂႃႇ ဝႃႈၼႆ။   ဝၼ်းတီႈ 10/03/2025 ယၢမ်းၵၢင်ၶမ်ႈမွၵ်ႈ 9 မူင်းၶိုင်ႈ မီးၵူၼ်းၸၢႆး 2 ၵေႃႉ ၶီႇၵႃး Crown သီလမ် လမ်းၼိုင်ႈ မႃးၵိုတ်းႁိမ်းႁိူၼ်း ပႃႈၸၢမ်သႅင်း ဢႃယု...

တပ်ႉပၢင်သဝ်း ၶိူင်ႈၵွင်ႈလူင် ဢၼ်သိုၵ်းတဢၢင်း TNLA ၵုမ်းၵမ် လႆႈတီႈသိုၵ်းမၢၼ်ႈဝႆႉ ဝၢၼ်ႈတွင်းၶမ်း ၸႄႈဝဵင်းၼွင်ၶဵဝ် ၸိုင်ႈတႆးပွတ်းႁွင်ႇ တႄႇၼႂ်းႁူဝ်လိူၼ်မၢတ်ႊၶျ်မႃး တပ်ႉသိုၵ်းမၢၼ်ႈ ၶဝ်ႈလူမ်ႇတိုၵ်းသေ ယိုတ်းဢဝ်လႆႈမႃးၶိုၼ်း ၼႆယဝ်ႉ။ လႆႈႁူႉဝႃႈ ပၢင်တိုၵ်းတီႈၼႂ်းၸႄႈဝဵင်းၼွင်ၶဵဝ် ဝၢၼ်ႈတွင်းၶမ်း ပွၵ်ႈၵမ်းၼႆႉ ၾၢႆႇသိုၵ်းမၢၼ်ႈ ၸႂ်ႉတိုဝ်း ၻရူၼ်ႊသေ ၶဝ်ႈလေႃႇတိုၵ်းမႃးႁၢဝ်ႈႁႅင်းလႄႈ ၾၢႆႇတပ်ႉသိုၵ်းတဢၢင်း ၸင်ႇလႆႈထွႆပၼ် တပ်ႉပၢင်သဝ်း...

ယၢမ်းလဵဝ် တီႈတူဝ်းၵဵတ်ႉ တၢင်းၶဝ်ႈဢွၵ်ႇဝဵင်းလွႆလႅမ် ၸိုင်ႈတႆးပွတ်းၸၢၼ်းၼႆႉ ယူႇတီႈ ပလိၵ်ႈမၢၼ်ႈ ၾၢႆႇၽဵဝ်ႈမူၺ်ႉယႃႈမဝ်းၵမ် တႂ်ႈသိုၵ်းမၢၼ်ႈ ၵုမ်းၵမ်ဝႆႉၼၼ်ႉ ၵူတ်ႇထတ်းၸႅတ်ႈထၢမ်ၵူၼ်းၵႂႃႇမႃးႁၢဝ်ႈႁႅင်း သင်ဢမ်ႇပႃးမၢႆၾၢင်ၸိုင် ၺႃးတီႉၺွပ်းၵုမ်းတူဝ်ဝႆႉ။ ၵူၼ်းႁေႃႈၵႃး ဝဵင်းၼမ်ႉၸၢင် - တူၼ်ႈတီး လၢတ်ႈတီႈၽူႈတွႆႇႁွၵ်ႈဝႃႈ - “တီႈတူဝ်းၵဵတ်ႉလွႆလႅမ်ၼႆႉ တေပဵၼ်ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ်ၶဝ် တေႁွင်ႉလူင်းၵႃးသေ ယိုတ်းမၢႆၾၢင်ဝႆႉ ယဝ်ႉၵေႃႈ ဢမ်ႇလၢတ်ႈတေႃႇလီလီ။...